.jpg)
رواية معشوقتي المجنونة الفصل الثامن والعشرون والاخير بقلم ابتسام محمود الصيري
عند مهيمن كان بيدرب نضال لوحده
مهيمن كان بيطلع عصبيته في الشغل و كان بيمرن نضال كتير
نضال بتعب : كابتن هو كله تمارين تمارين ما فيش راحه خالص
مهيمن يبص في الساعه لقى نفسه دربه وقت كبير
مهيمن : معلش ما اخدتش بالى من الوقت تقدر تروح ترتاح
و هو كمل تمارين
نضال : هو حضرتك لسه هتكمل
مهيمن : ماتشغلش بالك بيا انا كده ببقى كويس و مرتاح
نضال : انت شكلك بتحبها يا كابتن
مهيمن بطل تمرين و بصله : بحب مين!!
نضال : بص يا باشا في حاجتين في الدنيا بيدخلو حياة الواحد من غير سابق ميعاد
القدر و الحب ده غير طبعا الضيف الرخم اللى بيجيلك ع فجأه
مهيمن ابتسم : انت عايز توصل ل ايه
نضال : و الله يا كابتن انا حاسس ان خساره الحب يروح ع الفاضى
مهيمن : بس انا مش بحب حد و اتفضل حضرتك ارتاح يا اما اتمرن
نضال : لا انا شايف اروح ارتاح آل اتمرن كنت مجنون ولا هحارب العالم لوحدى
مهيمن : طب امشى احسن اروقك
نضال جرى بسرعه و دخل الاوضه
مهيمن فضل يتدرب
*******
يوم جديد في مركز القوات الخاصه
مدير مركز القوات الخاصه
اللواء شوقي : ازاي بنت عندها لياقه بدنيه عاليه كده و تقدر تهزم اكبر خليه ارهابيه احنا من زمان مش عارفين نوصلهم ، اكيد البنت دي خطيبها كان بيدربها اصل دي مش لياقه بنت عاديه
اللوا يحيي : فعلا مهيمن كان بيدربها
اللوا شوقي : احنا لازم نستدعيها تشتغل معانا هتساعدنا كتير دي متقلش عن اي ظابط خريج شغال هنا و كمان احسن
يحيي : هي بنت كمان ذكيه جدا ده اللى بينفعها
شوقي : انت تعرفها ؟
يحيي : اه
شوقي : انت ازاي ما جاش في بالك تضمها ل فريقك
يحيي : هي فعلا كانت معانا بس كانت داخله غلط
شوقي باستغراب : غلط ازاي؟
اللوا يحيي قالو ع كل حاجه
شوقي بحده : استدعيلى البنت دي فورا ازاي بنت بالقوه دي و تساعد في تفجير اسرائيل و تعمل قنبله يدويه و تساعد في اكتر من عمليه و تنجح و تسيبها تمشي لازم البنت دي تشتغل معانا
يحيي : لو رفضت؟
شوقى : لازم توافق لازم و ياريت تقولها لو مشتغلتش معانا هنفتح في القديم
يحيي بخضه عشان طبعا بيحبها و بيحب مهيمن و مش عايز ليها اي ضرر : انت هتعمل كده فعلا؟
شوقي : اكيد لا بس عايز اشوف رد فعلها ايه
يحيي : تمام و قام بعد اذنك
شوقي : اتفضل
*******
عند نايا
مركزه اووى في الشغل و ذكرايتها الفون رن
زياد : نايا الفون بيرن
نايا تركز و تبصله و تبتسم بحزن و تمسك الفون و تكلم نفسها : اللوا يحيي ده عايز منى ايه( و ترد) الو
الوا يحيي : ازيك يا بطل
نايا بحزن : الحمدلله
اللوا : حمدلله ع سلامتك
نايا : الله يسلمك ميرسي ع السؤال
اللوا : انتى بنتى يا نايا انتى نسيتى كنت قد ايه بحبك
نايا : تقصد بتحب نضال
اللوا : نضال و نايا ايه ما هما واحد
نايا : مش اووى
اللوا : طيب انا عايزك النهارده في مكتبى عشان تعرفي ان نايا عندى بقدرها اكتر من نضال
نايا : ميرسي ليك و اكيد حضرتك تعرف انى بعزك زي والدى تمام و ان شاء الله هكون عند حضرتك الساعه اتنين و نص
اللوا : تمام هستناكى يا بنتى
********
عند نايا
نايا حاولت تبين انها مش زعلانة عشان مامتها
