رواية احببت من لا يراني الفصل السادس و العشرون 26 بقلم سحر السحرتي

*كانت سماء تست-فزها دايما كلما لقبتها بأبلة وتعرف انها لا تطيق هذه الكلمة 

: أبلة لمياء دور المسكنه ده تعمليه مع حد ثاني بأيدك حرمتي نفسك ... و بسببك انت عملت تحليل اثبت فيه انهم ولاده ...  و بسببك برده اغت-صبني .... و بسببك امي مات-ت.... و بسببك ابوك اتشل ... و بسببك اترميت في الشارع ونمت على الرصيف .... تحبي اكمل بقيه حسناتك قبل ما تتكلمي عن ذلي لك

: انت بتقولي كده عشان يرجع يشيل مني

 :تحبي اقول له على الكبيره

: اي كبيره انت اكيد ك-ذابه

 :انت عارفه ان انا مش كد-ابه واي كلام بقوله ببقى متأكدة من صحته مش محتاجة الف وادور ... بس لما يختارك يا ابله لمياء هيعرف وانت متاكده انه اكيد هيعرف 

ادهم :اعرف ايه سماء

:مش قبل ما اعرف قرارك يا انا يا هي 

:هو ما فيش مجال تبقوا انتم الاثنين لغايه لما هي تخف او قضاء ربنا يجي انا بجد مش متجوزها غير عشان اقف جنبها لحد ما تخف وهطلقها على طول 

: لا يا ادهم بس لو اخترتني هخليك تقف جنبها بصفتك ابن عمها مش بصفتك جوزها

 *لمياء بدموع التماس-يح 

: ح-رام عليك انا محتاجه له هو الدافع ليا عشان اعيش

*كانت تتحدث بس-خرية و تتظاهر بالبكاء المتصنع مع كلماتها كنوع من التريقة عليها

:ابله لمياء بلاش كده وبعدين ما قلت هسمح له يقف جنبك طمعانة في ايه ثاني 

:و همسك ايده ازاي ادخل جوه حضنه ازاي عشان يقويني 

:نعم انت هتعمليهم عليا ما كل ده كنت بتعمليه معاه وهو مش جوزك واكثر من كده انا كنت في الاوضه اللي جنبكم و بسمعكم على فكره وانت عارفه كده كويس

:بس انت عارفه انه كان ح-رام 

:اه ... بس هيمسك ايدك كمريضه و يحضنك زي اخته ده اللي هيبقى في ضميره المهم انت اللي تكوني عارفه ان اللي كنت بتعمليه معاه وانت خطيبته كان ح-رام ... اسيب العرسان يقضوا اسبوعين حلال بقى مع بعض .... ميعادك معايا زي النهارده في نفس الوقت اظبط ساعتك هكون عند طنط بالولاد للرؤيه الاسبوعيه ...باي  ...افرحي يا عروسه انا العريس 

*انصرفت وهي تدندن امام حيره ادهم برد فعلها وقوتها الغير معهوده

بقلمي سحر السحرتي 

 *لكنها كانت قوه مزعومه وهو يعلم بذلك تمام المعرفه فأسرع خلفها وهي لم تكن تظن ذلك 

*استسلمت لدموعها واطلقت لهم العنان لكنها تفاجأت وهو يناديها و يحتضنها 

:سماء انا بحبك انت و اخترتك انت 

:لا يا ادهم بعد اسبوعين زي ما اتفقنا عشان تختارني بقلبك وما تحسش بتأنيب ضمير وتدي نفسك فرصه تفكر كويس مين فينا أحق واحده بقلبك

: يعني بعد اسبوعين هترجعي لي و كأني ما عملتش حاجه

: لو شفتها في عينيك هرجع

:هي ايه دي 

:صورتي وحبك لي  .... عارفه انها طلبت منك و استعطفتك وانت عايز تقف جنبها عشان عمك وعشان ذكرياتك الحلوه معاها زمان 

*امسك يدها وقبلها بحب

: تأكدي ان ما فيش غيرك في قلبي دلوقتي

: بعد اسبوعين هتأكد 

:طب بلاش دموعك دي عارف انك بذلتي مجهود جبار عشان ما تنزليش دمعه منهم جوه وهي تشمت فيك

