رواية فصلية الضابط الفصل الثامن والعشرون 28 بقلم زينب نور

.......... حسام :- هشش اروح فدوه لدموعج لا تبجين تقهريني بيهن لا تخليني اشوفهن

خليت راسي على راسه وبأصابعه يمسح دموعي ويبوسهن 

ما اكدر اوصف هالشعور ما كاعده استوعب هاي اخر مره اشوفه وجع ماينوصف عيوني ميقبلن يسكتن كوه كدرت احجي من الشهكه البصدري 

ندى:- شلونك يابعد عيوني ونضرهن 

حساااام ااخ ياحسام شسويت بينه وينها امي خلي تجي وتشوف عزيزها شصاير بي 

اباوع لعيونه شكد ذبلانات ولتعب مبين بيهن واول مره اشوف ادموع حسام يبجي 

حسام :- ندى صدك رند انتحرت صدك ماتت لو يجذبون علي يردون بس يغثوني 

نزلت راسي احتاريت شأكوله شلون اكوله حبيبة گلبك ماتت

ندى:- لا حسام صدك رند ماتت الله يرحمها 

اشوف حسام ابتسم ابتسامة قهر وكال 

حسام:- يله اكيد هسه منتظرتني مابقى شي واروح الها ما انجمعنه بالدنيه بالاخره ان شاءلله ننجمع 

زدت بالبجي من كال هيج 

كالي:- لا تبجين نداوي كلنه انموت مو اليوم باجر البشر نهايته الموت شكد يريد يعيش تالي يموت اذا اعدام او غيره الموت واحد 

لزمت اصابعه بقوه نزلت راسي ابوس بيهن 

كالي.:- ندى لا تبقين يم هذا الحقير رجلج هو سبب كلشي صار بينه اشو اني وراح انعدم بعد انتي ليش باقيه يمه ارجعين لهلي لاتبقين 

باوعتله بتساؤل وامسح بعيوني اريدالروئيه توضح زين

ندى:- سولفلي اني اجيت اسئلك صدك يعرفك من قبل وارث اكو بينكم شي كولي 

هز راسه وكال 

حسام:- اي اعرفه قبل لا اعرف رند 

من جنت اداوم أول مرحله بالجامعه فديوم سويت حادث بسيط بس هو الجان الغلطان ضرب سيارتنه اني وغسان ابن خالتي بوقتها اني جنت عصبي ومن شي ثاني وهذا زودها عليه وما اعرفه اصلاً

 اتصايحنه و تضاربنه واحد هدد الثاني بس اني جنت بحالة عصبيه وهددت بس ما نفذت شي من تهديدي وبعدين يله عرفت هو بالسلك العسكري وضابط

ورا سنه صرت مرحله الثانيه جامعه اتعرفت على رند وصار بيناتنه اعجاب وتطور صار الاعجاب حب وضلينه نتواصل 

 بس ما ادري هذا الضابط يصير عمها لما بالصدفه شفته اجاها ويا ابوها للجامعه علمود فدشغله ومن شفته اتفاجئت بي وهو شافني وعرفني وهم شكله اتفاجئ 

فـ ردت اغثه بفدشي ابتسمتله ابتسامه استفزازيه وسمعته شكم احجايه.

وطبعاً جان غباء من عندي 

وهو تخبل بوقتها وسىل عليه وعرف من الجامعه اكو علاقه بيني وبين رند بنت اخو 

                                            

              

                    

فـ بده كام يهدد بيه بس اني ما اهتميت التهديداته وبقيت مصر ما تركتها شفتها هي هم تحبني واصلاً متعرف اني اعرف عمها بس والله حبيتها من جوا گلبي ابد مافكرت بيها غير شي جنت اتمناها تصير حلالي وبس 

بعدين كمت اشوف ضرغام يجيها للجامعه ويتحارش بيها وهي تسولفلي وتشكيلي من عنده ما تحملت رحت وضربته وصارت بوقتها مشكله جبيره واجه وارث واخذاني لسجن بس طلعت بكفالة زوج خالتي 

ندى:- وليش ماجنت تحجي لهلي ليش ميدرون بهيج شي كل هذا وما جنت اتسولف النه

حسام:- لان بعيد وما اريد اغث اهلي بهيج سوالف بس وسام يعرف بكلشي جنت اسولفله وهو اجاني البغداد جاب زوج خالتي وطلعني بكفاله 