نايا دخلت البيت و بهزار : ماميتو عامله ايه
هاله : الحمدلله يا قلب ماميتو
نايا بتهرب منها : حد يشاورلى بسرعه ع مكان السرير هموووت و انااام
هاله و قلبها واجعها و حاسه بقلب بنتها و بتقول دي اكيد نايا بتقول كده عشان تهرب و ماتقعدش معانا ولا تاكل : طيب كلى الاول
نايا بهزار : عارفه لو وقفت دقيقه تانى هنا هنام زي الحصان
هاله بصحك : لا و ع ايه ادخلى سريرك
كرم طلع من اوضته : نايا عايز اكلمك شويه
نايا بتهرب : يرضيكى عمايل ابنك بقول همووت و انام و هنام زي الحصان يقولى عايز اكلمك لا و مش هينجز ده عايز شويه بحالهم
هاله بضحك و بصت ل كرم : سيب اختك تنام يا كرم ادخلى يا قلبي ربنا يسعدك و يفرحك دايما
نايا : ايوه بقى هو ده الكلام اللى يخلى الواحد ينام مرتاح تصبحو ع خيرااات الله يا بشر و دخلت اوضتها و قفلت ع نفسها و وقفت ورا الباب فضلت تعيط
طيب ازاي ازاي ايه الغباء بتاعى ده و تقعد ع الارض و تفتكر المقابله اللى كانت بينها و بين اللوا و شافت مهيمن في المركز
فلاش باك
نايا تدخل مركز القوات الخاصه بكل ثقه و هيبه قابلت مهيمن مابصتش عليه و كملت مشي
مهيمن وقف تنح و كلم نفسه : نايا و بص وراه لقاها دخله مكتب اللوا يحيي قبل ما تفتح الباب مسك ايدها
مهيمن بقلق : انتى بتعملى ايه هنا
نايا بتحاول تتكلم بالامبالاه و ببرود : و انت مال ... (و تسكت و تقول ببرود اكتر ) حضرتك
مهيمن اتصدم من طريقة كلامها : انتى ايه اللى بتقوليه ده
نايا ببرود : نعم فيه حاجه يا كابتن
مهيمن : نايا اتكلمى عدل
نايا بضحكة مستفزه : هو انت اللى هتعلمنى اتكلم ازاي
مهيمن يحاول يسيطر ع عصبيته : نايا الزمي حدودك
نايا رجعت خطوه و تقول بمياصه : حلو كده يا كابتن (و تقلب طريقة كلامها بحده ) اياك انت بقى تعدي حدودك معايا
مهيمن بنرفزه : انتى مجنونه فعلا
نايا هزت راسها بالموافقه و بصوت عالى : فعلا انا مجنونه و ابعد من وشى بقى ل اوريك الجنان ع حق
اللوا طلع ع صوتهم : فيه ايه مال صوتكم عالى
مهيمن : دي جيه تنيل ايه هنا
نايا بحده و ترفع صبعها السبابه في وشه : قولتلك اياك تتعدى حدودك معايا
اللوا : بااااس ادخلى جوه و انت يا مهيمن ع مكتبك اتفضل
مهيمن يبصلها بصة توعد
و نايا تبص بصة انتصار و تضحك و دخلت و تقفل الباب في وشه بطرف ايدها
مهيمن بغيظ : اه يا بنت المجانين ده انتى ملحوسه خالص
.... بااااك
نايا قامت من ع السرير حضنت مخدتها و فضلت تعيط : انا من هنا و رايح لازم اكون قويه و هتحداك يا مهيمن مش انت اخترت تبعد عنى انا هندمك كل ثانيه قسيت عليا فيها عشان تعرف انت بتتحدا مين بعد كده
و تفتكر الكلام بتاع اللوا هو ده اللى هينفع معاك ورينى بقى هتعمل ايه لازم اعرفك وجود البنت في حياتك مش هيعمل مشاكل ليك ولا ليها البنت قويه و تقدر تدافع عن نفسها كويس اووى
فلاش باك...
اللوا بجديه : انتى و مهيمن مش بتكلمو بعض
نايا ببرود : امال اللى كنت بكلمه ده مين مش الكابتن برضه
اللوا : اه هو بس بتكلميه بطريقه ...
نايا قاطعته : سيادة اللوا حضرتك جايبنى هنا عشان تكلمنى عن الكابتن و ازاي بكلمه
اللوا : اكيد لا
نايا بجديه : تمام خلينا في موضوعنا
اللوا : نايا اتغيرتى خالص و بقيتى من قطه ل ..
