رواية يوميات هجران الفصل الثاني بقلم شروق الشمس
من بعد كل هاي لسنوات لمرت علينة كلش مرتاحة وية علي احتواني وصارلي الاب والاخ وكلشي الية الله عوضني بي الله عرضني منة باطفال اثنين الي همة زنوبة وحسوني طبعاً ميعرفون علوش اخوهم بس مني عبالهم من ابوهم هم لحد هاي لحضة كل هاي لسنوات لمرة علينة ماكو شي جديد كلة روتين عادي مثل كل بيت عراقي بس هاي لسنة احس علوش اهواي تغير بس ميحجيلي من دخل للمتوسطة وهوه اتغير كلت لازم اكول لعلي
شبيج هجراني ليش شارد بالج
علي
روحة لعلي
ابتسمت متبطل انت هاي سوالفك جهالنة كبرو
لو اصير شايب هم ماابطل منج كولي حبيبتي شنو شاغل بالج
علوش
شبي
متحسة متغير صارلة فترة ودومة بس بغرفتة حابس نفسة
شي طبيعي لان بدة يكبر ويوعة لنفسة لا تنسين هسة هوة بده يتغير واناقل مرحلة جديدة وكلهة اكبار وياه
لا علي اني احس غير شي صايرلة
لا تهمين اني هسة اشوفة
عافني وراح لغرفة علوش
علي.... منو
سيد علي.... اني بابة
تفضل يابة
زاد فضلك ابني شلونك شلونهة دراستك
تقدمت علية بست ايدة وراسة الحمدلله بخير يابة
يعني انشاللة هاي لسنة إعفاء كم درس
انشاللة إعفاء عام يابة
ياللة ياللة انشاللة حبيبي واذا طلعت إعفاء عام شنو بنفسك اجيبة الك
اشكرك يابة ممقصر بشي انت
علوش بوية اعذري لحد هسة اناديك علوش بي لساني متعود علية
معذور يابة احب اسمي بلسانك
بارك الله بيك ابني اي حبيبي بيك شي صايرلك شي
تنهدت وكلت لا يابة مابية شي بس مااخلي عيني بعينة لان راح يعرفني اجذب
ارفع راسك ابني كلي شبيك ليش هيج وضعك مو عاجبني صارلك فترة بس بغرفتك حابس نفسك شنو صاير احد محاجيك احد مأذيك صايلك شي بالمدرسة احجي ابني اني بظهرك بالصح ولغلط
لا يضل بالك علية يابة بس مابية شي صدكني
ابني اني صديقك احجيلي شنو بيك لا بعدين تتندم على لغلط وترجع تعيدة
فركت وجعي بقوة وهاي جانت اول مشكلة الية بس استحي احجيهة اله لان هوه مخلي كل ثقتة بية شلون اخونة
اممممم اسمعك ابني احجي
متزعل مني يابة
اني هسة مو ابوك هسة كاعد وياك صديقك لمقرب احجي لتريدة بدون خوف حتى لو غلط لمسوي راح انصحك بالصداقة واذا شي جبير راح انصحك بالابوة يلة حبيبي احجي اسمعك
بجيت قبل لا احجي لان احس بتأنيب لضمير كلش من لسويتة
اسف يابة اني غلطت واصدقاء لسوؤ جروني وياهم
سيد علي.... خفت من هيج حجة لا مسوي شي لا يغفر بس اتشجعت وخفيت عصبيتي علية كمل ابني شنو سويت وهيج ضميرك مأنبك
احجيلك من الاول يابة
اي اسمع
.... مرحبا.... اني علي الاصغر علي سيد جدي رسول الله هيج فتحت عيني للدنية مااتذكر شي من صغير بس فتحت عيني عندي اب يسوة لدنية ولبيهة وامي هاي جنتي بالدنية عمتي نرجس وبيبي ام علي وبيبي ام ياسين شي ثاني هذولي احب لناس لقلبي زهرة صديقتي لمقربة وروحي من لدنية ياسين اخوية وصديقي صح اني اكبر منة بس احنة مابيناتنة فرق من صغري فتحت عيني على فطومة بنت عمتي نرجس جانت دوم متمسكة بية جان اكو شي جواية الهة بس مااعرف شنو هوه صح احب اختي زنوبة بس مو نفس شعوري بتجاه فاطمة اكثر من مرة حجيت لزهرة كالتلي لا تحجي لاحد خلي بداخلك لان