رواية ساقي الود الفصل الخامس والعشرون بقلم هاله ال هاشم
.
عمري بردين شتا وبكاع هيمة
عمري سباحة بجرف عاشت يتيمة
وأنت مطرت صيف مرت ياحريمة
سليمـان :: اطلعي برا ود
هزيت راسي بعنف :
-ما اطلع بـابـا ، لهنـا وكافي ، وداد ، وداد ، وداد ماعدكم غيرها ، نامت بكبرهـا و ما خلصت لا منك و لا منه و من اهلـه !
8
باوعت لغيـاث بمرارة و هتفت :
اااي مثل ما گتلك امي مو غدارة ، أمي هي المغدورة بكل هاي القصـة و اول الغدارين ابوك و انت تعرف كلش زين شلون غدرهـا ، بأعتبار دفتر مذكراته يمك .
5 ت
انتفض و گام على حَيله يرادد :
غَيـاث :: بـله ما تگليلي شلون غدرهـا ، بسلا هو الباعها
و تزوج صاحبتها ؟
2 ت
-شلت راسي اباوعلـه حطيت عيني بعينه و همست :
لا ، بس چذب عليها سنتين ما گللها متزوج ، و لوما جذبته هاي يمكن امي بهاي السنتين شافت نصيبها وچان لهذا يومك عايشة و متنعمة بوسط اسرة و زوج واولاد ، بسبب ابوك بطلت حتى من جامعتها و هي بآخر سنة ليشششش ، حتى لا ابوك يتأذى !
يباوعلي بصدمـة ، جان مستوعب القصة من جانب ابوه وبس ، متناسي تماماً جانب معاناة امي بهذه العلاقـة
3 ت
غياث :: و تشوفين هذا مبرر ، تنتقم منـه بصاحبـه ، ما لگت غير خويـه تاخذه ؟!
5 ت
- نزلت دمعتي و آني اشوف ابويـه شلون مدنك راسـه بحضنه عاجز يكوله كلمة و يدافع عنها ، باوعتله وصحت بدموع :
ما تحجي بابا ، لو عاجبـك امي ينجاب طاريها بسوء كل هذهِ السنين ؟
صفن بوجهي ضايع ، همس بصوت مهزوز
سليمان :: شتريديني احجي ، و لكم ثنينكم ما تستحون جاي تتكاونون جدامي و بعرضي !
7 ت
-ضحكت بمرارة ، صفكت ايديه بأسف و صرخت :
خذلانك ربالي علّة بگلبي !
3 ت
احب اكلك آني التقيت بليلى ببغداد وحجتلي كل شي
بوجوه مصدومه ثنينهم صاحوا :
سليمان :: ليلى ؟
غَيـاث :: ليلى ؟
-باوعتلهم ثنينهم ، اااي ليلى صديقة أمي الروح بالروح ،
و هسـه يا حجي سليمان ما ناوي تحجي الحقيقة ، ما ناوي تگله ، وداد مظلومة و انك انت الي دخلت لحياة سلام بحجـة الصداقة و المي يجري من جوه رجلين جابر ؟
11 ت
گله شلون عرضتله فلوسك و منصب چبير بالحزب حتى يزوجك اختـه ، گله شلون سلام هددها بقتل جـابر لو فكرت ترفضك او تلتقي بيـه ، احجيلة دافع عن مظلوميتها لييييش ساكت باباااا
13 ت
سليمان :: بسسسسج عاد ، اااي انه انه الغدرتهم ، انه السبب بكلشي وداد مالها ذنب ، تزوجتني غَصب وعاشت وياي غصب عبن گلبها مات و اندفن وي جابر و أعترف حتى من ماتت ارتاحيت ، عبن چنت اشوفن جابر بوجهها ، چنت احس بي واكف ما بيني وبينـها بكل دَمعة تنزل منها ، بكل غنوة تسمعها بكل صفنـه جنت اشوفنّه حاضر بعيونها، حتى بيچ !
و آنه مثل اليريد يجلد رويحته و يعذب نفسـه ما اعترضت على رادتها ، ظلت تايهه مثل ورده بوسط ريح ،مليت و انه احاول اخليها تحبني مثل ما انه عشكتها ، غركت بالحزن كلش و ما كدرت اطلعها لحدما راحت و خلصت مني و من اخوهـا ، صح ايدي طايلة واشتريتها لچن ايد الموت اطول ، خذاها مني
و رداها لجويبر ...
12
-چـان كاعد ، يشهك مثل الطفل و شكهاته ودموعـه كطعن انفاسـه ، دموعي تنزل سكته بس موعليه عليها هي ،
1 ت
صدت عيني بعين غَيـاث الي تجمعت خسارات العالم كلها بيهن ، يباوعلي بتوسل ، ذبل رمشه بحزن ما ينوصف :
11 ت
تهاوى للكرسي كعد و يفرك بصفحة صدره ، و يجاهد على شهكة النفس ، حسيته مريض بس ما گدرت اشفق بحاله و ما اكله هالكلام :
-وهسه عرفت الحقيقة ، چم سنة يرادلك تعتذر منها ؟
وله اكولك برأيي من هاللحظة ابدي اعتذر لحد الموت، بلكي الله تسامحك
ميل راسـه بضعف ، عيونـه تتوسلني اعوفـه قبل لا ينفجر
اباوعلهم ثنينهم متشظين ، حيلهم انهد و كأنهم سافروا بالزمن لذيج الايـام واكفين بقاعة محكمة ، متهمين بأكل لحم ميت حدّ التُخمة و منتظرين القاضي يحكم بالعدل حتى يحررهم من هذا الذنب العظيم ، زوج ضام الحقيقة حالة حال شاهد الزور
و مجني عليه خلص عمره يتهم بريء، ثنينهم غلطوا و ثنينهم راح ينالون جزائهم عذاب الضمير .
15
نزل نظره عليـه و جوه عيونـه ندم عارم ، همس بنبرة مكسورة :
غياث :: ابوي ما غدرها ي ود ،، ابوي حباها مثل الهوا ، انتِ ما تعرفين امچ شني بالنسبة لجابر ، ابوي انچتل حلمه مرتين ي ود ، نوبه على ايد ابوه و نوبة على ايد صويحبه ، يمكن ابوي غلط لمن ضم عليها زواجـه بس يكولون العشك يدوهن و يعمي العيون و ابوي انعمى كلش من ساعة الطاحت عينـه على امچ ، شايفة ازلمة يتنفس انسـان ؟
11 ت
-دنگت راسي و بچيت !
بابا ...
تقرب عليـه غياث عدل جسمه و حجى وياه :
غياث :: عمي ،، تسمعني ؟
-أشرلـه ابويـه براسه بمعنى اي ،
غياث :: ماخذ ابرتك اليوم ؟
-هز راسـه ابويه بنفي ، باوعلي غياث و صاح :
غياث :: بسرعة جيبي ابرته
-طلعت اصرخ على كفاية تلحكنـا ، اجتي مهبوطة تصيح:
كفاية :: شكووو ؟
-فدوة الابر ، ابوية تخربط
توجهت للثلاجـة ، جابت الابرة و ناوشتها لغياث هو الي ضربه .