نايا تقاطعه : ماتقلقش قطه برضه بس بقيت بعرف اخربش كويس اووى
اللوا كان زعلان من طريقة كلامها ع مهيمن و كان نفسه يرجعهم ل بعض : يا بنتى مهيمن مايستهلش منك كل ..
نايا وقفت و قاطعته : سيادة اللوا يحيى بعتذر ل حضرتك انا لازم امشي بعد اذنك
اللوا : نايا بطلى شغل عيال انا عايزك فعلا في موضوع مهم اتفضلى اقعدى
نايا قعدت : اتفضل
اللوا : انا عايزك معايا هنا
نايا فهمت بس بتحاول تكدب نفسها : هنا اللى هو ازاي
اللوا : انا عارفك ذكيه و فاهمه
نايا : بس ازاي؟
اللوا : هتدخلى المركز ع اساس نايا متقلقيش
نايا : بس
اللوا يقاطعها : نايا انتى تعرفى حاجات كتير عن المركز لو موافقتيش هفتح في القديم و هتتحاكمي
نايا قامت بسرعه و بضحك : حضرتك بتهدد نايا محمد الدمراني يبقى حضرتك لسه متعرفنيش انا في العند ماتوصفش
اللوا بهدوء : اقعدى يا نايا
نايا بحده : سورى انا مابتهددش اعمل اللى حضرتك عايزه و راحت ناحية الباب
و لسه بتفتح الباب دخل اللوا شوقي و فضل يصقف ليها : هو ده اللى كنت عايز اسمعه منك
نايا اتوترت : حضرتك
شوقي : ماتقلقيش انا عرفت كل حاجه بس كنت مستنى فعلا الاجابه دي مكدبتيش لما قولتي انا قطه و بعرف اخربش انا بقى عايز القطه البريئه اللى تخربش في الوقت المناسب ، اللى قلبها ميت و ماخفتش و اتحدت اللوا يحيي نفسه اكيد مش هتخاف من شوية مجرمين
نايا : بس انا مش موافقه
شوقي : طيب لو قولتلك عشان خاطر بلدك البلد هتستفاد منك كتير
نايا بتردد : افكر
شوقي: خدي وقتك يا بنتى و اتأكدى طول ما انتى هنا محدش هيقدر يقربلك هيكون عليكى حراسه كبيره من بعيد
نايا : تمام هفكر و ارد ع حضرتك بعد اذن سيادتكم
الاتنين : اتفضلى
باك ...
انا بقى هوافق و انا يا انت يا مهيمن
اتصلت ع اللوا : انا موافقه بس هنزل الشغل بعد فرح فادى
اللوا : و انا موافق مبروك مقدما
نايا : عندى شرط
اللوا : اتفضلى
نايا : اكون مع مهيمن في اي عمليه هيطلعها و مايعرفش حاجه غير اول يوم ليا هناك
اللوا : بس مهيمن مش بيطلع مع اي بنت في عمليه
نايا : هو ده شرطى
اللوا : تمام يا نايا يا شقيه لم اشوف اخرتها معاكى ايه
نايا بفرحه : كده بقى تمااامووز (اللوا قفل و قال ) ياعينى عليك يا مهيمن رحت بلاش
بس هي دي اللى هتحل مشكلتك مع الستات
*********
عند نضال
كلم ويزو : انا ليه رجعتلى الذاكره ما انا كنت كويس و الدنيا كانت زي الفليكا
ويزو بضحك : ع قد ما فرحانه ان رجعتلك الذاكره على قد ما انا زعلانه انك مش معايا
نضال : ما فيش اسكوتر هنا معدى يخبطنى و يخليني افقد الذاكره
ويزو : بعد الشر عليك اجازتك امتى
نضال : طول ما الراجل اللى بره ده بيدربنى ما فيش اجازه و شكل موتى ع ايده ، ده بيهلك نفسه بطريقه غير طبيعيه و بيهلكنى معاه
ويزو : لا بعد الشر عليك ،اعتبرنى اتخطفت و تعالى انقذنى
نضال بضحك : مين ده اللى يتخطف
ويزو : انا