بعدك صغير لا تعلق شخص من هسة بيك باجر وراك جامعة وهناك اشكال لبنات بديت اخذ بكلامة وبديت اشوية شوية احس بهذا لشي لبداخلي شي عادي تعودت علية يأذيني بس ماعرف شنو هوه من دخلت للمتوسطة شي جديد وحياة جديدة علية لان بية من الاول لحد سادس يعني متكدر تمارس طفولتك بهيج اجوء غصب عنك تكبر لان اهواي طلاب اتشوف وعلى كلشي يقلدون عليك اني من يومي كبرت قبل لا ادخل للمتوسطة بسبب نصايح ابوية وطلعاتي وياه احبة كلش اهواي
علوششش. بابة وين صفنت
ها يابة
اسمعك ابني احجي
فركت وجهي بعصبية وحجيت راح اتقبل منك يابة كلشي اتسوي بية لان اعرف اني غلطان حتى اذا مديت ايدك علية
تنكسر ايدي وماامدهة عليكم ابني بس شلعت كلبي احجي
يابة والله اصدقاء لسوؤ جروني وياهم والة اني مو بالي ابد هيج اسوالف
الي هنة
احم بيوم جنت كاعد اراجع ادروسي لوحدي اجاني واحد من صف رابع اعدادي وبدة يحجي وياية شفت مابيهة شي ولد زين صارلي اول صديق الية من سألني ياصف كتلة اول كال ممبين عليك اول عبالي بالرابع لان انت ضخم بقينة كاعدين ونحجي بعد فترة بقة يعرفني على اصدقائة كونت وياهم صدلقة شفتهة حلوة بيوم كلهم ملتمين ورة لساحة جان عدنة شاغل وطلعت يمهم وكفت جان كلهم بلعت ريكي وباوعت الابوية الي كاعد على اعصابة ومركز وياية بكل كلمة احجيهة
سيد علي.... هزيت راسي امممم كمل
كلهم طلعو بواكيت جكاير وضلو يدخنون قدمولي جكارة اعتذرت منهم مااخذتهة كلت ماادخن ضلو يضحكون علية ويسموني لزعطوط ضجت بوكتهة كلش اهواي عفتهم ورجعت لصفي بس همة ماعافوني ضلو وراية وراية
ثاني يوم هم التمو ودزو علية كتلهم مااجي المهم قنعوني ورحت وياهم هم قدمولي جكارة بس هل مرة مااعتذرت منهم ماردتهم يضحكون علية اخذتهة و
سيد علي.... بسرعة شلت عيني علية بصدمة
لا تباوعلي هيج يابة مادخنتهة بس مجرد اخذتهة وخليتهة بيدي جان واحد بيهم ضحك كال اليوم اخذتهة باجر نعلمك عليهة بقو يحجون عفتهم ورجعت لصفي ذبيت لجكارة بالحاوية بقيت هيج وياهم اسبوع اجتيي النة مطبقة جديدة وصغيرة بالعمر بس كلش حلوة صارت حديثهم كل ما التمو وحجو عليهة وعلى...
على شنو ابني
على تفاصيل جسمهة يابة بالاول عارضتهم وماقبلت ضلو يصنفون علية وسيد وفلان وهيج شي اهواي ضلو يجرحوني بكلامهم ويضحكون علية وبيوم اجوي قدمولي عصير للصلح جنت احب لمتهم بس من يحجون بسوالف مو زينة اكرهم شربت لعصير واحس انسطرت منة
بيوم جابوك للبيت شايلينك كتلك شبيك ماحجيتلي
ماجنت اعرف يابة
امممم كمل
ثاني يوم اجوي علية ورحنة لنفس لمكان جان يسوفوني صوري و
كمل
واني مصلخ يابة و
احد طاخك بوووووية
اهنا بجيت يابة والله اني معلية بس همة والله همة
كمل بوية لا تجلطني
يابة جانو يسوي وياية اشياء مااعرفهة شنو هي بالفيديو اول مرة اشوفهة وبعدهة كامو يجبروني ادخن وياهم بجيت من كل كلبي
سيد علي..... طبعاً ماتعرف انت شنو مكانتك بكلبي فتحتلة حضني وضمية لصدري واني امسح على راسة كمل بوية شنو صار بعد كل هذا ضامة علية
خفت والله يابة خفت منك اخاف تكرهني وبعد متحبني
لا هذا مو عذر جان من الاول لازم تكلي كمل
