رواية اغفري لي الفصل الثامن والعشرون بقلم أوتار حزينة
يمامه
ووكفت اجلف افكر بهذا وتصرفاته
الوصخه واجه بالي قويدر
هم هيج جانت نظراته
اليه اني واختي
ذبيت حسره
ومااحس غير نفخه حاره
يم اذني وريحه
جگاير
فزيت ووخرت بسرعه جان هو مبتسم
ويباوع لطولي بنظراته المو راحه
كال من سحب دخان
وذبه
«،،،لايك الج هالفستان
مارديت علي ابتسم وكمل
«،،،بنتج حلوه كلش طالعه الج
لبسته وصيطرت على غضبي وماباوعت اله
رحت طلعت الوصخ
كال
«،،،وين رايحه مو جاي احجي وياج
جاوبته منزله راسي بس بنغزه
«،،،اذب الوصخ لان ريحته فاحت
مشيت من يمه وطلعت لبره ذبيته بالحاويه
رجعت هو واكف باب المطبخ
وساند روحه على
الباب مبتسم
ويدخن
بعدين دار روحه ومشى كلت بگلبي
«،،،والله انت حرامات ابن هاي المره الطيبه
والرجال الزين
طبيت مقهوره من تصرفه وضايجه لان
ذكرني بالجان يصير بيه من قويدر والغير
وكفت اجلف بالجدريه وطلعت
قهري بيها اردد بگلبي
حابسه دمعتي
«،،رجال مابيكم واحد شريف لا العارات الي
عندي ولا انت حامي العرض
والوطن
خاله طبت وسالت
«،،ها يمه كملتي
،،،اي نروح
«،،اي لان الحجيه كالت روحن اليوم من وكت
وارتاحن لان باجر لازم نجي من
الصبح
ماجنت اريد اجي وياها من وراه بس لان
جنت محتاجه فلوس كلت اجي
لنهايه الشهر اخذ راتبي
وابطل واشوفلي
شغل بغير
مكان
خليت الجدريه بمكانها ورحت للغرفه لبست
عباتي وشلت الجنطه ويمامه طلعت مخنوكه هو اجه من الاستقبال من شفته نزلت راسي ومشيت
بسرعه للمطبخ رجعنا لبيت مره اكول خلي
ابطل من وراه ومره اكول لا
خلي اكمل الشهر
ليلى
الشهريه فاتتني وضميت هالشي عن الكل
بس غاده تعرف ردت تمر ايام
اتاكد يله احجي
ومرت عشره ايام وسويت تحليل
بالمستشفى من جنت بالدوام وطلعت حامل
فرحت كلش وردت اخابر قائد
وابشره بس كلت لاا
خلي الما اوصل
للبيت واسويله مفاجأه
غاده وياي فرحت وباستني وكالت
بضحك
«،،،،اني سبقتج
«،،،هههه اي
قائد راح يتخبل بس يسمع
«،،،اي وماما وبابا هم
جنا بنهايه الدوام طلعنا سوه سلمت على حمزة
ومثل كل مرة دز سلام لقائد
رجعت مبتسمه لزمت بطني فرحانه لان
راح يصير عدنا بيبي
وصلت وره مشوار نزلت طبيت لجوه
ماما طلعت من المطبخ
سلمت
،،،هلو ماما
ابتسمت وكالت
««،،هلا ليلو ها اشوفج فرحانه اليوم
ضحكت وكلت
«،،،اني يوميه فرحانه مو جديد
هالشي
طبينا سوه جاوبت
«،،،لا اليوم فرحتج غير
«،،،گلب الام دليلها
جاوبت وكملت بفرح
««،،راح تصيرين بيبي
«،،صددك
صاحت بفرح ورددت بذهول
«،،ولج حاامل
«،،،اي
اجت عليه حظتني لصدرها وكامت تبجي
«،،،هاي شكو
بابا طب ماما وخرت ووكالت
بتأثر ودموع
«،،،فاروق ليلو حامل
«،،،يالله
بابا صاح بفرح وباوع عليه خجلت منه
ونزلت راسي اجه ليمي حظني
وباسني كال
«،،،،يعني راح اصير جدو
هزيت راسي بحظنه رجع باسني وكال
من وخر
«،،،،ديربالج على روحج بنتي ولاتعبين
روحج بالشغل
«،،اي بابا
«،،،قائد عرف
ماما سالت جاوبت بعيون مغوركه
«،،،،لا من يجي اگله
«،،،ها يعني احنا نسكت
ردت علي مبتسمه هزيت راسي
باي وكلت
«،،،اي خليها مفاجأه
«،،،وحلوه هالمفاجأه ويوما اشوفه بحظنج
بابا رد بحنيه ماما كالت
«،،،امين يارب
«،،اروح ابدل
«،،اي روحي ماما وديربالج على روحج من
الدرج
«،،اي
مشيت من يمهم متاثره بفرحتهم صعدت
لفوك طبيت غرفتنا واتصلت
علي جااوب
«،،،هلا ياشريان گلبي وضوه العين
«،،هلا حب خلصت شغل
«،،اي هسه جاي بالطريق
«،،ها يعني راح توصل
«،،اي خير حب تريدين شي اجيبه
وياي
«،،،لا بس اسال حتى نتغده سوه
«،،ها عجل حضري الاكل لان جوعان كلش
«،،تمام
«،،هو شنو الغده
«،،،ههه مااعرف
«،،،اكيد يخني لان كلت لخالتي مشتهي
من البارحه
«،،اي عيني كاعد وتشهى براس خالتك
اليكول حامل
حجيت بسرعه وسكتت خرب ضحك
«،،ههههه هاي شلون فسريها اليه اني اعرف
المره تصير حامل مو الرجال
«،،طلعت بعد
جاوبته مبتسمه رد
«،،،وصلت ماتجين تركضين اليه
،،،لااا اني فوك
«،،عجل من اصعد تلگيني بحظنج
الدافي
«،،ادلل
«،،يله طبيت وجايج ياشريان
گلبي
«،،هلا بيك
سد الخط بدلت على السريع وطلعت
بالصاله شفت اجه رحت بسرعه علي
شالني لفوك وافتر بيه
بسته من رگبته
وشميته
هو هم باسني وكال
«،،،اوف هالريحه ادوخ من اشتمها
نزلني يباوع عليه بنظراته الحلوه