نضال بضحك : يا حبيبتى انتى محتاجه ونش يخطفك ف استحاله حد يقدر يخطفك عشان هيتكشفو في اقل من ثانيه و غير كده انا اخاف ع اللى خاطفينك
ويزو بصحك : شفت مش نايا الوحيده اللى يتخاف منها
نضال بهزار : ده انا بحمد ربنا انى حبيتك كفايه راحة البال انى متأكد مافيش حد يقدر يقرب منك
ويزو : حبيبي انت
نضال : انتى اللى عمرى يا وحش ، رنا عامله ايه و عملتو ايه في قضية مدحت
ويزو : الحمدلله بقت احسن من ساعة ما مدحت اتقبض عليه
نضال : ده انا هوصى عليه و هخليه يتنفخ
ويزو : منحرمش منك ابدا يا حياتى انا
نضال : وسعت منك شويه بس هعديها
**********
عند رنا
اتغيرت خالص و بقت تعمل اعمال خير كتير و تساعد الغلابه و عملت عمره
*******
بعد اسبوعين و يوم الفرح
دانيه و فريده كانو في الكوافير
نايا كانت بتساعدهم و اقنعت الكل انها نسيت مهيمن
*******
عند مهيمن
مهيمن بيكلم نفسه : لا مش هروح الفرح اكيد هتكون هناك ، و انا مالى بيها
مالى بيها ازاي
طيب مش هروح
لا ما انا ممكن اروح و كفايه اشوفها من بعيد
و اشوفها ليه هي ولا تفرق معايا ايوه ولا تفرق و هروح عشان اثبت ل نفسى
*******
في الكوافير
نايا حضنتهم هما الاتنين : يالهوى طيب ازاي قمرتين يكونو في كوشه واحدة
فريده بفرحه : و الله انتى اللى قمر يا نايا عقبالك
نايا بهزار: لا ابدا ما هيحصل انا هفضل محافظه ع القمر اللى انا فيه هي ناقصه اتجوز و كل يوم ينكد عليا انا مانفعش في النكد
فريده : طيب لو امريكانى
نايا بهزار : شاوريلى عليه انتى و ملكيش دعوه
فريده : اشمعنا بقى
نايا : لا يا ماما دي بالزاد مافيش اشمعنا كفايه عيالى هيكونو موزز و هو ذات نفسه هيكون راجل ضحوك و لذيذ و اهم شىء لا يعشق النكد مثل الرجال المصريين
فريده بضحك : احمدك يا رب انى وقعت ع امريكانى
نايا بضحك : شكلك غلبانه في البسبور و بس اما الاصل مصري اصيل يا قلبي اوعى تبصى ع امه الامركانيه المهم ابوه المصري
دانيه بصتلها و حضنتها جامد و عيطت
نايا مسكت دموعها : و عروستنا بتعيط ليه بطلى عياط و سيبى الميك اب مدارى جعفر
دانيه : كان نفسي انا و انتى في يوم واحد زي ما كنا بنحلم
نايا بهزار : ع فكره كنا بنحلم بعريس واحد لينا احنا الاتنين عشان نفضل مع بعض ع طول
دانيه تمسح دموعها : لا مش فاكره الاتفاق ده خالص
نايا : استهبلى ياختى استهبلى
دانيه بضحك : لا اصل كله الا فادي، كنت عيله زمان ، اما دلوقتى زي الفريك ما احبش شريك في فادي
نايا بهزار : عشان كده مش هتجوز يا فادى يا بلاش
دانيه : انتى صح يبقى بلاش
فادى و شادى دخلو عليهم
نايا زغرطت
فادى راح ل دانيه بحب و اعجاب : انتى طلعتى موزه و انا مش عارف ما بقولك من زمان البسي فستان
دانيه : و ايه الحلاوه دي كلها اللى انت فيها اعمل حسابك بعد كده لما هتخرج همشيك معفن و هدوم مقطعه
فادى باستغراب : وليه ده كله عملتلك ايه انا
دانيه : عشان مافيش عين بنت يدب فيها رصاصه تيجى عليك
