رواية احببت من لا يراني الفصل الخامس و العشرون 25 بقلم سحر السحرتي

*مر عام اخر واقترب عيد مولد الطفلين الثاني 

*كانت الامور مستقره لكن دوام الحال من المحال 

*شعرت سماء ان ادهم بدأت طباعه تتغير معها فأرتابت وبدأت في البحث خلفه 

*ذات يوم كانت ترتدي ملابس نوم جميله ورقيقه واعدت اجواء رومانسيه كي تستعيد حبها وتغير الملل الذي قد يكون يشعر به ادهم بسبب دوامة العمل 

 *عند عودته احتضنته كالعاده لكنه قد بدأ في احتضانها بفتور كعادته التي بدات منذ عدة أيام فاوهمته انها لم تشعر 

: وحشتني يا دومي قوي

: انت كمان 

:طب تعالي شوف انا محضره لك ايه عملت لك كل الاكل اللي انت بتحبه

:مش قادر اكل عايز انام مجهد وتعبان 

*تركها واتجه الى الحمام للاستحمام وتبديل ملابسه وبعد ان تمدد على السرير اتجهت واحتضنته ووضعت راسها على صدره 

*شعر ادهم انها تحتاج له فبدأ بأخذها الى عالمهم الخاص 

*لم تمر سوى ثلاث دقائق حتى ابتعدت سماء وبدأت ترتدي الروب فوق قميص نومها 

:مالك يا سماء في ايه

 :لما تبقى تعبان يا ريت تقول لي إنك مجهد لان ده أرحم من الاه-انه وانت معايا تأديه واجب او جبر خواطر 

:انا فعلا مجهد وقلت لك

 :يبقى كان بلاش انا ما طلبتش منك انا حضنتك بس لاني بحب اكون جوة حضنك

: اسف حقك عليا  اصلي مجهد قوي 

:انت بقالك مده مجهد ومش على طبيعتك ... بقول لك ايه ما تسيب شغل الهندسه وترجع جزار زي الاول 

:ليه بتقولي كده

 :اصل الاول كان لك مواعيد وكنت بترجع البيت مبسوط وبتاخد اجازه انما بقالك فتره بتتأخر ومش طايق البيت تقريبا بقينا بالنسبه لك مجرد فندق حتى الاكل ما بقتش بتاكل معانا 

:انا اسف فعلا بقالي فتره عندي مشكله في الشغل 

:ما تحكي لي يمكن اقدر اساعدك 

:طب تعالي اقعدي في حضني شوفي انا معايا مشروع شغال عليه واتعرض عليا مشروع ثاني مهم 

:مبروك ايه بقى المشكله

 :المشكله ان المشروع الثاني الناس عايزني امسكه كمساعده لهم لانه لو ضاع منهم هيخ-سروا خس-اره جامده

: لو في ايدك تساعدهم ما تتأخرش ...  برده فين المشكله

:ان اصحاب المشروع الاول لو عرفوا ممكن يسحبوه مني

: انت ميال لاي مشروع 

:الاثنين كل واحد له مميزات 

: اكيد في مشروع مميزاته اكثر من الثاني وقلبك مائل لواحد 

:المشروع الاول مميزاته اكثر بس الثاني الناس عشمانه فيا قوي وميال اساعدهم لأسباب كثيرة 

:ما فيش مكتب هندسي يقدر يمسك المشروع الثاني ده ويحلك من الحيرة

: للاسف كل الناس رافضه اصله مشروع ص-عب

:اعمل اللي تحبه يا ادهم 

:يعني ايه

: يعني لو ما كنتش ميال للمشروع الثاني ما كنتش وقعت في حيره وكنت رفضت زي الباقي بلا تردد 

: طب والمشروع الاول ممكن يتسحب مني

:سيبه لحد ثاني يقدره ويعرف قيمته و ينفذه صح لانك مش ميال له وهيبقى غلط على اسمك لو اتنفذ بطريقه اقل من اللي انت متعود عليها 

