رواية كوميديا سوداء الفصل التاسع و العشرون بقلم ليل ادم
احمد : أنا لقيت حل ونقدر ندخل العمليه من بكره لو حابب
المترجم: اتفضل يا دكتور احمد
احمد : احنا هنصنع قطعه من التبلوم تكون مصممه بشكل القلب سمك القطعه دي اتنين ملي حجمها حجم القلب بالظبط و نلصقها على جدار القلب وكده نكون سددنا كل الاثقاب دون خياطه نهائي
الدكتور محمد: بس كده احنا حلينا مشكله الثقوب فاضل مشكله الأوذي الأيسر
ندا : بالظبط يا دكتور احمد هنعمل اي في الاؤذي الأيسر
احمد : أنا مشكلتي الأساسية اي يا دكتور محمد
الدكتور محمد: الاؤذي الأيسر
احمد : غلط أنا مشكلتي ان ثقوب القلب ضعفت عضله القلب أثرت على القلب بشكل عام وده إدا مؤشر خطر للاؤذي الأيسر أنه مطلوب منه يعوض نقص الدم بضخ كميات كبيرة اكبر من استطاعته علشان الجسم يحافظ على التوازن كان الاؤذي الأيسر بيعمل ده لحد ما حصل في انفجار نتيجة ضغط شديد عليه يبقا المشكله الأساسية اي
ندا : ثقوب القلب
احمد : بالظبط
المترجم: دكتور جيمس بيسأل عن الاؤذي الأيسر اي الحل في
احمد : ولا اي حل ولا محتاج حل أصلا أنا لما قفلت الاثقاب رجع القلب طبيعي معدل نظام الاؤذي الأيمن و توسيعه يقدر يضخ لحد ٥ لتر في الساعه في حالة جميله لو في العملية قدرنا نسحب الاؤذي الأيسر و
المترجم: نلفه عكس عقارب الساعة
احمد : بالظبط كده يبقا احنا دخلنا للقلب كمان اتنين لتر في الساعه يعني جميله تقدر تعيش مع الوضع ده ١٥ سنه أن شاء الله
ندا : مش معقول يعني بعد ١٥ سنه تموت
دكتور جيمس: (بيضحك وقال حاجه للمترجم)
المترجم: دكتور جيمس بيطلب منك تسمعي الدكتور أحمد للآخر
ندا : تمام بس اللي يقعد مع الدكتور أحمد غصب عنه لازم يتكلم عقليه جباره اي الإبداع ده الفكره بجد دقيقه لابعد الحدود بس موضوع أننا نضحي ب البنت بعد ١٥ سنه أزعجني
احمد : ومين قال إني بفكر كده يا ندا عبال ١٥ سنه هيكون قلب البنت اقوي من قلبي وقلبك لان احنا هنعتمد على معالجه الدم ومحاربه الجسم ل فشل الاؤذي حتا يتعافى وصلت
ندا : قصدك أن جميله بعد معالجه الاثقاب ولف الاؤذي الأيسر عكس عقارب الساعة يقدر قلبها بعد فتره من الزمن يصلح نفسه بنفسه
احمد: بالظبط
الدكتور محمد: أنا بصراحة مقتنع ومش مقتنع
احمد : أنا مقتنع أنا متأكد من اللي بقوله
المترجم: الدكتور جيمس بيطلب منكم تجهيز البنت للعمليه في اقرب وقت وتبليغ الأهل بكل شيء عن الإجراء و الدكتور أحمد مطلوب منك تشتغل على صنع قطعه التبلوم المطلوبه بدقه عاليه مهما كلفت إدارة المستشفى من مال العمليه دي هتكون اهم عمليه في تاريخ المستشفى
خرج احمد من المكتب وكان مبسوط جدا قابل الدكتور خالد اللي وقف في حاله لا يحسد عليها
الدكتور خالد: احمد وصلت ل اي
احمد : الحمد لله طرحت فكره على الدكتور جيمس بيكر وعجبته جدا وهبدا شغل عليها
الدكتور خالد: بجد يا أحمد احلف
احمد : والله بجد مش عايزك تقلق امسك نفسك أنا معاك ومش هسيب جميله دي اختي الصغيره