فادى بصوت عالى : يا خربيتك يا جواز و ياخربيت معرفتك
نايا تضحك : احسن احسن عشان تتعلمو الادب ما قولنا بلاش جواز
اما فريده و شادى
شادي بحب : لم ارو اميره حتى في احلامى بهذا الجمال
فريده : انا اللى عمرى ما شوفت قمر كده ياتى عليك
شادى اخد فريده و ركبو العربيه و فادى اخد دانيه وركبو عربيه تانيه
نايا كانت راكبه الاسكوتر هي و بنات كتير و بيعملو قدامهم عرض بالمتوسيكلات لحد ما وصلو
العرسان قعدو ع الكوشه و نايا كانت واقفة مع صاحبتها بيرقصو ع مهرجانات و عمرو كان واقف جنبهم
ال دي جي وقف مره واحد و عملو ميوزك وطنى و دخل اللوا و العميد و مهيمن و قعدو
شادى راح سلم عليهم
عمرو قرب من نايا : عينك رايحه فين
نايا تركز : ايه
عمرو بضحك : ركزى معانا يا قطه و مسك ايدها و فضلو يرقصو
نايا بأحراج : عمرو سيب ايدى
عمرو بيشاور بأيده : لاء لاء
نايا بتمثل الضحك بس كانت متعصبه جدا من حركات عمرو اللى كان قاصد يولع النار في قلب مهيمن عشان يتحرك : انت مجنون سيب أيدي
عمرو : اه مجنون و ارقصى عدل احسن اشيلك
نايا بخوف و توتر : لا انت هتتهبل
مهيمن بيكلم نفسه : هي دي اللى مكنتش عايز تيجى عشانها اهي بترقص ولا فارق معاها حاجه و كان متعصب و غيران عليها جدا
عمرو شدها من ايدها و راح عند ترابيزة اللوا و مهيمن
عمرو : اهلا بسيادة اللوا يحيى منور الفرح كله و سلم ع مهيمن منور يا كابتن
نايا بإحراج سلمت ع اللوا : ازي حضرتك
اللوا كان مستغربها بالميك اب : تمام (ركز في وشها انتى نايا صح )
نايا ب ابتسامه : اه انا ( مابصتش ل مهيمن)
عمرو حط ايده ع كتفها : ايه رأي حضرتك في خطيبتى
نايا تنحت و ابتسمت بسرعه
مهيمن قلبه وجعه و بص عليها من غير ما حد ياخد باله
اللوا بص ل مهيمن و رجع بصله : مبروك
عمروبيحاول يفوقها مهيمن من عناده : مع انى ماكنتش عايز اتجوز بس لقيت الانسانه المحترمه ، اللى هروح شغلى و مش هبقى قلقان عليها و لو حصل اي حاجه ليها هتعرف تتصرف ، هكون ماشي و متأكد سايب سبع
اللوا : فعلا دي تلميذة مهيمن لازم تبقى سبع
نايا شالت ايده : بعد اذنكم و راحت ل اصحابها بس ضحكتها اختفت و فضلت متنحه
مهيمن كان هيتجنن و ماسك اعصابه
نايا مقدرتش تسيطر ع نفسها طلعت تجري برا القاعه
مهيمن قام و ميل ع اللوا : بعد اذن سيادتك
الوا : اتفضل
طلع مهيمن برا القاعه و شاف نايا قاعده في الضلمه بتعيط
مهيمن قلبه وجعه اووى : هي فعلا اتخطبت، طيب ليه بتعيط بعد ما كانت بتضحك
نايا من كتر عصبيتها فضلت تضرب الشجره ب أيدها لحد ما اتعورت
مهيمن راحلها ومسك ايدها : ممكن اعرف كل اللى انتى فيه ده ليه يا عروسه؟
نايا تمسح دموعها ب ايدها التانيه : ممكن تسيب ايدي
مهيمن بص في عنيها جامد
نايا بصت الناحيه التانيه
مهيمن رفع ايده ع وشها رجع وشها ليه و اخدها في حضنه بامتلاك و انانيه
نايا بتحاول تزقه لكن مش قادره : ابعد عنى انت عايز منى ايه؟!
