رواية كوميديا سوداء الفصل الثلاثون 30 بقلم ليل ادم

    

رواية كوميديا سوداء الفصل الثلاثون بقلم ليل ادم


 

احمد : ( خرجت من غرفه المريض بقيت ادور على مكتب مريم عايز اعرف اوصل ل ملف امل منين  مش هعرف اوصل لأي حاجه إلا عن طريق مريم فضلت ماشي أسأل عن مكان مكتبها لحد ما وصلت لي ) 

مريم : اتفضل 

احمد : معلش يا مريم ممكن اخد من وقتك دقيقه بس

مريم : طبعاً اتفضل 

احمد : عايز ملف امل ممكن 

مريم: طبعاً ممكن هو معايا هنا لحظه واحده 

احمد : براحتك 

مريم: اتفضل 

احمد : ( فتحت ملف امل علامات استفهام كتير جدا نفس حاله جميله بنت الدكتور خالد بالظبط معقول التشابه ده حتا حجم تضخم عضله القلب نفس المقاس نفس حجم توسيع الاؤذي في حاجه غلط ) 

احمد : معلش يا مريم الفحوصات دي طلعت امتا 

مريم : بالظبط الساعه واحده وربع 

احمد : يعني النهارده 

مريم : بالظبط 

احمد : اي ده دي طلعت مع فحوصات جميله 

مريم : اه افتكرت أنا استلمت الاتنين مع بعض 

احمد : بعد اذنك يا مريم هاتي ملف جميله كده من عندك 

مريم : حاضر لحظه واحده 

احمد : معلش تعبتك معايا 

مريم : ولا اي تعب أنا اهم حاجه عندي البنت ترجع كويسه صعبانه عليا اوي والله يا احمد أنا مبسوطه اوي انك معانا وقبلت تدخل عمليه امل اتفضل ملف جميله 

احمد : تسلم ايدك ( وحط الملفات جمب بعض) غريبه اوي 

مريم: اي الغريب 

احمد : امسكي دي فحوصات امل شوفي كده 

مريم : وريني ( وبدأت تتمعن النظر في حاله امل ) حاله القلب صعبه اوي 

احمد : مش دي النقطه 

مريم : طب في اي 

احمد : هاتي قلم 

مريم : اتفضل 

احمد : ( شطب على اسم امل و اسم جميله من على الملف ) خودي طلعي كده فحوصات امل 

مريم : وريني ( وخدت الملفات وتفاجات بنفس الحاله ونفس التشخيص) طب دي حاجه كويسه جدا جدا 

احمد : هو اي ده اللي حاجه كويسه 

مريم : انت لسه خارج من نفس العملية يعني الدنيا بقيت اسهل بالنسبه ليك

احمد : شوف أنا بتكلم في اي وهيا بتتكلم في اي 

مريم : مالك طيب يا احمد منا مش فاهمه 

احمد : دا نفس عدد اثقاب القلب معقول التشابه ده كله 

مريم : مش غريبه يعني يا احمد ما انت ممكن تدخل في يوم واحد تعمل مليون عمليه زايده 

احمد : بس مش بيكونوا بنفس درجه الالتهاب ولا بنفس الضرر ولا بنفس الحجم بعد اذنك 

مريم : اتفضل 

احمد : ( مش عارف بس أنا حاسس ان في حاجه غلط معقول تكون والفحوصات تكررت علشان الأب يقتنع أن مفيش قصاده حل غير أنه يتبرع ب الكلي ) 

ندا : احمد اي مالك ماشي تكلم نفسك ليه 

احمد : مفيش بقولك يا ندا هو هنا في المستشفى في مكان خاص ل زراعه الاعضاء كلي كبد قرانيه كده يعني 

ندا : اشمعنا 

احمد : محتاج استفيد من وجودي هنا لان عندنا في المستشفى الموضوع ده كل فين وفين لما بيحصل ناقصني في خبره كتير وأبحاث كتير