كمل كلامه وهو يباوع الوارث بغضب 

باوعت الوارث شفته مرتجي على الحايط يباوعلنه ويحش بهل جگاير مبين علي الانزعاج

رجعت باوعت الحسام من كال 

:- الله ينتقم منك 

يباوعله ويهز براسه بنضرة غضب 

حسام:- هو الجان يدفع بضرغام عليه وراح خطبله رند بضدي لان عرف بيه احبها وراد يغثني وجان يهدد رند اذا ما تبتعد مني يزوجه اجباري بضرغام 

لما اخير مره كالتلي رند مهددها تقبل بضرغام لو يقتلني 

ورايح هو واضرغام وخاطبينها وهي ماقابله بي ومسولفين الابوها واخوها عني واخوها ضاربها وحابسها 

خابرتني من موبايل اختها وكالتلي بصار وكلت داز ضرغام وابن اخو لثاني اسمه أمير اليه يردون يضربوني سولفت الابوي وردنا انروح البغداد نخطبها من اهلها بس هو سبقني واجاني الكربلاء ضرب سيارتنه اني وسام جنه سوه نزلت علي ونطيته المقسوم وثاني يوم رايح مكسر المحل مالت ابويه

ما اتحملت اعصابي انهارت ما اعرف شلون شلت السلاح وضربته طلقتين وفطس جوا ايدي:

جنت اسمع ودموعي تنزل بحراره تجوي خدي ما اصدك وارث هلكد حقير وكل هذا بسببه كرهته حقدت علي بگد الدنيه 

التفتت اباوع علي بكره لو بيدي اكوم املخه 

اجو الحرس كالو خلصت الزياره وكومو واني تخبلت مجلبه باصابعه بثنين اديه ما اريد اعوفه وهم. يجرون بي وهو يباوعلي بنضره وداع ودموعه على خده بحياتي ما انساها هاي النضره اجاني وارث لزمني من ضهري يسحب بيه ويحجي وياي 

ما اسمعه مركزه بحسام من اخذو شفته التفت عليه وصاح عليه

:- نداوي بوسيلي امي 

ما تحملت كعدت بالكاع الطم ولكل يباوع عليه و وارث يسحب بيه ويحجي عليه يريد يكومني حتى نمشي طلعت ويا بس كوه امشي حيل مابقى عندي رجليه كوه شايلاتني الوجع البداخلي ماينوصف اريد اصرخ بكل صوتي اطلع القهر البداخلي كله  

صعدت ويا بالسياره بده يسوق مركز بالطريق واني ملتفته اباوع على باب السجن واصرخ بصوت مبحوح لمن انكطع الشوف كام ميبين التفتت علي كوتله 

:- الله ينتقم من عندك لك انتتتتت شنووو من بشرررر ليييش هيج كل الصاررر انت سببه 

            

              

                    

التفت يباوعلي بخزره صاح بيه 

وارث :- هششش ما اسمع صوتج كافي 

اباوعله بس الشرار يطلع من عيوني وكل جسمي يرجف ما اسيطر علي 

:- كافي مووو كااافي لان بسببك مات ضرغام وبسببك ماتت رند وبسببك حسام راح ينعدم كااافي موووو واني راح الحكهم خطيتهم وخطيتي برگبتك اليوم الدين الله ينتقم من عندك لك انت... 

رفع ايده من قوة الضربه ما حسيت بوجع بس الدم نزل حار من خشمي على حلكي 

ما كدرت اسكت كمت اصرخ بكل صوتي ومخليه اديه على راسي ومنزلته اشوف الدم ينگط يم رجليه شويه وحسيته نزل وسد الباب رفعت راسي شفته مبتعد واكف بعيد يمسح بوجه واني بسياره مخليها على الجسر ماكو احد بس السيارات تمشي سريع اخذت راحتي بالعياط لما حسيت بلاعيمي تجرحت وصوتتي مبحوح اتنفس سريع 

اجه صعد واخذ اكلينكس يريد يمسح الدم البوجهي ضربت ايده ودفعتها لزمني قوي ومسح خشمي وحلكي جنت كدما كارهته مغمضه عيوني ما اريد اشوفه 

وصلني لشقه دخلني بيها وقفلها وراح 

بعباتي كعدت بالكاع ما تروح من بالي نضرة حسام الي كمت الطم على وجهي بقوه لما شفت خشمي رجع ينزف بقيت بمكاني لحد ما توقف الدم اباوع للكاع ولملابسي واديه مليانات دم لعبت نفسي من زفرة الدم تقيئت رحت للحمام بملابسي وكفت جوا الماي اضرب بالحايط الكدامي اتخيله هذا وارث كدامي يدي وجعتني من الضرب سمعت الباب يندك بقوه واسمعه يصيح 

