رواية كوميديا سوداء الفصل السابع و العشرون بقلم ليل ادم
الدكتور علي: اهدا يا خالد في اي
احمد : بعد اذنكم وسعوا الطريق مش هينفع كده
الدكتور على: احمد تعالي ساعدني بسرعه
احمد : ( بدأ يتابع اشاره القلب كانت كلها في حاله شبه توقف)
كريمه الزوجة: اعمل حاجه يا خالد بنتك بتموت
خالد : مش قادر مش هعرف اعمل حاجه (وأعصابه كلها بتتهز ووقف جمب احمد يتابع ما يحدث وكأنه في لحظه فقد ل مهنه الطب ومنتظر كلام الدكاترة)
الدكتور علي: إنعاش قلب بسرعه يا جميلة
جميله: تحت امرك يا دكتور
احمد : سنتي ونص أدرينالين
مس غاده: حاضر لحظه واحده
مس سلوي: تحاليل جميله
احمد : دكتور علي شوف التحاليل سيب الانعاش
جميله: احمد حملت
احمد. : واحد اتنين تلاته حمل
تاني يا جميله واحد اتنين تلاته حمل
احمد : كده مش هينفع
مس غاده: الادرينالين
احمد : دكتور علي في اي عندك
الدكتور علي: هبوط حاد في القلب و تكدس الدم حوالين المرئ سبب تضرر في التنفس و صعوبه كبيره وفي ضغط على القلب والأوعية الدموية غير منتظمة مشاكل كتير اوي مفيش تشخيص واضح
احمد : قصور قلب حاد
الدكتور خالد: صح صح يا علي قصور قلب حاد
الدكتور علي: جميله غرفه العمليات رقم اربعه احمد إنعاش قلب يدوي اوعي تسيب قلبها
احمد : ( طلع على السرير وجميله ما بين رجليه وبدأ يعمل انعاش القلب ب أيده )
الدكتور علي: (شد السرير على غرفه العمليات ومعاه الدكتور خالد و زوجته )
بعد دخول غرفه العمليات
الدكتور علي: خالد خليك انت بره بعد اذنك أطلع تابع العمليه من فوق
الدكتور خالد: مش هعمل حاجه يا دكتور علي خليني وقف جمبها
احمد : دكتور خالد بعد اذنك انت كده بتضر بنتك
خالد : خلاص تمام تمام
احمد : قسطره القلب يا جميله
جميله: اتفضل
احمد : دكتور علي ياله ابدا
الدكتور علي: مشرط رقم خمسه
مس سلوي: اتفضل
احمد : تمام كفايه كده جميله دخلي السلك في الشريان
جميله: حاضر
الدكتور علي: بشويش يا جميله
احمد : مس سلوي عينك على القيمات
مس سلوي: المؤشرات الحيوية كلها في النازل
الدكتور علي: وبعدين القسطره مش نافعه
احمد : كفاءة القلب وصلت كام
مس سلوي: ٣٠ في المئه بعد القسطره
احمد : معملناش حاجه
الدكتور علي: خايف افتح الصدر ويكون القلب سليم
احمد : ( في سرحان شديد جدا)
الدكتور علي: (شاف احمد في سرحانه طلب من الجميع الهدوء لانه عارف أن ده طبيعه احمد في إيجاد الحلول )
احمد : جميله نص سنتي كورتيزون وسنتي سيتامول
الدكتور علي : هتعمل لها تشنوجات
احمد : عارف ياله يا جميله
الدكتور علي: ماشي تمام ياله
وفعلاً حقنه جميله المريضه
الجميع في انتظار رد فعل الجسم مع المضاد الجسم رافض يعطي اي اشاره
رفع احمد رجل المريضه وبدأ في تدليك باطن القدم ل تحفيز الانشطه الحيوية على العمل
الدكتور علي: جميله اعملي اختبار نشاط الدماغ حاسس ان الدماغ ماتت