:بقيت تفهمني انت كمان

: اللي بيحب بيفهم حبيبه

:اتمنى تكون صادق ان انا فعلا حبيبتك ... هاتها معاك عشان مهما كان اختيارك في كلام لازم يتقال قدامها 

:هتوحشيني قوي

*و احتضنها بقوه اراد ادخالها ما بين اضلاعه لكنها ابتعدت 

:سلام يا ادهم

:طب هتروحي تعالى اوصلك للفيلا

: انا مش قاعده في الفيلا 

: امال قاعده فين

: انا قاعده في شقه كريم اللي كتبها باسمي عشان احس بالامان ... كان عايزني احس بالامان سواء كان عايش او مي-ت .... الامان اللي افتقدته في وجودي معاك يا ادهم ... عارف احساسي كل لحظه اني خاي-فه ترجع لها ... انا نفسي اقفل الصفحه دي و اقفل الباب الموارب ده لان نفسيا تعبت بجد 

:اسف عشان انا السبب 

:مش لوحدك انا اللي متمسكه بواحد حبيته وهو عمره ما شافني او حس بيا و غلطت اني رجعت لك المره اللي فاتت من حبي ليك ما كنتش قادره اسيبك 

:لا يا سماء ما تقوليش كده يمكن في الاول ما حبتكيش بالشكل اللي تستاهليه لكن انا دلوقتي بحبك ومستعد امشي معاكي دلوقتي انت اللي رافضه وبعد اسبوعين لما ارجع لك هتتاكدي اني عايزك انت وبس

: اتمنى يا ادهم لان بعد الاسبوعين لو اخترتها هبطل احبك و ادف-ن قلبي اللي ما دقش لغيرك انت ما تعرفش انا بحبك قد ايه

 :عارف يا سماء ليه مصدقه اني مش حاسس او اني مش بحبك الرادار بتاعك في النقطه دي بايظ 

*ابتسمت بصعوبه

: لو طلعت غلطانة اكيد دي حاجه هتبسطني لو طلعت حقيقيه 

:ينفع اكلمك اطمن عليك واسمع صوتك مش هقدر اتحرم منك الاسبوعين دول

: لا يا ادهم 

: مكالمه تليفون واحده اسمع صوتك يصبرني على فراقك الكام يوم دول 

: بشرط كل يوم الساعه 9:00 بالليل لو نسيت ما تتصلش 

*ارادت اعطاء نفسها امل وهو  ايضا في نفس الوقت كي تشعر باهتمامه وتصدق كلماته

بقلمي سحر السحرتي 

*عادت لطفليها و احتضنتهم وهي تبكي 

:الاسبوعين دول هيمر الوقت فيهم علينا طويل قوي يا اما بابا يختارنا ويرجع يا اما مش هيبقى لينا غير بعض 

*و كأن الطفلان شعرا بحزنها فاستكانا بداخل حضنها ووضع كل منهم يد على خدها وقال معا 

:بابابا... ماما عيط لا

: حاضر يلا نلعب وبعدين نوم

:لا 

:هو ايه اللي لا ده انا هقط-عكم ضحك ...اكثر كلمه بتعرفوا تقولوها دلوقتي هي لا

 *اسرعت خلفهم بفرده الشبشب مثل والدتها واسرع معهم عنتر ينقذهم منها فقد كان يحب اللعب معهم 

:ابعد يا عنتر الكلب عشان اض-ربهم لازم اربيهم بتوع لا دول

*كانوا يضحكون وهو يعطلها و يختبئون منها 

*في اليوم التالي في المساء في تمام التاسعه اتصل ادهم عليها وشعرت بسعاده فقد ظنت انه قد نسى او انشغل عنها بلمياء ولقد مرت عليها هذه الساعات ثقيله 

