رواية احببت من لا يراني الفصل السابع و العشرون 27 بقلم سحر السحرتي

*اغلقت سماء معها المكالمه وقالت بس-خرية لادهم

: انت ليه مش سايبها وعلى طول لازق لها هو انت لسه ما طفتش ن-ار شوقك مش معقول كده فهمني 

 *لم يجيبها لكنه التهم شفتيها لتجيب بدلا عنه 

:خلاص ابعد بقى فهمت ... تعالى عامله شويه اكل هتبوسني عليهم 

:طب ما ابوسك دلوقتي واحنا لسة فيها 

 :يلا بطل دلع دي مفاجاه وكويس ان انت موجود عشان تدوقه 

*جلسوا جميعا ليتناولوا الطعام مع والدته

 :الله يا سماء اللحمه دي طعمها تحفه 

: ده لحم نعام من مزرعتي اللي اشتركت مع عمار فيها وده اول انتاج لينا 

:معقول حلوه قوي بس ما قولتليش ليه 

: كنت عملاها مفاجاه لك 

*وقالت بتوتر

:هو انت عندك مانع 

: لا طبعا يا حبيبتي عمار ده اخويا بس كنت شاركتكم

: لما نيجي نكبرها ندخلك معانا احنا لسه بنجرب في جزء صغير 

فوزيه :هو عمار هيسيب مزرعه العجول

 :لا يا طنط هيمسك الاثنين وانا اشراف طبي على دي احنا عاملينها مشروع بينا للمستقبل 

ادهم :بس مفاجاه حلوه يا حبيبتي انت طول عمرك شاطره 

:لما تشوفها هتعجبك قوي وعاملين فيها استراحه عشان لو حابين نقضي فيها كام يوم او يوم من اوله لاخره في الإجازات يبقى تغيير 

: فكره حلوه خلاص نروح في الاجازه اللي جايه 

:بعد نهايه المده يا ادهم

 *همس في اذنها

: بعد نهايه المده هسيب العيال عند ماما واخدك يومين عسل اعتذار رسمي اني كنت ح-مار كبير 

*احمر وجهها خجلا وعلته ابتسامه ساحره 

 فوزيه :ما تاكل يا ادهم هي لسه زعلانه و بتصالح فيها 

:لا يا ماما دي طيبه و بتتصالح بسرعه

: عندك حق سماء مفيش منها 

سماء : طب انا هروح اخد الاولاد من عند بابا واشوفه اذا خلص اكل

ادهم :بلاش عمي يعرف اني هنا 

:ليه

:عشان لو كلم لمياء خليها ما تعرفش حاجه 

:هي اصلا لغايه دلوقتي ما قالتلوش انها رجعت من السفر

*تفاجأ من الخبر

:انت بتتكلمي جد

: تعالى سلم عليه واسأله بنفسك 

*دخل عند عمه ليسلم عليه ويلتقي باطفاله الذين اشتاقوا إليه بشده وندم على ما فعله فهو ايضا لا يستطيع الاستغناء عنهم ... حبه الأبوي طغى على كل شيء 

:ازيك يا عمي عامل ايه 

:كويس يا حبيبي 

:مش هنجوزك بقى 

:بعد ام سماء ما اقدرش 

:يعني هتفضل قاعد لوحدك 

*كانت سماء بالداخل تعد أطفالها للعودة للمنزل

:لا خلاص لمياء بتقول لي هترجع و تقعد معايا بعد ما جربت الجواز ثاني وفشلت فيه 

:هي اتجوزت تاني

:اه بتقول ما كملتش كام شهر ...ما حدش قدر يستحملها وندمانه ونفسها ترجع لك ... انا مكسوف منك اني بطلب ده عشان بحب سماء بس لمياء برده بنتي وعارف هي غلطت قد ايه معاك 

: لما توصل بالسلامه نشوف الكلام ده

: ادهم انا اب عايز يطمن على بنته قبل ما يم-وت اللي مش مستقرة من عمايلها هي اه بتغلط بس بنتي ريحني قبل ما اقابل وجه كريم 

: ربنا يديلك الصحة يا عمي بس انت عارف أنه صعب

: لو على سماء هي طيبه و هقدر أقنعها بس فكر انت ووافق

: ان شاء الله يا عمي هفكر  

*كانت سماء بالداخل واستمعت لكلام سلطان وعلم ادهم انها استمعت من الدموع التي ظهرت بعينيها 