جميله: (بصدمه) لو حصل يبقا خلاص الموت تحقق في الدماغ يعني مش هتطلع من الغيبوبه
الدكتور علي: اعملي الاختبار بسرعه
جميله: حاضر
احمد: جميله استني
الدكتور علي: ليه يا احمد
احمد : المشكله في القلب
جميله: نشاط الدماغ كويس
الدكتور علي: لازم ناخد راي خالد احنا هنفتح صدر البنت
ميكروفون غرفه العمليات اتفتح
الدكتور خالد: من غير ما ترجعلي يا دكتور علي اعمل اللي شيفينه صح ربنا معاكم
احمد : جميله منشار الصدر
الدكتور علي: سلوي أرفعي نسبه التخدير و علقي كيس دم
احمد : ( بدأ في فتح الصدر عن طريق منشار الصدر وهنا كانت المفاجأة)
الدكتور علي: اي ده معقول كم الاثقاب دي
احمد : اذاي مكنش باين عليها والدكتور خالد مكنش يعرف بمرض بنته البنت في حاله صعبه جدا
الدكتور علي: المشكله الأكبر مينفعش في المنطقه دي خياطه الأوذي الأيسر ضعيف جدا لا يمكن الخيط يفوت من هنا ممكن الشريان ينفجر
احمد : فعلاً بس الوقتي احنا فهمنا بنتعامل مع أي كل اللي محتاجين نعمله نربط الأوذي الأيسر في بعضه علشان الدم يوصل الي القلب وبعدين نقفل الصدر لحد ما نعرف هنعمل اي العمليه هتاخد وقت والبنت مش مؤهله ل ده
الدكتور علي: هتربط الأوذي ب اي
جميله: المكوه كوي الجرح
احمد : بالظبط ياله يا جميله تعالي
جميله: تمام
بعد الانتهاء من ربط الأوذي
احمد : مس سلوي القيمات رفعت
مس سلوي: الضغط على القلب في تحسن مستمر و انخفاض تكدس الدم حوالين المرئ كفاءة القلب بترفع وصلت إلى ٧٠ في المئه
احمد : مش هترفع اكتر من كده
(وبدأ الجميع يتنفس الصعداء بعد انتهاء عمليه الاستكشاف)
بعد الخروج من غرفه العمليات
الدكتور خالد: علي في اي
الدكتور علي: اهدا يا خالد سيطرنا على الوضع لحد ما نعرف هنعمل اي
خالد : لقيت اي في عملية الاستكشاف
الدكتور علي: خير يا خالد خير
احمد : لا يا دكتور علي من فضلك الدكتور خالد لازم يكون عارف كل حاجه
الدكتور خالد: في اي يا دكتور احمد
احمد : قلبها مدمر بالكامل اكتر من ٢٠ ثقب في جدار القلب و الأوذي الأيسر ممزق بالكامل وضعيف لدرجة التهتك يعني الربط مستحيل ومطلوب مننا نخترع عمليه تكون مش محتاجه خياطه حوالين القلب و الشرايين لأن القلب مش هيستحمل ده
خالد : دكتور علي قولي أن احمد كداب وبنتي مش هتموت
الدكتور علي: يا خالد اهدا بس أن شاء الله في حل
الدكتور خالد: حل حل اي يا دكتور علي انت سمعت قالك عايز يعمل اي هو في عمليه في العالم تتبني على عدم وجود خياطه ( وبدأ في البكاء الشديد)
في جانب آخر
احمد : ( مشيت بعيد عنه حاسس اني لاول مره اشوف حد يبكي قصادي ومش مهزوز ولا زعلان عليه بس زعلان على البنت فعلاً وعايز اعمل اي حاجه علشان تكون كويسه ام البنت مموته نفسها من العياط حسيت بيها اكتر ما حسيت ب زميلي و أستاذي الدكتور خالد)
في جانب آخر
الدكتور علي: حاله البنت صعبه جدا جدا يا ريهام أنا بفكر أقول ل خالد يسفرها بره