هز راسـه ابويه و ماحجـه بعد منتهي بمكانه، مشى غياث بأتجاه الباب وقبل لا يطلع همس :
غياث :: من رخصتچ ود
3 ت
- باوعت لكفاية ، عيونها تحثني اتقرب عليه و اشوفـه شنو يريد ، مشيت بحذر بأتجاهه ، كفاية اخذت ابويه لغرفته
و طلعت ، همسلي بخفوت :
غيـاث :: خوش ماخذه راحتچ ، تفترين بثوب ضيج و الشعر يتمايل عالظهر
20 ت
-بيت ابويه ، محد الـه يمي شي
غياث :: اها جـا خوش ، الله يخلي ابوچ بس خلي ابالچ زلام ابوچ يفترون بره ، رجليج متوصل للبـاب ، خيالچ محد يلمحة وحديثنا ماخلص لهنا
4
-ماعندي حديث بعد ويـاك ، طلگني احسن ما اجبرك تطلگني
3 ت
ابتسم بخبث و همس بثقة :
غياث :: جبريني الله عليچ ،، اموتن بالجبر
هزيت راسي بأسف ، همست :
الله وياك غيـاث
2 ت
مـارديت عفته و مشيت ، انطبك الباب عرفته راح ما التفتت وراه ، بلعكس ارتاحيت من راح شخصيته يوم عن يوم تخوفني ، غروره و هوسه و الطريقة الي يسولف بيها و كأنـه امتلكني تحسسني النفور منه، لاكتني كفاية تهربت من نظراتها ، انهزمت لغرفتي، انطويت على نفسي و كسرتي ، شلون غلطت و حبيته ، و من اتذكر شسووه بيه و شلون خلاني بموقف بذيج الليلـة احقد عليه هواي ، شكد صغرني بعين نفسي ، شكد آلمني ، فركت صدري حيل يوجعني حبـه ،
يا ترى هم يجي يوم اتشافى منـه و من ذكرياتي وياه ؟
9 ت
جففت دموعي و نزلت جوه ، حسيت اريد اتواجد يم ابويه بهذهِ اللحظة ، طرقت الباب و فتت ، جـان نايم على صفحته ، هاي نومته دائماً عيونـه نصف مفتوحـه من شافني غَمض بس ظل البؤبؤ يتحرك جوه جفنه ، ابتسمت و همست :
-اول مرة اعرف النايم يحجي بنومته ، تحديث جديد لو شنو ؟
3 ت
فتح عينـه ، كعد نص كعدة و باوعلي بحنق :
سليمان :: تتمهزئين عليه
3 ت
-حشا بابا ، بس احسّ اريد نسولف بعد
سليمان :: شنسولف و انتِ ضيعني ام السالفة ، وديت عالزلمة انتفاهم ، بيج طفكة دشيتي علينا مثل السعلوة
-قوست شفايفي بزعل ،
اني سعلوة ؟
4
باوعلي بنظرة طويله و مثل الشرد بفكره بعيد ، ابتسم رغم ذابن عيونـه بالدمع
1 ت
سليمـان :: انتِ جنبذة ، وردتي، وردة وداد
8 ت
-گال و ظل يشهك و يهتز بألم ، اقتربت منـه كعدت بجواره
و لأول مره اخذه لحضني و ثنينها تشاركنا المصاب ، رثينـا اميرتنا ، و كأن توها اندفنت امامنا
-تساءلت :
الي اعرفـه عنك جريء بكلشي و تتصدى لاي مشكلة و الدليل شغلك هسه دايماً انت بالمواجهة معقوله بابا ماكدرت تواجه أمي بمشاعرك ؟
2 ت
سليمان :: جنت شجاع بكل شي و اتصدى لأكبر طلابـه الا جدام امچ اتدوهن و ما اندل دربي وين ، چانت اذا تفوت گلبي يريد يطلع من مچانة و يركضلها ، خفت اواجهها و انه طول عمري يسموني العليل ، ابو السكر المايكدر يتزوج ويخلف مثل باجي الزلم ، سنين وانه اسمع هالكلام ياكل ويشرب وياي لحدما اقتنعت صدك انه ما اكدر احبن و اتزوج واصيرن اب
9
-هه خرافات اهل گبل
سليمان :: هاي بعد ، شافوني معجعج و كلساع اطيحن من طولي وتموع روحي، الله يرحمج يمه چانت تكلي الف نذر
و نذر يله صار بيك علچ لحم مشت عليه للكبر ، لحدما اني اقتنعت بالسالفة و شفت روحي صدك عليل و ما ينفع اتزوج ، لچن من دخلت الكلية و قريت كتب و مصادر عرفت هالمرض ماله غرض بالزواج و الخلفة ،
سليمان :: بس تعرفين يبقى بداخل الواحد شك ، كلما اريد اتقدم خطوه اتراجع الف خطوة من اذكر ايدين امي و هي شابكه ايديه و ما خلت امام يو مزار الا و شدتلي علك بيه ، ايدي بأيدها و تفتر بيه من مرقد لمرقد وكل دعائها چان اكبر چدام عيونها و اكدر اتزوج و اصيرن ابو ، صرت اخافن من النسوان ابد ما جرب عليهن بس امچ ،، اااخ يا ذيج الكصيبة !
من اول هيل طاحت عيوني عليها خذتني
8 ت
-دمعت عيوني من شفته شلون يتكلم عليها بعشق ، سألته :
-چنت تشوفها حلوة ؟
1
سليمان :: مـا جنت اشوفن مرة غَيرها ، امج مو بس حلوة هادئة و وجهها ينطيج امان ، من اتنوعلها اهيس بالراحة
و الحرب البداخلي تهود .