*ردت وشعر بالفرحه في صوتها فبدا يسمعها كلمات الحب وكأنهم في بدايه ايام خطوبتهم

:عامل ايه 

:ناقصني وجودك يا حبيبتي  .... ساكته ليه 

: بسمعك ...تعرف انك تقريبا ما كنتش بتقول لي كلام حلو كده 

:عارف و ندمان وقررت اعوضك

:لو سألتك مبسوط مع لمياء هتجاوب بصراحه

: بتسالي ليه

: عايزة اطمن عليك انك لقيت اللي ناقصك

: هتصدقيني لو قلت لك اني متأكد انها بتتظاهر بالاهتمام ومش حاسس بطعمه منها 

:ممكن اقترح حاجه عليك عشان تتأكد من قرارك لو انت حاسس بحيرة

:يا ريت 

: قول لها انك ما لقيتش نفسك في المكتب الهندسي و ناوي ترجع معلم تاني شوف رد فعلها ولمعه عينيها واذا هي فعلا عايزاك كادهم ولا كبشمهندس ادهم 

:انت مش معقوله بجد

: بتقول كده ليه 

: لاني كنت بفكر في كده فعلا من كام دقيقه  ... حتى بدأت انفذ وعملت اني بكلم واحد قدامها بقول له يشوف حد يشتري المكتب بسرعه و سايبها بتكلم نفسها عايزه تعرف ايه الحكايه 

: انت مش بتكلمني وهي معاك ليه

:حاجه خاصه بيني وبين حبيبتي ما حدش يسمعنا 

:يعني مش عشان خاي-ف منها 

:زمان كنت بخ-اف على زعلها مش عشان خاي-ف منها... انا عايز اكلمك و اشبع منك لانك وحشتيني قوي .... ساكته ليه مش هتقولي ان انا  كمان وحشتك 

:انت عارف ردي بس مش عايزاك تسمع كلام حلو و ياثر على قرارك 

:طب هو ينفع تفتحي الكاميرا اشوفك 

:عايز تشوفني انا ولا عايز تشوف الاولاد

: انت الاول طبعا وبعدين الولاد 

*شعرت بصدق مشاعره بعد أن كادت ترفض وافقت

:طب دقيقه هجيبهم عشان تشوفنا واحنا لابسين زي بعض 

*فتحت كاميرا الهاتف كانت ترتدي بجامه على شكل ارنب وله اذنان وكانت ملابسها تشبه ملابس اطفالها

: بص يا بابا اشترينا ايه النهارده و لبسناها زي بعض

 :الله حلو عليكم قوي ..كريم .. كارما ...وحشتوني 

كريم : بابا حبك

:انا كمان بحبك يا قلب بابا 

كارما :لا انا حبك تتير 

:انا كمان بحبك يا كرامله بابا كتير قوي ... سماء جبتيها امتى

: نزلت النهارده بضيع وقت اليوم حسيته طويل عليا

: طب ما فيش بيجامه زي دي ليه عشان نطقم كلنا مع بعض 

:موجود و اشتريناها كمان

:طب اجي البسها اشمعنا انتم 

:اتفقنا على ايه 

:بصراحه مش قادر وحشتوني قوي

: لما الاسبوعين يخلصوا فات يوم 

:انا حاسس انه فات سنه كأن محكوم عليا بالسجن واليوم بيعدي تقيل قوي ... بس انا استاهل العق-اب

: ليه بتقول ان هو عق-اب

:عشان هو فعلا كده بعدك عني عق-اب قاس-ي 

:حاول تستمتع مع لمياء 

:انا كل لحظه بتأكد من قراري في اختيارك وعايز اض-رب نفسي بالج-زمه اني اخذت الخطوه دي

