 |
رواية تاج الفهد الجزء الثاني (ابناء السيوفي) الفصل التاسع والعشرون بقلم مريم مصطفي
ف قصر السيوفي ...
نزلوا كلهم وهما بيستعدوا للسفر والخدم بينزلوا الشنط .
ورد: ربنا يحفظكوا ويبعد عنكوا العين ياحبايبي
فهد:مش كنتي جيتي معانا انتي وماسه تغيروا جو؟
ورد:مينفعش ياحبيبي اسيب سيا لوحدها..وكمان انتو شباب مع بعض هنيجي احنا نعمل اي!!!
فهد:ده ع أساس انك كبرتي ده اللي يشوفك يقول ان انت اللي بنتي .
ضحكت ورد:طول عمرك بكاش..
فاروق:خلوا بالكوا من بعض الشباب عينكوا متنزلش لحظه من ع البنات .
اسيا: متقلقش يافاروق البنات ف حمايتي
فاروق بهمس:يبقا كده يعوض ربنا عليا فيهم .
فجر:انت مربي رجاله متخفش علينا يابااا
ايوب:اسكتي انتي باللي لبسه ع دماغك شبه الحله كده
حطت فجر ايديها ع البورنيطه الكبيره:انت عارف اللي مش عجباك دي أنا جيبها منين؟!!!
فاروق بيأس منهم: اهم الاتنين دول بالذات ميفرقوش عينك ياعيسي مش ناقصين فضا"يح بسبب خنا"قتهم
عيسي:حاضر يافاروق ..ينفع نتحرك بقا علشان قدامنا طريق طويل.
عدت موج من قدام ايوب الاول وهي حاضنها كتابها ..فاراح مصفر وهو بيقول :حد يسيب دواء القلب ماشي ع الأرض كده .
بصت موج وراها بقرف:يسم.
خبط ايوب كف ع كف وهو بيعلي صوته:طب اعملك ايي طيب بتتشقطي ازاي ؟!!!!
جه فهد وهو بيحط ايده ع كتف ايوب وبياخده بره:ورحمه أبوك ف حد يشقط واحده يقولها معاكسه من ايام حمو بيكا!!!
ايوب بستغراب:مين حمو بيكا ده ؟!!!
فهد بصدمه:احلف متعرفش حمو بيكا!!! ده ع ايام أبوك وابويا كان من افضل مغني المهرجانات ف الشرق الأوسط والبلاد المجاوره ،ده هاني شاكر كان بيجري ورا كل مايسمعه بيغني .
ايوب :مين هاني شاكر ده كمان؟
فهد:لا تعاله احكيلك بقا من اول ماهاني شاكر قفش حمو وهو بيغني علشان ده موضوع ف غايه الاهميه .
خرج ايوب وفهد وموج برا بوابات القصر الداخليه والباقي سلمه ع بعض وخرجوا وراهم .
فهد:نقسم بقا كل مجموعة فريق ..أنا والحته بتاعتي وايوب وفجر وموج مع بعض ؛وعيسي وتيام وفيروز وفريده وغزل وتاج
تيام:طب لي مانطلع بتلات عربيات افضل علشان البنات تكون مرتاحه
فهد:انت وعيسي هتخدوا العربيه الكبيره يعني الكل هيكون مرتاح، وكمان عايزين عربيتين بس علشان الطريق طويل والكل بيعرف يسوق يعني كل فتره واحد فينا هيبدل ويسوق مكان التاني شويه.
ايوب :ماعدا اسيا .
اسيا :مالها اسيا يعنيا أن شاءالله ؟
ايوب:غبيه وسواقتك متهو"ره .
فهد:سيبك من الواد ده انا هخليكي تسوقي براحتك ياحبيبي .
اسيا وهي بتسبل بعينيه لفهد:مشوفتش ف حنيتك
فهد بابتسامة واسعه:وانا مشوفتش ف جمال عينك ياحته .
عيسي بنفاذ صبر منهم:البت دي هتركب معانا وانت خلي فيروز معاك .
فهد:تركب مع مين يااخويا ،لما أنا مبفرقهاش لحظه ف مكان هسيبها كده تعالي هنا يابت .