2 ت
-ليش يا بابا ما صارحت جابر ، ليش ما كتله انك تحبها من البداية
-بس هي مجانت حرمته
سليمان :: من اول يوم دگ گلبه الها كال هالطيرة تسمت بأسمي ، و بس الموت يبعدني عنهـا
8
-صوته انهز من گال اخر جملة ، و دمعته نزلت بلا خجل گدامي ، بهاي اللحظة حسيتني مرآة و ابويه تعرى گدامي من كل الاسرار و الخفايا و الجروح الي صعب تُمحى ، حرصت بأن ما اقاطعه ، استرسل بندم مبالغ :
2
سليمان :: لعب بعكلي الشيطان و رسملي خطة خبيثة ، رغم شكد حاولت ما انجرف بسوء افكاري بس بالاخير شري انتصر على خَيري و فكرت بطريقة خبيثة تسللت لحياة اخوهـا
و عرفت شعدهم و ماعدهم ، ايتام جوه جناح سلام ، چـان حلمة يترقى لمكانة زينة بالحزب و يصير عدهم بيت و لا مذلة الايجار ، استغليت جشعة و طمعة بالجاه و المنصب
و الفلوس ، و لمن وكلته لحدما تخمته ، طلبتها منـه ، ما كدر يرفض صحيح تردد بالبداية لون هم بغداد و اني محافظات اختلاف عادات و تقاليد بس بالنهاية ماكدر يرفض و يخسر كل هذا الخير
3
-مكدرت اكتم شهكاتي ، من تصورت معاناة امي گدامي
تسائلت بنبرة متلعثمة :
يعني لمن گلت لامي عن جابر متزوج و عنده ولد چنت متقصد ؟
2
سليمان :: فلت لساني بلحظة شيطان ، عمتني الغيرة من اشوفنها شلون متلهفة على طارش منـه من چان يغيب
1 ت
-باوعتله بعتب :
اذيتها بـابـا ،، لو تدري سلام شمسوي بيها حتى ترضى بيك
سليمان :: اعرف ،، كلشي كالتلي و ما اظن الله يسامحني ، لان انه هم اذيتها چثير
-شنـو قصدك ؟
-انداريت بالعجل و لا اراديـاً نطقتها
اسم الله و لا تجيب طاري الموت على لسانك ، بعدين شدعوة يحميني قابل عايشين بوسط غابة ؟
جر حسرة طويلة و همس :
سليمان :: امنيتي بس اشوفنج انتِ و كفاية بخير و بعدها شيصير بيه خله يصير
3 ت
هزيت راسي و بكلبي اكول شكد عندك اسرار و خطايا ياسليمان
3 ت
سديت الباب عليه و تمشيت بخطوات متعبة للمطبخ الشي شميت ريحة اكل طيبة ، باوعت لكفاية چانت واكفـة عالكاونتر تثرم زلاطـة ، صحت :
اكول اني عليمن طالعة اخلص شغلي وكفـة
3 ت
اندارت تبتسم ، باوعتلها كلمـا تكبر تحلو بزيادة ،
-جريت كُرسي و كعدت كدامهـا ، صحت :
عمتي و من حقي انعجب بيها ، يا حظي بيچ والله
3
اقتربت باستني بخدي و همست :
كفاية :: اروحن فدوة لام لسين
-شمسوية عشا ؟
كفاية :: خير من الله حميسة و تشريب دجاج و زلاطة
6
-هذا غدا لو عشـا؟
1
كفاية :: لا مو الوليدات بره جواعـة ، زلم تكد و تتعب يراد تاكل چثير
-الف عافية على گلبهم ، اني سويلي لفة صغيرونه من الحميسة
كفاية :: حجي يفيدج ، تاكلين لوحيدتج عود، هسه احطن صينية و نلتم كلنه على حب الله
ضحكت ، و اعقبت :
تموتين عالانظمة و القوانين
كفاية :: ها خيرج شو تذبين كل حسرة هاكبرها
-لا بس اشتاقيت لزنوبة ، والله تخيلتها واكفة كدامي هسه
و هي هم مثلج نفسها كلش طيب بالاكل
كفاية :: يا حبوبة موش خابرتيها من يمي اول بارحة ، شمالها قابل صارت زينة و ابنها زين ، حكـه ما كتلج ودتلي صورة كالت راويها لود بس لا تكليلها انه كتلج
-بعدها شايله عليه لان انهزمت رغم شرحتلها كل ظروفي
كفاية :: جـا انه شكتلج ، ظروفج شي و شردتج شي ثاني
هسه عيفينا من هذا الموضوع ، تعاي اراويچ ابنها
-طلعت تلفونها من جيب دشداشتها و اقتربت مني تراويني ، فتحت الصورة رأسـاً ضحكت ، هذا يشبه هارون
-لا وين اروح ، هالبيت ما ادخله بعد حلال عليهم حتى غراضي و هدومي تلكين ربحة لعبت بيهن لعب
كفاية :: ووويع لا تجيبين طاري هالخايسة الله لا يبارك بيها ، والله و روح امي غير اذا صدك طلعت مسويه وياج هيج الا اكص م*** و اذبه للجلاب
22 ت
-اوع كفاية ، لعبت نفسي شلون حاكل لفة الحميسة
3 ت
كفاية :: امشي ام حلج الفاهي
-صفنت عالكلمة ،، و تذكرته من چان يكولي اچلي ام حلج الفاهي ، ابتسمت بس عيوني دَمعن ، اخ من الذاكرة اسوء عدو للانسـان .
2 ت
لزمت كتفي و همست :
كفاية :: بيچ شي حبوبة ؟
1
-هزيت راسي بس غَصيت بالكلام ، ضميت راسي بحضنها
و بچيت : اريد اخلـص منه كفاية ،، اريد اغمض و افتح
و الكـاني ناسيته و ناسية العشته وياه !
طبطبت على ظهري بمواسـاة :
كفاية :: بسچ حبوبة ، لا تقهرين روحج ، كلشي ينحل وعيونج ، الله لا يسامح كل واحد صار سبب بدماركم
4
صبينـا العشا و كعدنا ابوية يتعشى ويانا ، كل واحد بينه ماخذته صفنـة الاكل يشهي بس اللكمـة ماتنبلع معدتنا تغلي
و گلوبنا متروسـة هم ، باوعت لابويه ماعون صدر دجاج مسلوك كدامه ، تجرأت و صرت افلسله و اجبره ياكل ، اندهش بالبداية بس استساغ الوضع ، اني وكفاية وحدة تباوع للخ
و تبتسم ، صحت ممازحة :
1 ت
-طلع مو مايشتهي ياكل بس اخوج يحب الدلال ، شوفيلة مرة
و زوجيـه اني مفارغـة
1
ضيق عيونـه عليه معاجبه
صاح ابوية بلهجة ساخرة :
سليمان :: مو جنـا مرتاحين عَليش حطيتن الزواج بالنص هسه انتن تزوجتن ما تكللي شحصلتن ؟
7
كفاية :: اي والله الظاهر ما عدنا حظ بالزواج
2 ت
-راح اكتب على بابنا : شعبة المطلقين و الارامل ادفر الباب برجلك و اشترك مجاناً
25
سليمان :: ههههه
كفاية :: دهر دهرج منين جيبين هاي السوالف
-الله يسامحج فيفي فوك هالدهر هذا شيصير بيه ؟
صاح ابوية بلا وعي :
-اسم الله عليج
باوعتله عيونـه تباوعلي بحب ، نصيت راسي خجلانه
1 ت
سليمان :: لا ، لاطلعين مازال بعدج على ذمة رجال خليني اخلص هالسالفة على خير و بعدها شتسوون سوون
كفاية :: عداك العيب خويـة