:طب خليها علي

: هي ايه دي

: الض-رب بالج-زمه هههههه 

:لو هترجعي موافق وحشتني شقاوتك 

كريم: بابا 

: نعم يا حبيب بابا 

: ماما عيت ... دومتي وحش

: عارف يا حبيبي انا اسف انا السبب

سماء: كريم عيب مش قلت بلاش فتنة

ادهم: سيبيه يا سماء يحكي لبابا على كل حاجه 

:طب كفايه عليك كده ارجع لمراتك

:اديني العنوان بسرعه 

:عنوان ايه 

:عنوان شقتك 

:عايزه ليه 

:عشان ارجع لمراتي ما فيش غيرك هتبقى مراتي قدام الناس

:سلام يا ادهم 

:هكلمك بكره 

:الساعه 9:00 لو اتاخرت ما تتصلش زي ما اتفقنا

: اتاخر ايه انا بستنى الساعه تيجي 9:00 بالدقيقه لان بلاقي روحي وانا بكلمك 

*انهى معها المكالمه وعاد ليجلس مع لمياء 

: ايه يا ادهم بقى لك نص ساعه بتكلم مين ده كله

: الراجل اللي هيشتري مني المكتب الهندسي 

:انت اخيرا هتفتح شركه بدل المكتب

:لا هرجع معلم ثاني مش لاقي نفسي في الهندسه غير ان بيني وبينك دخلت كام مشروع وفشلت فيهم وقدرت اغطي خس-ارتي بالعافيه

: ازاي ده انا سمعت عن نجاح مكتبك

:دي اشاعات اصلي متعاقد مع واحد في الدعايه عشان ينشر ان مكتبي ناجح 

:يعني هترجع جزار تاني

*كان يراقب تعبيرات وجهها لكنها كانت بارعة في اخفائها لكنه كان أبرع في قراءة ما تخفيه

: اه انا بحبها الشغلانه دي احسن وكمان عشان اقدر ابقى جنبك لها مواعيد ثابته المكتب شغله كثير 

:طب يا حبيبي اللي يريحك 

:بجد مش زعلانه

: لا اعمل اللي تحبه 

:انا مبسوط اني هرجع شغلي و شقتي القديمه

 :ايه هنرجع الشقه كمان و هتبيع الفيلا دي و الفيلا الثانيه

: لا دي ايجار ما قدرتش اشتريها لسة بقولك غطيت خس-ارتي بالعافيه و الفيلا الثانيه سماء والاولاد هيقعدوا فيها لو اصرت على الطلاق

: طب ليه ما نقعد هنا

:المشوار بعيد عن شغلي انت عارفه 

:طب خليني هنا او في الفيلا الثانيه وسماء تقعد في الشقه القديمه عشان تقدر تشوف الولاد باستمرار ما يبقوش بعيد عنك

: تقعدي في فيلا سماء ازاي انا كاتبها باسمها

: نعم شاري الفيلا و كاتبها باسمها و مأجر دي

: ما دي من الاول وضع مؤقت وكنت مأجرها في نفس الكومباوند عشان اقدر اشوفك من غير سماء ما تعرف اننا متجوزين  .... بس بما انها عرفت ترجع الاوضاع زي ما هي 

:هو انت فعلا هتطلقها

: هي اللي اختارت

: طب ارجوك خلينا هنا اصلها قريبه على المستشفى اللي هتعالج فيها وانت عارف جلسات العلاج الكيماوي بتبقى متعبه قد ايه 

:نشوف مستشفى جنبنا عشان اقدر اروح الشغل وابقى قريب منك

 :لا من الناحيه دي ما تقلقش هكون كويسه خصوصا ان هنا في جنينه اقدر اقعد و اشم هوا نظيف انت عارف محتاجه جو طبيعي بعد الجلسات وراحه نفسية وهنا المكان هادي انما هناك ازعاج 

:نشوف الموضوع ده بعدين لانه سابق لاوانه لسه بيع المكتب هياخد وقت غير اني دافع ايجار الفيلا لمده ثلاث شهور مع بعض ... هتبداي جلساتك امتى 

:بعد اسبوعين اخذت موعد خلاص

 :كويس اكون سألت على مستشفى قريبه من هناك لو لقيت تبداي فيها احسن

: مش اتفقنا افضل هنا

 :لا ما اتفقناش و افتكر انك لما طلبتي ارجع لك قلتي لي انا موافقه اقعد معاك في اي مكان وعلى اي وضع حتى لو بيت بابا المهم ابقى مراتك من جديد 

:اه فاكره ولسه عند رأي بس خليني فتره العلاج الاولى هنا عشان نفسيتي انت عارف العلاج هيبقى متعب في البدايه على ما جسمي يبقى يتعود عليه 