اي كامو يجبروني اكعد وياهم ويحجون بتفاصيل لمعلمات هاي هيج فلان شي بيهة حلو وهذيج فلان شي حلو بيهة واحد يكول اخ لو بس تجي يمي ساعة اله اكطعهة وهيج اسوي بيهة اهواي كامو يحجون بااشياء مو زينة
مثل شنو
يابة يحجون واحد للثاني شنو يسوون بالحمام لو من يطلعون بيت اصدقائهم شنو يسوون ويتخايلونهن بنات ضلون واحد يباوع على عورة لثاني شلون بدت تستجيب للكلام وتبين اني مااعرف شنو صار بية واحس صار مثل ماشفت بالفيديو بية سحبوني للحمامات وجان واحد ينزع لثاني وثنين لازميني يكلولي تعلم وشوف يفيدك جنت اغمض منهم مااباوع عليهم بس همة يجبروني اباوع عليهم
شفت شنو سوو
بجيت اي بابة شفت
لسوو مثل ماسوو وياك بالفيديو لشفتة
لا يابة اني بس نزعوني ملابسي وجانو يكعدون على رجلية بس ماعرفت شنو يسوون وليش يكعدون اهنا واني ليش جنت مااحس بيهم بس ماسوولي مثل مايسوون بنفسهم
يابة من وراهم كمت اتخايل حجيهم واشوفة بنات لناس كمت اتخيل فاطمة هيج اسوي وياهة لان همة يكولون هاي لازم اتسويهة وية لبنات لتحبهم
سيد علي.... كوة لازم اعصابي منعندة وماافلش اسنونة بس ابني مو غلطان ولا يعرف هاي لسوالف لذالك ماصيحت علية. واحتويتة لان جاي يعترف بغلطة واعرفة صارلة فترة شلون حابس نفسة بالغرفة
كمل ابني بدون بجي
اي بابة من هيج كمت اتخيل فاطمة بليل اضل ابجي
ليش
ايصير عندي وجع بكلبي واحس نار تشتعل بية اله مااعرف شنو يطلع مني ابيض ياللة كلبي يرتاح بس اتندم بعدين وبسبب هذا لشي كمت ابتعد من فاطمة ومااتقرب عليهة خفت تتأذة مني لو اسويلهة شي واني مااعرف شنو يصير بية امي دوم تسألني شبيك بس استحي احجيلهة شنو بية بابة بعد بطلت منهم ماالتقي بيهم شكد هددوني بالفديو مالتي كتلهم سوو لتردونة مااخاف منكم اني رجال ماعلية شي بس اخاف على عرض لناس يتأذة بسببي لان عرفت الاسري غلط بس والله بعد ماكمت افكر بيهم وصالي يومين من اكعد من لنوم ملابسي لداخلية مبللات بس مو ادراد لا يابة واخاف من مامة لا عبالهة بية شي اني اغسلهن بيدي واشرهن بابة فهمني شنو هذا والله تعبت احس اكبر من عمري ليصير
سيد علي.... بس هذا لصار وياك ابني بعد ماضام علية شي
وغلاتك عندي بابة ماكو شي بعد
شوف ابني هسة انت كبرت بعد وبديت بمرحلة مراهقة وكل هذا لصار وياك طبيعي بس انت من وكت كلش بلغت وصرت رجال و....... وبديت علمة شلون لازم يسبح وشنو لازم يسوي وشنو لممنوع ولحلال ولحرام بس اني استغربت من بلوغة بهذا لعمر لازم اخذة للطبيب طبعاً على حق ابني ماسكتت واخذتة من عيونهم مربعة بالقانون ولعشاير ونقلت ابني لغير اعدادية بس جنت احاول اخليهة متوسطة احسن الحمدلله
هسة كلش مرتاح من انتقلت لمدرسة ثانية بس متوسطة واكو اهواي من عمري صح اكو لموزينين بس تحذرت منهم وابد ماكونت صداقات غير من عمري ابوية اهذ حقي وزايد اليوم جنة عند لطبيب وطمن ابوية كلشي طبيعي بية ولصار عادي يصير بهاي لمرحلة او لعمر بس بعدني مو بلوغ كامل مجرد علامات بلوغ وجان اكو سبب للتحفيز وهيج اذاني كلش احب ابوية علي كلشي هوه بحياتي ولحلو ابد ماجاب طاري الامي ولا انفتح لموضوع مرة ثانية تنهدت وكلت هذا كلشي زهرة