مهيمن بعدها بشويش بصلها : انتى ملكى انا و عمرك ما هتكونى ل غيرى
نايا بعصبيها : و الله انا مش ملك حد و سيبني
مهيمن بحب و تملك : نايا انا حاولت ابعد بس مش قادر و كلام عمرو جننى
نايا بغيظ : اه قول كده ، ع العموم اطمن انا عمرى ما هبقى ليك ولا حتى ل عمرو ممكن تشيل ايدك من عليا
مهيمن : انا بحبك و انتى بتحبينى
نايا بتحدى : احبك !! شكلك غلبان انا عمرى ما حبيتك ولا هحبك و زقته جامد و دخلت القاعه و فضلت ترقص
مهيمن مشى و كان ع اخره : هي مش بتحبنى طيب ازاي و كل عينها بتقول مشتقالى انا جرحتها كتير من حقها تعمل كده يعنى عمرو كان لازم يستهبل و يقول كده خلانى اشتقلها اكتر طيب هو عمرو ليه قال كده و مافيش بينهم حاجه ؟؟
مهيمن فضل في حيره
******
في الفرح
فادي اخد دانيه و روح
و شادى اخد فريده ع بيت مامتها
عمرو : تعالى اوصلك
نايا : معايا الاسكوتر بس خد هنا ، ممكن اعرف ليه عملت كده
عمرو بضحك : عشان يحصل اللى حصل
نايا بحده : تعرف احنا لو مش ماشيين في شارع و مش لابسه فستان كنت ظبطك
عمرو بضحك : احمدك يا رب ان احنا في الشارع
نايا بضيق : و الله اهبل امشى غور
و روحت بيتها و فضلت تكلم نفسها : انا ليه صديته ، هو جرحنى اووى ازاي مكنتش اصده ، ما انا اللى كنت غلطانه
غلطانه اه بس يغلط في شرفى و يجرح كرامتى و يبهدلنى
انا خلاص مش هرجعلو مش هو اللى اختار من الاول البعد لازم اعرفه مين نايا و فضلت في سراع مع نفسها لحد ما نامت
*******
الصبح في المعسكر
مهيمن : جاهز
نضال : جاهز ال يعنى لو قولت مش جاهز هترحمنى يالا يا كابتن يالا عشان نبدا الطحن من اوله
مهيمن بضحك : لا راحه النهارده
نضال بيحاول يصدق : لا احلف
مهيمن ضحك
نضال : حضرتك طيب تعبان حاسس ب اي حاجه كده ولا كده او سخن
مهيمن : لا انا كويس
نضال : امال ازاي قدرت تنطقها من الاساس
مهيمن يرفع حاجبه : لو زعلان ارجع في كلامى
نضال : ترجع مين ده انا من الفرحه هيطلعلى جناحات
مهيمن بضحك : حاسب بس ل تقع
نضال : اقع اقع مش اشكال اهم شي مافيش فحت ولا طحن
مهيمن : طيب اتفضل امشى
نضال : ده انا هنطلق
******
بعد ساعه عند نايا
في المعمل بتعمل تجربه
زياد : وااااو
نايا بفرحه : شكلها عجبك
زياد بنبهار : دي روعه
نايا ترفع شفتها من كتر الافوره : هو انت هتكلها
زياد بيبحلق : لا بس شكلها يجنن
نايا بصت عليه : ع فكره انت اوفر اووى (و لقته اصلا مش باصص عليها بصت ماكان ما بصص تنحت )
مهيمن كان ماسك بوكيه ورد كبير و قلب كبير مكتوب عليه بحبك
نايا فضلت تمسك دموعها لحد ما قرب عليها و مسك ايدها اللى كانت متلجه
مهيمن بحب : بحبك يا قلب قلب قلبي
نايا كان نفسها تترمى في حضنه بس نفسها كانت صعبانه عليها و خافت يسبها تانى في اي وقت ركزت في التحدي بتاعها
نايا حولت تمسك دموعها بس خانتها
مهيمن حط الورد ع ترابيزة و رفع ايده عشان يمسح دموعها
نايا دورت وشها بسرعه و مسكت ايده : الايد اللى فكرت ضربتنى و بكتنى عمرها ما هتمسح دموعى في يوم
مهيمن بحب : كان غصب عنى
نايا بحده : ع فكره الحركه اللى عملها عمرو امبارح هي اللى حركت غرورك و لو ماكنش عمل كده ماكنتش عبرتنى و سبت قلبى يتقطع عادى و دموعها نزلت ، الحركه دي صحت غرورك، ازاي حاجه كانت ملكيه خاصه ليك ياخدها واحد غيرك ، اما تكون صحت مشاعرك لا مستحيل، لكن من ناحيتى دمرتنى و عمرك ما كنت هتعبرنى و كنت هتسبنى مجروحه و موجوعه عادي المهم محدش يقتحم خصوصياتك ، امشى يا مهيمن مش عايزه اشوفك تانى، و مهيمن اللى بحبهه مات خلاص
مهيمن الكلام كان وجعه جدا بس هي كلامها صح لو عمرو ما كنش عمل كده ماكنش هيعبرها و يشوفها بتدمر قدامه عادى
مهيمن سابها و مشي يكلم نفسه :