:طيب يا عمي هاخذ الاولاد وسماء ونمشي عشان عندي شغل 

:ابقى اسال علي يا ادهم مراتك ربنا يحفظها مش مقصره معايا او مع امك

: مراتي ما فيش منها دائما بتكمل الناقص عندي دى نعمة كبيرة من ربنا الحمد لله 

بقلمي سحر السحرتي 

*ذهب ليوصل سماء الى شقتها وفي الطريق 

:ما تزعليش من عمي انت عارفه ان مهما حصل هي بنته 

:عارفه ان مهما اعمل معاه او مع غيره ببقى دايما في المرتبه الثانيه باستمرار 

: مش فاهم يا سماء تقصدي ايه 

:يعني لما حصل مشكله اضطر يختار مصلحه بنته عن مصلحتي ... حتى انت لما جيت تختار فضلت صحتها عن صحتي بالرغم من انك عارف كان ممكن يحصلي ايه ... ما حدش بيحطني في المرتبه الاولى ويخ-اف على زعلي واحساسي دايما بكون في المرتبه الاخيره إذا دخلت الترتيب من أصله

*وتنهدت بح-رقة

*توقفت السياره وضمها الى حضنه 

:انا اسف انا غلطت لما اتجوزتها بس انا عملت كده لاننا متربيين مع بعض انا اكبر منها بسنتين عشت معاها 16 سنه لغايه ما اخذت الثانويه وسافرت وبعد ما اتطلقنا نزلت وبقت في مرتبه اختي ...  لما تيجي وتعيط وتقول ان عندها سرطان ومحتاجه حد يقويها على العلاج لانها في مرحله متقدمه ممكن تم-وت ... العشره والخ-وف على عمي هما اللي خلوني اخذ القرار ده وانت عارفه حبي لعمي اكثر من حبي لابويا وكمان عارفه صحته ... بس مش عشان انت في المرتبه الثانيه

: عارفه يا ادهم بس كل الافكار دائما بتهاجمني وأوقات بتصعب عليا نفسي واقول اشمعنا انا بيحصل معايا كده... وبخ-اف انك تطلع لسه بتحبها 

: تفتكري لو بحبها كنت اخترتك انت على طول ... ولو كنت بحبها كنت لمستها لكن ما قدرتش وانت سمعت بنفسك بتحاول توهمك اني وياها عشان انا ما قربتلهاش ....انا بحمد ربنا اني كنت معاك وقتها والا كان صعب تصدقي انها ك-ذابة

: عندك حق الحمد لله لان فعلا ن-ار الغيرة كانت قتل-تني انا اصلا كل ما بتخيلك معاها مش عارفه اوصفلك احساسي عامل ازاي 

:ده انا حتى كلمتها على اننا هنرجع تاني شقتنا القديمه 

:وقالت لك ايه 

:هحكي لك 

*بعد انا عرفت ما حدث 

:بس انا بفكر جديا ارجع ايه رأيك 

:انا معاك يا حبيبي في اي مكان وانت عارف

: لا انت و الولاد هتفضلوا في الفيلا

 :لا طبعا مكان ما انت موجود هنكون وياك و نربي اولادنا كويس مش بالمكان على فكره 

*كان ينظر لها بإنبهار واعجاب 

: بتبصلي كده ليه 

: كنت متأكد ان ده رأيك 

:يعني ايه مش هتبيع المكتب 

:لا انا الحمد لله ناجح وعامل شغل كويس وعايز فعلا مستقبل افضل لاولادي 

:طب يلا عشان الاولاد هتنام وتلحق تروح

 *وصل وصعد معها يحمل احد اطفاله و ص-دم عند رؤيه صورها معلقه مع كريم وهي لاحظت ذلك

: مالك يا ادهم

:انت ليه لسة محتفظه بصورك مع كريم

: ابدا انا ما غيرتش حاجه في الشقه كل ده هو اللي كان عامله ولما قعدت وانا حامل سبتها لانه كان وضع مؤقت ... و اليومين دول كمان وضع مؤقت.... انت بتغ-ير ولا ايه 