زهرة.... لا علوش هذا مو كلشي ماكتلي ليش هيج وجهك مضروب
لان عرفت علي مو ابوية وعمر هوه ابوية واحد عيرني بهذا لشي وتعاركنة اني وياه
ليش انت متعرف عمر هوه ابوك
وين شايفة اني بابة علي مسح ذاكرتي مال لطفولة وبناهة من جديد كلشي اتذكرة من لطفولة بس وية بابة علي حتى اسم واسمة مرتبطات سوه هسة ياللة تذكر عمر اني ابنة وين عني صارلة اسنين مشايفة طلع وخلة لناس تعايرني بنسبي واني جنت اتوقع اني سيد وجدي رسول الله
وليش هسة حابس نفسك بالغرفة
عقاب لنفسي لان رفعت صوتي على بابة
هوه عاقبك
لا اني عاقبت نفسي بالعكس هوه احتواني وكلي كلشي تريدة يجرالك بس مااخليك تعوفني وتروح لعمر ادزك اله جثة ولا انطي تعبي
وانت تريد تروح لعمر
اي
ليش
اريد اعرف ليش عافني وليش ربة جهالة هذولاك وليش اجاني للمدرسة وسوالي فضيحة ومن كتلة ابوية علي هيج ضربني وبسببة خلة لولد يعايروني واتعارك وياهم ويهددني يسحبني يمة
بس ميكدر يسحبك يمة لان انت مسجل بااسم علي
اعرف واريد اعرف ليش اتنازل مني لبابة علي
لا تفتح دفاتر قديمة ابني انت راح تتأذة وتأذي اهلك وياك
لعد انتي كوليلي لسبب
ليش انت متعرف
كتلج مااتذكر شي
مراح تزعل ولا اضوج
لا اريد اعرف
شوف هاي قبل امك وابوك علي جانو واحد يحب لثاني بس محد يعرف بالثاني كلمن مشاعرة بداخلة مضمومة و.........
حجيتلة كلشي بس مختصر اذا تريد تعرف كامل قصة امك وابوك اقرة قصتهم وقصتنة كلنة
وين اقراهة
راح انزلك لبرنامج اسمة واتباد وبيهة قصتنة وانت راح تفتهم شنو صار
تمام بس بابة شلون قبل تنزل لقصة
محد عارض منهم لا ابوك ولاخالك محمد قبلو تنزل بس جانو يشرفون على كل كلمة بالنص لميعجبهم تنحذف
احبج زهرة انتي اجمل صديقة الية
وانت روحي ولنفس مالتي كوم بالاول غير ملابسك وننزل تسلم وتعتذر من بابة ونكعد سوه ياسين يسأل عليك مبروك على لعفاء حبيبي
شكرا حبيبتي نسيت ياسين خطية رادني ادرسة بعد كم يوم تبدي امتحاناتة لان وزاري
يلة حبيبي كوم وخلي يصير شاطر مثلك
تمام هسة اجي وراج
نزلت زهرة واني كلبي مفرفح على ابني لا علي يكلي شبي ولا هوة يكلي شبي بس من نزلت زهرة تضحك ارتاحيت شوية وشفتة نزل كلبي صار ثلج سلم على بيبيتة وعمتة وياسين اجة علية فتحتلة حضني
هيج يبعد امك تخوفني عليك
اسف حبيبتي حقج علية بس جنت محتاج اكعد لوحدي شوية
شلونك هسة
زين وميت جوع اريد اكل من هاي ايدج لحنينة
اخخخخ وكل اشتاقيت لحسك بالبيت يابعد عمري
بستهة من راسهة الله يحفظج الية حبيبتي
اروح يم ابوية خلصي وصيحيني
تدلل
دخلت سلمت شفت ابتسامة على وجه ابوية بستة من راسة واعتذرت منة ضمني بحضنة وكال
مازعلأن منك يبعد ابوك بس تحز بخاطري اذا تفكر تعوفني
مستحيل اعوفك بس جنت رايد اعرف لسبب وعرفتة
اخخخخ اكيد زهرة
طبعا هاي حبيبتي متضم علية شي
محمد.... كوووووم لك ابن ل.... حبيبتة هوه احترم لا اكوملك
شبيك خالو ليش ضايج غير حبيبتي هي
لك ابني شنو حبيبتك خالتك هاي
سيد علي... خالك يغار ابني تكفة شرة
هيج انختم يومنة وبيت محمد وامي باتو يمنة ثاني يوم راحو وعلوش راح وياهم علمود يدرس ياسين لحد ميخلص متحانات
