رواية بنات سهر الفصل الثاني بقلم فراقد حسن علي
÷÷
علـــى لحــــن الدمــع نــــامت عيــــوني الليـــل
و علــــى صــــوت القهـــر فـــز الصبــح گلبــي
==============================
وراحت الحجية فاطمة ومنتصر وهمام
لبيت سهر،،
والطريق كله همام يتأفف
ما راضي على فزعة اخوة منتصر والحجية فاطمة
للمرحومة سهر ،،
لان هاي فزعتهم
وراها مشاكل وطلايب بكد رحمة الله
وهي الحجية التقدمت ودكت باب بيت المرحومة
وشكد دكت على الباب بس محد يجاوب !!
وحتى منتصر دك الباب بقوة وهم ماكو جواب
5 ت
همام كاللهم /خلي نرجع العلينه سويناه
اجينه ومحد طلع علينه
5 ت
الحجية ردت علية /وهي تبجي
- لا يمة خطية البنيات محد الهن ،،
-اكلك يمة منتصر خاف العنوان غلط ؟؟
2 ت
جاوبها منتصر/ وهو يتلفت بالشارع
و بدت الدنيا تظلم
-لا يوم اني متأكد هذا العنوان الصحيح
شو أنطيني تلفونج اتصل على رقم البنيه
الاتصلتي عليها قبل شوية ،،
3 ت
وصدك أبو حسين اخذ الجهاز من الحجية
واتصل على الرقم ،ردت علية بنية تبجي
-السلام عليكم خوية
وياج منتصر ابو حسين ابن الحجية فاطمة
خالة المرحومة امج ،،
احنه باب بيتكم محد يطلع علينه
انتن وين بالبيت لو بغير مكان ؟؟
جاوبها منتصر وهو مستغرب
هاي شبيها البنيه ؟!
شنو شاخطة من صدمة وفاة أمها ؟!
لو عقلها مو تمام ؟!
-أبوية أنتي وياية خالتج فاطمة وأخوية همام
لاتخافين أجينه نعزيكم
ونوكف وياكم
ونقوم بالواجب
أفتحي الباب ترى وكع علينه الليل
وبعد مااندل دربي
7
غلق الخط منتصر ،وبقوا واكفين بالباب
شوية وسمعوا صوت السرقي ينفتح من الداخل وطلعت عليهم بنيه شابة اليشوف شكلها ولبسها يتوقعها وحدةمن بنات جنوب لبنان
بيضة،، الوجهه مدور،، والحواجب ثخينه والعيون وارمة من كثر البجي
ولابسة العباية
والربطة السودة نازلة لحد الحواجب ومحنكة بيها ،
بس كالت /تفضلوا
دخلت الحجية فاطمة وشبكت البنيه وكامت تبجي بصوت عالي ،،
هو هنا أحتار بزمانه وبقى يفكر ويه نفسة
منتصر//شخصيتة وعقلة وتصرفاته ورزانته وهدوئه وحتى شكله وهندامة اكبر من عمرة بهوووايه
اليشوفه يتوقعة رجل بعمر الخمسين واكثر
بحيث اغلب الناس ينصدمون من يعرفون عمره الحقيقي هو ٣٧ سنه فقط والفخر يعود للضيم المر علية ،وتحمل المسؤوليه ومتاعب الدنيا، ،وهم أهلة وأطفالة
كبر المسكين وشيب قبل الرجال البعمرة وحتى قلبة وروحة شيبن قبل شعر راسة.....
بقى يفكر شلون راح يحل هاي المشكلة البنات طلعن أكبار بالعمر شابات شلون يتصرف بهاي الأمانة
أو المصيبه الوكعت على راسة....
