رواية يوميات هجران الفصل الثالث بقلم شروق الشمس
طبعاً كلشي بالدنية قسمة ونصيب والحمدالله على نصيبي فيصل صح اتعافة بس مارجع مثل اول مرتاحة وياه كلش وليدي بدة شوية شوية يكبر فدوة اروحلة بيت شيخ صالح صارو اهلنة وبقينة كل فترة نروح عليهم وهمة يجون يمنة
مرات احس بفيصل يحن للماضي اثاري لماياخذ ولفة تبقة حسرة بكلبة للممات وهيج حال فيصل جان بس ميبينهة كدامي بيوم دخلت للشقة جان اسمع صوت ونين خفيف رحت للغرفة بهدوؤ
شفت فيصل فاتح لكنتور ولقاصة شي بيدة حاضنة لكلبة ويبجي بصوت مكتوم مثل واحد موجوع اباوع علية واحس روحي تريد تطلع شكد احبة ويحبني بس مااجيت بربع من مكانت روح بكلبة كلش انقهرت بساعتهة ردت ادخل بس بعدين كلت خلي لوحدة شسوي اذا تعاركت وياه ماكو فايدة راح يضم بكلبة وهي ميتة يعني مو عايشة واخاف منهة خلي يطلع لبكلبة عفتة ونزلت جوه اريد الهي روحي بااي شي بس اريد انسة لموقف صعبة كلش اهواي لو هوه يخلي نفسة بمكاني مايكدر يتحمل دقيقة وحده بس شسوي اني اختاريت ولازم اتحمل
فضة... امل امل شبيج
مابية شي
صارلي ساعة احجي وياج
كولي شنو تردين
مااريد شي بس شوفي نفسج شنو جاي اتسوين
اباوع على ايدي مخلية زيت بدل لزاهي للجلافة وجاي اجلف بالمواعين لصارن كلهن دهن عبالك ردتهة حجة ذبيت من ايدي وكعدت بمكاني شبعت بجي
شبيج امل متسوة لبجي روحي غسلي اني اكمل بدالج
لا مابية شي
متعاركة وية فيصل
لا
احد مضوجج
لا
عجل شبيج
مابية شي بس جنت ضايجة
براحتج حبيبتي
نزل فيصل من فوق واني واكفة اغسل لمواعين ههه حتى ماشافني عرفتة راح للمقبرة جلفت حتى لمواعين لنظيفة بس دموعي تنزل على لساكت دك تليفوني جان محمد اخوية
هلا يابة
هلا حبيبي شلونك
شبيج
مابية شي
ليش صوتج مخنوك
لا هيج ماكو شي
امل احجي لصدك
والله ماكو شي كول شنو رايد
نريد نروح لبغداد تجين يم اهلي لو ادك على بسمة
لا لا اجي اني ماعندي شي
فيصل يقبل اخاف احراج عليج لان لبارحة اجة من لدوام
هههه هوه وينة فيصل
ليش
لا هيج اقصد مخلصهة نوم
وضعج ماعاجبني
راح اتحضر تعال علية
ادزلج وعد يجيبج
تمام
نشفت ايدي ودكيت على فيصل مرتين ميجاوبني بالثالثة يالله رد
هلا يابة كولي
وين انت
بشغلة طالع
اشو صنطة يمك جنك واحد كاعد بين لكبور
احم شنو جنتي رايدة
اروح لبيت اهلي وعد يجي وراية
واني
ههه محتاجة اروح لبيت اهلي همة بحاجتي لان بيت محمد يرحون لبغداد
واني هم بحاجتج
مااعتقد محتاجني فيصل لان لميشوفني كبالة مااعتقد محتاجني
شبيج يابة
مابية شي
زعلتي لان طلعت
لا والله ليش ازعل بطلعتك اخذ راحتك وين يعجبك تروح روح
تمام براحتج روحي واني اجي وراكم
تمام
امل
ها
هااااا... وين كلمتج من اكول امل تكولين عيوني الك
