رواية تاج الفهد الجزء الثاني (ابناء السيوفي) الفصل الثامن والعشرون
تيام بصوت عالي وبيعيط:لما اكون اخوه بجد إنما أنا حتت عيل جي من ملجأ
بصلته غزل وهي مصدومه: ملجأ ؟!ازاي أنت مش ابن فهد السيوفي ؟!!!!!
قعد تيام ع السرير واتكلم بصوت مبحوح من العياط:لا مش ابنه مدام تاج الله ير"حمها اتبنتني قبل ماتخلف بسنه لأن كان عندها مشاكل تمنعها من الخلفه
غزل:لي مقولتليش حاجه زي دي من الاول ؟
بصلها تيام وعيونه بتلمع من الدموع:كنت خايف اقولك علشان هتسبيني لما تعرفي اني مليش اي صله بالعيله دي ،بس والله كنت مستنيكي تنزلي من السفر وكنت هقولك ع كل حاجه قبل مااخد خطوه رسمي مكنتش ناوي اخدعك صدقيني،متسبنيش ياغزل أنا ف وسط كل اللي حواليا دول مليش غيرك محدش بيفهمني زيك أنا مكنش قصدي اخدعك أو اخبي عليكي وغلاوه حبك ف قلبي ماكان قصدي اكدب عليكي .
مسحت غزل دموعها باايديها وقعدت جمبه وهي بتحضنه وبتلمس ع شعره ..فعيط تيام اكتر زي الطفل اللي مفقتد حنان أمه .
غزل وهي لسه حضنها وبتعيط ع صوت عياطه العالي :تفتكر اني ممكن اسيبك علشان حاجه زي دي ؟انا يوم ماحبيتك ..حبيتك علشان انت تيام مش علشان انت ابن عمتي حبيتك علشان كل الصفات الكويسه اتجمعت فيك مصدقك وعارفه انك مقصدتش تكدب عليا وواثقه انك كنت هتيجي وتحكيلي كل حاجه علشان تيام السيوفي مبيكدبش ولا يعرف يخدع حد .
صوت عياط تيام بدأ يهدأ وجسمه بدا يتقل ف حضنها استغرابت غزل من سكوته ف اتكلمت بهمس :تيام انت كويس ؟
تيام بصوت هادئ :بحبك ياغزل .
ابتمست ابتسامه بسيطه وعرفت أنه نام ف حضنها ..خبط باب الجناح فجاه ودخل عيسي ف بصتله غزل بضيق .
عيسي :هو كويس ؟
غزل بصوت بسيط علشان تيام ميحسش بحاجه: هيبقى كويس ازاي ؟طول ماانت منكد عليه حياته وبتعيروا طول الوقت بحاجه هو ملوش ذنب فيها ؟!
عيسي :كنت غبي كلام عشق عنه عماني مش اكتر أنا مش بكره أنا بغير منه لما عرفت من ورد أن امي وقفت قدام العيله علشانه وأنه عاش ف حضنها سنه كامله وانا وأخواتي ملحقتش حتي تخدني ف حضنها زيه.
غزل:انت بتعاقبه ع حاجه هو ملهوش دعوه بيها!!!ده نصيب وقدر ملناش يد فيه .
قرب عيسي وقعد جمب تيام وخدوا من حضن غزل وهو بيحضنه براحه:عارف أنه نصيب ..سيبي أنا جمبه النهارده وياريت تخفوا احضان شويه لحد مانتنيل نجوزكوا مش هتبقي انتي وآسيا اللي ماشيين نلمها من حضن فهد كل شويه .
ابتسمت غزل وهي بتقف وبتهز دماغها بموافقه لانها عارفه اني عيسي اطيب حد ف العيله رغم أنه ديما بيظهر شخصيته القويه ..سابته مع وتيام ونزلت تحت ..وهو فرد جسم تيام ع السرير وقلعه الكوتشي اللي كان لبسه وغطا كويس ورجع نام جمبه بتعب .
تحت ف القصر دخل فهد وايوب شايل شايل اسيا ع ضهره .
ايوب :ارحمي اهلي وانزلي من ع ضهري بقاااا
اسيا:لا أنا واحده كنت مخطو"فه خلي عندك دم بقا .
ايوب :لا وانتي اي كنتي مخطو"فه وهتمو"تي من الخوف يعيني! ده انتي عملتي للبت عا"هه مستديمه !!!
اسيا:اللاه اسيبها تبص لخطيبي قره عيني يعني واسكت ؟!!!