ندا : الدور الرابع مخصص للعمليات دي تقدر تعمل الأبحاث اللي نفسك فيها

احمد : تمام بعد اذنك ( طلعت الدور اللي قالت عليه ندا كل حاجه طبيعية مفيش حاجه ممكن تسيب مجال للشك بس لحظت غرفه عليها فرد امن مش بيتحرك تقريباً الغرفه دي فيها أعضاء المتبرعين بقيت محتاج ادخل الغرفه دي بأي شكل بمجرد ما اقتربت من الغرفه وكنت مجهز ردي على سؤال فرد الأمن طبيعي هيقولي انت مين و رايح فين بس الأغرب أن فرد الأمن ولا كأنه شايفني دخلت الغرفه كانت كبيره جدا مصممه لحفظ الاعضاء يعني زاي ما كنت متخيل أنها غرفه مصممه لحفظ الاعضاء الاوضه فيها ممر صغير جدا مكتوب عليه الي المشرحه استغربت جدا المشرحه في الدور الرابع المفروض تحت الأرض علشان التغسيل و اهل المرحوم بتكون كتير يعني معقول ينزل الميت من هنا قصاد الجميع دي مصيبه أنا لو عندي دور برد ولقيت المريض نازل جثه هامدة هخاف وهمشي في حاجه غلط برضوه قررت ادخل الطرقه دي مفيش اضاءه فتحت كشاف الفون وبقيت ماشي على نوره ) 

في جانب آخر 

الدكتور سعد : الو 

فرد الأمن: دكتور سعد اي خدمه 

الدكتور سعد: في دكتور طالع عندك ياخد حاجه لمريض عندي هنا 

فرد الأمن: اه يا فندم دخل من ساعه ما قفلت معايا المره اللي فاتت 

الدكتور سعد : دخل اي هو لحق أنا لسه مطلعه حالا 

فرد الأمن: لا والله بقاله جوه اكتر من عشر دقائق 

الدكتور سعد: عشر دقائق اي ادخل شوف مين جوه يا بني ادم بسرعه 

فرد الأمن: ينهار اسود هو اللي جوه ده مش تبعك 

سعد : لا طبعا روح شوف مين انت لسه بتسأل 

في جانب آخر 

احمد : ( سامع اصوت جايه من جوه ناس تقريباً في ناس جوه يا ده صوت من ورا الحيطه اخر الممر اللي أنا في يعني الصوت ده ممكن يكون جاي من داخل المستشفى بعد اخر الممر لقيت باب مقفول بقفل وفي ناس بتتحرك ورا الباب شكل الجزء التاني اللي ورا الباب بيقول إنه مش تبع المستشفى بعدين الناس اللي وقفه كلها شكلها حالتها الماديه صعبه جدا وفجأة سمعت صوت فرد الأمن بيقولي انت مين التليفون وقع من أيدي من الخضه ) 

احمد : اي ياعم وقعت قلبي 

الامن : انت تبع مين 

احمد : أنا تبع الدكتور جيمس بيكر مالك في اي 

الامن : معنديش علم بوجودك اتفضل بره 

احمد : ( كان لازم اتظاهر اني مش عارف حاجه) أنا هنزل اشتكيك ل الدكتور جيمس بيكر بنفسه هعرفك شغلك كويس 

الامن: اتفضل روح اشتكي لاي حد بس بعد اذنك امشي قدامي 

احمد : ( كنت عايز فعلاً أخرج بسرعه من هنا اول ما خرجت نزلت ل والد امل ) 

الأب: اي يا دكتور احمد أتأخرت كده ليه 

احمد: سيبك مني عايز افهم منك حاجه انت داخل تعمل العمليه كده من غير فحوصات ولا كشف ولا اي حاجه 

الأب: لا عملت كل ده 

احمد : فين 

الأب: في مبني جمب المستشفى هنا ع طول حتا بعد الفحص دخلت من المبني ده على الغرفه دي من بره بره في باب من هناك يدخل على هنا 