-تمام راح امشي اموري بدشاديش كفاية التسحل عليه
ضحكت و صاحت :
كفاية :: عوينة ابوي و انه اخليج تلبسين وراي يجوهرة داوود من عين باجر اروحن للسوك و اجيبلج سياك كامل
1 ت
-فديتج احلى عمـة
باوعلي ابويه و رد باوعلها
سليمان :: ودي خنيجر يجيبلها تلفون و يطلعلها شريحة
-رمشتله بعيوني بغنج
2 ت
اشاح بنظره و همس :
لا اراديـاً طفرت عليه حضنته و كتله : شكراً
بقى مبهوت ، و استحيت اني راساً ابتعدت ، بس حرفياً اول مرة بعد شهور ثگال حسيت بگلبي مرتاح رغم الليل نفس الليل يمر عليه بخوف و احتياج للعلاج ، كوابيس و خوف من باجر ، بس فكرة انك عندك عائلة و سند فكرة مريحة و تحسسك بالأمل
9 ت
ثاني يـوم گـعدنا ، على صوت رصاص و صياح عالي، كل ظني الموضوع يخصني صارت عندي مثل ردة الفعل ، لميت روحي بزاويـة غمضت عيني و سديت اذاني ، جسمي يهتز بخوف ، تخيلت راح يفوتلي هذا الطلق و يزرف جسمي لحظات وصعدتلي كفاية ، اجت تقربت يمي حضنتني :
2 ت
كفاية :: اسم الله حبوبة ، ماكو شي شمالج ترجفين يبعد چبدي
-صوت طلق ، شكو برا كفاية ؛ معقولة عمي رجع عليه لو هذا غيـاث ، اخاف والله
كفاية :: لا حبوبه ، هذا ابن عمج الزمال جاي يهادد علينـا
و يريد يچتل خنيجر چيف ذيج النوبة مسح بحمدان الكاع ،
لا تخافين هذا واحد بوخة اقوى شي عده يرميله چيلتين
1 ت
-گلبي يوجعني والله ، شوكت نرووح لبغداد اريد اخلص منا بأسرع وقت
كفاية :: مظل شي حبوبه ، بس نطرش لزلمتج خبر خوما يصير ناخذج من دون علمة مهما كان زوجج و انتِ بعدج على ذمته
-بعد لحظات ، هدأ الوضع و الصياح أختفى ، همستلي
كفاية :: امشينا ننزل
-والله اخاف انزل ، شوفي ايدي شلون ترجف
نزلت جوه ، لكيت ابويه كاعد يتفرج اخبـار بالديوانية و كفاية راحت تحضر الريوك و لا كأن شيء صاير ، دخلت سألته بفضول :
شو كـاعد هنا ؟
سليمان :: چـا وين اروحن ؟
-شنو مسمعت الطلق و العياط قبل شويه ؟
سليمان :: هذا ابن عمچ المخسبك مسوي روحـه ازلمة و جاي يتهادد على خنيجر ؟
3 ت
-وتالي خما تأذى خنجر ؟
سليمان :: يخسى هالجايف ، چا غير خنيجر انطاه المقسوم
و وله لبيتهم
6
صفنت عليه ، باوعلي بفضول :
كفاية كالت راح تعلمني الرمـاية .
1 ت
ابتسم برضا
سليمان :: چا خوش تعلمي خاطر اجيبلج سلاح مرخص
-اااي و امنيتي اجربة بفد وحدة
5 ت
ضحك و صاح :
سليمان :: عيوز الشر ، حتى الچيلات ما يمضن بيها
5
-اريد اسألك سؤال
سليمان :: جواب
-تتوقع غياث صدك بريء من دم امي و الي سواها غيث؟
سليمان :: الله العالم بس ما استبعد غياث يكون بريء
و شال التهمة عن اخوه من صغره چان شايل همه
و مسؤوليته رغم ثنينهم نفس الكصة بس شني الي يخلي البدوية تكذب ابنها ؟
-واضح تريد تبعدني عنـه بكل صورة
قلص عيونه عليه و تساءل بنبرة شك
سليمان :: و انتِ راح تبعدين عنـه ؟
-اشحت بنظري بعيد ، همست بكسرة :
لازم يصير هذا الشي ، ظروف لقائنا و زواجنـا كلها غلط بغلط
سليمان :: راح اودي عليه و نسولف ، و الكاتبة ربچ يصير
بس خليها ابالج غياث عنودي مثل ابوه ، لازم نسايسه لا تهجمين گبل و تضيعين حكج بأيدج
1 ت
-حاضر ، بس اذا اصر عالعناد ماعندي وسيلة ضغط غير اني اكله على قراري
سليمان :: الله كريم ، فكري برويحتج هسه ، بالنهاية هاي امه لابد يرضى بقرارج خما يخليها تتصيح بالديرة
-لو صارت بابا ، تتوقع القانون ينصفني ؟
-اليثبت انه محد غيرها يشتغل بالاعشاب ، و اني تسممي اجه من المواد العشبية
سليمان :: صحيح بس هم يرادلج حجة و شهود ، عموماً خل نشوف شيطلع بيدنا اليوم و نقرر بس ...
-بس شنو بابا ، ينعاد التاريخ و نسكت للجاني و يضيع حق المجني عليه بسبب الفضيحة و العار و مجاملة هذا و ذاك ،
و آكلها مثل ما اكلتها امي
1 ت
غيم وَجهه بحزن ،
سليمان :: مصرة كلساع تذبين ملح عالجرح
-اسفة ، بس انت تجبرني احياناً
عمومـاً خابره خلي يجي العصر نتفاهم ،
سليمان :: تمام ، روحي هسـع واني اخابره مالچ شغل
ذبت العلاليك من ايدها ، تحاول تلتقط انفاسها ، ناوشتها كلاص مي شربته چرة وحدة ، رغم شتا و باردة بس چانت محترة و خدودها محمرات ، غازلتها بتلاعب :
3 ت
-خدود لو تفاح لبناني عوينة ابوچ
1 ت
كفاية :: هههه يا فلك شوف شلون تسولف مثلنا و تتغزل بيه ، تعاي تعاي جربي شوفي شجبتلج
1 ت
-اقتربت بفضول ، هممم شنو جبتيلي ؟
كفاية :: العيد و ملاعيبة ، هاج اول هيل هذا التلفون
و الشريحة خنجر جابهم يكول خوش تلفون مثل العنده
تناوشته منها ، فتحته و عجبني لونـه
-ممم حلو ، و لونـه هم حلو والله خنجووري عنده ذوق
8
كفاية :: چـا شعبالج ، الله يحفظه هالوليد من اول هيل طاحت عيني عليه عرفته زلمة كفو
كفاية :: دايمـاً اشوفنج تتحسرين عالاخو ، و عندج حك الاخوة عزوة ، بس بوكتنا هذا موش كل اخو سند اكو بيهم يصيرلج عدو و العياذ بالله
-احس تقصدين حمدان الخربان
1 ت
كفاية :: عيب خايبة هذا عمج
-مسحت وجهها قبل لا توكع دمعتها ، كحت و صاحت :
كفاية :: شوفي شنو چبتلج ، هاي هدية عيد ميلادج من ابوج
-مدتلي ايدها بعلبة مجوهرات حمرة قديفـة ، تناوشتها منها بفضول و رأسـاً فتحتها :حجل ذَهب بي نزلات كلش نازك ، انكمش گلبي و دَمعت عيوني ، همست بنبرة متحشرجـة :
شكراً هواية بس شمعنى حجل ؟
3
جرتني لحضنها ، باس صفحة راسي و همست :
كفاية :: غير يهيم عليچ ، الف عافية ، و هاي تفانيف
و سوالف مال بيت كلشي جبتلج حتى شامبو و شغلات مال جسم .
1 ت
-حضنتها بقوة ، و اندعيت ربي يحفظها اليه ..