ايوب :جاك وجع ف عينك يابعيده
ضحك فهد وهو ماشي جمبه :ع فكره ياايوب لو هي حمل عليك ممكن أنا اشيلها عادي
ايوب :لا ياحنين دي اختي وانا اللي ملزوم بيها خلي حنانك ده ع جمب
اسيا بهمس:عيل فقر ديما مقطع عليا كده .
دخلوا جوا كان لسه ورد وماسه قاعدين بيتكلموا مع بعض وموج بتقرا ف الكتاب باهتمام وتاج كالعاده بتاكل.
نزلت اسيا من ع ضهر ايوب وهي بتحضن ماسه:طنط ماسه الاماسه وحشتيني ياماس اوي .
حضنتها ماسه وهي بتضحك ع الدلع اللي ديما اسيا بدلعها بي :وانتي اوي ياحبيبتي..ازيك ياايوب عامل اي انت وفهد
قرب ايوب وهو بيسلم عليها وبيبص ع موج:عامل كويس والحلو"فه مش حاسه .
ماسه:حلو"فه مين؟انت بتقول اي ياواد.؟
قرب فهد ع ايوب وهي بيخبطه ف كتفه:ميقصدش حاجه ياماسه ماانتي عارفه رخامه ايوب ..حمد الله ع سلامتك ياست الكل .
ماسه:الله يسلمك ياحبيبي .
تاج وهي بتاكل صابع الكفته:اي كميه الحب اللي بتوزعيها عليهم دي ؟امال مش بنشوفها احنا لييييي
اسيا :خليكي ف أكلك اللي مبيخلصش ده وسبينا احنا ف حضن الماسه دي .
ورد :من لقي أحبابه نسي صحابه خلاص .
شهقت اسيا بفزع مصطتنع وهي بتبوس ايد ورد:اخص عليكي ياورد احنا لينا غيرك ياقمر أنت .
ورد:وانا مليش غيركوا ياحبيبتي.
قفلت موج الكتاب بنفاذ صبر:اي المشاعر الفياضه اللي أنا فيها دي ماحنا بنتيل نكلم بعض كل خمس دقايق ڤيديو كول ده احنا تقريبا عايشين مع بعض .
ايوب بغمزه ليها:ناقص بس نعيش في حضن بعض وكله هيبقا صح الصح .
بصتله موج بقر"ف وسابته ومشيت فاعلي صوته اكتر :براحه علينا ياموج علشان قربت اغر"ق ف موجك العالي .
موج وهي مكمله مشي وبتكلم :يكش تغر"ق يابعيد واخلص من كلامك الغبي ده .
ايوب :صحيح يجدع البحر غد"ار .
فهد:يابني كفايه البت قربت تو"لع فيك من كلامك ده .
ايوب بهمس:امال اقولها اي دي إنت مش شايف الكتاب الي ليل نهار ف وشها اجبلها نجيب محفوظ يتغزل فيها ولا اهبب اي معاها ؟!!!!
فهد: قولها دلع كريتڤ كده دلع يشدها ليك اكتر
ايوب :ازاي يعني اقولها اي ؟
غمزله فهد وبص ع اسيا اللي قاعده تتكلم مع ورد وماسه واتكلم بصوت عالي :بقولك اي ياحته ماتيجي عايزك .
بصتله ورد بنفاذ صبر من قله ادبه وآسيا ضحكت بصوت عالي :اي ياروح الحته عايز اي ؟
ايوب :هو ده كده دلع ؟!! بتقول لأختي ياحته !!وانتي يختي اي كميه الانبساط اللي انتي فيها دي؟ده لو بيشقط واحده من شارع الهرم هيحترمها اكتر من كده !!!
فهد:شوفي اخوكي هيموت مني علشان بتحبيني اكتر منه .
اسيا:بقولك اي ياايوب اطلع منها خطيبي وهو حُر يقول الي يقوله.
بصت ورد لماسه بإحراج:طبعا أنا ربيت الأولاد كلهم الا التلاته دول نسيت اربيهم والله .
قطع كلامها صوت فجر وهي داخله من القصر وبتضحك ف الفون ضحكه عاليه..فاشاورت ورد عليها :هما اربعه اللي معرفتش اربيهم مش تلاته
ضحكت ماسه ع رد فعل ورد :ربنا يسعدهم .