شد فهد اسيا من ايديها واقفه جمبه وهو بيبص لعيسي بتحذير:اوعي تنسا اني الكبير وان اسيا أنا اللي مربيه يعني لو فهد السيوفي طلع من قبره علشان ياخده مني مش هسيبها برضو ،افرط ف الدنيا كلها ومفرطش فيها .
اسيا كانت واقفه بصاله وعيونه بتلمع من الدموع لانه ديما معوضها عن كل الحنان اللي افتقدته ،عيسي كان من جوا مبسوط ان أخته ربنا بيعوضها بفهد ديما بس حاسس بغيرها ع أخته .
عيسي:وانا قولت اسيا هتيجي معايا .
فيروز:خلاص يافهد وبعدين هي معاك ع طول سيبها مع عيسي النهارده.
فهد:لا اسيا هتيجي معايا يما بلاها السفريه بنت ال*** دي
ايوب :خلاص يجدعان ف ايي كبرتوا الحوار خدها يافهد وبعدين ياعيسي انا معاها ديما متخفش.
خرج فاروق و ورد وماسه ع صوتهم العالي .
فاروق :ف اي انتو لسه متحركتوش ؟
تيام:لا عيسي وفهد بيتخانقوا ع اسيا
فاروق :احنا مش هنخلص من شغل العيال ده ولا اي؟ عيسي ياحبيبي لازم تتفهم أن دي خطيبته واخوك معاهم يعني م لوحدهم وانت يافهد راعي شعور عيسي وغيرته ع اسيا
اتنهدت عيسي بضيق وهو بيبص لاسيا فقربت منه بحنان: متزعلش هاجي معاك وبعد شويه هنزل اركب مع فهد
ورد: مينفعش كده هي مش هتقدر تختار بينكوا انتو الاتنين بلاش تحطوا اسيا ف مواقف زي دي .
فهد :أنا مش قصدي اكيد اعمل كده بس والله ياعيسي من حبي ف أختك مبقدرش أنها تبعد عني
ابتسم عيسي :مش ملاحظ انك بتتغزل فيها قدامنا عادي ؟!!!
فهد:مش احسن مااعكسها من وراك يجدع!!!
عيسي بود :أنا عارف يافهد وعارف ان محدش هيخاف ع اسيا قدك ولا مكنتش سبتها طول السنين دي معاك روحي مع فهد يااسيا .
ابتسم فاروق بحب عليهم وأنهم بيتصافوا لبعض ف نفس الوقت وان الحب بينهم كبير .
أتحركوا كلهم ف العربيات فهد بيسوق وايوب جمبي ،وموج وآسيا ،وفجر ورا .
ف العربيه التانيه..عيسي هو اللي سايق وتيام جمبه وفيروز وفريده و وراهم غزل وتاج .
أتحركوا العربيتين ورا بعض ووراهم عربيه حراسه خاصه صمم فاروق أنها تروح معاهم .
ابتسمت ورد برضا:ربنا يحفظهم ويبعد عنهم اي حاجه وحشه تصيبهم .
دخلت ورد وماسه ووراهم فاروق ..
فاروق :طب يامدام ورد أنا هستاذن اطلع اجهز حاجتي وهقعد ف اي اوتيل مؤقتا لحد ماالاولاد يرجعوا بخير علشان تعرفي تاخدي راحتك انتي ومدام ماسه .
ورد:ياخبر يافاروق باشا ؟!!ده بيتك احنا اللي ضيوف هنا أنا وماسه هناخد الدور اللي فوق وحضرتك خليك ع راحتك
فاروق :أنا اللي ضيف وده بيتك وبيت الأولاد وهما يومين ان شاء الله وهرجع اول مايرجعوا لو احتجتوا اي حاجه كلموني والحراس موجودين.
طلع فاروق ع السلم بس وقف تاني لما سمع صوت عشق وهي داخله بتزعق .
عشق:طبعا ماانت رايق ومحدش بيخسر غيري سفرت البهوات شرم الشيخ وقسمت كل الشركات والأراضي عليهم وبقيت أنا عبده عندهم وكل اللي حيلتي خسرته.
