رواية الشيخ سلطان الفصل الثاني بقلم زينب نور
شمس
مرحبا
الكل/هلا ومرحبا
كاعدين ع الميز يتغدون عمي ومرته وزينب وايه وغسان وولد صغير يطلع عمره. بال8 سنوات او 9 تقريباً كعدت بصفه كوتله فدووه هذا منو الحلوو
فعلاً حلو طفل بس كعدته. وشخصيته مال كبار ابيض وشعره سرح وملامحه حلوه يباوع عليه ويبتسم
زينب/هذا ابني حمزه
شمس/يعمرري ربي يحفضه الكم
زينب/فدوه العينج حبيبه
وبعد هيا الصغيره عمرها 4 سنوات غديتها ونامت بعدين اجيبها آلُـ✿ـجُ تشوفيها
شمس/انـ شـاء الـلّه
ايه كاعده مقابيلي وتباوعلي بحقد مااعرف ليش
اباوع. ع لاكل مو نفس اكلنه هناك حته مااعرف شلون اكل عباره عن صواني كبار وبيهن مركه وخبز وفوكاهن لحم وخواشيك ماكو بقيت كاعده واباوع
الحجيه/يمه ليش ماتاكلين
شمس/خاله مااعرف اكل حجيتها بس كوه استحي
الحجيه/يمه ليش ماتعرفين سمي بسم الرحمن ومدي ايدج
شمس/عًـًـًآدًيً اخذ خاشوكه بس وين مخليهن
غسان/ياكل هو ومدنك شو راساً غص وايه تصيح يمه اسم الله وتضرب على ضهره
جابتله مي
زينب/اكعدي اني اجيبلج
جابتلي زينب خاشوكه. وبقيت اكل وياهم بس همه بيدهم واني بالخاشوكه
الاكل اول مره اكل هيج اكل كولش طيب بس اني بطبيعتي اكلي كولش قليل تقريبا 5 خواشيك وكمت
الشيخ/بويه كملي اگـلج
شمس/شكرا عمو هذا اكلي اني
كمت غسلت ايدي رغم ممتوسخه
وكفت اباب الكراج اباوع. ع الحديقه
كولتلهم عادي اطلع بالحديقه
الحجيه/روحي يمه اخذي راحتج البيت بيتج
طلعت بالحديقه اتمشه واباوع ع الورد شويه وصاحتني زينب طبيت
زينب/تشربين جاي
شمس /اي
قدمتلي الجاي
شربت شويه حسيته ثكيل حيل خليته ع الميز همه كولهم كاعدين يشربون كملو وطلعو من المطبخ بقت بس زينب وايه
ايه تلم المواعين وتوديهن لزينب وهي تغسلهن
اني واكفه اباوع عليهن
اجه يمي حمزه. دنكت بسته كوتله تعال وياي للغرفه اخذته وصعدت جنت جايبه وياي حلويات من لندن كولت خاف بالطريق اجوع بس مااكلتهن نطيتهن اله ونزلنه سوه.