فجر:عاملين اييي ازيك ياالماسه اخبار الكنافه بالمانجا اللي انتي متجوزه اي ؟
تاج :ماتحفظي ع مشاعر امي ياست انتي ده جوزها اللي انتي كل يوم تعكسي
فجر:انتشي مااالك هو جوزك انتي ولا جوزها خليك ف صابع الكفته بتاعك ده .
ماسه:يازين ماربيتي ياورد فعلا
فجر :خليها زين جوزك ابو عيون زرقاء اي يااخواتي العيله دي رجالتها عيونهم تسحر
ورد :أنا هقوم اجهز الغداء بدل قعدتي مع العيال دي .
فجر:طاجن ام علي معاكي بقا ياورد وحيات امك .
تاج:خليهم سته كده هي واحد وانا الباقي .
بصتلهم ورد بااشمزاز ومشيت وماسه راحت معاها ...دخل فاروق وهو بيعمل صوت علشان لو حد قاعد براحته .
اسيا:تعاله يافاروق مفيش حد خالع شعره.
دخل فاروق بابتسامه بسيطه:مسا الخير ازيك ياتاج منوره القصر
تاج:ده نورك يااونكل والله .
نزلت غزل من فوق فاصاح ايوب بصوت عالي:مرات اخوكوا تيام اهي يعيال .
صفرت اسيا :ع الطلا"ق البت دي جامده ومش خساره ف تيام اخويا بس خلي بالك اني هبقا عمتو الحر"بايه
رجعت غزل شعرها ورا ودنها بإحراج فابصلها فاروق :عيب كده انسه غزل واضح انها بتتكسف .
تاج:تتكسف اي يااونكل حضرتك مسمعتش صوتها لما بنعصبها بتبقي زي الطو"ر الها"يج
بصتلها غزل وهي بتستحلفلها بش"ر ..
فاروق :معتقدتش غزل طبعها هادي زي تيام والاتنين مشاء الله طبعهم قريب من بعض .
غزل:شكرا ع راي حضرتك .
اسيا:دي بتقول حضرتك يافاروق بتشتم"ك يعني ؟!!!
فاروق:متربيه بقا مش زي ناس الادب معداش عليهم .
اسيا:هو الادب بيعمل حاجه ماعندك عيسي اهو مؤدب وكاريزما ف نفسه كده بس عبيط وملهوش ف النسو"ان زيك كده داخل ع الستين اهو ولسه سنجل معقول مفيش واحده خطفت قلبك ياراجل
فاروق : نسوا"ن ؟!!!هو انا كنت فين لما انتي كنتي بتتربي ؟
اسيا :كنت بدير شركات السيوفي بس كده .
فاروق : وبعدين مين قالك اني محبتش أو مفيش واحده خطفت قلبي؟
قعدوا كلهم حوالين فاروق وهما بيسمعوا ف اتكلم فاروق وع شفايفه ابتسامه واسعه وبيتكلم بحب واضح :أنا حبيت الطف انسانه ف الكون جمال العالم كله اتجمع فيها حتي عصبيتها حبيتها وعندها كل حاجه فيها ..
فاروق كان بيتكلم وهو باصص ع اسيا وسرحان فيها اكانه شايف جميله قدامه ..
غزل :طب وهي حبيتك؟
فاروق عيونه دمعت :حبتني بس للاسف ضيعتها من ايدي
تاج:لي ؟ انت خو"نتها؟!
فاروق :لا اللي يبقا معاه واحده زيها مينفعش اخو"نها أو أو قلبي يميل لواحده غيره
اسيا:امال اي اللي حصل ؟؟؟
فاروق :تقدري تقولي طلعت مش قد الثقه خذل"تها
ايوب :انت يافاروق مش قد الثقه ده انت اي حد يثق فيك ويكون مطمن ده انت سند لا اي حد ؟!!!!
ابتسم فاروق بسخرية:متخلكش غبي انت ظابط ليك مركزك مينفعش تثق ف اي حد وخلاص .
ايوب :بس انت مش انت يافاروق انت غير اي حد
فهد كان قاعد بيبص لفاروق بغموض وف كلامه .
اسيا:بس برضو انت عملت اي علشان تسيبك أو هي فين دلوقتي ؟
فاروق :ماانا قولتلك خذلتها ..إنما هي فين للاسف معرفش عنها حاجه.
تاج:طب محبتش بعدها ؟
فاروق :لا لو كنت حبيت كان زماني متجوز أنا لحد النهارده بحبها.
