رواية كريات الدم السوداء الفصل السابع والعشرون بقلم زحل
أنا سلاسل…
وهذا العالم كتب اسمي على جدرانه، وقال لي:
كلما أردتِ الهرب، نغلق عليكِ ألف باب، ونصنع لكِ مستنقعًا أعمق.”
فكيف أنجو وأنا المولودة من الغرق؟
كيف أخلع سلاسلي
وهي تمتدّ من اسمي إلى عروقي؟
_________سلاسل__________
_بس شفته توجه للخرابه
عرفت لمح محابس
ضليت مصطكه اباوعله يركض كل قوته ولد الشارع واحد يصوفر للثاني ركضو ورا ،تبعنهم النصافات
كل هذا وانه واكفه احس الكاع افترت التفتت عله صوت سليمه اجت تركض
_بس شفته توجه للخرابه
عرفت لمح محابس
ضليت مصطكه اباوعله يركض كل قوته ولد الشارع واحد يصوفر للثاني ركضو ورا ،تبعنهم النصافات
كل هذا وانه واكفه احس الكاع افترت التفتت عله صوت سليمه اجت تركض .
سليمه: شكووو. شسويتي من مصيبه .
_سولفت الها
الصار من الخوف ماكدرت اتحرك
جرتني تسحل بيه وصلنتي لبابنا
دفعتني وراحت وراهم ، كعدت بدجه مال الباب اباوع
الشارع كله يركض صوب الخرابه اجت صوله والكمجه مال الباكله بيدها .
صوله:فلك فلكج انتي وام ميلت ام طيبه
هجمتن الشارع ،يوميه مسويات مصيبه ولج هذا اذا صار بي شي الحكمومه تهجم الصعده فوك روسنا .
_هيه تحجي والحكومه
طوقت الشارع .ومثل عادتهم ولد الصعده
صار طفارهم ماله والي .بدقايق اختفو ام دعدوش
وسليمه اجن يركضن ،كمت وانه اسال ها وينهم
شصار .
سليمه:انعل ابوج لابو امج لابو الي يلفيج
كومييي بت الكلب.
9 ت
_دخلت وهن وراي.
سليمه:تنقلعين ماريد اشوف وجهج
يريدج ياخذج يمه . مايريد
تطلكين وبعد ماله دخله علينا.
ام دعدوش:خلصنه من نجيه وخضرتي بمكانها .
_تحجي وتكفخ بيه
دفعتها وخري بت الكلب موديه عليهم
شعليه عساهم بنار ، جرتها صوله ضلن يتصايحن.
كعدت سليمه تلطم عله رجليها .
سليمه:ولج كرف ولد الشارع كلهم .
سليمه:لو مكتول محابس اهل الصعده
يسوونج كباب، واذا يصير بالباشا
شي مانخلص روحنه من اهله والحكومه
ربج رحم بحالنا واجت الشرطه جا انكتل ابن الناس
ولج خلصينه من هل مصيبه الي دخلتينا بيها.
6 ت
_قطع حديثها دخول علاء مالحكت اكوم
توجه عليه جرني والتفت عله صوله
وام دعدوش اشرلهن اطلعن ضلن وحده تباوع للثانيه
صاح بيهن.
علاء:شكووو واكفات .
_طلعن يتلفتن سليمه
تريد تسحبني من ايده صفكها راشدي
جرها علاء .انتفضت وهيه تنكت ايدها منه.
سليمه:مايصير هيج ترى .
_دفعني وتقدم عليها .
_هز راسه والتفت عليه .
درت وجهي للقنفه اريد بس اكعد
باوعلي بأاستفسار كعدت وانه
احجي . حته لو اندل بعد الصار مايبقه بنفس المكان
علاء:لعبتي لعبتج وعقد عليج
بس والله راح يراويج انجوم الضهر
خلصن ارواحجن ودلني مكانه افضل .
سليمه:ترى وضحت الامور واكيد انته
مو غشيم الي مثل محابس يختفي ومايترك اثر.
علاء:الافضل تتخلصون من هيج نماذج.
_حجاها ودار وجه وطلع ركضت سليمه
قفلت الباب ورجعت تطلم .
سليمه:هذا بالحكومه انه جنت شاكه
من شفنا بالمركز بيوم الي واجهنا جويسم
وسالته بعدها نكر وكال لا جان عندي شغل هناك.
12 ت
_اول شي كليلي خو ماواحد منهم تاذه باوعتلي بأاسهزاء.
سليمه:مافهمت تسالين عن منو منهم ولج شنو انتي .
1
_اثنينهم بنار ماتطفه
قصدي بعد ورانه هوسه.
سليمه:مصيبه وطاحت عله راسنا
معقوله الباشا هم بالحكومه اشلون اتاكد
بس انه صار سنين اعرفه ماجاب طاري .
وحته ام طيبه كالت عدهم معامل مدري شنو .
12 ت
_صفنت دقايق
ونوب كامت جابت نقالها ادور بي مدري راسلت
منو اندك الباب كمت اريد افتحه صاحت عليه.
سليمه:تعاي انه افتحه.
_عفتها ودخلت للغرفه
لكيت قدر لابده مثل البزون من شافتني كامت.
قدر:شنو صار .
_سولفت الها
قدر:بالنسبه للباشا.ماله حق
بس محابس شعده بالخرابه عله كولتج وليش من شاف سيارته الباشا ماضم روحه.
7 ت
_التفتت عليها
هو انه دايخه شلون شافه لان من طلعت مالمحته
تفاجئت من ركض الباشا صوب الخرابه . غمضت عيوني بقهر من سمعت صوت ام طيبه تصيح.
ام طيبه:سلوووم تلعبيني
شعده الباشا هنا وبهذا الوقت
وليش،؟راكض ورا محابس
احجييي لا احجيج بطريقتي .
سليمه:شوفي مالي خلك تنعثل روحي سالي.
_نزعت صايتي
وطلعت الها التفتت عليه ماانطيتها
مجال تحجي.
اكلج شنو الغريب بجيته .
ام طيبه:الغريب انه ماموجوده.
_بس هو يجي حته وانتي ماموجوده
وماقصرتن عرفتنهم عله بنات نوشه واجو هو وعلاء .
ام طيبه:وشعده ويه محابس.
_سألي واذا تكدرين تمنعينه منا بعد افضل
واخذي لبيتج.يسهر . خزرتني سليمه مااهتميت
ضلت ام طيبه تهدد بيها وهاي مرة تتوسل ومرة
تعصب.
_باوعت عليها ام طيبه بصدمه .
ام طيبه:شلون عرفتي .
_سولفت الها سليمه ضلن يحللن .
ام طيبه:بس مااضن الباشا ويا لان صار شكد وياي
مايوم سمعته وانتي تعرفينه قبلي من ايام الخال.