احمد : أوصفلي كده المكان ده كان شكله اي 

الأب : تحت امرك 

احمد : ( الراجل وصف المكان اللي شوفته بالظبط تأكدت أن في مصيبه كبيره بتحصل في المستشفى هنا مصيبه اكبر مما كنت متوقع علشان كده المستشفى بتدفع كل الفلوس دي الرواتب هنا عاليه بطريقة مبالغ فيها ومصروفات المستشفى غير طبيعية) 

وفجأة باب الغرفه خبط 

احمد : ادخل 

ندا: احمد دكتور جيمس بيكر طالب يشوفك 

احمد : تمام جاي حالا بس لحظه أسبقي وأنا جاي 

ندا : حاضر بعد اذنك 

احمد : انت مينفعش تعمل العمليه دي أنا مش عارف حاله بنتك بالظبط بس الموضوع في حاجه مش كويسه بتحصل حاسس انك متغفل وكبش فداء 

الأب : وبعدين اعمل اي أنا اخاف اقول لأ يسيبوا البنت 

احمد : اسمع أنا مش شغال هنا أنا شغال في مستشفى عام وهناك احنا بنعمل اي عمليه اهم حاجه الوقتي أنا عايزك تمشي من هنا وتروح مستشفى الاسكندريه العام تسأل عن الدكتور علي وتطلب منه يكلمني ضروري 

الأب: وعمليه بنتي 

احمد : ياعم والله ما هسيبك بس نطلع من هنا أصلا ( وقام طلع ابره من جيبه وضربها في كيس المحلول) 

الأب: بتعمل اي 

احمد : الابره دي هتعملك شويه خلل في وظائف الكلى مش هينفع تدخل عمليه قبل انتظام الوظائف من تاني يعني كده أنا متأكد انك مستحيل تدخل العمليات على الأقل لحد بكره 

الأب: طب هما هيعرفوا منين

احمد : ما انت مينفعش تدخل العمليه قبل ما تعمل فحوصات وظائف كلي اروح أنا أشوف الدكتور جيمس بوند ده عايزني في اي وانت خلي بالك من نفسك

الأب: حاضر 

احمد :(أول ما خرجت قابلت الدكتور خالد) 

الدكتور خالد: احمد الحمد لله جميله فاقت 

احمد: الحمد لله بقولك اي عايزين نخلع من هنا 

الدكتور خالد: وبنتي 

احمد : كلم ريهام تبعت عربيه المستشفى تعمل اي حوار مع جيمس بيكر في التليفون المهم الليل ميدخلش علينا هنا 

الدكتور خالد: ما تتكلم في اي يا احمد 

احمد : الناس دي حراميه أعضاء 

الدكتور خالد: ينهار اسود وعرفت منين 

احمد : مفيش وقت الوقتي بس أنا عايز اقولك أن تقريباً كده عرفوا اني عرفت 

الدكتور خالد: وانت رايح فين كده 

احمد : الدكتور جيمس طالبني حالا

الدكتور خالد: طب تعالي نروح مع بعض 

احمد : مش هينفع 

الدكتور خالد: بقولك ياله منا مش هسيبك يخدوك أنا هكلم ريهام واحنا ماشين أفهمها كل حاجه ياله 

احمد : ياله 

بعد وصول احمد وخالد الي مكتب الدكتور جيمس بيكر 

المترجم : الدكتور جيمس بيسأل اي رايك في المستشفى يا دكتور احمد 

احمد : حاجه تفرح القلب انا من بعد اللي شوفته بفكر انقل ورقي كله عندكم

المترجم: الدكتور جيمس بيقولك يبقا نمضي العقود حالا 

احمد: لا ما أنا لازم ارجع ل استاذه ريهام اطلب منها تسمح لي اكون جزء من عائلة المستشفى البريطانية 

المترجم الدكتور جيمس بيقولك عرفت انك طلبت ملف امل 

احمد : اه و للصدفه اكتشفت أن نفس حاله جميله هيا هيا حاله امل و ده مصلحة كبيره جدا لينا 