قام وقف بتعب :أنا هطلع ارتاح شويه ..صحيح عشق فين
اسيا:معرفش بقالها يومين بتختفي مره واحده كده وتظهر
فاروق. :طب لما حد فيكوا يشوفها يقولها أن الاسهم بتاعتها وقعت .
ايوب :والله اتلقيك انت اللي وراها .
غمز فاروق لأيوب بعينه:تقدر تقول اها .
اسيا: فاروق بيضرب ولا يبالي عمهم والله .
تكمله البارت ال28
ف ڤيلا خالد الاسيوطي.
خالد بصدمه:بنات حسام المحمدي!!!!!!
حمزه:انت تعرفهم ؟بس والدهم متو"في من زمان !
خالد:هي ابوها كان ظابط ؟
فارس:اها فجر قالتلي أنه ما"ت من 25سنه كده هو والعيله ف حا"دثه عربيه وهما طالعين مصيف عائلي.
خالد بهمس :حاد"ثه ومصيف ؟!!!
فارس :برضو انت تعرفه يابابا ؟
خالد:اها يابني ابوهم الله يرحمه ونعمه الناس وكان صحبي وأمهم ست محترمه وبنت اصول كنت بسال عليهم بعد مو"ت العيله وابوهم بس واحد قريبهم خدهم مكان تاني وانقطعت اخبارهم أو أنا اللي حبيت ابعد علشان محدش يفهم حاجه غلط .
فارس:كل ده مش مهم المهم اكلم فجر نروح نخطبهم بكره ؟
خالد:يابني اهدا تخطب اي انت لسه عارفها من كام ساعه؟
فارس:بس حبيتها ف الكام ساعة دول مانجايا كانت قاعده معايا .
ضحك خالد وهو بيفتكر كلام حسام زمان :مين قالك اني هجوز بناتي انا هقعدهم ف حضني ،واي كل"ب هيفكر بس يتجوز واحده فيهم هيبقي يوم منيل ع اللي خلفوه .
فارس:هو اي اللي بيضحك ياحاج
خالد:افتكرت حسام الله ير"حمه يوم ماقولتله حمزه لفريده وفارس لفجر يومها كان هيحطني حبس انفرادي .
حمزه:يعني احنا اصلا كنا متقدمين لا ابوها واحنا صغيرين !!!
خالد:تقدر تقول اها
فارس:بس لي حمايا كان هيحطك حبس انفرادي
خالد بسخريه:هو خلاص بقا حماك؟!!!احمد ربنا بقا أن حماك ده مش موجود مكنتش هطول شعره من بنته لاانت ولااخوك
حمزه:لي يعني ؟
خالد:حسام ده مكنش عنده اغلي من بناته كان بيفرح اوي لما حد يقوله ياابو البنات وكان ناوي يخلف بنتين كمان بس النصيب بقا الله يرحمه ..فريده اللي انت ياحمزه متابعها بقالك كام سنه دي حسام لو كان عايش وعرف كان قت"لني وقت"لك وقت"ل امك اللي جوا دي
ضحك حمزه وهو بيطلع تلفونه:حلو اكلم اخوها بقا علشان نتفق ع معاد بما انك طلعت عارف العيله وكده
خالد بستغراب :اخوهم !!!هما بنتين بس
فارس:لا ده اخوهم عيسي السيوفي تقدر تقول ابوها حسام كان اكتر من اخ لعيله السيوفي وهو اللي ماسكلهم كل شركاتهم وعايشين مع بعض ف قصر واحد لأن مدام ورد رضعتهم هو وأخواته .
خالد :اها فعلا فهد السيوفي كان عنده تلات اولاد وواحد باالتبني حسام كان حكيلي عنه ..
حمزه:طب اي أكلمه ناخد معاد؟
خالد :خليها بليل ده وقت غدا .
باسه فارس من خده وهو بيرقص: ربنا يخليك لينا ياخلوده..تعالي ياض يا حمزه نشوف هنلبس اي اقولك تعاله ننزل نجيب حاجات جديده
حمزه:يلا هننزل بعربيتي .
مشي حمزه وفارس ،وخالد قاعد بيفكر مع نفسه:ازاي ماتوا ف حا"دثه لي مدام ورد تخبي عليهم انهم اتقت"لوا ؟!!تؤ ف حاجه غريبه لازم اعرفها ؟!!!
ف شركات السيوفي ..
وقفت فيروز قدام مكتبها وهي بتقفل اللاب توب بتاعها وبتلم حاجتها من ع المكتب ..خبط باب المكتب وهي سمحت باالدخول ومش مركزه .
