رواية فصلية الضابط الفصل السادس والعشرون بقلم زينب نور
.......... تفاجئت من عافني وطلع رحت اتاكد اشوفه من الشباك صعد بسيارته وطلع ضليت افتر بالغرفه أكل بأضافيري
ولقلق موتني اسولف ويا نفسي
اي اكيد راح يتأكد من الرقم لان كام ميصدك بكلامي حته اذا سئلني
بس اني والله ما سويت شي غلط بس اسمع صوت اهلي وماوعندي غير طريقه اخابرهم غير ابوك موبايل سهام
بس ضليت أكل بنفسي
صورة وارث وهو ايباوعلي بنضرة اسف
ضلت مطبوعه ابالي متروح
ندمت حيل بس الصراحه
هم اطمأنيت من سمعت اخبار اهلي زينين جنت خايفه عليهم وعرفت شوكت محكمة حسام وتقي
صار الفجر واني بعدني كاعده مرتين نزلت ورجعت اصعدت
من القلق ولخوف ما اعرف شاسوي
سمعت صوت سيارت وارث ولباب انفتح كمزت باوعت من الشباك شفته دخل للبيت
گلت بگلبي
:- اجاك الموت ياتارك الصلاه
عالساس جنت محضره الكلام الي اريد اكوله اله وادافع بي عن نفسي
بس كلشي اتبخر من بالي من دخل للغرفه
اباوع علي بخوف
ومننظرته يهجم عليه
امركزه بعيونه تحجي شنو راح يسوي
بلعت ريگ ونزلت راسي عاصره ملابسي بأيدي ورفعت اعيوني اباوعله
اشوفه امركز بيه ايباوعلي من فوك ليجوا بنضرات غضب گالي
وارث :- ادري بيج تسوينها بس جنت اكول بالكي اطلع هلمره اني الغلطان ومتخون ثقتي بيها بس هسه تأكدت ذيل الجلب مينعدل ابد
يفتر بالغرفه ويحجي بعصبيه احسه يريد ينفجر
وارث :- ادوور المصيبه انتي مريضه خايف لا تموتين بأيدي واني اعصابي تلفت منج ومن اخوج وابن عمج ولكم انتو جاي تجبروني ادخل بخطيتكم لييييش فهموني
ندى:- ببس بس خلي اححجي وياك انطيني فرصه افهمك هالمره الله يخليك وارث
حجيت هيج لو عبالك ضربته سجينه
اجاني لزم شعري احسه كطعه بأيده ومخلي وجه بوجهي
وارث:- اسمعج موووو استمع الجذبج تردييين ايي ليش لا وبكل أذان صاغيه اسمعج
:- عوف شعري الله يخليك كطعته و خلي افهمك والله من سمعت كلامك ويا صديقك خفت على اهلي عبالي وسام بي شي
ترك شعري بعد ما كطعه وگالي
وارث :- هذا يا صديق يا كلام وشوكت سبحان الله انتي ابراسج عقل مطي مو مال بشر بس عندج اذانات ذيب
بله اطربيني شوكت سمعتي وشنو حللتي كلامي خلي افهم عقل المطي البراسج
ندى :- قبل ثلاث ايام من جان يمك اسعد وصديقك وانت طلعت تخابر جنت بالحديقه اني وسمعت كل اسوالفك
اتقرب عليه نزل ابمستوايه وخلى اديه ورا ضهره مقلص اعيونه وركز بعيوني ايهز ابراسه
وارث :- اهااا اي وانتي حللتي كلامي بعقل المطي هذا البراسج ورحتي بگتي الموبايل وخابرتي اهلج مووو
حتى تتأكدين مو بله
بس الرقم المتصله علي مو الابوج
بأسم شخص ثاني فـ لا تجذبين عليه ميعبرن
ندى :- وعافية ابويه ماخابرت احد غيرابويه وهذا هو رقمه
وارث :- ماتوقعته منج هم حراميه وتبوكين موبايلات وهم ما تنكدرين اتخططين عفيه عليج بطله كدرتي تقنعين البقيه بس فشلتي اتقنعيني وترى كافشج من البدايه ومتأكد
غمضة اعيوني وبجيت ورجفه بينت حتى ابصوتي كوتله
ندى :- مو بس هذا السبب الخلاني اخذ الموبايل واضمه اكو شي ثاني اريد اكشفه
باوعلي بنضرات تساؤل يهزلي راسه
ندى :- اني متأكده سهام الراسلت تقي ذيج المره من اتهمتني اني امراسلته وردت اكشفها
وهي سبب بكل الصارلي ولصار الحسام وتقي الله هيي الهددتني ونفذت تهديدها وبهذا الجهاز اكيد الصفحه المسويتها واكيد اكو دليل موجوده هنا
انت اتأكد بنفسك
وارث :- تعالي اكعدي هنا
اشرلي على السرير كعدت واني اباوع علي ومخليه ايدي على شعري يوجعني راسي من العتات مال ايده
اخذ نفس وزفره وگالي
وارث :- انتي واهلج مصيبه الله بلاني بيكم