للاسف لعيون لنوهبت الك انت مجاي اتشوفهة لكلب لختارك مجاي تحس بي كلشي غيرت لخاطرك وكلشي تحملت لخاطرك بس اله انت ماغيرت عادتك ولا بطلتهة كل اول يوم من اجازتك اتصبح وتمسي بيهة ثاني يوم ياللة تتذكر عندك مرة وطفل كل لزلم يتزولون مشتاقين لنسوانهم اله انت تنزل متلهف على لگبور ريت لگبور لامتني وهيج اشوفك متلهف عليهة بس للاسف شكد حاولت اصلح كلشي بس انت نفسك ماتغيرت اثاري جنت تمثل علية بمشاعرك لحد ماتمكنت ورجعت عافيتك الك
امل
قبل لا تحجي لا اعايرك بالصارلك ولا متمننة عليك بيهن بس صدك لكال لحب ينبع من لكلب مو غصب على لبشر
امل
فيصل رايحة لبيت اهلي ارتاح لاعبالك زعلانة مو اني لزعل واهجم بيتي من وحدة ميتة اخذ راحتك بااي وكت تجي هلا بيك مع السلامة
لحضة امل
شنو
كل هذا شايلتة بكلبج علية
لا ماكو شي بس مجرد عبرتلك عن احساسي بهذا ليوم ولشفتك بي وانما لو تريدني اعبرلك عن لراح مااتوقع منك ترد للبيت اخذ راحتك بااي
ماخليتة يكمل سديتة ورحت لميت ملابسي وملابس ابني انطيت خبر لخالتي اجة وعد رحت لبيت اهلي نص لطريق
شبيج امووول
مابية شي
مو علية اعرفج اني
تعبت ياخوية تعبت وبعد لا ضلي صبر ولا تحمل شنو اسوي مايفيد ولا يغزر احلفك بغلات امي عندك لبارحة محمد من رجع وين راح
والله ماطلع كبل راح لغرفتة
وبعدين
شلج بهاي لسالفة رجال ومرتة شعرفني بعدين
لا تفهمني غلط خوية بس جاي اوصل لحل واني اقنع روحي كل لزلم نفس لشي
راح للغرفة ودز بناتة علية
هههه واني عافنة اني وابنة بس كد لسلام وغبش للمكبرة
تحجين صدك رجع على عادتة
ليش هوه بطلهة علمود يرجع
وهسة شنو تعاركتو
لا عليمن نتعارك هم ليسمع يضحك عليه يكول تغار من وحدة ميتة خلي اريد اشوفة شوكت يشبع ويتذكرني
الله كريم اني احجي وياه
ماكو داعي حبيبي اجيت اتونس يمكم واغير جو اذا متونسني ارجع للبيت
لا والله صدك جذب هسة اقط محمد قبل لا يطلع والله اونسج اخليج تنسين حتى فيصل
وهوه هذا لمطلوب
وصلنة بيت اهلي سلمت وكعدنة شوية وبيت محمد راحو لبغداد بقينة بس احنة اخواتي كلهن اجني لعصر كل وخدة جابت عشاهة واجتي اول شي سويتة قفلت تليفوني وشمرتة لان مو لعبة اني وكت يضوج ياخذني وكت يمل يشمرني للساعة 1 بليل خواتي بقن يمنة بعدهة كلمن راح لبيت لملمت لبيت ونمت اني وعد بالهول فزيت ساعة 9 لصبح على تليفون وعد منبه للدوام خرة بيومك
للللك قندرة ووووعد كوووم طفي موبايلك لناس تخلي اذكار صخام بوجهك اغنية هادئة منبه انت مخليلي ساجدة عبيد لك حتى شياطينك ملوووو منك شمرت لمخدة علية ولا جنة هوه شكد نومتة ثكيلة وهاي ساجدة عبيد تردح هنوب مخلي شگول عليك جويسم ابو لغيرة شراب لعرگ وبطالت لبيرة
ابني خطية من صدمتة فز من نومتة رافع اصبعة ولممة بحلكة ويردح وياهة ضرب كصتي واتي استغفر خرة بيومك وعد
وعد الله عليك كوم شوف حمودي شيسوي
اندار وعد شاف ابني يركص وهوه نايم خرب من لضحك كام يطكلة اصبعتين من لصبح وهذا يركص
كمت سويت ريوك كعدو اهلي وعد كلنة نتريك وعد اخذ ملازمة وطلع للدوام وابوية هم طلع للمضيف مالتنة بقينة اني وامي لبيت نظيف وغدة عدنة بالمجمدة ماسويت شي امي كالت تروح لجوارينة مريضة بقيت بس اني شوية وطب علينة فيصل مثل لعصار ههه صحة من غفيتة
