.jpg)
رواية معشوقتي المجنونة الفصل السادس والعشرون بقلم ابتسام محمود الصيري
دانية بصت في الارض و مش عارفه تقول لا عشان خاطر نايا فادي يزعل و مش عارفه تقول اه ليه نايا تزعل
سوسن بخبث : يعني مش عايزة تتجوزي فادي مافيش عندي اي مشاكل
دانيه ترد بسرعه : يا مامتي انا ماقولتش مش عايزة اتجوز بس نايا تعبانة و لسه خارجة من مشكلة
سوسن بضيق : خليكي ورا نايا لحد ما تجيبك الارض
فادي بتمثيل الامبالاه : خلاص يا ماما سيبيها براحتها (و قام ) اسيبكم انا
دانية قامت : انت زعلت
فادي ببرود : يبقى لسه ماتعرفيش فادي
دانية بزعل : هو انا مش فارقه معاك بقى
فادي بخنقه : هي طلبت معاكي نكد
دانية بمرح : انا نكد
فادي ياخد نفسه : ما انا لو كنت قلت زعلت كنتي زعلتي برضو
دانية بنظرة حب و دلع : لا كنت هحس انك بتحبني و متقدرش تبعد عني
فادى بنفس النظره : تمام و انا زعلان و عايز اتجوزك من بكرة و مش هقبل اي اعذار حلو كده
دانية بحده : انت ليه مش مقدر الحالة اللي فيها نايا ، نايا دي اكتر من اختي
فادي باستغراب : لا اله الا الله
شادي بضحك : محمد رسول الله
فادي يحاول يمسك اعصابه : دانية يا عيوني اعملي اللي يريحك انا اعتبربني خاتم في صباعك اللي تحبيه اعمليه
دانية بحب : طبعا هنتجوز بس نايا تهدا
فادي يمثل الهدوء : و انا موافق اسيبكم و انزل عشان هموووت و انام و عندي شغل بدري
دانية بأهتمام : خلي بالك من نفسك
فادي بحب : عيوني
سوسن انتي يا زفته الراجل يجيلك كده تجيلو كده ، فيه ايه ؟
دانية : هو انا كنت اوفر
فريدة بضحك : جدا
شادي بضحك : ده كويس مارمكيش من هنا
سوسن بغيظ : و الله هتجننيه اسم الله عليه
دانية بالامبالاه : و انتم ايه زعلكو هو كان اشتكالكو ايه العالم الغريبة دي (و دخلت اوضتها)
سوسن قامت : اروح احضر العشا
شادي : معلش يا ست الكل هاخد فيفي ا و يبص ل فريده ب حب ) ننزل نتعشى تحت
سوسن : بس الدنيا ساقعة
فريدة تمسك ايد شادي : الجو تحفة
سوسن : طيب البسي جاكت تقيل و ماتمشيش في الشتا
فريدة قامت جريت باست مامتها : بس كده حاضر حاضر حاضر
شادي كان بيحب حركاتها الطفولية جدا و بيعشقها و هي رومانسية ع الاخر معاه
لبست جاكيت و نزلو
شادي بحب : تحبي تروحي فين
فريدة : اي مكان طول ما انا معاك خيال ان شالله نقعد ع الرصيف هنا
شادي باستغراب : الرصيف !! ماكنا قاعدين فوق بكرامتنا
فريدة بضحك : تعالى نروح بحري
شادي : تمام بس اوصفيلي امشي ازاي اصل الجي بي اس ده بيخرف
فريدة بضحك : ماشي بس تدفع كام
شادي بحب : ادفع قلبي
فريده بهيام : يالهوووى مره واحده
شادي : انتى يا وردة حياتى مافيش حاجه تغلى عليكى ابدا
وصلو بحري ينزلو من العربيه الجو مشبر ساقعه لكن الجو هادي ، شادي ياخد نفس طويل و يطلعه براحه : يا سلام ع الجو تحفة
فريدة : انا بحب الجو ده اووي
شادي : تعالي ندخل الكافيه ل تبردي
فريدة : ابرد ايه تعالى نقعد ع الصخر
