رواية قصة وجدان الفصل الثامن والعشرون 28 بقلم انين الليل

بعد الي سمعته من بهاء خلاني متاكده انو اني راح ابقى كل عمري اهنايه وانو بهاء ابن عمي ايحبني

وراح ينتظرني اكمل دراستي لكن هو راح يتفهمني ويفهم الظروف الي مريت بيها ممكن يعذرني او يكون مثل بابا

قاسي ومؤذي

لا بهاء اكيد راح ياخذ باايدي ويساعدني

لا وجدان لا تفكرين ابهاء ممكن ايساعدج حتى لو هو ساعدج ورادج امه ما راح اتخلي ولا خالته

ف احسن شي ما افكر بي وما اخذ بكلامه لان عمر المستحييل ما يصير حقيقه الا بالمعجزات وهاي يم الله

  اهم شي احقق هدفي ادرس وانجح مو اله احصل درجات عاليه لكن اسوي الشي الي اگدر علي وابذل جهدي بالدراسه

يمكن شهادتي تفيدني وتساعدني اجتاز كل الاشياء التعيسه الي مريت بيها

وحاولت انسى او اتناسى الي مريت بي ولازم اتخطى كل عقبه حتى احصل الشهاده

وحتى يرجع هشام ونرجع البيتنا

اما بهاء فلازم ما افكر لو بالحلم انو يكون من نصيبي مستحييل حتى لو هو يحبني ويريدني هواي اشياء تمنع ارتباطنه

نظرات الكره من امه وخالته الي يحاولن يخفنها لكن الكل شايفها

تصرف اخته وبنات عمه وشلون من يگعدن يتداسرن وبعدها يضحكن ويصعدن فوك

واكيد اكو اشياء ما اعرفها لذلك فكرة الحب والزواج ابعدها هواااي كلش

  اجه عمو عاصف وشافني فاتحه كتابي سالني ::شبيج بابا ؟

باوعتله هو رد عليه :: البارحه بالليل امي صاحتلي انتي نايمه وعركانه وتدفعين باديج وتبجيين شكو شصاير وياج

رفعت اكتافي بخوف = عمو ما بيه شي

:: زين والبجي دووم انتي خاتله وتبجيين

باوعتله بعتب هز راسه :: الله كريم هونيها وتهون ولازم تنسيين انتي مو زغيره

  الي صار بيه لا يمكن انسا هذا الشي عايش وياي وهو السبب انو خلاني ابتعد عن الكل وبنفس الوقت اتعايشت

وهالمره الخاطر علووش الي اخذته اني ويه عمو عاصف للطبيب وقبلها مر ابيت عمو كريم وطلب منه ان يجي ويانه

ودخلنه علووش ع الطبيب وبعدها. كال جيبو العلاج

راح عمو بعد ان تركني بالعياده انا وعلي ومن اجه كال العمو كريم انزل انت وعلاوي اكعدو بالمحل الجوه اشربو

عصير بين ما اراوي الطبيب العلاج

  دخلنه وانطى للطبيب العلاج الي گال //.وين خليته

::نزلته ويه عمه

  تمام

:: دكتور طمنه

هز راسه //. اكدر اكول انو اتحسن بعض الشي وهذا لان انت اتبعت كل الوصايا وبعدته عن المكان الي كان السبب بالمشكله

وايضا متابعتك الحالته ودائما اتجيبه بالموعد كل هاي الامور خلته ايكون احسن ويتخطا اهواي شغلات كان ممكن ان تكون السبب بانتكاسته

لكن لازم ننتبه هو الي صار بي اول مره خلا بالبدايه يمتنع عن الكلام وبسبب المراجعات والتزامكم التعاليم وايضا تغيير

مكان الحادث كل هذا كانو كفيلين باان تتبدل نفسيته والنتيجه انو التاتاه تقريبا بدت تختفي

عمو عاصف :: الحمد لله

الدكتور //. حاب الفت نظركم الشي مهم انو مثل ما جاي التاتاه تختفي ممكن ان نرجع النقطة الصفر وما يصير يحچي نهاىيا

عمو عاصف :: شلون دكتور

يعي هو فقد النطق وبعدها بفتره صار يحجي بتاتاه لان كدامه انقتل اخو الي ايحبه

هز راسه :: اي صحيح

لذلك لازم اتبعدونه عن اي شي ممكن اياذي يعني هو اكثر تعلقه بيج وبعمه والناس المحيطين بي

=. بلي

الدكتور // هذوله ما لازم يحس انو ممكن يفقدهم خصوصا بالوقت الحاضر والا راح ينصدم اكثر ويمكن ما نكدر

انطلعه منها ولازم تعرفون انو الصدمه اكثر شي تبدي بالاطفال لان يكونون كلش متعلقيين بالشي الي يحبونه واذا فقدو

اكيد راح ينتكسون خصوصا اذا كان الفقد نتيجة حادث مثل الي صار الاخو

انتو ديرو بالكم علي واكيد بعد مرور وقت راح يگدر ان يتجاوز هواي امور

:: ان شاالله

   - - الي اريده منكم تبعدونه عن اي توتر

= دكتور جاي اشوفه ما يحب يدرس ويحب هواي يلعب

الكتور //. خلو يلعب بالعكس اللعب زين يفرغ الطاقه السلبيه الي عنده اما بالنسبه للدراسه حثو عليها واذا ما استجاب اجبرو

