رواية قصة وجدان الفصل السابع والعشرون 27 بقلم انين الليل

ثاني يووم اجت عمتي امل وشافت بيبي حييل تعبانه وشافتني اني هم بس ابچي گلتلي

عمه اسكتي ما يصلح لا تخافيين

اجت يم بيبي وهي اتكللها ها يمه اشلونج شو اكعدي

بيبي مغمضه عيونها وهي اتكللها

يمه مالي خلك

امشي خلي ناخذج للطبيب

لبستها شيلتها وطلعت عبايتها واني لبست عباتي الاسلاميه عمتي كالت شني ترحين ويانه

هزيت راسي بخوف واخوج

جاوبتها بصوت مخنوك = ناخذه ويانه

لا ودي البيت عمج مهدي

ندهته وكتله اكعد علاوي رووح يم ابراهيم

فتح عيونه واني شلته هو كلي

( ) البلي

ر حت دگيت الباب محد طلع رجعت = محد بالبيت

عمتي هزت راسها وحجت بصوت ناصي // اي يجوز هم راحو البهاء بس شلقصه كلهم راحو

هزت ايدها واتنفست // نزلي اخوج قابل هو زغير واقفلي غرفة حبوبتج بهذا المفتاح لو تبقيين واحنه بساع

نروح ونرجع

اني هزيت راسي بالنفي وبس ابجي = لا اروح وياكم وعلاوي نخلي يم بيت عمو جابر

اجه ابن عمتي غانم وباس بيبي وسلم عليه واني رديت واني مدنگه وكان هذا اول مره اشوفه بيها

غانم سال امه // ليش البنيه تبچي ؟

- - على حبوبتها خايفه

باوعلي وابتسم // ما يصير اله الخير لا تخافيين

عمه حاجت بيبي // يمه ياالله امشينه

اتقرب غانم باس راسها // فرحه تتعايرين خلي اشيلج

جاوبته بتعب // لا انا امشي

غانم // لا شو اله اشيلج

شالها وطلع واني قفلت غرفة بيبي واجيت ركبت يمها وعمه ركبت بالصدر غانم //. يمه لو ناخذها العصر الاخصائي

امل // مي خالف خلي ناخذها للمستشفى والعصر انردها للاخصاىي

  من وصلنه البيت عمو جابر غانم دك هورن طلع ابنه مصطفى غانم ساله // وين ابوك

— بالحقل

—-اخذ علاوي خلي يمكم وديرو بالكم ساعه ونرجع

هو هز راسه وصلنه للمستشفى والطبيب كال اخذوها الردهة الطوارى علكولها مغذي وخله بي ابرتين

واني رحت وياها وعمه بقت بره يم ابنها كعدت على حافة السرير

انتظرت يمها ودخلت عمتي وابنها واني شاورتها اطلع رحت للحمام ورجعت المغذي كمل طلعنه بيبي بعد ان كتب

الها الطبيب على علاج انصرفه من بره وگال انو ضغطها وسكرها اثنينهن معلگات ولازم ننتبه الها اذا بقت حرارتها

مرتفعه لازم تنام مستشفى

رجعنه ابيبي للبيت ونيمناها بمكانها وعمو عاصف خابر عمه امل الي طمنته على حالتها وكلتله زينه كلش لا يظل بالك

واكد عليها انرجعها العصر الطبيبها المختص وعمه امل سوت شوربه البيبي وغانم راح جاب غدا النه

ما اكلت ولا حتى شربت ماي عمتي صارت تحجي عليه

- - اكلي مو زين تبقيين بدون اكل

- - انتي حتى ماي ما شربتي

- - كافي تبجيين مو زين حبوبتج ما بيها شي

تستمر القصة أدناه

اني ساكته وبس دموعي ينزلن والعصر رجعنه بيبي الطبيبها والي انطاها علاج وگال

- - ما اريد توتر لان ايسوي عدها مضاعفات اكلها ماصخ سلك

رجعنه بالليل وغانم كال يرجع البيتهم وسالنه اذا محتاجين شي لكن عمتي كالتله

- — ابقى بات بالمضيف خاف جدتك تتخربط عاد ناخذها للمستشفى

بقت عمتي باتت يمنه وبقيت ما نمت خفت على بيبي صرت اخلي ايدي على كصتها وتلث مرات اخذتها للحمام لان

ما قبلت بالحفاظه الي وصانه بيها الطبيب

وبقيت كاعده يمها ما اجاني نوم وهي رغم تعبها اتكلي // نامي جده مو زين اتظلين سهرانه

كنت اجاوبها بدموعي وهي تبجي وياي وتكلي // ما بيه شي لا تخافيين

ما جاوبتها احس بروحي خاويه واتساءل ويه نفسي

= ليش كل هذا يصير بيه ليش

عمتي كعدت الصبح وصلت وشافتني كاعده يم جربايت بيبي سالتني

- - انتي من يمته گاعده

= اصلا ما نمت

- - خووش انتي هم طيحي عليه لا اكل ولا شفتج خليتي ماي بحلكج ولا نوم ليش هالشكل عمه

حضنتها وانا ابجي بحركه = خايفه عمه

- - لا تخافين هاي حبوببتج عين الله هالخفت حرارتها وهالنايمه

شاورتني // وبهاء غدا شره بالليل خابرته اطمنت على حالته وحجى وياي لاتخافين ياروح عمتج ناميلج شويه

