رواية ملاكي المجهول الفصل الثاني
كان مراد في عربيته وباصص قدامه مش مصدق..معقول هيا..معقول دي الي بيحلم بيها بقاله سنين واتمنى يشوفها ولو للحظه..فاق من صدمته على أصوات الناس الي كانت حواليها وبيبصوا للي خبطها بغضب نزل من عربيته بسرعه وجري عليها وشافها على الأرض وشعرها الطويل حواليها
حد من الي واقفين قال:ياعم انت هتفضل تبص كتير شيلها وديها على المستشفى قبل ما تم.وت
شالها مراد بين ايديه وبصلها وهو لسه تحت تأثير الصدمه بس بيحاول يفوق نفسه عشان يلحقها جري ناحيه عربيته ودخلها نيمها في العربيه وركب مكان السواق واتحرك ناحية المستشفى بسرعه
اول ما وصل للمستشفى شالها وجري على جوا وهو بيزعق:حد يجي يلحقها
جري الممرضين عليه وخدوها منه
قعد على كرسي قصاد قسم الطوارئ مستنيهم يخرجوا يطمنوه وبيبص قدامه مش مصدق هو اه مركزش في ملامحها من التوتر لكن نبضات قلبه لما شافها مكانتش طبيعيه..خوفه عليها غريب..حتى ملامحها الي مركزش فيها اوي لكن حس انها مألوفه ليه…
بعد وقت خرج الدكتور قاله:الحمدالله مفيش خطر كبير على حياتها لكن دماغها اتف.تحت ف اضطرينا نخي.طها وهي حالياً تحت تأثير البنج
مراد: طب اقدر ادخل أشوفها
الدكتور:تمام بس مطولش جوا
شكر مراد الدكتور ودخل ل ملاك
بصلها وهي نايمه على السرير لافين جزء من راسها من قدام ونايمه على السرير مستسلمه للحياة مغمضه عيونها بهدوء شعرها الطويل كان معمول بشكل عشوائي زايدها جاذبيه
مراد كان بيبصلها وضربات قلبه احتمال يكونوا الي في المستشفى سمعوها..قرب منها بخطوات متوتره قعد على الكرسي الي جنبها ومد ايده الي بترتعش بهدوء على وشها لمس وشها الناعم وطلع بإيده على شعرها حس بملمسه الناعم
فاقت ملاك على حركه على وشها بصت حواليها بخوف وقامت مفزوعه:انا اي الي جابني هنا حصل اي
مراد اتنفض من مكانه بسبب ردة فعلها:ا اهدي اهدي انتي في المستشفى انا خبطتك بدون قصد والله بس انتي وقفتي قدامي مره واحده
ملاك بصتله بنظرات مش مفهومه وقالت:ح حصل خير مش مشكله و وشكرا انك جبتني ل هنا
لسه بتروح ناحية الباب عشان تمشي لسه بتفتح الباب لقت الي حاوطها عند الباب ورفع ايده حواليها يمنعها تمشي:رايحه فين
كان بيبصلها مراد بنظرات تعلُق زي الغريق الي شاف حد ينقذه بس الشخص ده عايز يمشي ويسيبه!…
اتكلمت ملاك بتلعثم:ه همشي شكراً كفايه لحد كده أنا خلاص كويسه واشكرك جداً
مراد:لا طبعا تمشي اي انتي لسه تعبانه لما الدكتور يكتبلك على خروج انا هوصلك بنفسي…اه صحيح هاتي رقم حد من اهلك اكلمه اكيد قلقانين عليكي
بصتله ملاك بعيون منكسره وحزن قصر فيه جداً:ا انا معنديش أهل
بصلها مراد وحس بالجرح الي فيها:طيب انتي عايشه فين هنا وانا هوصلك
ملاك بصتله بحزن اكبر:انا مش عايشه هنا أنا اول يوم ليا في البلد دي
مراد حاول ميدايقهاش اكتر:طيب ارتاحي انهارده هنا وبكره انا هجيلك لحد عندك اكون جهزت مكان تقعدي فيه.