صفن بعيوني وسأل
«،،،،اليوم بيج شي مختلف
ابتسمت وكدته من ايده طبينا للغرفه
سديت الباب وكلت
«،،،احزر شنو هو
«،،ماخذه الراتب
«،،،ههه لا مو الراتب
«،،غاده جابت
«،،،هم لااا
كعد وجرني لحظنه كعدني على رجلي
وحجه بضحك
«،،،جاج ورث من جدج السابع عشر
«،،،،هههه لااا
«،،،عجل شنو الي مفرحج
«،،،يعني هو شي حلو وجنت اتمناه يصير
«،،،شنو يابه تره الجوع ضارب
راسي وعقلي بطل يفكر
«،،،ههه تغده وبعدين اگلك
«،،،،ولج بطلي تلعبين باعصابي وكولي
شنو الي مخليج هيج فرحانه
صفنت علي وحبه جبير بگلبي كلت
«،،،انت راح تصير اب
فك عيونه وصفن على بطني سال
بصوت متغير
«،،،لا بله
«،،،اي اني حامل قائد
«،،،بداعه ابوج صدك
«،،،ههه اي
«،،ليلى يعني راح يصير عندي طفل منج
حجه بصوت مخنوك
«،،اي
لمني لحظنه بهدواه يردد
«،،الحمد لله والشكر الك يارب
هم تاثر من مثل بابا وماما وخر
يباوع لبطني وكال
«،،،ولج شلون خبر هذا ماجاي اصدك
راح اصير اب وانتي امه
بسته من خشمه وكتله
«،،،لا صدك راح يجينا زعطوط ويخبلك
ويخبلني
ابتسم والملامح تغيرت بين التأثر
والفرح رد
«،،،اني هسه مااعرف شلون اوصف فرحتي
بيج وبي
«،،،ههه شفتها بعد شويه تبجي
سكت صافن عليه بنظراته الحلوه كلت
«،،واني هم مااعرف اوصف فرحتي،
بي لان حزء منك صار
هنا
لزمت بطني وكملت بعيون مغوركه
«،،جنت احلم بهيج شي وتمنيت من الله
نزوج ويصير عندي طفل يشبهك
بكل تفاصيلك الحلوه
ساكت ويسمعني وعيونه بعيوني
كملت من بسته من خده
وكمت ابجي
«««وصار قائد صار الحلم والله جبر خاطري
بعد صبر طويل
لمني لحظنه وكال
««،واني هم جبر خاطري بيج وفرحني
بعد قهر طويل
غاده
حسيت شي ثگيل وانشال من صدري
من بريت حمزة الذمه وروحي ارتاحت
من سويت هيج وهو هم وجهه
فك والملامح تغيرت
للفرح
رجعت ويا،،،،،،فرحانه بليلو وكتله
لحمزه على هالخبر الحلو فرح وكال
«،،يوما لجعفر ورانيه
«،،امين يارب
جاوبته سال
«،،مااخذتي اجازه
«،،،لا مو كتلك الما اطب شهري
«،،،اي صدك
سكت بعدين كال
«،،عرس رغده تحدد هالشهر
«،،،صدك
«،،،اي سمعت رانيه تحجي وي عمه وكالت
الولد فض روحه وراح ياخذها
بنهايه الشهر
«،،الله يسعدها يارب ويوما لرحمه لان بنات
عمو مهدي يستاهلن كل خير
«،،،اي والله لان طيبات مثل عمه نعمه
«،،،امهن ورده مال الله
«،،اي خوش حرمه وعمي هم جان اليه اب
بعد ما مات ابويه
صفنت علي من يجيب سيرته اهله
صوته يتغير سالت
«،،،،تذكرهم حمزه
هز راسه باي وجاوب
«،،،اي غاده اذكرهم لان من ماتو انه جبير
عمري عشر سنوات
«،،،انت تشبه ابوك
باوع عليه ذب حسره وجاوب
«،،اي انه اشبه كلش
«،،عندك صوره اله يعني صور امك وابوك
موجوده عندك
«،،اي كلشي يخصهم ضميته بصندوق بالغرفه
الي انه نايم بيها
حجه بخنگه وشفته تاثر غيرت الموضوع
وكتله
«،،،يعني راح يصير عدنا عرس بنهايه
الشهر
ابتسم وجاوب
«،،اي وتكدرين تروحين اله
«،،لعد شلون لازم اروح هاي رغوده اخت رانيه
ولازم اوكف وياها بهل اليوم
ضحك ورد
«،،،،اي بس بهيده وي روحج لاتهزين بويه
خجلت منه لان تذكر عرس ليلى
ومارديت
«،،،ماتريدين تشترين شي
«،،،اي بس راح اطلب من بيج اعرفه
«،،تمام شوفي الي يعجبج وانه حاضر
«،،،مو مقصر وتسلم
وصلنا وره مشوار بدلت وصبيت الغده
اليه واله كعدت اضرب ثريد
تشريب طماطه مال
دجاج
هو يفلس اليه ويخلي كدامي كلت
«،،،حمزه اكل انت تره مااكلت شي
«،،،شبعت والحمد اله
كملت وكمت كتله
«،،تريد جاي مو
««،،اي والله اريد اصحح لان عندي شغل
لازم اطلع اله
«،،تمام
حميت الجاي ورحت غسلت رجعت
اجلف المواعين هو كام من يمي
كملت صبيت الجاي
ووديته لغرفته طبيت يحجي
بجهازه خليت الجاي
يمه وطلعت
رحت تمددت بغرفتي وغفيت كعدت ونفس
الروتين سوينا عصريه وراها عشه
وهو ماكو ولا جعفر كالت
رانيه عدهم شغل
كلت الهم على ليلو وفرحن الها كلش
شفت رانيه تاثرت وسكتت
ماعرفت شاحجي
بس من وكفنا
نجلف المواعين كلت
«،،،رانيه ليش ماتبدلين دكتورج
ذبت حسره وجاوبت
«،،هم جعفر گلي هالكلام وامي ويا
««،اي لان كاعد اشوفها ماسوت شي الج
«،،وين اروح غاده انتي تعرفين دكتوره زينة
اروحن الها
جنت افكر ببنيه ويانا سبع سنين ماصار
عدها وراجعت دكتوره كالو كلش زينه
وصدك كم شهر
وصار عدها حجيتلها
عليها فرحت