7 ت
سليمه:مااعرف بس الاكيد علاء .
وهذا معنا مصيبه،شوفي تحاولين تضغطين عله
الباشا يخلي سهراته يمج .لحد مااتخلص من علاء .
ام طيبه:اي ماكو غير حل
يله انه رايحه.
_لليل وماكو خبر لا ولد الشارع ولا الباشا.
كامت قدر سوت عشه وسليمه تلوب ماخلت
واحد ماخبرته .
سليمه:نوب محد يرد.
_توها نزلت تريد تاكل وتفلش الباب ركضت
قدر للغرفه وسليمه طلعت للباب سمعت
هوستهم ضليت عله كعدتي
دخل محابس ايده مضمده .وسليمه تحجي عليه.
3 ت
سليمه:المن اجيت معود .
_مارد عليها كعد عله القفنه .
شويه وتبعنه النصافات وصوله وام دعدوش
ضحكت بستهزاء رفع وجهه باوعلي .التفت لسليمه.
محابس:هذول بعد مالهم دخله للشارع شوفيلج حل .
سليمه؛بالنسبه الي مالهم شي يمي
بس المصيبه مال هاي شلون نخلص منه.
_حجتها وهيه تاشر عليه.
محابس:تتطلك منه .واذا تريده خل تروح ويا.
10
_صاحت ام دعدوش
جا من سالنا شلون كلتن فلم سوينا بيوم تسليم البضاعه خوش انه احلها الك هسه اخابر ام طيبه.
_التفتن عليها النصافات خزرنها .
2 ت
محابس:حرف برا هذا البيت مايطلع .
_شلت الصينيه وديتها للمطبخ
ورجعت وكفت كباله، وحجيت وانه بكيفك
لعبه وين ماتريد تحطها.
4 ت
محابس:حاطج انه لو انتي
شمرتي روحج بحظنه
مو اخوج الي دخلنه بزاغور غازي.
2 ت
_ هزيت راسي اي .
تمام اطلك واطلع منا بس اطوني مجال
ارتب اموري .هزت ايدها ام دعدوش ماقابله
رادت تطلع صاحن عليها النصافات.
النصافات:حرف اذا طلع اندفنج بالخرابه.
5 ت
_طلعت وهنه تبعنها .بقه هو وصوله كاعدين .
التفتت عليه سليمه .
سليمه:تشرطين عليه بدال الغايب
يتنازل عن محابس .
_مالي شغل البينهم همه يحلونه .
من اطلع اخذ اختي وياي .
1
سليمه:يااخت بت الصخل غير سلموها بيدي
ويردونها مني انعل ابوج لابو اختج .
5 ت
محابس:تخلصين من هذا وتنطمين هنا واختج يطلع رجلها وياخذها.
8 ت
صوله:خايبه لو النه عيشه برا الصعده ماضلينه يوم .
محابس:مسويه روحها تفتهم.
_لو افتهم ماتقشمرت بيك وصدكت.
5 ت
محابس:بشنو غشيتج .
_بشغلك ويا الزباله ومسوي روحك شريف
بحمايتك لسويكه وكفه والبضاعه بسكوتك
وانته تدري بغازي يفتر عليه مو كتلك نطلع منا
شنو رديت عليه بيومها .
محابس:وكتلج اصبري .
_ولك شصبر وسلوم طلعت روحي
ياصبر وانه امشي واتلفت ،اسمع من هل ساعه
مالك شغل عسى مااكعد بالشارع مالكم
يمي شي كام يريد يلزمني وكفت صوله بينا .
سليمه:خلونه من سوالفكم المابيها خير
واسمعوني علاء بالحكومه والمصيبه
اذا طلع رجل سونه ويا معناها
مدسوسين بينا وماراح نخلص .
_صفن بوجهها هزت راسها اي.
صاح بيها .
محابس:انعل ابوجن لابو سوالفجن الخايسه
معناها حفظو كل حركه بالشارع سلووووم
ماريد المح طولهم بالصعده .
_بعدها ماراده عليه دك تلفونه مارد
دك تلفون سليمه ردت وهيه تباوعله.
سليمه:ها حربا. ها ايي تمام .
_سدته واشرتله كوم.
سليمه:سيارة الباشا دخلت الشارع
بسرعه افلت للبيتونه واعبر عله نوشه .
3
محابس:اطلع من الباب.
سليمه:ماتلحك يشوفك اكيد .
محابس:انه اريده يشوفني .
9
_شكد نذل حجيتها وركضت للغرفه.
عادي عندك تدري بي راح يأذينا.
1
سليمه:وراح يطين عيشنا
ولك مو ينعل والدينا
هسه يكول تندلن مكانه.
_طبكت الباب وصحت من ورا
قاصده سليمه شبيج هو يريده يسحلنه للمركز .
دفر الباب وهو يحجي .
محابس:لا حته يطلكج وساعتها
اعلمج النذل شيسوي .
4
_ضلت سليمه تتوسل تريده يروح
ركضت قدر تسد بحلكي دفعتها وصحت
اعناد بيك مااطلك .
قدر:شبيج معوده دخلي ينكسح
لا يجي ذاك وتصير مصيبه مو اذا لكا هنا
يتذابحون وانتي الي اطيحين بيها.
1 ت
_كعدت اديه عله راسي
احس نار واشتعلت بكلبي
سمعت الركضه عله السطح عرفته راح .
صاحت عليه سليمه كمت اجر بروحي
الم معدتي موتني . طلعت الها .
2 ت
سليمه:افتحي الباب هذا الباشا اكيد .
_من الخوف كل خطوى اصرف بطل دم
بس فتحت الباب دخل ودار قفله وجرني
متوجه بيه للصاله.يحجي من بين اسنانه.
الباشا:رايحتله عبالج مالكفج بت القندرة .
12 ت
_يحجي ويعت بيه ماانطاني مجال
سليمه بقت عله كعدتها.دفعني والتفت عليها .
الباشا:وصيتج ماتطلع لولا .
سليمه:بيش اتثق وتصدك
من امس هيه مريضه كتلها روحي
لربيع ينطيج ابرة خاف افلاونزه .وروح امي
باشا اسمعني ترى محابس ماله شغل بيها .
_بدون مايلتفت جرني من شعري.ماعرف
منين تجيني الطكه سليمه تتوسل ماجنه يسمعها .
الباشا:جبرتج لو اجيتي تتوسلين
قصرت وياج اذا الج علاقه بي ليش ماخذتي.
5 ت
_من كثر ما يفر بيه
كل شويه دافعني لصفحه ويرجع يجرني
معدتي كلبت حطيت ايدي عله حلكي اختنكت
من كثر ماضاغطه عله نفسي ونيت اريده انبهه
ابتعد وهو يباوعلي بقرف مالحكت اوصل للحمام
تقيئت ركضت عليه سليمه .
