رواية عدالة الله الفصل الثالث بقلم جمانه السعيدي
سوسن....خالتي بدت ادور عروسه مناسبه الصادق
تريد ازوجه
واني مااعرف ياغافلين الكم الله
احلام عرفت عمتي جاي ادور زوجه الصادق
صادق بلنسبه الها فرصه ما تتعوض خصوصا وهي عايشه ويانا وتشوف شغله والفلوس الي يحصلها
تقريبا مصرف البيت كله على صادق
حبت تقرب اختها
تريد صادق ياخذ اختها طبعا اختها حيه اكثر منها
بدت اختها كل يوم والثاني عدنا بلبيت
كاشخه كل قوتها والعطر يسطر سطر
بحجة اختها حامل وتعبانه وهي جايه تشوفها
اول مره اجت بقت عدنا للعشى لمن اجا صادق من المحل
بس دخل سلمت علي
نهله...شلونك صادق الله يساعدك
صادق...اهلا وسهلا
نهله...مبين تعبان الله يساعدك دوام وشغل
ارتاح
صادق...متعود على الشغل
نهله...مسكين بس التعب
صادق...الحمد لله انتي شلونج
نهله...الحمد لله تمام
جمانه السعيدي
بعدها نهله اخت احلام كل يوم والثاني عدنا بلبيت مرات تجي الصبح وتبقى للضهر حتى يرجع صادق ويشوفها
وتبقى للعصر
تلبس ملابس ضيكه وتفتر بلبيت على اساس تساعد بشغل البيت بس حتى يشوفها
وتتشقا وياا وتضحك
وطلع سوالفه مدري شنو ما شنو حتى يحجي وياها
مراح اكول رجلي خير وماله شغل بيها
بلعكس مكيف على هاي السوالف
قبل من يرجع الضهر ينام يرتاح هسه اذا يلكاها بلبيت
يبقى كاعد ويسولف عليها
خالتي وعمي ينامون واحلام وفاضل يدخلون غرفتهم
واني ابقى مثل الطير المذبوح احوم يمهم
مابيدي شي هي خطاره مااكدر اتعارك وياها واطردها
لان هي عدها حجه جايه على اختها
الحد ما تبادلو الارقام هو وياها بدون علمي
من هاي الحظه كمت مااشوف صادق ولا يدري بيه
حتى الوقت الي جان ينام بي يبقى كاعد يراسلها
من اقرب علي يبعدني عنه بحجت تعبان لو عنده شغل
سوسن...صادق ليش متغير وياي
صادق...مو كتلج تعبان
سوسن...قبل ترجع مشتاقلي ليش كمت تبعد عني
صادق...اهوووو مو كلنا تعبان شلون اعوفلج البيت واهج
جمانه السعيدي
بيوم الي يتفقون صادق ونهله تجي عدنا للبيت يجي صادق محمل مسواك أشكال واللوان
اول مره من شفت المسواك كلت عادي مستلم الراتب
وجايب مسواك هواي
بس فجئه طلع منتضر الحيه نهله
ثاني مره نص الشهر اجا محمل مسواك أشكال واللوان
من اجت نهله وكعد يحجي وياها
عرفت اكو شي جاي يصير من وراي واني مااعرف
الحد ما ولدت احلام بقت اسبوع بيت اهلها ورجعت
للبيت وياها نهله على اساس اداريها
وهذا كان اتفاق بين نهله واحلام وصادق
من يدخل صادق لمن يطلع هي تفتر ورا
وتسولف علي
واحلام كاعده يمهم خاف اشك بشي
صادق....يمه اني اريد اخطب نهله اخت احلام لان عاجبتني
ام صادق...اي نهله خوش بنيه
ابو صادق....بس ما طلك سوسن اني من هاي اللحظه اكلك
سوسن بتنا ونعرفها ماكو اي طلاك
ام صادق... لا اني مااقبل على سوسن
سوسن...طبعا اني كنت شاكه اكو شي بينهم لان من تجي البيتنا صادق يصير انسان ثاني
مايمشي على الكاع والضكحه ما تفاركه وكله نشاط
هاي التصرفات بس وياها اني تقريبا مايقرب عليه
ولا يحجي وياي اله يريد شي
.مثلا..... اريد ملابسي
...جوعان اريد اكل
....اريد انام مااربد صوت
تعامله وياي بس على كد الأشياء الي يحتاجها
حتى المصرف مو مثل قبل اله اطلب منه يله ينطيني
تقريبا نساني
مااكدر احجي واسوي مشكله بلبيت اني ماعندي دليل علي
بعدين اني بنضره ونضر اهله ارض بور
ما مني فايده عايشه على لكمتي وبس
بدا شكلي يتغير بديت أضعف هلكد ماشالله هم
خايفه صادق يعوفني وين اروح
حتى امي وابوي ماتو والبيت انباع وتقسم حصص
اني بلنسبه اليه حصتي انطيتها الأخوي الجبير لان حالته الماديه صعبه
صفيت وحدي لا اهل ولا زوج حنيين اخلص شغلي واكعد بغرفتي ماعندي احد احجي وياا غير رب العالمين وأشكيله حالتي
الحد ما تم الاتفاق بين صادق وأهله ونهله وأهلها على الزواج
كل هذا وهمه مرتبين كلشي بدون مااعرف
عندي شك بس ما متاكده
كنت اشوفها بهذا شكلها ولبسها ومكياجها وضحكتها وحده خفيفيه مستحيل صادق يتعلق بيها
شكد جنت غبيه
حددو يوم المهر قبلها بكم يوم راح صادق جاب ملابس جديده وعطر وراح للحلاق