15 ت
الحجية فاطمة أدعبلت وفاتت للبيت ويه مسرة
بالكوة تمشي
ومنتصر وهمام يمشون وراهن وكل واحد بيهم
يصيح بصوت مسموع ياالله
9 ت
بس خلصت الطرمة
دخلوا للهول البسيط الخالي من الاثاث فقط مفروش افراش شتائي
وهنا شافوا النعش متوسط الهول
وبصفة بنيه ثالثة كاعدة وبيدها القران تقرة وتبجي
9 ت
الحجية فاطمة كعدت بصف النعش
وكشفت الغطة الخشبة الفوك من علية وشافت المرحومة سهر بنت أختها مكفنه وجاهز نعشها من الفراش جوها والعطر اليفوح من كفنها يعني كفنها ونعشها كامل
بقت تبوس بيها من ورة الكفن وتبجي عليها
10
منتصر وهمام بقوا واكفين بالباب
ولاحظوا وجود ثلاث بنات شابات
وحدة اصغر عمر من الثانية
كعدن بصف نعش امهن
ويبجن بحزن وقهر وخوف
وية الحجية فاطمة
5 ت
منتصر وجهه سؤاله لمسرة لان هي طلعت عليهم
ومبينه اكبر وحدة بخواتها
-خوية الله يستر عليج ويصبرج على مصابج
منو كفن الوالدة ،،
وجهز نعشها ؟؟
جاوبته مسرة بغصة قهر
-بيت جارتنا خالة أم عمر هي وبناتها ولدها
اخذوها للمستشفى وبعدين اخذوها للمغتسل
من الظهر رجعوها للبيت !!!
7 ت
سحب منتصر نفس كلش قوي ملى ريته هم وقهر
خاف هو ناقص قهر ومسؤولية،،
وزفرة بقهر أكبر
واستغفر ربه على هاي المحنه
وطلع تلفونه من جيبه وأتصل على صديقة
وأخوه وابن عمة ونسيبه (مهند )
-الو شلونك خويي
تعالي على هذا العنوان أشد بيك حيلي الباقي
عظم الله أجرك بوفاة زوجة أبن عمك عدنان !!!
3 ت
هنا مهند أنصدم أو مااستلم خبر الصدمةجاوب منتصر وهو ما يعرف يجمع الكلام بصوره صحيحة،،
-منتصر انت وين ؟؟
وقصدك عدنان العار لو غيرة ؟؟
منو التوفت مرته لو وحدة غيرها ؟؟
جاوبة منتصر وهو يمشي بخطوات ثقيلة وطلع للطرمة حتى البنات ما يسمعن كلامه ويذبح قلبهن
-مهند مو وكت هذا الحجي
المراة مطروح نعشها من الظهر،،
والجيران متكفلين بتغسيلها وتكفينهاونثاياها يكسرن الخاطر كافات يمها وينوحن عليها
من الفجر مسلمة أمانة الباري ،،
بعد أخيك أطرش لبيت عمي جابر وفزعلي سعيد خلنا نمشي ندفن المراة ونزتها الدار حقها راح يوازينه الليل
3 ت
مهند أنسطر ما يعرف شلون يتصرف
بس نخوته وشهامته هي الفزعت للمرحومة سهر
وطلع بالبسكوت من بيته
مايريد يسمع زوجته هدى بالسالفة
لان هسة ادك طبل وتكلب العشيرة
على بيت المرحومه !!
29 ت
وراح لبيت عمة جابر
حتى ياخذ وياه عديلة وابن عمة سعيد
وزوج سهى أخت منتصر ،،
بعد مااسلم عليهم
اخذ سعيد وطلع برة بالشارع
والبسكوت حجاله السالفة
هنا سعيد طكت فيوزاته وتخبل
مارضى يروح وياة للدفن !!
.بس منتصر هو الواكف بعينه من جهه
7 ت
.ومايريد يخسر مازن وحيدر أولاد عمة حميد
بهاي روحتة من جهه ثانية !!
16
.وعرف بهاي فزعته
راح يفتح على روحة باب جهنم
من المشاكل بجهه ثالثه !!
11
داخ وأحتار بزمانة
بس مهند أخذة وياه بالغصب عنه
وحسبوها الفزعة المنتصر .....