راحت للمطبخ واني اتمددت على جربايتي

غابت فتره ما اعرف شكد لان يمكن غفييت حسيت كالت // ياالله عمه اكعدي تعاي اتريگي

فتحت عيوني بتعب = ما اشتهي

- -:هو شني الما تشتهيين گومي من امس وانتي ما حاطه بحلكج شي ومن نمتي وانتي تتحلمين وتبچيين

بلعت ريگي = عمه صدكيني ما اشتهي

- - مي خالف احبيبه اكلي واتقوي

صرت اكل مجامله العمتي امل وشلت الصينيه وصرت اغسل بالصحون وعمتي اجت يمي بعد ان جابت صينية

غانم من المضيف وكالت // غانم راح والظهر يجي كال اذا احتاجيتو شي بس خابروني

بقيت ساكته ما جاوبت هي سالتني // شبيج عمه صدگي كل شي ماكو حبوبتج ما بيها شي وبهاء زين لاتخافيين

  البارحه كله وانتي تبچيين وتكمزين بنومج عبالك تتعاركيين شبيج عمه

سمعنه صوت مره وهي اتكول // وينكم شنو نايمين

طلعنه شفنا عمتي انصاف صارت تبوس بعمتي امل وتحجي //. ادري ليش هسه سمعت شنو انا غريبه

امل // عبالي تدرين شمدريني

باوستني = منين ادري

كعدت وسالت // امي وين

امل // نايمه بس انصاف تره ما تدري ابهاء ديري بالج

- - شلقصه شني اتوصيني

- - اي غير اگلج

- - وهو شلونه ؟

- - زين الحمد لله

رفعت ايدها // ياالله انتي عاصف كلج

- - اي

-

امل //- - شني هاي شمسويه بخدج ؟

انصاف //. من كالي احمد ما تشوفين حالي انوب بهاء ظليت اهم باامي

امل // عبالك كلبها حاس اتصدگين بغير عالم ( باوعتلي ) كومي عمه سوي العمتج ريوك

هزت راسها // لا ما اشتهي

عمتي اشرتلي براسها رحت للمطبخ وحميت خبزه بالاوفن وطكيت بيضتين كليتهن وصبيت چاي رحت لگيتهن كاعدات

وعمتي امل اتگللها // هاي البنيه توها بالكوه خلتلها لكمتين بحلكها وبس تبجي

عمتي انصاف تباوعلي وتبتسم بحزن // لاتخافين حبوبتج ما بيها شي

عبالك كلمتها حجه بس حتى ابجي وصارت عمتي تاكل وتشرب جاي الى ان سمعت كحة بيبي اتقربنه عليها

وهي تحچي بصوت متعب // وجدان تعاي اخذيني للحمام

عمه انصاف // ها يمه انا اخذج

- ياهي ؟

- - انصاف انا يمه اسم الله عليج

— هله بيج يمه خوش انتي اخذيني البنيه تعبت الليل كله وهي گاعده

راحت يمها عمتي انصاف باستها //. ما بيج بس العايفه احبيبه

لزمنها عماتي واخذنها للحمام وانا شلت الصينيه ورجعنها وعمتي انصاف اتكللها // يمه شسويلج ريوك

- - ما اشتهي

- - يمه لازم تاكلين حتى تاخذين علاجج

اتقربت على عمتي = بيبي تحب السياح

انصاف // چنها على سياح هسه

راحت عمتي وانا رحت وراها طلعت طاوه وخلتها ع النار وخبطت خاشوگتين طحين تمن وخلته بالطاوه

اباوع الها هي ابتسمت هذا يسمونه سياح سريع فورت حليب وصبته بكوب واخذته البيبي وصارت عمتي تشربها وتوكلها

بيبي ما اكلت هواي ولا حتى شربت كوب الحليب كله بس احسن من امس گعدت على جربايتها وانصاف اتگلها

- - يمه اخذج تسبحين

- - اي شويه بعد اگلجن عاصف ما خابر

- - يمه كل ساع يخابر وينشد عليج وانا اكله زينه نايمه اتصلي تدرين بي بس يسمع بيج مريضه يعوف كل شي

ويجي يركض

انصاف //. وشدعوه اله يرحون للزياره وامي مريضه ما كدرو يتعطلون

امل // شمدريهم

انصاف //. انا مو على عاصف على بيت مهدي لازين دومهم

امل //. بعد نهاد من تريد شي غصبا ع اليرضى والما يرضى يصير

بيبي //. جا بهاء بعده ما اجه

امل //. لا يمه غير ابغداد يتسوك ما ادري شني

بيبي //. الله يرجعه بالسلامه

طلعت دشداشه البيبي وخاوليها واخذتها عمتي انصاف للحمام وانا فتحت الشباك حتى تتهوى الغرفه ورتبت فراشها

وهي رجعت وشويه متحسنه وعمتي امل حاجتها // نعيما يمه

- - الله ينعم عليج

كعدت ع الجربايه ومدت رجليها وصارت عمتي امل تمرغ بيهن وانطتها علاجها بيبي گالت

- - مادامجن اهنا اريد اوصيچن

— شني يمه

- - بعد يمه الدنيا صوت وموت

- - عمرج طويل شتحجيبن انتي

- - مي خالف ما تدرين يمته ربج ياخذ امانته

— اوو يمه احنه ابختج

- - تلكن بالبوفيه بهاي الخانه صندوك كل البي العاصف

امل // هو شبي ؟

بيبي // بي فلوس كلهن العاصف لجل هو الگام بينه كلنه تعب واشتغل وربى وجاب وحط وبنى هو الطبيبي ولزيارتي