    = مو انت كلت لا تضغطون علي

هز راسه // اي اكو شي اسمه نشد ونرخي هو كان ما عنده ثقه بنفسه لكن الي شفته الان احسن بهواي وهذا طبعا بفضل

متابعة عمكم وانو كدر ايطلعه وخلا يتجاوز هواي امور

عاصف :: دكتور هسه احنه ابغداد اكدر امره على بيتهم

الدكتور //. قصدك البيت الي صارت بي الحادثه

عمو هز راسه والدكتور جاوبه // ما انصحكم تمروون سبق وكتلكم حاولو اتبعدونه عن التوتر وعن كل شي يذكره بالحادث

واكيد بمرور الوقت راح يتجاوز محنته

من سمعت كلام الطبيب اطمنت ونزلنه من الطبيب شفته كاعد بالكفتريا هو وعمو كريم سالني عمو عاصف

:: تردين اتشربين شي

هزيت راسي بالنفي اشر الهم وهو يبتسم اجو واشوف علاوي مرتاح ركبنا بالسياره وصار عمو ياخذنه بالسياره

ويمرنه على هواي اماكن حلوه وبعدها نزلنه يم مطعم كان فخم ورحنه اتغدينه ورجعنه البيت عمو كريم وكعدت

يم بيبي هديه الي بين عليها التعب

وصارت تسالني هي وخاله ام كرار على احوالي واذا احد مضايقني واني اجاوب بعدها اتمددت وغفيت ما گعدت

اله بالليل صليت وبيبي سالت خاله // ما اجو

لا عمه بعدهم

صبيلنه عشا وخليلهم

اي عمه

صبت ال عشا وبيبي اتكللها // ليش بتج ما تنزل

عمه ما تعرفينها

شعرفها بت عمها اهنا الاصول تنزل وتسلم

عمه گتلها جاوبتني اي هسه هسه وما نزلت

جاوبت = خليها بيبي براحتها اني مو غريبه المهم شفتج وشفت خاله ام كرار

ام كرار // انتي ياوجدان دره الله يحفظج ويخليج

بيبي رفعت ايدها //. آمين

اجه صوت عمو كريم وهو ايگله // فووت عاصف ها خوش مخلين العشا

من شفتهم وكفت دخلو سلمو وعمو عاصف ايردد كلمة ياالله گعدو يتعشون وطلب مني عمي كريم ان اكل وياهم

لكن اني گتلهم ما اشتهي من كملو صبيت الهم جاي واني بالمطبخ سويتلي كوب حليب وجاي وبقيت غسلت

الصحون ومسحت الطباخ والكاونتر ورجعت من شافني عاصف گال

:: حاولي تنامين الصبح نغبش

الصبح گعدت على صوت الاذان ورحت اتوضيت وصليت وشفت ام كرار هماتين گاعده وبعدها كال عمو حاضرين

ام كرار // بلي

:: ياالله خلي نتوكل

من طلعت اتفاجات وياي ام كرار وعمو كريم بس علي بقى نايم سالت عمو عاصف // شنو اشو علي ما كعد

:: نروح ونرجع الظهر خلي نايم

تستمر القصة أدناه

ما ناقشته عرفت يمكن نروح للزياره بس ليش ما ناخذ علاوي يمكن لان الطبيب كال ابعدو عن التوتر

مشت السياره مسافه وبعدها ام كرار كالت هاج البسي العبايه

لبستها واني ساكته واباوع بالمرايه العمو عاصف الي اشوفه يدخن وهو ساكت بعدها دار علينه بعد ان وكف السياره

على صفحه وكال

:: ام كرار راح انتعبج ويانه وانتي الزمي بايد عمتج واي وحده تحجي وياج لاتردين عليها

استغربت باوعت الخاله ام كرار // الي ردت ان شاالله

:: احنه نلاكيجن ع البوابه ياالله انزلن

هو فتح الجنطه واحنه نزلنه وشال كونيه وعمو كريم شال جنطه وانا اشوف هواي ناس جايين وهم شايلين غراض سالت

ام كرار =خاله وين جايين

- - عود صدوك متعرفين

  = لا ما اعرف

- - جايين نواجه اخوج هشام

بلعت ريكي وصار گلبي ايدك وصلنه التفتيش النساء ودخلنه وشفنه عاصف وكريم ورحنه القاعه كبيره واني اشوف الناس

كلمن كاعد ومنتظر عمو عاصف كال :: اكعدو اهنا

بحيث وجهنه الحايط وهو بقى واكف واني مترقبه سمعته كال

  :: انا عمي اهنا

واجه هشام سلم على عمي حضنه وباسه وحضن عمي كريم انا وكفت ومبرطمه شفايفي ايرجفن وعيوني انملت دموع

حضني وگلي // شجابج ليش اجيتي

صرت اشهك وحضنته وابوس بخده بركبته براسه بايده ما باوعت اله بقيت حاضنته وابجي وهو ايكلي

  - - كافي خلي اشوفج

باوعتله وهو كعدني بعدها سلم على ام كرار شفته الاخوي كبران صاير شاب وحتى صاير احلى باوع العمي الي رد

:: تبجي عليك ليل نهار خصوصا هاي الايام جبتها تتطمن وبعد ما اجيبها

اتقرب عليه وكانما ايشاورني// مو خابرتج ليش اجيتي

سحبت خشمي = ما ادري عمو سواها الي مفاجاه

ضحك بصوت عالي // ههههههه مفاجاهجابج. للسجن مفاجاه

عاصف :: اي لمن ما وصلنه ياالله كلت الها

  دنك وصار يتنفس بعمق واعرف بي ايداري دموعه //اني. زين انتي لاتفكرين بيه ولا تبچيين

= انت هم جاي تبچي

عاصف :: اشلونك هشام.