:اتفقنا بعد ما يخلص الايجار ننقل واكون لقيت لك مستشفى كويسه 

*نفخت بغ-يظ فانتبه عليها ولكن تظاهر بالعكس 

*ظل يفكر ان سماء كانت على حق ويعلم جيدا انها كانت ستصبر على اي وضع يكون هو عليه

 *بعد يومين ذهب لزياره والدته

 فوزيه :ادهم حبيبي وحشتني طب ما جيتش مع سماء ليه بدل ما كل واحد جاي لوحده

*رد بفرحه 

:هي سماء هنا

:اه دخلت عند عمك عايز يقعد مع الولاد دخلتهم مع المربيه و جايه تقعد معايا شويه 

:طب لما تيجي خليها تدخل غرفتي من غير ما تعرف اني موجود عامل لها مفاجاه و سيبينا لوحدنا شويه او اقول لك خليهم شويتين 

:انت جاي تعمل لها مفاجاه هنا ولا تقعد معايا

:بصراحه مزعلها وعايز اصالحها خليك محضر خير يا فوز و ساعديني مش انا ابنك حبيبك 

:ياااه يا ادهم من زمان ما سمعتش كلمه فوز بس هعملها عشان سماء بنت حلال و تستاهل دائما تجيلي و تكلمني مش زي العق-ربه اللي كنت متجوزها 

: افتكريلنا حاجه عدله 

: انا بفكرك أن سماء مفيش زيها 

: يا سلام لما تبقى الحما راضية عن مرات ابنها

: كل الرضى انا بدعيلها باستمرار كفايه ان مفيش مرة دخلت عليا و حسيت انها منك-دة عليك انما الثانية اعوذ بالله من غض-ب الله الا ما في مرة دخلت عليا وكنت مبسوط ..... وكل ام يهمها ايه غير سعادة ولادها .... غير ان أول احفادي منها مش اللي كانت بتغشك وتقول لك عندك مشاكل

:دى انت شايلة و معبية

: انت اللي نكشتني 

:طب افتحي لها اهي بتخبط وزي ما اتفقنا 

بقلمي سحر السحرتي 

*بالفعل دخلت سماء غرفه ادهم بعد ما اقترحت عليها والدته ان تبدل ملابسها من اي شيء داخل دولاب ادهم

 *بعد ان خلعت  ملابسها وفتحت الدولاب تفاجأت بمن يحتضنها من الخلف ويشتم رائحتها باشتياق

: وحشتيني قوي يا حبيبتي قلبي حس اني هشوفك النهارده 

:انت بتعمل ايه هنا 

*امسكها من يدها لتلتفت له و تواجهه ليرى فرحتها في عينيها 

:لقيت قلبي بيشدني عشان ازور ماما اكيد كان حاسس انه هيشوفك 

:طب ابعد عشان البس هدومي احسن ابرد

: لا انت كده كويسة قوي وتعالي انا هدفيك

*حملها بين ذراعيه واتجه بها الى السرير 

: فاكرة اول مره شلتك فيها لما وقعتي من على العجلة وانا حسيت بحاجه دخلت قلبي بس ك-ذبت نفسي 

:ياااه يا ادهم انت لسه فاكر

: فاكر يا حبي كل حاجه حلوة مريت معاك بيها

: طب سيبني خليني اروح اشوف الاولاد 

: ليه يا حبيبتي 

: عشان زي ما اتفقنا 

: استني عايزك في كلمتين مهمين

: كلمتين ايه

: هو انا قلت لك وحشتيني 

: اه قلت

: تعالي بقى اعرفك وحشتيني قد ايه 

 *غاب بها في عالم احلامهم ارادت مقا-ومته واله-روب منه ولكنها كانت تشتاق اليه اكثر منه 

*شعرت انه يحبها فوق الوصف وانهارت كل شكوكها بأنه ما زال يحب لمياء 

*بعد ان انتهى وجدها حزينه 

:مالك يا حبيبتي زعلانه ليه انا حسيت اني وحشك زي ما انت وحشاني

: اه كنت واحشني قوي بس ما كنتش عيزاك تلمسني بعد ما لمستها و اكيد انت بتقارن دلوقتي ما بين حضني وحضنها و طبعا هي تكسب مش حب العمر 