والحجتي ومصرفي ولبسي وخطاري هو

اثنينهن // اي والله يمه صدك

بيبي // انا ذهب ما عدي تدرن بيه ما خليت كله بعته بس هو الله يطول عمره اشترالي اكو محابس تلاثه الچن كل

وحده تاخذ واحد وگلاده ام الليرات وياها سوار هذني يردله هسه اتگللي ليش

هذني انا اخذت منه فلوس واشتريتهن گتله الك وديرن بالجن على هاي البنيه ( اتاشر عليه )

امل // يمه رحمه الابوي اسكتي كل شي ما بيج لا تحچيين ولا توصيين

اتحسرت وردت // مي خالف اخلي عدجن علم

طلعت عمه امل للمطبخ واني رحت اخذت المكناسه وصرت اكنس بالصاله والمطبخ وبعدها طلعت للطارمه

اانظفها من اجت عمتي انصاف وكالت

روحي يم جدتج انا اروح انظف المضيف خاف يجونه ناس

= اني انطفه

- - لا جدتج اتگول خلي تجي ترتاح شويه صار يومين ما نايمه

رحت يمها ومن شافتني كالت // نامي جده صار يومين ما نايمه نامي وارتاحي

اتمددت واتمنيت انام لكن نومه ما اصحى منها درت وجهي يمكن غفييت او لا سمعت عمتي امل تحجي // هلا بيج

انصاف //. هلا بيج سميره كل الهلا اشلونج

- - الله يسلمج اجيت اشوف عمتي

- - هلا بيج

- - ها عمه اشلونج

- - طاب لونج

- - جابر شاف غانم مسلم علي وناشده وكايله جدتي مريضه وخواله بالزياره

امل // اي خيه وخابرني مناك عاصف وكلي روحي يم امي شويه تعبانه وهو اجته زياره مفاجئه

- - الله ويا

عمه انصاف // بس الاصول من شاف امي تعبانه مهدي ايخلي بناته مو ماخذهن تلاثتهن

امل // ياهو اليخلي بناته انتي شتحچيين نهاد اتخليهن غير خاف يجن ويشتغلن الحبوبتهن

سميره //.صدك اتجذبين عمه مخليه وجدان مخابرتني وانا اجي

بيبي. // عساج سالمه ما قصرتي

- - وهسه اشلونج

- - نعمه

- - عساج بالنعمه

سميره // اكعدي لاتكومين تونه تريكنا

امل // هو شني بس استكان جاي

- - جا انتي اتكومين وبنيتكم نايمه

امل // صار يومين ما هيج غافيه هس توها حطت راسها ما ادري نايمه ما ادري بعدهي

بيبي // خليها حتى لو ما نايمه عاد متمدده شني گاعده على حيلها الليل كله

سميره // احلولها

بيبي // اي يا عمه مره اتفرجني مره تسويلي كمادات مره تاخذني للحمام

سميره // ما تشوفين شر عمه جابر ايكول لا تسوون غدا

امل // لا تكلفون نفسكم

- - لا شني نكلف نفسنا كله خيركم

امل // سميره خابري جابر يشوي سمجه احنه ما ناكل اللحم وامس غانم جاب دجاج بعد اليوم مشتهيين سمج بس انتي طكينه خبزه

صار وتدللون

سالمه ان شاالله

ياالله انا امشي

شوراج ابقي اتغدي ويانه

دايم البيت واهله انسلم عليكم

بيبي // ظلي عمه

- - شني اتعزمني على بيتي شني شننسى ناكل ونشرب ونلبس بجالكم عاصف الله يطول عمره كبل لاينزل مسواك بيته

ومسواك بيت اخو اينزل مسواگنه

بيبي // چا شني جابر غريب غير اوليدنا الله يرحم ابو

بقن عماتي يم بيبي وانا دايره وجهي يمكن من كد السهر والتعب غفييت كعدت من عمتي انصاف ندهتني

شو اكعدي شبيج

فتحت عيوني اشوف انصاف وامل يباعلي اتثاوبت ونزلت من الجربايه

  امل //. اسم الله عمه شبيح

لميت دشداشتي عليه =. ما بيه شي

باوعت المكان علاوي ما شفته سالت بتعب = وين علي

امل // راح ويه جابر وكال خلي يجي يتغدا ويانه

= ليش عمه ما خليتي يتغدا اهنا

هو ما قبل وحبوبتج گالت عوفي

رحت غسلت وجهي ورجعت شفت خاله البيبي بصينيه زغيره شويه سمج وياها خبزه زغيره وبيبي جاي تاكل ابطئ وعمتي خاله صينيه بالكاع بيها باقي السمجه وياها زلاطه وخبز حار هي سالتني

هذا الغدا من بيت جابر ما طابخين تمن اكوم اطبخلج شويه

هزيت راسي = لا

يعني تاكلين خبز بلا تمن

= اي كله نعمه

اكلت تلث لگمات وگلت = الحمد لله

بيبي // ولج انا المريضه اكلت اكثر منج شبيج

ما جاوبتها رحت غسلت وانا ابچي وحتى لا تشوفني بيبي رحت للمطبخ بحجة اخدر الجاي حضرت الاستكانات وخليت

الجاي يتهدر اجت عمتي امل وهي جايبه الصينيه خلتها ع السنك // شبيج عمه ليش هاكثر تبچيين

= اشتاقييت الامي والرامي

- - حكج ويساعدج الله بس ما باليد حيله ياالله سمي بالرحمن وتعاي اكعدي يمنه وبس يجي عاصف اخلي ياخذج تزورينهم

