رواية يتيمة في قبضة صعيدي الفصل التاسع والعشرون 29 بقلم نرمين حمدى

ملك لازقه علي الحيط وعز وقف مكانه ثابت: لو مجتيش بالزوق، البتاعه الي انتي ساتره بيها نفسك دي هتتشال بإيدي

ملك قلبها كان بيرقص من التوتر بس كانت مستمتعه بلعبته: برضو مش جايه... وقررت انك هتنام علي الكنبه كمان

عز اخد بعض الخطوات ناحيتها حتي وصل اليها واصبحت امامه ببعض السنتمترات: كنبه أه

ملك: طب إية رأيك أجي... بس بشرط

عز بسخريه: بتساومي كمان؟... قولي شرطك

ملك: هتدفع كان تمن الحضن ده؟ 

عز اقترب منها أكثر، حبسها بين زراعيه هامسا: أجرب الاول وبعدين أشوف يساوي كام... مش يمكن أدفع عمري كله؟ 

ملك سكتت وأخدت نفس، مش هتتنازل عن معاقبته، تنظر له وهو يقترب حتي كادت المسافه بينهم ان تكون منعدمه، لتضع يدها علي صدره قبل ان يسحبها اليه: غيرت رأي... مفيش حضن، ولا لمسه ولا أي حاجه، وكمان هتنام علي الكنبه 

عز ضرب كف علي كف وهو يضحك: والله لتدفعي تمن لعبك دا غالي

ملك بثقه: كلمه كمان ياعز بيه وهطردك من الاوضه كلها

عز وهو يتجه ناحيه الكنبه: ماشي... انتي الخسرانه 

ملك بنبره انتصار وهي تمدد جسد*ها علي السرير: تصبح ع خير 

عز يجز علي سنانه: منك لله 

&&&&&&&&&&&&&&&

ماهر: عرفتي ليه مكنتش عايز نعمل التحاليل دي، عرفتي انك مش قد كلامك

رقيه: مكنتش فاكره ان الموضوع هيبقي صعب كدا

ماهر جذبها ليه: انتي مصعباه علي نفسك ليه؟.. المستحيل عند ربنا ممكن ياحبيبي

رقيه بنبره حزينه: ماهر انت لازم تتجوز، لازم يبقالك ابن من دمك

ماهر: إن شاء الله هيبقالي بس منك انتي

رقيه: ماهر عشان خاطري اتجوز 

ماهر: رقيه اقفلي الموضوع ده، انا مش لحد تاني غيرك

رقيه بدموع: بلاش تضيع عمرك ع الفاضي ياماهر انا عارفه كويس ان العلاج نسبته ضعيفه

ماهر سكتت للحظات ثم جذبها اكتر وقعدها علي رجله وهي مالت بدماغها علي صدره: انتي عارفه يعني اية اتجوز تاني؟ مستوعبه الموضوع؟ ببساطه كدا يعني هيبقي في وحده تاني من حقها تقعد القعده الي انتي قعداها دي ومش كدا وبس.. كل الي بيحصل معاكي هيحصل معاها، هاا هتوافقي علي وضع ذي دا؟؟ 

رقيه وهي في حضنه دموعها زادت اكتر وبقت بتعيط بصوت وماهر بقي بيمشي ايده علي شعرها بحنيه: أنا هنا جنبك، وذي معدينا الي فات هنعدي الازمه دي كمان، خليكي أقوي من كدا 

رقيه بتعيط وبس:.... 

ماهر سحبها برا حضنه ببطئ وحاوط وجهها بإيده: يلهوووووي عليه وهو بيعيط، قمر 14 

رقيه ضحكت في وسط عياطها: وقت هزار دا يعني

ماهر: مش هي دي الحقيقه ولا ايه... يلا روحي اغسلي وشك وتعالي ننام 

رقيه: حاضر

&&&&&&&&&&&&&

في شقه سليم ورضوي 

الوقت قرب علي نص الليل وسليم لسه مجاش ورضوي قاعده قلقانه هو هيعمل ايه؟ 

رضوي لنفسها: الصورة دي مع عز انا متأكده بس مين مين الي عمل كدا.. انا مبعتهاش لحد غير نسمه، ونسمه مستحيل تعمل كدا، ثم مسكت تليفونها بايديها المرتجفه تطلب نسمه