( 2 )
من وصلوا مهند وسعيد على العنوان
وبقوا كل الوقت على تواصل تلفوني ويه منتصر
شافوا الجيران ملتمين باب بيت المرحومة
وصوت عياط البنات من داخل البيت يكطع القلب
وهمام وياة ثنين شباب غرب يشدون بالعنش
على سيارة منتصر ،
واتفقوا منتصر ،،ومهند،، وسعيد
وفزع وياهم جار المرحومة سهر
أبو عمر ،، وأبنه الكبير عمر
يرحون للدفن وياهم
وأبو عمر كاللهم /أحنة ألندفن أم محمد بكاعنه
مثل مادفنه رجلها وأبنها !!!
وهاي ذمتها وصيتها ندفنها بجنب زوجها وأبنها وملزومين أنفذها ،،
وبعد تعرفون وصية الميت واجب تتنفذ
ما كان على منتصر ،،ومهند ، وسعيد غير يوافقون على تنفيذ الوصيةوياخذون المرحومة الدار حقها بمقبرة الشيخ معروف بوسط بغداد بدال ما ياخذوها لكربلاء مكان دفنهم
همام أنتظر الحجية فاطمة
الي بدت تصبر هي ونسوان الجيران أبنات المرحومة الي غدت وحدتهن جثه بدون نعش من البجي واللطم والعياط ورة نعش أمهن
1 ت
والحجيه كامت تحشم أبنات الجيران المتواجدات يجمعن ملابس وغراض وحاجيات بنات المرحومة حتى تاخذهن وياها للبيت
لان القادم عليهن أسود وأظلم !!!!!!
الحجية فاطمة سحبت مسرة البنت الكبيرة من بين النسوان وتصبر بيها على مصابها ،،وتريد منها تكوم تجمع مستمسكاتهم وكل أوراقهم المهمة وفلوسهم،، والذهب،،
وشكو شي خفيف وثمين عدهم
وباقي النسوان جمعن ملابس البنات بالجنط ........
3 ت
مسرة / السلام عليكم ورحمه الله وبركاته
11 ت
أسمي /مسرة عدنان
8 ت
عمري هنا بوفاة ماما ٢٠ سنه
اني البنت الكبيرة لاهلي
10 ت
مخلصة ثاني متوسط
مالحكت أمتحن ثالث متوسط
ونقتل بابا !!!!
9 ت
وأنقتل وياه أخوية محمد
كان طفل عمرة ١٠ سنوات !!!!
ياخذة بابا وياه للورشة
19 ت
ورة وفاة بابا بسنتين يعني هستوني داخلة
بعمر ال ١٦ سنه أجى نصيبي
وتزوجت من رجل غريب
بس ماكو فرحة عرس الية حالي حال البنات !!!!
...... أترملت من وكت .....
ورجعت لبيت بابا تحت أسم ألأرمله
14
خواتي اصغر مني بالعمر
يعني اني البت الكبير لأهلي
وبعدي أساور
وبعدها محمد الله يرحمه
وبعدهم سوار
4 ت
يعني من توفى بابا كانت العطلة الصيفية
اني خلصت ثاني متوسط
وأساور خلصت من السادس الابتدائي
و المرحوم محمد خلص رابع ابتدائي
وسوار خلصت من صف ثاني ابتدائي
3 mmmmm
بابا كان يشتغل بورشة صغيرة خاصه بي
لتصليح سيارات وتبديل دهن
وهاي سوالف البسيطة التخص السيارات،،
يعني بابا معروف بين الناس
عدنان الفيترجي ،،
وكان رزقة خير من الله
ابد ما قصر علينه بشي
مدللنا دلال الأميرات
3 ت
و ماما قابلة بس ماعدها رخصة من المستشفى !!
بس نسوان المنطقة يجن عليها تولدهن يثقن بيها وتعرف تضرب أبر وتشد كانونه
وتضمد وتخيط الجروح
وداوي المحتاج مساعدتها
بس ما عدها دوام بالمستشفى فقط بالبيت...