بين ما تغدينا و سبحت و شربنـا چاي ، وصـل غياث قبل موعدة ، من گالتلي كفايه كاعد جوه بالديوانيـه گلبي صار يدك سريع ، و تيهت الكلام الحفظته براسي اكو شي واكف حائل ما بيني و بين الحجي الاريد احجي بس خفت اجرحة مو سهل الانسان ينجرح بأمـه ارتأيت اسولف بس بمسألة الدواء فقط
3
رحت اكعد ابويـه ، لاكتني كفايـه بيدها صينية بيها چاي ،
كفاية :: روحي وديله الچاي و انه اكعد ابوچ
1 ت
كفاية :: لايمه اني استحي روحي ترى بعدچ على ذمته ، انه رايحـه اكعد ابوج ما يتأخر عليج
تنهدت ، اخذتها منها و دخلت بقلب ميت ، هسه شنو قابل ياكلني ، بس شافني لاحت على طرف شفته ابتسامة خفيفة بسرعة محاها ، سلمت و قدمتله الچـاي ، انعقدن حواجبه ببغض ، رد :
2 ت
غَياث :: ثوبج مدلع ، و من تدنجين صدرج كله يطلع شنو
بويـه مال سايب
13
-لا المـال رجع لصحابه ، و ارجع واكولك بيت ابويه و براحتي
2 ت
دس جكاره بزاويـة فمـه ، حرقها ، جر منها نفس واطلق دُخانها بوجهي ، حدقلي بمكر ، همس :
غيـاث :: ليش تخليني اگوم هسه اثبتلج المال مالي لو مو چنتي ابيت ابوچ
6 ت
-رمشت مرتين بعيوني يلا استوعبت كلامـه ، احتقن وجهي
و صحت : شوكت طلكني ؟
رفع جواجبـه و اجاب :
غيـاث :: اااي و شتكليلهم اريد اشتكي على رجلي چيف نام ويايه ؟
6 ت
-مُصـر تخليني اكرهك مـو؟
غياث :: لا انتِ تحبيني ، بس غرورج مانعج تعترفين
2
-وانتَ تحبني ؟
1 ت
غيـاث :: انه عبرت مرحلـة الحب وياج و انتِ تدرين
-اذا تحبني طلكني غياث ، بلا مشاكل و اذية
غيـاث :: بس انه ما اكدر اطلكج ود
-و اني ما اكدر اعيش وياك بعد و لا اكدر اسامحك عالسويته بيه ، اتركني اتلاحك لروحي ، اريد ارجع لبغداد وراية رحلة علاج طويلة ، و احتمال اكمل حياتي هنـاك
استغرب و علامات الصدمة أعتلت وجهه :
غياث :: شني رحلة علاج طويلة ، ليش انتِ شبيچ ود؟
-قبل لا اجـاوبه ، دفع الباب ابويه برجله و فات ، و كأنه سمع اخر جمله گالها ، وكف بنص الديوانية و صاح :
سليمان :: انه طرشتلك خاطر نتفاهم على هذا الموضوع ، انه انطيتك أمانة يغياث ، و أنت ما صنت الامانة و الما يصون الامـانه لزوم يرجعها لاهلها
2
-أنتفض من مكـانه يهتز بعصبية :
غيـاث :: شنهي كلامك هذا يسليمان ، شني شفتني جوعتها ، عريتها ، عذبتها ؟
4 ت
سليمان :: لا ! انت سويت الأغم من ذني كلهن
صرخ بصوت عالي :
غياث :: اااي غير اعرف شسوويت ؟
سليمان :: انت مرضتها يغياث ، بنتي صارت حالها حال المدمنين .
غياث :: لحظـة افهم ، شني يعني مدمنـة ، لا انتم تريدون تسودنوني !
-باوعلي و صاح :
غياث :: فهميني شنهي يعني مدمنـة ؟!
سليمان :: موش انت الجبتلها العلاج نوبتين ؟
غيـاث :: اااي انه
سليمان :: علاجها مبدلينه، و حاطيلها ادويه تسوي هلوسه
وادمان ، طول هالمدة تصارع جدامك ماعرفت تحميها و هي بنص بيتك يا سبع السباع ، انه مخذول منك عبن ايدك تراعي الصغير گبل الچبير و عيونك ياما ساهرت خاطر تحمي هلك
وناسك عجيب شلون ما گدرت تحمي اكربهم لگلبك ؟
-اعترف بهذه اللحظة انقهرت عليه ردة فعلة و عيونـه الي تشكلت بيها خيوط حمر و صوته المهزوز بألم كسر گلبي ، همست بحزن عميق اشرحله :
غياث اني من جنت ببغداد مَريت على دكتوري و طبعًا شرحتله كل الاعراض الي انتَ تدري بيها و كل ظني هذه مضاعفات العلاج الي اخذته بكثره اخر فترة لكن الدكتور نفى هالشي
وأكدلي ما ممكن يصرفلي علاج يسويلي هيج اعراض ، چانت عنده شكوك كتبلي تحاليل والتحاليل اثبتت شكوكـه
بنبرة مخنوكـه تساءل
غياث :: شنهي شكوكـه و شطلع بالتحليل ؟
-چان شاك علاجي متبدل ، و للاسف بعد التحليل توضح اكو مادة سُمية اسمها ثوج*** بنسبة عالية بدمي وهالمدة تُستخلص من زيوت عطرية من بعض الاعشاب هي الي تسببلي هلوسـه و ادمان
غَيـاث :: بس انتِ من زمـان گلتي دواج خلص شلون المادة بعدهي بدمچ
غياث :: لا ،، مستحيل ،، مستحيل ، باوعلي بكسرة :
يعني هذا البيچ كـله من عدنـا
7 ت
غمضت عيوني بـتعب
الـصار صار بعد كل الي اريده ...
قاطعني بعصبية
غياث :: لاااا ،، ماكو شي اسمه الصـار صار ، انه اريد اعرف ياهو السواها بيچ
باوعتله بعتب ، فتح عينـه و استرسل:
غيـاث :: دَخيلج لا تكليلي شاكـه بيه انه المسممچ و لچ ود انه اچتل روحي و لا افكر اسوي بيچ هيج
4 ت
-اني اعرف منـو سوه بيه هيج ، بس راح تخليني اخذ حقي منـه ؟
غياث :: اطلع مـو رجال ان ما جبتلچ حكج
1 ت
-امك هي الي سممتني غياث ، ماكو غيرها ، من دزت ربحة حتى توكع شعري ، منو غيرها ضليع بطب العرب
سليمان :: مصيبة تحجي تبتلي تسكت يچتلك القهر
-باوعلنـا ثنينه بشك :
غيـاث :: شنهي قصدك عمي ، لا تذب الحجاية عالنص
-ماكو شي غيـاث ،
سليمان :: الا اكو عَليش ضامة عليه خل يعرف هالعيوز شكالتلج و شلون سممت عگلج عليه
-عيونـه نطن و شرايين كصتـه برزن ، حجـة بصوت مجروح
غياث :: اااحجي ود و ليرحم امچ ، لا تچتلون بيه عالبطيء مثل الي يحز الرگبه بسچينة عمية
5 ت
-مـا گدرت الزم دموعي ، يتدفقن على خدي و يچونَّي
گتلي مرة انك بريء من دمّ امي ، و انك شلت التهمة عن اخوك المرحوم بطلب من امك صح ؟
-امك بأكثر من مناسبة لمحتلي بأني غبية ، ادور ثار أمي واني نايمه بحضنك ، وشكد تجاهلت هذا الشي بس اصرارها بأن ترسخ الفكرة بدماغي غريب يمكن چانت تشتغلني بهدوء الى ان جتي اللحظة المناسبة و انطتني الجرعة الاخيرة و بصريح العبارة گالت انت الي قت لت امي ، انت هم مريض مثل غيث بس مرضك چان اخطر انتَ الي متعلق بأبوك و انتَ الوحيد الشاهد على معاناته وانت الي اخذت بثارك ...