صارت تفتح بالباب مال الكاونتر // اكلج وين المبخره ابخر حجرة امي

طلعتها الها وهي خلت فحمه ع النار وخلت بخور وبخرت البيت وحتى بخرتني وهي تقرا آيات قرآنيه

المغرب صلن وعمه گامت شوت باذنجانه البيبي بس حتى تاخذ العلاج وانصاف سالت عمتي امل // شتسوي عشا

اي شي

راح اكلي طماطه تاكلين مو عمه

هزيت راسي بدون ما اجاوب انصاف تسال باامل // شبيها البنيه

علمي علمج بس تبجي وشفتيها بنومتها اشلون ترافس وتدفع بيدها

يا ستار شجرالها

كعدنا اتعشينه ونمنا او بالصح عماتي وبيبي نامن واني بقيت متمدده على الفراش ثاني يوم الصبح كعدتني عمتي انصاف

شو اگعدي اتريكي

كعدت =. صباح الخير

ابتسمت //. صباح النور ياالله تعاي نتريك

=. وبيبي

يابعد روحي عمه ريكناها وانطيناها العلاج

بالليل اني بالمطبخ وياي عمتي انصاف تسالني اذا مشتهيه شي تسويلي واني ارد عليها = شبعانه 

ولج شماكله وشبعانه ما تگليلي

= راح اخدر جاي واشوي البيبي باذنجانه واحنه ناكل جبن لو تردين اسويلج شي

  - - كله نعمه ياالله حبيبتي خدري چايج الحلو

  ابتسمت بوجهها سالتني //. عمه ليش ما صايره اتصلين

   دنكت بخجل =. معذوره

انصاف //. ها مو هالاگول انتي ما تفوتين فرض

  سمعنا صوت عمي عاصف صار گلبي ايدك طلعت شفته جاي ويا بهاء الي مبين علي التعب

ومتغيير يعني خدوش بوجهه وحتى مورم وايده مجبسه

ورا تمشي عمه رجاء وفرح اتقربت منهم = الحمد لله ع السلامه

الله يسلمج

باوعت الرجاء = الحمد لله على سلامة بهاء

الله يسلمج

طلعت عمه امل وانصاف وراحن البهاء حضننه وصارن يبوسن بي بخده وعمه اتكله //. عمت عين عمتك

انصاف تخرط بخدها //. عمه لو صاير بيك شي شنگول

عمو عاصف سال :: امي شلونها

امل //. الحمد لله

راح البيبي باسها براسها وهو ايكللها :: طيبه يمه

بيبي // الله يسلمك الزياره مقبوله

:: اتقبل اعمالج ( صار يشاور بيها وبعدين حجى ) :: تعال بهاء تعال الجدتك

   حضن بيبي وباسها بيدها وهي تكول // عمني گلبي گرصني وطحت

اتفر بيدها // انا كل شي ما بيه صخنت والسكر علك حسيت صاير شي ثاريك انت وضاميين عليه

عاصف :: يمه خفت عليج

بيبي //. مت عيني جده اي حسيت اكو شي كرصني كلبي

اجه صوت مهدي //. هذا لو مهدي لو واحد من ولده ما يگرصج گلبج

عاصف خزره وگلي :: فوتي حضري العشا انا جبت وياي

رحت للمطبخ ولكيت عمه رجاء گاعده ع الكرسي اتقربت منها وحچييت

= عمه ايگول عمو احضر العشا

اشرت على العلاليك // اي هذا خليلهم بصينيه ودي يم حبوبتج

هزيت راسي وفتحت اول صينيه شفت بيها مشاوي خليتها بصينيه ويه صمون واخذته الهم بالغرفه عمو اخذه مني

ورجعت اخدر چاي ومهدي ايگلي // ودي للبنات عشا تعبانات

رحت للمطبخ ولحكتني عمتي انصاف الي كالت // انتي كملي الچاي وانا اودي البيت مهدي

شالت صينية مشاوي واخذتها وياهن صمون وهي تگول // ما عوزه ايگول روحن وكلنهن وشربنهن چاي

،اجت عمه امل وفتحت الصينيه الثالثه وخلتها گدام رجاء وفرح وگلتلي // تعاي اتعشي

= لا عمه ما اشتهي

امل // هي شني ( باوعت الرجاء ) من الخوف والهبطه ما تاكل ولا تنام

اخذت كوب الجاي العمو عاصف ومهدي سالني // وديتي للبنات عشاهن

امل ردت //اي انصاف اخذت الهن

امل // تعاي اتعشي ياالله

بيبي // روحي تعشي كل شي ما ماكله صار يومين

باوعلي عاصف :: روحي اكلي

بيبي // هسه اتگلك ما اشتهي

بهاء باوعلي وغمض عيونه اني رحت ولگيت عمه رجاء وفرح وعمه انصاف ياكلن اخذت نص صمونه وخليت

بيها شويه كباب وصبيتلي چاي وصرت اكل

انصاف // شني عصفور نص صمونه والغدا لكمتين والبارحه اي شي ما ماكله

= الحمد لله شبعت

انصاف // الله يساعدج رجاء ع الهبطه

- - هو عاصف خلا يحچي وياي ويگلي يمه ما بيه شي بس انا تفرفح گلبي

انصاف // ها يعني حچى وياج

هزت راسها // اي بعدنا اهنا خابره عاصف وگلي لا تجيين بس عاصف گال امشي انتي وفرح

امل // ها جا بيت مهدي ليش راحو ما دام حجيتي ويا وكلج ما بيه شي

- - عاصف كال المهدي ومهدي كاله اله اروح وياكم ونهوده ملخت روحها هي وبناتها انوب مهدي اجر كيه ولحكنا