  بلع ريگه وهز راسه // عايش

:: ما اريدك بس عايش اريدك سبع ونجر وما تهاب احد

هو اليكتل اخو بعد ايهاب احد

  ابو. كرار //انسى عمو انسى

اتنفس بعمق وغمض عيونه

 

اجو رياجيل جابو جاي وسلمو على عمامي وكالو // هشام خوش ولد ويستاهل كل الخير

عمو كريم // هشام سبع عمامه وابو وجده مشهود الهم

واحد رجال //. هادي ومودب ويصلي بس اذا واحد اتشيطن اهنا احنه ما نگدر انلزمه ياالله من رخصتكم

  راحو وعاصف حجى ويه هشام :: هالشكل اريدك

- - لاتخاف عليه. وداعتك خليت الكل يحسبلي الف حساب

:: اريد باخلاقك

- - اي عمي

كريم // شلون اتكضي وكتك

— - اصلي واصوم. واقرا قرآن والكتب الي يجيبهن الي عاصف

  - - عفيه عليك

  :: بس احصل الموافقه اجيبلك كتب السادس واخليك تمتحن

هز راسه // لا ما اريد امتحن

:: ما اجبرك بس اقلها من تطلع عندك هدف

  اتحسر // اطلع 

:: اي تطلع تره عشر سنين غمض فتح هالخلص منهن اكثر من سنه

- - الله كريم. (لملم حلكه ) ما اوصيك على وجدان وعلاوي

:: لاتوصي

- - انا مطمن عمي لان همه عدك

  :: ابيت جدهم

  مرر ايده على خشمه //.الله يديم البيت وشدعوه هلكد جايب

  :: مي. خالف تحتاجهن

مو كل شهر تجي وتجيبلي

هز راسه :: مي خالف ما اريدك تحتاج احد

طلع فلوس من جيبه وانطا وكله :: اي شي تحتاجه اني اجيبه الك من اتحصل فرصه (شاوره ) هسه. لازم نروح

جاوبت واني امسح بدموعي =. لا اخلونه بعد

هشام // مي خالف وجدان اطلعو هسه بدل الهوسه

  = لا لا ما شبعت منك

لزم اكتافي //. وجدان انتي مو زغيره انتي هسه امنا واختنا اتديرين بالج على نفسج اول شي اني اقبل بكل شي بس

بالغلط ما اقبل ولا اسامح وعلاوي درسي وصيريله ام

خلا راسي على صدره وهو ايكلي //. كافي حبيبتي

رفع حنجي وهو يضحك كذب // ههههه هسه هذوله العفطيه عبالهم انتي حبيبتي صديقتي وجاي تبجيين عليه

ا= هشام دير بالك على نفسك واطلع الخاطري تره اني بحاجتك (شهكت من البجي )الخاطري اطلع بسرعه

كريم // ان شاالله يطلع ويرجع مثل قبل واحسن

وكفو سلمو ولمن وصلي حضني //ديري بالج على نفسج وعلى علاوي وادرسي واسمعي الكلام

لزمني من اديناتي وهو يبتسم وعيونه مليانه دموع وهو ايكلي // تدرين لايكتلج العبايه اريد اسمع عنج كلشي زين

وما اريدج تجيلي

= اشتاقلك ياخويه

هز راسه وابتسم // اه هاي صارت تحجي مثلكم تكول خويه ( لزمني من اكتافي وهو يداري دموعه )

مي خالف حتى انا اشتاقلج لكن ما اريدج تجيني ادرسي وانجحي حتى انا افتخر بيج

بسته مره ثانيه وثالثه وما اريد اتركه لكن هو گلي // روحي وجدان الله وياج

طلعنه ودموعي يصبن امسحهن ويرجعن يصبن وام كرار اتگلي. // كافي خاله

عمو كريم // مو شفتي ليش تبجيين

بچييت اكثر وعموو كريم نزل جابلي بطل ماي اخذته شربت شويه وكريم. حچى ويه عاصف // خلي ننزل بمطعم جعنه

عاصف بقى يمشي بالسياره وما بطل تدخين الى ان. وكف سيارته يم مطعم دخلنه انا وام كرار وبوجهنه للحمام من.

طلعنه شفناهم گاعدين

على طاوله وطلبو اكل اقتصر ع المشاوي وشربنه جاي.كريم حاجى عاصف //. شفت هشام

:: اي

كريم // شفتهم شكالو عنه

  عاصف اتنفس :: هشام المصيبه الي طاح بيها علمته هواي اشياء

   كريم //. صدك كلامك رجال وسبع

   ام كرار //. الله يفك سجنه ويهني بشبابه

اباوع العمي الي ابتسم بوجهي لان عرف ادموعي راح توكع وكف :: ياالله خلي نتوكل

وطلعنه. كريم باوعلي

ها عمو شلونج

هزيت راسي = الحمد لله،

- - المهم اطمنتي على هشام

=. الحمد لله

ركبنا السياره وعمو كريم هو الي ساق لان عاصف گله تعبت وصارت السياره تمشي وانا بدن عيوني ايثگلن مو

طالعين من نص الليل وهماتين. هوسة الانتظار والتفتيش غفيت وفزيت على ام كرار وهي اتگلي