:- ندى لج ندى انتي زينه شنو هذا الدم البلكاع فس افتحي خلي اشوفج

اسمعه بس ما اجاوبه 

كام يدفر بالباب يريد يكسره

فتحته وهو دخل يتفحصني وبعيونه الخوف لزم وجهي دفعته وطلعت كلي ماي رحت للغرفه دخلت وسديت الباب بوجه وقفلته اشوف خياله من جوا الباب باقي واكف ورا الباب ما راح غيرت ملابسي وتعمدت ما اخذت علاجي والف فكره براسي شلون اكدر اطلع واشرد من عنده ما ابقه بعد. ويا شيريد يسوي يموتني مثلاً اني اول وتالي ميته 

اباوع بعده واكف نمت وتغطيت زين جسمي يرجف ما اعرف برد ما اعرف من القهر اسمع صوت اسناني سن يطك بسن لفيت نفسي زين وبسرعه غفيت 

كعدت مفزوعه على صوت الباب يندك بقوه عبالك راح يتفلش اباوع ما مستوعبه اني وين جنت بحلم كلش مرعب كمزت من الجربايه وكعت على وجهي ورجعت كمت افتح بالباب من الهبطه ايدي ما تثبت على المفتاح فتحته كوه وهو دخل يرعد فوك راسي يحجي ويغلط بحركة اعصاب 

عفته يحجي ورجعت للسرير ركبت رجلي توجعني وكعت عليها اتفحص بيها اتقرب عليه راد يشوف شبيه ابتعدت عنه وما اباوع الوجه اسمعه يذب حسرات ويستغفر مزعوج من الوضع ما عاجبه

كالي:- كومي أكلي حته تشربين علاجج

ما رديت علي اباوع بالفراغ 

رجع كالي مره ثانيه 

سويت نفسي ما مهتمه الكلامه 

سحبني من ايدي بقوه حاولت افلت ايدي بس هو اقوه

اخذاني للمطبخ غسل وجهي وكعدني على الطبله وكعد اكبالي يفتح بالعلاليك نشفت وجهي بطرف اردان قميصي باوعتله جايب اكل لفات وبيبسي ولبن الي انتبهت الساعته بايده شفت الوقت انصدمت الساعه-5- العصر  

اباوعله يعدل بالفه انطانياها ما اخذتها بدون ميحجي وياي سحب ايدي وخله الفه بيها واشرلي أكل عاندت ما أكلت اشوفه يهز براسه بنفاذ صبر وعاض شفته ليجوا بقهر 

رفع راسه باوعلي بعصبيه وعيون تجدح نار ويأشر باصبعه بتهديد كالي 

:- وحق من انزل القران يا ندى اذا ما اكلتيها هسه كدام عيني اكوم ارتكب بيج جريمه تعرفيني مخبل واسويها 

ضرب الطبله بقوه من الخوف شلت الفه واكلت منها وكل اشويه يقدملي البن حته اشرب منه خاف اغص واشوفه يباوع عليه صافن بوجهي شلون أكل 

اني أكل واباوع علي اكول بكلبي شلون اتخلص منه ما اتحمل ابقه وياه كارهته حد الموت من بعد العرفته من حسام ما اطيق الكعده ويا وبنفس المكان 

كام طلع واني رجعت الفه المكانها احس نفسي شبعت ما اريد 

دخل بيده علاجي وبطل ماي انطاني حبابه وفتح بطل الماي قدمه الي اخذته من ايده شربت العلاج 

وارث:- اني طالع وجوز اتأخر يله ارجع 

ما رديت علي شفته اخذ سترته وسلاحه وطلع ما سمعت صوت قفل الباب كلت بالكي نساه هلمره حته اكدر اشرد لهلي انتظرته يبتعد رحت اباوع من الشباك اشوفه طلع بسيارته وراح رجعت ركض للباب وكلي أمل انو الكا مفتوح واكدر اطلع اشرد من عنده 

فتحته انفتح بايدي فرحت الحمدالله همزين نساه سديته ورجعت بسرعه غيرت ملابسي واخذت علاجي ورحت ادور بملابسه بالكي الكا افلوس بيهن 

لكيت 100 الف بجيب سترته اخذتها خليتهن ويا العلاج لبست ترواكه احس نفسي مثلجه لبست عباتي بس الخوف يقرا الف عندي ما اركز زين مرتين عثرت واكوم الدنيه صارت ليل فتحت الباب وطلعت.......

شكرا لزيارتكم عالم روايات سكيرهوم