رواية كوميديا سوداء الفصل الثامن و العشرون بقلم ليل ادم
ريهام: الدكتور أحمد يروح معاه فين معلش
المترجم: دكتور مساعد في حاله الطفله
احمد: وبعد الحاله
المترجم: الأمر متروك ليك
ريهام: اعمل اي أنا الوقتي
أحمد: أنا معنديش مانع طالما هرجع تاني بعد الحاله
ريهام: من فضلك ممكن تطلب من الدكتور جيمس بيكر يديني وقت ادرس العرض غياب الدكتور أحمد مش بسيط اوي كده عندنا انت بتاخد مني أهم جراح قلب عندي
المترجم: بيقولك موفق بس التأخير مش كويس علشان الحاله
ريهام: احمد اعمل اي
احمد: وافقي يا استاذه ريهام وأنا عندي حل يرضي جميع الأطراف
ريهام: بجد
احمد : اه والله
ريهام: خلاص تمام موافقه
المترجم: الدكتور جيمس بيطلب عربيه إسعاف مجهزة نتحرك بيها وبيطلب من الدكتور أحمد يستعد
ريهام: احمد انت قولت عندك خطه ما تقول اي هيا
احمد : مفيش خطه ولا حاجه أنا كل يوم بليل هكون نبطشيه هنا في المستشفى أتابع معاكم
ريهام: الدكتور علي لما يعرف ممكن يعمل مشكله معايا أنا عارفه
احمد: حاله البنت الوقتي اهم من اي حاجه يا استاذه ريهام
المترجم: العربيه هتكون هنا خلال نص ساعة
الدكتور احمد: تمام وانا جاهز
بعد تحرك الحاله على المستشفى البريطانية ومع الحاله الدكتور خالد و احمد خرجت ريهام تتكلم مع الدكتور علي
الدكتور علي: هو أنا مش هقدر اتكلم اهم حاجه مصلحه البنت بس أنا راضي زمتك هل ينفع المساعد بتاعي يطلع من المستشفى من غير علمي
ريهام: لا مينفعش أنا حقيقي تخطيت حدودي وانت عندك حق
الدكتور علي: خلاص يا ريهام مفيش حاجه كده كده احمد نفسه راح من غير ما ياخد أذن مني
ريهام: والله غصب عنه الدكتور جيمس ضغط علينا جدا
الدكتور علي: تمام ماشي ربنا يقومها بألف سلامة بعد اذنك عندي شغل مهم
ريهام: اتفضل
في جانب آخر
احمد : ( دخلت المستشفى مصدقتش نفسي الفرق بين السماء والأرض هو الفرق بين المستشفى دي واللي أنا جاي منها مش معقول إمكانيات كبيرة جدا تطور الأجهزة حاجه أول مره اشوف الاجهزه دي منبهر بكل حاجه هنا الواحد هنا يقدر فعلاً يقدم اجمل واحلى ما عنده مفيش حاجه متثابه للصدفه في تخطيت بكل ما تحمله الكلمه من معنا غير النظام كل واحد عارف دوره كل واحد قاعد مستني بدون دوشه كل حاله معاها شخص واحد ومعظم الحالات جايه لوحدها أنا كنت مش لاقي مكان اقعد اكشف في ع الناس وكل حاله جايه معاها سبعين نفر ولا كأنها حنه مش مستشفى التمريض حاجه مفرحه مش مس غاده اللي كانت كل همها تضحك عليا وعلي فكرة كل اللي في المكان مصرين مش أجانب بس اختلاف الطبقات الاجتماعية ليه عامل كبير )
المترجم: دكتور احمد
احمد : نعم
المترجم: الدكتور محمد هيكون معاك كا دكتور و ندا هتكون معاك كا دكتوره مساعده هو ده الطاقم بتاعك
الدكتور محمد : تشرفت بيك تعالي أنا بسمع عنك ع طول
احمد : تسلم يا دكتور محمد
محمد : لا بقا من غير ألقاب احن من سن بعض تقريباً
ندا : اي ياعم مفيش سيره غيرك في الميديا كلها الدكتور أحمد عمل الدكتور أحمد سوا سيب حاجه لغيرك ياعم
احمد: لا منا لازم اقفل اللعبه بقا (وبيضحك)
الممرضه : دكتور احمد من فضلك ممكن تيجي معايا
الدكتور احمد: خير في اي
ندا : اكيد هتستلم اليونيفورم
الممرضه: بالظبط
احمد : تمام بعد اذنكم
(وفعلاً راح احمد مع الممرضه يستلم اليونيفورم)
احمد : ( ولا كأني اول مره البس بالتو من الأساس وعليه الاسم كده وحاجه تفرح دا انا كنت مش عايش وربنا)
الممرضه: دكتور جيمس بيكر عايز حضرتك في اجتماع حالا
احمد : الناس دي مبضيعش وقت ولا اي
الممرضه: دكتور جيمس بيعتمد معانا كلنا النظام الأمريكي الصارم في الشغل علشان ناخد علي مواعيد كل حاجه هنا مظبوطه ب الشعره
احمد : حلو اوي شكلي كده مش هنفع معاكم
الممرضه: معلش مخدتش باللي قول تاني كده
احمد : لا مفيش بعد اذنك اروح الاجتماع
الممرضه : اتفضل
بعد وصول احمد الي الاجتماع
احمد : مساء الخير
الدكتور جيمس كلم المترجم
المترجم: اتفضل يا دكتور احمد بس خلي بالك من وقتك عندك تأخير سبع دقائق
احمد : تمام ماشي اسف على التأخير