اگعدي خاله وصلنه

اتثاوبت بتعب لكن احنه ما كنا جايين البيت عمو كريم لان. شفت القبه الشريفه باوعتلي ام كرار وهي تبتسم

- - عمج گال اجيبها تزور اهلها

ما. اوصف الكم ذهولي باوعت العمو عاصف وعمو كريم وكتلهم = شكرا

كريم وعاصف مشو قبلنه وانا وخاله. ام كرار الي كان بايدها علاكه صرنا نمشي وراهم واهنا وصلنه الفندق

بقينا كاعدين بالاستقبال واجه عمو كريم وكالنه ياالله صعد قبلنه. بالمصعد وصلنه الغرفه باوع الخاله وگللها

هاي غرفتج انتي وجدان واحنه هاي غرفتنا ارتاحن واطلعن زورن والصبح نروح للمقبره

دخلنه للغرفه وام كرار دخلت للحمام واخذت ملابس من العلاكه وحاجتني

راح. اسبح ومن اطلع ادخلي للحمام انا جايبتلج تراك. وياي

ابتسمت لان عبالي ما عندي ملابس سبحت وبدلت وطلعنه نزور وهناك. بثيت كل شي الابو الايتام علي وانا ابجي

حسيت انو صخره كانت جاثمه على صدري انزاحت عني

بقيت گاعده وانا اتطلع الهذا الصرح العظيم واناجي بكلبي واطلب منه اشياء لايمكن اطلبها من بشر واني اسمع ام كرار

وهي اتكلي // كافي وج خاله عيونج عمت

- - مايصير هالشكل يابنتي هاي دموعج شفتهن على امج شلي صاير وياج ان شاالله ابو الحسنين ما يقصر وياج

- - كافي على شنو تبجيين على اخوج لو على وجودج ابيت جدج هذا الشي تتقبلينه لان هو واقع حال

اتقربت مني اكثر وحضنتني وهي تكلي // كافي ماما كافي الله يعينج بسم الله عليج

ظلت اتمرر ايدها على كتفي وزندي شويه هدات بعدها سالتني // نروح نتمشى شويه

  هزيت راسي = لا خاله خلينه شويه نگعد وبعدها نرجع للفندق

- - براحتج

بقيت كاعده واحجي بكلبي رن تلفون ام كرار // الو

هلا بيك

بعدنا

لا ما قبلت شويه ونرجع للفندق

لا

تمام

حسيت انو خاله تعبت حاجيتها = ياالله خاله خلي نرجع للفندق

ياالله

وصلنه علكت العبايه ونزعت الجواريب واتمددت حتى بدون ما اغسل خليت زندي على عيوني اريد انام بس ما اگدر

اندك الباب وخاله فتحته وهي اتكول // يمكن نايمه

سمعت صوت عمو كريم // كعديها خلي تاكل

- - اكعدي خاله اكلي لفه عمج جابها

:: ما اشتهي

- - مي خالف حتى انام ونكعد الصبح من وكت نتوكل

كعدت واكلت اللفه وشربت قوطية الميرندا ورحت غسلت ورجعتاتمددت واني افكر كلش عبا عليهم اني واخواني خصوصا على عاصف ياترى لو فرضا عافوني ايهنا ابحدي شلون اتصرف او وين اروح وعلاوي وين يبقى وهشام

حركت ايدي بطريقه ابعد بيها هاي الافكار الي ما اعرف ليش هالشكل اجتني وشنو السبب

ما اعرف يمته نمت صحيت على صوت الاذان گمت اتوضييت وصليت وصرت ادعي وكعدت خاله ام كرار

اتوضت وصلت الى ان سمعنه طرق الباب وصوت عمو كريم اذا جاهزات خلي نروح طلعنه بسرعه مشينه

وعمو كريم سالنه // تتريكن

عمتي باوعتلي هزيت راسي بالنفي هي ردت // خليها بعدين

وصارو يمشون قبلنه عمو عاصف حاجاني

:: يجوز ام كرار تريد تتريك

بلعت ريكي وما جاوبته وصلنه للسياره وركبنه ورا وصارت تمشي السياره وبانت القبور من بعيد واشرقت

شمس الصباح وسكان القبور كانما هم الاحياء على كثرتهم وعمو عاصف وعمو كريم يسلمون وصلنه وكفت السياره

نزلت ورحت اركض كانو مقابيلي ابويه ورامي بالوسطه وامي صرت اصرخ واني اكللها

= ماما مو كافي مو كافي

صحت بقوه = ماما ماما محتاجتج ارجعي ماما

الكل ساكت او هالشكل اتهيا الي واني مره ابجي ومره اعاتب ومره احجي ويه ابويه لو من اعاتب رامي

رفعت راسي وشفت عمو كريم وعمو عاصف يقرون قرآن وادعيه اجتني ام كرار

ياالله كافي كومي

اكتفيت بان دنكت ورجعت يمهم من احجي ويه رامي كعد يمي عمو عاصف وكلي

:: روحي اقري الفاتحه الجدج وعمج

باوعت اله شفت وجهه متعب وعيونه حمر وكفت ورحت يم جدو وقريتله الفاتحه ويم عمي بدر من درت شفت

عمو عاصف يغسل بقبر امي ورامي وابوي اني بقيت گاعده يم جدو ما عندي كلام اكوله اله

اباوع العاصف گعد ما اعرف شنو يحجي الى ان وكف وكال

:: ياالله خلي نمشي

كانت ساعه الي بقيناها يمهم ساعه وحده وركبنه بالسياره ودموعي ما بطلن طلعنه والكل خيم السكوت علينه بعدها عاصف