فيروز وهي مميله ف درج المكتب اللي تحت بطلع ملفات منه:اي يامني (السكرتيره) ف مواعيد تانيه ولا اي ؟
يونس :مفيش غير معادي أنا .
اتفزعت فيروز من مكانها وهي بتقف وبتحاول تكون ثابته:انت ازاي تدخل هنا من غير اذن أو معاد؟؟؟
يونس:أنا آسف اكيد بس السكرتيره مش موجوده بره ،وعارف ان خلاص انتي قربتي تمشي بعتذر مره تانيه .
اتنفست فيروز بصوت عالي:حصل خير ،ف حاجه تستدعي انك ترجع الشركه تاني اعتقد ان الميتنج خلص من ساعه؟!!!
يونس:انا مش جي بخصوص الشغل ياانسه فيروز
فيروز:امال جي لي حضرتك ؟!!!!
يونس:أنا عارف أن حضرتك محضرتيش الاجتماع لانك لحظتي نظراتي ليكي ..بس مش قصدي اي نظره مش لطيفه مش هقدر اقول حب لأني لسه شايفك بس اعجبت بيكي
فيروز بتوتر:اديك قولت اعجاب ومع الوقت مسيره هيروح يادكتور .
يونس:لا لا ده اعجاب من نوع خاص احنا كبار يادكتوره ونعرف نفرق بين الاعجاب العادي والإعجاب الخاص
اتنهدت فيروز بصوت مسموع وهي بتسند باايديها الاتنين ع المكتب :دكتور يونس ياريت اللي بينا يكون شغل وبس وتحترم اخواتي اللي حطوا أيديهم ف ايدك .
يونس بنبره مرحه:عقبال مااحط أيدي ف ايد واحد فيهم .
ابتسمت فيروز بتلقائية وهي بتميل وشها ف الأرض علشان يونس ميلحظش ضحكتها.
يونس:ضحكت يبقا قلبها مال ..
اتعدلت فيروز واتكلمت بجدية:دكتور يونس ياريت تحترم المكان اللي انت موجود في
يونس:وانا علشان محترم اخواتك والمكان ده انا جي اخد موافقتك اني اطلب ايدك من اخواتك .
فيروز جسمها اتنفض وضربات قلبها زادت:تطلب ايدي ازاي يعني!!!
يونس:هجيب اهلي ودسته جاتوه وورد احمر معرفش اي لازمته !!واطلب ايدك ونقرا الفاتحه ونزغرط بس كده .
فيروز بعصبية:هو انا بسألك يابني ادم انت ع مراسم الجواز
يونس:خليها خطوبه ولحد مانفهم بعض نعلن عن الفرح ..،وانا واثق أننا هنلعن عن الفرح بعد الخطوبه بشهر أنا م اي حد برضو .
بصتله فيروز بعصبية وخدت شنطتها من ع المكتب وعدت من جمبه وهي متجاهلها ..
يونس بصوت عالي:هكلم فهد نصار اخوكي الكبير النهارده اطلب ايدك هعتبر هروبك ده كسوف .
سمعته فيروز فابتمست وضربات قلبها زادت ورجعت كشرت تاني.
ف اسكندريه..
جميله قاعده ف أوضتها وبتفكر ازاي تهر"ب من هنا وتوصل للعيله
جميله لنفسها:لازم اهرب من هنا بس مينفعش اتمسك المره دي خالص فاروق ممكن يزود الحراسه أو ينقلني لمكان تاني .
قامت وقفت قدام المرايا وبتكلم نفسها:بس حتي لو طلعت من هنا هعرف اوصل ليهم ازاي اكيد الشوارع والدنيا كلها اتغيرت؟بس لا مفيش حاجه صعبه ..
قامت فتحت الدولاب بتاعها وطلعت لبس ليها ولبست حجابها وبصت ف المرايا وهي بتبتسم:ورحمه اهلي كلهم المره دي لاخرج من سجنك يافاروق واندمك ع كل لحظه اتوجعت فيها ع اهلي وولادهم وع عمري اللي ضاع معاك .
ف القاهره "ف قصر السيوفي "
صحي تيام وهو بيقعد ع السرير وبيفوق حس بحد نايم جمبه فبص لقي عيسي ..ضم حواجبه بستغراب وقام علشان يلم باقي حاجته ويمشي فتح الدولاب وهو بيبتسم لما افتكر كلام غزل..لف علشان يحط لبسه ف الشنطه فااتخض لما شاف عيسي قاعد ع السرير وبيبصله .