13
سليمه:كتلك مريضه وحلفتلك
همزين شفت بعينك .
_كومتني للحمام .احس مصاريني اتشلعت
اتقيى بدون توقف .
5 ت
سليمه:غسلي بين ماجيبلج ملابس
بلكي تموتين واخلص منج.
_الكاع تفتر بيه لزمني صداع احس راسي
يريد ينفجر ،كوى غسلت شمرت عليه الدشداشه وراحت بدلت وطلعت وراها اجر بروحي كاعد رجل عله رجل جكارته باايده رفع راسه يباوعلي اشر اكعدي
كعدت عله القنفه الي كباله .
الباشا:اسمعج
_ماعندي شي احجي .هز راسه تمام .
ادنت سليمه وهيه تتمسكن .
سليمه:باشا كتلك مانندله
واذا تريد سونه اخذها لغير مكان
لان بعد الصار اهل الصعده
راح ياذونه وبالاخص هيه .
الباشا:وين اخذها ولج شو تلعبين .
سليمه:خلص طلكها .
الباشا:من الزم محابس. اطلكها
من اليوم ممنوع اي شخص يدخل عليجن
ولا هيه تعبر الباب .
2
_انتفضت سليمه.
سليمه:انه ماريدها بيتي مليت من مشاكلها .
_تجاهل كلامها والتفتت عليه.
الباشا:وين الكا.
_مااعرف .
جكايرة والسويج
طلع وهيه تركض ورا تتوسل .قبل ماترجع دخلت للغرفه ركضت قدر قفلت الباب . تمددت وانه اون .
قدر:راح .
_هزيت راسي اي.
قدر:الله ينتقم منهم كلهم
راح اطلع اسويلج نومي بلكي معدتج تتحسن
هاي من القهر هيج يصير بيج .
_تعاي طلعي الفلوس وحضريلنا ملابس
بلكي نحصل فرصه نشرد .اطيني نقالي خل اخابر مديحه .شمرته عليه وطلعت دكيت اكثر من مرة ماردت ضليت لازمه النقال اكيد هسه تشوف مكالماتي وتخابرني اجت قدر بيدها كلاص نومي بصرة اطتنيا
وراحت للكنتور.
قدر:وين انروح .شنو اخذ ملابس هواي لو شويه.
_كل وحده لبسه وصايات وحجابات
نلبسهن من نطلع .حضرتهن وهيه تناشغ
للصبح مانمت حايرة وين اروح شلون ادبر امري
دكت عليه مديحه رديت عليها .وينج معوده.
مديحه:.اجيت بليل ولكيت سيارته
الباشا بركن ورجعت
من الهبطه نمت ماادري بروحي .
_انتي وين هسه.
مديحه:توني طلعت من البيت
طالعه للشارع.
شصار وياج اجيت.
_بعدين احجيلج هسه
سمعيني زين اريدج ادبريلي مكان غرفه
حته لو مخزن وشكد مايردون اجار ميخالف .
مديحه:شلج بي.
_غبائج مو وكته اريد اطلع منا .
مديحه:واذا لكفوج .
_اضم روحي فترة لحد ما ايأيسون
واطلع لغير محافظه .
مديحه:والباشا معناها يهج الصعده عله سلوم
واكيد يشك بيج ويه محابس .
_انه اريده يشك حته يهجم الصعده عليهم.
يله انطلقي اريدج اتنبشين المنطقه
كون اليوم تلكيلي مكان.سكتت عبالي انكطع الخط صحت الووو.
1 ت
مديحه:ومرض .
_جا ماتحجين .
مديحه:الشارع انزرع زرع.
_علوا حكومه حته من
اطلع مايلزمني النصافات.
مديحه؛مو حكومه.
_شطلع بي نبك ماتحجين .
6 ت
مديحه:ماادري شكول غريبه لابسين مدني
روحي بعدين اخابرج.
13 ت]
_جم يوم وانه احسب الدقايق
شلون اطلع وشسوي بيهم
قدر بس دموعها اتصب سليمه محتارة
وكل ماتغطنا الحكومه يهدن عليه ام دعدوش ونوشه .
قدر:هذا الباشا وين راح .
قدر:ماعرف بس لو عمي فاروق موجود مايطردني ..
_مو وكت بجي
طارق اياثر عله امه لولا يعني
اذا رايدج ويحبج اكيد هسه يسالهم عنج
وهيه مستعده تسوي كلشي حته لا يتزوجج.
قدر:ماادري اذا هو بعده يريدني
لان موت ابو مو هين ويمكن معتبرني سبب.
2 ت
_نحاول .تعاي اطيني عنوانهم بالضبط خل انحاول يجوز بعد موت رجلها تغيرت ويمكن تندمت . واكيد هيه تواجه طارق
بلكي موصيها عليج.
قدر: بلكي الله يهديها وانه اتنازللهم عن كلشي
بس كون ينطونه مكان نكعد بي انه وياج
اي الانسان اذا ينكسر يحاول
يكفر عن اغلاطه .
_عوفي البيوت
سجلي هذا العنوان اريدج ترحين
تتطقصين منو موجود بي .
مديحه؛غير اعرف بيت من .
_سولفت الها .
مديحه:اي وشلون ادخل عليهم.
_ماكو داعي اعلمج
خبز عتيك للبيع
اذا يردون وحده تشتغل عدهم .يله هسه ترحين
وعود من تجين اطيج افلوس التكسي .سديته وكمت للصاله سليمه ماخذه وضع الصامت وتباوعلي بغضب.
4 ت
سليمه:ماخابرج الباشا.
_هزيت راسي لا
كامت وهيه تحجي.
سليمه:شنو الحل . كليلي شلون نخلص منه.
_اجت بيدها الناركيله
وتنفخ عله الجمرات طكت بخشمي ريحه
المعسل حركت خشمي اشم بشهيه
باوعتلي بمكر ضحكت وهيه اتمدلي
القامجي مال الناركيله .
23
سليمه:تردين .
_لا بس ريحه المعسل قويه
اشرتلي ادني ،اخذته منها وسحبت نفس بكل قوتي
اختنكت وضليت اكح احس اعيوني طلعن من مكانهن
اجت قدر تركض خزرتها خطيه ضلت واكفه بحيرة
سليمه:ولج انتي حامل .
6 ت
_من الكحه مااكدر احجي
هزيت راسي لا.
_. رديت بغباء خوش بعد
النسوان ما تحلل وتروح دكتورة وتخسر فلوس
اطيهن طرقيتج لكشف الحمل .
5 ت
سليمه:احنه بيها ولا يهمج
هسه اوديلج تحليل منزلي ونشوف.