سال عمو كريم :: نطبك اهنا نتريك ؟

كريم // بكيفك

عاصف :: هذا خوش مطعم ياالله

نزلنه بمطعم واتريگنا رغم اكلت قليل لكن متعجبه من حالي توني يم اهلي اعيط وابجي وهسه جاي اكل واشرب سبحان الله

على فطرة الانسان وقدرته ع التحمل ونعمة النسيان

ركبنا السياره وصلنه الكربلاء زرنا زياره سريعه ورجعنه البغداد العصر كنت كلش تعبانه بحيث بس شفت علووش الي سالني

ووين رحتتو

= زرنا وادري بيك تتعب بسرعه ما اخذتك

( ) لا ان تو رحتو اااال هششام

جاوبته واني مغمضه = اي رحنه الهشام وهو يسلم عليك

نمت من كد ما تعبانه بحيث اسمعهم ايندهوني ع العشا لكن ما گدرت اكعد الصبح كعدت صليت وسبحت بست بيبي

النايمه ورجعنه البيتنا ويه عمو عاصف علاوي نايم شاله عمو عاصف ونيمه وره وانا گلي :: اركبي بالصدر

سلمنه على عمو كريم الي وصل يمي وكلي // عمو ما اوصيج ديري بالج على اخوج وعلى نفسج وشدي حيلج السنه ثالث

هزيت راسي وطلعنه بالسياره وسط دعاء عمو عاصف الي اسمعه دائما ايردده باوعلي وكلي :: اذا منعسه نامي

ما جاوبته رجع سالني ::شتردين تتريكين

= اي شي

   ابتسم :: اي شي اي شي وين الكا هذا الاي شي

بقى يسوق واني گاعده مر وقت وطلعت الشمس حاجاني :: اهنا عدهم كيمر كلش طيب ياالله خلي ننزل نتريك

= وعلاوي ؟

وكف السياره ودار من جهته وهو ايكله :: علاوي اكعد خلي نتريك. شو ياالله عمو اكعد

ساعده وراحو كدامي يمشون دخلو كعدو ع الكرسي وعمو كلي :: هناك حمام اذا تحبين تغسلين

رحت غسلت اديه وجهي ورجعت ما شفتهم بقيت واكفه اباوع لمن ما همه اجو وعمو مبتسم كعدنا وطلب ريوك كيمر وجاي

وصرنا ناكل وعمو كال :: انا اتعمدت اطلب بس كيمر وچاي ردتكم اتجربون هذا الگيمر طيب مو

هزيت راسي وكملت بسرعه سالني :: شبعتي

تستمر القصة أدناه

= الحمد لله

:: اكلي بعد

= عمو شبعت

:: براحتج

رحت اغسل وهو بقى دخن جكاره وطلع هو وعلووش راحو للمحل رجع علووش بيده علاكه جاوبته

= انت ما راح تكبر

( ) ل يي ش هال شكل تحچيين وياي

= مو كل مره عيب من عمو

( ) هو اشترالي واذا ما مصدكه اسالي

= هو وين راح

( ) ما اعرف

بقينه ننتظر لمن ما شفنا اجه سالنه والجكاره ما تفارك حلكه :: محتاجين شي تردين شي اشتري

= شكرا عمو

صار يسوق واني درت وجهي اباوع للشوارع والسيارات وعلاوي وره مرات التفت اشوفه كاعد ويكرز حب ومرات

نايم الى ان وصلنه للولايه هيج ايسموها وكف ع الجسر وكلي :: اتنزلين شويه اتحركين رجليج

هزيت راسي بالنفي فما كان منه اله ان دار وفتح باب السياره وهو ايكلي :: انزلي

  نزلت مستغربه ونزل علاوي وصار واكف يباوع ع الشط من فوك الجسر بعدها سالني :: وجد شبيج

باوعتله باستغراب هو هز راسه :: من يوم حادثة بهاء وانتي ما تاكلين وبس تبجيين وبيبيتج تكول حتى نومج قليل

شصاير وياج

بقيت ساكته هو رد عليه بحده خوفتني وهو يتوعدني :: شوفي لو اتكليلي لو من اعرف بعدين لو من غيرج ما راح

اسامحج شبيج منو وياج منو غاثج گليلي

بلعت ريكي = عمو محد بس ضايجه حاسه مختنكه هسه من رحت وشفت هشام واخذتني للزياره صرت احسن

    اتنفس بعمق وغمض عيونه :: يمكن هذا الكلام تضحكين بي على حبوبتج على علاوي بس عليه لا انتي بيج شي

وضامته وخايفه منه وما تردين اتكولينه

بجيت = عمو جاي اكولك ما بيه شي يعني وحده فقدت ابوها وامها واخوانها اثنينهم واخوها الزغير مريض وهي

ما تدري شنو مستقبلها شتريدها

   اتنفس بعنق :: بس انتي ما جنتي هيج اتعايشتي

   هزيت راسي واني مبرطمه. = اي اتعايشت وهسه راح اتعايش وادرس وانجح وانتظر هشام يطلع

هز راسه وبعيونه عتب وهو ضام شفايفه واسمع بس صوت نفسه :: ان شاالله يطلع وان شاالله تنجحين

      ركب بالسياره واحنه ركبنه هالمره علاوي صعد يمه واني وره حسيت بي زعل من كلامي بس اني محد حاس بيه

بس عمو واني اخاف منه ويتهيا الي ... وصلنه وره الظهر هو دخل واحنه ورا سلم :: السلام عليكم