المترجم: بالظبط خصوصاً انك لسه طالع من نفس العملية 

الدكتور جيمس: ( تليفونه رن أمر المترجم يرد ) 

المترجم: الو 

ريهام: مساء الخير أنا مديره مستشفى الاسكندريه العام 

المترجم: تحت امر حضرتك 

ريهام: كنت حابه اشكر الدكتور جيمس بيكر على مجهوده العظيم في حاله الطفله جميله وكمان كنت عايزه اطلب منه رجوع البعثه والحاله مع عربيه الإسعاف الخاصه بينا لأن في مؤتمر صحفي هينعقد كمان ساعه من دلوقتي 

المترجم: الدكتور جيمس بيطلب من حضرتك معرفه أبرز نقاط المؤتمر 

ريهام: طبعاً لازم نتكلم عن مساعده المستشفى البريطانية معانا في حاله جميله دون دفع أي مصاريف 

المترجم: تمام تمام الدكتور جيمس طالب منك الدكتور أحمد لمده خمس ايام فقط 

ريهام: طبعاً مفيش مانع بس بعد المؤتمر معلش لأن اكيد الدكتور أحمد هيكون هو المتحدث الرسمي 

المترجم: عظيم جدا الدكتور جيمس موفق على طلبك بس منتظر الدكتور أحمد بكره على مكتبه علشان يعلن انضمامه معانا لمده خمس ايام 

ريهام: مفيش مانع بعد اذنك 

المترجم: أتفضلي 

احمد : خلاص تمام بكره أكون عند حضرتك 

المترجم: تمام مع السلامه 

احمد : الحمد لله جت سليمه 

الدكتور خالد: ريهام رسمت القصه صح جدا 

احمد : جهز بنتك عبال ما اجي 

الدكتور خالد: رايح فين 

احمد : أنا لازم امشي حالا انت خلاص خد جميله ونتقابل في المستشفى عندنا 

الدكتور خالد: طب أول ما تطلع من هنا رن عليا طمني عليك 

احمد : تمام ماشي ( ورجع احمد غرفه امل ) 

احمد : تعالي معايا يا امل 

امل : حاضر بس نروح فين 

احمد : قومي بس وهقولك ( وخد امل ع غرفه الأب)

الأب: ها عملت اي 

احمد : لبس بنتك وانت البس همضي ليك على خروج وجاي عايزك على باب المستشفى تحت في عشر دقائق وخد الشنطه بتاعتي معاك 

الأب: حاضر 

احمد : ( خدت ملف الأب وروحت على مكتب الخروج وخدت الامضاء على خروج الأب و امل ورجعت على باب الخروج قدمت الطلب وخدت الموافقه وخدتهم وخرجت )

الأب: أنا مش حاسس بجسمي ودايخ اوي 

احمد : ( عرفت أن الحقنه اللي أديتها للراجل في المحلول بدأت تلعب على وظائف الكلي وفجأة لقيت الراجل وقع في نص الشارع بعد ما خرجنا من المستشفى 
تعليقات



×
insticator.com, 6ed3a427-c6ec-49ed-82fe-d1fadce79a7b, DIRECT, b3511ffcafb23a32 sharethrough.com, Q9IzHdvp, DIRECT, d53b998a7bd4ecd2 pubmatic.com, 95054, DIRECT, 5d62403b186f2ace rubiconproject.com, 17062, RESELLER, 0bfd66d529a55807 risecodes.com, 6124caed9c7adb0001c028d8, DIRECT openx.com, 558230700, RESELLER, 6a698e2ec38604c6 pmc.com, 1242710, DIRECT, 8dd52f825890bb44 rubiconproject.com, 10278, RESELLER, 0bfd66d529a55807 video.unrulymedia.com, 136898039, RESELLER lijit.com, 257618, RESELLER, fafdf38b16bf6b2b appnexus.com, 3695, RESELLER, f5ab79cb980f11d1