ملاك:لالالا شكرا شكرا ل حضرتك بجد انا هعرف أتصرف صدقني حضرتك اتفضل امشي وانا هتصرف
مراد بصلها وعقد حواجبه بضيق من عنادها:مش هعيد كلامي تاني لان دي اكتر حاجه بكرهه ف اتفضلي ارتاحي لحد ما ارجعلك
بصتله ملاك بضيق اكبر:انت ليه بتتكلم معايا كده مش كفايه خبطتني و واصلا راسي بتوجعني اوي هما عملوا فيا اي
مراد كتم ضحكه من منظرها وهي متعصبه:خي.طولك دماغك عشان كده موجوعه وعشان كده بقولك لازم تفضلي هنا
ملاك بصتله وبعدين افتكرت الوضع الي هما فيه وأنه محاصرها بين أيديه ف بصتله بتوتر:ط طيب ابعد لو سمحت شويه
بص مراد ليها وبعدين بعد وهي رجعت للسرير وبتفكر هتعمل اي مع الرخم ده:طيب خلاص هفضل هنا
مراد بصلها بنظرة مش مفهومه:تمام انا هروح ادفع حساب المستشفى وهمشي وهجيلك الصبح اطمن عليكي واكون جهزت مكان تفضلي فيه
ملاك:تمام شكراً
ابتسملها مراد ومشي
ملاك بعد ما مشي بصت للفراغ وافتكرت الي حصل قبل ما تهرب.
فلاش باك!!!!!!.
كانت بتبصله وهي بتبكي بخوف:ب بس انا مش موافقه اني اتجوزك ياخالد مش مواااافقه
بصلها خالد بحقد ومسكها من شعرها وقال:سواء وافقتي او لا ف انتي هتتجوزيني ياملاك والقرار ده مش بإيدك سامعه…..
كانت بتداري ملاك وجعها واتكلمت بقوه:مش هتجوزك ياخالد الق.تل عندي ارحم من اني أتجوز واحد زيك
بصلها خالد نظرات وقحه واتكلم بجنون:ملاك انتي عارفه اني بحبك وأقدر اخد كل حاجه غصب عنك بس انا مش عايز اكرهك فيا
ملاك بنظرات كلها قرف:انا كده كده بكرهك يا خالد
بصلها خالد بغضب اعمى وكسر كل حاجه حواليه:هنشوف يا ملاك هنشوووف
خرج من الغرفه وبعد وقت دخلت الخادمه ب فستان ابيض رقيق بدون اي نقوشات:خالد باشا بيقول ل حضرتك تجهزي ياهانم عشان كتب الكتاب
بصتلها ملاك بغضب:اطلعي برا
سابت الخادمه الفستان وطلعت ببرود مسكت ملاك الفستان وقررت تلبسه عشان تبعد عنها اي شكوك عشان تهرب
لبست الفستان وفكت شعرها وبدون اي ميكب دخلت الخادمه مره تانيه لقتها جاهزه خرجت تعرف خالد الي انبسط وحس للحظه انها خلاص اقتنعت وهتديله فرصه.
الكل انشغل في التجهيزات و ده شجع ملاك للهروب وبالفعل خرجت من اوضتها تبص يمين وشمال ملقيتش الحرس موجودين جريت على الباب الخلفي للفيلا وبتحاول تفتحه من غير ما تلفت الانتباه بتحاول تفتح الباب خبطت القفل جامد بصت للقفل بغيظ وبعدين لفت وشها لقت الحارس بيقرب عشان يحاول يشوف مين واقف هنا بس مش شايف بوضوح اول ما نور الكشاف كان الباب أتفتح وطلعت ملاك تجري طلع الحارس يجري وراها بسرعه وهو بيتكلم في الاسلكي مع باقي الحراس عشان يلحقوها من الناحيه التانيه فضلت ملاك تجري في المكان المهجور ده لحد ما دخلت في مكان شبه الغابات بأشجار عاليه مفيش غير ضوء القمر بس الي منور جزء بسيط لقت ملاك باقي الحراس في وشها لفت الناحيه التانيه لقت الحارس الي شافها ومعاه حراس تانيين بصتلهم وفقدت الأمل في الهرب لكن سمعوا كلهم صوت غريب خلاهم يتلفتوا حواليهم و ده ساعد ملاك ف انها تجري وبالفعل طلعت تجري بسرعه رهيبه وبعد وقت استخبت ورا شجره لحد ما هما دخلوا طريق تاني يدوروا فيه بعدين رجعت تكمل جري لحد ما خرجت على الطريق…..