نسمه بنبره متصنعه: ألو ياحبيبتي

رضوي: نسمه انا في مصيبه

نسمه بابتسامه خبيثه: مصيبه ايه بس ياروحي

رضوي: في حد بعت لسليم صورتي مع عز بس هو مش عز هو راجل تاني انا معرفهوش وسليم عايز يطلقني

نسميه بفرحه داخليه: بصي يارضوي انا مش واثقه في سليم ده ممكن هو الي عامل الحركه دي عشان بس يطلقك ويشوهه صورتك قدام العيله كلها عشان ينتقم  

رضوي: لا يانسمه هو مستحيل يعمل كدا، عشان اصلا هو ميعرفش حاجه بخصوص الصوره دي انا مبعتهاش لحد غيرك... هو انتي حد مسك تليفونك ولا ايه

نسمه بذكاء: بصي بصراحه الراجل الي قولتلك اني مرتبطه بيه انا اكتشفت اصلا انه من رجاله سليم وهو مكانش قايلي، وهو الوحيد بصراحه الي كان بيمسك تليفوني

رضوي بصدمه: يعني ايه؟!!! 

نسمه: يعني متبقيش عبي*طه سليم مش سهل اطلقي قبل ميشوهه صورتك اكتر من كدا انتي تستاهلي كل خير يارضوي وسليم دا مش شبهك.. ثم سرحت بكلامها سليم دا عايز وحده ذ

كانت هتقول ذي بس سكتت... عايز وحده ذيه قادره 

رضوي وهي بتكلمها افتكرت الصوره: نسمه... تقريبا الصوره لسه في تليفوني انا ممسحتهاش... استني استني هدور عليها، خليكي معايا... لو ملقتهاش ابعتيهالي من عندك ضروري

نسمه بكذب: للاسف اتمسحت من عندي... وبعدين مالك بيها اوعي تفكري توريها لسليم

رضوي:ليه يعني

نسمه حست ان رضوي ممكن تثبت برائتها: بطلي عبط لو وريتيهالو هيقولك لسه محتفظه بيها ليه وهيعرف انك لسه بتحبي عز

رضوي بدموع في نفس اللحظه الي سليم دخل فيها الشقه من غير مهي تحس: بس يانسمه، انتو ليه مش عايزين تصدقوني والله انا نسيت عز ربنا يكرمه مع مراته، انا مش عارفه هفضل اتعاقب علي ذنبي دا لحد امتي...حاسه نفسي لوحدي كلهم مع بعض وانا لوحدي

سليم كان واقف سامع كل كلمه قالتها وقلبه وجعه علي نبره صوتها كلمه "نسيت عز" دخلت قلبه مش أذنه

لتكمل رضوي بنفس النبره: بس تعرفي سليم عنده حق ميبصش في وشي حتي، مين يستحمل يشوف مراته وهي في وضع ذي دا بإرادتها ويعدي الموضوع عادي... يانسمه انا شوفت حنيته في وقت لازم يكون اقسي حد عليا مستحملش جرح صغير في ايدي، بالرغم ان جرحه اكبر مني بكتير وفي وسط كلامها لقت الصوره الحقيقيه، لترم الابتسامه علي ملامحها: نسمههههه انا لقيت الصورة 

وسليم مقدرش يستحمل يسمع اكتر من كدا فتح الباب ببطئ وقفله وكأنه لسه داخل

لتنظر رضوي خلفها وتقفل مع نسمه الي كانت هتموت من غيظها عشان رضوي لقت الصورة ولو سليم صدقها هتشوف منه سواد 

رضوي بتجري علي سليم الي واقف متجمد كلامها لسه مأثر فيه وبصوت متقطع وسط عياطها ويدين ترتجفان: سليم... سليم، الصوره الحقيقيه اهر شوف بعينك دي نفس اوضه عز.. شوف الصورتين واتأكد بنفسك مفيش فرق مبينهم 

سليم بص علي تليفونها الي كانت رفعاه قدام عنيه ثم نظر الي عينيها الممتلئه بالدموع أخد تليفونها وهو لسه باصصلها وحطه علي الترابيزه الي جنبه ورضوي متابعه حركاته وبتظن انه مش مهتم انها تثبت برائتها، الدموع نزلت من عنيها 