_كامت لغرفتها شويه وطلعت لابسه صايتها
بس طلعت ركضت تقفل الباب وراها
رجعت جرتني يا شبيج.
قدر:انتي غبيه لو من الضيم عقلج شطح ثوله ترى هاي مو غشيمه .
_يعني شنو .
قدر:يعني انتي حامل .
_اموت روحي اذا صدك.
قدر:عوفي روحج وكليلي
شكد صار من اطلكتي من محابس.
_ لا اتوقع ولا اريده يعرف
وحته سليمه هم ماريدها تعرف.
بس شسوي
وهيه راح تجيب التحليل.
قدر:هاي سهله.
_حجتها وركضت للمطبخ جابت بطل ماي
شربته كله وضلت لازمه البطل .
قدر:قبل لا تدخل انه افوت للحمام
اخلي ادرار بهذا واطلع وانتي فوتي وراي .
10 ت
_انتي متاكده بيت فاروق ضلموج.
قدر:لا ماضلموني الضروف والدنيا
وابوج الي ضلمني انه وامي.
_نزلن ادموعي ادنيت شبكتها
ولج موقصدي،
قدر:اعرف وهاي سلوم اجت.
_ دفعتني وركضت للحمام.
ولج تعاي هو انه مااعرف استخدمه.
_اخذت ورجليه وحده اطك بالثانيه
حاولت ماابين خوفي . طلعت قدر وهيه تغمزلي
سويت مثل ماكالت شويه وفرغت البطل بالحمام
طلعت وانه اهز بيدي ها شكتلج شوفي
اخذته تتفحص بتركيز .
سليمه:جا ليش هيج حالج مكلوب
مستحيل انه متاكده يجوز ماعرفتي تسوينه.
_ترى اعرف بنفسي مو حامل
وحته لو نفرض هم شنو الي يتغير اكيد انزله.
سليمه:كلت ورقه نلعب بيها ضد الباشا خو هو اكيد يكول نزلو بس لازم ينفذ طلباتنه .
7 ت
_كل عقلج شنو
شحال لو ماانتي سولفتيلي عنه
وكلتي مستحيل ينلزم وشعدنه ويا
ونشرط اول وتالي يطلكني بعد شنو هل لعب .
_خلص اليوم وانه الوب.
عله احسابي
يعني حامل بس شلون اتاكد ماكو غير مديحه
خابرتها بدون سلام كتلها جيبيلي تحليلي منزلي.
هسه بسرعه انتضرج.
قدر:اذا حامل شسوين .
5 ت
_ لا تساليني لان مااعرف.
قدر:دكعدي استقري
لاتخلين سلوم تحس بيج.
_صوت الباب.
قدر:اكيد مديحه.هذا صوتها.
_دخلت تتلفت .
مديحه:ها شلونج .
بدون ماارد عليها
كمت اخذته منها وركضت للحمام
لحضات تاخذ الحيل عيوني تصب وانه ادعي كون
مو حامل شهكت من ضهرت النتيجه .ضميته
وطلعت الهن بس دخلت الغرفه كامن وهنه يسالن .
لطمت عله وجهي .
مديحه:خل نفتهم عليمن تطلمين
يعني يرادلها حجي غير تاخذين احتياطج.
_شوكت انتبهت يمته شفت دربي
ولج جياته الي معدوده شلون حبلت .
مديحه:يجوز ربج.
_لا يجوز ولا مايجوز ماريد بشر يعرف
تنبشين الصعده تشوفيلي طريقه انزله.
33 ت
مديحه:الجده ماتت صارلها قرن.
1 ت
_مابيه حيل سوالفج مديحه كتلج انزله.
مديحه:خوش خوش
هسه اسمعن
رحت لبيت فاروق لكيته مقفول
سالت الجيران كالو من مات الرجال ام طارق
راحت لاهلها .
سليمه:شعدجن من مصيبه .
_التفتت عليه مديحه.
مديحه:حته لاتعتبين عليه
وتكولين ليش ماتجين يله رايحه .
_حجتها وطلعت .ضلينه انه وقدر
وحده تشور عله الثانيه .اكلج انتي واثقه من طارق.
قدر:عله الشفته مالي ثقه بنفسي
بس عندي فكرة .
_طربيني .
قدر:نطلع بوجهنا للشرطه اشتكي عله ابوج
حته يطلعلي جنسيه ونوب اساوم فاطمه
تطيني مبلغ اكدر ادبر نفسي بي.
_شلون افهمج وانه كلبي خلصان
ولج يجيبونه يطلعلج جنسيه بس مايجبرونه
يخليج اطلعين تعشين وحدج لان قاصر
ومالج حجه اله تثبتين هو جابرج عله امور موزينه
لو معذبج مو سووها كبلج بنات الصعده .
قدر:انتي اشتكي .
_عليمن اشتكي عله الباشا
هم يكلهم زوجتي . وانه مااريد اطلك
لحد مااطلع منا .
قدر:شنسوي .
_نكدر نختل بيت فاروق ايام .
قدر:تكلج مقفول .
_هاي سهله بس احجيلي عن الجيران اقصد
وقت تواجدهم ليل نهار كون نكسر وندخل
ونخلي قفل جديد .وانتي تعرفين زوايه البيت.
قدر:شنو فلم هندي .شبيج وبله اجه واحد من اهل فاطمه غفل يريد يطمن عله البيت لو محتاجين شي.
_زين انتي ماحافظه رقم واحد منهم .
قدر:لا جان تلفوني مابي بس رقم طارق وفاروق .
وبقه بالجنطه بالبيت الي اخذني اله محمود
عود شكد وصتني امي ورغم فاجعتي باامي
ضليت محافظه عله الجنطه بس الصار بيه نساني روحي ومن اجت عليه سليمه مافكرت بشي
ردت بس اطلع .وهيه جانت جامعه كل فلوسنا بيها.
3 ت
_تولي فدوى اهم شي انتي وصلتيني .
قدر:اريد اكولج شي بس لا تصيحين.
_هزيت راسي احجي.
قدر:يعني مادام احنه ناوين نطلع منا
ليش تزلين الطفل.
_عدلت كعدتي وحجيت بعبرة
اخلي حاله حال ولد الصعده الي اكثرهم
اجو من اباء مثلو الحب عله الي مثلي
يعشكها ويتزوجها بعقد شيخ وبس تكله حامل.
يروح ومايترك ورا اثر
1 ت
ابسط مثال مديحه
امها جانت راقصه واجاها واحد مثل الباشا
حبته وهو حب نفسه يمها ومن عرف بيها
حامل عافها وبيوم وليله اختفه
هو وحبه والشريف بيهم يكلها نزلي
ويمنعها من الخلفه .
1 ت
قدر:وهنه ليش يرضخن.