:فكرك اقبل بالمشروع الثاني 

:انت مش محتاج رأيي انت شكلك مقرر من الأساس 

:يعني انا ممكن انفذه من غير حد ما يعرف

: من رائي سلم المشروع الاول لاصحابه لانهم لو عرفوا هيبقى شكلك وحش و هيتعرف انه اتسحب منك لكن لو انت اللي اعتذرت هيبقى احسن لكم انتم الاثنين 

:هفكر لاني محتار مش قادر اسيبه

 *تجمعت الدموع في عينيها وهي تقف من جلستها

: لا سيبه يا ادهم سيبه اكيد هيلاقي مهندس ثاني يهتم بيه ويلم ج-رح قلبه كدة احسن 

: ايه بتقولي ايه 

: ولا حاجه تصبح على خير 

:طب انت رايحه فين

 :هنام عند الولاد حساك مجهد قوي عشان تاخذ راحتك اصل هصحى بدري عندي عمليه في العياده

: ماشي يا حبيبتي اللي تشوفيه 

بقلمي سحر السحرتي 

*في اليوم التالي اتصل ادهم على عمار لكي يتقابل معه وبالفعل تقابلا

: في ايه يا ادهم قلقتني مش عوايدك

:واقع في مشكله ومحتاج نصيحتك 

:وانت هتعمل بيها ايه اظن زي كل مره بتعمل اللي انت عايزه

:بلاش تقطيم يا عمار من اولها 

:خلاص قول ايه مشكلتك 

*بعد ان حكى له نظر له برأفة على حال سماء 

:انت بتهزر صح اوعى يا ادهم المره دي سماء ممكن تروح فيها انت شفت بنفسك المره اللي فاتت عدت منها بالعافيه دي بتحبك قوي

 :اعمل ايه يا عمار محتار ما بين واحده بتحبني وواحده محتاجه مساعدتي وممكن تمو-ت 

:وانت بتحب مين فيهم

:مش مساله حب دلوقتي مساله واحده بت-موت و محتاجاني

: ما انت لو ساعدتها سماء هي اللي هت-موت ... شوف انت بتحب مين فيهم واختار حياتها 

:هو انا جايبك تحيرني ولا تدلني

 :انا طول عمري صاحبك و فاهمك كويس انت خلاص اخذت القرار مش عايز نصيحه ربنا يكون في عون سماء ومعاها 

: استنى بس رايح فين

 :ماشي وجودي ما لوش لزوم انت كنت عايز حد يأكد على قرارك واكيد مش هيكون انا لاني بعتبر سماء اختى ومش هساعدك على ظل-مها مرة ثانية  لو بأيدي كنت منعتك او وقفت في وشك عشانها 

: يا عمار افهمني انا بعمل كده عشان عمي

: لو قلبنا الموضوع ولمياء كانت هي مراتك وسماء اللي محتاجه مساعده تفتكر لما عمك ولمياء يقفوا في وشك ويرفضوا انك تساعدها كنت هتساعدها

*صمت ادهم 

: دايما الغلبان اللي ملوش ظهر أو حد يقفله هو اللي بندوس عليه .... عايزك تفتكر حاجه واحده أن سماء حبتك قوي رغم انك قدمت لها قليل والعكس حصل مع لمياء 

: بلاش تيجي عليا وقدر أن لمياء لو جرالها حاجه عمي هيروح فيها وانا بحبه أكثر من والدي 

: انا لو خيرتني هختار حياة سماء لان وانت متجوزها شفت احلى ما فيك ...  ضحكتك 

بقلمي سحر السحرتي 

*بالرغم من ازدياد حيره ادهم الا انه بالفعل قد اتخذ القرار 

*بعد ما حدث بين سماء وادهم تغيرت سماء هي الاخرى كانت تنام دائما مع الاطفال لم يعلق ادهم ظن انهم يحتاجونها 