وراح البيبي باس راسها وهي اتكله //الله يساعدك يمه

وصلت يم بيبي == اشلونج بيبي

الله يسلمج اشلونه اخوج

= الحمد لله هواي ايسلم عليج

الله يخلي ويفك سجنه

اتذكرت هشام ومكانه بجيت واني اردد كلمة == آميين

اجت عمه رجاء // الله يساعدهم

عاصف :: هلا يابه

= هلا عمه

هلا بيج الحمد لله ع السلامه

==الله يسلمج

بيبي // شوفيهم ام بهاء خليلهم لكمه

:: انا ما اشتهي صبي العلي واخته

= حتى اني ما اشتهي

علي ( ) وااااني هم شب ععان

:: رايح اخذ حمام وارتاح شويه

بيبي سالتني // ها ياجده زرتي

= اي الحمد لله

بيبي // كولي الله يطول عمر عمج تره اخلافه محد بحالج انتي واخوج

هزيت راسي وطلعت ملابس ورحت للحمام سبحت ومشطت وعيون بيبي تراقبني اتمددت وبيبي كالت

- لا تنامين هسه نوم العصر مكروه 

بقيت متمدده وبيبي تسالني على بيت عمو ابو كرار وسالتني على بيبي هديه

جاوبتها =. يسلمون عليج هوااي بس بيبي هديه مبين عليها التعب

- - الله ايساعدها خابرتني وانتم بالزياره بس ليش ما اخذتو علاوي وياكم

= عمو عاصف كال يبقى ايهنا

وشگال الطبيب.

= يگول جاي يتحسن بس ابعدو عن التوتر

الله كريم (رفعت راسها ) وانتي

= اني

هزت راسها // اي انتي من زرتي ارتاحيتي

= الحمد لله

- - ياجده محد ايفيدج بس حيلج وعينج انتي صدك زغيره بس السده عليج كبرج وهاي الدنيا هلتشوفينها ذاك

من ذاك التلكيين عده محنه

باوعت الها مستغربه كلامها هزت راسها //. اي ياجده لو ما الله وعمج عاصف حنن كلبه شلون راح اتدبرين روحج

الصار مو شويه

هزيت راسي واحجي ويه نفسي = صدك الصار مو شويه

بيبي // ما طولني عدله وعمج عاصف بعده عينه عليكم ما مبدلته النسوان عاد بجاله ادرسي وحصليلج شهاده اتفيدج

وكبري اخوج ما تدرين باجر شمضموملج صيري هبة ريح

حسيت بيبي من تحجي وياي حاسه بيه وتحچي بحنيه راحت تتوضا وكلامها يرن بااذني والسوال الي داىما اساله النفسي

  = لو ما وجود بيبي وعمو عاصف اني وعلي شنو مصيرنه

   الي مستغربتله بيبي ليش ذكرت بس عمو عاصف ليش ما ذكرت عمو مهدي ليش ما ذكرت به...

ما ردت اگول اسمه اخاف حتى اني اتذكر كلامه واخاف احد يعرف من رجعت بيبي رحت اتوضا وبيبي كالت

- افتحي الضويات

البيت صنطه فتحت ضوه الصاله والمطبخ وفتحت ضوه الطارمه ورجعت اتوضييت وصلييت يم بيبي الي من كملت واني كملت صلاتي كلتلي // جده اقري قرآن

باوعت الها // اي جده انوي ختمة قرآن انتي نطفة رحمن وما عفتي صلاتج وكل ما تضوجين وكل ما تردين

شي من الله اقري قرآن

= وين

- - بحجرة عمج عاصف روحي تلكيين ع الميز يمه

= بس عيب

- لا مو عيب فوتي للحجره وجيبي واقري اهنا بالهول بكيفج

رحت واني لابسه المحرم مال الصلا دگييت الباب ماكو جواب مره ثانيه هم محد جاوبني كلت يجوز طللع فتحت الباب

انفتح شفته كاعد على سجادة الصلاة وبيده سبحه

حمحمت هو ما انتبهلي باوعت للميز اخذت كتاب الله طلعت الغرفة بيبي الي كالت // عفيه بابنيتي التسمع كلامي

وصرت اقرا بي من صدقت بيبي حاجتني // رجعي الحجرة عمج ويمته ما تردين تقرين روحي جيبي

= ليش بيبي خو اخلي اهنا

- مو هو يقرا بي

رحت دكيت الباب وهالمره اجه صوته :: فوتي

بدون ما اباوع الاي شي خليته ع الميز وطلعت جتى ما انتبهت العمو شجاي دا يسوي رجعت للغرفه ولبست شالي