الدكتور خالد (ضم احمد في حضنه ) مش عارف اقول اي انت أحرجتني بأخلاقك أنا عمري ما اتمنيت لك الخير بس لما بنتي بقيت تحت ايدك تمنيت ليك كل الخير ربنا يبارك في عمرك وتفضل تساعد كل أولادنا وصدقني يا احمد بعد ما اطمن ع بنتي وعد قصاد ربنا في حاجات كتير اوي هتتغير
احمد: (من الفرحه لقيت ايدي بتتحرك لوحدها تلف حولين الدكتور خالد لأول مرة أحس بي و ازعل على زعله بس المرادي الوضع مختلف كتير المرادي كلامه من القلب الحمد لله فاق قبل ما يخسر حياته كلها وناس كتير تخسر فرصه حياه جديده بدون استبداد)
الدكتور خالد: (مسح دموعه ) قولي يا احمد الإجراء عباره عن اي
احمد : بص علشان مفيش وقت الدكتور جيمس بيكر جوه الوقتي هيطلب دخولك تفهم منه كل حاجه علشان دلوقتي أنا عندي شغل مهم جدا بعد اذنك
دخل احمد معمل التجارب وهناك كان في دكتوره قاعده لوحدها شكلها شغاله على فحص مهم أو تجربه مهمه
احمد : ( أول ما عيني جت عليها حسيت حاجه بتحصل جوه قلبي غريبه اوي ممكن علشان جميله جدا ولا علشان عينيها اللي فيها اسرار كتير اوي وبدأت اشتغل على قطعه التبلوم وأنا بخطف النظرات على الدكتوراه اللي كانت جوه المعمل وفجأة لقيتها دخلت في نوبه بكاء)
احمد : لو سمحت يا دكتوره دكتوره لو سمحت
مريم : من فضلك عايزه اكون لوحدي
احمد : مش حل على فكره بعدين تحت عينك احمر بتنامي ساعات أقل ولون بشرتك شاحب شكلك مرهقه جدا
مريم : انت الدكتور المساعد اللي بيتكلموا عنه
احمد : على حسب بيقولوا اي لو قالوا المجنون يبقا أنا ولو قالوا احسن دكتور جراحه قلب يبقا أنا برضوه (وبيضحك)
مريم : طب بص كده دي طفله عندها عمليه الوقتي حالا الكبد بيصرف سوائل في المعده نتيجه خرم في الكبد المشكلة أن تصريف الكبد كله رايح على الكلي وده سبب تضرر كبير والبنت داخله تشيل الكلي وتعيش بكليه واحده
احمد : انتي اسمك اي
مريم : مريم
احمد : تملي بنعالج المتضرر وننسا سبب الضرر يعني لما حضرتك تخدي الكلي وقف النزيف
مريم : اكيد لا بس مفيش حل جدار المعده رقيق جدا مش مستحمل خياطه والسائل اللي نازل من الكلي قصاده مش اقل من اسبوع علشان يقف هنعمل اي
احمد : أنبوب تصريف طبعاً
مريم : نعم
احمد : أنبوب تصريف يتسحب من ورا المرارة اقرب مكان للكبد بدون فتح المعده وبدون ما نشيل الكلي نعالج الكلي ونسحب السائل من المعده قبل وصوله للكلي بس كده
مريم : الف شكر بعد اذنك ( وقامت جري من المعمل )
احمد : هو أنا ضايقتها ولا اي شكلي لغبط الدنيا ياله مش مشكله نكمل شغلنا
في جانب آخر
كريمه : أنا خايفه اوي من العمليه دي يا خالد تعالي ناخد البنت ونمشي
خالد : عارفه لو كان حد تاني غير أحمد اللي اخترع إجراء العملية كنت ممكن اقلق واحتمال كبير ارفص بس أنا متأكد من أحمد اوي يا كريمه
كريمه : بس غلطت الشاطر بألف يا خالد
خالد : كريمه بالله عليكي كفايه التوتر اللي أنا في مش هاخد بنتي كده ابدا خلاص الأمر في ايد ربنا