: اكيد يا حبيبتي بغير عليك ... هو لو سألتك لسه بتفكري فيه هض-ايقك

 :اوقات بفتكره و اترحم عليه وادعي له ... هو كان طيب وحنين معايا 

: من جواك بيحصل مقارنة بينا يا سماء

:مفيش وجه مقارنه يا ادهم لاني حبيتك اكثر منه ... حتى لما اتخطبت له وحبيته ما كانش بنفس درجه حبي لك او يمكن حبيت حبه ليا واهتمام كريم اداني حاجات كتير كانت نقصاني ... زي انت ما عملت معايا 

: انا فعلا حبيتك لشخصك مش لاهتمامك بيا .... هو انت حبيتي فيا ايه 

:انك راجل

:طب ما كريم كان راجل و بحسه احسن مني في اهتمامه بيك

: زي ما انت قلت انك حبيت لمياء سنين هو كمان حبني سنين عشان كده اهتم بيا عشان يشدني له لان مشاعري كانت خام من ناحيته .... لكن انت فيك حنيه مختلفه بتسحرني بتتقل عليا وتخفي مشاعرك غير بقى القلب وما يريد

*دفعته بكلتا يديها 

 :روح بقى احسن تتاخر على ن-ار الشوق 

*امسك يدها بحب 

:هو انت ليه مصره على اسبوعين انا محتاج لك جنبي انا خلاص اتربيت وعرفت غلطتي

: عايزاك تاخذ وقتك و تتأكد انك من جواك فعلا  مش عايزها ... تحاول تقعد معاها وقت كافي وتشوف هتكمل او لا ... تشوف قلبك هيرجع يدق لها ثاني 

: ليه يا سماء انا متأكد من حبك  

:نفسيا انت مش متأكد هانت هتعدي بسرعه 

:طب خليني معاكي النهارده

 :لا يا ادهم ده كل الحكايه اسبوعين فات منهم كام يوم خلاص 

:خلاص يا سماء 

 :ما تزعلش اعتبر ان انا اللي محتاجه المهله دي عشان اثبت لنفسي انك فعلا بقيت تحبني اكتر مش مرتبط بيا عشان الولاد بسبب الح-ادثة  وانك فعلا سبتها ومش عايزها و اخترتني انا وهي في ايدك

:ايه اللي و صلك الاحساس ده 

:بدايتنا ..  انت ارتبطت بيا عشان تعترف بالولاد ما نطقتش كلمه بحبك الا لما عشت معايا فتره 

:ده لاني كنت خارج من تجربه مره و سابتني بطريقه ج-ارحه 

:انا حاسه انك نسيتها بيا فلما تيجي فرصه تعيش معاها و ترفضها هتغير تفكيرك وتفكيري 

: ما اتكلمتيش معايا قبل كده ليه كنت طمنتك بدل ما تشيلي كل ده في قلبك

: هي كانت بعيد وانت عارف حصل فيا ايه قبل كده من خوفي اني اخس-رك 

:حاضر يا سماء عشانك هنفذ 

*احتضنها بقوه 

:همشي بسرعه عشان عندي مكالمه مهمه الساعه 9:00

:مش خلاص شفتني النهارده 

:انت مالك انا بكلم حبيبتي 

بقلمي سحر السحرتي 

*قبلها وانصرف وبعد نصف ساعه اتصل في الموعد

: وصلت البيت

:اه انا قدام الفيلا وهي كلمتني في الطريق محضره العشا تتخيلي 

: دي حاجه كويسه بتحاول تصلح اخطائها يمكن بكدة تفضل انك تستمر معاها

: انا هستمر بس مع حبيبتي وهي مهما تعمل مش شايفها غير بنت عمي 

: اتمنى من قلبي

: سماء انا مبسوط قوي انك كنت في حضني النهارده ربنا ما يحرمني منك 

:انا كمان مبسوطه والاولاد فرحوا بوجودك .... ادهم لو هتكمل معاها انا هقعد في الفيلا عشان لو تحب تشوف الولاد في اي وقت

: خلي مكالمتنا بعيد عن سيرتها ونعيش سوا فتره الخطوبه اللي الظروف حرمتنا منها 

:هترجع مراهق ثاني

: اه وليه لا ... الظروف فرضت علينا وضع مختلف في علاقتنا و اتحرمنا من حاجات كتير فلما ترجع الظروف تسمح لنا نعيش الشيء اللي اتحرمنا منه... اه متاخر بس ليه نرفضه