نزل فاروق من ع السلم ببرود وهو حاطط ايده ف جيبه:اممم خلصتي ؟
عشق بعصبية وصوت عالي:اسمعني يافاروق أنا مش هسكت عن اللي حصل ده انا ضيعت حقي وانت اللي ورا الاسهم اللي وقعت ديي
ورد وماسه كانوا واقفين بيبصوا لعشق بنظرات احتقار واضحه ع أسلوبها وطريقه لبسها اللي متغيرتش طول السنين دي .
فاروق:صوتك ميعلاش واها أنا اللي ورا الخساير علشان حذرتك ترجعي حق اسيا لأولادها اللي خدتي زمان اعتبري بقا دي قرصه ودن صغيره .
عشق:الكلام ده تضحك بي ع اللي بتعتبرهم عيالك وانت اصلا تعبا"ن بتلف حواليهم علشان تاخد منهم كل حاجه ع الأقل أنا صريحه قدامهم وعارفين اني بكر"ههم الباقي والدور ع اللي فرشلهم دور الحنيه وهو ايده متلطخه بد"م ......
قطع كلامها كف ع وشها من فاروق وقعها ف الأرض وورد وماسه بيبصوا بذهول لفاروق لانه عمرهم مشافوا ف الحاله دي .
فاروق بتحذير:اوعي تنسي نفسك وتنسي انتي كنتي اي ها،متخلنيش افتحلك ف الدفاتر القديمه واطلع قذر"اتك كلها قدام المجتمع بعد مابقيتي عشق هانم بفلوس ابن عمي واخته ها .
قامت عشق وقفت بغل:أنت لو فتحت ف الدفاتر اول حد هيروح ف الرجلين هو انت تحب افكرك بااللي فات من 25سنه ؟ولا انت منستش اصلا ؟!!
_واي بقا اللي حصل من 25سنه حابب اعرف ؟
بصت ماسه ع اتجاه الصوت ع مدخل بوابه القصر :زين ؟!!!
دخل زين وهو بيقلع نضارته الطبيه وبيبص ع عشق وفاروق بنظرات تحدي:اي اللي حصل من 25سنه فاتوا يافاروق باشا ؟مش دي الفتره اللي اهلي اتقتلوا فيها ولا أنا متهيالي ؟!
فاروق بتوتر بيحاول يداري:هي قصدها تقول إن دي الفتره اللي أنا اتجوزتها فيها وطلقتها لما عرفت انها ليها علاقات كتير ،مش كده ياعشق هانم ؟
بصلها فاروق وهو بيحذرها بعينه علشان تلم الموضوع فاتكلمت بكر"هه:وهو دكتور زين ماله بااللي حصل ولا فات علشان يدخل ف حاجه ملهوش فيها .
فاروق بعصبية:انتي زودتيها اوي والأسلوب ده مش بيمشي ف قصر السيوفي
زين بابتسامه بارده:اصل انا حشري وبحب احط مناخيري في كل حاجه حتي لو مليش فيه .
ضحكت ماسه ع كلام جوزها وورد واقفه سرحانه ع اللي كل الكلام اللي قالته عشق وبتفكر فيه.
بصت عشق بح"قد لزين ورجعت نقلت نظراتها لفاروق:كلامنا مخلصش لسه ..ولو قربت لشغلي تاني يافاروق ههد المعبد بااللي في وعليا وعلي اعدا"ئي.
رجعت شعرها لورا وهي بتبصلهم بنظرات احتقا"ر وطلعت من القصر كله ..
فاروق بنبرة هاديه: حمدالله ع سلامتك يادكتور .
زين :الله يسلمك ..بس برضو اي اللي حصل من 25سنه ؟
بلع فاروق ريقه بتوتر:زي ماقولتلك من شويه اتجوزتها وبعدين اكتشفت ان ليها علاقات مع كذا حد اكيد مش هكمل معاها
زين بشك:امممم حلوه برضو
فاروق :هي اي ؟
زين :لا متاخدتش ف بالك.
ورد: حمدالله ع سلامتك يادكتور زين.
زين بضيق :الله يسلمك ياهانم
ورد حست بإحراج من أسلوب زين معاها لانه مضايق منها أنها صممت تربي الأولاد ف قصر السيوفي ورفضت السفر معاه هو وماسه زمان.
