رواية الضحيه الفصل الثالث بقلم زينب نور
لعد شعندك جاي من هنا اكص ايدي اذا ما انت غريب عن المنطقة ....
-ههههه دتشوفين هذاك البيت الي اصحابة صارلهم شهر ساكنين هنا هذا بيت عمي اهلي مسافرين امي مريضة عدها عملية واني طالب ما كدرت اروح وياهم فجيت هنا ابيت عمي ......
-اني بذيج اللحظة متت خجل ركض فتحت باب البيت وطبيت جوة ميتة ضحك وخجل ثاني يوم الصبح طلعت شفتة ديمشي من رجعت جان يمشي وراية بس هلمرة قريب مو مثل كل يوم كانما ديكول اطلبج اعتذار باوعتلة ضحكت ضحك ودار وجهة اني اسفة.....
- علمود شنو ....
- ها نسيت ...
- اييي قصدج البارحة لا عادي ما صار شي بس عجبتيني كلامج مستفز....
- بقينا نسولف وصلت البيت وضلينا على هاي الحالة اسبوعين مرة راجعين من الدوام دنمشي...
- اليوم اخر يوم اجي من هذا الطريق...
- اني ضجت بس مسكت أعصابي كتلة ليش...
-مو اهلي راجعين اليوم وراح ارجع لبيتنا...
- وامك اشون صارن....
- الحمدلله صارت زينة....
-اهااا الحمدلله على سلامتها ...
-الله يسلمج....
-يعني بعد ما اشوفك .....
-هههه اذا تحبين تكدرين تشوفيني هذا رقم اخذي ....
-كمنا نتخابر اني وياه بعد شهرين اعترفي بحبة وبقيت وياه صارلي سنة اني وياه على علاقة والى هذا اليوم هو ما يعرف شي عن عائلتي طبعآ بيتنا جبير وبي حديقة كلش جبيرة جان يجي ينام ابيت عمة وبليل يجي عدنا نكعد اني وياه نسولف بس ابد ما فكر بشي غلط جان يخاف علية اكثر من نفسة
يوم الي خابرتة بعد ما مات عمو سالم ...
-الوو... حبيبتي عندي موضوع وياج ضروري اريد اجي يمج هسه ...
-حاولت امنعة بس بقى يلح علية طلعت برة انتظرة شوية شفت جاي طبينا جوة بلحديقة ورة الاشجار محد يشوفنا كعد يسولف وياية ....
-حبي مشتاقلج وخفت عليج وخفت لا تعوفيني ....
-اخر شي مسك ايدي وكال اني احبج وبعد ما اتحمل اريد اخطبج شنو هاي مثل الحرامية هاي ٣ أيام لا اكل ولا نوم اخاف اخابر وغيرج يجاوبني...
-اني ما تحملت كمت من يمة كتلة روح اريد انام زعل وطلع رحت طلعت لغرفتي شوية ودكيت عليه مجاوبني طلعت التلفون برة ونمت كعدت الصبح ثاني يوم رحت للمدرسة طبعاصارلي ٥ أيام غايبة بلطريق دا امشي شفت واحد طويل يمشي كدامي بس ما اندار هو بعيد عني باوعت هذا أيمن لا هذا مو هو مشيت اسرع اقتربت منة شميت عطرة اي هو بس حالق شعرة ما عرفتة اقتربت اكثر والله هذا هو باوعت ماكو احد بلفرع مسكت حجراية صغيرونة ضربتة بيها صارت على اذنة اندار شافني أبتسم بس بغضب ....
-عفوا منو حضرتج ...
-خزرتة حضرتي الي ما عاجبتك شريكة حياتك المستقبلية أبتسم....
- يعني وافقتي ...
- لا ما وافقت بس انت الي وما اصير لغيرك مشيت رحت للمدرسة....
- بليل اخابرج ...
-طبعآ اكلت بهدلة مرتبة من المديرة بعدين امي جابت تقرير طبي خلتني اطب للصف
صار شهر ونص على وفاة عمو سالم واني وايمن كل يوم بليل يخابرني وكل يومين او ثلاثة مشكلة هو يريد يتقدملي واني ارفض
بيوم من الايام كان يوم عطلة كاعدة بلبيت وحدي امي وابوية طلعو اني حبيت ابقى بلبيت ارتاح وجان عندي امتحان كعدت أقرى الباب اندك طلعت كلت منووو مافتحت لئن جنت وحدي واحد كالي افتحي...
- اني فهد فتحي الباب....