*لم تعد تعد له الطعام الذي يحبه وتركت ذلك للخادمه فتساءل ادهم

 :هو طعم الاكل متغير ليه 

:مش انا اللي طابخه 

:ليه انت تعبانه يا حبيبتي 

: لا حسيتك زهقت من اكلي وعايز تغير وتذوق حاجه ثانيه قلت تجرب وماله

*امسك يدها وقبلها 

:انا طول عمري بحب اكلك وعمري ما ازهق منه ابدا 

:لا حاول تتعود لاني بقيت مشغوله الفتره دي

:عندك ايه شاغلك عني

: في مزرعه همسكها و العياده فمش هبقى فاضيه انا عطلت نفسي كثير والاولاد بقوا مش محتاجيني قوي

: كل دول اهم مني

: هو انت بقيت معانا ما انت انشغلت عننا

: و هتعملي مع الاولاد ايه

 :هوديهم حضانه عشان لازم يتعاملوا مع اطفال تانيين من سنهم

: و متاكده ان الحضانه دي هتبقى كويسه 

:ما تقلقش سألت عن واحده وطلعت ممتازه واقدر اتابعهم من الموبايل في كاميرات في كل ركن فيها وده بيطمن الاهل

 :طب كويس تعالي بقى نامي جنبي النهارده عشان مسافر بكره بالليل

: لا مش هقدر كارما تعبانه شويه ولازم اكون جنبها

:طب نكشف عليها 

:كشفت اطمن

: روحتي للدكتور من غيري مش كنا بنروح مع بعض 

: لازم اتعود من دلوقتي أشيل مسؤوليتهم لوحدي 

: ليه هو انا م-ت

:لا بس مشغول و هتتشغل لسه أكثر بشيل من عليك 

:وحشتيني قوي على فكره 

:شكرا

:هو ده ردك عليا لما بقول لك وحشتيني .... انت في حاجه متغيره فيك مالك يا حبيبتي 

: متأكد 

: متأكد من ايه 

:ان فيا انا حاجه متغيره او اني حبيبتك

: يبقى فيك حاجه بجد بقى

: هو انت كنت بتقولها بهزار

: لا كنت بتكلم جد بس مش متوقع انك فعلا زعلانه من اخر مره كنا فيها مع بعض

 :لا مش زعلانه من اخر مره كنا فيها مع بعض ده كان حقك بس عندي مشاكل في العياده 

:طب ما تحكي لي زي ما انا ما عملت

:عندي كلب بيح-تضر بس فراقه لازم 

:دي سنه الحياه على فكره

 :عندك حق الفراق سنه الحياه سواء بالم-وت او غيره

:ابقي حضري لي الشنطه ممكن 

:مش هعرف اعملها انت عشان رايحه عند بابا بكره 

:مش ملاحظه انك أهملت فيا بقالك فتره 

:انا عارفه انك هتستحملني و هتقدر ... اظن من حقي ما انت ياما استحملت واحده عمرها ما اهتمت بيك و افتكر الوضع مش هيستمر على ما اظبط اموري 

:اكيد طبعا هستحملك العمر كله بس ليه بتجيبي سيرتها

 :عادي كنت حابه افكرك اني أحق منها انك تستحملني لاني قدمت كتير وان دورك دلوقتي تقدم

: اول مره تتكلمي معايا بجديه كده ومش بتهزري و تضحكي زي الاول 

:اوقات ربنا بيدينا نعم كثير فبنتعود على وجودها و بننسى نحمده عليها فبيحرمنا منها عشان نحس ونقدر وجودها والانسان المحظوظ بس اللي النعمه بترجع له ... بس افتكر انك مش هتبقى محظوظ بعد كده

: مش فاهم حاجه هدخل انام عشان الحق اخلص شغل بكره قبل ما اسافر وبعدين هيبقى لينا قاعده مع بعض نشوف ايه اللي غيرك

: طبعا لان السفر اهم مني 

*تغير وجه ادهم وتوتر 

:بتقولي ايه 

:ابقى بوس الولاد لاني متاكده انهم هيوحشوك 

:يعني ايه هيوحشوني

:انت مش مسافر 

:بس مش هتاخر انت حتى ما سالتيش هقعد قد ايه

:اي كان الفترة اللي هتقعدها دي اول مره تبعد عنهم وتسافر تصبح على خير ما تنساش تسلم عليهم 