ماسه:مقولتش انك جي لي ياحبيبي كنت جيت خدتك من المطار
زين:محبتش اتعبك وبعدين أنا هنا من الساعه اربعه الفجر كنت بدور ع جميله أو ياحاجه توصلني ليها
ماسه:ربنا يطمن قلوبنا عليها .
بصله فاروق بتوتر وضربات قلبه بتزيد اكتر لما جه اسم جميله .
زين:عرفت أن الأولاد سافروا شرم تاج كلمتني ..بس لسه برضو يامدام ورد مقولتيش ليهم اللي حصل ف اهلهم !!
فاروق :ملوش داعي يادكتور يعرفوا حاجه خلاص الوقت عدا
زين:تؤ لسه معداش أنا واثق أنهم لو عرفوا مش هيسكتوا ويعرفوا مين اللي عمل كده طالما انا مقدرتش اعرف حاجه طول السنين دي .
ورد بصوت عالي وعصبيه:وانا مش مستعده اخسر ضفر واحد فيهم اللي راحوا زمان كسرونا بما ف الكفايه مش مستعده اتكسر تاني لاني لو واقفه لحد اللحظه دي ع رجلي وفيا الروح فا ده علشانهم وعلشان سيا اللي نايمه فوق دي وف عالم تاني علشان كلهم ف رقبتي أنا مش ام فريده وفجر بس انا امهم كلهم حتي ولادك يازين كلهم بيدوني طاقه اكمل .
زين:اللي عرفته من جميله اختي زمان انك اتجوزتي حسام عن حب لدرجه دي بقا د"مه بارد عندك؟مش عايزه تعرفي مين قت"له وعمل في كده؟!!
ورد بعصبية:مش عايزه اعرف ولا عايزه اجيب حقه علشان مقابل حقه هخسر حد فيهم وانا مش مستعده اخاطر بحياه واحد منهم فهد ابن سليم لو عرف أو فتح ملفات القضيه تاني أنا متأكدة أنه مش هيسكت وهيحاول مره واتنين ومليون علشان يوصل للعمل كده بس ف المقابل هخسره ،عيسي وايوب لو مشيوا ورا خيط واحد بس هيعرفوا كل حاجه وبرضو هعرضهم للخطر ،سيبكوا من كل دول آسيا لو عرفت الحقيقه هتهد الدنيا مش هتسكت اييي عايزني اخسرهم زي ماخسرنا اللي راحوا ؟لا والف لا هما هيفضلوا كده كل اللي يعرفوا أن اهلهم ما"توا ف حاد"ثه ومحدش فيكوا هيحكي حاجه فاهمين....
انهارت ورد ع الارض وهي بتعيط جسمها كله بيتنفض مالت عليها ماسه وهي بتاخدها ف حضنها وبتبص لزين بعتاب..
زين:أنا آسف غصب عني كل السنين دي وانا مش قادر اتخطي مو"تهم ولاقادر ارتاح واختي مش عارف مكانها وحتي عارف هي عايشه ولا فيها اي سامحيني يامدام ورد مش قصدي اضغط عليكي بالاسلوب ده .
فاروق :اهدي ياأم فريده كده ومتقلقيش مفيش حد فيهم هيحصله حاجه طول السنين دي وعدتك انك مفيش شعره واحده تتلمس منهم واهم بقا شباب زي الورد وبفضل ربنا وتربيتك ليهم بقا أسامهم بيضرب بيها المثل ف كل مكان .
قامت ورد وقفت وماسه لسه حضنها:لو تاج أختك الله يرحمها موجوده هنا ومكاني كانت عملت نفس اللي عملته لأن دول أمانه ف رقبتنا ..اوعدني يادكتور أنك مهما حصل متحكيش لواحد فيهم حاجه عن اللي حصل اوعدني ارجوك .
زين :اوعدك أن مفيش حد فيهم هيعرف حاجه
اتنهد فاروق بارتياح:طب عن اذنكوا هطلع اجهز حاجتي ومش محتاج طبعا اقولكوا أن البيت بيتكوا.
طلع فاروق ع فوق وزين بيبصله بغموض وشك..
ف عربيه عيسي وتيام..