والله ياندى كوه لازم نفسي هسه ما اكوم املخج بس مستخطيج وما اريد أذيج لان مريضه وگلبج ضعيف ميتحمل
ندى :- موتني اذا اتريد ابراحتك اصلاً محد راح ايكولك ليش
بس تأكد بألاول وبعد ما اريد شي ثاني كل الطالبته ابرئ نفسي من تهمه مو اني مسويتها واعرف سهام وراها
والمهم انتَ تعرف الحقيقه عندي هاي كافي بالنسبه الي
مسح وجه ورفع راسه زفر نفس وطلع الموبايل من جيبه فتحه ايفتش بالملافات ولحسابات البي
اني اخذت زاويه ابجي بدون صوت وادعي تعدي على خير هلمره ويكشفها
سمعت أذان الفجر عفته كاعد لازم الموبايل ومركز بي
طلعت اتوضيت وصليت اباوعله ملامح وجه تدل شايف شي يعني اكو شي عاكد حواجبه ويقرا بس شفايفه تتحرك لميت المصلايه واجيت كعدت بصفه اريد اعرف شي
التفت عليه باوعلي وگام لزمت ايده
:- وارث سامحني الله يخليك والله علمود اثبتلك برائتي اعرف بعدك شاك بيه وعبالك اني الي امراسله تقي
نفض ايده من عندي عافني وطلع
من صوت خطواته على الدرج عرفته نزل جوا اني هم نزلت ورا
شفته طلع للگراج يباوع بالموبايل ويفتر ايروح ويرجع
اني واكفه اباب المطبخ
التفت شافني گالي
انتظرني راجعلجن اني مخلي ابيتي كح...... اب
وما اعرف بنفسي
راح صعد سيارته وراح سديت الباب ورا ورجعت صعدت الغرفتي صح خفت من تهديده
بس احس بنفسي ارتاحيت من عرف وارث خف الهم الجان شايلته
تعبت من السهر ولتفكير
بدون ما احس غفيت
.... كعدت مفزوعه على صوت تكسير وهوسه وصوت صريخ سهام وعياط وارث
طلعت اركض شفت وارث يدفر بسهام ويملخ بشعرها يسحل بيها نزلها على الدرج
وهيه تعيط بكل صوتها كزبر جسمي من صوت اصريخها
اباوع الوارث وجه عركان ويلهث واحس اعيونه نار تطلع منها ويكولها
:- لج اني انيييي تخونيني وتلعبين من ورا ضهري انيييي سا....... قطه
اباوع للبنات يبجن ويفرفحن على امهن ولحجيه تصيح علي حته يعوفها وتريده ايفهمها شصاير
كسرن خاطري البنات رحت حضنت زوزه اسكت بيها وهي مجلبه بيه ترجف وتصرخ ماماااا
رجع سحبها من شعرها وطلعها صعدها بالسياره ورجع اخذ عبايه وذباها عليها حتى اتغطي نفسها وهي لزمت ايده تتوسل بي وتبجي ايعوفها يم بناتها
رفسها ابرجله وتفل عليها كالها
:- حرام انتي تسمين أم ولج الام قدوه اتكون البناتها بس انتي عاااار على بناتج
ما حسبتي السمعتهن وانتي امهمن
يحجي ويرجف من العصبيه وصاير وجه احمر صدره يصعد وينزل يتنفس سريع صعد لسياره وهو يكول
:- ولكم ماصايره كل يوم وحده منهن مسويتلي مصيبه ويتمعشگن براسي ولجن اشايفاتني ديو..... ث گو.......اد سهللللله سهله اربيجن من جديد وااااالله
ساق السياره وطلع ما اعرف وين راح ياخذها ولبنات شبعن بجي ولحجيه حايره ماتعرف شمسويه سهام تسئل بيه
كولتلها ما اعرف شصاير
مارجع وارث ولا نعرف شصار بسهام ورا الغدا
دخلت هناء سلمت علينه وكعدت ولضاهر تعرف الصاير طلعت موبايلها تتصل بوارث ميجاوب گالت
هناء:- سمعت بوارث مطلك سهام صدك هذا الحجي شمسويه فهموني البنات وين هسه وياها شو ماكو
من سمعت الحجيه لطمت على صدرها ياااع طلكها ولجن سالفتها جبيره هل طلكها شمسويه المعزايه
هناء:- اكيد مسويه شي جبير والا ما طلكها تحملها كل هل سنين وهسه يطلكها على شي تافه مامعقوله:
اني سويت نفسي كلشي ما اعرف بس استمع الهن واشتغل سكته للعصر
دخل وارث ما سلم على احد بس غسل وجه ودخل للغرفه وسد الباب ميريد احد يحجي ويا
والحجيه طلعت تدك بالباب اتصيح علي
:- يمه وارث شو اطلع حاجيني فهمني شمسويه هلمعزايه وطلكتها صدك
ميجاوبها كالتلها هناء
:- تعالي يمه عوفي خلي الوحده هسه مااله خلك يسولف شويه واني اروح اسئله وافتهم من عنده كلشي
