رواية بائعة الخضار الفصل السادس و العشرون 26 بقلم محمد طه

_ثالثا بقي ودا الأهم..عرفتلك مكان البنت وأخوها 

_نهاد بإتساع عينيه من الفرحه..فين

_أمين الشرطه..ف المنيا..هبعتلك العنوان ع الواتس 

_نهاد ف سره بعد ما قفل مع أمين الشرطه..هتعمل إيه يا نهاد..بقلم..محمد طه..إيه اللي هعمل إيه..هرجع أخويا طبعا..بس الواد دا مش أخويا..لأن ميرفت قالتلي إنها لما ولدت هيا ومرات البواب..الدكتور قالهم إن إبنهم ما،ت وإبن البواب هوا اللي عاش..طب ليه مرات أبويا عايزه توصل للواد دا وأخته..وقبل كده كانت عايزه توصل لجابر الطيب أبوهم..مرات أبويا دي يا إما وراها سر..يا إما عقلها خف وإتجننت..

أتأكد إنك عامل متابعه لصفحه محمد الشاعر..

أنا هفضل معاها للآخر..وهجبلها الواد وأخته..ونشوف إيه اللي هيحصل..ويا خبر بفلوس بكره يبقي ببلاش (ويسكت شويه ويكمل) وإيه بقي موضوع شيماء أو شوشو دا كمان..العربيه اللي كانت راكباها بتاعه منذر..تكونش أختهم.. دا إيه الصدفه دي..بس أنا معرفش لميرفت مرات أبويا أخوات غير منذر..طيب لو كانت أختهم..هينفع إني أتجوزها..وإيه اللي يمنع يا نهاد..اللي يمنع إن ممكن تكون ميرفت رضعتني وأنا صغير..لأ..إن شاءالله ما هتكونش رضعتني..أصل البت شوشو دي حلوه ودخلت دماغي..ومش هسمح إنها تبقي لحد غيري..يلا يا نهاد مفيش وقت..أضرب 3 عصافير بحجر واحد..هات البت وأخوها لمرات أبوك..

وساعتها لو طلبت عنيها مش هتتأخر عنك..وأطلب إيد أختها شوشو..وأرضي أبوك ونفذ ليه اللي هوا عايزه..ويقوم نهاد عشان يسافر على المنيا عشان يجيب الهام وأخوها..لكن يقابل ميرفت مرات أبوه قبل ما يخرج..بقلم..محمد طه 

_ميرفت بإستغراب..إيه يا نهاد..مستعجل ليه كده..

ورايح على فين 

_نهاد بإستعجال..لما أرجع يا مرات أبويا..هتعرفي أنا مستعجل ليه..وكنت رايح فين 

(ويسيبها ويخرج وقبل ما يخرج) قوليلي يا مرات أبويا..هوا إنتي رضعتيني وأنا صغير 

_ميرفت بإستغراب..وأنا هرضعك إزاي من غير ما أولد..وصدري يبقي فيه لبن..ثم أنته بتسأل ليه 

_نهاد بسعاده..الحمدلله..أنا إزاي تاهت عني دي..فعلا مش هينفع ترضعيني..أنا كده ضمنت شوشو..أنا شكلي كده فيه حد دعالي دعوه حلوه واستجابت..

سلام يا مرات أبويا

_(وبعد ما يخرج)_ 

_ميرفت بإستغراب ف سرها..ضمنت شوشو..(وتفتكر لما منذر قالها إن البنت اللي رماها ف طريق نهاد تبقي شيماء مراته) 

_ميرفت بصوت واطي وبغضب..الله يخربيتك يا منذر (وتطلع غرفتها بسرعه وتتصل بمنذر) 

_منذر..أيوه يا بنت أبويا..خير فيه جديد 

_ميرفت بغضب..أسأل الهانم مراتك لما قابلت نهاد..قالتله على إسمها الحقيقي ولا قالتله على إسم تاني..بقلم..محمد طه 

_منذر..لأ..أنا كنت مأكد عليها ترميله أي إسم وخلاص 

_ميرفت بغضب..قولتلك أسألها يا بني آدم 

_منذر..حاضر يا بنت أبويا..خليكي معايا ثواني(وراح لشوشو) لما قابلتي نهاد قولتيلو على إسمك الحقيقي ولا إسم تاني 

_شوشو بدموع..طلقني يا منذر..عشان إن ما طلقتنيش أنته عارف أنا هعمل إيه..ف طلقني وكل واحد يروح لحال سبيله 

_منذر بغضب..بنت أبويا معايا ع التلفون..ف إنطقي عشان ما نسمعهاش كلام ما يصحش تسمعه..