شادي : شكلك هتخليني اضّرب النهاردة
فريدة ب ستغراب : تضّرب ليه؟
شادي بضحك : انتي دماغك راحت فين انا اقصد ماما سوسن لو انتي روحتي بردانة هتعلقني
فريده بضحك : دي هتنفخني انا بس ما تقلقش انا اسد و واخدة ع الجو ده و الجاكيت ووتر بروف يعني امان يا مان و لو حصل حاجه انا اخده ع شبشب الحاجه ف اطمن
شادي فضل يضحك ومسك ايدها و راحو قعدو ع الصخر و حط ايده ع خدها : انا لم ارى الكون بهذا الجمال من غيرك ، انتي التي تعطي اي مكان جمال ،، الجمال لا يكمل الا في وجودك ،، انتي التي ملأتي قلبي حبا و اشتياقا ، انتي الاميرة الوحيدة التي ملكت قلبي ،، لا ارى اي جمال في بعدك ،، سأظل احبكي حتى تصبحي امرأة عجوزا و خطوط الشيخوخة تملأ وجهك لكن تزيده جمال ع جمال
و بصلها بشوق
عندما احب الهروب من العالم اتذكر عيونك و اغرق في اعماقها التي يملأها الحنين و الشوق
فريدة حضنته : انت بقى العسل اللي في العالم كله (و بصت ليه بحب )و لو لفيت الدنيا مش هلاقي اجمل ولا ارجل ولا اطعم منك يا حياتي انا .
الشتا زاد و فريدة اتغرقت
شادي يحط ايده ع خدودها : قطرات المطر تجعلني اغار عليكي منها لماذا تصل اليكي و تلمس جسدك ،، (نزل ايده ع شفيفها و مسح منها قطرات المطر ) يا بخت المطر
فريدة بضحك : بس كلامك بيدوخني (و طفل عدى من جنبهم فضلت تبرق بعنيها ليه)
شادي بخوف ع الطفل : انتي بتخوفي الولد ليه
فريدة بمرح : انا بلاعبه
شادي باستغراب : كده بتلاعبيه ده انا خفت
(الولد استخبى في مامته)
فريدة حولت عنيها و عملت بقها زي الارنب
الولد عيط
شادي خبطها ع كتفها بشويش : بس حرام عليكي
مامته بصت وراها فريدة عدلت نفسها
فريدة بسرعه و بصت ل شادي : يالا بينا نجري (و راحت جنب ودن مامته ) شكله خايف او متضايق، ياريت تخلى بالك من ابنك يا مدام
شادي شدها : و من مين بقى خايف يا جبارة
فريدة بضحك : اكيد منك و ضربته و جريت و فضلو يجرو تحت المطر و يهزرو
********
عند نايا ما كانتش بتكلم حد وبتاكل بالعافية
********
بعد اسبوع الصبح
نايا بضعف : كرم انا هروح شغلي
كرم بحده : و ياترى شغل ايه المره دي ؟
نايا : الشغل بتاعي في المعمل
كرم بهدوء : احسن اقتراح ، بس هيرجعوكي عادي
نايا : هجرب انا لازم اشغل نفسي
كرم : ربنا يقويكي
نايا : عامل ايه مع مريم
كرم : الحمدلله مهيمن هدي و بقيت اكلمها عادي
نايا : ربنا يسعدك يا حبيبي ( حضنته و نزلت)
اول ما شافت الاسكوتر افتكرت الحادثة و افتكرت مهيمن لما كان بيتريق ع البنات اللى بيسوقو اسكوتر مسحت وشها يارب صبرني ع بعاده و راحت المعمل اول ما دخلت
زياد : نايا لا لا انا اكيد بحلم كنتي فين يا بنتي جنانك وصلك لحد فين
نايا بتتكلم بجديه : لو سمحت الدكتور ايمن جوه
زياد باستغراب : طيب ليه المعاملة دي مش واخد ع كده
نايا سابته و راحت خبطت ع باب الدكتور
زياد باستغراب يكلم نفسه : هي مالها دي!!