: طب يعني هتجيب ورد وهدايا وتقولي كلام حب 

: هجيب الدنيا كلها انت تستاهلي كل حاجه حلوه 

*ظل يتحدث معها طويلا الى ان خرجت لمياء ووقفت على باب الفيلا تستعجله

 :ايه يا ادهم كل دي مكالمه شايفاك في الكاميرات و مستنياك عشان نتعشى سوا 

:طب ادخلي و هخلص وادخل 

*اكمل مع سماء ولم يعرها اي اهتمام

:خلاص يا حبيبي تصبح على خير 

:تصبحي في جنتي 

*دخل وكان وجهه متغير لانهائه الكلام مع معشوقته واضطراره المكوث معها

لمياء :مالك يا ادهم وكنت بتكلم مين كل ده

 :واحد عايز المكتب و بنتفاوض على السعر 

:هو مش المفروض الكلام ده يكون في المكتب

:لا اصل هو  مسافر بره و هيبقى ده اول فرع له في مصر 

:طب لو السعر مش كويس دخله شريك وتبقى بين هنا وهناك

: لا انا عايز اخلص من المكتب زهقت من شغله

: فكر كويس بس في الفكره دي

 :ماشي بقول لك مش هنزور عمي عشان نبلغه بجوازنا

: بفكر لما ابدأ علاج

: ليه

 :عشان الصدمه تبقى اخف عليه .. فكره اني مريضه وانك معايا هتخلي الموضوع سهل يتقبله

:بس اخر الاسبوعين لازم نبقى هناك عشان ابلغ سماء بقراري 

*وبكل طيبه قلب 

:ناوي تعمل ايه لو اصرت على الطلاق 

:هحاول اقنعها ولو ما حصلش خلاص ده اختيارها 

*حاولت لمياء التودد إلى ادهم ولكنه كان يبعدها بلطف

: لمياء احنا اتفقنا على ايه

: بس انت وحشتني قوي يا ادهم ونفسيتي كدة ممكن تتعب من بعدك و جفائك

: لو الوضع ده مش مناسب معاكي ارجع بيتي اللي هيت-خرب انا كنت واضح من الاول و فهمتك اني مش ناسي اللي حصل منك غير اني بحب سماء 

: لا انت بتحبني انا بس بتعاقبني على اللي عملته ... موافقة بس اديني فرصه اثبت لك اني اتغيرت وبحبك

: هو اللي بيحب حد بيتجوز غيره

: كنت بحاول انساك ما قدرتش

: بس انا حاولت والحمد لله قدرت

*اقتربت منه ووضعت يدها على صدره وبدأت في تحريك أصابعها فوقه

: كل الكلام ده من ورا قلبك ... قلبك عمره ما دق غير ليا

: واضح ان نفسيتك مش هتتحسن وانت معايا عشان كل ما هتقربي هقولك أن سماء وولادي عندي بالدنيا 

: فرصه واحده يا ادهم و هكون تحت رجليك

: كان عندك فرص كثير و ضيعتيها كفايه لحد كدة انا اخترت اقف جمبك على حساب بيتي ومراتي اللي يا عالم هترضى تكمل او لا

*بعص-بية وحده 

: هي كانت تطول تعيش في المستوى اللي انت و فرتهولها

: لعلمك كريم كان جايب لها شقة في مكان احلى ومستوى أعلى 

: واهو ما-ت وما لحقتش تقعد فيها

: هي قاعده فيها دلوقتي لانه كتبها باسمها

*بدأ الح-قد يظهر في كلامها

: هو يكتب الشقه باسمها وانت تكتب الفيلا باسمها غير بابا اللي كان كاتب لها الشقة برضة هي عامله لكم ايه عشان تحبوها بالشكل ده و تحاولوا ترضوها باي طريقه 

: من ناحيه بتعمل فهي بتعمل حاجات كتير حاجات عمرك ما فكرتي تعمليها حاجه كده بيسموها الاهتمام عارفاه .... غير أن اللي بنديهولها ما بوفيش جزء من اللي بتعمله ... اقفلي بقى كلام في الموضوع ده عاجبك تعيشي على الوضع ده اهلا وسهلا مش عاجبك هقف جنبك بصفتي ابن عمك وبس 