ابتسم بمرارة و چتف ايده ،
غيـاث :: و انتِ صدگتيها ؟
-چنت ضايعة ما بين اصدك او لا ، تدهورت حالتي و الي أجج المخاوف بداخلي سالفة ثار بنين و ماضيك ويه امها
بوجـه عابس و صوت نافر تساءل :
غيـاث :: بنين و أمها ؟!
-قصتك ويه اماني !
صرخ بصوت جهوري :
سليمان :: هذا حجي امك ، هي الي گالتلها غياث چان رايد اماني بس خذاها اخوه و هي الي زرعت براسها سالفة ثارك منها لخاطر بنين ، استغلت عقلها المريض و نحشت بيه افكارها المسمومة دمرت بنتي و اذا سكتت عنها لا تظن اني اسكت !
2 ت
-بخيبة كبيرة همس :
غيـاث :: و انتِ طبعاً فسرتي كل السويته وياج بدافع الثار ، سؤال ، من بين كل هذا الصار ما شفتيني شكد احبنج ود ؟
1 ت
بالدمع جـاوبته :
-شفتك ، و تجاوبت وياك بس اهمالك قتل كل شي غياث،
عموماً ، كل الي اريده منك تطلكني و بالمقابل اني راح اسكت
وما اقدم دعوى على امك
3
وكف على حيله بس كل اطرافه ترجف :
غياث :: دعوى قضائية ؟
خزره ابويه و صرخ :
سليمان :: شنهي يبه تمشي وياك ؟
غياث :: اترجاج ود ، تعالي وياي ساعة و بأيدي ارجعج
باوع لابويه بترجي :
غياث :: عمي ، بروح ابوك انه لازم اخذها ، اريدن الحجي يصير جدامها
-باوعلي و بتوسل گال :
غياث :: بس هالنوبة و وعد مني كل التردينه يصير
1 ت
سليمان :: لا ماكو هيج حجي ، بنتي بعد ما تفوت لداركم
غيـاث :: لازم تجي و انتَ وياها بعد
-باوعت لابويه و همست :
خلص بابا ، راح اروح ويـاه و اني هم اريد اتواجه وياها
تجهزنا و صعدنا ويـاه ، و بهاللحظة ما شفت غياث گدامي ،
لا انسان مكسّور ، و مخذول من الدنيـا كلها ، استشعرت حسرته والصرخة العجز يصرخها ، مادري ليش ماخذنـا بس گلبي مقبوض واحساسي يگولي هاي النهاية لهواي اشياء وصلنـا لبيتهم نزلنـه من السيارة وعيني راحت بأتجاه البستان ، تذكرت كل الي صار بيه و الي سويته بيهم ، انمغصت بطني ، دعانا ندخل ، دخلنـا ، بفضول التفتت ناحية غَرفة البدوية منظر السخام و الحرق مرعب ، حديقتـه عبارة عن خراب ، گوة لزمت دمعة عيني، و لَمت نفسي شلون سَويت هيج ، شلون تجردت من انسانيتي وياهم ، شنو فرقي عن البدوية الي عاملتني بكل وحشية ؟
3 ت
دخلنا للديوانية ، دخلت كضيفة مو كزوجة ابنهم ، غريبة حدّ الالم هنا ، محد چـان موجود ، وكفنا اني و بابا بتأهب نتساءل : ليش جـابنه لهنا و شيريد يسوي ؟
لحظات و انفتح الباب ، كاموا يدخلون تباعاً و على وجوههم علامـات استفهام ، دخل الشيخ يتوكأ على عكازته القى السلام وردينا التحية بخفوت واستغراب ؛دخل مهران والبدوية الي تعتلي وجهها نظرة غرور ،ثم سعدية و زينب وسمرة وهارون وأواب تجمهروا داير مدايرنا مثل حفلة والدعوة كانت للجميع بقينا باهتين اني و بابا منعرف شنو القادم ، دخل غياث وكف بنصنا و صار يتفحصهم و كأنه يتأكد اذا ما كان احد ناقص صاح بصوت مخنوكـ :
3 ت
غيـاث :: ارتاحوا لا تظلون موجفين لان السالفة مطولة
-كل واحد اخذ مكانـه وجلس بضمنهم اني وبابا ،اجتي عيني بعين زينب وكأن وحدة تسأل اللخ شراح يصير ، قطع صمتنا صوت الشيخ :
يعقوب :: گول يوليدي عَليش جمعتنا هنـا
باوعلـه غياث و بصوت مجروح گال :
غيـاث :: جبت عمرك يا شيخ تحل طلايب الناس ، تجبر خاطر المكسور وترجع الحك لصاحبه و تفرض حل للمعسرات وانه اليوم كاصدك بس موش ابن جابر اعتبرني عابر سبيل انظلم
واجه يشتكلك مظلوميته ، ورايدك تحكم بالعدل .
-دمعنّ عيون الشيخ ، مدلـه ايده المَرتعشه و صاح :
يعقوب :: تفضل گول العندك و ان شاء الله سالفتك محلولة
-بصوت متألم صاح :
غيـاث :: انه يا شيخ نچتلت و چتالي امي ، شنهي فراضتك بيناتنا ؟
6 ت
-فتح عينـه الشيخ بذهول ، و ظهر صوتها الحاد بأستنكار
البدويـة :: شنهي ،، شجاي تسولف انت ؟
5
يعقوب :: عالية !
-سكتت بس عيونها تتجادح ، امـا غياث ،، استرسل بنبرة مكسورة يأشر عليها و دمعته بطرف عَينـه :
غيـاث :: اريدنكم تسمعون قصتي الشلتها سنين مثل سچينة الخاصرة ،
هاي أمي المالي بيها شي عبن اخوي سبكني و اخذ كلشي گبلي ، هاي امي الما كلفت خاطرها و لمتني لحضنها
وفضلت اخوي و شغلها و صيتها بالديرة !