سوسن.... بلعافيه على الملابس حلوات
صادق...الله يعافيج
سوسن...اكو مناسبه واني مااعرف لان هاي ملابس كشخه
صادق...لا ماكو مناسبه بس عجبني وجبتهن
سوسن....هااا تكطعهن بلعافيه
صادق ...شكرا
لبس القاط وطلع برا راسا نهله كامت تهلهل مبروك مبروك بلعافيه
منك المال ومنها العيال انشاء الله قريبا تترس البيت جهال
سوسن...وكفت كبالهم مصدومه افتهمت هاي الملابس ملابس عرس جمانه السعيدي
سوسن...انت راح تزوج
مارد عليه سو نفسه يعدل بقاطه
احلام...اي باجر المهر راح يزوج اختي نهله عيوني
الرجال من حقه يريد جهال
شنو قابل يبقى هيج
سوسن...راسا دموعي نزلن قربت علي لزمته من جتفه
هو جان واكف منطيني ضهره
سوسن...صادق صدك راح تزوج
رد عليه برود وهو يعدل بملابسه ((((( اي ))))))
سوسن...وليش ما كتلي
صادق....انتي شنو ولية امري اني رجال متمكن خير من الله واريد ازوج قابل راح ابقى عليج
الي بعمري سجلو اطفالهم بلمدارس صار خمس سنوات زواج اعتقد اني ما قصرت وياج
سوسن....تزوج نهله يعني كل شكي كان بمحله
كل يوم جايه هنا تعرض نفسها كدامك منا لمن وكعتك
احلام.. انجبي لا تحجين على اختي اختي احسن منج
يلعاجر اختى على الاقل زغيره وحلوه
مااعرف صادق على شنو باقي عليج مابيج اي فائده
بس اكل ونوم
سوسن...مسحت دموعي وكتله طلكني
احلام. اي هي هاي الي اني اريدها طلكها وخلصنا
شكو باقي عليها
خالتي جانت طالعه رايحه البيت احلام تتفق وياهم على التفاصيل
دخلت لكتني ابجي
خالتي.. هااا خير ليش تبجين
سوسن...تسوين نفسج ما تعرفين انتي رحتى خطبتيله
خالتي...يايمه مره ما تاكل مره نريد نشوف جهاله
وانتي تبقين معززه مكرمه محد يقرب عليج
سوسن...قصدج اصير خدامه واروح بلرجلين
خالتي...ليش تكولين هيج
سوسن...مسحت دموعي هو هسه قبل لا يزوج تغير عليه
شلون اذا ازوج
احلام.. خاله انتي ليش تحجين وياها عوفيها بحالها
خليه تطلك قابل انتم شمستفادين منها
خالتي.. اسكتي لا تدخلين مالج شغل سوسن ام البيت
احلام.. هههه ام البيت خاف ام البزازين مو ام البيت
رجع فاضل وشافني ابجي
فاضل.. هااا شكو
احلام...ست سوسن تريد تطلك ماعاجبه صادق يزوج ويصير عنده اطفال
فاضل...اسكتي لا تحجين انتي بلذات لا تدخلين مالج شغل
بعدين ليش كلكم عليها
سوسن ماكو منها بلدنيا كلها قابل هو بكيفها
الأطفال رزق من رب العالمين
صادق...ملخص الحجي اني راح ازوج تردين تبقين اهلا وسهلا تردين ترحين الاهلج الله وياج
سوسن.....ااخ كلمته هاي زرفة كلبي زرف عبالك البيت وكع عليه
دخلت غرفتي كمت ابجي بصوت عالي
جمعت ملابسي
خالتي اجت وراي تريد تمنعني اطلع من البيت
بس اني بعد هذا الكلام الي سمعته مصممه اطلع
هذا البيت مابي مكان اليه
جمعت ملابس وطلعت عمتي توسلت بيه ابقى
بس مارديت عليها
طلع وراي فاضل
فاضل... اهدي لا يصير بيج شي على كيفج
اني مراح اكلج ارجعي للبيت بس اكلج هاي سنة الحياة
اصبري شويه
سوسن.. على شنو اصبر اني زوجتك ما حاملتها
النوب اختها وياها بنفس البيت
ليش جاي تعاقبوني اني شنو سويت
يخطب بدون ما يكول عايف احلام تضحك عليه
اني مو شريكة حياته
جان خلالي قيمه واحترام وكعد وياي وكال اريد ازوج
اريد اطفال جمانه السعيدي
مو يخليني ورا يضحك عليه النسوان
فاضل.. خل اوصلج الاهلج ارتاحي وبعدين نحجي
وصلني فاضل البيت اهلي
طبعا اخوي الجبير بقى بيت اهلي هو وزوجته وجهاله
دخلت للبيت ونصبتها مناحه
كمت الطم واملخ بشعري ابد ما توقعت من صادق هاي الطعنه
يخليني ورا يخلي احلام واختها يضحكن عليه
يتفق من وراي ويخلي هاي الحيه الصفره
كل يوم جايه بحجت جايه على اختها وهو متفق وياها
اصرخ بصوت عالي احس كلبي يوجعني
زوجت اخوي حاولت بكل الطرق تسكتني بس مااكدر اسكت اتصلت على اخوي حتى يجي
هلكد ما بجيت احس فحطت
عبالي صادق يتندم ويجي وراي يصالحني
بس ولا عبالك عشرة خمس سنوات بينا ولا عبالك جنت مداريته وشايله بعيوني
اني ما معترضه على زواجه
بس معترضه لان جان يستغفلني ويخلي وحده مثل احلام واختها يضحكن عليه
انشاء الله حوبتي تطلع بيهم
شكرا لزيارتكم عالم روايات سكيرهوم