واجت عمتي رجاء وگالت // بهاء كال لاتسوين عشا انا اجيب وياي

عسا سالم

خلي افوت اخدر چاي

بقيت كاعده اندك باب غرفة بيبي يمه

فووت

السلام عليكم

هلا بيك

كعد وكال :: تعاي رجاء

اجت عمه // ها عاصف

:: بتج وين

العصر نايمه وهسه بحجرتها

:: ما عرفت من اجيت تلاكيني وتسلم على بت عمها

نايمه عاصف وهسه تنزل

:: شسويتي عشا

بهاء كال يجيب ويا رايد اسويلك شي

:: لا نتاني بهاء

باوعلي :: علاوي نام

= اي بس اجينه

بيبي // نشدت وجدان تكول الطبيب كال زين

:: اي يمه الطبيب كال بدا يتحسن

ان شاالله وانت يمه شلونك

اتحسر :: تعبان حجيه تعبان حييل

ادري بيك بس شنسوي

:: لا ما نسوي شي الله كريم

ما اعرف ليش حسيت انو اني السبب بتعبه سمعت صوت بهاء وصار كلبي يدك

حياهم الله توه البيت نور

كام عمي وابتسم :: منور باصحابه

- انت صاحبه وراعيه اشلونك

اتسالم ويا :: هلا بيك

باوعلي // اشلونج وجدان الزياره مقبوله

= اهلا

بيبي هزت ايدها //. شمال نسوان هالوكت وحده اهلا والثانيه الهسه ما نازله

- - لا جده لاكتني واخذت مني العلاليك

دخلت فرح وابتسامه مصطنعه /= الله يساعدك بابا الزياره مقبوله

باسته بخده واجت يمي // هلو وجدان الزياره مقبوله

= هلو فرح

بهاء هز ايده وغمز العمو وهو ايگول // صدك كيكيات شني هلو وجدان هلو فرح

بيبي // عوفهن شتريد منهن هذا حد عرفهن

- - مو توج تحچيين

— وانت شتريد اتسوي

- -علميهن جده

- - روحن حضرن العشا

رحنا اثنينه وصلنه لكينه عمه مجهزه العشا بالمطبخ فرح سالتها // خاف حبوبتي ما تقبل

- - لا تخافيين تقبل تقبل روحي صيحيهم وانتي جيبي ماي من البراد

اخذت الدولكات وصرت اصب ماي الى ان انملن واجت بيبي وعمو عاصف وبهاء ايغسل كعدو 

واحنه كعدنا بالجانب الثاني وصرنا ناكل وبيبي سالته

اشلونه شغلك

الحمد لله زين

رجاء // امس اجيت متاخر

- - اليوم رجعت من سمعت بعمي وصل وخليت العامل بالمحل

رجاء // هاي لو انا جايه ما رديت من وكت

- - يمه شلقصه امس بسطت يايوم متاخر عليج شعندي غيرج

لزم ايدها باسها هي ردت بالدعاء // الله يحفظك ويرضى عنك

عاصف :: بابا فرح لاتزعلين مره ثانيه اخذج للزياره انتي وبت عمج

بقت تلم بحلكها عاصف رد :: ما اخذتج لان رحنه للطبيب وصار عدي شغل

بهاء// هسه انت مو كلت تاخذهن مره ثانيه هذا هو

فرح // شكرا بابا الله يخليك الي

هو گال :: الحمد لله

بيبي // شو ما اكلت

:: ماكل بالطريق

استغربت يعني من الغدا واصلا اكل شويه :: سوولي جاي زين يعدل راسي

بيبي سالتني // شبي عمج

رفعت اكتافي = ما اعرف

بهاء// جده تعبان من السفر

گامت عمه رجاء وخلت القوري ع النار واني صرت الم بالصحون وبيبي گالت

ء- - رجاء يمه ضمي النعمه البقت

صرت اغسل بالصحون وعمه اتحضر بالاستكانات وصبت جاي العمو لان بهاء كال ما اريد هسه

اخذته اله وفرح راحت كعدت بالصاله لمن ما سمعت صوت مهدي ونهاد واجت ساره // اشلونج خاله

هلا يابعد خالتج

باوعتلي // اشلونج وجدان الزياره مقبوله

= اهلا حبيبيتي

  رجاء // ساره حبيبتي طلعي الصينيه من الاوفن واكلي

لا خاله شبعانه تونه اتعشينه

مشاوي جابهن بهاء يخبلن

ردت بابتسامه // ما دام بهاء جايبهن راح اكل حتى لو شبعانه

بالعافيه

تستمر القصة أدناه

كملت المواعين ومسحت الطباخ والكاونتر سمعت بيبي تصيح عليه

وجدان وجدان

رحت بسرعه = ها بيبي

— تعاي سلمي على عمج ومرته

مهدي // بعد وكت شني ما تعرف اتسلم اتفطنينها لو تعلمينها

= كنت دا اغسل الصحون شلونك عمو

هلا هلا

= اشلونج عمه

هلا حبيبتي اشلونج الزياره مقبوله

= شكرا

بيبي // روحي صبي الجاي

مهدي // عود جيبي ثلج ما اوصيج

رحت اجيب الچاي وبيبي تحچي // شبيك يمه يمته جايبته ثلج شو حتى چايها ينضرب بي المثل

استغربت عمي مهدي يوم بعد يوم يبين كرهه الي بالزايد رغم اني ما مسويلته شي غسلت الاستكانات بماي حار

وصبيت واخذت الصينيه وقدمت البيبي الي ما قبلت تشرب ونهاد اخذت استكان قدمته العمو مهدي واستكان لاخ البهاء

وهي اخذت استكان لمن ما مهدي

قرب الاستكان وشرب شويه وكال

- - هو هذا جايها الينضرب بي المثل ذهب البطول اصبعي تعرف اتسوي احسن منها

نهاد باستهزاء // ينشرب مهدي ينشرب

رديت. = بس هذا الچاي عمه رجاء هي الي سوته

فلت وجه مهدي ومرته سالته = عمو اسويلك جاي لاخ

هز راسه // لا اصلا شاربين وجايين

نهاد كالت // من رخصتكم اروح اشوف البنات

اجه عاصف سلم ومهدي سال عاصف // اشلونهم عمامك

:: زينين يسلمون

الله يسلمك

بيبي اشرتلي اشيل الاستكانات لميتهن واخذتهن نهاد ورجاء بالمطبخ وكانما تتعمد اتسمعني