الدكتور : ادخل
دخلت و اول ما شفها الدكتور : نعم
نايا بكل جديه : دكتور انا بعتذر ع غيابي الفترة دي كلها بس صدقني انا هلتزم بشغلي ، ده لو حضرتك وافقت اني ارجع
الدكتور : اكيد يا دكتورة نايا وجودك هيفرق معانا
نايا : اوعدك يا دكتور هلتزم
الدكتور مستغرب طريقة كلامها و انها جد ورسمي اووي و هي بتتكلم
الدكتور : نايا انتي كويسة؟
نايا ابتسمت ابتسامة حزن : الحمدلله (و قامت ) بعد اذن حضرتك
الدكتور : اتفضلي
دخلت المعمل و ذكرياتها بتطاردتها و مش قادرة تركز في اي حاجة و فضلت سرحانة شوية و تشتغل شوية لحد الساعة اتنين
نزلت من المعمل و فضلت تمشي و هي سرحانة و بتفتكر ذكرياتها مع مهيمن لحد ما لقت نفسها قدام باب الفيلا عند مهيمن
و كانت تقريبا مشيت ساعتين
نايا تفوق من سرحانها : ايه ده انا ايه اللي جابني هنا انا لازم امشي بسرعة (و هي بتمشى لمحت مهيمن جوه) و تكلم نفسها : ايه وقفتي ليه امشي ، لا اطمن عليه و اكلمه ممكن يسامحني و راحت عند البوابة
الامن : نايا هانم ايه النور ده كله
نايا بخوف من رد فعل مهيمن : ممكن اقابل مهيمن
الامن : اه ، ثواني هديلو خبر
نايا صممت تدخل هي حتى لو مرضيش يسامحها يبقى شافته : لا هدخلو انا
دخلت ، مهيمن كان في البسين مع الدولفين
نايا تقف اول البسين : يا بختك عندك حاجة تديلك طاقة اجابية و سعادة لمدة عشر ايام ( النزول مع الدولفين بيعمل طاقة ايجابية و سعادة ممكن توصل ل ١٠ ايام)
مهيمن اول ما شافها بصلها بأشتياق ثوانى و فاق لنفسه طالع بضيق : انتي عايزة مني ايه تاني؟ و ايه اللي جابك هنا؟
نايا بصت في عينه : انا بحبك
مهيمن بحده : لو سمحتي اطلعي من حياتي و سيبيني في حالي كفاية اللي حصلي بسببك انتي دمرتي حياتي
نايا بتحاول تمسك دموعها : مهيمن انا غلطانة و معترفة بس انا مش هقدر ابعد عنك
مهيمن بص الناحية التانية
نايا بدموع : مهيمن انا جيت ع كرامتي كتير لو طلعت من هنا مش هرجع تاني
مهيمن بيحاول يمسك دموعه و قلبه بينزف و بيدق جامد لدرجة بيهز جسمه كله و يحاول يقول عكس اللى جواه : ياريت ما اشوفش وشك تاني
نايا بدموع و ضعف : نسيت وعودك ليا
مهيمن يبصلها و بعصبية / انتي عندك مسلسل جديد و جاية تمثليه عليا ، الوعود دي وعدتها ل اللي كانت حبيبتي مش لواحدة كدابة كانت بتكدب عليا طول الوقت و مفكرتش في العواقب مع انها كانت عارفة اني عاجلا ام اجلا هاعرف انها ملهاش اخ اسمه نضال
نايا تقرب منه : والله ما كدبت عليك في حبي انا بحبك والله بحبك
مهيمن كان نفسه انها تبعد عنه و تبطل كلامها اللى بيوجع قلبه و اللي هيخليه يضعف قدامها حاول ان يستفزها و قال بحده : و قعدتك في معسكر مع الرجالة اربع شهور لا وما شاء الله الشباب اللي كانو معاكي عارفين انك بنت ، ياترى بقى ايه اللي كان بيحصل بين...