_مثلي شلون انه غركانه
وتعلكت بالباشا.
9 ت
قدر:يعني كل ال اسفه قصدي
هو انه محسوبه منكم بس ماعرفت اصيغ السوال.
_عرف وافهم كلامج .
اول شي انتي ماتشبهينا صح
شكلج لسلطانه وياريت حظج مثلها
والي اميزج لونج مو مثلي .
قدر:بالعكس انه من شفتكم وشفت اجسام البنات الي هنا اتاكدت من شبهي بيكم ترى ام فاروق جانت توصفني بجسم الوصايف.
4 ت
_سونه هيه النسوان تدفع ملايين
حته تصير مثل جسم الوصايف.
قدر:المهم يعني كل السمر هذا شغلهم.
_لا مو الكل اكو ناس جانو عايشين هنا اشراف
ومحافظين عله بناتهم وتزوجن الي مثلهم اسمر بس شغلته نضيفه وبغير محافظات ومناطق هوي السمر
بس هذا المربع الي احنه بي
او الصعده بالتحديد معروف شلغتنا
شنو بنات ليل وممنوعات مستحيل
الغريب ياخذها واذا بيها خير تزوج
واحد من الفرقه لو مثل كفه ومحابس ومصيرها
مجهول وتترس الشارع جهال واضل محتارة بعيشتهم.
_كتلج بس هذا المربع
وهم جانو بي هواي بس
شالو خوف عله عوئلهم ومنهم عمامي اثنين.
قدر:عدج عمام جا ليش ماتستنجدين بيهم .
_لو ادري بيهم نخوة ولج حته مااندل مكانهم
تبرو منا وقبل فترة سمعت مغيرين اسمائهم.
كومي مدي راسج شوفيلنا سلوم وين خانبه.
قدر:راح اسوي اكل .
_وهيج تعدن كم يوم
وانه حسبه تجيبني وحسبه توديني.
نايمه واسمع صوته . درت وجهي ادور قدر
لكيتها تتسمع كمت وانه احجي ضمي روحج خاف يدخل .
قدر:ماشي بس لا تتعاركين .
_ شعده لافي اليوم
طلعت وجني ماشوفه بوجهي للحمام
غسلت ورجعت اريد ادخل للمطبخ استوقفني كلامه.
الباشا: اكوم ادوس راسج
شوفي ولج مو انه الي تتجاهلين وجوده.
صح ماجاي عله مودج بس .
_ماخليته يكمل
خلص تاني الي جاي لخاطرها ترحب بيك.
8
الباشا:بس لا تغارين .
_شتشوف .لازمتلي خاولي وامسح بدموعي .
8
الباشا:اذا تمسحين دموعج بخاولي
الاكلنس المن .
1
_مو هواي من كد الغيرة مايلمهن اكلنس.
9
الباشا:دموع تماسيح ماتصدك.
_حجها وكام متوجه عليه
يحجي وعيونه متشخصه بوجهي.
سندت روحي عله باب المطبخ وكف كبالي .
_مالي كعده وياك جاي عله ام طيبه
تكمل سهرتك وياها.
الباشا:غصبن عليج ماجاي اخذ موافقتج
فهمتي لو لا مادامج عله ذمتي تنفذين الي اطلبه.
_اتفاقنه اطلكني .
الباشا:من تسلميني محابس.
_دفتر هو واسلمك اياه
كتلك مااندله .اتفاق وخلص طلكني
انه اريد اطلع منا .
الباشا:ويبييييين تولين
ها تواعدتو .
3 ت
_حط ايده بلاعيمي احس نفسي
انكطع اجت سليمه تركض .
سليمه:يا يا معود لاتموت بيدك
ترى حامل.
13
_دفعني والتفت عليها .
الباشا:منين .
6
_بلعت غصني بس ماكدرت اسيطر
عله ادموعي ردت عليه سليمه وهيه تضحك .
سليمه:هههههه يا شنو منين.
دتعال اكعد ارتاح عليمن حارك دمك.
_جرته للقنفه كعد وعيونه عليه .
الباشا:لازم اعيد السؤال.
_تجاهلت سواله
وجهت كلامي لسليمه
يعني لازم افشلج واطلعج جذابه.
سليمه:راح اكوم اهلس اعطوبج.
الباشا:عركة العيارة . ماتمشي عليه.
سمعتيني شحجيت.
_صحت بيها
وانه متاكده من روحي مو حامل.
الباشا:همزين وياريت تحسبين
حساب هل شي اقصد تاخذين .
_قاطعت كلامه
ماكو داعي لان مالك شي يمي
بس يجي ابوي نطلك.
الباشا:من اقرر .
_خلص خليلي مكان اكعد بي . لو اطلكني
وانه متنازله عن الغايب وانته تنازل عن محابس .
مالحكت اشرد كام جرني .
9
الباشا:اها من اكول ردتين غطه
تضمين بي رفيجج . خليلج مكان
حته تلبدين محابس بي .انعل ابوج لابو عشيرتج.
1 ت
_المصيبه صارت كتلتي بالمطبخ
احس ضهري اتفلش بالكاونتر . ماكدرت سليمه تخلصني من ايده . صرخت كافي حررررام عليييك.
12
الباشا:تعرفين الحرام .
وجاي تساوميني اتنازل
عن صاحبج .تف عليج وعله تربيتج ولو انتي وين تربيتي .
19
_دفعني وطلع وشيجي كدامه يدفرة
فلش الصاله تفلش وسليمه تتوسل
كمت وانه احجي. اريد احمي روحي لان اهل
الصعده شرطو عليه .ركضت سليمه خلت ايدها عله حلكي صاح بيها.
4 ت
الباشا:وخري خل تحجي .كملي شنو رادو منج.
_لهسه كلاتي توجعني
من طكت النصافات انته تخلص سهرتك وتروح .
غصيت ماكدرت اكمل كلامي .
2 ت
سليمه:جذابه وروح امي باشا كتلك
من قبل بت شالعه وتريد تمشي بكيفها.
_كام وهو موجه كلامه الها.
الباشا:طلاك ماكو ويوميه اجي والكه السهرة
حاضرة واذا سمعت احد متعرضلها انتي حصتي .
سليمه:مالي حكم عليهم يشيلوني.
الباشا:وانه اريدهم يشيلونج.
سليمه:بيوم الي تريدها اجيبها
الك للمزرعه .
الباشا:واكفه وتشرطين
وتحجين بصوت .نسيتي روحج سلوووم . يوميه اجي
ويوميه الحكومه تدخل الشارع لحد ماالزم محابس.
الباشا:ها سمرة.
_درت وجهي وكملت كلامي.
احنه متفقين وانته ومحابس شغلتكم.
الباشا:كتلج اذا مستعجله عله الطلاك دليني.