ياا هي شيفانى واطى اووى كده بس انا فعلا بحبها و عمرى ما شكيت فيها ثانيه زي ما انا دمرتها و قولتلها كلام يوجع لازم اصالحها يا اموووت
******
في نفس الوقت
نايا اخدت الورد و القلب حطتهم ع مكتبها
و دخلت للمدير : بعد اذنك انا تعبانه شويه ممكن اروح
المدير : جنتل اووى الشاب اللى كان هنا
نايا بتمسك دموعها : بعد اذنك ممكن امشى
المدير : شكله بيحبك
نايا بتهرب : ممكن امشى
المدير : اتفضلى بس حاولى تفكرى كويس قبل ما تخسريه
نايا : شكرا ل حضرتك و راحت اخدت الورد و القلب و راحت بيتها
كرم يتكلم بسرعه : نايا نايا نايا
نايا بخضه : فيه ايه اهدى ع نفسك
كرم : لا زم تنزلى معايا ناو
نايا : حبيبي بتنونو ليه مالك
كرم : تعالى هروح اقابل مريم و هي عيزاكى تقولك ع مشكله ما بينا و حالفه مش هتقابلنى غير لما انتى تقولى مين غلطان
نايا : من غير ما اروح ولا اسمع اكيد انت اللى غلطان
كرم ضربها بالقفا : ده انا اخوكى يا واطيه
نايا : اخويا و عرفاك تشل
كرم بتريقه :اسمالله عليكى يا كريم مرطب و (شدها) يالا امشي قدامي
و راحو جنينه قريبه من بيتهم
كرم بص حوليه : اقعدى هنا هروح اشوفها و صلت ولا لا
نايا : يافرستى منك امشى
و قعدت ع كرسي حديد متثبت في لارض
لقت شاب ملثم و مش باين حاجه من وشه خالص ركع ع رجله و كان في ايده كلبشات و بسرعه حط فردة الكلبش التانى ف ايد الكرسى اللى قعده عليه و قفله و رمى المفتاح بعيد
نايا اتخضت و قعدت عدل : انت مين؟
: انا اللى بعشقك
نايا بحده : مهيمن ايه اللى انت بتعمله ده
مهيمن نزل اللى ع وشه : كان في بينى و بين مامتك تحدى يا انا اعقلك يا انتى تجننينى و انتى اللى كسبتى التحدي يا معشوقتي المجنونة
نايا قامت و لسه هتمشى
مهيمن مسك ايده بسرعه ب ايده التانيه : لو مشيتى و سبتينى هتفرتك ميت حته
نايا بقلق : تقصد ايه
مهيمن شاورلها ع الجنيه
بصت لقت امن كتير بيفضى المكان
نايا راحتله بسرعه : وتقولو عليا انا اللى مجنون ، هتعمل ايه في نفسك رد عليا
مهيمن شاورلها ع الشجره
بصت لقت فوق الشجرة قنبله و فاضل ٣ دقايق و تنفجر
نايا بصويت : فين المفتاح و بتجرى في الجنينه و بتبص في الارض ع المفتاح يالهوى يا لهوووى فين فين
رجعتله بسرعه: انت مجنون (و فضلت تضربه ) فين المفتاح رد عليا فين
مهيمن متنح ليها و مش بيرد
رفعت راسها بصت ع القنبله فاضل دقيقه
نايا بدموع : لا مش هسيبك تموت انطق فين المفتاح و فضلت تضربه ع كتفه اتكلم فين ( بصت لقت خمس ثوانى ) يالهووى انجز اتكلم
مهيمن بحزن : ابعدى هتنفجر
نايا دخلت في حضنه : افضل اموت وانا جوه حضنك و غمضت عنيها جامد و مهيمن ضمها اووى و صوت انفجار كبير ملا المكان
نايا تفتح عين و تبربش و تبص ليه : افتكر انك قولتلى قبل كده لو سمعت صوت الانفجار او الرصاصه اتاكد انك لسه عايش
مهيمن هز راسه ب اه
نايا تحط ايدها ع جسمه تتاكد انه كويس و تبص فوق تلاقى زينه كتيرة و قصاقيص الوان بتنزل و بالونات هيليوم بتطير في الهوا
نايا بحده :و ياترى دي لفكارك ولا افكار اخويا المجنون
مهيمن شاور ع نفسه
نايا بضيق : مبروك عليا كسبت التحدى يا مجنون ( زقته) شوف مين هيفكك و بتمشى سمعت صوت انفجار تانى اتخضت جريت عليه
مهيمن بحب : قلب قلبي اللى هيفكنى و صوت كذا انفجار ورا بعض
نايا بقلق : فين المفتاح عشان نمشى من هنا بسرعه
مهيمن طلعه من جيبه و اداهولها فتحت الكلابشات و قامت جريت جرى وراها و شالها بعشقك
نايا بنرفزه : سبنى يا رخم
مهيمن حضنها جامد
كرم و مريم راحولهم
كرم بضحك ويغمزله : يالا يا برنس كل حاجه جاهزه
نايا بصتلهم بضيق : انتو بتتفقو عليا، في ايه تانى؟ انتو عايزين منى ايه ؟ سبى بقولك
مهيمن فضل شايلها
نايا بصويت و تحرك رجلها في الهوا جامد : نزلنى
مهيمن : النهارده رجلك استحاله تلمس الارض
نايا بقلق : لا كده هقلق بتخططو ل ايه؟!
