رواية الشيخ سلطان الفصل الثالث بقلم زينب نور
سلطان
رجعت من السفر بليل كلت ماانطيهم خبر لان نايمين هسه وهمه متعودين على سفراتي كل فتره اسافر بحكم عملي ووضيفتي
اعرفكم عن نفسي
اسمي سلطان
مواليد1985
ابن الشيخ حمزه الكبير
وبعدي اخوي غسان مواليد1988
خريجه كليه اداب ولازم الشغل مال ابوي كله بالمعمل
المعمل مال ابوي وبي حصه العمي حازم وياه
مال المنيوم
اني مهندس وموضف بشركه نفط مدير قسم تابعه لوزارة النفط
احنه من عشيره معروفه جدي الشيخ سلمان جبير فخذ مثل مااحنه نسميها
ومن بعد وفاته صار ابوي الشيخ
جدي متزوج 3 نسوان الجبيره خلفتله 3 بنات وولد بس الولد بشبابه غرك ومات
وبعدها تزوج الثانيه الي هيه ام ابوي خلفتله
ابويه حمزه وعمي حازم بس وبعدها الصغيره خلفتله 2 بنات و2 ولد عمي حاتم وعمي حسين عايشين ابغداد قليل يتواصلون ويانه
بعد وفاة جدي كلهم اخذو ورثهم. بقت بس حصه عمي حازم وي حصه ابوي وهو مسافر اللندن من التسعينات درس هناك وتزوج كل فتره يجينه كم يوم ويروح يرجع
ابوي متزوج 2 الجبيره
خلفتله 4 بنات اخواتي الاكبر مني كلهن متزوجات
سعاد ام علي
سهام ام امير
استبرق ام فاطمه
نرجس ام مسلم
وبعدها تزوج. امي
خلفت
اني
واخوي غسان. بــَس
مرت ابوي توفت بقت امي
واخواتي كل فتره يجني خطار اكثر شي بالمناسبات
يجني كلهن سوه
بسنه 2007
صارت كعده وشغله. جبيره بيها دم وابويه فضها لوادم وباثرها هدو لابويه مره كالوله لواحد من ولدك
ولان اني الجبير والهديه عيب ترد
ابويه زوجنياها بس مو بقناعتي
لان جنت ادرس كليه وويايه وحده احبها وتحبني ومتفقين زواج بس من صارت سالفه الهديه لابنيه رفضتني وعافتني ورا فتره تزوجت. اتازمت حالتي بعدها جنت كلش احبها
ومن عدها قفلت باب كلبي كلت مااحب بعد ابد
تزوجت زينب مواليده 1987
هي فقيره حيل وخدومه بس احسها متناسبني ابد خلفت منها
ابني حمزه مواليد2008
وبنتي هيا مواليد 2012
اخر فتره هجرتها قليل اتقربلها لان ماعندي رغبه بيها وهي مو من النوع الي تهتم بنفسها وبلبسها واني مااكدر احجي وياها اخاف تنجرح. اني ممقصر وياها بشي وممخليها بعازه شي وهي مايوم حسيتها ضايجه من بعدي الها
سويتلي غرفه خاصه بيه وحدي بالبيت ومرات آنام يمها بالغرفه
اخوي غسان حب بنت خالتي ايه مواليدها1990
تزوجو على حب وخلفو علي وكرار
اما اني مواصفاتي
طولي 180
وزني 85
لبسي بالبيت الزي العربي خصوصاً كعداتي وي ابوي بالمضيف وكعدات الشيوخ
بالدوام لبسي رسمي قاط او ستره
بالسفر فقط البس كجول
بشرتي حنطيه
شعري ثخين اسود عندي لحيه حواجبي معقوده وملامحي حاده شكلي عصبي
بيوم رديت لبيتنه طبيت على كيف حته محد يحس فتحت باب المطبخ وطبيت واشوف الثلاجه مفتوحه وبت مدنكه ضليت صافن منو هاي البت مو بناتنه ولا لبسهن
اندارت عليه وهي فزت صاحت منو انت
كلتلها انه سلطان انتي منو
اباوع الشكلها عبالك طفله مبينه صغيره وماتشبهنه البت عبالك اجنبيه الشعر والجسم والعيون اجنبيه واللبس كيمونه وبرموده ضيقات والجسم طالع
بكلبي شنووو منو هاي حوريه نزلتلنه من السمه لوً
لعابه طلعت. من التلفزيون
استغفرت ربي ودنكت كلتلها انتي منو
شمس/اني شمس
سلطان/واني سلطان ابن الشيخ
شمس منو
شمس/هاا انت سلطان ابو حمزه الي جنت مسافر
سلطان/اي انه مبين تعرفيني بس ماتشرفت بحضرتج