لان عاصف ما تانا

امل // وين يتاني اذا مهدي ماخذ الجيش كله عبالك سفره

رجاء// يا حكج ما شفتي البنات شلون ملخن روحهن على بهاء شسولفلج

مهدي راح البيته وعاصف گال :: راح اخذ حمام وانت بهاء تعال نام بحجرتي

  بهاء //. لا اروح انام بحجرتي انت نام وارتاح كلش تعبت

اخذت الاستكانات وصرت اغسل بالصحون بهاء اجه للمطبخ وگف وراي درت كان كلش قريب مني سالني // خفتي عليه

دنكت وكلبي يدك رد بابتسامه // هلكد اتحبيني حبوبتي وعماتي ايگولن ما بطلتي بجي (احبج وجد ) شنو احبج اموت عليج

من انكلبت السياره بيه صورتج گدام عيني

ما جاوبته هو رد // احب مستحاج احبج من اول يوم شفتج حبيتج حبيت كل شي بيج حتى دموعج الي ماليات عيونج

  بوقتها ما اهتمييت الكلامه اكتفيت بدموعي وهن ملن خدي هو اتقرب اكثر وكلي هاي الدموع (راد يمد ايده على خدي ) لكن انا ابتعدت تلقائيا صرت ارجف هو اتنفس بعمق وغمض عيونه //. اعتذر مو بقصدي

طلعت بدون ما اباوعله ورحت يم بيبي وعماتي الي من شافتني عاتبتني // حتى انتي تدرين وما گلتيلي هسه عرفت ليش تبجيين

وانا كل ظني تبچيين عليه

رحت يمها وحضتها وصرت ابجي بعبره متكسره وسط صدري وصرت اشهك وهي تكلي // كافي مايصلح

امل //. لا يمه تبجي عليج ما شفتيها شلون لا تنام ولاترتاح بس كاعده يمج

بيبي //. اي صدك شفتها

بقن عماتي يسولفن واني اتمددت على الچربايه

نمت وگعدت على صوت بيبي وهي تندهني // وجدان اكعدي

  فزيت يابس ريكي وبيبي اتكول //اسم الله اسم الله شبيج جده

صرت اتنفس قوي واباوع الجرباية علاوي بيبي حاجتني // عمج عاصف يكول خلي تكعد تتريك سياح حار

جاوبتها واني مغمضه = منو سوا اذا انتي مريضه

- - عمتج انصاف جاي تسويلنه ريوك اگعدي خاف عمج يجي لهنا

كعدت ورحت يمها بستها =اليوم شونج

- - الحمد لله زينه

اجت عمتي انصاف واني رحت للحمام اغسل رجعت لگيت عمو عاصف كاعد ع الجربايه بصف بيبي سلمت

= صباح الخير

:: صباح النور

اتريگنا سوا عمو ياكل وهو ساكت واني مقابيله وعماتي يسولفن ولان باوعلي ما اعرف ليش عفت الاكل

امل // هاي شلون بيها زعم تموت من الجوع

سالني :: ليش ما تاكلين

= ما اشتهي

:: كون مريضه

= لا عمو

امل // مو تكليلي خايفه هاي حبوبتج مابيها شي وابن عمج رجع سالم ليش ما تاكلين

= شبعت الحمد لله

طلعت للمطبخ ما اريد يسالوني كعدت ع الكرسي وخليت اديناتي ع الطاوله اجه عمو عاصف :: حميلي الجاي وصبيلي بااستكان

حميته وطلعت الاستكان غسلته وصبيتله جاي هو يخوط بالاستكان رفع راسه ونفخ الدخان :: ليش ما تاكلين

= عمو ما اشتهي

:: تردين اجيبلج شي

= لا عمو كل شي موجود بس اني مدا اشتهي

:: عمتج امل اتكلي خايفه منين

اختنكت بعبرتي = عمو خفت على بيبي لان كلش اتخربطت

اجت انصاف // اكلك عاصف ما تخليني امشي مناك الشايب الوحده

:: اتغدي وروحي

خويه بس ناكل

:: مي خالف ذبحت ذبيحه السلامة بهاء

ادري عساك سالم شني تعزم عليها بيتي هذا

:: انصاف اتغدي وروحي

عساك سالم اكلك ياهو يطبخها

:: خليت جابر يطبخها ويوزعها على بيت مهدي والنه والهم والبيت جلال وبيت كاظم

  - - خوش چا خليني اطبخ تمن

:: لالا جلال هو اليطبخ التمن ع الحطب

انصاف // ايي يخبل طبخ الحطب امس شوولنه بيت جابر سمجه طلعت شلذاتها

باوعلي :: وهم ما اكلتي ؟

= لا اكليت

انصاف // عيني منها لكمتين كوه تلووج بيهن

ابتسم :: هسه من يجيبون الغدا كلنه نلتم وناكل مو عمو

انصاف // عاصف تبچي تريد تروح تزور امها واخوها

باوعلي واني دنكت جاوب ::تدللين بس خلي اصفى شويه

رحت بالغرفه يم بيبي احس مختنگه ما اريد اكعد بمكان بي سوالف او ناس

اجت انصاف بعدي بشويه وهي تگول //. عاصف ما قبل اروح اله اتغدا

امل // اي اتغدي ابو احمد ما راح يطير

انصاف //. ههههه اي ظاله عاصف يكول كلنه نلتم ونتغدا ( باوعتلي ) مو عمه

هزيت راسي هي ردت //. عاصف بس شويه يجر نفس ياخذج تزورين

امل //. اي الله يساعده كله على راسه والناس تاكلها بارده مبرده

بيبي // هو تعبان من زغره شال الضيم والتعب والهم على كولتج. محد اله غرض تجيها صافيه