عيسي :اي ياروميو مش تنشف كده بتتخض لي!!
تيام :لا ابدا بس عارف انك كنت نايم .
عيسي ببرود:نومي خفيف بصحا لما احس بحركه جمبي .
تيام بذهول أن عيسي بيتكلم معاه :أنا اسف مكنش قصدي اعمل صوت .
عيسي :ولا يهمك أن اللي آسف دي اوضتك برضو أنا اللي دخيل فيها عليك.
تيام:متقولش كده ده قصرك وانا تحت امرك .
عيسي حس بضيق من نفسه ف اتنهدت وقام وقف قدامه:انت بتلم حاجتك ورايح فين ؟
تيام:ليا واحد صحبي هقعد معاه لحد مااشوف مكان ثابت متشغلش بالك .
عيسي حط ايده ع كتف تيام بهدوء:متزعلش مني ياتيام أنا مش بكرهك وكل كلامي معاك كان غيره منك انت عشت مع ابويا وامي سنه كامله ف حضنهم ومعاهم ..يمكن أنا شخصيتي بارده وطبعي هادي بس ديما حاسس بالحرمان واليتم كان نفسي ف حضن امي كان نفسي القي ابويا سند ليا وواقف جمبي ف كل خطوه ف حياتي مبحبش أبين مشاعري دي قدام ايوب وآسيا لاني عارف ان كل واحد فيهم قبل ماينام بيحس بنفس الشعور ..كمل عيسي وعيونه بتلمع من الدموع :كنت بتمني ارجع من المدرسة زمان القي امي واقفه مستنيني وبتجهزلي لبسي تحضرلي اكلي تقعد معايا تذاكرلي لما اخاف زي اي طفل كان ف سني استخبي ف حضنها ،كان نفسي يكون عندي اب لما كان عندنا حفلات ف المدرسه واشوف كل صحابنا جايين وماسكين ف ايد اهلهم كنت بموت ف اللحظه الف مره وبموت اكتر لما كنت اشوف اسيا وايوب وهما بيبصوا عليهم وف عيونهم نظرات الحرمان رغم أن كل حاجه كانت عندنا واومرنا كلها مجابه بس حرمان الاب والام كان بيخليني احس اني فقير معنديش حاجة ،فاروق وورد حولوا ع قد مايقدروا يعوضنا ومقصروش ف اي شئ معانا بس وجود امك وأبوك بيفرق .. حقك عليا ف كل كلمه قولتها وزعلتك انت اخويا الكبير وهتغفرلي مش كده .
ابتسم تيام من بين دموعه:أنا حاسس بيك ياعيسي يمكن أنا اتحرمت من اهلي مرتين مره لما رموني ف ملجأ ومره لما اهلي التانيين خدوني ورعوني وبعدها برضو اتحرمت منهم ..أنا مبزعلش منك ياعيسي ومتفهم موقفك .
حضنه عيسي و عيونه بدأت تدمع وتيام بيضمه لي اكتر ..دخل فهد وايوب.
فهد:واضح إننا جينا ف وقت غلط
ايوب :هي وصلت لتيام وعيسي ف حضن بعض يالي الهول .
خرج عيسي من حضن تيام وهو بيمسح دموعه:طب ايوب وماغه ديما شمال..انت ياكبيرنا اي؟؟
فهد :أنا أبو الشمال يادوله .
خبط تيام كف ع كف :مفيش فايده فيهم صدقني دول متربوش .
ايوب :شوفت اهم محترمين العيله اتلموا ع بعض ومش هنخلص من المواعظ بتاعتهم .
دخلت اسيا وهي بتصقف وفجر بتزغرط ومعاهم غزل وموج وتاج.
فهد بمشاكسه لآسيا:سيبك من التصقيف اللي كل ماتحصل حاجه ف القصر القيكي بتصقفي زي الهبله كده
حطت اسيا ايديها ف وسطها:امال اعمل اي يعني ؟!!
فهد:ارقصي .
عيسي كان لسه هيجهم عليه بس قطعته صوت شهقت اسيا ف بص ايوب لعيسي :اسيا محترمه متخفش شوف هترد عليه ازاي دلوقتي
اسيا:عايزني ارقص قدام اخواتي طب استني لما نكون أنا وأنت لوحدينا وارقصلك .
خبط ايوب باايده ع وشه :شوفت قولتلك محترمه .
عيسي مسكها من قفاه:انت مش هتتربي انتي وهو بقا اي يابت كميه قله الادب اللي انتي فيها دي .