بااااك….
مسحت ملاك دموعها بعد ما رجعت من ذكرياتها وللحظه خافت يكون الشخص ده زي خالد وياخدها يحبسها هو كمان اول ما فكرت ف كده قامت وخرجت من باب الاوضه قابلت الممرضه
الممرضه:رايحه فين يا انسه انتي لسه تعبانه
ملاك بدوخه:لالا انا كويسه انا مش تعبانه انا عايزه امشي وبس
الممرضه :لكن الباشا الي كان هنا مقالش انك هتمشي
بصتلها ملاك بغضب:انتي والباشا بتاعك انا أدرى ب نفسي قولتلك انا كويسه وهمشي
الممرضه:خلاص خلاص اتفضلي
ملاك:ممكن بس ورقه وقلم
جابت الممرضه ورقه وقلم واديتهم ل ملاك
كتبت ملاك ل مراد ورقة وقفلتها وادتها للممرضه:ممكن لما الي كان معايا هنا ده يجي بكره تديله الورقه دي
الممرضه:حاضر
خرجت ملاك من المستشفى وهي حاسه بدوخة لكن تجاهلت الشعور وكملت مشي
بعد وقت وقفت وقفت ملاك مره واحده وحست ان الدنيا بتلف بيها لسه كانت هتقع سندتها ست كبيره باين على ملامحها الطيبه والرُقي:لاحول ولا قوة إلا بالله انتي كويسه يابنتي!
ملاك بتعب واضح:ا اه اه انا كويسه شكراً ل حضرتك
نهاد:كويسه اي بس ده انتي واضح عليكي التعب اوي تعالي يحبيبتي تعالي
قلقت ملاك:لالا شكرا انا كويسه
ابتسمت نهاد بخفة:متخافيش انا مش هخطفك انا عايزه اطمن عليكي بس وبعدين واضح انك مجروحه في راسك ف قوليلي عنوان اهلك وأوصلك
ملاك:معنديش أهل
حزنت نهاد جدا:طيب يحبيبتي تعالي معايا ومتخافيش
ملاك مكانتش قادره تعاند في تعبها اكتر من كده وكمان اطمنت للست دي وحست انها هتساعدها مشيت معاها ولقتها بتفتح باب عربيه وكان فيها سواق ركبت معاها وقالت للسواق:أتحرك يا حسن على البيت
بعد وقت وصلت ملاك للبيت مع نهاد ودخلوا مع بعض
نهاد:تعالي ارتاحي ياحبيبتي
قعدت ملاك وقعدت نهاد قصادها بعد ما قالت للخدامه تجيب مايه وعصير ل ملاك:بصي بقا يا..اه صحيح اسمك اي
ملاك:اسمي ملاك
ابتسمت نهاد بلطف:اسمك حلو يا ملاك انا بقا ابقا نهاد ليا ابن واحد بس عايشه هنا لوحدي معظم الوقت لان ابني عنده بيته بيروح يقعد فيه بيجي كل يوم بليل يقعد معايا بعدين يروح على بيته وساعات مش بيجي بسبب ضغط شغله
ملاك:ليه هو متجوز!
نهاد:لا بس سميها مستقل بنفسه انا بردو مستغربه زيك ليه يعيش لوحده بس هو كده من زمان بيحب يستقل مع نفسه
ملاك ابتسمت بهدوء وشربت العصير وقعدت نهاد تتكلم معاها عشان تخليها تاخد على الجو:وانتي يا ملاك ملكيش حد هنا
ملاك بشرود وحزن:لا انا اول يوم ليا هنا
نهاد بزعل على حالتها:ينفع اسأل ليه لو مش عايزه تجاوبي خلاص براحتك
ملاك ابتسمت برقة:مممم سميها هربت او اتحررت من سجن عيشت فيه سنين..
حكتلها ملاك قصتها مع خالد
نهاد بزعل وتأثر شديد وكانها هي الي عاشت الحزن ده:طب وانتي اتولدتي ملقيتيش اهلك!!