في اليوم التالي كان كل شيء جاهز للدخول في العمليه وكانت الغرفه مصممه للرؤية من كل الاتجاهات من خارج الغرفه للمشاهده وبث مباشر بس دون علم الدكتور أحمد
بعد دخول الجميع كان احمد على باب غرفه العمليات
الدكتور خالد: احمد
احمد : نعم يا استاذ خالد
الدكتور خالد: بنتي امانه في ايدك متخرجش من غيرها أوعدني
ثما اتي صوت من بعيد انتبه احمد ليه
الدكتور علي: اي كده من غير ما تتصل بيا
احمد : ( حضن الدكتور علي) كنت زعلان ومش مرتاح اول عمليه ادخل فيها من غيرك ومن غير جميله قلقان
جميله: احنا كلنا جينا علشان نكون جمبك وجمب جميله والدكتور خالد
ريهام: ارفع راسنا جوه في خوجات كتير بعدين سمعنا انك صاحب فكره العمليه كانت فين دماغك دي عندنا هناك
ندا : دكتور احمد احنا جاهزين
الدكتور علي: أحمد فاكر لما قولتلي وعد مني النهارده اخلي كل الناس تعرف قيمتي
احمد : بوعدك يا دكتور خالد مش خارج من غيرها بأمر الله
ريهام: ربنا معاكم
دخل احمد غرفه العمليات اللي كان فيها عشر أطباء على اعلي مستوي منهم اربعه أمريكان وكانت ندا هتقوم بدور المترجم بجانب دورها كا دكتوره مساعده
بدأت العمليه وكان كل شيء تمام بدأ احمد في لصق قطعه التبلوم وكان كل ما يشعر أنه وحيد يرفع رأسه يشاهد الدكتور علي وجميله و ريهام يشعر أنه داخل مستشفى الاسكندريه العام يتجدد له الثقه استمرت العمليه اكتر من ساعتين ونصف دون توقف وكانت الامور تمشي في طريقها الصحيح وفجأة لحظت زراعه القلب مكانه توقف القلب بشكل كامل بدأ الجميع في إسعاف القلب بكل الطرق كل المحاولات فاشلة محدش قادرة يرجع القلب الي طبيعته بدأ الجميع يفقد الأمل ومنهم من قلع الجاونت استعداداً لإخلاء الغرفه بعد موت الحاله
احمد : ( توقف القلب بشكل عام كل الانشطه وقفه معقول تكون ماتت فعلا في لحظه صمت والجميع يتشاور في الأمر حول المغادره لمح احمد أحد الأفراد يغطي وجه جميله مسك احمد ايده )
احمد: أنت بتعمل اي هيا ماتت علشان تعمل كده
الدكتور محمد: احمد خلاص القلب وقف تماماً
احمد : (بصوت عالي) محدش يتكلم مش عايز صوت خالص
بدأ الجميع في النظر إلي احمد وهداء الجميع
احمد : (صرح للحظات و اقترب من المريضه )
الدكتور محمد: بتعمل اي كده غلط البنت ماتت
احمد : ملكش دعوه انت ( وطلع قلب البنت من مكانه ) ندا أتنين سنتي أدرينالين
ندا : احمد الدكتور جيمس وقف العمليه
احمد : لا معلش بقا اطلعوا انتوا بره أنا مش طالع قبل ما اعمل اللي في دماغي ( وخد الابره حقن بيها القلب وهو ممسك بي في يده ويضغط على قلب البنت وهو في راحه يداه ولم يكن هناك استجابه قلع البالتو وخد مشرط رقم عشره فتح في فخد المريضه جرح حجمه اتنين سنتي
احمد : جهاز المجاز
ندا : ( نظرت إلى الدكتور جيمس هز رأسه)
ندا: اتفضل
احمد : ارفعي سرعه الديسي بي اقص حد
الدكتور محمد : أنا هرفعه
احمد : جهاز الانعاش جاهز يا ندا
ندا : جاهز