نايا الكلمة وجعتها و قاطعته بحده : مهيمن مسمحلكش تغلط في شرفي انا عمر ما راجل لمسني حتى انت عمرك ما لمستني و بشكر الظروف اللي خلتني اكتم حبي و رومانسيتي عشان محدش يمسك عليا حركة او كلمة قلتها و كلامي معاك عمري ما قولته ل اي شاب غيرك
مهيمن زعل من نفسه انه قال كده بس كان نفسه تبعد عنه و لف ضهره
نايا تمسح دموعها بعصبيه : ع العموم انا اسفة لو سببتلك اي وجع و اوعدك مش هوريك وشي تاني بس انك تفتكر اني رخيصة يبقى انا اللي ندمانة اني عرفت واحد مايعرفش نايا تبقى ايه و مشيت
مهيمن كان مديها ضهره و دموعه بتنزل زي المطر
مشيت نايا و قررت تركز في شغلها و بس
روحت البيت لقت دانية
هالة بقلق : اتأخرتي ليه يا حبيبتي؟
نايا و وشها اصفر و عينها كلها دموع : جيت مشي كنت زهقانة شوية
هالة تقرب منها : لسه مش عايزة تقولي مالك
نايا : انا كويسة يا ماما بس كنت عايزة اتمشى شوية
دانية بهزار : اخص عليكي كنتي كلمتيني امشي معاكي ( و بصت ل هالة ) ايه يا طنطي مافيش اي عصير
هاله : قولي انك عايزة تطرقيني و بطلي لف و دوران
دانية بهزار : ما انا لازم الف الدائري بقى مقفول قفلة سواد و بحاول اعدي
هالة : ماشي يا لمضة و قامت
دانية بصت ل نايا : ع فكرة وحشني المشي معاكي و الفضايح اللي بتفضحيهالي في الشارع يا منحرفه
نايا تبتسم بحزن : كان زمان خلاص نايا اتبخرت
دانية : لا انا بحب نايا المجنونة اللي مش بيفرق معاها حد اللي ما بتعملش حساب ل بكرة ، هي موحشتكيش
نايا قعدت : هي وحشتني منكرش بس بقى بيني و بينها تار خلتني اعمل حاجات متتحملهاش اي بنوتة انا لازم ادفنها و ادفن كل الماضي انا لازم ابقى واحدة جديدة ملتزمة في كل حاجة
دانية : و هتقدري تتعايشي مع حياة الروتين و المواعيد و الجد اللى هما اكتر حاجه بتكرهيها
نايا بحزن : الهبل و الهيافة عملت فيا ايه خلتني موجوعة و قلبي مجروح و بينزف
دانية و قلبها وجعها ع صحبتها : بس مهيمن بيحبك و اكيد هيرجعلك
نايا بدموع : مهيمن شايفني كدابة و واطية و رخيصة انا يقول عليا رخيصة انا ...
دانية حضنتها و فضلت تعيط... فون دانية رن
نايا بعدت : ردي ع فونك
دانية : ده فادي مش اشكال لما انزل ابقى اكلمه
نايا تمسح دموعها : لا ردي عليه ل يقلق
دانية ردت : الو
فادي بحده : فكرتي
دانية تحاول تغير الموضوع : انا عند نايا
فادي بحده : انا مش بقولك انتي فين ، فكرتي
دانية : اول ما اروح هكلمك
فادي : اديني نايا
دانية بقلق : هتقولها ايه
فادي بنرفزه : عايز اسلم عليها
دانية بغباء : لو قلت هزعل
فادي بضيق : ع فكرة مافيش في دماغي غير انى اسلم عليها
نايا بصتلها حاست ان فيه حاجه : في ايه !و ايه اللي مش عايزة يقولهولي؟!
دانية بتوتر : ولا حاجة
فادي بضحك : احسن جبتيه لنفسك
دانية بتوتر : هو عايز يكلمك .. و اديتها الفون
نايا بحده : في ايه يا فادي؟
فادي : و الله كنت عايز اسلم عليكي
نايا بصرامه : في ايه يا فادي؟
فادى : اقسم بالله كنت عايز اسلم عليكي ، مالك ؟!