*تركته غا-رقاً في حيره من امره هل اكتشفت ماينوي فعله؟ وهل ستتركه اذا علمت؟ هل عليه التراجع ليحافظ على بيته؟ 

*لم يستطع النوم فذهب لسماء في غرفه اطفاله احتضنهم وقبلهم و ايقظها 

*لم يستغرق وقتا فهي ايضا لم تذق طعم النوم فهمس 

:تعالي لو سمحتي 

*همست بدورها

:خير خليها الصبح عايزه انام 

:ارجوك تعالي

*استسلمت وخرجت معه

: في ايه يا ادهم عندي شغل الصبح 

:مش عارف انام

: وانا هعمل لك ايه هحكي لك حدوته قبل النوم

:عايزك في حضني عشان اعرف انام 

:انا بقالي اكتر من اسبوع مش في حضنك وكنت بتنام عادي جدا 

*سحبها من يدها وهو يتجه الى غرفتهم

 :تعالي بطلي جدال 

*توقفت عن الجدال لكنها اعطته ظهرها 

*شعر ادهم بدموعها 

: سماء انا بحبك قوي وساعات الظروف بتحكم على الانسان يعمل حاجه تض-ايق اللي بيحبه بس ده مش معناه ان حبه قل او انتهى بتبقى ظروف بتعدي و بيرجع الحب اقوى من الاول 

:عندك حق بس اوقات الظروف دي وهي بتعدي بتاخد حاجات حلوه في سكتها وعمرها ما بترجع الحب زي الاول .. فحاول تتجنب الظروف اللي شبه دي ونام بقى لانك مسافر 

:طب لفي ادخلي في حضني 

:معلش حاسه اني داخله على دور برد و خا-يفة تلقط مني وده غلط عليها

: هي مين

: السفريه بتاعه بكره 

*شعر بخ-وف شديد من حوارها فقد ايقن انها تعرف شيئا ولكنه ليس أوان التراجع 

*في الصباح 

:سماء هتروحي عند عمي امتى 

: بعد العياده ليه

: عشان اسلم عليك انت والاولاد دلوقتي واخد شنطتي معايا لاني لو رجعت اخدها هتبقوا مش هنا فهطلع من بارة بارة

 *اسرعت بالانصراف 

:فكره كويسه ترجع بالسلامه عندي عمليه و مستعجله 

:استني مش.... 

*لم يكمل فقد انصرفت و اغلقت الباب كانها لا تريد ان تودعه 

*في المساء في احدى الفلل داخل نفس الكومباوند الذي يسكن به ادهم

 *رن الجرس ففتحت الخادمه ودخلت الضيفه 

*كان يجلس المأذون ويهم بالانصراف احتضنت العروس العريس وقالت له 

:اخيرا يا حبيبي انا هفضل معاك مش هيفرقنا غير الم-وت اللي بقى قريب مني قوي

 *قبل ان ينطق ردت الضيفه بس-خرية 

: بعد الشر عنك يا روحي طوله العمر ليكي و تجيبي اولاد يملوا عليكم المكان 

*تفاجأ العريس الذي كان ادهم 

:سماء مين اللي قال لك 

(طبعا توقعتم مين العروسه)

*هم المأذون بالانصراف فقد شعر ان الوضع غير طبيعي

: ياااا يا باشمهندس الست عندها رادار بيقول لها على كل حاجه و جملتك الشهيره اني اكثر واحده فهماك هي اللي قالتلي

المأذون : استاذن انا يا جماعه 

سماء :استنى يا شيخنا رزقك في رجليك كثير النهارده جوازه وطلاق في نفس الوقت و يشاء السميع العليم تبقى في نفس القعده 

ادهم :مع السلامه انت يا شيخنا لو سمحت 

:لا استنى مع السلامه ايه سؤال يا شيخنا ..  الراجل شرعا حقه يتجوز اكثر من ست 

:صح يا بنتي

: والزوجه الثانيه حقها شرعا تتجوز اي راجل بما انها عزباء 

:صحيح

: والزوجه الاولى حقها شرعا ترفض تفضل على ذمه جوزها لو اتجوز عليها مش كده

: صحيح الشرع والقانون ادوا لها الحق ده

 :يبقى تستنى عشان استخدم حقي الشرعي زي هما ما استخدموا حقهم الشرعي ولا حلال لهم وح-رام عليا

