رواية عدالة الله الفصل الثاني بقلم جمانه السعيدي
سوسن... خالتي اخذتني للدكتوره
الدكتوره طلبت مجموعة تحاليل حتى تعرف سبب تأخر الحمل
رحت للمختبر وسويت كل التحاليل الي طلبتها مني الدكتوره
بقيت انتضر واني كلي امل اكون ام حالي حال كل البنات
كاعده واباوع على الحوامل الي بلعيادة
واتخيل نفسي راح ارجع الهذا المكان واني حامل
حالي حال البقيه
واسمع اكو كم وحده وهنا يشكن من تأخر الحمل
واكو الي مراجعات يم هاي الدكتوره وصابر حمل
طلع التحليل دخلنا على الدكتوره اني وخالتي
شافت التحاليل بس شكلها ماكان يطمن
سوسن...هااا دكتوره بشري
بقت عينها على ورقة التحليل وساكته
سوسن...هااا دكتوره اكو مشكله
خالتي...هااا دكتوره طمنينا
الدكتوره ...عندج مشكله بس انشاء الله راح اكتبلج علاج
واذا ماصار حمل ترجعين عليه
مدت ٣ اشهر وترجعلي
سوسن...الدكتوره من قرت التحليل اتاكدت اني مستحيل
احبل بس الجشع والطمع منعها تكول
اكيد اني اذا بقيت اروح وارجع عليها راح تستفاد مني
حالها حال باقي الدكتورات
اخذت العلاج بس مااجذب عليكم احس روحي انكسرت
خفت لان اني قريت بعيون الدكتوره شي ثاني
من كانت تحجي ابد ماكو تفائل بكلامها
المهم رجعنا للبيت صادق كل شويه يتصل يطمن
صادق...هااا طمنيني
سوسن...تكول عندج مشكله وانطتني هذا العلاج
صادق...وانتي ليش ضايجه الله كريم هسه تشوفين شلون البيت راح ينترس جهال
سوسن...انشاء الله جمانه السعيدي
اخذت العلاج لمدت ٣ اشهر بس كلشي ماكووو
كل شهر نبقى نحسب اني وصادق الايام الدوره الشهريه
واحنا كلنا امل يصير عدنا طفل
رجعت للدكتوره
سوسن...دكتوره خلص العلاج وجددته وهاي خلصن ٣ اشهر
بس بدون فايده كلشي ماكو
الدكتوره...اي نغير العلاج هاج روحي سوي تحليل
رجعت سويت تحليل وأخذت علاج لمدت شهرين
وهم كلشي ماكوووو
ماكان عندي غير افرش سجادة الصلا وأكد اصلي وادعي
اطلب من رب العالمين يرزقني بطفل
يفرح كلبي وكلب صادق
حياتي مثاليه زوجي وعيالي كلش زينيين وياي ما ينقصني
غير طفل يكمل هاي الفرحه عليه
خلصن شهرين وكلشي ماكووو
غيرت الدكتوره ونفس الشي اخذت علاجات مو طبيعيه
وماكو اي فائده
المشكله ولا وحده منهن كالت انتي مستحيل يصير عندج حمل لا كل وحده اروح عليها تسويني فار تجارب
وتبقى تنطيني بهل علاجات وماكووو
بعد ٣ سنوات زواج وبعد ما صرفنا كومه فلوس
وكعت على دكتوره جبيره بلعمر فعلا ملاك مو دكتوره
هي هاي الدكتوره اكدتلي هاي العلاجات مو بمصلحتي
جاي اتعب جسمي حتى طاقه مابقت عندي
كالت ماما ليش هيج اسوين بنفسج
انت مايصير عندج اطفال رحمج مشوه ومن النوع الصعب مستحيل يصير عندج اطفال
وكل هاي المراجعات جاي اضيعين وقت وصحتج وجهدج
انتي أولى بهاي الفلوس
سوسن...دكتوره يعني ماكو امل
الدكتوره....الأمل رب العالمين هو الي قادر يجبر خاطرج بطفل بس البشر مستحيل يخلق هاي المعجزه
خلي عينج بعين الله ايجوز يلطف بحالج
جمانه السعيدي
طبعا هي تحجي واني دموعي نزلن منا ومنا عبالك واحد يقطع بكلبي شلون اني مراح اصير ام
وشراح اكول الصادق
شلون راح تكمل حياتي والاجل شنو راح تستمر حياتي
طلعت من العياده ابجي خالتي من شافتني انرعبت
خالتي.. هااا شبيج
سوسن...مسحت دموعي ماكو شي
خالتي...ليش تبجين شكالت الدكتوره
سوسن....ماكالت شي
خالتي...احجي ليش ادخل عليها ليش تبجين
سوسن...انفجرت بلبجي كعدت على كرسي بلاستراحه
خالتي...هاي شبيج احجي وكع كلبي
سوسن....الدكتوره تكول انتي مراح يصير عندج اطفال