المترجم: الدكتور عايز يسمع اقتراحات منكم بعد ما كل واحد منكم عرف الشرح التفصيلي ل حاله الطفله
الدكتور محمد: أنا شايف لو عملنا عزل بين الاوذي الأيسر و حلينا مشكله ترقيع الاوذي بعد ما البنت توصل ل سن ١٤ سنه ممكن نقدر نعمل عمليه ترقيع الاثقاب
احمد : حل حلو بس مش هينفع
الدكتور محمد: ليه
احمد : أولا حاله الأوذي الأيسر أضعف بكتير من عمليه العزل
ندا : طب ممكن
احمد : بعد اذنك يا ندا لحظه واحده
ندا : اتفضل
احمد : موضوع انك تنظر لحد ما البنت توصل ١٤ سنه دا خطر وغلط مينفعش تعمل كده مع أي حاله
الدكتور محمد: ليه غلط
احمد : علشان انت كده بتحط القلب تحت ضغط اكبر من دوره في الجسم لمده ١٤ سنه يعني حتا لو عملت العمليه لو البنت دي مكتوب ليها تعيش ٨٠ سنه هتاخد منهم ٤٠ سنه بتجري في المستشفيات لانك ضعفت القلب جدا وانت متخيل أن ده هو الصح
الدكتور جيمس: (عينه على احمد ومستمتع بي جدا )
ندا: ممكن نربط الأوذي الأيسر بي الاؤذي الأيمن بالمكاوه وكده هنضمن معالجه الضرر في الاؤذي الأيسر عن طريق الدم
احمد : فكره حلوه وممكن نعمل بيها بس في حاله أن الاؤذي الأيسر و الأيمن نفس الكفاءة إنما لما يكون عندي واحد شغال بنسبه ٩٠ في المئه و التاني شغال بنسبه ٢٠ في المئه أنا كده حكمت على الاؤذي صاحب الكفاءة العاليه أنه يضعف ويحصل في سدد علشان كده مش هينفع
المترجم: دكتور جيمس بيقولك فكره ندا أن الربط هيكون لمده من سنه ونص الي سنتين يعني اكيد مش دي المده اللي ممكن تأثر على الاؤذي
احمد : الكلام ده لو كانت جميله كبيره شويه عدد ضربات القلب في الدقيقة عند الإنسان البالغ ١٠٠ ضربه إنما في سن جميله عدد الضربات ١٨٠ ضربه سرعه الديسي بي في جسم الشخص البالغ تتخطى ٧ فصله واحد بوينت ديسي عند طفله في عمر جميله ١٣ فصله ٧ بوينت ديسي في الدقيقه استيعاب الأوذي لسرعه مرور الدم ٤ لتر في الساعه في عمر جميله ٣ لتر في الساعه وانت جاي بعد كل ده تقولي أن المده أقل من أنها تدمر الأوذي أنا على الحسبه اللي بقولك عليها اقدر اقولك أن بعد ربط الأوذي مع الأوذي الآخر جميله قصادها بالظبط ست شهور و اربع ايام
الدكتور جيمس: ( قام وقف وسقف ل احمد )
احمد : في اي هو أنا قولت حاجه غلط ولا اي
المترجم: دكتور جيمس بيقولك أنه منبهر بيك جدا وكان متأكد من قبل ما تيجي انك من افضل الدكاترة اللي مرت عليه طول حياته
احمد : قوله ربنا يخليك
المترجم: ياعم اي اللي بتقوله ده بس
احمد : منا مش بعرف ارد على الكلام الحلو ده
المترجم: دكتور جيمس طالب منكم اعاده التفكير في الموضوع لابد من حل
في جانب آخر
الزوجه: وبعدين يا خالد هو محدش منهم طلع لحد الوقتي ليه
الدكتور خالد: كونسلطو يا كريمه دا بياخد وقت لحد ما يتفقوا على حل
كريمه : يارب استر
الدكتور خالد: ( يارب انا عملت كل حاجه وحشه في الدنيا ضليت ناس كتير اوي كنت بضغط ناس لا تملك حق الدواء وحق العلاج كنت بخلي ناس تضطر أنها تبيع عفش بيتهم علشان اولادهم كنت ناسي اني عندي بنت كنت ناسي انك فوق كل شيء كنت غافل عن مهنتي كا طبيب تحولت من طبيب مساعد البشر الي مصاص دماء يارب أنا توبت ولو فقدت بنتي أنا توبت يارب نجي بنتي منها وانا اوعدك يارب اكون دكتور بجد اكون دكتور محترم اقف مع الغلبان وهرجع لكل الناس اللي ضحكت عليهم فلوسهم يارب ساعدني مليش غيرها يارب فهمت الدرس يا عدل فهمت الدرس ياحق يا تواب يارب بنتي يارب ) وفضل مستمر في الدعاء بألحاح رهيب وبكاء حتا النحيب
في جانب آخر
المترجم: الدكتور طالب منكم ترجعوا على مكاتبكم وفي اجتماع تاني اخر اليوم لعرض الاقتراحات المتاحه في الحاله
(قام الجميع للخروج وعند الباب وقف احمد ينظر إلي سله المهملات التي كان بها ثقوب كثيره وأخذ يقلب رأسه في الشمال واليمين والجميع من خلفه منتظر خروجه حتا يخرج الجميع الكل مبتسم لا يعلمون ما بداخل احمد هم ينظرون إلي استغراب أحمد من سله المهملات وفجأة احمد لف وشه ل الدكتور جيمس)
احمد : أنا لقيت حل ونقدر ندخل العمليه من بكره لو حابب