5 ت
وبيتنا ملك صح صغير بس مكفينا
احنا البنات النه غرفة فوك بالطابق الثاني وجوة غرفة ماما وبابا الخاصة بيهم وصاله هي للكعدة وهي للخطار
ومطبخ وصحيات،،
الحمدلله مرتاحين من كلشي
6 ت
ومن يوم قتل بابا ومحمد الله يرحمهم
ماما تعبت من بعدهم
هواية تأذت عليهم وحنى ظهرها فركاهم
غدت كاغد محروك من بعدهم
وشكلت بيها الامراض
يوميه صاير بيها مرض جديد
يوم ضغط ،،
يوم سكري ،،
يوم مرارة وسوت عملية وشالتها
واخير شي تضخم بعضلة القلب
ابد ما صحت ولا لفتها العافية من يوم قتل الاعزاز
12
ماما ربتنا أحسن تربيه ،
ربتنا على الحلال والحرام ومخافة رب العباد
قبل ما تربينا على العيب ومخافة الناس
وزرعت بينا الثقة والصدق
وقوت بينا اساس المستحة والخجل والعفة والحياء
6 ت
بس كان هم أختي الصغيرة سوار
يزيد على ماما باأرتفاع ضغطها وسكرها
من تشوفها راجعة من بيت جوارينا
بيت أبو عمر تروح تلعب ويه بناتهم
وترجع تبجي ومقهورة وتحبس روحها بالغرفة ،،
لو من كانت بالمدرسة هم تعوف الدوام
وترجع للبيت تبجي
4 ت
والله مشكلتها عادية
بس هي سوار لان طفلة
تتحسس من التشوه الخلقي النولدت بي ،
خطيه ماما تراضيها وتقنعها
تكلها / انتي مميزة وباقي البنات يغارن منج
وأنتي أحلى بناتي وتبقين بعيوني حلوة
6 mmmm
وتبقى ماما تاكل بروحها وتاذي بنفسها علمودها
وتبقي تلوم بروحها تكول/ هاي البنيه خطيتها بركبتي
لان من حبلت بيها ردت انزلها
بس سبحان الله جلبت بالدنيا وأجت مشوها !!
حتى كل مااشوف دموعها وقهرها
أتذكر حجم الخطا الردت أرتكبا
من رفضت نعمة الله أليه
5 ت
وأختي أساور فد وحدة حساسة
وأم دميعه ،
وقلبها فطير بسرعة تتأثر
بس واحد يحجي عليها
لو يكلها لج تكوم تبجي
شكد حاولت ماما تقويها بس ما فاد بيها
ماما تكول / طينتها نظيفة وعلى البركة
الحمد الله ما نغرست بيها صفات الخبث والحقارة والخداع
وأني مصيبتي الخجل هواية أستحي
وبسبب الخجل اليصيبني أرتبك
وأكوم أمتمت بعد مااعرف أحجي
فااغلب الوكت أبقى ساكتة
حتى أستحي اشارك بالحديث
لو افتح موضوع ويه واحد ،،
يعني اني مو أنطوأئية بس أستحي
فدائما أبقى منعزله و ماخذه ركن بهاي الدنيا
13 ت
ماما وبابا متزوجين عن قصة حب
وكانت ماما دائما تندعيلنا أحنا البنات نتزوج عن حب
تكول / الزواج عن حب هواية يتجاوز بي الشريكين
عن اخطاء بعض ،عكس زواج النصيب تكون بي معوقات وتكون المراة هي الخاسر الاكبر بمثل هيج زواج
بس اااخ من غدر الدنيا أخذتها من عدنا بساع بساع
لا فرحت بزواج وحدة من عدنا
ولا شافت أرجولتنا
ولا شافت جهالنا
والله الظهر كلشي مابيها
وتغدينا كلنا سوية
((تمن شعريه وتبسي وزلاطة))
3 ت
أساور هي تطبخ الغدة
وأني اسوي العشاء
وسوار الريوك
وهي ماما تعجن وتخبز
وأحنا هم نعرف كلنا نعجن ونخبز
ومقسمات شغل البيت بيناتنا
كلشي نسوي بالبيت ما نشتري شي من برة هم نقتصد بالمصرف