- - شدعوه بس امل حجت گال راح اخذها هاي احنه لو ننبح من الصبح لليل محد بحالنه

رجاء// لا ويكل الفرح لا تزعلين مره الثانيه اخذج انتي وياها

نهاد // شبيج هذا تدبير امل وانصاف اشلون اخذج البغداد وخلاهن

رجاء// شني اخذني ايونسني شو الدرب كله شبعت مغمه

شطفت الاستكانات ورحت للصاله كعدت وفرح وساره وهاجر گاعدات ويسولفن بعدها ساره وكفت

- - وجدان راح اصعد انا وهاجر ويه فرح اذا تردين تعاي ويانه

هزيت راسي = لا شكرا

هنه ركضن عبالك عدهن سباق ورجاء طلعت من باب المطبخ // يا شبيجن چنجن حصن شرطه اتركضن

باوعتلي //. وانتي ليش ما صعدتي وياهن

= عمه ما بيه

- كاللج مو

= اي عمه بس اني. تعبانه

- خوش لا من يطلعون ايعربدون علينه

بقيت كاعده ابحدي بالصاله. لمن ما طلع بهاء // ها شو كاعده اهنا

= اي عجبني اگعود ايهنايه

- - وين فرح صعدت مو وما گالتلج

= لا اني مقبلت. اصعد

- ليش ؟

= تعبانه وراسي دا يوجعني

- - بعد مهدي واجه لا يجل ولا يمل

طلعت نهاد // يا شبيك تحجي على عمك

- - ما حاجي اگول يسولف

- - ها وهذا مو حچي

- - بربج خاله. راسج ما يوجعج من كد السوالف والحجي وهلتجيبينه اتذبينه علينه

رجاء// خاب استحي. هو عمك ورجل خالتك

- - ادري ما ناكره بس الله يسلمه ما ينطي مجال سوالف متواصله

رجاء //. مهدي چيفن رويحة حلال محد ايريده گوم يمه روح اصعد الغرفتك ارتاح

—. بعدني شويه واصعد

نهاد اجت گعدت مقابيلي // اي سولفينه وين رحتي ابغداد وين اجيتي. 

= مرحت الاي مكان

- - يا مو رايحه للسجن الاخوج

هزيت راسي // وبعد. ماخذكم للطبيب على مود الزغير صدك الله يساعدج الجبير بالسجن والزغير مريض

  = الطبيب كال علووش جاي يتحسن

- - ان شاالله وهشام زين

رجاء // اي زين. شبي كل شهر عاصف اسمه رايحله

هزيت راسي = اي عمه هو هم ايكول بعمره ما ينسى وگفة عمو ويا

وجاء// شيسوي خو ما يعوفه الناس تاكل وجهنه

نهاد // مهدي ايكول كود الله يطلع. زين

رجاء // شني زين چا شبي

- - ايگول البسجن كلها عصابات وحبوب وهواي دواليب ومصايب

بهاء بعصبيه /= تؤ شني هالحجي هذا

رجاء// جا هي مجذبه

    هزيت راسي = لا اخويه مابي شي زين وهادي حتى اسالي. عمو صار ايصلي وعمو گله لازم. تمتحن سادس خارجي

رجاء تحرك بايدها // ياا والله زين عاصف ماله غرض ابته وحامل هم الناس

بهاء// ليش يمه شمقصر ويه فرح

رجاء// ليش هو شمسويلها حتى اتگول مقصر هو. كل شي ما مسويلها اتكول مو بته لاگيها بالشارع

بهاء وگف وگال // طالع شويه للمضيف

طلع ونهاد سالت //رجاء ابنج شبي

تعوج بحلگها // ما يرضى على عمه

- - اكلج شوف الحظ. والبخت بس العاصف وانتي ولا جنج موجوده

- - شسوي اروح اشتري حظ هو من اول مره گعد ياالله من تالي.

وراحو بيت مهدي وكانهم جايين بس يسمعونه هذا الكلام ويرحون ولا يشبهون عمو عاصف وبهاء بشي

دائما يجون يحجون كلام مثل السم ويرحون

عاصف طلع وياهم ورجع دخل غرفته بدون. ما يحچي وياي وعمه رجاء صعدت فووك

واني اجيت ادخل الغرفة بيبي واجه بهاء. // ها راحو

هزيت راسي

هو بابتسامه // ادري بيهم راحو متانيهم ايطلعون شكد مغثه (صفن بوجهي ) خو ما زعلتي

= لا على شنو ازعل

- - من نهاد

= خالتك من اول يوم اتعودت. على كلامها

- - تره هي ما تقصد شي فطيره وتحجي بدون ما تنتبه الكلامها

= عادي. ما صار شي

- - احبج

بلعت ريكي هو يتلفت // ليش ما تردين شبيج.

دخلت للغرفه واتمددت رغم كنت نعسانه. لكن بهاء وكلامه خلاني كاعده وافكر وين ياالله نمت

والصبح كعدت الصلاة الفجر ورجعت نمت وتقريبا الساعه بالتسعه سمعت كلام جاي من. الحديقه الي منها الشباك غرفة

بيبي كان صوت عمو مهدي وهو ايكول

انا مو وحد مثل ما فتحت البهاء محل تفتحلي محل

الفصل التاسع والعشرون من هنا 

شكرا لزيارتكم عالم روايات سكيرهوم