نايا : دانية مالها و مش عايزك تقولي ايه
فادي : اسأليها انا ماكنتش عايز اقولك حاجة
نايا : لخص و هات من الاخر، في ايه؟
دانية : يا نايا مافيش و اخدت الفون منها ايوه يا فادي سلام انت
فادي بضحك : بتصيعي ع مين دي تلميذة مهيمن لازم تعرف و لو ماقولتيش هتعرف انتي عايزة ايه من عينك
نايا سمعته و عينها دمعت لما سمعت اسم مهيمن
دانية : ماشي سلام
نايا تحاول تمسك دموعها : ممكن اعرف فيه ايه؟
دانية : يا نايا مافي..
نايا قاطعتها : هاتي من الاخر يا دانيه
دانية بضيق : هقول بس بالله عليكي ما تزعليش من فادي هو اكيد بيعزك
نايا بقلق : اخلصي حصل ايه!!
دانية : فادي عايز يتجوزني
نايا ضحكت : مبرووووك و ايه يزعل في كده ، طول عمري نفسي اشوفك مع عريسك و ده مش اي عريس ده فادي اخويه و اجدع راجل عرفته
دانية بفرحه : يعني مش زعلانة
نايا وشها فرحان : انتي هبلة صح
دانية بهزار : لا بس بحب استهبل
نايا : ناوي ع امته
دانية : اول الشهر اللي جاي
نايا حضنتها : ان شاء الله هتبقى احلى عروسة منتظرة ربنا يسعدك
دانية بحزن : كان نفسي فرحنا يكون مع بعض
نايا الضحكة تختفي من وشها : الحمدلله ان حد فينا هيتجوز
دانية : ان شاء الله مهيمن هيرجع عشان هو بيحبك
نايا بوجع : مافتكرش حد بيحب حد يشك فيه ، خلاص انا كرهت الشخص ده ومش عايزة اسمع اسمه ولا حتى عايزة اقول اسمه ،، مات بالنسبة ليا و عيطت جامد
دانية حضنتها : خلاص عشان خاطري اهدي
نايا : انا مش بعيط عليه بعيط ع نفسي اني اتخدعت في شخص و افتكرته جدع و بيفهم ، اه انا كذبت عليه ، بس ده ربنا بيغفر و يسامح و اللي خبتطه نفسه سامح ، هو ايه قلبه مخلوق ايه
دانية : عشان خاطري اهدي
نايا مسحت دموعها : من دلوقتي دموعي مش هتنزل تاني خلاص ربنا يسهله في حياته و يصبر قلبي ع جرحه ليا ، لما تنزلي تجيبي الفستان ابقي قوليلي عشان اخد اجازة و الف معاكي
دانية : طبعا هو انا ليا حد ابهدله و اشحططه معايا غيرك
نايا حضنتها : ربنا يسعدكم
دانية بحب : و يسعدك (فونها يرن) : ده فادي
نايا تمسح دموعه : هاتي ارد عليه (و فتحت)
فادي : ضي عيوني انا تحت بيت نايا
نايا : احم احم
فادي بإحراج : نايا ، طيب قولي اي حاجة عرفيني ان انتي مش هي
نايا بضحك : لا ما انا لازم اطمن ع اختي و اشوف جوزها هيكلمها ازاي من ورا الناس
فادي : يسمع من بقك ربنا و ابقى جوزها
نايا بفرح : مبرووووك يا فدائي هتبقى عريس يا بيضه قريب
فادي بفرح : و ربنا ، لا احلفي
نايا بتحاول تهزر : و ربنا وربنا و ربنا
فادي بفرح : اخيرا وافقت
نايا : طبعا امال ايه، ده احنا هرمنا من اجل هذه اللحظة و الله كنت فكراها هتعنس بس يالا الحمدلله لقينا اعمى يشيل الشيلة و يريحنى و يريح امها و اختها و البشاريه كلها و ظلم نفسه
فادي بهزار : شكلي اتدبست
نايا : ابدا دندون دي ملاك استغفر الله
فادي : انا كده اطمنت اني داخل ع ايام لطيفة
نايا : تم قذف الصاروخ بنجاح يا فندم و وصل للهدف ( ضحكت ) خدها اهي