_ماشي ضل اركض ورا بلكي تلزمه.
طلع وهو يصيح عليها .
الباشا:ام الحب حسابي وياج ماخلص.
_ويمكن الباشا براس الشارع
ودخلت ام دعدوش هاده عليه .
2 ت
ام دعدوش:الضاهر يرادلج تأديب .
1 ت
_هجمت عليه وسليمه واكفه تتفرج
ماادخلت ولا جنها تشوف طلعت قدر
تريد تلزمها جرتها سليمه وهيه تكفخ بيها.
سليمه:انعل ابوجن لابو الفاجن
يله ماشوف وجهج بالصاله .
_عله صوتنا دخلو الولد فكوني
منها وطلعوها وطلعو .زحفت للغرفه
تلكتني قدر وهيه تبجي قفلت الباب.
1
قدر:لو نكعد عله الرصيف
لو نام بالزباله بعد مانبقه .
_خابريلي مديحه كليلها تجيني
بسرعه.
قدر:خو خابري الباشا الساقط .
4
_مابيه احجي لا تشلعين كلبي .
قدر:مابيج حيل قهر بس لازم تعرفين.
_شنو ؟
قدر:من جان الباشا هنا تلفونج دك
ركضت عليه عبالي مديحه
بس لكيت المتصل محابس
رفضته خفت يسمع الباشا .
_انعل ابو لابو سليمه لا الباشا.
قدر:دخل اكمل .
_شكو بعد؟
قدر:بعده التلفون بيدي اريد اسوي صامت
واجت رساله موقصدي افتحها بس كلت يجوز
شي ضروري . لكيته كاتب مبروك يتربه بعزكم.
16
_اكيد سليمه كالتله.
3
قدر:مرات من كثر المصايب
الانسان يتشتت ويفقد تركيزه
و يخونه التصرف. واكبر مثال امي . لو ما خوفها
وضغط فاروق عليها جان ماصار بينا هيج وخسرت حياتها لان جانت ذكيه وملعبتهم عله اصابعها.
_تحجي وتمسح بدموعها
مو وكت بجي اريدج تسنديني .
قدر:سليمه مامتأكده من حملج
مديحه هيه الي وصلت خبر لمحابس.
وقبل ماتحجين. اريد اسالج بيوم الي خبرتي عله
جماعه محابس هيه تدري بيج عندج اتفاق ويه
الضابط .
12 ت
_صفنت اذكر بيومها كتلها
اخذي امج للمستشفى وخابري
حته يطلع من الصعده لان اذا هو موجود
مايخليهم يبيعون بس بعدها كتلها عله اتفاقي ويه الضابط ولو شكج بمحله جان فتنت عليه وكالت لمحابس سونه الي خلتني اخابرك.
_ماتكله لان
راح يفقد ثقته بيها
انه صار فترة افكر شمعنه هيه
ماحاولن سليمه والبقيه يشغلنها وياهن .
3 ت
_بعدني ماراده سكتتني .
قدر:راح تكليلي محابس حاميها.
_هزيت راسي اي.
قدر:شكد تحصل من الجداوى؟
_مو سوى بس يوم ٢٥ ويوم ١٠
ومو كلهن الها لازم تدفع للنصافات
ويجي يوم ولا ربع.
قدر:اذا هيج يحبها
ومعتبرها اخته وحاميها يكدر ينطيها مصرف
حته لو ٥ الاف يوميه كافي عليهن هيه وامها.
_ مافهمت ؟
قدر:مديحه وياهم وحسب كلامج
والي عرفته اذن هيه حالها حال النصافات
ومخلينها بالشارع تراقب
وانصحج لاتحجيلها شي بعد.
40 ت
_سويتيها سالفه شكبرها
وحته لو كلامج صح هم مالي شغل
بيها لان اعرف غصبن عليها لو تمشي
بدرب النصافات لو تمشي بدرب اليل.
قدر:كيفج انه العليه كتلج.
_شوفي خابريها وجن انه مو يمج
كليلها راحت للحمام .
قدر:شنو اكلها.
_كليلها قريت الرساله
بالصدفه. بعد احجيلها الموقف
مال الباشا.
قدر:اي .
_وكليلها ماردتها تنقهر
كافي الهيه بي انه قريت
الرساله ومسحتها.
4 ت
قدر:هسه عقلج اشتغل
تعاي ابوسج.
1 ت
_ليش وين جنت بالحج
دوخري ريحتي موطيبه
هزت راسها اي.وخابرت حجت
الي وصيتها بي.سدته والتفتت عليه.
2 ت
قدر:تكول ساعه وانه يمكم.
_تعاي بس كوميني للحمام
معدتي راح اموت .
قدر:ابقي راح اجيبلج سطل هنا.
_احس مصاريني تشلعت
مابقه شي ابطني .غسلت وجهي وطلعت السطل
تمددت بفراشها اجت مديحه .
مديحه:محابس سحل ام دعدوش
كوى خلصوها منه.
6 ت
_جبتي العلاج؟
مديحه:اي وهيج استعمالهن
بس السستر تكول
اذا نزفت لازم تروح للمستشفى .
_اطيناياهن وروحي .
مديحه:شنو راح تسوين؟
_ماسوي لازم اتخلص
من الباشا والي ابطني.
2 ت
مديحه:خوش انه رايحه.
_ماسوي لازم اتخلص
من الباشا والي ابطني.
مديحه:خوش انه رايحه.
_طلعت وهاي قدر تسوي حركات بوجها
تقصد تعيب عله مديحه .رغم الخوف
بس ماعندي غير حل ومشيت بتعليمات مديحه والسستر تمدتت وجسمي كله يوجعني
بعد العلاج بساعتين توني اغفه واحس سجاجين
بطني عضيت المخده اصرخ بدون صوت
ضلت قدر محتارة صحت لحكيني رجليه
بطني ضهري اخخخخ راح اموت .
7 ت
قدر:شسوي شسوي
بس كليلي .
_اتمنيت الموت توسلت بي
يجيني . الي ينوجع يسنجد بااهله
انه شكول يمه بويه شكووووول .
8 ت
قدر:كولي يارب مالنه غيره
صح الي سوينا حرام بس هو يعرف بحالنه
واكيد يرحم بينا اي اي هو غفور رحيم.
_نحجي بهمس ودموعنا تصب
حته صرخات الالم ممنوعه علينا
الخوف خلاني اتحمل الوجع اريد شي اسكن بي
اشغل نفسي من حلات روحي شكيت دشداشتي .
قدر:انه صوجي شلون خليتج .
_احس روحي بهتت
من حرورت الدم وريحته عرفت سقطت
رغم ابروده الجو ورجفتي عركت .اشرتلها
اتقربت عليه . شيلي الفراش لا ينتلف
وسليمه تكشفنا .اطيني اي شي اخلي جواي.