 ادهم :اهدي يا سماء وانا هفهمك اقعدي وخلي الشيخ يمشي لاني مش هطلقك 

:مش هتطلق دلوقتي او هتطلق بعدين المهم اني هتطلق مش هفضل مراتك وانت قبل ما تتجوزها عارف كده ومتأكد اني مش هقبل بده

: مع السلامه يا شيخ اتفضل ارجوك  ...... لمياء سيبينا لوحدنا 

:حاضر يا حبيبي بس عشان خاطري بالراحه انا مش حابه اعمل مشاكل بينكم  .... وعلى فكره يا سماء الموضوع مش زي ما انت فاهمه الحكايه كلها ايام بس وعمرك ما هتسمعي عني بعد كده

*تحدثت بتحدى وثقة بالنفس 

: ابله لمياء احنا فاهمين بعض كويس قوي وانت عارفه اكثر واحده اني بفوت بمزاجي و بتنازل برضو بمزاجي و اهو عندك اشبعي بيه ايام شهور سنين ما بقاش يلزمني

ادهم : سماء اسمعي الاول قبل ما تغلطي في الكلام 

:الغلط في الكلام اهون كثير من الغلط في حق انسان وانت غلطت في حقي كثير وانا سكت اكثر

: ادخلي جوه يا لمياء 

:وتدخل ليه هي في الحالتين هتسمع بدل ما تتعب الست وهي حاطه ودنها على الباب تتصنت خليها تسمع هنا 

لمياء: سماء ما تغلطيش فيا انت في بيتي و هستحملك عشان خاطر ادهم جوزي حبيبي 

*ابتسمت بس-خرية 

:انا اللي سمحت انه يبقى جوزك ولو كنت عايزه اوقف الجوازه كنت دخلت من بدري مش بعد ما الشهود خرجوا 

:انت فاهمه غلط هو اتجوزني عشان يساعدني

:ده اكيد اللي انت فهمتيهله ومش مهم عندي الاسباب المهم انه اختارك وعارف انه هيخس-رني قدام اختياره ده ومع ذلك اختارك

 ادهم :سماء اهدي انا هفهمك كل حاجه

 :اهدى انت مفكر ان انا متض-ايقه او زعلانه ما تخ-افش مش هيجرى لي حاجه زي المره اللي فاتت لاني مش متفاجاه انت مهدت لي ببعدك عني وانا مهدت لنفسي اللي هيحصل دلوقتي عشان ولادي مش معقول يجرالي حاجه واسيبهم لك انت وهي واكيد ده غرضها 

:انا بحبك انت صدقيني 

*ص-رخت بعزم ما فيها

: ك-ذاب يا ادهم ... ك-ذاب انت ما حبتنيش انت حبيت اهتمامي وحبي لك ... لكن انا شخصيا كسماء لا ... لو حبيتني ما كنتش عملت كده وانت عارف النتيجه لو انا عرفت بجوازتك منها ..  نفس الشئ عملته مع كريم حبيت حبه واهتمامه بيا واللي عملته بيترد لي

:انا مقدر عصبيتك اهدي ارجوك هفهمك

 :اظن مش محتاجه شرح ثاني وعرفت رأيي لما قلت لك سيب المشروع الاول لحد يقدره ويعرف قيمته 

:انت كنت فاهمه انا بتكلم عن ايه 

:انا طول عمري فهماك من دون ما تتكلم  ..... غير اني اعرف معلومات تعرفها ومعلومات ما تعرفهاش 

:عرفتي من امتى

:من اول يوم حضنتك وانت راجع و حسيت بفتور في حضنك ... كان اول يوم كمان على فكره ترفض الاكل وانت بترجع دايما واقع من الجوع ومشتاق لاكلي .... سبحان الله الرادار عند الست بيبقى اقوى مما هي تتخيل لما حد بيجي ناحيه جوزها اللي بتحبه  .... اختصار للموقف الهزلي ده مبروك على جوازك ايا كان اسبابه بس خلينا ننفصل بشكل متحضر عشان تقدر تشوف الولاد 