وهم ماما علمتنا على التدبير
وهم الشي نسوي على أيدنا نعرفة نظيف ومرتب
فكلشي نعرف نسوي من الطبخ
والشغلات التخص البيت
من تغدينا ماما كالت / التبسي حار ودهين ياأذيني
وهو صدك أساور مخليه بي فلفل أصابع
وحامسة ليه وظلوع بجعب قالب التبسي
ودهن تقلاة البتنجان والبتيته صاير دهين
هي ماما مااكلت بس شوية من عندة
وكملت اكلها تمن وزلاطة ،،
5 ت
لليل أجت يمنا تهاني وخاله أم عمر جارتنا
وتهاني خابصتنا بالبرامج والمسلسلات التابعها
وتحب الشباب الممثلين وكلساع معجبه بواحد
وأحنا نضحك على سوالفها
5 ت
أحنا ساحبين فيشة لتلفزيونا من الصحن مالتهم
ماعدنا ستلايت وصحن خاص بينا
فمشتركين وياهم
1 ت
ومن تجي يمنا تهاني بليل
نكعد كلنا أحنا البنات
لو نلعب حيوان وجماد وانسان
لو نلعب دومنه
ماما تقلب نلعب بس بدون رهن
وهي ماما وخاله أم عمر
يكعدن وحدهن ويبقن يسولفن
شو ماما بقت تلوب وتشتكي مره تكول معدتي
ومره تكول بطني
هي عدها علاج مال دهون مو شالت المراره
فالدكتور منطيها علاج مال دهون والآم المراره
اخذت من عنده شو ما فادها
تخربطت فرد نوب وية جيت تهاني وخاله ام عمر
كامت تبجي من وجع بطنها
اخذتها خاله أم عمر وابنها احمد للمستشفى
لنص الليل يلا رجعوا ،،
شوية وضعها أحسن
ضاربيها ابره مسكنه بالمستشفى ،،
بس ضغطها وسكرها مرتفعات أثنينهن
خاله أم عمر وتهاني راحوا البيتهم
ماما بقت مسنحه مالها خلك
أحنا هم نمنا يمها
شو هي بقت توصي بينا !!!
هوايه حجي كالت النا
وبعدين بقت ساكته
وجان تكول /خاف تغمض عيوني
.ديرن بالجن على نفسجن
10 ت
.وكل وحدة بيجن تراعي أختها ودير بالها عليها
صيرن مثل شدة الورد
وحدة تسند الثانية ممنوع تتفرقن
6 ت
.ولو تموتن من الجوع
كدن بالشارع ولا تبيعن شرفجن
10 ت
.وممنوع توصلن يم جنس أدم أحذرجن
تراهم وحوش وياكلوجن !!!
7 ت
.بسفطة نضيدة اكو فلوس وذهبي
أصرفن بي على نفسجن وأقتصدن بالمصرف
حتى لا تتبهذلن وراية
.وخاف أموت أتصلن على خالتي فاطمة أم منتصر
هي وولدها خلهم يدفنوني
يم أبوكم وأخوكم محمد
1
.واذا أجت خالتي فاطمة
ورادت تاخذجن وياها لبيتها
روحن وياها ولا تظلن وحدجن بالبيت
ترى عمامجن مثل ما قتلوا أبوكم ومحمد يقتلوجن !!!!
22
أحنا هنا بقت وحدة تباوع بوجه الثانيه
أحنا بعمرنا ما عرفنا النا عم لو خال
لو شفنا عمة لو خاله مرت علينه !!
كل ما نسأل ماما ليش ما عدنا أقرباء
تكول / أني وأبوكم وحيدين لأهلنا
وتزوجنا عن قصة حب وسافرنا من الجنوب وأجينا هنا لبغداد ،
6
أني سألتها /ماما منو خالتج فاطمة ؟؟؟
وشنو أحنا عدنا عمام ؟؟؟
وليش قتلوا بابا ؟؟
وتخافين يقتلونا ؟؟
هي جاوبتني ،،جيبي الموبايل
خليني أعرفج على رقم خالتي فاطمة وأولادها يصيرون أولاد عمج !!!!!!
9 ت
شنو هنا وحدتنا اخذت الصفنه منها عمر
على كلام ماما ...