4 ت
قدر:اي اي هذا الخاولي
_ضلت كل ساعه جارتلها
شي من الكنتور النزيف ماوكف
عيوني غوشن .
قدر:راح اصيح سليمه ولج راح تموتين وجهج صار كركم .
_كوى احرك شفايفي
ادنت يمي تريد تفهم شنو احجي.
كتلها لاتخافين بس روحي شوفيلي مسكن من الثلاجه .
طلعت ورجعت تتلفت .
قدر:ولج بندول وبراسيتول مايصير
بس يمكن هاي مسكن للألم.
_اطتني الحبايه وكامت.
قدر:راح اسوي عصير عاد تسندين
نفسج وتعوضين الدم .
_طلعت وانه عيوني انسدن من وحدهن
اسمع صوت بس مااميز ضربات عله وجهي .
الباشا:اسمعني بس فكي عيونج .
6 ت
_كوى فتحت عيوني
حاولت احرك نفسي انتبهت مغذي باايدي
درت نضرات بالمكان انصدمت سليمه كاعده
مسافه عنا بس شافتني صحيت كامت
متوجهه عليه .كل هذا وهو يباوعلي
ابتعد مسند جسمه عله الكرسي.
1
سليمه:كسرت اكحوف الدنيا عله
عله راسي ومشيت دروب
ماوصلت لعرامتج ومكرج.ولو انه كاشفتج
وماتعبر عليه .بس موصوجج
عتبي عله الباشا هو الي جذبني وصدكج.
الباشا:اي بهاي انه محقوقلج
بس ولا يهمج راح اخليها تمشي
وتتلفت من الخوف .
3 ت
سليمه:لا بس حته تصدك من اكلك
جذابه ومكارة .
_هز راسه اي .ردت كالتله.
سليمه:تولي فردة انعال
وانزعها من رجلك.
5 ت
_بلعت ريكي احس حلكي مر
ماهمني حجيهم بالي يم قدر . وخفت اسالها
لان واضح من كلامها الباشا مامكتشف وجودها
لو صاير شي جان كالت انتي واختج دنكت عله
جنطتها والنقال اخذتهن .
سليمه:انه اترخص لان عفت
الهيترات مشتغله.وانته تدري كهرباء
بيتنا مو تمام .
الباشا:طلعيلج واحد يسويها.
_حجاها وكام وهو يمد ايده لجيبه
انطاها افلوس،.
سليمه:تروحلك فدوى ام اعطوب.
الباشا:هههههههه ام الحب الغاليه.
2 ت
_اشرتلها تعاي ماجنها تشوفني
دارت وجها وطلعت وهو رجع كعد بمكانه.
نضراته تخوف نزلن دموعي.
الباشا:هاي شنو تبجين بس لا مقهورة.
عله ابنج .
_هزيت راسي لا.
الباشا:اي انه هم اكول .
_يعني شنو ..
الباشا:يعني ضمي هاي الدموع تفيدج لان راح تحتاجينها .
_وين انه .
الباشا:حاليا بالمزرعه .بس شوكت
انقلج لجهنم مااعرف .
52 ت
_______________________
أنا ظلٌّ تائهٌ في متاهةِ الأيام،
أرسمُ خُطايَ على رملٍ زائل،
كلَّما اقتربتُ من يقيني،
جرفني السؤالُ إلى لامكان.
أيها الطريقُ الممتدُّ بلا نهاية،
هل تحملُ وجهي في انعطافاتِك؟
هل تعرفُ أين خبأتني الحياةُ لااجدني؟
__________قدر_______________
2 ت
_دقايق الي وكفتها بالمطبخ سويت العصير
لسونه رجعت للغرفه خليت الكلاص بالكاع
ودنكت عليها وانه احجي. خليني اسندج
ارفعي راسج واشربي . عبالي غفت
مديت ايدي عله وجها لزمت اديها
شلون الثلج كمت حاولت احركها مثل الميت
ضليت اتلفت بخوف نزلت راسي لصدرها
وانه ادعي كون بيها روح كون كلبها بعده ينبض
اريد اوصل النقال اتعثرت
اكثر من مرة انشدهت وماكمت اشوف
الهي الهي فدوى اروحلك ربي ماعندي غيرك
دكيت عله مديحه ردت بخوف كتلها الحكيني.
مديحه:ولجج كعدي سليمه.
_شلون اذا سالتني .
مديحه: لاتحجين جريها للغرفه
يله بسرعه .فلك فلكجن .
_بدون ماسده الخط شمرت النقال وركضت
دكيت باب غرفتها حيل طلعت وهيه تسب بيه.
سليمه:شكوووو بت الكلب وكفتي
كلبي شبيج .
_ جريتها للغرفه دخلتها وركضت
شلت الغطه من سونه. شهكت
سليمه:يمممه شنو ولج شبيها
انتحرت .
_ضلت تطلم تريد ادنك عله
سونه وترجع بخوف. تباوعلي
وترد تباوع لسونه دقايق يله استوعبت
دنكت وهيه رفعت ملابسها .
سليمه:فلك فلكج بت نجيه يبووي .
_طلعت تركض تبعتها التفتت عليه
رجعت بخوف جرتني .
سليمه:شلون سقطت.
_هزيت راسي بعدم فهم
عافتني ودخلت لغرفتها جابت نقالها
ورجعت .
سليمه:المن اخابر وين اروح تقضي
عليه سونه. الووو ولك الحكني هاي
الساقطه راح تموت وابتلي .
_ماعرفت منو الي تحجي ويا
لحد مااندك الباب دخل محابس .
محابس:شكوووو شبيها.
سليمه:مسقطه والنزيف ماخذها
ولك راح تبلينا .
_دفعها ودخل للغرفه
باوع ودار وجه ركضت غطيتها اتقرب
يتحسس نبضها . كام وهو يصيح بسليمه.
محابس:بعدج واكفه خابري صوله ومديحه
بسرعه اخذنها للمستشفى.
سليمه:شنوووو كل عقلك ولك ميته.
محابس:فاقده بسبب النزف ولج فضيها.
_خابرت لصوله ومديحه اجن يتراكضن
صوله:يممه هاي من اشوكت تنزف ولج مصفر دمها شوفي وجهها ماتوصل للمستشفى تموت .
سليمه:اخابر لرجلها ماورط روحي.
محابس:اخذنهاااا وهناك خابري .
2 ت
سليمه:مديحه ضلي هنا.
_دنك شالها تبعنه هيه وصوله.
قفلو الباب علينا .
مديحه:كتلها لا تجازفين
ولج بلغي الباشا وهو يبتلي بيج
عله الاقل يخاذج للدكتورة .