فهد بفخر:تربيتي بقا يادوله .
فجر:والله ياعيسي محدش محترم ف البنات دي غيري .
ايوب :صادقه ياطهره باماره هيهييهيهي مش كده
عيسي:والله لاربيكوا ده انتو عيله التربيه معدتش عليهم ربع ساعه ولا كبير محترم ولا صغير محترم
شهقت تاج لانها اصغر واحده:وانا مالي ياابو عيون زرقاء انت ،هو علشان انت حلو وبقصه هتتعمل علينا .
رفع عيسي عيونه وهو بيبصلها بانبهار:معقول انتي تاج .؟
تاج:هو اي اللي معقول انتي تاج !!!هو انا كنت محاسن يعني
عيسي:لا بس ديما بكلم اخواتك الا انتي علشان كده بكون مش فاكرك اوي
تاج:اها ماانا اللي برفض اكلمك علشان انت بترن ف اوقات غلط
عيسي : أوقات غلط؟!!ازاي يعني.
تاج:بكون باكل واكيد مش هسيب الاكل علشان ارد عليك .
موج بسخريه وهي بترفع نضارتها الكبيره ع وشها:ده ع أساس أن انتي ف وقت محدد مبتاكليش في ده وانتي نايمه بتاكلي .
عيسي ابتسم ابتسامه بسيطه:بالهنا والشفا .
اسيا بهمس لفهد:شكل ف قصه حب بدات هنا ياقائد.
فهد:واضح أن اخوكي هيقع قريب ياحته .
عيسي :فين فريده وفيروز؟
اسيا:كل واحدة ف اوضتها عايزهم لي ؟
ايوب: علشان يكمل الفريق ده.
عيسي :رن عليهم ياتيام خليهم ينزلوا ع الريسبشن الكبير بتاعنا .
نزلوا كلهم ورا بعض ع السلم وهما بيزقوا بعض وبيجروا ،وورد وماسه قاعدين بيبص عليهم بسعاده .
ورد : مشاء الله واكبر .
ماسه:الجيش ده رايح فين كده ؟
ورد :اكيد عندهم اجتماع مهم أو بيخططوا لمصيبه ربنا يستر .
دخلوا الريسبشن وفريده وفيروز وبيبصوا ع تيام وعيسي بذهول .
فيروز:هو ف اي ؟
عيسي :كل خير ان شاء الله..انا قررت أن النهارده بليل هنطلع كلنا ع شرم الشيخ ومش بالطائرة بعربيتنا
صفر ايوب :الله عليك ياعيسي وع قراراتك .
فهد: نلحق بقا نجهز شنطتنا
فيروز:والشغل ياعيسي مينفعش!!!
تيام: متقلقيش فاروق هيشيل مكانا وهما يومين بس وهنرجع
فهد:فيروز حاولي تفصلي شويه الحياه مش كلها شغل ياحبيبتي كده عمرك هيضيع
فهد :قولها ياعيسي علشان أنا تعبت من الكلام معاها .
فيروز:خلاص هطلع احضر شنطتي .
طلعوا كلهم يحضروا شنطهم ،وفهد واقف ف اوضته بيغني بروقان وكوبيله لعمرو دياب "
" ايوه مفيش مِنك تخيل مهما هقول عنك قُليل كُل نهار فنهاية ليل إلا ليلي نهار، ايوه مفيش قلب إلا قلبك، ايوه مفيش حُب إلا عندك يا اللي حُبك خلأ قلبي بين ايديك يحتار " !
دخلت اسيا اوضته وهي مبتسمه :اول مره اسمع المغني ده كلمات أغانيه جميله.
فهد :ده عمرو دياب سمعت أنه كان من اجمد المغنين زمان كانوا بيقولوا عليه الهضبه اغاني كانت بتليق مع كل الأجيال .
اسيا :وكان بيقول اي الهضبه تاني بقا؟!!
قرب فهد عليها وهي بترجع لورا لحد ماضهرها سند ع الحيطه اللي وراها وفهد حط أيدها الاتنين ع الحيطه حواليها وهو باصص لعيونها وبيغني بصوت جميل "قدام عيونك لقيتني بقول ياريتني أفضل معاك وبتيجي دايما فبالي معرفش مالي من يوم لقاك، من يوم ما شوفتك بعيني مشغول يا عيني دايما كده، من نظره حبيتك إنت".❤️
اسيا بصتله بحب وبنبره كلها حنيه:بحبك يافهد ..