فادي : بعد ما اطلقتي الصاروخ و دمرتي كل الارجاء
نايا بضحك : اهم شئ ان الواحد يعمل الخير و يحس براحة لا توصف
دانية اخدت الفون : ده انتي شحورتيني ،، حبيبي اوعى تصدقها انا نسمة و حتى اسمي نسمة
فادي بصحك : نسمة طيب انزلي يا ناااااسمة
دانية بفرحه : انت تحت
فادي بحب : اه وحشتيني
دانية بكسوف : ثواني و اكون عندك
قامت سلمت ع نايا و نزلت
******
مهيمن بقى هالك نفسه في الشغل و التمارين و تدريب نضال
********
بعد اسبوعين
عند نايا
كانت بتعمل اختبارات و كانت بتنجح و الدكتور كان فخور بيها جدا
اما زياد صاحبها من ايام الدراسة : نايا حاجة كويسة انك بقيتي ملتزمة في مواعيدك و حاجة كويسة انك تعملي تجارب و تنجح بس اللي مش كويس انك مش نايا ، فين نايا اللي كانت مابتشلش للدنيا هم مالك يا نايا ، انتي عارفة اني بحبك و انتي دايما تقولي خلينا اخوات و انا وافقت اننا نكون اخوات ممكن اعرف اختي مالها
نايا دمعت : انا اسفة اني جرحتك في يوم ماكنتش اعرف الجرح من الحبيب بيبقى صعب اووي كده (و عيطت)
زياد : نايا انا تقبلتك اختي و مش مجروح منك كفاية عليا اشوف ضحكتك
نايا فضلت تعيط
زياد مسح دموعها بأيده : ينفع كده وسختي ايدي بطلي عياط بقى معيش مناديل و رفع البلطو بتاعه و مسحلها وشها يرضيكي البلطو كده اتبل يرضيكي
نايا ابتسمت : ع فكرة انا معايا مناديل
زياد : يا بخيلة طم ماتطلعي بدل ما انا بوسخ هدومي و هاضطر دلوقتي اغسله
نايا بهزار : انت لسه معفن
زياد بهزار : طبعا امال ايه الغسالة دي عايزه ماية و كهربة و مسحوق و ليه المصاريف دي كلها
نايا بضحك : لا معفن معفن
زياد : معفن معفن بس كفاية عليا اني شفت ضحكتك
نايا : يابخت اللي هتتجوزك
زياد : اشمعنى
نايا : شخصيتك لذيذة بتهزر ما بتعملش حساب لبكرةو ع فكرة انت مش معفن
زياد : دي شهادة اعتز بيها عندك عروسة بقى ليا
نايا : عليا بتحبك اووي و هي طيوبة
زياد بضيق : دي طيوبة اووي اووي دي بتصدقني في كل حاجة
نايا : انت بطل غلاسة عليها ، و مش هتلاقي حد يحبك قدها
زياد : تمام يا اختي و انا في اقرب فرصة هروح اتقدملها
دخلت عليا المعمل
زياد : الحقي يا علياء الفار هرب من المصيدة و تحت رجلك
عليا وقفت اتمسمرت مكانها وفضات تصوت
زياد يشاور عليها : مش قولتلك هبلة
نايا : انت اللي غلس والله ، و تبص ليها بس يا علياء مافيش حاجة
زياد : تعالي يا علياء عايزك
علياء راحتله بفرحة : نعم
زياد : عايز رقم باباكي
علياء بخوف : ليه هو انا عملت ايه
زياد يعض شفيته اللى تحت : شايفة ، شايفة مجايبك
نايا بهزار : معلش معلش دي طيوبة
زياد : ماشي يا نايا ، و بص ل عليا اخلصي هاتي الرقم عشان اتنيل اخطبك
عليا بفرحه و قالت بسرعه : العنوان ٣٩ شارع الشريف
زياد بضحك : العنوان ع طول كده
نايا ضربته ع كتفه : مبروك يا زوز
زياد بغيظ : الله يبارك فيكي ياختي
نايا بضحك : اسيبكم انا بقى و نزلت من المعمل لقت عربية هامر و كلها فاميه راحت عندها فضلت تمسح دموعها وظبطت شعرها و مشيت