وكالت
«،،،اي وهاي عنوانها وينه
«،،اجيبه الج باجر لان والله رقمها مو عندي
«،،،،تمام غاده جيبي بلكي تعرف تعالجني
ويصير عندي
،،،،ان شاء الله باجر اجيبه واني اخذج
عليها بأيدي ويارب يارانيه من اول علاج
ويصير عندج حمل
«،،،،امين يارب
جاوبتني بعيون مغوركه بگلبي دعيت الها
وكلت يارب يفرحها ويجبر بخاطرها
لان طيبه وتستاهل تفرح
كملنا كلشي وهي راحت لبيتها واني
لغرفتي طبيت وسديت الباب ورايه ذبيت
شالي ووكفت كدام المرايه
مشطت شعري وجذلته صفح خليت
ايدي على الميز الخشبه تحركت
لان هو كسرها مره
من صار عصبي
شغلت التلفزيون وكعدت اگلب
بالقنوات انتظره
يجي مثل كل ليله
تاخر وظل بالي علي ردت اخابره تراجعت
باوعت للواتس كلت اراسله
بحجه شي بس
شنو ماعرفت
بهل الفتره تعودت علي كلش وكمت احس
بفراغ بليل اذا مايجي ويكعد
وياي ونحجي
الباب اندك طب هو مبتسم وشايل
علاكه سلم واجه ليمي كعد
كال
«،،جبتلج حلويات
«،،،حمزه راح اصير دبه من وراك
««،،هههه صيري بويه السمن يلوك الج
حجه انتبه واني خدودي اشتعلت نار
نزلت راسي ولهيت روحي
بجهازي غير الموضوع
«،،جبتلج صاج وخليته بالفرن خاف اجوعين
«،،،تسلم بس راح تقصفهن رانيه قبلي
««،«ههه جابلها جعفر
كال من فتح العلاكه
«،،هاج اكلي من هاي النستله تموع بالحلك
فتح وحده وانطاها اليه ووياها عصير
رمان كلت من تذكرت
«،،،،تكدر تسويلي هاي الخشبه
مال ميز التواليت
حمزه
حجت هيج واشرت الها عاينت الها
سالت
«،،،شبيها
«،،مو انت كسرتها
حجت بتردد اذكرت وصفنت على الاخشاب هي نفسها مالتي لان انه مااشتريت
من وره الصار كلت
«،،،شدكولين ابدل الج الاخشاب ونصبغ
الغرفه لون ابيض
صفنت عليه النستله يم بحلكها فرت راسها
عليها وسالت فرح
«،«صدك
«،،،اي انه مو عاجبتني
«،،،،،ولا اني
«،،،چا خوش باجر اخذج واختاري وحده
ثانيه
«،،،لا مايحتاج اكو معرض ليلو اخذت منه
اخشابه تخبل وتوب هي اختارت
موديل واجه نفس الصوره
وبعد احلى
«،،هاهيه خلي ادز اسمه ونشوف انه وياج
«،،،اي بس خلي بالك اني اريدها لون
ابيض
ابتسمت وجاوبت
«،،،اختاري الي يعجبج هي غرفتج بعد
انطتني نص النستله
وكالت
«،،اكل هاي وخلصني منها تره راح انفجر
«،،،ههه جيبها بويه احسن مااطگين عليه
ابتسمت وسالت
«««زين اذا اشتغلت بالغرفه اني وين اروح
«««،بغرفتي تحولي
«،،،وانت وين تروح يعني راا
سكتت مرتبكه افتهمت كلت
«،،،اروحن بالمجلس وانام
«،،،،لا ظل بيها اني اروح يم بيبي وعمه
«،،،،لا غاده الغرفه صغيره وهي بيها جربايتين
ووعمه وحبوبه نايمات عليها واعرفهن
مايكدرن ينامن بالگاع خما اخليج
انتي تنامين عليها
«،،،،خاف ماترتاح هناك
«،،،ياويل گلبي صايره ادور راحتي
حجيت وي روحي وهم صفنت بالعيون نزلت
راسي رديت
«،،لا لاتشيلين همي انه متعلم وين مااخلي
راسي انام
«،،ههه اني هم مثلك
جان الكلام سهل وكله ضحك جاوبتها
،،،،بله صدك
«،،،اي والله ابدا ماعندي هاي سالفه الا
مخدتي وفراشي يله تغفى
عيوني وتنام
«،،،چا طلعتي مثلي
«،،،اي
اكلت النستله كلها وكلت
««،،وهاي اكلتها وخلصتج منها
«،،،الف عافيه
«،،«الله يعافيج
شفتها كامت تثاوب كلت
««،،نامي بويه وارتاحي
«،،محتاج شي
«،،لا
جاوبت وكملت
«،،تصبحين على خير
وانت من اهله
طلعت من يمها مبتسم
حبوبه صارت بوجهي من شافتني
ابتسمت لچن ماحجت
شي
مشيت وياها للمطبخ اريدن مي سالت
«،،،ها يمه اشوفنج فرحانه
«،،چا ليش،ماافرح وانه اشوفن وليدي
مرتاح والضحكه تارسه
وجهه
سكتت بعدين
سالت بحنيه
«،،،حبيتها يمه
عاينت الها وجاوبت
«،،،هيج انه مفضوح يمه
هزت راسها وكعدت وانه يمها ردت
«،،هنا اگلك اي كلنا نعرف بيك عشگتها لان عيونك
فاضحتك يبعد امك لچن يم غيرنا عدالهم كاعد تسوي هيج من وره السويته بيها
ذبيت حسره وجاوبت
«،،،عدالي يظل مضموم بالگلب
يجرحه ولا يفضح الروح
خلت ايدها على رجلي وردت
،«،يجي يوم وجرح گلبك يطيب يايمه وهي بأيدها
راح ادوايك مثل ماجاي تدوايها انت
رديت بحسره
«،،،هذا حلم ماراح يصيرن يايمه لان هي
تحسني امان سند ستر اي لچن تحس
بغير شي اكلج لاا
«،،لا يمه راح تحبك وتهواك وتعشگك عشك
ماعشگته حرمه لزلمه
دگت على صدري بايدها وكملت
«،،احسن الظن بالله وليدي وهو قادر
يغير الحال من حال لحال
ثاني