*امسك يدها بحنية وقبلها

 :بصي في عينيا يا سماء هتصدقيني لو قلت لك اني ما لمستهاش لغايه دلوقتي ولا قدرت أو ان كانت عندي رغبة اقرب منها

: ازاي ما قربتش منها امال اتجوزتها ليه اكيد بتكدب عليا

: والله ما لمستها واتجوزتها عشان اساعدها تتعالج لكن من الاول مقرر ان عمري ما هلمس اي واحده غيرك

 :ادهم انا خا-يفة بعد كلامك ده الاقيك اخر الاسبوعين بتختارها 

:تعالي نرجع بيتنا دلوقتي و هطلقها قبل اخر الاسبوعين 

: انا بأهل نفسي من دلوقتي انك ممكن تختارها ما تحملش همي اكيد مش هزعل سعادتك عندي اهم

: سعادتي في قربي منك جوة حضنك انا ما عرفتش معنى الحب غير وياك 

*رن هاتف سماء 

:رقم مين ده

 :مش عارفه

: طب ردي و افتحي الميكروفون

*نظرت له بص-دمة 

:هو انت مش واثق فيا

:طبعا واثق يا حبيبتي ده كلام تقوليه ...  بس ده رقمها عايز اعرف بتكلمك ليه وعايزه منك ايه

: الو

 : سماء 

:مين معايا 

:دكتوره لمياء سلطان معاكي 

:ابله لمياء ضرتي يا اهلا وسهلا ما عرفتش صوتك اصلك مش متعودة تكلميني ... خير ندين لمن بهذه المكالمة السعيدة

:انت بتتريقي معلش ... انا بكلمك و بترجاك تفضلي مع ادهم وبلاش تجبريه يطلقك عشان الولاد 

:اسفه قراري مش هغيره وحاولي ما تتدخليش

:طب خليكي معايا ثواني

*تظاهرت انها تتحدث مع ادهم 

: ايوه يا ادهم انا جايه حاضر . ... استنى لا.. لا ...يا ادهم ما تدخلش انا بتكلم في التليفون ... هو ده وقت بوس دلوقت بقولك معايا تليفون مهم ... طيب اسبقني و هحصلك 

بقلمي سحر السحرتي 

*ردت سماء بس-خرية 

:ولما هو مستنيك بتكلميني ليه عايزه تسمعيني انك وياه وانه مش قادر يبعد عن حضنك ... حركاتك كلها حافظاها ... اشبعي بيه ... ولو فاكره اني هغير منك تبقي بتحلمي

: ابدا ده فاجئني اصل من ساعه ما رجعنا لبعض قاعد معايا مش بيسيبني كأننا اول مره نتجوز كل شويه عايزني  .. انت عارفه لغايه ما يطفي ن-ار شوقه بس انا متاكده انه هيرجع لك ويحاول يقنعك عشان العيال  ...عموما احب اطمنك لو اصريتي على الطلاق ولادك هعاملهم زي اولادي بالضبط لغايه لما اجيب

: مش لما تعرفي تجيبي الاول ... سلام يا ابله لمياء عشان اشوف العيال على ما تجيبي

: استني بس المفروض انك بتحبي ادهم وعايزه سعادته وسعادته هيلاقيها معايا 

: طب ما انا هسيبهولك هو انا بقول ايه من زمان 

: والعيال ادهم روحه فيهم

: مش همنعه عنهم وريحي نفسك وبلاش تمثيل انك خا-يفة على مصلحتي ... اسيبك بقى احسن مكالمتك تقيلة قوي على قلبي و ارجعيله عشان يطفئ ن-ار الشوق 

*واخذت تدندن قبل أن تقفل الخط

: الشوق .. الشوق .. الشوق .. حيرني الشوق.. الشوق

$ هل ستنجح لمياء في التفرقة بين ادهم وسماء ؟

& انا مش حذرت محدش يغلط في ادهم كلامي مش بيتسمع ليه عموما مسمحاكم بس الحلقات الجاية هتوضح حاجات كتير