مهيمن : هشششش بطلى رغي شويه ما بتزهقيش ولا بتتعبي
نايا بنرفزه : انا مش بتعب ، اتعب انت بقى و سبني ، وفجأه لقت نفسها في مكان كله نور و كوشه و ناس كتير و مأذون قاعد
نايا بتوتر : فرح مين ده
مهيمن بأبتسامه : تفتكرى مين
نايا بقلق : اوعى يكون اللى في بالى
مهيمن راح لحد المأذون و قعدها و فضل مقعدها ع رجله مسكها ، كرم قعد معاهم
نايا بحده : بقولك سبنى ، مين قالكم انى موافقه
مهيمن ببرود : ماهو غصب عنك مش بمزاجك
نايا بتحاول تقوم مهيمن حضنها جامد اكتب يا يا عم الشيخ بسرعه
هاله و حنان كانو فرحانين و راحو وقفو جنبهم
نايا بعصبيه : انتو موافقين ع اللى بيحصل ده
كلهم هزو راسهم بالموافقه
نايا : و انت يا شيخ هتكتب ازاي و انا مش موافقه
الشيخ بهزار شاور ع رقبته : ده يدبحنى لازم اوافق
و كتب الكتاب و هاله و حنان زغرطو
مهيمن طلع ٢٥ قرش من جيبه و ده مهرك يا عروسه عشان اكون عملت شرع ربنا كامل و شالها
هاله : رايح فين؟
مهيمن : بنتك مجنونه و لازم تعقل
حنان : خليك شويه افرح بيك
مهيمن : دلوقتى انتى فرحانه صح
حنان : طبعا
مهيمن : استمرى ع الفرحه و اروح افرح انا كمان
و جري بيها
نايا بعصبيه من كل اللى حصل و انه اتجوزها غصب عنها : نزلنى يا مهيمن احسن اصوت
مهيمن : صوتى للصبح
ركبها العربيه و قفل عليها و ركب و راح الفيلا نايا نزلت تجرى في الجنينه
نايا بصويت : لو قربتلى ا ا ا
مهيمن جرى مسكها : اهأهى براحتك
نايا : سبنى سبنى ( عضته و زقته )
ساب نفسه يقع في البسين و اتخبط في راسه نام ع وش المايه و وشه كان في البسين و هي طلعت تجرى بصت وراها لقته نايم ع المايه وفارد ايده زي ما يكون فقد الوعي
نايا رجعت ليه بقلق : مهيمن انت كويس ؟مهيمن انت مالك ( نطت في المايه و راحتله)
مهيمن قام مسكها و باسها
نايا بنفس مكتوم : اممممم و بتزقه
مهيمن قربها اووى عليه : هشششش
نايا بادلتو الشعور و الاحساس و القبلات في البسين
الكلب فيتو قعد يلف حوالين البسين و الدولفينز قعدوا ينطوا في الهوا احتفالا بيهم
و سكتت شهر زاد عن الكلام الهيححححح
بعد وقت قصير نايا طلعت من البسين بضيق : اقسم بالله لدفعك تمن اللى عملته معايا حالا و طلعت تجري
مهيمن طلع يجري وراها : يا مجنونه اقفي
ركبت عربيته و مشيت بسرعه
مهيمن يقعد برتياح و فرحه : يعنى هتروحى منى فين هترجعى يا نايا
****
تانى يوم في مركز قوات الخاصه
مهيمن يدخل بكل هيبه يفتح باب مكتب الشباب يلاقي نايا
مهيمن بأبتسامه : كنت واثق انك هترجعى
نايا بضحك : انا هنا زيي زيك و قاعده ع مكتبي
مهيمن بصدمه : انتى بتقولى ايه
نايا ببرود التلج : انا بشتغل هنا
مهيمن بعصبيه : استحاله ع جثتى
نايا تضحك
مهيمن راح عندها : انتى مجنونه و انا هعقلك و راح عندها نايا طلعت تجري و فضل يجري وراها ويطلعو ع المكاتب لحد ما مسكها