«،،،يالله مارايد غير يتغير حالي واعيشن
وياها مثل مااريدن واحلم
حجيت بگلبي كامت وكالت
«««تصبح على خير
«،،وانتي من اهله يمه
جنات
جان عدنا جرد ولازم اطلع من وكت حتى
نلحك نكمل قبل نهايه السنه
رحت بسيارتي للدوام افكر بحالي الى
متى اني اظل بيت اختي
صح ابراهيم ورده مال الله وماشفت منه
شي يغث بالعكس شفته شايل
همي ومقهور عليه اكثر من
اهلي
بس اني هم كمت اخجل منه عنده ومن اهله
لان كلما يجون عليهم يظلون يسالون
اسئله مااحب اجاوب
عليها
عيوني غوركت وعزت عليه نفسي اني اتبهذل
هيج ومن ورة منو من ورة انسان حبيته
من كل گلبي ومن حبي اله
حتى البيت الي اشتريته بفلوسي سجلته
باسمه
بس ياريت طلع يستاهل غدرني وكسرني
كسر جبير ماله جبر وراح
يظل جرحه بگلبي
طول العمر
حتى بيتي بعد السواه بيه مافكر يرجعه
اليه وهو يعرف اني جبته بتعبي
وراتبي وهو اصلا مو محتاجه
لان عنده خير هوايه
واعرفه يكدر
يشتري بيت
اله
وصلت نزلت طبيت للدائره
تلاكني عمو جمعه وسلم
«،،،صباح الخير ست جنات
«،،هلا عمو اسماء اجت
«،،لا انتي اول وحده اجتي
«،،،ها تمام
«،،اسويلج گهوه
«،،،لا عمو الما يجن البنات واشرب وياهن
«،،،براحتج بنتي
رحت للقسم مالتنا خليت جنطتي على الميز
كعدت،،،،،وفتحت الحاسبه بديت ادقق
سمعت حركه رفعت راسي شفت كريم
كدامي كمت وكلت بعصبيه
«،،،،هاي شعندك جاي لهنا
«،،،اريد احجي وياج
«،،،ماعندي حجي وياك وتفضل اطلع بره
«،،،جنات اسمعيني الله يخليج وخليني
اصحح الصار
طلعت من وره الميز واشرت لبره بايده
وكتله
«،،،ااطلع هذا مكان شغل ومااريد احد
يجي ويشوفك يمي
«،،،ولج بس اسمعيني والله تعبت من الفراك
ومن السويتي بيه
ابتسمت باستهزاء وجاوبته
«،،،اني السويت كريم
صفن عليه بعيون تعبانه وكال
«،،ليش خلعتني جنات شلون انطاج گلبج
تسوين هيج
«،،،وانت شلون انطاك گلبك تزوج عليه
من ورايه
ارشد
مثل كل يوم رحت للدوام من وكت طبيت
للدائره مشيت بالممر وكفت يم
قسم التدقيق من سمعت
صوت جنات تحجي
بعصبيه
«،،،انت تعرف شسويت بيه كريم كسرتني
وخليت عيوني تبجي دم
صوت رجال رد
«،،اعرف بروحي شسويت وكتلج غلطت
ورحت طلكتها بنفس اليوم
«،،بعديش بعد ماا الكل عرف بيك ازوجت
عليه من وره الجهال
ردت علي بصوت مخنوك وكملت
«،«روح كريم وبعد لاتجي وتشوفني خلقتك
«،،،مااروح ولج افهمي اني احبج ومااكدر
اعيش بلياج
«،،هذا الحجي بعد ماايفيد لان كلشي انتهى
بينا انت اختاريت حياتك واني
هم اختاريت حياتي
«،،،يعني شنو بعتيني جنات
««،اي مو انت بعتني برخص حلال عليك
وحرام عليه
«،،،ولج منين جبتي هالقسوه
«،،منك ااانت
صرخت بي وكملت
««،اانت السبب دمرتني وكسرتني وادگلي
منين جايبه هالقسوه
««،،جنات لخاطر عشرتنا لخاطر حبي الج
انسي وخلينا نرجع سوه
«،«طز بيها لعشرتنا وطز بيك انت هم وااطلع
عااد منا
«،،مااطلع واسمعيني
صاح بيها وسمعتها صاحت
عوفني
جنات
تعاركت وي كريم ومن طردته لزمني
صحت بي
«،،،،عووفني
استاذ ارشد طب علينا الخلقه مگلوبه
اجه بسرعه مد ايده على
ايد كريم ونزلها
بقوه من
عندي
وكف بوجهه واني صرت وراه گله
بغضب
«،،،شنو هالتصرف الي كاعد تسوي
بدائره حكوميه
«،،،هاي مرتي
«،،موو مرتك اطلگنا
صحت بي وكمت ابجي من قهري وخجلي
من المدير دار وجهه عليه
نزلت راسي
خجلانه گله
«،،تفضل اطلع بره
«،،،ماااراح اطلع الا وهي وياي
«،،،،انت شتريد ابلغ عليك الشرطه
«،،،بلغ
نتر بي وكمل وياي بتوسل
«،،،جنات امشي وياي خلي نكعد بمكان
ونحجي
«،،،،مااعندي حجي وياك وامشي اطلع
عاد وكافي فضايح
جاوبته وشهكت استاذ ارشد كله
«،،،سمعتها مو وهسه تفضل بره بدون
مشاكل
«،،،جنات لاتخليني اتصرف وياج تصرف
مايعجبج
كريم حجه هيج استاذ ارشد تقدم
علي وكف كدامه وگله
بهدؤ يخوف
«،،،تهدد وبدائره حكوميه
«،،،،ماجاي اهدد اني
«،،،لا جاي تهدد واني سمعتك وهي سمعت
من ست جنات
استاذ ارشد اندار عليه سكتت خزر
وكال
«،،،،مو هددج
«،،،اي
جاوبته مخنوكه وابجي كمل
«،،شفت يعني هسه اذا اخابر وابلغ عليك
تاخذها حقها منك قانونيا
وعشائريا
كريم مارد بس عيونه عليه استاذ ارشد
اشر لبره وگله
«،،،تفضل بره واذا عندك مشاكل عائليه
عدها اهل اكعد وياهم وتفاهم بدون فضايح
«،،،،ماكو اي تفاهم بينا كلشي انتهى واذا
بعد تعرضت اليه اني راح اشتكي عليك كريم