احمد : لو سمحت كل واحد يسيب مساحه نتحرك مش عارف اتحرك منكم ( ورفع وشه كان الدكتور خالد قاعد على ركبه في بكاء شديد خارج الغرفه مما ازاد رغبه احمد في رجوع جميله)
احمد : افصلي جهاز المجاز يا ندا
ندا: تمام سحبته
احمد : ارفع يا دكتور محمد
الدكتور محمد: تمام
مره واحده بدأ الدم يوصل الي القلب لدرجه ان ايد احمد امتلأت بالدماء
احمد : قطعه التبلوم يا ندا
ندا : اهي
احمد : سدي بيها جدار القلب
الدكتور محمد: انزل شويه ب الديسي بي
احمد : لا عايز القلب ياخد الصدمه
ندا : تمام
احمد : حط القلب مكانه
كل الحاضرين مستغربين لما يفعله احمد يتصرف وكأن البنت على قيد الحياة
ندا : هتعمل اي
احمد ؛ راقبي القيمات بسرعه
ندا : كلها وقفه
احمد :دخل ايده جوه صدر جميله ولدا يضغط القلب بين راحه يداه ولم يفقد الأمل)
ندا: احمد في حاجه غريبه
احمد : بس يا ندا مش راقبي وبس
الدكتور محمد: في نشاط حيوي شغال
الدكتور جيمس: ( خد جهاز الصدمات واقترب من المريضه )
احمد ( مسك ايد الدكتور) بس يا خواجه اللي هتعمله ده هيموت البت
الدكتور قاسم : القلب بيرجع في نشاط كمل اوعي تقف
احمد : ( مال على ودن جميله ) قومي يا جميله علشان ترجعي مع بابا اوعي تستسلمي وتحرقي قلبهم عليكي
ندا : نشاط الدماغ رجع من تاني مش معقول قيمات القلب بترجع
الدكتور محمد: اعمل اي ارفع الديسي بي
احمد : ولا تعمل اي حاجه راقب مع جميله أنا هكمل العمليه
ندا : الدكتور جيمس بيقولك هتموت ولو كملت العمليه
احمد : صلي على النبي يا خواجه مش هتخاف على اختي اكتر مني (ورجع القلب مكانه وربط الأوذي وسط رؤية الجميع ولا احد يملك أعصابه غير الدكتور أحمد )
احمد : شفاط يا جميله قصدي يا ندا
ندا : حاضر
احمد : اقفلي قصادي الصدر و كملي تقفيل لحد الاخر
الدكتور محمد: مش ممكن مش ممكن ( وحط ايده على رأسه في وسط ذهول الجميع وعدم تصديق ما يحدث رجع القلب بصورة كامله )
ندا : الوضع مستقر الوضع تمام العمليه نجحت يا احمد
احمد : أن شاء الله مش هتموت (ماسك ايد المريضه بيضغط عليها )
ندا : احمد العمليه انتهت جميله بخير سيب البنت
احمد : ( فضل ماسك في ايد البنت العقل دخل في نوبه عدم تصديق لما يحدث فاقد الوعي بكل شيء حوله إلا جميله مستمر في الضغط على يديها والفرحه في الخارج تملأ المكان بنجاح العمليه وكل الحضور لم يصدق ما يحدث ويطلب من احمد البعد عن المريضه للدخول في غرفه الافاقه استمر الوضع اكتر من عشر دقائق حتا تمكن أحمد من إدراك أن العمليه انتهت والبنت في حاله جيده أظهر الجميع الشكر الشديد و الجنون مما راي الجميع من براعه ودقه في التنفيذ من الدكتور أحمد خرجت البنت الي غرفه الافاقه وخرج احمد من غرفه العمليات قابل الدكتور خالد اللي اول ما شاف احمد ضمه وبدأ يقبل رأسه)
ريهام: ماشاء الله عليك رفعت راسنا كلنا
الدكتور علي: مبروك يا استاذي
جميله: مش مصدقه بجد اللي حصل انت رجعت البنت من الموت
احمد : الحمد لله ( ومش مصدق اللي حصل لدرجه انه ترك الجميع وذهب الي غرفه الاستراحة لوحده لاكتر من ساعه)