كان سايق وبيبص ف المرايا ع تاج وهي بتاكل
عيسي: معلش بس ياتاج ده السندوتش ال15اللي كلتي ويدوب احنا ف اول الطريق .
كلت تاج قطمه من السندوتش وبصت لعيسي:وهما 15سندوتش دول يعملوا حاجه عمتي ورد عاملنا 100بس فكرنا فراخ؟!!!
عيسي:يعني انتي بالنسبة ليكي دول قليلا ؟!!
تاج:جدااا كانت ع الأقل تعمل 300سندوتش انتو 100وانا الباقي بس مش مهم ف استرحات ع الطريق نبقا ننزل نشتري منها .
عيسى: مشاء الله ولايبان عليكي .
بص عيسي ع تيام لقي بيبص ع غزل وهي نايمه ع كتف تاج فااتكلم بهمس:عينك ياحبيبي عينك يابابا احترم نفسك هي قله الادب وراثه ف العيله ديي؟!
تيام:وانا عملت حاجه ؟!أنا بتأمل ف الجمال ده مش اكتر
عيسي:انت اتعديت من فهد ولااي ؟مالك يالا
تيام:مفيش بس عايزك تساعدني اكلم خالك زين وياريت يبقا كتب كتاب
عيسي:لما نرجع هكلمه و...
قطع كلام عيسي صوت رنه موبيله فضم حواجبه بستغراب
تيام:ف اي مين اللي بيكلمك دلوقتي ؟
عيسي:يونس الجندي
فيروز كانت باصه من شباك العربية بتركيز ..ولما عيسي قال اسم يونس تلقائي بصت لعيسي بتوتر .
عيسي:أهلا يادكتور يونس.. الموضوع لي علاقه باالشغل ؟تمام طب حاليا انا مسافر شرم يومين اول مانرجع أنا والعيله تقدر تشرفني ف القصر .
قفل عيسي الموبيل وفيروز بصاله بفضول فااتكلم عيسي بلوُم:ف حاجه يافيروز عيونك عايزه تقول حاجه ؟
فيروز بتوتر :ها ابدا قصدي يعني هو يونس ده عايز اي حاجه واضح انها مش حاجه تبع الشغل خالص علشان تستقبله ف القصر ؟!
عيسي بخبث:فعلا مش تبع الشغل لأنه عايز فاروق ورجاله العيله يعني وفهد نكون ف استقباله لما نرجع من الرحله ..متعرفيش لي يافيروز
فيروز:وانا هعرف منين يعني ياعيسي
بصلها عيسي بابتسامة كبيره وسكت بعد شويه قطع الصمت رنه موبايل عيسي .
تيام:مش هنخلص من موبيلك ده ماتقفله احنا ف رحله مش وقته شغل .
عيسي : ده رقم معرفش مين ؟
تيام:رد خلينا نخلص .
رد عيسي ع الفون:ايوه انا عيسي السيوفي ..حمزه مين ؟
انتبهت فريده ع الاسم وبصت لعيسي وهو بتوتر فأكمل عيسي كلامه .:اها حمزه الاسيوطي ؟
بص عيسي ف المرايا ع فريده شافها مركزه مع كلامه فاابتسم وهو بيتكلم:امم طب ياحمزه انا مسافر مع العيله دلوقتي اول ماارجع هكلمك اديك معاد تشرفني ف القصر .
قفل عيسي الموبيل وهو مبتسم اويي ..
تيام:مين حمزه اللي هيشرفنا ف القصر ده كمان
عيسى:شكلها هتبقا قنبله افراح الفتره الجايه وقصر السيوفي الفرحه هتزوره
تيام:قصدك يعني علشان هخطب غزل ؟
عيسي :مش انت بس اللي هتخطب ..ولا اي رايك يافريده
بصتله فريده بإحراج ورجعت تكمل لعب ف موبيلها وملامحها واضح عليها التوتر .
ف عربيه فهد وايوب .
اتنهد ايوب وهو بيبص ف مرايا العربيه ع موج:البحر ده غريب اوي الموجه ف رايحه جايه مش بتهدا الا حبك في قلبي ثابت مبيتغيرش ..
ابتسمت موج غصب عنها وحطت الكتاب ف وشها علشان محدش يشوفها...زغرطت اسيا :اخويا بيقول كلام جامد .