حجيت بغضب ودموع هو سال
بذهول
«،،،تشتكين عليه جنات
«،،،اي واسويها والله اذا بعد تعرضت
اليه
جاوبته بتحدي وعيوني بعيونه
وكملت
««،ااطلع واذا انت رجال لاتشوفني خلقتك
بعد لان اني كرهتك وكرهت
اليوم الي وثقت بيك
وفضلتك على
هوايه رجال
جانو احسن
منك بهوايه
«،،هيج الحجي ولج
«،،اي هيج
رد بغضب
«،،ولج جنت عبالي ارجعلج بيتج والمؤخر مالتج
بس،والله مادام خلعتني وحجيتي
هيج مارح تشوفيهن طول
عمرج
«،،،كااافي وتفضل بره
استاذ ارشد انهد بي عمو جمعه طب
وراه الامن سالو
«،،،خير استاذ صاير شي
«،،اخذو هذاا الافندي لبره وممنوع بعد
يطب لهنا
اجوي علي هو مشى بسرعه من يمنا
وطلع رحت كعدت منزله راسي
وابجي
كلت راح اسمع منه كلام يوجع لان
جبت مشاكلي للدائره بس هو ظل واكف
حسيت نظراته عليه كال
وره مشوار
«،،،اذا ماتكدرين اخذي اجازه اليوم
بس حجه هيج اخذت جنطتي وطلعت من
الدائره طول الطريق ابجي بشهكه
سمعته شحجه وخلاني اكرهه
بعد اكثر
وصلت لبيت اختي حالي حال وهم مانشفت
دمعتي من وره السمعته منه
حمزه
الجمعه اجت اخذت غاده
عمتي وجعفر ورانيه ورحنا لبيت خالتي زينب
تلكتنا بفرح هي وعم محمود كعدنا
بالاستقبال اشوفن
غاده خجلانه
منهم خالتي
كالت
«،،،صلاوات على النبي مرتك متغيره
وصايره تخبل لايك الها الحمل
عاينت الها مبتسم صارت حمره كملت
«،،،يوما ادكوم بالسلامه وتفرح بابنك يمه
«،،،امين خاله ويوما لمهيب
ضحك وكال
«،،،ادعي غير هالدعوه رحمه لاهلك
«،،،اي مايعجبه عيني يزوج ويصير اله عائله
حاله حال ربعه يريد يظل داا
خالتي سكتت وغيرت الموضوع
«،،،،شلون الحجيه وليش،،،مااجتي وياكم
«،««والله ماتكدر من وره الضغط ورجليها
عمتي جاوبتها هي ردت
«،،،مابيها غير كل العافيه والله اني هم
رجلي فد مره صايره توجعني حتى الدرج
كمت مااكدر اصعده
«،،،لا سلامتج ام منير ومابيج غير العافيه
كامت وكالت
«،،،تعالن نكعد بالصاله
النسوان كامن من يمنا وظلينا بس الزلم
ظليت اعاين عليها الما راحت
مهيب مال عليه وكال
«،،،العيون فاضحه صاحبها
درت وجهي علي مبتسم غمز وكمل
«،،،طحت على وجهك مو
«،،،اسگت لا اكضك ماارحمك
«««هههه
خرب ضحك ابوه سال
«،،،شلون الحجي وعمامك
«،،بخير ويسلمون عليك
«،،وعليكم السلام والرحمه
كعدنا نحجي بسوالف عاديه وراها تعشينا
رجعنا ساعه عشره لان ماردت
غاده تتعب اعرفها
هيج وكت تمدد
حتى ترتاح
غاده
من جنا بيت خاله حمزه شفت بنيه صغيره
تخبل وحلوه كلش متت عليها اني
ورانيه وظلت بين حظني
وحظنها
امها هم جانت حلوه وخطيه طلعت ارمله
وتشتغل بيتهم انقهرت عليها كلش،لان شفتها
بعدها صغيره رجعنا للبيت من
وكت بدلت وكلت خلي احضر تعلوله
النا طلعت ادور علي
بغرفته باوعت
بابها مفتوح رحت للمطبخ
خليت فواكه ورجعت
شايله الصينيه
شفت باب المنور مفتوح كلت اكيد
طلع للحديقه يدخن خليت الصينيه على
الميز بغرفتي ورحت للمنور
طلعت
مشيت كم خطوه وسمعت صوته يضحك
«،،،،ههه وانه هم مشتاگ الج موت
جمدت بمكاني من سمعت الكلام
وگلبي هبط كمل
«،،،اي والله احبنج واموت عليج
لااا كلشي ولاتزعلين عليه انه وين اكدر على
زعلج
كلت هاي كوثر بس لاا شلون وهي مزوجه
اجه بالي شلون كال لو اريد ازوج اخذ
اربع نسوان بفلوسي
كالت راح يسويها مشيت بثكل واحس روحي
اختنگت اريد اسمع اعرف هاي منو
«،،من اجي للبصره اشوفج ونطلع سوه
رجعت بسرعه طبيت ودموعي نزلت رحت
لغرفتي سديت الباب ورايه وشهكت
بصوت اردد
«،،سواها وراح يزوج عليه
الباب اندك عرفته هو مشيت للجربايه
امسح بدموعي طب يحجي
بجهازه
«،،اي والله اجي بس كافي تبجين
انداريت اباوع علي كمل بدون ماينتبه
لان راح للكنتور
«،،،ولك غزوان بطل تحرك بيه يم بنتك
والله اجي بس يصيرلي وكت وانتي
بطلي تبجين اجي بويه واخذج ونطلع نتعشه
وي ابوج الخوش زلمه هههه وعد
والله بس اسگتي
رفعت حواجبي اندار شافني صفن عليه
وكال
«،،يله عسوله اروح عمج تعبان ويريد يرتاح
كعدت اتجنب اباوع علي سد الخط
واجه ليمي سال بقلق
«،،غاده بيج شي
رفعت راسي صفنت علي مااعرف بشنو
احس ولا ليش اني اختنگت من
عبالي راح يزوج عليه
«،،بويه بيج شي
بگلبي،صحت
«،،،كاافي تعاملني بحنيه كافي تره تعبت
منها وكمت مااعرف بشنو احس
«،«ولج جاوبيني شبيج ليش باجيه