الدكتوره مريم : احمد أنا عمليتي نجحت والبنت بقيت كويسه
احمد : مبروك
مريم : انت عملت اي المستشفى بره كلها بتتكلم عنك
احمد : مش عارف انا عملت اي ولو اتقرر تاني مش هعرف اعمله
باب الغرفه اتفتح
الدكتور جيمس
مريم : فرحان بوجودك ومبسوط منك جدا وبيطلب منك قبل ما تمشي تروح معاه لحد غرفه الطفله امل
احمد : مين امل
مريم : تعالي أنا جايه معاك اترجم لك
بعد الوصول إلى غرفه امل
احمد : ( دخلت لقيت بنت بسيطه جدا جدا وجميله جدا)
مريم: الدكتور جيمس بيقولك أن البنت دي محتاجه عمليه خطيره والمستشفى هتعمل العمليه دي من غير اي مصاريف لأن حاله أهل الطفله صعبه جدا وبيطلب منك تقف معاهم في حاله امل
احمد : اكيد طبعا احب اساعد امل
مريم : بيقولك شكرا ليك على رحب صدرك ( خرج الدكتور جيمس بيكر ومعاه مريم )
احمد : ازيك يا امل عامله اي
امل : الحمد لله ياعمو
احمد : قوليلي بقا عامله اي
امل : أنا كويسه
احمد ::تحبي نلعب سوا
امل : لا عايزه اشوف بابا ممكن
احمد : هو فين
امل : جمبي هنا
احمد : جمبك فين
امل : في الاوضه دي
احمد : هو بابا تعبان يا امل
أمل : اه بابا داخل يعمل عمليه بكره ممكن اشوفه
احمد : اه طبعا ممكن ( وجاب كرسي متحرك حط عليه امل ودخل غرفه الأب)
احمد : مساء الخير
الأب: انت الدكتور أحمد صح
احمد: اه أنا
الأب: ( بدأ يبكي) بالله عليك خلي بالك من امل اعتبرها بنتك أنت مش عارف انا عملت اي علشان اخلي بنتي تعمل العمليه معاك
احمد : عملت اي اي أنا مش فاهم حاجه
الأب: أنا سمعت عنك كتير وشوفت أد اي انت ابن اصول أنا بنتي تعبانه اوي لازم تعمل العمليه ل تموت ولما عرفت انك هنا جيت علشان اشوفك وهنا قابلت دكتور اجنبي اسمه جيمس عرض عليا يعملي العمليه هنا وانت اللي تعمل العمليه بس بشرط
احمد : شرط اي
الأب: في راجل اعمال مهم اوي موجود هنا عنده مشكله في الكلي ومحتاج متبرع عرض عليا التبرع الراجل ده بكليه من عندي قصاد أن بنتي تعمل العمليه هنا تحت إشراف حضرتك أنا طبعاً وفقت منا مش هسيب بنتي تموت قصاد عيني
احمد : الموضوع ده بقاله أد اي
الأب: شهر تقريباً
احمد : يعني الراجل اللي جه طلب مني امضي معاه عقد هنا كان جاي علشان انت طلبت أن العمليه تكون تحت إشرافي و وجود الدكتور جيمس بيكر في المستشفى مكنش سببه الدعم المالي ولا حاجه علشان كده لما سمع حاله جميله وفق بس اهم حاجه امشي معاه يعني المقصود كان أنا مش حد تاني
فين ورق بنتك
الأب: مع اداره المستشفى
احمد : اسمع انت مش لازم تعمل العمليه دي أنا وجودي هنا كان لفتره محدوده جدا وراجع مستشفى الاسكندريه العام قبل اي حاجه أنا لازم اشوف ورق بنتك اوعى تدخل غرفه العمليات ولا تسمح ب ده قبل ما اشوف ورق بنتك لو اقدر أعملها في المستشفى عندنا هاخدك انت وبنتك من هنا أنا ربع ساعة وراجع خلي بالك من امل لحد ما ارجع
الأب : بجد يعني في أمل نمشي من هنا أنا وبنتي
احمد : سلم الأمر لله اوعى حد يخدك في اي مكان انت فاهم ربع ساعة وراجع