:انت بته-دديني اني مش هشوف الولاد 

بقلمي سحر السحرتي 

*صفقت بكلتا يديها وهي تس-خر منه 

:برافو فهمتها لوحدك على طول ... ما انت سالب حقي في الحريه انا كمان هسلب حقك في انك تشوفهم يا تطلقني بالذوق يا هرفع قضيه و هيتحكم  فيها بسرعه على فكره بعدها تقدر تشوفهم براحتك

: انا مش هفرط فيك ولا هطلقك

 :جميل يبقى يا انا يا هي

: ما اقدرش هي محتاجه لي اقف جنبها ممكن تم-وت دي مهما كان بنت عمي

:و اشمعنى انت اللي تقف جنبها عمك موجود واخواتها كمان موجودين لكن هي اختارت تخرب بيتك انت عشان عيزاك انت 

لمياء : ح-رام عليك يا سماء خلي عندك رحمه انا محتاجه لادهم حب حياتي يبقى جنبي اخر ايامي يقويني ويسندني

: انت فوقتي دلوقتي انه حب حياتك ما جري وراك زمان كثير ولا الانسان مش بيقدر النعمه غير لما بتزول منه فاكر كلامنا امبارح يا ادهم 

:فاكره كويس و بستوعب دلوقتي معناه وعارف قيمتك ومقدر كل حاجه كنت بتقدميها وسبب تغيري معاك الفتره اللي فاتت اني كنت بفكر في طلب لمياء وفي نفس الوقت مش قادر اظ-لمك

:فاخذت القرار ان الجواز بشرع الله مش ظل-م ليا صح ... وهي كل الحكايه كام يوم او كام شهر يا تتعالج يا تمو-ت وترجع ثاني تلاقي اله-بله اللي بتحبك و تسامحك باستمرار مستنياك 

:انت مش هب-له انت انسانه بقلب كبير

 :كنت

 :لا انا عارف انك طيبه و هتساعديني اقف جنب لمياء

: كل اللي اقدر اعمله هديلك مهله اسبوعين لا هقدم يوم ولا اخر ساعه تختار يا انا يا هي و هبعد انا والاولاد وشوف هتقدر تستغنى عننا و وجود لمياء هيعوض وجودنا ... جرب وشوف ودي اقصى شيء ممكن اقدمه من طيبه قلبي اللي بتتكلم عليه لكن لمياء تبقى ضرتي و تشاركني فيك فمن المستحيلات 

لمياء : وطبعا لو اخترني هتع-اقبيه و تحرميه من اولاده

: لو اختارك يطلقني و الولاد كل جمعه هيبقوا عند مامته واخدهم اخر اليوم انا محتاجه وجوده في حياه ولادي 

:بس بتضغطي عليه في الاختيار بحرمانك له منهم دلوقت

:وليه بتسميه حرمان ليه مش تجربه يشوف هيقدر يبعد عنهم الاسبوعين دول او لا لان حياته بعد كده هتمشي ان يشوفهم يوم في الاسبوع و هيبقالك كله باقي الاسبوع 

:انت ليه رافضه تفضلي مراته انا موافقة وما عنديش مانع وليه الولاد يشفوه يوم واحد في الاسبوع ليه ما يكونش كل اجازه يقضوه معانا

 :معانا اللي هو مين انت وهو ... في احلامك مش هسمح لك طبعا تقربي من ولادي ابوهم حقه يشوفهم انما مرات ابوهم اللي اتحرمت من الخلفه بأيديها مش من حقها تعيش الامومه في ولادي 

:انت بت-ذليني عشان ما بخلفش

$ ايهم سيختار ؟ وهل ستسامحه سماء ؟

& ان شاء الله هنزل حلقة بالليل عشان ما تظلموش ادهم ولو غلطتوا فيه مش هنزلها 😀😀