رجعت الحجيه الغرفتها بس تحجي على سهام ولبنات نزلن يمها سكتتها هناء الخاطر البنات خطيه
نص ساعه ورحت افتحت بالباب مينفتح قافله علي رجعت يم هناء ولحجيه كعدت بس بداخلي اغلي اريد اعرف شنو شاف وهيج سوه بسهام
گامت تلعب نفسي وما مأكله شي نفسي مسدوده وعندي دوخه قويه
شافتني الحجيه كالت
:- انتي الثانيه شبيج وجهج اصفر جنج وجه ميت ما تكومين ترحين تشوفين رجلج شبي تفتهمين من عنده
ندى :- بيبي شفتهم من عنده يعني وهو شفتي عبالك كبريت صاير لا ينفجر بيه وترى جربت رحت بس لكيت الباب مقفوله وعفته
گمت طلعت اريد اتقيى بس معدتي فارغه ولدوخه ما عافتني ابد
ورا العشا يله فتح الباب وطلع سلم عليهن وكعد صاح عليه بدون ميباوعلي سويلي چاي بسرعه ويفرك براسه مبين يوجعه
رحت سويت چاي وجبته اله شفت زوزه مخليها بحضنه ويبوس بيها وزها بصفه مخليه راسها على صدره ويحاول يكون طبيعي انطيته الچاي وطلعت
مر أسبوع و وارث ميحجي وياي داير وجه عني وميقبل حته المسه حاولت مرتين احجي ويا بس قافل عليه
وسهام اجه ابوها للبيت هو واخوانها يردون يفتهمون شمسويه وسولفلهم وراحو يتوعدون الها يأدبونها واحد يكول اموتها واطم عارها ولثاني يكول ما اصدك تسوي سهام هيج
بس اعرف كله جذب بجذب ميسولها شي وسهام حية هسه تقنعهم ممسويه شي
لليل كاعدين على صينية العشا وارث كاعد ياكل واني مقابيله رن جهازه باوعله ورفض المكالمه ورجع يأكل
المتصل ضل يلح بالاتصال رفع الموبايل وفتح خط ما اعرف ويا منو بس باوعلي بتركيز ونزل عينه
احس گلبي نغزني حسيت صاير شي ولاكدلي هلشي من وارث باوعلي صفن بوجهي وعاف الأكل وكام طلع برا يحجي بلغز الفضول يقرا الللف صار عندي گمت ورا اريد اعرف شصاير
التفت شافني سدالخط وباوعلي مركز بعيوني واكو كلام بالسانه بس مايكدر يحجي
عبرني ورجع للغرفه بس بعد ما رجع أكل انسدت نفسه وكل ما ارفع عيني اشوفه يباوعلي ما اعرف افسر نضرته الي
اكيد صاير شي ما كدرت اسئله لان زعلان وميحجي وياي
بقيت منتظرته بالكي هو ايبادر ويحاجيني
ما اريد افشل نفسي اكثر ويا
الثاني يوم العصر كاعدين طبيعي يم الحجيه زها صايره حبابه وياي واحسها مكسوره على امها
گالتي خلي نسوي كيكه مشتهينها
كلتلها يله گومي وياي على الواهس انسوي
كمنه اني وياها للمطبخ نحضر بتجهيزات الكيكه سمعت الباب انفتح باوعت من الباب شفت وارث دخل بس بقى السياره مشتغله ولباب مفتوح
ونزل يمشي سريع أول ما شافني گالي
وارث:- اااابسرعه البسي عبايتج وتعالي وياي
ضليت واكفه صافنه علي وين اروح ويا
صاح بيه
وارث :- يله شمنتظره بسسرررعه
عفت كلشي من ايدي ورحت للغرفه طلعت عبايتي وحذاتي ولبست حجابي من كد ما متوتره ومستعجله حتى حجابي ميجي عدل وبالي مشغول
وين ايريد ياخذني الافكار تضارب براسي
دخل وراي صاح بصوت گمزني
وارث :- لج يللله شسوين بس العبايه البسيها
ولحجيه دخلت ورا تحجي ويا
:- ولك يمه راح تجلطني كل يوم سالفه جديده وين تريد بهاي الثانيه المن ماخذها:
جاوبها وهو يفتح بالقاصه طلع اوراق منها وفلوس ومسدس ثاني خلا بحزامه
اباوعله ولخوف بده يسري بعروكي
وارث :- يمه ماكو شي لا تخافين وراح تجيكم هناء تبقى يمكم هيه واسعد هل يومين
باوعلي ومد ايده
لزم ايدي وسحبني امشي ورا سريع
ولحجيه تحجي ويا حتى ميجاوبها
صعدني بالسياره ودار صعد ايسوق
طلعنه اشوفه ايسوق سريع اباوع علي مخبوص وموبايله ابد ما سكت يررررن بأستمرار اخاف اسئله ويضربني على حلكي اكتفيت بالسكوت مشينه مسافه دخلنه بمنطقه......
شكرا لزيارتكم عالم روايات سكيرهوم