يوجعج شي اصيح حبوبه
عمه
«،،لااا
جاوبته بخنگه ونزلت راسي سال
«،،،چا شبيج وليش اشوفن عيونج
باجيه
شاحجي اگله اني بجيت لان عبالي راح
تزوج عليه كلت بصوت طلع
يرجف
«،،مابيه شي
«،،لچن انه اشوفنج مو على بعضج احد غاثج
اي غاثتني روحي الي ماعرف شكاعد تسوي
بيه
حجيت بگلبي وكلت
««،محد غثني اني هيج مرات اختنك والا
ابجي يله ارتاح
«،،يعني الهرمون ضرب
باوعت اله مبتسم والنظرات هي نفسها
نزلت راسي وجاوبت
«،«اي حمزه
سكت واني هم بعدين سألت
«««منو عسوله
«،،،بنت صديقي الي ساكن بالبصره
متعلقه بيه كلش من اروحن لهناك
تهد ابوها وتظل مچلبه بيه
«««ها صغيره
««،اي عمرها اربع سنوات
جاوبني وفتح جهازه شوفني صورتها بنيه
تخبل بيضه شعرها گيرلي اسود والعيون
كبار هو كاعد،،،،،، وهي بحظنه يباوع
عليها ومبتسم صوره اللخ بايسته
من خده الي بي الوحمه
اجت بالي البنيه الي خافت منه وشلون
خلته ينقهر كلت بصوت
مخنوك
«،،حلوه الله يخليها لاهلها
«،،،اي ودمها ينحب
رد علي وسال مبتسم
«،،،ها فگت الخنكه
«،،،اي
«،،،باجر راح ابلش يترتيب الغرفه
«،،«ها يعني ابدي الم بالغراض
«،،،لا انتي ماعليج باي شي انه الم كلشي
ووياي عمه ورانيه وجعفر ونحولهن
بغرفتي ولازم بسرعه لان
الاسطه وعماله
راح يطلعون
عكبه
«،،يا صدك
«،،،اي الرجال ماعنده شي كال اطلع اكملها
الك بيومها
«،،،يعني اختار الغرفه
«،،،،اي اختاري بويه
جاوبني وهو ملتهي يقره رسايل بجهازه
صفنت علي مااعرف بشنو احس
واسأل بروحي شبيه
ضجت لان عبالي
جان يحجي وي
وحده
رفع راسه باوعت للميز وكلت
«،،،تاكل فواكه
«،««اي
ردت اكوم كال
«،،اكعدي انه اجيبهن
كام وراح جاب الصينيه خلاها بيني
وبينه تربع كدامي وكال
««««وين هذا البيج شوفيني الغرف
المعروضه
اخذت جهازي رحت للانستا طلعت البيج
وانطيته اله گلب وكال
«،،«شوفي هاي كلش حلوه
صفنت عليها وبعدين علي افكر بالي
كاعد احس بي سال
««««ها عجبتج
انتبهت وجاوبته
««،،،لا ضخمه
«،،،،يعني ماعجبتج
«،،،لا اريدها لا صغيره ولا جبيره وهيج
يعني تصير تفاصيلها نازكه
«،،،تمام
هم رجع يگلب كلما يشوف وحده يشوفها
اليه عقلي تشوش من الافكار الي كامت ادور
بي عيوني كل ساع تروح
اله عبالك كاعد
اشوفه اول
مره
«،،،،هاي حلو
نزلت راسي شوفني وحده اوف وايت
وحلوه كلش بس غاليه
ماحجيت شي دايخه وحايره
سال
«،،،،هاي مو
ركزت عليها صدك حلوه كلش كلت
من شفت سعرها
«،،ها يعني اي بس مو غاليه
«،،لا مو غاليه عليج وانه هم عجبتني كلش
لان مبين تگمه
«،،،يعني راح تطلبها
«،،،چا شلون غير عجبتج وردتيها
«،،لا عادي خلي اشوف وحده ارخص منها
ابتسم ورد
«،،تره زلمتج جيبه مليان ويكدر يشتريها
الج ووياها وحده ثانيه
ضجت وبسرعه كلت
«،،والثانيه ليش والمن يعني
صفن عليه والملامح تغيرت درت وجهي
كال
«،،،شبيج بويه انهديتي بيه تره جاي ادلل
بيج
«،،،ها اي
«،،عفيه هرمون دومه گاب عندج
سكتت اتجنب اباوع اله كمل
«،،هسه راح اراسلهم واحجز
«،،،تمام
راسلهم بعدين ضحك وكال
«،،،هسه الزلم يكول ماكو صبح وتراسل
ساعه ب 12 صارت
ويا الوقت يمشي بسرعه لان تاخذنا
السوالف اكل شويه وكام
كال
،،،اروحن انام لان باجر عدنا كعده من الصبح
اوديج للدوام وارجع الم بالغراض
«،،،لا باجر عندي اوف وعگبه هم
«،،چا خوش حتى بس توكفين يمي من نلم
الغراض وكلشي لاتسوين رحمه
لاهلج اركدي واستري
عليه
«،،تمام
«،،،تصبحين على خير
«،،وانت من اهله
طلع من يمي وخلاني دايخه بلي كمت
احس بي اسال روحي ليش
ضجت وليش كمت
اريده يظل يمي
ومايروح
وشبيه هيج مخنوكه واريد بس ابجي من
جنت احس بي حنيته دلاله خوفه عليه هي
السبب
اي هذا السبب بس ليش ماجاي
اقتنع بهل الشي مثل قبل
مااعرف
دموعي نزلت وكمت ابجي خايفه من هالشعور
الي صيطر عليه ومن
شعور احتياجه اله
الي كام يزيد
وي الايام
قائد
طرت من الفرح من سمعت ليلى حامل
وراح يصير عدنا جاهل متمدد وهي بحظني
غافيه وصافن عليها لحد هاي اللحظه
مو مصدك هي صارت اليه
وقريبه مني لدرجه
اشم عطرها
واترس صدري منه
بستها وشميتها بنفس طويل ولميتها
بقوه لصدري مااريد اعوفها
ولا اريد الليل يخلص
ويطلع الصبح
اريد اظل هيج هي يمي وجدام عيوني
ماارمش وافقد لحظه من شوفتها
ذبيت حسره من اذكرت شلون عشت بهل