*في اليوم التالي قامت سماح بزيارة سماء في بيتها

: عايزه اعرف ايه اللي حصل بالتفصيل الممل عمار بيقول سماء تحكي لك

: وانت عرفتي منين ان في موضوع 

: سمعت عمار وهو بيكلمك ويقول لك أن ادهم هي-طق من لمياء 

: ابدا البداية حسيت ان ادهم متغير معايا ولقيت تحاليل و اشعه عليها اسم لمياء دورت وراه ... و كلمت جوزك وعرفت انها رجعت واتصلت على ادهم و بلغته ان عندها سرطان و محتاجه له جنبها وجو الصعبانيات اللي انت عرفاه طبعا عشان مرحله العلاج صعبه والمريض بيحتاج حد بيحبه وانها ندمانه انه ضاع من ايديها بلا بلا بلا

:وازاي سمحتي انه يتجوزها ما طربقتيش الجواز على دماغهم ليه

: نصيحه جوزك يا ستي 

:ده انا هط-ين عيشته هو اللي قال لك تسيبيه يتجوزها ليه اظن ما عشان صاحبه

: لا طبعا عمار بيعتبرني اخته ... قال لي ان ادهم عنده جرح منها عشان سابته بطريقه مه-ينه لاي راجل فبجوازه منها هيساعد الجرح ده يلم .... و لو خيرته بيني وبينها هيختارني انا .... وعمار متأكد ان هو بيحبني و هيختارني و يطلقها 

:و هيطلقها ازاي وهو متجوزها عشان مريضه

 :ما انا قلت له انه يقدر يقف جنبها بصفته ابن عمها 

:طب وانت كويسة حاسه بايه من ناحية جوازه منها

 :مبسوطه قوي يا سماح 

:مبسوطه ان اتجوزها يا خيبتك يا خيبتك طول عمرك هب-له 

:لا مش عشان كده ادهم كل يوم بيكلمني يحب فيا و امبارح كان معانا اليوم كله وكنت وحشاه قوي

: يا عيني يا بنتي هي الحالة رجعت تاني 

: اخرسي انا حسيت احساس جميل قوي وياه امبارح 

: ليه هي الحياه الفتره اللي فاتت كانت بينكم مش تمام

:لا كانت تمام بس دايما كان عندي احساس انه لسه بيحبها ومرتبط بيا بس عشان الولاد خصوصا وانت عارفة جوازنا حصل ازاي وعمره ما فكر يعيش معايا غير لما خلفت

: يا حبيبتي معذوره فعلا كانت قصه حبه لها افظع من الروايات ... طب وهي عامله معاه ايه 

:بيقول بتمثل الاهتمام بس مش حاسه وبقى فاهم كل حركاتها 

: اكيد هي عمرها ما اهتمت بحد غير نفسها ... هي فكرة عمار تحترم ... بس هتقدري يقف جنبها وهي مريضه