فهد باستمتاع لزغروطتها:طرب ياحته طرب زغروطك بترشق ف قلبي .
شالت فجر المنامه اللي ع عينها وبتزعق:مش هعرف انام ف اليله السوده دي بقا ماخلاص انت وهي بقاا لحظوا أني عندي جفاف عاطفي .
ايوب بسخرية:ده هيبقا نهار اسود اللي هيفكر يخدك
فجر:خدك ربنا ياحبيبي..أنا اللي هيتجوزني ده مش هيلقي زي ف الكون كله.
فهد:اها طبعا ع الأقل لازم يكون بيحبك أو انتي ماسكه عليه ذله علشان يتحملك .
فجر:مش هرد عليك عارف لي ؟علشان محدش بيعمل للعبيط ع كلام.
فرمل فهد العربيه مره واحده فا اتحدفوا كلهم قدام لف لورا وهو بيبص لفجر بغيظ .
فجر بصوت عالي:ف حد يفرمل باالشكل ده انت عبيط .
فهد:ورحمه ابويا هرميكي ع الصحراوي ف عتمت اليل دي لحد ماتلمي لسانك ده .
نزل عيسي وتيام بملل من عربيتهم:ف اي وقفته بالعربيه مره واحده كده لي؟
تيام بعصبية:من ستر ربنا أن عيسي عرف يتحكم في العربيه ولاكنا دخلنا فيكوا .
فهد:فجر عصبتني
فجر:انت هتجبها فيا ولااي انت اللي مبتعرفش تسوق كويس
عيسي:خلونا نخلص ف ام اليله دي لسه قدامنا طريق طويل .
رزع عيسي باب العربيه ع فهد ورجع عربيته وورا تيام ..
ف اسكندريه..
جميله كانت ماشيه جمب الحيط وبتبص لناس والمباني والشوارع..وبتكلم نفسها:اي يااخواتي الجمال ده اسكندريه طول عمرها جميله حتي بعد السنين دي كلها ..
شافت مطعم حلويات ف الجهه التانيه فاابتسمت بفرحه وهي بتعدي الشارع ودخلت المطعم :مسا الخير ..بقولك هاتلي التورته الحلوه دي وطبق بسبوبه بالقشطة ع الترابيزه اللي بتطل ع البحر دي .
الويتر:حاضر ياحجه اتفضلي ارتاحي .
جميله بصدمه:حجه ؟!!ده منظر حجه انت اعمي
الويتر :آسف يامدام اتفضلي .
جميله:مدام؟يابني انت شارب حته بمتين أنا اها كبيره بس لسه حلوه .
ابتسم الويتر ع خفه جميله :بعتذر مره تانيه اتفضلي يا انسه جوا وهقدملك طلب حضرتك.
دخلت جميله وهي بتضحك وحاسه بحريه زي زمان قعدت ع الترابيزه وهي بتبص ع البحر..بعد شويه جه الويتر وحط التورته قدامها وطبق بسبوسه بالقشطه.
الويتر :حضرتك منتظره حد اقدر استقبله ؟
جميله بستغراب:لا أنا لوحدي
الويتر بذهول:حضرتك هتاكلي كل ده لوحدك؟!!
جميله:الله واكبر اي ياعم هتحسدني ولااي
الويتر:ياانسه مش قصدي بس خايف عليكي علشان السكر انتي زي ولدتي
جميله:ولدتك؟!!منك لله يافاروق الكلب ضيعت زهره شبابي .
الويتر :بعتذر مره تالته ..بس خايف ع حضرتك مش اكتر
جميله :أنا شايفه المكان فاضي علشان احنا بليل اي رايك تقعد. تاكل معايا ؟
الويتر بتردد:المدير لو عرف اني قعدت مع حد من الزباين هيقطع عيشي .
جميله:لو حصل حاجه أنا بنفسي هدخل واقول أنا اللي طلبت منك تقعد معايا .. وبعدين انت بنفسك قولت اني زي ولدتك أنا بقالي سنين قاعده لوحدي وزهقت
بصلها الويتر بنظره حزن وقعد :خلاص متزعليش هقعد معاكي بس تأكلي حاجه بسيطه علشان الحلويات غلط عليكي .