الخمس سنين ضعت وضاع من عمري
جثير وهي بعيده عني
وطمست بالذنوب من وره الصار بينا شربت
الما جنت افقد واكعد نايم وي وحده
تشبهها وعبالي هي
اكره روحي لان سويت هيج واكوم اموت
لان اني مو هيج بس السواه بينا
خلاني اتحول لواحد
ثاني
ردت احجي اگول الها عن السويته هناك بس
ماكدرت خفت اخسرها مره ثانيه
لان اعرفها ماراح تسامحني
على خيانتي الها
اعرف راح ادكوم تموت بس احجيلها اني
عرفت غيرها ونمت وي اكثر
من وحده
ذبيت حسره تحركت وخلت ايدها
على صدري گضبتها بستها
بشمه نفس طويل
«،،،احبك قائد
حجتها نايمه لميتها بحظن ام
وتخاف على ضناها وكلت
«،،،واني هم احبج ياروح قائد
ثاني يوم طلعت اتعلل وي الولد حسين
ومهيب وصلت للكافي كاعدين رحت ليمهم
سلمت
،«،،،،شلونكم شباب
«،،،بخير اكعد واخذلك نفس من الاركيله
مهيب جاوب كتله
«،،،مااريد هسه بعدين
«،،،براحتك يالمدكك
ابتسمت واذكرتها سال
«،،،ها ولك اشوفك تضحك
«،،،،راح اصير اب
«،،،،واني هم
حسين جاوب يضحك مهيب غمنا
وكال
«،،،،،امداك انت ويا على شنو فرحانين
على طيحان الحظ لو على الدوخه الي
راح تجيكم من وره الزعاطيط
«،،،،يوما الك ويطيح حظك مثلنا
جاوبته اضحك رد
«،،،،زوج اني مثلكم حتى اروح اعلك برگبتي
مره وجهال
«،،،،اول وتالي راح تزوج وتصير زوج
وغصبا ماعليك شتريد يابه
تظل وجهه الغراب
لا مره ولا جهال
يشيلون
اسمك
حسين رده جاوبه بضوجه
«،،،،بله سدها لهل السالفه لان لعبانه نفسي منها
كافي عليه ابويه وامي كلما انزل
يظلون يلحون بيها
«،،،،حقهم لان جاي تكبر ولازم تزوج حتى
جهالك يكبرون وياك
جاوبته حسين كمل
«،،،،،،يول احنا مو صغار اني وياك وقائد
طبينا الثلاثين اذا هسه مانزوج ونخلف شوكت
يابه نسويها من انطب بالاربعين ونكوم
نگح ونضرط
«،،،هههه ولك هسه موديل ابو الاربعين كل البنات
ميتات على شوگر دادي
ضحكت وحسين غمه
«،،،،امدااك اي والله وامده الشوگر دادي الي
بس اشوفه بالخارج ولا هنا كرشه
متر وشعره كله واكع
يمشي كم خطوه
ويفح افاده
«،،،،ههههه
خرب ضحك واني ويا رد
«،،،ليش ولك تره اكو بينا حلوين وينطلع بيهم
للشارع
«،،،،اي نعم هسه اطلع اشوفهم واجيك
سكت يضحك اخذت الاريكله منه سحبت
نفس وصفنت بدخانه
«،،،،ها ولك اشو صفنت
سأل ذبيت حسره حسين كال
«،،،،خير قائد بيك شي
«،،،،والله مااعرف شاحجي
«،،،ولك اني اخاف من هالنظرات واحس
راح تسويلنا سالفه مثل ذيج
الايام
مهيب حجه جاوبته
«،،،دايخ وضايج من شي جنت اسوي هناك
بالمانيا
حسين عرف مهيب صفن عليه سال
«،،،قصدك الشرب
سكتت باوع لحسين ماحجه شي اني
كلت بقهر
«،،مو بس شرب مهيب
«،،،ها افتهمت جنت ادور نسوان هناك
هزيت راسي باي وكلت
«،،،اني هناك طمست بالذنوب من وره الصار بيه
«،،اي عادي تره اخوك هم مثلك طامس بالعسل
لراسه
«،،،،،عوفها مهيب
جاوبته وكملت بخنگه
«،،،تره بعدين تتندم بكد شعر راسك
مارد كملت
«،،،اني هسه مخنوك من الجنت اسوي هناك واريد
احجيلها بس خايف لاخسرها لان
اعرفها ماراح تتحمل خيانتي
الها
«،،،لاتحجي شي هذا ماضي صار وانتهى
من راح تفتحه ماراح تحصل شي غير بس
المشاكل والقهر
حسين جاوب مهيب كمل
«،،،صح عوف هالشي لايروح يهجم بيتك
«،،،اني اريد احجيلها بس خايف من رده فعلها
خايف ما تفهم اني هناك صرت انسان
ثاني واحد محطم وقاهرته
الدنيا والصار بي
«،،،،ماراح تفهم لان صعبه المره تتقبل خيانه
الي تحبه الها
حسين جاوب وكمل
«،،،،قائد لاتجازف هي بصعوبه رجعت الك وانت
شفت شصار بيك من وراها الا
شافتك صرت فد مره
يله سامحتك
ورجعت الك
«،،،،اي يول لاتحجي لاتروح تتخبل عليك وهم
نرجع لنفس طيحان الحظ انت تركض
وراها واحنا وراك
مهيب حجه مبتسم حسين كمل
«،،،،،انسى قائد وعيش حياتك وياها مثل ماجنت
تريد انت هسه صرت انسان ثاني
عفت الشرب وعفت كلشي
من صارت الك
«،،،،اي والله تبت لله ومااريد منه غير بس
هي واعيش وياها مثل ماجنت
احلم واريد
«،،،،تبنا الى الله هههه
مهيب حجه يضحك دفرته وصحت بي
«،،،وانت عاار ماراح توب
«،،،اي بس مو هسه
«،،،،شوكت يابه الما يحطوك بالگبر
حسين جاوبه ذاك خرب ضحك وگله
«،،،اكلك هو بجهنم ماكو حور عين مو
«،،،لاا اكو زبانيه يجروك بسلاسل من حديده
ونار ويذبوك باسفل السافلين وي
ابو لهب وابو جهل
«،،،،،هههه