ريهام: للدرجادي
الدكتور علي: القلب مدمر بالكامل مفيش حاجه صالحه يبني عليها أنا خايف ندخل بيها غرفه العمليات مش هتطلع بجد دي مفيش فيها امل نهائي
ريهام: على ما اظن كده كده خالد هياخد بنته انت عارف خالد مش بيثق في حد غير نفسه وطبعاً عارف أن أحمد من أول الناس اللي هتكون متابعه حاله بنته و خالد معندوش ثقه في احمد ولو حتي بنسبه خمسه في المئه دا كان كاتب اسم احمد اخر اسم في ترشيحات الوزاره للمساعدين
الدكتور علي: أنا شايف أننا نعرض عليه الأمر كل ثانيه واحده بتمر بدون حل فيها خطر كبير اوي على حياه البنت
ريهام: تعالي نتكلم معاه
في جانب آخر
جميله: بتعمل اي
احمد : بشوف حل
جميله: صعبه اوي المرادي يا احمد خصوصاً خالد مش هيسمح ليك تخترع في قلب بنته
احمد : أنا متأكد أنه بيكرهني بس لازم اعمل اللي عليا حتا لو كان ضد رغبتي أنا عيني على الطفله مش خالد خالص انا لو عيني على خالد كنت اول ما عرفت ان دي بنته مكنتش ساعدت ابدا يا جميله
جميله: يعني مصمم تكمل
احمد : طبعاً
جميله: أنا مش عايزه أحبطك بس الدكتور علي و استاذه ريهام في طريقهم لإقناع الدكتور خالد يسفر بنته بره
احمد: يبقا هتموت منه في الطريق الحاله اللي فيها البنت متسمحش لأي حاجه نهائي
في جانب آخر
الدكتور علي: انا مقدر اللي انت في يا خالد بس معلش لازم نتكلم
الدكتور خالد: نتكلم عن أي بس يا دكتور علي انا لسه شايف تخطيت القلب و الاشاعه المقطعية
الدكتور علي: علشان كده أنا عندك هنا
الدكتور خالد: (بص ل الدكتور علي لعله يكون معاه الحل )
الدكتور علي: سفرها بره يا خالد صدقني كل ثانيه بتعدي خطر عليها جدا
الدكتور خالد: انت بتقول اي بس يا دكتور علي انا لا يمكن اعمل كده أنا لو سفرت بنتي يبقا بكتب شهاده وفاتها بأيدي
ريهام: طب هتعمل اي بس يا خالد
خالد : احمد فين
ريهام: في غرفه الاستراحة
الدكتور خالد: ممكن نكمل كلامنا هناك
الدكتور علي: طبعاً اتفضل
وذهب الجميع الي غرفه الاستراحة
كان احمد يبحث عن حل عبر الإجراءات الطبية اللي أتعملت في جميع أنحاء العالم بس للأسف مفيش حاله شبه حاله بنت الدكتور خالد
الدكتور علي: احمد سيب اللي في ايدك وركز معانا
احمد : تمام أنا معكم
استاذه ريهام: احنا بنقنع الدكتور خالد يسفر البنت بره اي رايك في الموضوع ده
احمد : فكره وحشه المجهود غلط عليها
الدكتور خالد: أنا مش موافق مش علشان المجهود
احمد : أما اي
الدكتور خالد: أنا مش ضامن هلاقي حد بره شاطر زاي أحمد كده ولا لأ
احمد : (لف وشه ل الدكتور خالد مستغرب كلامه جدا )
الدكتور خالد: اللي بنا حاجه وشغلك حاجه انت فعلاً موهوب وأنا املي في الله ثما فيك أتمنا بلاش تاخد بنتي ب ذنبي يا دكتور احمد بعد اذنكم (وخرج من الغرفه)
