رواية الضحيه الفصل الثاني بقلم زينب نور
اي علخير والبركه مرت الايام وصار عندي حمودي وبعد حمودي فهد وبعدين سمرة مرت عدة سنوات على زواجنا هسه احنا بعام ١٩٨٩ فد يوم جنت بلشغل طبعآ زوجتي حامل بطفلنا الرابع اني اشتغل عد نجار مدنك راسي اشوف واحد يكولي شونك ابو محمد هلاا هلاا اباخوية وصديقي خلدون هو زوج سعدية اخت زوجتي سالتة شخباره. ...
- والله خويه صارلي طريق من هنا و جيت اسلم عليك اني مسافر....
-خير انشالله وين مسافر....
- والله طالعين لمصر نريدلنا علاج نريد يصير عدنه طفل
- خير انشاء الله ترجعون وبيدكم طفل مر ٧ أشهر على سفرهم وماكو اخبار عنهم صار وكت ولادة زوجتي جنت بلشغل اشوف خلدون واكف يمي بلمحل يا هلا سلمت علية وشبكتة كتلة هاا بشر سشويت....
- والله خويه ماكو امل نهائي....
- زين المرض منك لو منها....
- والله مني هي كلشي ما بيها ...
-هذا الشي خله كلبي يشتعل على سعدية صفنت رحت بغير دنيا وهو يسولفلي واني مو وياه فزيت على صوت صياح مرة بلمحل وتعيط علية يا ابو محمد الحك زوجتك دتولد ركضت انطيت مفتاح المحل للصانع مالتي اشوف خلدون ركض وياية رحنا للبيت الجيران ماخذينها للمستشفى دخلت بلباب واكف طلعت علية جيرانه كالت لازم توقع زوجتك محتاجة عملية وبطل دم.....
-خويه خليك يم مرتك اني اتبرع ....
-راحت الممرضه جابت الأوراق وقعت عليها وخلدون اتبرع بلدم باوعت لجيرانه كتلها بس تولد لا تخليها تشوف الطفل جيبيلي. ...
- ليش شتريد تسوي...
- اني أبوه مو شغلج والله بقينا واكفين اكثر من ساعة طلعت جيرانه شايلة طفلين....
- مبروك جالك توم ولد وبنية....
- اخذت البنية منها انطيتها لخلدون كتلة روح هاي بنتكم انتو اخذوها هاي سند الكم بس حطوها بعيونكم وما اريد احد يعرف كولو اتعالجتو ودوصار عدكم طفل باوعت لجارتنا كتلها ولا كلام ما اريد اسمع طلعت فلوس من جيبي كتلها روحي انطيها للدكتورة والممرضات خلي يسكتون ولا وحدة بيهم تكول زوجتي جابت توم تكولون بس ولد واحد فعلآ سكتو الدكتورة والممرضات وجيرانا هم سكتتها بكم فلس مرت الايام بعد ٣ سنوات زوجتي حبلت جابت توم بنات بس اشوف كلهم مو مثل سدرة الي انطيتها لسعديه و محد يعرف هاي بنتي بس اني وهما وجيرانه و سدره كلش حلوة احلى من بقية بناتي كبرت صار عمرها ١٥ سنة وهي المدلله وبنفس الوقت نغصة كلبي جنت اشتعل كلما اشوفها .....
-اني سدرة عمري ١٥ سنة
وحيدة ماما وبابا ومدللة من الكل جنت ارتاح لبيت خالتي ميسون زوجها شكد احبة احسة عمي واكثر فد يوم جنت راجعة من المدرسة اسمع امي وابوية يحجون عمي سالم مريض طبيت ركض بابا شبيه عمو سالم.....
-بابا مريض بلمستشفى كمت اصيح ودوني الة اريد اشوفة رحت علي للمستشفى امي ما جت ويانا رحنا اني وبابا الدكتور جا راد تحاليل خالتي نزلت وكتب علاج طلع بابا يشتريه بقينا اني وهو بلمستشفى باوعلي وضحك بوجهي نظرات غريبة وحنونة بنفس الوقت بلكوة كدر يعدل نفسه ....
- تعاي اكعدي بصفي ...
-تقربت كعدت يمه....
- انتي تعرفين اني شكد اعزج واحبج...
- واني هم احبك عمو....
- يا بنتي انتي نغصة كلبي الي مرضي كلة من وراها....
-عمو سلامة كلبك ....
- ما سالتي نفسج فد يوم ليش كلما اشوفج عيوني تدمع ما كلتي ليش احبج اكثر من بناتي....
- سكتت اريد اعرف نهاية كلامة باوعلي بنظرة مال واحد كلبة محروك.....
- انتي بنتي واني ابوج.....
- ضحكت باستهزاء عمو مو وكت شقى هسه انت كوم بلسلامة والله كريم شتريد نسولف....
-بابا اني دا احجي الحقيقة اني ابوج....
-حجالي السالفة كلها من اول ما حب سعدية وتزوجت وخطبولة ميسون كلها حجالي ياها اني ما ضل بية حيل كلبي راد يوكف زين شون كدرت تتخلى عني حتى بدون علم مرتك.....
-بابا لئن غريزة الأمومة اقوى من غريزتي خفت تمنعني واني ما تحملت سعدية تبقى بدون طفل انتي ضحية حبي الي انحرمت منه....
- هزيت راسي وطلعت من يمة بقى بلمستشفى اسبوعين بعدين طلع مر على مرضة سنة ونص وهو يوم بلبيت ويوم بلمستشفى اني من هذاك اليوم ما شفتة فد يوم جنت كاعدة صافنة جنت كلش ضايجة اندك الباب طلعت اشوف ابنة فهد يباوع بوجهي بنظرات غضب....