جميله وهي بتقطع من التورته وبتحط ف الطبق قدامه:أنا باكل طول عمري كميه حلويات كتير لاني بحبها وعمري ماتعبت لاني بعرف احرق كويس يلا كلُ معايا بقا .
الويتر :ربنا يديلك طول العمر
جميله:قولي بقا اسمك اي ؟
الويتر:اسمي ادم
جميله:ماشي ياادم وانا جميله وتقولي جميله بس ع فكره انا خاله وعمتو لشباب قدك كده صحيح مشوفتهش من سنين طويله بس قريب اوي هشوفهم
ادم:وليه ماشوفتهمش كل ده كنتي مسافره؟
جميله بحزن:تقدر تقول اها سافريه خدت عمري كله .
ادم:ربنا يجمعك بيهم ع خير ..
جميله:ينفع اطلب منك طلب ؟
ادم:اكيد اتفضلي
جميله: عايزه مكان انام ف لحد الصبح بس وهدفعلك اللي انت عايزو بس بلاش يكون اوتيل لاني مش معايا بطاقه ولااي اثبات شخصيه وان شاء الله من الصبح بدري هنزل القاهره
ادم:اولا عيب .تكلمي ف فلوس وانتي بتطلبي اي حاجه مني انتي لسه قايله اني زي ولاد اخواتك .. بالنسبة للمكان كلي انتي بس ومتشغليش بالك بحاجة.
جميله بستغراب:طب مش هتسالني اوراقي فين ولا اي اللي مشيني ف وقت زي ده كده ازاي هتثق فيا وتساعدني؟
ادم: علشان واضح انك مش حابه تحكي مقدرش ادخل ف حاجه شخصيه ،وموضوع اني واثق فيكي فاعلشان واضح ع حضرتك انك بنت ناس
جميله: بس مش كل مهتقابل حد لابس كويس وبيتكلم بطريقه كويسه يبقا ابن ناس مينفعش تثق في حد من شكله ولبسه الغالي مايما ناس كتير لبسه بس قليلة الربايه .
ابتسم ادم ع كلامه:اكيد لا طبعا ف ناس تشوفيهم قلبك بيكون مش مرتحلهم ومتقدريش تثقي فيهم ،وف ناس تلقائي قلبك يتفتحلهم وترتاحي ليهم وانا بعرف افرق بين الاتنين بحكم اني اتعاملت مع ناس كتير ف شغلي
جميله:اممم انت خريج كليه اي ؟
ادم:كليه تربيه بس طبعا حضرتك عارفه وضع بلدنا مفيش حد بيشتغل بشهادته الصبح بشتغل توصيل دليفري يعني وبااليل ف مطعم الحلويات
جميله:اللي بيسعي بيلاقي ياادم وانت واضح عليك شاب مجتهد ..انت متجوز ؟
ادم:لا لسه ملقتش بنت الحلال عايش مع امي وابويا .
جميله:ربنا يخليهملك..أنا خلاص كلت .
ادم: تمام وانا هقفل الشيفت بتاعي واوصل حضرتك .
جميله:هنروح فين أنا مش عايزه حد يعرف بوجودي مهما كان مين ارجوك
ادم: متقلقيش ف عندنا ف البيت دور فاضي حضرتك هتنورينا في لحد ماترتيبي امورك .
جميله:بيتك؟!!!!
ادم:زي ماقولت لحضرتك امي موجوده متخفيش
جميله:وانا ياواد هخاف منك انت ياابن امبارح وانا ف سنك كده كنت معلمه ع نص دفعتي ف الجامعه واهلي كمان ومازالت ع فكره..جميله هي هي مبتتغيرش
ضحك ادم بصوت عالي علي كلامها وهزارها برغم أن واضح ع ملامحها الزعل .
مشي ادم علشان يقفل الشيفت بتاعه بس وقف لما جميله ندهت عليه: استني قولي الحساب بتاع الحلويات دي كام
ادم بضيق:عيب كده علي فكره اتفضلي اقعدي ومتشليش هم حساب اعتبري ادفع
جميله:انت هتبقشش عليا ياواد قولي الحساب كام ؟
ادم:ياريت ترتاحي لاني مش هخليكي تدفعي جنيه ده يما حضرتك بقا مش شايفني راجل ومصُره تصغريني .