اللي كان جوه العربية كان هيجيلو سكتة قلبية اول ما قربت للعربية
فادي اتصل عليها
نايا : فادي عامل ايه
فادي : فين كلمة زومل و لا خلاص مابقناش زومل
نايا : احنا بقينا اكتر من زومل كمان و انت عارف كده
فادي : طيب نفسي اقابلك و ندردش شوية مع بعض زي زمان
نايا : ان شاء الله
فادي : النهاردة
نايا : اوكي
روحت اتغدت و نامت شوية و راحت قابلته
اول ما دخلت الكافيه شافت عربية نوع تاني بس برضه كلها فامية فضلت تبص عليها شوية و دخلت اول ما دخلت افتكرت ان ده نفس المكان اللي شافت فيه مهيمن اول مرة
تملكت دموعها و بصتلهم : ازيك يا فادي ازيك يا عمرو و اخدت دانية بالحضن
فادي و عمرو : الحمدلله
فادي : ايه يا حاجة مالك مش بتسألي ، امال لو ماكنش بنا ضفادع و تعابين
نايا بقوف : بس الله يقرفك متفكرنيش
دانية باستغراب : اكلتي الحاجات دي يا نايا
نايا : الجوع كافر يا ماما
دانية : ده لو هموت ياااي
نايا زقتها عليه : خدها اسبوع في الصحرا و نشوف هيبقى ياااي و لا الله عالجمال
عمرو بجديه : واحشتني القاعدة معاكي
نايا بضحك : عدوي اللدود بيقولي اني وحشته
عمرو : اه والله ، معلش اني كنت بغلس عليكي في الاول
نايا بهزار : بس يا راجل هو في الاول بس اتقي ربنا
عمرو : ماشي يا لمضة
فضلو يتكلمو شوية مقدرتش تكمل هزار و عنيها دمعت
فادي : مالك
نايا من غير قصد طلعت اللي في قلبها : هو عامل ايه
فادي : لسه يا نايا
نايا بحزن : والله مش قادرة انسى خالص
عمرو : بصي هعملك مفاجأة النهاردة بليل و ده يبقى اعتذار منى ع كل اللى حصل منى زمان
نايا : ايه هي؟
عمرو : بليل و لو نفع قبل كده هتصل عليكي ماسنجر كام اوك
نايا : اووك
و فضلو شوية مع بعض و هي روحت و فادي روح دانية و عمرو راح المركز و فادي راح وراه و دخلو مكتب مهيمن فضلو يدرسو قضية لحد ما مهيمن تعب
مهيمن : انا فصلت كملو انتو و قام نام ع الكنبة اللي في المكتب
عمرو و فادي فضلو يدرسو في القضية و يحطو خطط عمرو بص ع مهيمن و اتأكد انه نام ع الاخر اتصل ع نايا ماسنجر
نايا فتحت
عمرو و فادي شاورلها ماتتكلمش
و وروها مهيمن و هو نايم نايا حطت ايدها ع بوقها و فضلت تعيط
فادي شاورلها تسكت
عمرو كتبلها : استني هوريكي حاجة كمان بس امسكي اعصابك
مسك فون مهيمن و ورهولها و كانت صورتها الخلفية ع موبايل مهيمن
فادي شاور ع مهيمن و عمل ع قلبه قلب بايده و شاور عليها
هي فضلت تعيط
عمرو كتبلها : سلام احسن نتنفخ
نايا قفلت و ماكنتش عارفة تنام و بتعيط كتير و قامت تتفرج ع ذكرياتها معاه : مادام بيحبني ليه قالى كده ؟ ليه بيوجع قلبي و يخرحنى ؟ ( فضلت تتفرج و تعيط و مش عندها جواب واحد ل اي سؤال )
فضلتصاحيه لحد الصبح و نزلت راحت الشغل
اول ما نزلت شافت عربية كبيرة هامر و تكلم نفسها : ايه حكاية العربية دي اللي ورايا في كل مكان و باب العربية اتفتح و نايا لقت نفسها جوه العربية