شافته. امه
زينب/هـْﮩـااا حمزاوي هاي شنو
حمزه/انطتنياهن عمه. واشر عليه
دنكت العب بشعره وبسته اول مره احد يكولي عمه حبيتها منه
كوتله حبيبي عافيات انت بالمدرسه
حمزه /اي
شمس/يامرحله
حمزه/بالثاني ونجحت رحت للثالث
وانتي
شمس/اني المفروض هسه بالجامعه. اصير وطلعت هندسه بس اجلت هالسنه. السنه الجايه اداوم
حمزه/يعني مثل بابا
شمس/ليش بابا طالب هندسه
زينب/ابوه متخرج. من زمان هم مهندس
شمس/اهاا ربي يحفظه الكم
زينب/بعد روحي
شمس/وانت شنو حاب تصير من تكبر
حمزه/هم مهندس مثل بابا ومثلج
شمس/ياحبيبي احلى مهندس انشالله يلوكلك
زينب/هاا حمزاوي اشوفك بسرعه تعودت على شموسه
يباوع عليه ويضحك ويكول اي
شمس/واني هم كولش حبيته. اصلا احب الاطفال كولش
ايه لعَـدْ اطفالج ﯙيـن ماشفتهم
ايه/جهالي نايمين الضهر ينامون
شمس/شكد اعمارهم
ايه/علي سنتين وكرار 6 اشهر
شمس/ربي يحفظهم
ايه/تسلمين
استاذنت منهم حته اصعد وصلت لباب لمطبخ وسمعت ايه تحجي وي زينب
هاي ﺸنـٌٍـٍوﯛ لبسها مو عدنه شاب بالبيت ولنوب يجي سلطان وهم هيج تبقه تفتر كدامهم وين كاعدين
زينب/لابنيه ممتعوده على حياتنه شويه شويه تتعود
صعدت انغثيت من كلامها واحسها مطايقتني عكس زينب كولش حبابه ولطيفه وياي
صعدت خابرت انس بقيت احجي وياه ساعه كامله ولنوب نمت شويه وكعدت
اباوع ع ملابسي شالبس يربي هو اني هذا لبسي ليش دا تتحسس من لبسي ماادري
لبست بنطرون كابوي ازرق وبدي ابيض شويه الردن بيها طول ونزلت
العصر سـَـــاعْـ⌚ـــٰه 5 ونص
كعدت يم الحجيه
كولتلها مرحبا
الحجيه/هلا يمه تعالي اكعدي هلابيج
انشالله مرتاحه بغرفتج
شمس/الحمدالله مرتاحه شكرا الكم
الحجيه/بيتج هذا يمه.
مشغله تلفزيون وتتفرج مسلسل تركي بقيت اتفرج. وياها طبت ابنيه صغيره تركض تجنن شعرها مسويته ضفيره ودبدوبه كولت هاي منو
الحجيه/هاي هيا بنت ابني سلطان وزينب
شمس/هي هاي هيا فدووه للبنوته الجميله اخذتها بحضني العب وياها والحجيه تباوع علينه وتضحك
لحد ساعه 7 طبيت للمطبخ زينب تسوي عشه هم صواني وبيهن خبز وباكله كولتلها ﺸنـٌٍـٍوﯛ هذا
كالت تنكيع باكله هذا دوم نسويها لو بالعشه لوبالريوك يحبوها
شمس/بالريوك تاكلون هيج
زينب/اي خيه طيبه هــًـًســًه تاكليها وتشوفين
نصبت الاكل ع الميز وبقو يجون يكعدون بس الشيخ ماكو
كالت الحجيه الشيخ اليوم عنده كعده وهم عازمينه ع عشه لتنتضرونه
كعدت بقيت اباوع
الحجيه/يمه زينب جيبي خاشوكه لشمس
جابتلي زينب وبقيت اكل
غسان يباوع عليه ويدنك ويبتسم مااعرف ع شنو
الاكل صدوك طيب حيل وفوكاه بيض ومخلين وبصل اكلت بس خبز وشويه بيض وكمت اغسل
همه كملو اكل صبر جاي كولتلها مااريد
وهم بقت زينب تغسل المواعين وتنضف
بليل صعدنه
فتحت تلفزيون. بقيت اتفرج شويه ولنوب خابرت انس بقيت اسولف وياه لحد ساعه 12 سديته. لبست تراك. كيمونه وبرموده لون رصاصي وااسود
حسيت نفسي جوعانه والحلويات كولهن نطيتهن لحمزه. كولت خلي انزل اشوف شّــْْكو بالثلاجه اكله
نزلت بملابسي لان كولت هدوء كولها نايمه
فتحت لثلاجه شِفـٍـْْــٰٰتْ اكو فواكه كولت خلي اكل
بس انداريت وشفت بوجهي شاب طويل يطلع. بالثلاثينات عمره لابس بنطرون كابوي وقميص اسود وستره رصاصي شكله انيق واول مره اشوفه راساً عطت انت منووو
واكف كدامي ويباوع عليه من فوك ليجوه وعاقد حواجبه
اني سلطان انتي منو
………………..