جميله:لايابني انت راجل وسيد الرجال كمان ،ويسلم تربيه والدك ووالدتك ع التربيه دي بس برضو ده شغلك
ادم:اعتبريني انا اللي عزمك واهو كلت معاكي كمان اتفضلي اقعدي بقا لحد مااخلص .
قعدت جميله مكانها وهي بتكلم نفسها:الدنيا لسه بخير ..ربنا يحفظك انت وكل اللي زيك .
ف القاهره ..في عربيه فاروق .
فاروق بعصبية:اغبيه مبيردوش ع موبيلتهم لييييي
لف بالعربيه وطلع ع اسكندريه وهو متعصب وبيحاول يوصل لااي حد من الحراس ..بعد ساعتين كان وصل قدام الڤيلا واتصدم لما لقي البوابه الكبيره مفتوحه والحارس واقع ف الأرض من ع الكرسي بتاعه دق الخوف ف قلبه وهو بيجري ع جوا وشايف كل الحراس ف الأرض فتح باب الڤيلا وبيدور ع جميله ف كل مكان ..لقي ورقه ع السفره ومكتوبه بخط ايديها مسكها وايده بترتعش وبيقرا اللي فيها:"انت اللي بدأت اللعبه زمان وجه الوقت ان انا اللي انهيهاء واقولك جيم اوڤر يافاروق "
كرمش الورقه بين ايديها وهو بيزعق بصوته كله:ليييي ،ليييي ياجميله تعملييي كده بتبعدي عني ليييي والله ندمت علي كل اللي فات كان نفسي تسامحيني ياجميله...بس لا مش هسمح انك تضيعي من ايدي تاني حتي لو صلت اني اموتك واموت معاكي ...
عند جميله كانت ماشيه جمب ادم وهي بتبص حواليها بقلق .
ادم :أنا عايز حضرتك متقلقيش دلوقتي مفيش حد والشارع عندنا كلهم نايمين يعني اكيد محدش هيشوفك
جميله:طب احنا قدامنا كتير ونوصل؟
ادم:لا خلاص اخر الشارع ده عند الست اللي واقفه ف البلكونه دي .
شاور ادم باايده ع أمه اللي ديما بتقف تستنا لحد مايرجع من شغله وبعدين تنام ...
فتح ادم الباب ودخلت جميله بإحراج..جت أمه وهي بتبص لجميله بستغراب وبتبص لادم؟
ادم:دي جميله هانم ياامي هتقعد معانا بس لحد الصبح وبعدين هوصلها موقف القاهره علشان تمشي هي معندهاش مكان تبات ف اليله وقصدتني ف الخدمه دي
جميله:أنا اسفه لو كنت هتقفل عليكوا بس كلها الصبح وهمشي باذن الله
ام ادم بابتسامة هاديه:متقوليش كده ده انتي تنورينا وان مشلتكيش الأرض نشيلك احنا فوق دماغنا
جميله:تسلمي ربنا يخليكي والله ماعارفه اقولك اي .
ام ادم: ويخليكي ياحبيبتي روح ياادم غير هدومك ياحبيبي وصحي أبوك اكون انا حضرت العشاء ونتعشا سوا
جميله:لا والله ملوش لزوم أنا لسه واكله حلويات كتير اسألي ادم حتي
ادم:والله لو عملتي اي مينفعش حد يدخل بيتنا امي وتسيبه كده.
استسلمت جميله لطلب ام ادم واصرت عليها تساعدها ف تجهيز العشاء وادم دخل يحصي والده ويفهمه أنهم عندهم ضيفه ف البيت ..
طلع ابو ادم وهو بيعمل صوت علشان يعرف جميله أنه هيدخل ..
ام ادم:تعاله ياحاج اتفضل .
دخل ابو ادم وعيونه ف الأرض :منورنا ياهانم والله اعتبري البيت بيتك .
جميله كانت بتبصله من اول مادخل الاوضه وهي مبرقه عيونها بذهول ونبره صوته بتتكرر ف ودانه اتكلمت بصدمه:سعد ؟؟!!!!