- امشي وياية ابوية كلش تعبان يريد يشوفج .....
- ما اجي....
- اني ما جاي اخذ رائيج البسي بسرعة وامشي وياية ....
-طلعت امي على صياحنا ....
- شكو بنتي...
-ماما عمو سالم يريد يشوفني....
- روحي ماما وية فهد اني ما اكدر اروح تعبانة ظهري يوجعني....
- رحت للمستشفى بلطريق كال فهد ....
- اموت واعرف ليش ابوية يحبج ويفضلج علينا وعلى خواتي....
-شمدريني روح اسأل ابوك دخلت عليه للغرفة جان ابنة سيف واكف بصفة طبعآ هو كلش يحب سيف يمكن جان يعوض نفسة عني بي بس دخلت هو جان نايم فز على فتحت الباب كام يريد يتعدل ما يكدر بصراحة انكسر كلبي عليه ماصدكت هذاك الرجال الطول والعرض المرض يسوي بي هيج.....
- تعالي اكعدي بصفي سيف اطلع برى....
- اني دنكت راسي شفت سيف ضاج طلع وسد الباب.....
-ليش بابا سنة ونص ما سالتي على ابوج.....
- انته مو ابوية لو انت فعلا تحسبني بنتك جان ما تخليت عني علمود ذكريات المراهقة مالتك انت حرام تكون اب الي يستاهل الابوة هو هذاك الي رباني اني افتخر بي انت مايحقلك تكول بنتي لان تركتني بدون اي ذنب مني.....
- زين اتخيلي انتي هسه عايشة ويانا جان تعرفين خالتج سعدية وزوجها شنو حالتهم هسه جان بيتهم فارغ حياتهم فارغة انتي مليتي عليهم الدنيا .....
- هسه اني ما اعرف انت ليش دزيت علية....
- علمود اشوفج مشتاقلج سدرة بابا .....
-كمت من مكاني وهسه شفتني هسه اكدر اروح ....
-بنتي الخاطري ابقي يمي بس اليوم....
- انقهرت عليه رحت طلعت يم خالتي وبناتها اباوع على اختي الجبيرة سمرة طبعآ كلش احبها لوبيدي اشبكها واكوللها انتي اختي بس ما اكدر احجي او خالتي مسكينة ماتعرف نفسها جابت توم هي كل ضنها جابت ولد واحد وهذا المكروه ابنها فهد جان يشاقيني ويسولف وياية بس الي جان تفكيرة بغير عالم هو سيف ماعرف نظراتة غريبة عيونة صايرة نار حتى خفت منة ضليت وياهم لليل عمو سالم صار احسن كام يسولف ويضحك ويانا بليل كلت لفهد وصلني لوبس تعرف تجي تأخذني.....
- اني مابيه حيل ما اروح خلي محمد هسه يجي يوديج....
-بس سيف كال اني اوصلج بلبداية خفت بعدين كتلة ماشي وديني طلعنا دنمشي بلطريق جان يمسك ايدي انت شبيك شدتسوي....
- لا تخافين اني اعرف انتي اختي....
-من كالها ماعرف شصار بية كلبي كام يدك وجهي صار احمر دموعي غدرتني ونزلت شنو هذا الحجي شبيك انت مو صاحي....
-لا اني صاحي سمعتكم اليوم انتي وابوية تحجون وعرفت هو ليش يحبج اكثر من خواتي.....
-عفيه سيف لتحجي الاحد حباب...
-اوعدج هذا يبقى سر بيناتنا طول ما أبويه عايش ك بس اذا الله اخذ امانتة من ابوية اني ما اظمن اضل ساكت....
- وصلني للبيت وراح بقيت الليل كلة ابجي وادعي مايموت لان اذا مات اني سري ينكشف .... يتبع
-الصبح كعدت امي محضرة إلريوك ....
- تعالي ماما اتريكي...
- ماعجبني اكل جان كلبي مقبوض بقيت كاعدة اصفن وية نفسي اشوف التلفون الارضي يدك امي شالتة ...
- الو اتفضلو ...
-دقايق وكامت تصفن بية ماحجت شي راسآ عرفت كتلها عمو سالم مات هزتلي براسها يعني اي كمت ابجي بس مابجيت عليه بجيت على نفسي لئن اعرف بوابة جهنم راح تنفتح بوجهي كمنا بدلنا اني وامي علسريع امي خابرت على ابوية كال روحو اني اطلع من الشغل رحنا عليهم بعد ما دفنوه بلغرفة جوة طبيت اشوف بناتة يبجون شبكتهم اريد تنزل مني الدمعة ما كدرت انقهرت عليهم بس ما كدرت امثل صحيح زعلت عليه بس هو اتخلى عني علمود مشاعرة راحو اخذوه دفنوه ورجعو خلص العزة رجعنا على بيتنا بليل اخذت التلفون ورحت لغرفتي اخابر ايمن حبيبي
الو أيمن ...
-الو هلو حبيبتي هاي وينج صار٣ ايام بالي مشغول عليج....
- ايمن اسكت صارت عندي شغلة طبعآ اني ميتة قهر واحجي وياه حاول يعرف شنو هي بس ما نطيتة مجال
طبعا أيمن تعرفت عليه بطريقة مضحكة جنت امشي راجعة من المدرسة اسبوع كامل اشوف واحد يمشي وراية متابع بصمت متحملت انداريت عليه كتلة انت ما تستحي على نفسك لاحكني صار اسبوع كل يومية انت وراية تمشي باوعلي باستهزاء وضحك....
- صحيح انتي حلوة ومشيتج تاخذ كلبي بس اني ما لاحكج يا حلوة ....