هاي أُمي ،، الماكدرت تحبني عبن گلبها ما يوسع لابنين
هاي امي ،، الشالت لعبتي جدام عيني و نطتها لاخوي
هاي امي،، النزعت اللكمة من حلكي لحلك اخوي
هاي امي ،،الي حكرتني على الغلط و على نفسه سامحت اخوي
12 ت
وراح يأشر على نفسـه و بصوت متشظي صاح :
غيـاث :: و هاي آنه، المحروم منها ، العشت كل سنيني بس حتى ارضيها ، چنت اتنوع لوجهها و اتحسر على نظرتها ، چنت اريدن انامن بسدها لمن اخاف بس تنهرني و تكلي المچان ما يوسعنا ثنينا ، چنت اتنوع لاخوي ادورها بي بس مالكه غير فضالة چلمة اليمه ، چنت اتاني بلچن الله يهديها وتذكر عدها وليد مستعد يفدي روحـه خاطر لفته منها كلشي سويت كل التريده سويته داريت اخوي و حاميتله و اذا تكاون انه اتصدى الچتلة عنه و ما فاد كلما اعاين بعيونها ما اشوفن غير اخوي يعوم بيهن
غيـاث :: عوفج من التبرير و گليلهم شلون ضحيتي بيه
كليلهم شلون چتلتيني بذيج الليلة و حكمتي عليه بالاعدام كليلهم يا خاتون ، شلون كعدتيني من النوم و بيدج هدوم اخوي الكلهن دم وداد و بأيدج بادلتي هدومنا ، كليلهم شلون حطيتي السلاح بيدي و انه اتراجف بخوف جوه ايدج
كتلج يمـه شني هذا الدم اخوي شبي
گلتيلي اخوك شالته الحميه و اخذ بثار ابوك
اخوك چتل وداد بس انت لزوم تحامي لاخوك
اخوك يا يمـه مريض بالاعصاب يموت جوه ايد السجانه
و انت يا يمه سبع و جثيث تتحمل الضرب و الاهانه
13
وانه بالي مو يم التكوليه ، چنت اعدن چم نوبه كلتيلي يمه ،
و عيوني تحضن عيونج التتنوعلي بحنية ، مدري شلون ماشيتج بس اذكر گتلچ اخافن ، والله اخافن من الحبوس گلتيلي انت ازلمة و الزلمة ما يخاف السجن يربيك و يقوي عظمك بس اخوك ما يحمل ، ترضى اخوك يموت هزيتلج راسي و بجيت
وجانت اول نوبة تحضنين راسي بيها ، مو چن حضنتيني چن ملكت الجنـة مادريتج يايمه انتِ النار الحركتني و حركت شبابي و اكلت حتى احلام السنين !
4 ت
أهتز الشيخ و صرخ بغضب عارم :
يعقوب :: يعني شني ، كل هالسنين عشت مظلوم ، نعايلنك الجاني و انت المجني عليه يبن جويبر ؟
2
مهران :: ليش ما حجيت ليش ما كلت لجدك ؟
باوع لامـه بنظرة ازدراء و همس :
غيـاث :: سألوها هي عدها كل الاجوبة ، شتكولين خاتون لو عندج كلام ثاني
البدوية :: انه أم و الأم بكل وسيلة تحامي ويلادها ، غيث يو داخل للسجن چـان مات ، كلكم تعرفون حالته ما يحمل الچلمة مو عاد سجن و تعذيب ، واذا سواله كونه وياهم مو بعيده يحطون چيلة براسه و يموتوه
ضرب غياث على صدره حيل :
بس عادي عندج انه اموت
البدوية :: موش صحيح هالكلام ، وديتك بدل عنه عبن اعرف انت اسبع منـه وتتحمل ، و لو رجع بيه الوكت اسوي نفس العملته وياك ، انت اخوه و الاخو واجب يسند اخوه
1 ت
مهران :: حجيج هذا عالية ، السويتيه لا يرضى الله و لا عبادة ، ضحيتي بولد صاحي لخاطر اخوه المريض ، جرمتي بي جريمة خاف ما تدرين
-نشغت سعدية بصوت ملچوم :
سعدية :: مت عيني عليك يا يمة ، مت عيني عليك يا مظلوم
يعقوب :: لچ انتِ من يا ملّة ، شلون تصرفتي من دماغج ليش ما جيتي و گلتيلي الف حل چان لكيت من لا بارك الله بيچ
-وكأن الشيخ ضربها طلقة ، نهضت من مكانها بعصبية وكفت گدام غياث تباوعله بنظرات لاهبة :
البدوية :: عفية عليك يبن بطني ، فضحت سري و خليتني حجاية بحلوجهم ، لازم عاجبك امك تنهان ؟
4 ت
غياث :: تصدكين ما اهيسچ امي ، و لومـا عندي اخو توم چان كلت انه مو ابنج الحقيقي
1 ت
البدوية :: شتحسب روحك ، انه امك و غصباً على شواربك ، تالي وكت واكف بطولك و تحاسبني
2 ت
غياث :: و لمن انتِ امي تنكلين بيه جدام مرتي ليش
تأذيني بيها ليش ؟ تجذبين عليها ليش ؟!
البدويـة :: سويت هيج خاطر ابعدها عنك ، هاي ما تلوكلك و لا تصلح تصير ام لويلادك ، نسيت امها و ابوها شعملوا بأبوك ، نسيت عملتها ببنتك ، نسيت شلون نهبت...
1 ت
قاطعها بصوت عالي
غياث :: گليلي انتِ خاتوووون ، شحطيتي بدواها و خليتيها تتخبل ؛ شلون سممتي عكلها عليه احجيلي خل يسمعون خلك الله كلهم الام شعملت بأبنها
انخطف لونها بس بثقـة تامـة ردت :
البدوية :: شبي دواهـا و شجابني عليه ؟
صفك ايده بيأس و ضحك بأستهزاء
مهران :: بويه غياث اكعد و فهمنا صارلك ساعة موجف
حلوكنا يبست صدمة وره صدمة ، شني هاي سالفة الدوه نوب
1 ت
غياث :: عمي مرتي تاخذ علاج و العلاج انه جبته الها ، البت تغيرت و كامت تهلوس و تكوبس و تتخيل اثاري الخاتون مبدلة دواها
يعقوب :: شنهييي ؟ فهمني عدل شني مبدلين دواها
-وجوههم انصدمت ، لحظة صمت أبتلعت المكـان ، واحد يباوع للاخ ميعرفون شيحجون ، الا هي صدح صوتها بكل وقاحة تدافع عن نفسها :
البدوية :: ولك جاي تتهم امك ، امك الي الكاصي و الداني يتعنالها خاطر تعالجـه ، تتهمني امرض مريتك و بيش بمخدرات ولك چـان استحيت يا حيف البطن الحكلتك
2 ت
باوعت للشيخ و بدموع تتدفق على وجناتها تخاطبه :
البدوية :: اريدن حكي منك شيخ ، هذا الولدتهمني و انت الربيتني على ايدك و تعرف ما يطلع مني العيب يو الحرام
1 ت
دنك راسـه الشيخ بضياع ، حاير ما بين المرة الاوآها و الرباها
و بين مظلومية حفيدة و مرته
1 ت
مهران :: يبه صلوا عالنبي ، بويه ود كلامج هذا خطر تطير ركاب من وراه
سليمان :: خلي حجيك وياي يبو فاطمة ، بنتي ما جايه تتبلى عليكم ، بنتي عدها دليل و برهان ، تحاليل تثبت تسمم دمها بمواد مخدره و المواد هاي جاية من الاعشاب ، و انتم اعرف بعد عدمن هاي الاعشاب
البدوية :: الزم حدك يبو ود و اعرف ويامن تحجى،
الكل تباوع الها بنظرة اتهـام ، و بعد ما تحاصرت و شافت ماكو مخرج ، نددت بأسم واحد :
البدوية :: ماكو غيرها ربحـة ،، هي السوت هيج بالفرخة انه مستحيل اأذيها
4
-ضحك ابويـه و هز ايده بأستهزاء ، و الكل يباوعلها بفضول :
غياث :: ربحة ؟ و ربحة شلها غرض بود
-باوعت لابويـة بنظرة معرفت افسّرها و صاحت :
البدوية :: علمي علمك بس الاعرفنه ربحـة عدها ثار قديم وي سليمان هو يعرفه كلش زين
-كل الانظار توجهت صوب ابويه ، الي بهت وجهه و صفرن شفافـه :
خاطبته بتساؤل :
شنو قصدها بابا ، شنو سالفة الثارات المتخلص وياك ؟
سليمان :: سالفة قديمة و ما اظن ربحة ، الها ايد بالصارلج ،
يعقوب :: نادولي ربحـة بساع !