ااأنتي ليش قافلة تليفونج
صباح النور الحمدلله بخير انت شلونك
جااااي تستهزئين حضرتج لنعال ليش مقفول
ابنك جان يلعب بي وخلص شحن لصبح خليتة على لشحن
جرني من ايدي حيل وينتر بوجهي
شبيج انتي هاااا شنو لعوصة مال لبارحة ماردت اجي نص ليل كلت اتكفة لشر احسن
ههه لااااا جان اجيت ليش اجلتهة
لج بااااابة شبيج انتي
لا تصيح كتلك رايحة بيت اهلي ارتااااااااااح ماكلت زعلاااااانة
من شنووووو ترتاحين هااااااا
منك منك انت احجي واضرب بصدرة صدك مابقة عندي صبر بعد
ليش يوووول شسويتلج
شنوووووو ماسويتة بعد فيصل ليش جاااااي تحسسني اني رخيصة يمك وللللللك تمنيتك مثل باااااقي لزلم من تجي لهفتك اول يوم اليييية اني مو للللكبور عسة طمني واااااارتاح
لا تتقرب لاتتقرب مااااااريدك بعد اخذ ابنك واطلعوووووو من حياتي خليني اخلص من وجع حبك لككككككك لمفرووووض تحس بية انت اول واحد بس انت اول لناس متشوووووفني كلهة عبالهة عايشة بنعيم وياك مايدرون حتى بااسمي تغلط نص ليل تفزززز وتصيح بااسمهة وهمة عبالهم اتشافيت من مرض رررروح لاااااا غلطانين محد يحس بية
كل هذا بسببي
واكثر اكثر ااااانت واحد خسيس وماعندك ذرة من الاحساااااس
لا تغلطين يول
ليششششش يمة اجرح مشاعر لرجولة مالتك لك حس حسسسسسس شووووية لووووو انت حيوووووان عديم احساس وضمير
ماحسيت اله راشدي طشر وجهي وبعدهة حضني
كتلج لا تغلطين بس راح اعديهة الج واكتفي بالسطرة مرة ثانية اطشر اسنونج اذا غلطتي
صح غلطان وحقج علية وانشاللة لمؤذيج بيهن ماينعادن وكل حقوقج تاخذيهة
دفعتة من صدرة بعصبية ليشششش ميتة على حقوقي اني هذا لفتهمتة من كلامي انت عبالك لهامني بس لنومة وخلص لا حبيبي اني لاريدة ماينحجي لرايدتة شي ينبع من لگلب روح فيصل اتركني بيت اهلي ارتاح لاعبالك زعلانة لا والله بس نفسيتي تعبانة خليك وحدك شوية بلكي تعرف شنو اريد منك
مراح اضغط عليج بالرجعة براحتج شوكت ماترجعين ارجعي بس قسم بالله انتي مكانج محفور بكلبي صرتي بمعزتهة بس
بس شنو فيصل
لا هيج جنت اريد اكول خايف اخسرج
اذا تبقة هيج اني اكولهة الك تخسرني وابد ماارجعلك
سحبني لحضنة ويشمني بشوغة
كلشي ولا افكدج انتي روحي من لدنية اسف والله حقج علية اعرف غلطان ومقصر وياج اعذريني حبيبتي
جنت من كد مااحب فيصل بكلمات بسيطة يروح زعلي منة مااعرف اني فطيرة لمهم قشمرني بكلامة لحلو بقة يتلمس بوجهي بحنية ويهمس بكلمات تخليني انسي كلشي حضني لصدرة حيل و همس هسة متغيرين رايج وترجعين وياية مشتاقلج والله رديت بس اهلي وحدهم اذا اجني اخواتي ارجع ابتسم وباسني وطلع
بقيت محتارة بتصرفاتة بعدين كلت لا خلي يستاهل لو مااضغط علية مايبطل من عادتة
بعدين كعدت بنص لهول مهدود حلي من عندة طاح حظج امل من امداج قشمرج وراح هاي لردتيهة غبية ميصيرلج جارة امدة كلبج اي واللة