 :انا عندي حته مفاجاه انما ايه هتقفل باب لمياء ومش هيتفتح أبدأ 

: طب قولي لي 

: ابدا بعينك

:شوفي يا بنت اميره مش خارجه الا لما اعرفها 

:بس خليها سر بينا 

:عيب فاكره لما كنت اعرف انكم متجوزين وعامله هب-له واتقنت الدور

:امان يا ريس اسمعي بقى 

*مرت الايام لا جديد سوى اتصال ادهم المستمر بسماء في الموعد المتفق عليه 

*ذات يوم وهو يتحدث معها رن جرس الباب فتسال ادهم 

: دى جرس الباب عندك اللي بيرن ده

: اه غريبه 

: انت مستنيه حد 

: لا طبعا هو في حد بيجيلي

: الولاد فين 

: الحمد لله ناموا بدري النهارده 

: حلو قوي 

: ايه اللي حلو

: قصدي افتحي شوفي مين

: أنا خا-يفة مش متعودة حد يجيلي واحنا بالليل كمان 

: افتحي وانا معاك على التليفون 

*ذهبت لتفتح وسألت من خلف الباب 

: مين 

*لم تستمع جواب ولكن رن الجرس مره اخرى 

: محدش بيرد يا ادهم 

: افتحي ما تخافي-ش 

*فتحت وجدت من يضع يده على فمها و يحتضنها

: ساعه واقف عشان تفتحي 

: اخص عليك خض-تني و بتحط ايدك على بقي ليه

: هتصحي العيال وانا عايزهم نايمين

: ايه اللي جابك مش متفقين كلام وبس في التليفون 

: وحشتيني قوي قوي انت حلوه النهارده كده ليه 

: انا حلوه على طول بس انت اللي ما كنتش بتشوف 

: اخص عليا

*وبدأ يقبلها قبلات متفرقة و غاب معها في عالم احلامهم 

*بعد مدة 

: ادهم ... ادهم... اصحى عشان تروح 

:لا عشان خاطري سبيني اشبع منك 

:ضرتي هتقلق عليك 

:تليفوني قدامك لقتيها رنت او سألت إتاخرت ليه دى شخصية غير قابلة للتغيير اهتمت اسبوع ومش قادره تكمل

:طب روح هتقول لها كنت فين ممكن تقلق عليك

: يا سماء انت شاغله نفسك بيها هي عمرها ما هتقلق تعالى بقى اشبع منك

*قاو-مته وهي تص-رخ وتضحك وجدت من يجري عليهم بفرحة

: بابا ...بابا بيبي

*حملهم وظل يقبلهم

: الحياه من غيركم قلتها احسن 

: والسهر بيهم دلوقتي احسن واحسن

: نامي انت وانا هسهر على قلبي سكر

: طب اوعي تصحيني بقى وتقول السكر موع نفسك

: هصحيك طبعا لما يناموا نكمل كلامنا 

*ضحكت على مشاغبته و احتضنته هو والأطفال 

*ظل ساهرا يلعب معهم إلى أن ناموا وضعهم في سريرهم وذهب ليحتضن معشوقته التي شعرت بوجوده ودخلت في أعماق حضنه كأنه العالم بأكمله

*شعور الرجل بأهمية وجوده هو أعظم شعور في العالم فما اكبر منه هو شعور الرجل أن حياة زوجته وأولاده بلا طعم بدونه وكان أولاده خير دليل فارتباطهم به على غير العادة 

*انب ادهم نفسه كيف بيده قد يخسر مثل هذه الحياة لاي سبب 

*في اليوم التالي عاد لمنزله مع لمياء فلاحظت دخوله في الصباح 

: انت رجعت من الشغل ليه 

: انت واخدة بالك اني رجعت من الشغل وما اخدتيش بالك اني ما نمتش هنا اصلا

: ايه ده هو انت كنت بايت بارة

: تخيلي

: اسفة يا حبيبي انت عارف مرضي غير انك بتنام في اوضة منفصلة لكن لو كنت بتنام في حضني اكيد كنت هحس

: انت عمرك ما نمتي في حضني كنت بتقرفي منه

: ما انا بتحايل عليك عشان اعوضك انت طالع لي بحجة حبك لسماء 

*امسكت يده وقبلتها

: بس اكيد الكلام ده هيتغير لما تطلقها وانا مستنية فرصتي

: تفتكري 

: طبعا يا حبيبي هعوضك عن كل حاجه ... بس انت كنت نايم فين

: عند ماما تعبانة ابقى اسالي عليها مش زي زمان 

: اكيد هسال وازورها بس مش دلوقتي لان بابا ما يعرفش اني رجعت وممكن طنط تقول من غير ما تقصد 

: طب سبيني اغير وانزل الشغل 

*تركته على أمل انه عندما يطلق سماء لن يجد غيرها لتحقيق رغباته وتستطيع السيطرة عليه كما في السابق 

بقلمي سحر السحرتي 

*قبل نهايه المده بيومين

 :خلاص يا ادهم بلاش تكلمني اخر يومين

: ليه يا حبيبتي دي المكالمه الحاجه الوحيده اللي بتخليني استمر

 :عشان خاطري افصل وفكر لان القرار هيبقى صعب عليك

: انا محدد اختياري من الاول

: فكر كويس عشان تبقى مستريح من غير ضغط لو حاسس ان سعادتك معاها انا عمري ما هقف في طريقك ولا همنع عنك الاولاد

: انت لسه مش موافقه انها تفضل على ذمتي واكون جنبها بس للعلاج

 :هو بجد دي مشكلتك معاها

: انا شرحت لك قبل كده أسبابي 

 :ولو لقيت لك حل من غير جواز هتقبله

$ الحلقه القادمه هي الأخيرة 

ما هو اختيار ادهم ؟ هل سيخزل سماء ام سيتمسك بها