1 ت
ركضت سمرة ، تصيحها و بعد دقائق رجعت خالية الوفاض ، گالت ماهي
مهران :: شني يعني ماهي ، امشي هارون دورها بالبستان
طلع هارون و تبعـه أواب و هم اجوي ايد ورا و ايد گدام
ربحـة ماكو ،
تحسّرت بألم و ارتسمت الخيبة على ملامح ابويه، معقولة حقي ضـاع ؟
الكل دخل بحالة استنفار و ضجيج سوالف و تساؤلات صار بالمكان، صاح الشيخ بصوت عالي
يعقوب :: ما اريد اسمع چلمة وحدة اكعدوا و خلونا نتفاهم
-گام ابويه و لف عباته ، صاح بأستهزاء
سليمان :: السموحـة منك شيخ ، بعد مامش حجي ينكال ، التهمة تلبست براس ربحة و ربحة شردت هاي هي وضحت السالفة
1 ت
بنفاذ صبر أجاب :
يعقوب :: اكعد يسليمان و خلينا انتفاهم ، سواء البدوية يو ربحة الها يد بموضوع بنيتك ، فالشغلة صارت ابيتنا و حكها انه اخذه مربع ، بس تانيني بالاول اتأكد من الاسباب و التآمر بيه يجرالك
1 ت
-فرقت شفايفي ردت اردحلها ، بس الشيخ سبقني
يعقوب :: انكتمي ، حسّج ما اسمعـه و حسابج ثجيل وياي اما انت يسليمان ما طلبت الا حكك و يجرالك
1 ت
وكف يتراجف بطوله :
غياث :: السموحـة منك شيخ انه ما اطلك مرتي على كص لوزتي اسويها
1 ت
سليمان :: گعد ابنك و عكله يشيخ ترى زودها كلش هواي
غياث :: حتى بعد ما عرفت انه مظلوم بعدك تريد تفركنا
سليمان :: موش انه الاريد افرككم ، بنتي طابت نفسها منك ما تريدك شني اجبرها عليك
-محسيت الا اقترب مني و جرني من يم ابويه حطني وراه
صرخ بنبرة تخوف ، كل معانيـه تغيرت و صار يخوف :
سليمان :: انه صوچي صدكت بواحد مسودن مثلك و اجيت وياه ، ميل عنها لا احط چيلة براسك و خش بيك اعدام
3 ت
غياث :: زلمة و سويها يلا
-گال هيچ و اخذ بيدي گدام ابويه ، طلعني من الصالة ،
و اني كمت اجر روحي منـه و ارمي بثقلي عالكاع
غياث :: امشي وياج بس احاجيج ما سويلج شي و روح ابويه
-تذكر انت وعدتني ،، كتلي ارجعج عوفني وين ماخذني
دفعني لغرفة سمرة ، دخل و قفل الباب ، تذكرت اخر مرة شسووة بيـه ، بقيت أهتز بمكاني بنوبة خوف ، انزويت بروحي بعيد عنه و أصرخ : لا تسويلي شي اترجاك
4 ت
مهران و زينب يدكون الباب علينه و يتوسلون بي يفتح ، صرخ بقلة صبر :
غياث :: كااافي گلتلكم بس احاجيها لا تخلوني اهجم البيت على راسكم
اقترب مني ، قرفص بمستوايـه ، لميت رجليه أكثر لصدري ، يأشر على صدره و يهمس بنبرة معاتبة :
غيـاث :: تخافين مني ود ، ولچ هذا مكانج ،
انه موش گتلج صدري ملاذج ليش ترجفين هسه يا بعدهم كلهم
4 ت
-امتدت ايده مسح دمعتي ، مدري ليش ما منعته
غياث :: ولچ و عيونچ مظلوم ، كل الدنيا اندارت عليه لا تصيرين انت و الدنيا عليه
2 ت
-بحروف ترجف جاوبته ،
احنا ما نرهم سوا ، الي بدأ بغلط ينتهي بكارثة
دنك راسـه ، رجع باوعلي ، حاوط اكتافي و رفعني ، ضمني لصدره حيل ، خلاني اصرخ و گلبه يحتضن صرخاتي و گأنه يقاسمني الألم
بعدت روحي ، باوعت بعيونـه ، جمر و لهيب و رماد بيهن
ماگدر يخفي شي بعد ، همس :
غيـاث :: صدك طابت نفسچ مني ؟
- هزيت راسي بـلا
1
ابتسم بمرارة :
غيـاث :: كليلي اكرهك حتى اجوزن منچ.
باوعت بعيونـه و همست :
حبي الاول و الاخير أنت
8 ت
غياث :: تسامحيني ؟
هزيت راسي بـلا
غياث :: يـا حريمـة ،، زين شنو الي يرضيج كليلي ؟
5 ت
-تخليني اروح و ما تمنعني
اقترب ، تخالطت انفاسنـا سوه ، باس طرف شفتي ، بعدت وجهي عنـه و ابتعد عن طريقي سوالي مجال اروح ، مشيت من يمه ممصدكـة ، خطواتي ثگلن و النفس اجـره گوه خطوة وحدة تبعدني عن البـاب و نخطفت لداخل حضنـه قيدني بكل قوة و دس راسه بركبتي ، بصوت مخنوك :
غيـاث :: لتروحين ،، اخذ حكج مربع مني و منهم بس لتروحين
8 ت
تنهدت بألم ، ثنينا ضايعين ، بثواني مرّ شريط حياتي گدامي
وضعت بميزان المشاعر بين اغفر لو لا ، و كفة الغفران چانت كلش ناصية ، لزمت كفوف ايديـه ، فتحتهم و حررت نفسي منـه
2
طلعت و لكيت ابويه بالباب ، لزمت كف ايده اشاهك
طلعني منـا اترجاك بابا
غياث :: سليمان ، والله لادفعك الثمن انت سبب دماري
7
-طلعت صـامة اذاني ،، ما اريد اسمع شي بعد ماريد ابقى هنا بعد ، انتهت المعركـة و ثنينـه خسرنا عزائي الوحيد براءة امي
وداد .. بعد محد يجيب طاريها بسوء
وداد ما غدرت جابر
وداد ماتت مغدورة
وهذا البيت العاش بهدوء كل هذهِ السنين
اجه الوكت الي
شكرا لزيارتكم عالم روايات سكيرهوم