خالتي...شنو الدكتوره صايره بمكان رب العالمين كله بيد الله امشي لا تبجين
خالتي كانت تواسيني بس هي مقهوره مثلي واكثر صادق ابنها الجبير
واعز شي على الام تشوف احفاده وهي تقريبا كانت
متاكده مني السبب بعد رحلة ٣ سنوات من العلاج
بدون فايده
رجعنا للبيت ويومها ما بطلت بجي
شكد حاول صادق يهديني بس مااكدر
كنت اتمنى لو ميته ولا سامعه هيج خبر
صادق...اني اخذج غير دكتوره
سوسن...ماكو فايده هي الشغله مبينه من البدايه ليش
اتعب واصرف فلوس بلاش
صادق....ولو اشوف غير دكتوره
كعدت وسكتت قررت بعد مااروح اي دكتوره ولا اخذ علاج
انتضر رحمة رب العالمين
بعد زواجي ٣ سنوات قررو عيالي يزوجون حماي
طبعا حماي هذا ملاك مو بشر علي نفسيه تخبل
شكد يحبني ويحترمني من يشوفني ضايجه يضوج عليه من رجع وسمع اني مايصير عندي اطفال
شكد انقهر عليه وكعد يواسيني وياخذ من خاطري
لان اني زينه ويااا
اغسل ملابسه من يجي حتلو متأخر احضرله الاكل
ارتب غرفته كل يوم واعطرها
هو من نوع يحب الجاي هواي
اني بس يدخل للبيت اخلي القوري على النار
وكل شويه اخذله جاي بس يشوف كوب الجاي بايدي
يكول انتي معدله
سوسن...هذا اكسير الحياة مو جاي
جمانه السعيدي
لمن خالتي بدت تشوفله عروس يكلها اريدها مثل سوسن
خالتي تضحك تكله وين نلكه مثل سوسن
المهم خالتي لكت بنيه مناسبه الفاضل
شويه أجواء البيت تغيرت تعرفون تحضيرات العرس شلون حلوه
ازوج حماي شكد جنت فرحانه بزواجه
لان هو كلش حباب ونفسيته حلوه
واني اريد وحده وياي بلبيت نسولف نضحك
شكد تعبت بايام العرس بس على كلبي مثل العسل
فرحانه الفرحهم
احلام زوجت فاضل بلبدايه كانت كلش زينه وياي
بس الغيره اشتعلت بكلبها من شافت الكل بلبيت يحبني
والكل ايصيح باسمي
اني شايله البيت شيل على راسي
من تريد تسئل على شغله خالتي تكلها اسئلي سوسن اني كلشي مااندل بلبيت
من نكعد ناكل يمدحون اكلي كدامها
فاضل....باعي احلام خلي سوسن تعلمج على الطبخ
لان طبخها يخبل والجاي الي تسوي ما اسولفلج علي
شكد شارب جاي بس مثل طعم جايها ماكووو
منا بدت احلام تكرهني واضوج مني
رغم اني ابد مااخليها تتعب كل الشغل عليه
هي تشتغل قليل بلبيت
بعد شهرين طلعت حامل الفرحه بيتنا شكبرها
اني كمت اهلهل
هي تخزر بيه عود هاي فرحتج جذابه
اجذب عليكم اذا اكول كان الموضوع عادي بلنسبه اليه
كنت فرحانه الهم
بس بداخلي كنت اتمنى رب العالمين يرزقني بطفل واشوف الفرحه بعيون صادق
مثل ماشفت الفرحه بعيون فاضل وخالتي وعمي
بس مابيدي شي غير الدعاء
بهاي الفتره احلام تخبلت عليه
بحجت حامل شالت ايدها من كلشي حتى ملابس زوجها اني اغسلهن واني احضرله الاكل
من تشوفني تبقى تبسمر بيه لان اني مااحبل
تسمعني كلام مثل السم
مااكدر ارد عليها لان مااريد مشاكل عيالي زينيين وياي
ليش اسوي مشاكل
كنت اصبر نفسي واكول الله كريم
صادق من سمع احلام حامل تغير وياي وبدا يخطط الشي
من وراي
بهاي الفتره كان اكو حديث يدور بلبيت اني مااعرف بي
يردون يزوجون صادق
وخاصه بعد حمل احلام
مثل ما فاضل راح يصير اب
صادق من حقه يكون اب صادق كان مااايد هاي الفكره
بدت معاملته تتغير وياي
شويه شويه يبتعد عني ماعنده نفس اللهفه عليه
اكثر وقته يكعد ويا خالتي وعمي بغرفتهم
من ادخل عليهم يسكتون
طبعا عمي وخالتي موافقين على زواجه
بحجة نريد نشوف اطفاله
اني ابد ماجنت خاله ابالي جاي يحجون بزواج صادق
لو جاي يخططون يزوجنه
اشوف الوجوه تضحك من تشوفني شمدريني بكلوبهم
عوض الله جميل...
شكرا لزيارتكم عالم روايات سكيرهوم