احمد : ( في اللحظه دي مكنتش عارف ازعل عليه ولا افرح في الدرس اللي هو في حالياً الوقتي بس قدر يفهم قصدي لما كنت بقوله اوعي تتاجر في اوجاع الناس بس كان متكبر كان متوحش ربنا حطه في امتحان بسيط جدا على الأقل هو يملك المال اللي يقدر يصرف على بنته منه حتا لو ربنا مش مقدر ليها عمر مش هيحس أنه أثر مع بنته إنما لو كان لا يملك المال وبنته ماتت كان عاش طول عمره وهو متخيل أن بنته ماتت بسبب تقصيره ياما ناس دخلت المستشفى ومحتاجة تعمل عمليات خطيره وكانت النتيجة أنهم خرجوا ورموا كل حمولهم على الله بعد ما سمعوا المبلغ اللي هيتصرف على العمليه)
الدكتور علي: احمد ممكن تركز معانا
احمد : مع حضرتك يا دكتور
ريهام: في اجتماع كمان ساعه لجميع أطباء المستشفى وهنطرح العمليه على الجميع لعل واحد يكون عنده فكره نقدر نساعد بيها جميله
احمد : حل ممتاز ممكن يكون في حد عنده حل مش لازم نقفل على نفسنا في عمليه زاي دي لازم الجميع يدور ويسعا في حل واللي في الخير يقدمه ربنا
ريهام: تمام نتقابل بعد ساعه من دلوقتي
بعد انتهاء الساعه كان فعلاً وقت الاجتماع وتم شرح تفاصيل العمليه لكل الأطباء وللاسف الجميع في حاله سكون تام مفيش حل من اي حد
الدكتور خالد: أنا مستعد اعمل اي حاجه للي يقولي حل ل عمليه بنتي نتعب شويه معلش ونفكر اكتر يمكن يمكن حد يوصل لأي حل
الدكتور سامي: هو في حاجه أنا مش عارف هتكون مهما ولا لأ بس من ضمن الاختيارات
احمد : طبعاً مهمه قول
الدكتور سامي: في دكتور اجنبي مشهور جدا جاي مصر يعمل بحث حوالين الاستثمار بتاعهم في مصر بخصوص المستشفى البريطانية في مصر
الدكتور خالد: نبعت لي دعوه معلش يا ريهام
ريهام: من غير ما تقول يا خالد الدعوه وصلت الراجل وتمام وفق يجي بس هو مش جاي علشان حاله جميله هو جاي نوع من أنواع الزيارة الروتينية اتفاقات ما بين المستشفى البريطانية و المستشفى عندنا
احمد : مفيش مانع لما نتكلم معاه عن حاله جميله يمكن يكون عنده حل
ريهام: على العموم بكره أن شاء الله الدكتور جيمس بيكر هيكون عندنا في زيارة
الدكتور علي: خلاص تمام يبقا بكره نقعد مع الراجل يمكن يكون في حل عنده
الدكتور سامي: اكيد عنده حل دا اكبر دكتور جراحه قلب في العالم
الدكتور خالد: ربنا يسهل شكراً يا ريهام شكرا ليكم كلكم
ريهام: الوقتي كل واحد يقدر يروح على شغله
خرج الجميع الي عمله
في جانب آخر كان أحمد راجع الي منزله بعد يوم صعب للغاية بس قابل ساره في جراج السيارات
احمد : ساره خير عطلانه ولا حاجه
ساره: لا كنت مستنيا واحد كده
احمد : عينك بتلمع شكلك بتحبي جديد
ساره: شكلي كده
احمد : ماشي يا ستي أنا اسيبك بقا قبل ما ينزل اشوفك على خير
ساره: اي ده مش عايز تعرف هو مين
احمد : بصراحه النهارده كان يوم صعب اوي لما صدقت اني خلصت بس مش هزعلك مين المحظوظ ده
ساره: بجد يا أحمد محظوظ
احمد : اه طبعا انتي الف واحد يتمناكي