هم ضحك ورد
«،،،،لا يابه راح ابطل مادام صارت هيج الشغله
«،،،،،اي نعم ااريد ان اصدك
حسين جاوبه يضحك ذاك رد
«،،،،وانااا ايضا اريد ان اصدك
حمزه
ثاني يوم بلشنا بتفريغ الغرفه وحولنا الهدوم
بغرفتي وفكينا الاخشاب انه وجعفر وموسى
وعلي وصعدنها لفوك كلت اشدها
بغرفه من الغرف الفارغه
انتبهت غاده مو على بعضها والمحها
تصفن عليه من تشوف عيوني
تنزل راسها
حسيت بيها شي لان النظرات جانت مختلفه
على الغده من كعدنا جانت ساكته
وتاكل بدون نفس
رانيه سالت
«،،،،غاده بيج شي
«،،،ها لاا
جاوبت تجنب تعاين عليه عمه كالت
«،،،مااكلتي شي
«،،مااشتهي
«،،،شعجب اعرفج تاكلين الاخضر واليابس
جعفر حجه بضحك علي هم كال
يضحك
«،،،اي والله اكيد ماگله قبلنا وقاصفه الجدر
ابتسمت بس،باهته حبوبه ردت
«،،خلي تاكل يمه والف عافيه عليها هي
والي بطنها
،،،الله يعافيج بيبي
جاوبتها وكامت تجنب النظر اليه طلعت
من يمنا عمه حجت
«،،خاف تعبت من الشغل
«،،،ماخليتها تسوي شي
رانيه جاوبت كلت
«،،،خلي اكومن اشوفها شبيها
كمت ورحت وراها شفتها طبت غرفتي
غسلت ومشيت ليمها واكفه تعاين لهوسه
سالت
«،،،،،بيج شي
«،،،،لاا
جاوبت بدون ماتندار عليه كعدت على جربايتي
رحت كعدت يمها انتبهت حظنت ايدها
الاثنين وكامت تفرك بيهن
عرفتها متوتره
بس من شنو
كلت
«،،،لچن انه احسن بيج شي
«،،،لا مابيه شي
«،،،،اكيد غاده
سكتت عيوني على وجهها عاينت عليه
شفت النظرات مو هي ولا الملامح نفسها
دارته وسالت
«،،،،باجر يطلع الولد
صوتها مو هو حسيت بي رجفه جاوبت
«،،،،اي
«،،،،تخلص بسرعه
«،،،اي بيومها يخلصوها
«،،،جاوبك البيج
«،،،اي وكالو عگبه توصل
جان الحوار مختلف مو مثل قبل تحجي
وصوتها يرجف وتجنب تخلي
عيونها بعيونيحسيت بيها
مو مرتاحه بالكلام ويايه
مثل قبل بس شنو الصار مااعرف كلت خاف
هم من وره الحمل ومالحيت كلت
من كمت
«،،،تمددي وارتاحي
«،،،اي
طلعت من يمها وسديت الباب
غاده
تمددت على فراشه وغطيت روحي
غمضت عيوني بقوه دمعتي نزلت وشهكت
بصوت قوي
لان عرفت بروحي اني حبيت الانسان
الي اخذني غصب واعتدى عليه
شلون صار هالشي مااعرف وشلون حبه
تسلل لگلبي هم ماعرفت
جريت المخده وخليت وجهي بيها اشهك
واردد
«،،،شلون يااربي صار هالشي وشلون حبيته
واني اعرف هو شسوه بيه وشلون
اذاني
بجيت من قهري من نفسي لان هوايه
أشياء جوه گلبي مو مفهومة بالبداية جنت
اكرهه أخاف منه عيوني تبچي تحت لمساته
لان هو جان سبب كل وجعي ،،خطفني،، ضيعني
كسرني وخلاني ابجي دم
بدل الدموع
بس بعدين هو تغير شفته يحاول
يداوي جروحي،،،، يطبطب عليه
يطلب السماح بنظراته، مو بكلامه واني والله تعبت من البچي، من الحقد، من الوجع، صرت أرتاح من اشوفه يحن عليه
أحس بالامان ويا واحد كان سبب ضياعي
ياربي شنو هاي الدنيا؟
شنو هالگلب اللي تعلق
بجلاده
سمعت صوت عمه
«،،،،هسه اشوفها واجي
مسحت دموعي بسرعه وغطيت وجهي
وسويت روحي نايمه طبت اجت
ليمي رددت بهدؤ
«،،،نايمه
طلعت من يمي وسدت الباب وراها دموعي
رجعت نزلت وحسيت بروحي ضعت
وتهت وكمت مااعرف
شلون راح اتصرف ويا بالايام
الجايه
ظليت متمدده بفراشه اشم عطره والجگاير
ومو مثل قبل تلعب نفسي منهن
انداريت حظنت المخده
وبدون وعي شميتها بنفس
طويل
وهالشي خلاني اشهك واانهار لان شفت
روحي شلون دورت ريحته
وشميتها رددت بخنگه
اخ ياربي شجاي يصير بيه والله راح
اتخبل من الكاعد احس بي
لزمتها بقوه مخنوكه من البجي ومن الحب
الي الله زرعه بگلبي وهو هم لان
كدرر يخليني احبه من
وره تصرفاته الطيبه
وياي ودلاله اليه
بس هو گلبه
مو الي لكوثر بنت عمه
كتمت الي حسيت بي وضميته بگلبي وهو حس
واهله هم كلت من وره الحمل تعبانه
وهم صدكو ثاني يوم الصباغ طلع
هو وعمال رتبو الغرفه وصبغوها
ثالث يوم اجت الاخشاب
وشدها بنفس اليوم
طلع بشغله
ورانيه وعمه رتبو كلشي واني يمهم
بس ادليهم وين يخلون الشي
الغرفه طلعت تخبل وحلوه كلش بس اني مافرحت
بيها من وره الي كمت احس بي
لان تهت وضعت
وكمت حتى مااعرف شلون احجي
ويا هو انتبه بس ماسأل
عباله من وره الحمل
وراها بيوم العصر طلعت من غرفتي ورحت للمطبخ
وكفت من سمعت
رانيه كالت
«،،،عرفت والله كوثر راح تطلك من وره
لسانها وگوايتها
شكرا لزيارتكم عالم روايات سكيرهوم