رضوي بدموع وبنبره ضعيفه: والله انا مظلومه ياسليم صدقني والنبي

ليقاطعها وهو يمسح دموعها: أنا عارف انك مظلومه، واتأكدت بنفسي ان الصورة متفبركه

رضوي قلبها نط من الفرحه حست ان الدنيا مش سايعاها من الفرحه، دموع الحزن اتحولت لفرحه كبيره: مين الي بعتلك الصورة ياسليم، مين الي حاول يأذينا بالطريقه دي

سليم سكتت للحظه ولنفسه: اقولك ازاي ان الي كنتي بتكلميها من شويه وبتشكيلها همك هي الي عملت فيكي كدا ثم قال: هو انا لو قولتلك متكلميش صحبتك نسمه دي تاني هتسمعي الكلام ولا هتتعبيني؟ 

رضوي باستغراب: ليه دي صحبتي الوحيده؟ 

سليم: عشان مش دايما الي بيظهروا انهم بيحبونا.. يبقي بيحبونا بحد

رضوي باستغراب اكتر: هي نسمه ليها علاقه بالي حصل؟ 

سليم: نسمه هي سبب الي حصل... هي الي بعتتلي الصورة دي 

رضوي بصدمه مبقتش عارفه تسند طولها وسليم سندها وقعدوا علي الانتريه: انت بتقول اية ياسليم؟!! نسمه!!! مستحيل لا لا لا 

سليم: نسمه مش بس عايزه تشوهه سمعتك دي عايزه تاخد مكانك 

رضوي سكتت من صدمتها ودموعها بتنزل: انا مبقتش فاهمه حاجه، وهي ليه تعمل فيا كدا.. انا عمري مأذيتها

سليم: انا كنت مسجلها خدي اسمعي 

رضوي بصتله بعنيها الي مليانه دموع: فاكرني مش هصدقك ياسليم؟ 

سليم بعد نظره عنها: مش كدا بس اكيد صعب انك تصدقي علي اقرب حد ليكي حاجه ذي كدا

رضوي قامت وكانت هتمشي بس سليم مسكها وسحبها لحضنه وهو بيمشي ايده علي شعرها وهي ردتله الحضن وهي بتعيط بصوت عالي وسليم فضل ثابت هو عارف كويس انها محتاجاه في الوقت ده صوتها وهي بتقول"انا حاسه اني لوحدي"قطع قلبه 

&&&&&&&&&&&&

بعد نص الليل في تمام الساعه 2:30

ملك بتتقلب علي السرير ومش عارفه تنام، بتبص علي عز وهي ندمانه انها خلته ينام علي الكنبه، ابتسمت وهي بتبصله ومركزه علي ملامحه ثم قالت لنفسها: بايلني عاقبت نفسي بالغلط لما بعدتك عني

ثم قامت واتجهتت ناحيه قدة قدامه مسحت بأصابعها الناعمه علي شعره ثم قالت بصوت ناعم طفولي: عز؟! 

عز فتح عينه ببطئ: اية؟ هتطرديني برا الاوضه؟ 

ملك ابتسمت وترددت: لا... بس مش عارفه أنام

عز ببرود مصطنع: فاكره هيجيلك نوم وانتي عامله فيا كدا؟ 

ملك بخجل وبصوت خافت: كنت فاكره هينفع... بس شكلي عاقبت نفسي 

عز رفع حاجبه وهو بيقول بسخريه هاديه: أقوم اهزلك السرير طيب.. عشان تعرفي تنامي؟ 

ملك بخجل اكتر: لا بس كنت فاكره انك ممكن... يعني

عز وهو بيحاول يخليها تعترف: اني ايه؟ انا خلاص عجبتني النومه علي الكنبه

ملك: طيب لو قولتلك اني ندمانه... واني مش عارفه انام من غيرك

عز بصلها للحظه من غير ميتكلم.. سابها تتحايل شويه ثم قال بهدوء وهو يفتح زراعه ويبعد الغطا قليلا: تعالي

ملك مفكرتش طلعت علي الكنبه، راسها علي صدره، وهو لف دراعه عليها، وسحب الغطا عليهم

عز: تمام كدا؟! 

ملك: تمام أووووي

عز بوعيد: الجنان دا كله هطلعه علي جتتك استني عليا بس

ملك ضحكت ودفنت راسها في رقبته

شكرا لزيارتكم عالم روايات سكيرهوم