5 ت
_ضليت مثل التطلك افتر
بالبيت واندعي .
مديحه:ادري جان خابرتي من وكت
ليش خليتيها لحد ماصفى دمها .
_ماعبالي هيج كمت اسويلها عصير
اجيت لكيتها صاكه. سكت مديحه وكامت لمت الفراش
ونضفت الغرفه وانه الوب كل اشويه اكلها خابريهم .
1 ت
مديحه:اي .
_دخابري بلكي يرد بس خلي يطمنا .
دكت وخلت نقتلها بذانها .
مديحه:ها بشر .
_اتقربت عليها اريد بس اسمع
مالحكت سدته والتفتت عليه.
مديحه:الحمدالله بس يكول
نازفه هواي معلكيلها دم.
_كعدت حيلي مهدود بجيت وانه احمد ربي واشكرة.
مديحه:هسه جيبي الي يخلصنا من سليمه.
_كله هين اهم شي سونه .
مديحه:مو تجيبي طاري .
_مااحجي يدرون بيه خرسه.
مديحه:ههه هسه تخليج تحجين انكليزي.
5 ت
_دب الخوف بكلبي للصبح وهمه ماكو
تعده العصر . كلبي انعصر خاف صار بيها شي
ماكلولي .
مديحه:اشش هاي سلوم اجت .
_مالحكت ارفع راسي
جرتني نوب ماتندفع فلشتني تفلش
عود اجت مديحه تفكني جلبت بيها.
سليمه:شوفي مال ماادري ومااعرف هاي مشيهن عله صوله وام دعدوش مديحه ماكو غيرج يدخل يمها
وانتي الي جبتي الحبوب مال الاسقاط .
3 ت
مديحه:كل عقلج وين ادري بيها حامل .
_دفعتها وكعدت عله القنفه
سليمه:خوش عود احجي هذا الحجي للباشا
انه مالي شغل . وخاف عبالج محابس يحميج.
_وعبالك بزون بس جابو اسمه
اجه . كامت مديحه وهيه تلم بشعرها
وانه من شفتها تذكرت دخلت للغرفه
لميت شعري وخلي الشال عله راسي وطلعت يمهم.
محابس:منو جابلها دوى
مديحه:مو انه .
_هز راسه محابس ورد يسال سليمه.
محابس:ليش سقطت هو كالها .
سليمه:هههه ترى جاي تصحكني
شبيك مو كتلك نكرتني وجذبتني من كتله.
محابس:طلكيها منه .
_انتفضت سليمه .
سليمه:مالي شغل ولا ادخل
هو وياها ينجازون انته خلص روحك .
محابس:وين اخذها .
سليمه:كافي لعبت نفسي ولك بعدك مصدكها
يعني اكثر من هيج .واحلف عليها هيه علست
ولد الصعده بيوم التسليم . انته اطيتها مجال
جانت جوى ايدي ومشيتها مثل العجينه .
سليمه:ماقبل كالتله طلكني و احرك محابس بنار
وكالتله اتنازل عن الغايب وتنازل من الدعوى .
محابس:يحبها .
3
سليمه:هذول مايحبون قابل انته غشيم.
بس هيه حبته.
محابس:لو تحبه مامزلت الطفل.
سليمه:ليش ماتكول مارادت تخسرة
وتخلصت من الطفل لان تعرف بي مايتقبله.
_راسي يفتر ويه كل كلمه منهم
شلون سونه عاشت هذا العمر
بينهم شكد تحملت .
4 ت
محابس:لا يتنازل خلي يطلكها
وشوكت مالزمني خل ياخذ ثارة مني.
_كامت وهيه تصيح.
سليمه:خذتلك ليله وياها
حالها حال غيرها . وانتهى الموضوع
اول وتالي يطلكها هسه بعد سنه
يعوفها . وانته بعد مالك شغل بيها
بسببك تمردت . انته كويت شوكتها
محابس:رجعيها يمج .
سليمه:اول وتالي ترد وهل مرة
ماارحمها . بس شوفلي موضوع هاي .
_حجتها وهيه اتاشر عليه
التفت وعبالك توى انتبه لوجودي
خزرها وكام متوجهه للباب لحكته
مدري شنو حجه وياها وطلع .
مديحه:انه ماتوب من سونه كل مرة تورطني.
2
_باوعت الها ودرت وجهي
دخلت سليمه.
سليمه:مديحه تجين حدج للصاله
هنا يمي مال تخنبن بالغرفه .
_كامت مديحه .
_طلعت مديحه
وانه كمت دخلت للغرفه
اليوم ثالث وماكو خبر عن سونه
بس اطمت مادام يم الباشا . الصبح انضف
واحضر اكل وكهوى لسليمه وبليل احضر الصاله
لسهراتها يوميه مجموعه شكل .صاحت عليه
سليمه:تعاي اخذيلج اكل وماي
وبعد لا اطلعين .
1
_هزيت راسي اي
وتوجهت للمطبخ سويتلي لفه
واخذت بطل ماي ودخلت تاخر الوقت وهمه
بعدهم غفيت وانه ادعي كون سونه باجر تجي.
فزيت محتاجه حمام مديت ايدي للنقال اشوف
الوقت بعدها ليل ب٢ اتقربت للشباك بحذر
ماكو صوت باوعت من الفتحه ضلمه يعني راحو
خاف اطلع وبعدهم ضليت افتر بالغرفه
لحد ما حسيت مثانتي تريد تنفجر
فتحت الباب وطلعت امشي عله اطراف
اصابيعي توني اعبر الصاله وانجريت .
ينقر عله الميز بطرف اصبعه
والجكارة الي مرة يخليها ورا اذنه
ومرة يخليها بين شفايفه لاهو شاعلها
ولا هو ذابها تصرفاته توتر عيونه متشخصه بوجهي
ضليت امثله عدم القدرة عله الكلام .
_تمام يعني هسه انتي خرسه.
_هزيت راسي اي .
دفع الكرسي وكام متوجه ناحيتي
خليت اديه عله وجهي جرهن وتقرب عليه بحركه مستفزة وكانو يريد يبوسني دفعت و بجيت
_عود كلت مادام خرسه اسوي الي اريد
لان ماتحجين .
_احجي .
_والضيف اله ٣ ايام من بعدها نسالَهِ
#مشهد
_كل الخسارات تتعوض بس تخسر نفسك
كأنسان هذا الي حسيت بي بيومها
_صار سنين هذا الكلب مادك
وغرتني نضراتج
_اركضي لا تلفتين.
_طلعت وانه ارجف
خوف برد . ادموعي تصب
مدري من الم الحرك لو من قهري وضياعي
لو حسرتي عليها شلون عفتها راح تحلكني ل
شكرا لزيارتكم عالم روايات سكيرهوم