اجت رجاء وهي تكول // هلا بيج ام غزوان فوتي

واتباوسن وهي اجت دخلت على بيبي باستها // ها يمه اشلونج

—على الله

امل وهي تبوس بسعاد // امي اتمرضت وصلت الموت

سعاد ابرود // ما ادري

دخل عمو عاصف ويا بهاء :: السلام عليكم

ردت بنفس برودها // هلا الحمد لله ع السلامه انا ما ادري توه غزوان خابرني گلي ما ردتج اتخافيين لحكتهم ومن دريت

بي طلع من المستشفى ياالله خابرتج

عاصف :: اي غزوان خابرني بيوم الرحنه بالليل يگلي عاطل بنص الدرب وانا گتله خالي لاتجي بس هو خطيه اجه

اول امس الصبح كال طلعت من الليل وعطلت السياره

رجاء // ما قصر غزوان الله يحفظه الشبابه

سعاد // ما طالبينه ابن خاله ورابي ويا ويعز خواله يموت عليهم

امل //. سعوده ما تدرين امي تعبت واخذناها للمستشفى وديناها للطبيب الاخصائي

- - ياهو ايكلي انا ما حاسبيني بتهم

- - ياهو اليكلج هي بس امي وياها وجدان بعد ياهو اليكلج

عمي عاصف وجه كلامه العمه رجاء :: سوون جاي زين تره الناس كلها بس تسمع تجي

- - ان شاالله

بيبي // وجدان هي الي تسوي الجاي

هزيت راسي ورحت للمطبخ عمو كال :: وين وين رايحه

= اخدر الجاي

ابتسم :: مو هسه وره الظهر يجون

رحت للمطبخ كعدت ما يعجبني اكعد يم سعاد ما اطيقها لان هي ما تطيقني واجت فرح كالت وهي تتثاوب // صباح الخير

  صباح النور

اجت عمه رجاء //ها كعدتي

اي كلش تعبانه

  رجاء// اسويلج ريوك

ايي

دخلت عمه امل //اكلج ام بهاء جابو الغدا انصبه

شوفي عاصف

اي هسه اشوفه

فرح // شنو متوازين هسه تتغدون

امل // اي متوازين لان بعد شويه المضيف ينترس زلم واخوج وعمج يكتلهم الجوع بعدين اگلج تره رايح الوكت

صارت صلاة الظهر

فرح الامها // انا ضميلي غداي اريد اتريك

راحت عمتي رجاء وعمتي امل ايصبن وگلتلي عمه رجاء // اخذي السفره افرشيها بحجرة امي وتعاي انگلي الاكل

امل // اكلج مو زغيره الحجره

- - لا تكفي ما عدنا احد

اخذت السفره وانطيتها العمتي انصاف فرشتها وسعاد تخزر بيه وتگول

- - شني حتى السفره ما تعرفين اتفرشينها

ما جاوبتها رحت اجيب الصياني مال الاكل هي صابه صينيتين تمن وحشو وخاله لحم فوكاهن وصينيه زغيره بيها اكل بيبي خليتها ع الجربايه وكملنه السفره تمن ولحم وخبز وخضره ولبن وكلنه التمينه بيبي على جربايتها وعمي عاصف ويمه بهاء وعمه رجاء وسعاد

وبالجهه الثانيه علاوي وعمتي امل وسعاد وانصاف وفرح وانا وصار الكل ياكل واعرف باان بهاءجاي ياكل ويباوعلي وحتى عمو عاصف

عمي عاصف شال من فخذ اللحم وخلى كدامي على شكل قطع زغيره راسا عمتي سعاد گالت

- - يا شني بعدكم تشيلون وتحطون كدامها ما تعلمت

امل // سعاد هاي صار يومين كوه تاكللها لگمتين

- - خافنها مريضه

الكل باوعلي امل // لا مو مريضه بس من طاحت امي خافت وابحدها

ردت باستهزاء// يا لدالي مريضه ثاري طلعت خايفه على امي

انصاف // ليش مو جدتها

- - وانا شكلت اي جدتها وشتريد اتجازي خالتها بنص گلبها وعاصف يفندس ويخلي كدامها حتى كدام بته ما مخلي

بلعت لكمتي بالگوه وگلت = الحمد لله

امل // شني شكلتي ؟

= شبعت الحمد لله

رحت غسلت والدمعه بطرف عيني وفتت للمطبخ گعدت تقريبا خمس دقايق اجه عمي عاصف قدملي لفه وهزلي راسه بابتسامه

اجت عمتي امل // اخذي من عمج واكليها

= شبعت عمو

:: الخاطري

اخذتها وصرت اكل شويه شويه هو راح وعمتي امل كالت // ماعليج بسعاد هاي تحجي ما تعرف شلون تذب حچايتها

ياالله بس تكملين لفتج اخذي جاي العمج بالمضيف هسه يجونه ناس

هزيت راسي وصبيتله كوب واخذته اله للمضيف شفته متمدد على صفحته والجكاره بحلكه من شافني استعدل وكلي