ملاك ابتسمت بكسرة وعيونها اتملت بالدموع:احنا كنا عيلة جميله اوي كان ليا بيت دافي وهادي كان ليا اخوات بتحبني وأب وأم كانو اكبر داعم ليا في الحياة
ضحكت بحزن ودمعه نزلت من عيونها:بس راحوا مني صحيت بعدها مش مصدقه ولا حاسه باللي حصل لقيتني في مكان غير المكان وبيت غير بيتي ومره واحده الحال أتبدل من طمئنينة وراحه ل خوف وقلق انك تصحي ف اي يوم تلاقي واحد حقير زي ده……
سكتت بألم وحزن
قدرت نهاد سكوتها ومحبتش تضغط عليها:خلاص يحبيبتي خلاص لما تقدري تكملي انا معاكي وهسمعك دايماً وانتي من انهارده هتعيشي معايا زي ما انتي شايفه كده أنا لوحدي في البيت اهو على الأقل اسليكي وتسليني
ابتسمت ملاك بحرج:لا مش عايزه اعطل حضرتك او أشغلك بجد شكرا يكفي انك ساعدتيني وسمعتيني وبجد ارتحت جدا مع حضرتك بس كفايه كده
قامت ملاك وقفت عشان تمشي ونهاد لسه هترد وقفها صوت شاب دخل بمرح لأمه:ست الحبايب يا حبيبة يا نونو
سكت لما شاف الحورية دي قدامه وبصلها بتوهان:مين المزه دي يا امي
نهاد بصتله بتبريقة الأم المصريه المعروفه:بس ياواد دي ملاك بنوته كده لسه متعرفين على بعض
ادم:من ناحيه ملاك ف هي حقيقي ملاك
ملاك بصت في الأرض بخجل وهمست بصوت واطي:ش شكراً ل حضرتك انا هستاذن بقا وبشكر حضرتك مره تانيه
نهاد بصتلها:ملاك انتي مش هتمشي سامعه
بصتلها ملاك ولسه هتتكلم قاطعتها نهاد:مش عايزه اسمع اي كلمه اتفضلي اقعدي لحد ما يجهزولك اوضتك
بصت ملاك ل ادم عشان ينقذها لكن ادم مش فاهم اي حاجه:خلاص يا ملاك القرار صدر من فوق للأسف يلا اتفضلي اقعدي
قعدت ملاك ب حرج وبعد وقت جهزولها غرفتها طلعت وخدت شاور وغيرت هدومها وراحت في اتجاها للسرير عشان تنام وتنهي اليوم المتعب ده
عند مراد كان نايمه على سريره وحاطط أيديه الأتنين ورا دماغه وباصص للسقف ب سرحان وابتسامه جميله على وشه:لقيتها لقيتها انا مش مصدق حاسس انه حلم وهصحى منه تاني زي كل مره لالا مش حلم انا متاكد انه حقيقي..
أتنهد بنبساط وغمض عيونه عشان ينام ويصحى تاني يوم يشوفها
تاني يوم الصبح صحي مراد بحماس غير عن كل يوم ودخل بسرعه خد شاور ولبس بدلته ونزل ركب عربيته وطلع على المستشفى
اول ما دخل راح على اوضتها على طول خبط وفتح الباب لكن لقا السرير فاضي ومترتب ضربات قلبه زادت واتصدم قابل الممرضه الي كانت عارفه بالحاله من امبارح:فين المريضة الي كانت هنا
الممرضه:مشيت امبارح بعد ما حضرتك مشيت ب شويه وسابت ل حضرتك الورقة دي
مسك مراد الورقه وهو لسه تحت تاثير الصدمه وفتح الورقه يقرأ الي فيها(:انا بشكر حضرتك جدا بجد على مساعدتك ليا وانك عايز تقدملي واجب لأنك حاسس بتأنيب ضمير لكن انا بطمن حضرتك اني مش مدايقه ومش عاوزه تعويض ان حضرتك تلاقيلي سكن يكفي انك عالجتني انا مشيت اه معرفش اسم حضرتك بس اياً كان احب أشكرك جداً مع السلامه..)
قفل مراد قبضة ايده على الورقه بغضب واتبخرت آخر ذرة أمل انه يقابل أميرة أحلامه ويحبها وتحبه لأنها اكيد مشيت من القاهره زي ما مشيت من المكان الي كانت فيه وجت هنا رزع على الباب الي قصاده وهو بيقول:ليييييه لييييييييييه
…