(ويمسكها من زورها) قولتيلو إسمك إيه 

_شوشو بصوت مخنوق..شوشو..شوشو 

(وبكل غضب منذر يسيب زورها ويضر،بها بالقلم) 

_منذر بغضب..أيوه يا بنت أبويا..قالتله على إسمها 

_ميرفت بغضب..دي نتيجه تشغيل دماغك..

أسمع..شيماء ما تخرجش..وعينك عليها 24 ساعه..

يعني تحبسها عندك..لحد ما نشوف الواد دا إيه اللي ف دماغه..بقلم..محمد طه 

(ويقفل منذر مع أخته ويقلع الحزام وينزل ضر،ب ف شيماء بكل غل وقسوه وهيا ما زالت مجرده من هدومها)

*****************

_(سوق الخضار)_

(دكانه المعلمه رضا) 

(الهام قاعده بتبيع الخضار هيا ومازن والمعلمه قاعده قدام الدكانه وسرحانه وبتفكر..وقطع تفكيرها وسرحانها نهاد..لأن نهاد وهوا مسافر كان معدي من المحافظه اللي فيها سوق خضار المعلم كامل أبو حجاج..وسأل على المعلمه رضا.. لحد ما وصل ليها)

_نهاد..إزيك يا معلمه 

_المعلمه بهدوء..الله يسلمك يا باشا 

(ويبص نهاد ف الدكانه ويشوف مازن)

_نهاد..هوا دا الواد اللي أنقذني 

_المعلمه بهدوء..ربنا سبحانه وتعالى هوا اللي أنقذك يا باشا د..بقلم..محمد طه 

_نهاد..هوا حضرتك زعلانه مني 

_المعلمه بجديه..حضرتي.. حضرتك أهنتها من قبل ما تعرفها..وحضرتي أكرمتك من غير ما تعرفك 

_نهاد بعدم فهم واستيعاب..أنا أهنت حضرتك قبل ما أعرفك..أنا مش فاهم حاجه 

_المعلمه بغضب..أنا أبقي أم البضاعه اللي ما عجبتش حضرتك يا باشا 

_نهاد باتساع عنيه..حضرتك مرات المعلم كامل أبو حجاج

_المعلمه..طليقته..وأم بنته اللي ما نالتش شرف إعجاب سعادتك 

_نهاد بإحراج..أنا آسف..أنا بجد آسف..بس حضرتك لو تعرفي هيا عملت معايا إيه هتعذرينى 

_المعلمه بجديه..مش هعذرك..لأنها لو مكانتش اتعاملت معاك كده..مكانتش تبقي بنتي..هيا دي طريقه المعامله الوحيده ف الأسواق..لازم الكلام يبقي ناشف حتي لو طالع من بنت(وتغير الموضوع) أنته ليه ما قولتليش ف المستشفى إنك إبن رضوان الصباغ..بقلم..محمد طه 

(الهام أول ما سمعت إسم رضوان الصباغ..كان فيه كيس خضار ف إيدها وقع ع الأرض وأكن فيه حد ضر،بها بالنا،ر..والمعلمه أخدت بالها لكن ما علقتش..

وكملت كلامها مع نهاد 

_الهام بصدمه ف سرها..يا نهار أسود..رضوان الصباغ..(وبصت بطرف عينها على نهاد) بس الباشا مكنش عنده أولاد..يمكن تشابه أسماء يا الهام..أهدي يا الهام عشان المعلمه ما تاخدش بالها من حاجه..

(وقطع سرحان الهام صوت المعلمه) 

_المعلمه..الهام..الزبونه واقفه مستنيه توزنيلها 

(وبدأت الهام تشوف شغلها وهيا متبرجله ومش مركزه) 

_نهاد..عالعموم يا معلمه..أنا معترف إن ليكي عندي بدل الحق أتنين..بس أنا دلوقتي مسافر المنيا عندي شغل هناك.. ولما أرجع..هاجي لحضرتك..واللي هتأمري بيه هيتنفذ..بقلم..محمد طه 

(والهام سمعت إسم محافظه المنيا وقلبها كان هيقف وأتوترت وما بقتش عارفه تتصرف إزاي..وبسرعه نادت على مازن وبصوت واطي) 

(الهام بصوت واطي جدا وبطريقه كلام مازن عشان لو المعلمه سمعتها ما تعرفش هيا بتقوله إيه) 

_الهام بصوت واطي..مازن..روح بسرعه على بيت المعلمه..وأقعد مع لبنى ومتخرجش من البيت خالص لحد أما آجي)

(وبرضو المعلمه أخدت بالها من الهام..لكن من غير ما الهام تحس بحاجه)

(ومازن سمع كلام الهام وقام عشان يخرج من الدكان لكن كان نهاد لسه واقف ومد إيده قدام مازن ووقفه...........