:: جايبتلي جاي بكوب ياالله راح اشربه انتي جايج ما ينمل

من ردت اطلع كلي :: انتي خدري الجاي للزلم

هزيت راسي ورجعت للمطبخ خدرت الجاي وخليته بالترامز وصبيت العماتي والبهاء وبيبي ما قبلت تشرب

رجعت للمطبخ واجن وراي عمتي امل وعمتي انصاف وصارن يغسلن بالصياني والصحون

وفعلا صارت الناس تجي وتتحمد السلامه البهاء الي راح للمضيف وهو ما حجى وياي ولا كلمه واجه غازي واخذ الترامز والاستكانات وصرت احضر بالجاي الى ان صار دنيا ليل وعمتي امل طبخت المعلاك حمسته واتعشينه واجت

نهاد الي سلمت على بيبي هي وساره وهاجر وهي اتكللها

- - سوده عليه عمه طايحه ابرانه شنسوي الله لا يراويج من اجه عاصف شصار بينه

بيبي // الحمد لله والشكر

- - اي والله الف الحمد لله والشكر يمه الدرب كله ومهدي يگول شكل الامي اذا بهاء صار بي شي

امل // اسم الله الرحمن نهاد شني هالحجي

- - يا ام غانم ما شفتي عاصف من اجه وكلنه انوب البنات صارن يصرخن ودكت رجل ساره اله اروح واشوف

ابن عمي وهاجر والولد كلها تتباجى نريد نروح انشوفه

امل // بس لو ظاله وحده ويه وجدان مساعدتها باامي

ما ندري بعمتي

هاا عبالي تدرين

غير انتن هالاجيتن

امل // اي خابرني عاصف واجيت اخذتها للمستشفى وانوب للاخصائي

باوعت الرجاء // اشلونه بهاء

الحمد لله زين

الحمد لله (تباوع الساره ) ها سمعتي ساره زين مابي شي لاتاكل ولا تشرب تكول يمه خفت على ابن عمي

امل // لاتخافيين علي حبيبتي ما بي شي

بيبي // عبالي عليه ما تاكلين ولا تشربين

فلت وجه ساره ونهاد الي ضحكت // يا عمه ما تدرين بساره شكد اتحب بهاء

امل // كلنه نحب بهاء الله يحفظه الشبابه

صعدت فرح وساره وانا بقيت گاعده بالمطبخ وكل شويه يجي غازي ويكلي بدلي ماي الاستكانات وغسليهن زين

تقريبا الساعه اهدعش اجه عاصف وبهاء انا بالمطبخ اغسل بالاستكانات الي جابهن غازي ويه الترامز اجه علي گلي

() اريد ملابس اريد اسبح

= اي حبيبي هسه

رحت الغرفة بيبي شفت عمو عاصف وبهاء والكل گاعد وعمتي سعاد كاعده ومنتجيه ع الكنتور وكفت وشافتني عمتي امل

- - ها عمه

= اريد ملابس العلوش

- اخذي

= مو وره عمه سعاد

سعاد بنتر // - جا ما تگولين

فتحت الكنتور وطلعت تراك واخذته العلووش رجعت للغرفه وتراكي مبلل عمه امل

كملتي المطبخ

= اي عمه اخر شي خسلت الترامز

كلبتيهن

= اي

دار عاصف على عمه رجاء وسالها :: بتج وين

- ويه ساره صعدن فووك

تستمر القصة أدناه

هز راسه ولملم حلگه بقى يدخن واني رحت كعدت بالصاله منتظره علووش من طلع نشفت شعره وشاورني اني

هزيت راسي ( ) بس ع عمو يق بل

= مي خالف عيب مشط بالمشط العادي هسه اجيبه الك

رحت البوفية بيبي مريت من يم بهاء واخذت المشط وطلعت للصاله واسمع عمتي سعاد

- - هي شني ما طلعت حجره بوفيه وثلاجه وكنتور وجربايه طابقين شني حجره بفندق كل ساع هدوم مشط

بيبي // وين يرحون ؟

- - هذا البييت الله كبره وحجر هواي اله تنومينهم يمج

- اي

- انا على مودج يمه

- -البنيه يمي واخوها حتى مرات ننسا ما جنه موجود

- - بكيفج حجيه اكول هواي حجر فووك حالها من حال بت عمها

امل //. يمه زين تسوين من خليتي وجدان يمج اقلها اتدير بالها عليج

  بيبي //. اي جا مو شفتيها الليل كله گاعده عد رجليه وكل ساع تاخذني للحمام

امل //. اي شفتها هالبنيه حنينه الله بحفظها ،

اجت ساره وياها هاجر وفرح وسلمت // اشلونك عمي

:: هلا بابا

ساره // اشلونك اليوم بهاء

- - زين الحمد لله

نهاد // ياالله يمه خلي نروح ابوجن واخوانجن ابحدهم

امل // باتي يمنه وين رايحه

نهاد // ابدي ابات بس مهدي وطلباته الما تخلص وانوب اولاده طلعو مثله ما يخلونه نكعد جيبي فلان شي خلي فلان شي

ياالله تصبحون على

- اجمعين

طلعت وعاصف طلع وصاح العمه رجاء وفرح ودخل الغرفته بدون ما يسدها وهو يحجي

:: شنو حضرت جنابج بهاء اخوج لو اخو وجدان

ليش عاصف

:: سالت بتج جاوبي

بابا اخوي وهم اخو وجدان

:: لا اخوج انتي هو ابن عم وجدان البنيه فوك ما مكسور ظهرها باامي انوب واكفه من المغرب تسوي جاي وتودي ماي