ايوب كان واقف بينهم وهما مش حاسين بي :واي كمان ياچوليت ياختي ؟!!!
صرخت اسيا وهي بتبعد فهد عنها وبتجري ع بره وايوب بيبص لفهد بشر .
فهد:أنا مالي بتبصبلي لي هي اللي كانت بتقولي بحبك يا فهد !!
ايوب :وهي برضو اللي كانت بتغني لعمرو دياب يامحنو.
فهد:انت عيل فصيل ديما واقف بيني وبين أختك طب استني حتي لما ابوس و ..
زعق ايوب :أنا هقتلك واخلص منك انتو الاتنين بقيتوا خطر هو عيسيييي فييين يشوفوا قله الادب ديييي
خرج ايوب بره وفهد واقف بيضحك علشان ديما بيعرف يستفزه .
ف اسكندريه..
فتحت جميله باب القصر الداخلي واتكلت بهدوء:كلم فاروق قوله إني عايزه أخرج اروح الصيدله هجيب كام حاجه وبعدين هنروح السوبر ماركت اجيب حاجات علشان هعمل تورتايه كبيره .
الحارس:اؤمرك ياهانم
رن الحارس كتيير ع فاروق بس مكنش بيرد ..
جميله:خلاص مش مشكله تقدر تزود الحراسه وتيجي معايا
الحارس بتردد: مينفعش ياهانم تخرجي بدون علم فاروق باشا
جميله بعصبية حاولت تدرايها: وانا اوعدك اني هروح واجي معاك بدون اي ازعاج وده وعد .
الحارس:ياهانم حضرتك عارفه لو حاولت تهربي فاروق باشا هيعمل فيا اي
جميله :وانا علشان مقدره مش هيرضيني اذيك ف شغلك
الحارس :حاضر ياهانم هتوكل ع الله .
جميله:المهم أنا عايزه مبلغ كبير شويه علشان هجيب حاجات كتير
الحارس:فاروق باشا ديما بيسب معايا مبلغ كبير علشان لو احتجتي حاجه وكله تحت امرك
هزت جميله راسها بابتسامة وهي متحمسه للفكره بتاعتها ..،جهز الحارس العربيه وكام واحد من الحراسه معاه واتحركوا ع السوبر ماركت الاول وجميله بدأت تشتري كل لوازم التورته والحارس مش بيفارقها لحظه ..خلصت وحط الحاجات كلها ف العربيه ..وبعدها وقفوا قدام صيدليه.
جميله:ينفع تنتظر هنا لاني هسأل ع حاجه خاصه وتقدر تشوفني لو اتحركت من مكاني وانا واقفه جوا .
الحارس :تمام اتفضلي وانا عيني ع حضرتك من ورا الازاز الشفاف ده .
دخلت جميله وهي بتبتسم بخبث واتكلمت مع الدكتوره اللي جوا وخدت طلبها ومشيت.
جميله:اهو جبنا كل حاجه ورجعت معاك
الحارس : الحمدلله حضرتك مش عارفه أن كنت قلقان ازاي
جميله:طالما وعدت لازم اوفي وعلشان كده الحراس كلهم معزومين ع التورته بتاعتي النهارده بما اني فاطمه مع بنتها ف المستشفى.
الحارس:تسلمي ياهانم .
دخلت جميله جوا وطلعت الفلوس اللي معاها عدتها ولقيتها كتير فااتنهدت بارتياح..دخلت المطبخ وبدأت تعمل الكيك وبتزينها وبعد كام ساعه ..قطعتها وحطتها ف اطباق ومعاها شاي وفتحت الباب.
جميله:اتفضل دول علشانك انت وصحابك
الحارس:ملوش داعي ياهانم
جميله:دي حاجه بسيطه بما اني قاعده زهقانه وكده ولو حد عايز تاني بلغني .
خد الحارس منها الصنيه ووزع ع أصحابه كل واحد طبق وكوبايه الشاي .
وجميله بتراقبهم من جوا بتوتر عدا نص ساعه وف سكوت تام ف المكان ..ابتسمت بانتصار وفتحت باب الفيلا والحراس كلهم نايمين ف الأرض من أثر المنوم اللي هي حطته ف التورته والشاي ..
طلعت بره الفيلا خالص وهي بتجري لحد ماوصلت للشارع الرئيسي وبصت حواليها ع الناس واتنفست بحريه .
جميله :اللعب بدأ يافاروق ...