ساره: بس المشكله ان اللي بتمنى مش حاسس بيا خالص
احمد : اي ده ازاي يعني حب من طرف واحد
ساره: مش عارفه أو مش متاكده
احمد : ربنا يوفقك ويسعدك يارب
ساره: اي رايك أفتح معاه الموضوع
احمد : لا طبعا بلاش انتي كده ممكن تحطي نفسك في موقف وحش المفروض هو اللي يجي يفتح معاكي الكلام مش العكس
ساره: انت شايف كده
احمد : اه طبعاً لازم الواحد يغلي من نفسه ياله يا ستي ارجعي البيت سيبك منه لما يتكلم نبقا نسمعه
ساره: انت رايح فين
احمد : امشي هموت و انام من الصبح
ساره: (مقدرتش تتكلم بعد كلام احمد ) خلاص ماشي تصبح على خير
احمد : وانتي من أهله سلام
بعد تحرك احمد بالسيارة ( أنا عارف ان ساره قصدها عليا بس أنا بصراحة مش شايف ساره غير اخت ليا مش حبيبه وعلاقه ارتباط علشان كده قولتلها متفتحش الموضوع علشان تغلي نفسها في عين الشخص ده)
في اليوم التالي كانت المستشفى كلها في انتظار الدكتور جيمس بيكر ولما وصل طلبت منه ريهام الانضمام إلى مكتبها ل الحديث عن المساعدات المالية و الطبيه بين المستشفى البريطانية و مستشفى --------- العام
بعد انتهاء الحديث كان مخطط ل الدكتور أحمد الدخول الي مكتب ريهام وطلب مساعدة الدكتور جيمس بيكر في حاله جميله لوضع جيمس بيكر في وضع أحرج و يقبل المساعده و فعلاً حصل
المترجم : دكتور جيمس طالب الحصول على الفحوصات الطبية كامله
احمد : موجوده اتفضل
وفعلاً شاف جيمس بيكر الفحوصات بس كان وجهه غير مبشر
احمد : أسأله كده عن حل
المترجم: طالب اعاده الفحوصات كلها بس مش هنا
احمد : أما فين
المترجم: دكتور جيمس طالب الحاله تروح المستشفى البريطانية وتكمل علاجها هناك تحت ملاحظته الشخصية
ريهام: (بفرحه كبيرة) بجد يعني في حل
المترجم: دكتور جيمس بيقول أن لحد الآن مع وجود الفحوصات دي مفيش حل بس يمكن الاجهزه المتطورة اللي عندنا تقلل النسب ويكون في حل
احمد : ( هز رأسه الي ريهام )
ريهام: تمام مفيش مانع اهم حاجه حاله البنت تتحسن
المترجم: دكتور جيمس بيقولك استمر في عملك يا دكتور احمد هو متابع شغلك عن قرب وكان نفسه تقبل عقد الانضمام لينا في عائلة المستشفى البريطانية
احمد : ميعرفوش يعملوا حاجه من غير مصلحه اوعي تترجم الكلام ده قوله محدش عارف الخير فين ولا اقولك بلاش تترجم دي كمان قوله كل شيء قسمه ونصيب ولا اي ده صحيح هو مراتي بلاش تترجم دي كمان
ريهام: اسكت يا احمد اسكت بعد اذنك قوله الدكتور أحمد بيقولك هو فعلاً بيفكر في الموضوع ومش بيعيد في المستقبل يكون في انضمام لعائلة المستشفى البريطانية
احمد : بس أنا مش بفكر ولا عايز اروح
ريهام: ياعم اهو كلام دبلوماسي وخلاص
احمد : أن كان كده خلاص قوله
المترجم: الدكتور جيمس طالب الدكتور أحمد يكون معاه في حاله جميله
احمد : نعم
المترجم: دا شرط الدكتور جيمس بيكر الوحيد لقبول الاشتراك معاكم في حاله الطفله