جان اسمع صوت ضحك
وعد.... اي والله ✅صحيح قشمرج وراح مو انت نسوان جيس حب شمالج خوية شبسرعة تتقشمرين
انت ماعليك اسكت
لفيفة كون صوجي انصحج خاب هذا اذا ماطيحين حضة وحظ لخلفة مايجر عدل
اباوع من وراه فيصل واكف سوالي حركة انو اسكتي خلي يكمل
وعد..... خاااااب هيييي مواحجي وياج وين صفنتي جنج ابو صابر
اي شنو
اي اكملج انت لنسوان ماعندج كرامة لا انتي ولا ذيج لبرغي هذيج اكلهة ثكلي شوية ينزل رجلهة يصبح عليهة ماترد علية تكلي مو انت كتلي ثكلي خلب مال صجيجة اي والله وانتي اكلج خلي يولي طلعي عينة وعين لخلفة هذا لحقير لشايف نفسة لجلف بس انتي هم نفس ذيج ماكو فايدة منجن خلني استفاد بروسهم ماكو نفس لطينة جلوفة
شكل وعد وهوه كاعد كبالي ومتربع وملازمة مطشرة ويحجي بحركة كلب يمووووت ضحك
جان فيصل لزمة من ياختة وسحلة
هاي عليمن لحجي
فز وعد من مكانة جان يكول حبيبي الغالي ابو محمد لوردة لك خوية هاي اختي اكبر زبالة مصلحجية عوفهة ماتفيدك والله شلوووون شفتلك دكتورة اي شنو عجل بس احميد ياخذ دكتورة انت هم اخذ دكتورة اله اتشك لمطي بعلي
فيصل كوة لازم ضحكتة ضربة على راسة بس مو ضربة خلة وعد يطوطح بمكانة ههههه
وعد.... خاب شني ايد لوجفچير خرة بلشتج امل هذا اذا يشاقة وياج ينومج بالكسور سنة
وووووعد
فدوه اروح لشواربك تاج راسي
فلت روحة وعد وراح للدرج جان يكول
فيصل
هاااااا
اكلك هاي شواربك لو شلة ماعفطية
امل.... 😂
لك قندرة اني اعلمك شلت لعفطية شتسوي بيك بس تعال يمي جبان
وعد.....لو مكفخة مال نسوووووان
فيصل... تافه شتصير
تعلمت لتفاهة من لبرغي والله الهة وحشة خرة بيومك محمد اله هسة تاخذهة
امل.... اي والله عبالك شايلة لبيت ورايحة لتافهة
وعد.... لاااااا ابشرج هاي لبرغي محمد علمهة على لسياقة راح تاخذ سيارة خرة بيومهم شكد عدهم فلووووووسسسس فلوس فلوس فلوس
امل..... ههههههه اخ يمة بطني خطية واكف يلحن بكلمة فلوس ماحس اله لنعال بنص وجهة من فيصل طب لغرفتة وسد لباب
ههههههه احم ليش رجعت
مترديني
لا قابل شعندي وياك
حضري نفسج خالدة تجي لعصر وانتي ترجعين للبيت
ليش
اااااامل بدون ليش
لا والله
اي حبيبي اي يلة عندي شغل هسة اروح اني لعصر اجي عليج انتضريني
تمام
رجعو اهلي ولتمينة للغدة للعصر اجتي خالدة صار لمغرب وفيصل ماكو صليت وكملت جان يدخل سلم على اهلي ترخصنة وطلعنة اشو مو طريق لبيت
عازمج للعشة علمود نتصالح
امم بس مزعلانة منك
مبين منو لجانت تبجي من طلعت لصبح
يعني شفتني
اممممم وعرفت بيج من اجيتي للغرفة وشفتيني بس وغلاتج عندي جنت حلمان بيهة تعاتبني لان صارلي اهواي مزايرهة لذالك هيج صررت
تمام ماصار مشكلة
يعني مزعلانة
مااكدر ازعل منك
انتي لنفس والله... سحب ايدي وباسهة بقة مخليهة بحضنة لحد ماوصلنة للمطعم تعشينة ورجعنة للبيت كلهم نايمين رحنة للشقة مالتنة ورحنة لعالمنة لخاص مااكدر احق علية ولا ازعل منة...