- فتحت الباب اشوف كدامي محمد وسيف وفهد كتلهم امي وابوية مموجودين ما اكدر ادخلكم اني وحدي فهد ضحك
محمد كال عجبتني شجاعتج....
- بس ما اتصور اكو اخت تتحذر من اخوتها...
- كلبي وكف احس دم ما ضل بية اريد اوكف ما اكدر وكعت بلكاع كتلة شنو قصدك جا ركض علية سيف مسكني من ايدي دخلني جوة ودخلو وراه كتلهم اطلعو الناس شتكول علية اني وحدي بلبيت طبعآ محمد كلش عصبي.....
-اليحجي شي اكص لسانة.....
-باوعلي فهد وكال ....
-هسه عرفت ليش ابوية جان يحبج ويفضلج علينا طلعتي اختنا وما نعرف....
- كمت ابجي بهاي الاثناء امي وابوية طبو ابوية شكلة متوقع راسآ دخل ما حجى شي امي حاولت تضيع دمعتها كامت تسلم عليهم وتسالهم على امهم واخواتهم شوية وفتحو الموضوع محمد كال لابوية احجيلي عمي يوم ولادة سدرة وسيف انت وين جنت ابوية سكت ....
-عمو ترى عرفنا ما يحتاج تنكر....
- حجالهم بابا القصة من اولها لاخرها طبعآ فهد وسيف دمعت عيونهم بس محمد ما مهتم كلبة صخر شكد كرهتة بذيج الساعة وفهد كبر بعيني كام يطبطب على ظهري.....
-اني وياج لا تخافين....
-سيف اجه كعد بصفي....
-انتي اختي التؤام مالتي....
- باوعتلة كتلة بحياتي ما راح اسامحك انت دمرتني....
- ولدي هسه عرفتو كلشي شنو المطلوب....
-عمي اختنا تجي تعيش ويانا...
-كتله مستحيل ....
- انتي اسكتي خلينا نتفاهم....
- كلمة منا كلمة منا بل كوه تركني هو جان مقرر يأخذني وياهم بس فهد مقبل .....
-محمد متكدر تعيش ويانا احنا هواي وهي وحيدة خليها بس كل فترة وفترة تجي تبقى كم يوم عدنا....
-راحت الايام وخلصت خامس اعدادي وجنا اني وايمن كل يوم بليل نتخابر وذايبين بلحب جان ما يعرف شي عن اهلي جنت مقررة ما احجيلة شي
فد يوم بلعطلة جنت نايمة فزيت على صوت رجال طلعت من غرفتي اشوف فهد عدنا بصراحة خفت منة حاولت ما ادير بال اتظاهرت اني طبيعية طلعت سلمت عليه وكعدت باوعلي....
- تعالي اكعدي بصفي....
- اجيت كعدت يمة ....
-سدره اني جيت اخذج ...
-كمزت على حيلي كتلة شنو يعني تاخذني....
- معندج عذر دوام ماكو وبعدين انتي ما تملين وحدج تعالي هناك ويانا احنا اخوانج...
- طول عمري وحدي وما عندي اخوان شنو الجديد بلموضوع ....
- الوضع اختلف جنا منعرف شي ولا انتي تعرفين ....
-حاولت اتهرب منة بس ما فاد بلغصب اخذني وياه بدلت اخذت ملابس طلعنا سلمت على امي مشيت وياه شميت عطر مو غريب احس رجلية ما اكدر اوكف عليها هذا عطر ايمن عبر من كدامي صفن بية بصدمة اني من الخوف بقيت واكفة اشوف فهد يصيح....
- يللا امشي ...
-رحت وراه والدمعة بعيوني وصلنا بيتهم واني ميتة خوف من ايمن وخايفة عليه حسيتة انصدم بية سمرة اختي الجبيرة حست بية اخذتي برة وبدات الأسئلة مالتها....
- شبيج ومنو ضوجج وشكو...
-اني ساكتة بس اصفن بل اخير استسلمت وحجيتلها كامت تبجي وياية ضلت ساكتة والدموع بعيونها ....
- لا تخافين اذا يحبج راح يتفهم وضعج واذا الج بي قسمة راح تاخذيه غصب عن الكل بس ارتاحي ومراح يصير غير المكتوب ...
-كلامها ريحني كمت غسلت وجهي وكعدت وياهم بليل سوالف وضحك بس بداخلي ممرتاحة كل يوم أخابر امي بل ارضي بس اخاف اخابر ايمن بقيت ٤ أيام هناك عدهم رجعت ملهوفة اسمع صوتة احبة حب مو طبيعي ماكدر اتركة روحي معلقة بي....