رجاء// شنو عاصف على استكان الجاي نمونه عمتي الكالت خليها هي اتسوي

هز راسه :: لا مو على استكان الجاي بس على بتج وحقارتها الف مره كتلج لا تفرقين بين وجدان وبين بنات مهدي

فرح // بابا ما مفرقه

:: ها صاعدات تلث ساعات وهي بالمطبخ بس العتب مو عليج على امج الما عرفت تربيج وجدان من تصعد تصعد اخت

الج ياحيوانه وهذا العدج بالغرفه وخايفه تشوفه وتحسدج ما يجي نعال بحلكج من العدها بس انتي فد وحده ما متربايه

رجاء// اوو عاصف كول جايبنه خدامات البت اخوك

:: بدون صوت عالي علمي بتج وفهميها هاي اختها وحال بتج من حالها افتهمتي

صارت فرح تبجي وصعدت فووك ورجاء دخلت الغرفة بيبي سعاد سالتها // شبي عاصف

— شبي مثل كل مره شلون فرح تصعد هي وساره وعايفه البت بالمطبخ

- - اااه وشني شسوت طبخت اجمال

امل // كلامه صحيح ليش عايفاتها ما ساعدنها ما كللها اصعدي ويانه هي وحد شني

- - هو عاصف كل ما تجي ساره وتصعد ويه فرح يسويله مشكله شني وشني

بهاء// يمه تره عمي كلامه صدك شمعناتها ايصعدن واذا نزلن يتداسرن شكم مره بمره منعت بتج بس ماكو ولا جنها تسمع

بقيت بالصاله خجلت اروح للغرفه خليت علاوي متمدد ع القنفه ورحت للمطبخ اشرب ماي سمعت رجاء وهي تصعد الدرج

- - هي هم حظوظ انا حظي ويامن كعد حتى يكعد ويه ابني

   اجت عمتي امل وكالت

- ها انتي اهنا

=اي رتبت المطبخ

ابتسمت // راح انام انا وعمتج سعاد بالهول شيلي اخوج ودي للحجره

= اي

طلعت شفت فراش بالصاله ندهت علاوي كعد واخذته للغرفه وعمه سعاد كاعده سالتني // انتي وين جنتي

= بالمطبخ

- شتسوين

= كاعده

- - ها ما طوول كاعده بعد عليمن عاصف هد على مرته وبته

امل //. سعاد شبيج

- - شبيه ما بيه بس اگول شحدا ما بدا هالحب والناس كلها مداريتها

- كافي سعاد

- شو جنكم تخافون منها كل ما نحجي كافي وكافي

جريت نفس =. عمه ليش اتكرهيني اني شمسويتلج

سعاد اتاشر عليه //. هله هله السانها بطول النعال ومحد ايردها

امل //. كافي سعاد لا يسمع عاصف

- - خلي يسمع خلي يجي يشوف بت اخو اليعارك على مودها والسانها

= اني ما كلت شي سالتج اتي ليش تكرهيني

- - اي اكرهج واكره الك...

سحبتها امل وهي خاله ايدها الثانيهعلى حلكها وتكول

تصبحون على خير تره سعاد من تحچي ما تدري بروحه

نمنا اني وعلووش وبيبي بالغرفه ما اكذب اذا اكللكم بالبدايه ما نمت رغم تعبانه وبعدين صرت اغفى شويه

واكعد مفزوعه او عرگانه او عطشانه

عماتي نامن بالصاله والصبح كعدت على صوت السوالف طلعت اغسل عمتي امل كالت

روحي للمضيف نظفي ع السريع واكنسي الطارمه

= اي عمه هسه

امل // جان اجيت وياج بس غانم راح يجي ونروح

= لا اني انظف

رحت للمضيف كنسته وعدلت المساند وفتحت الشبابيك والمروحه وطلعت للطارمه رشيتها شويه وكنستها لمن ما رفعت

راسي شفت بهاء واكف يباوعلي بلعت ريكي گلي

- - انتي نظفتي المضيف

هزيت راسي // حتى ما تردين تحاجيني وجدان لا تتهربين مني ولج احبج واموت عليج وما اقصد اسوي شي بس ردت

امسح دموعج

ما رديت هو كلي //تدرين تصرفح وسكوتج خلاني اتمسك بيج اكثر واكثر اتانيج يوم يوم وشهر شهر انتي روحي

وعمري وكل حياتي احبج يابت عمي مو بس احبج اموت عليج وانتي الي وداعت كل دمعه نزلت من هاي العيون

  الحلوه اله اخليها فرح

ما تردين تحاجيني مي خالف المهم وصلتلج الرساله انا الج وانتي الي واكبر شي ما يفرق بيناتنا

  جاوبته واني مدنگه = صعبه بهاء

- - شنو الصعب اگلها احبج تگلي صعبه اسمعيني صعبه سهله اخذج وانتي الي ولو توكف كلها الدنيا بوجهي ما اتخلى

عنج افتهمتي ولو بيدي اليوم اخذج واعيشج احلى عيشه ولج انتي حلم حياتي السعيد وما اتخلى عنه

ما رديت وعرفت شي واحد انو بهاء يحبني ولا يمكن يفرط بيه لكن ياترى الوكت شضاملي وممكن اتجاوز

وانسى الي صار وياي وهو يكدر ينسيني ويتقبلني لو ...؟

الفصل الثامن والعشرون من هنا 

شكرا لزيارتكم عالم روايات سكيرهوم