شو طلع عدنا اقارب
وخالات وأعمام وعدههم أولاد بعد !!!!؟؟؟؟
2 ت
سوار طفرت وجابت الموبايل من الشاحن
جهاز صغير يسمونا (نوكيا ١١٠٠)
وهي ماما الوحيدة التستخدم الجهاز
أحنا ما تقبل نستخدمه
تكول / مو شي ضروري الكم
صح نعرف نستخدمه بس شنسوي بي
حتى صديقات ماعدنا نتصل عليهن
4
هي ماما طلعت قائمة الاسماء
وطلعت يمكن ٣ أرقام
كاتبه عليهن فاطمة الخياطة أم منتصر
كالت / هذن الارقام تخص خالتي فاطمة
اذا أموت تتصلن عليها ،،
واذا ردت عليجن
كولن أمي وصتنا أنتي وأولادج تجون تدفنوها
غير هذا الحجي ممنوع تكولن .
3 ت
عافتنا مصدومات من كلامها
ولا جاوبت على أسئلتنا
واخذتلها هدوم ودخلت سبحت
وطلعت توضت
وكعدت صلت وقرأت شويه قران ،،
وبقت كاعدة على سجادتها
تسبح وتبجي بهدوء وتباوع علينا
7 ت
أساور نامت
وأني كلش نعست بس بقيت انتظرها تنام
وسوار كامت وغفت قريب على سجادتها
هي متعلمة متعرف تنام الا بحظن ماما
غفيت وماما بعدها على كعدتها تسبح وتبجي
فزيت ماما حاضنه سوار
وأثنينهن نايمات على السجادة
ومتغطيات بغطاء سوار ،،
كمت غطيتهن ورجعت نمت بمكاني
1 ت
كمت من فراشي باوعت
ماما نايمة وماخذها العرك وترجف
واكو شخطة أبلعومها ،،،،
كعدتها من النوم
فتحت عيونها وكالتلي/ غطيني بارده ورجعت غمضت
4 ت
كلت لخواتي / لا تخافن لان سبحت أستبردت
كمت وغطيتها بعد بطانيتين
باوعت للساعة ب ٦ الفجر
فتحت شوية من بردة الصاله ظلمة
والجو كلش بارد واكو نكاط مطر خفيف
رحت توضيت وصليت صلاة الفجر
ورجعت تمددت بفراشي
2 ت
فزيت مخروعة على صوت سوار تعيط
ماما ليش متكعدين ؟؟
ماما شبيج !!!!
4 ت
وأساور تكلها /عيب تصيحين صوتج عالي
جيران نايمين
وانتي مو صغيرة متشوفيها تعبانه ونايمة
باوعت للساعة ب ٧ ونص الصبح
البيت كلش بارد ،
وجهت خواتي
كومي أساور أعلكي الصوبه خلي الغرفة تدفى
وأنتي سوار كومي سوي ريوك حتى نتريك
وماما تروح للمستشفى تجيك وضعها
3
اني كمت لملمت فراش النوم
ورحت غسلت ورجعت أكعد ماما أقنعها تروح للمستشفى تجيك وضعها ،،
ندهتها ،،احجي وياها ،، اكعدها شو ما تكعد !!!
الزم جفوف ايديها ووجها باردات ثلج خضيتها من جتفاها وحجيت بخوف ماما شبيج ليش متكعدين !!
اجتي سوار تركض وتحجي بخوف
ماما ماكعدت مو ؟؟ مرتين كعدتها
ومتقبل تكعد..
وأنتن تحجن علية
أساور أخذت عبايتها وركضت على بيت خاله ام عمر
واني وسوار تخبلنا نكعد بيها ما تكعد اجتنا خالتي ام عمر تركض
و وراها أساور تبجي وخايفة
من شافتها جارتنا كالت /
لا اله الا الله انا لله وانا إليه لراجعون ماما وخرن عنها خطية تعذبنها هيج أمجن متوفية من زمان ...ومثلجه ما حسيتن عليها !
شكرا لزيارتكم عالم روايات سكيرهوم