شمس/اني بنت حازم الله يرحمه
سلطان/فتحت عيوني قصدج عمي حازم
شمس/اي عمك
سلطان/وعمي منيله ابنيه
شمس/اي هو طلع كايللكم متت وي ماما بس اني عايشه
ممكن اصعد لغرفتي نعست باجر نحجي
سلطان/براحتج واني هم تعبان جاي
شمس/الحمدالله على ســَ✺ــلامَـٰـ✺ـتكْ
صعدت وهو وراي صعد امشي وهو وراي طبيت للغرفه وهو طب بلغرفه الاخيره الي يم غرفتي استغربت شنو نضامهم هنا مو المفروض يروح لغرفته هذيج يم مرته
طبيت خليت راسي ع المخده واتخايل شكله
شكله كولش عصبي حواجبه معقودات وملامحه حاده حيل شكله كوله رجوله وشخصيه يخوف نمت لان نعسانه وحته مااكلت شي طير الجوعه
سلطان
طبيت الغرفتي وهاي البت الي اسمها شمس ابالي شنو بحلم بعلم اني منين عدنه هـًُّـيًُْـچ بت عم جنها اجنبيه ولو هي اصلاً امها اجنبيه ووين جانت مضمومه وليش عمي مافديوم جاب طاريها ولاشوفها النه وشمعنا اجتي ورا وفاة عمي بقت لافكار تتضارب براسي وانه تعبان ونعسان كوه نمت
ٱڵـڝُـًبح
شمس كعدت فتحت البالكون الساعه 8 سبحت وبدلت لبستسءل تراك بيجامه لون رصاصي غامق والبدي مالتها وردي شعري جففته وشديته عالي نزلت ساعه9 شِفـٍـْت زينب تحضر الريوك كولتها صباح الخير ووكفت كملت لميز مسويه بيض تكلاه وسلق وكيمر واجبان اجوي الكل كعدت بدينه ناكل جان ينزل سلطان تفاجئو بي حته زوجته متدري بي جاي
سلم عليهم باس ابوه وامه من راسهم وباس ابنه وكعد اشو هذا حته ماسلم على زوجته بس هي فرحانه وتصحك كالتلها الحمدالله ع ســَ✺ــلامَـٰـ✺ـتكْ هو جاوبها ابرود الله يسلمج
الشيخ/بويه شلونها سفرتك وشغلك شوكت رجعت
سلطان/الحمدالله كلشي تمام لبارحه بليل رجعت
الشيخ/تعرفت على ضيفتنه
سلطان/باوعت عليها وكلت لا عرفونه
شمس/رفعت حاجبي شنو لا ولبارحه منو الشافني وبقه يحقق وياي لعد
الشيخ/بويه هاي شمس بت عمك حازم تذكر من كال ماعندي خلفه بس بت وماتت وي امها
طلعت عايشه البت وهاي جدامك
سلطان/باوعت عليها وكلت وشنو اليثبت هاي بت عمنه
الشيخ/لابويه اكو اثباتات وهم وصيه اخوي بخط ايده كاتبها انه اعرف خطه
وهم جايه على حكها وحلال ابوها
سلطان/رفعتلها حاجبي كلت اها واني ً أگـِْۈۈل شعدها عايفه ديرتها وجايه لعدنه علمود ورث ابوها
شمس/بقيت اخاف من هذا سلطان نضراته تخوف
عبالك مجرمه كاعده كدامه ويحقق وياها
الحجيه/اي يمه هو اول وتالي حلالهم هذا وانشالله يم الشيخ مايضيع شي
كملنه الريوك صعدت. بدلت لبست دشداشه جوزيه ولفيت الشماغ على راسي ولبست مناضري وسبحتي بيدي اخذت سويج سيارتي وطلعت
شمس/واكفه يم زينب تنضف بالمطبخ وحدها واكفه اباب لمطبخ ونزل سلطان لابس لبس عربي وشكله كله متغير فات من يمي عبالك جبل وشخصيه صارمه حيل رجعت ليوره ماادري احس نفسي اخــّّـّّاف منه بس عطره كولش قوي
كال لزينب لاتنتضروني على الغده اتاخر
اباوع عليه طلع سيارته من الكراج
نوع رانج لونها اسود
بكلبي شكد مشتاقه للسياقه والسيارتي
صعدت لغرفتي خابرت انس
نزلت على الغده تغدينه كولت للجهال نطلع بالحديقه همه كيفو طلعنه اني وحمزه وهيا وعلي ابن ايه شايلته بيدي وطلعنه بالحديقه نلعب يركضون واركض وراهم لو اسويلهم قطار واصورهم سناب بفوني واخذت صور وياهم كومه
سلطان
رجعت البيت طبكت سيارتي بالباب وطبيت واشوف الجهال بالحديقه يتكامزون ويركضون يلعبون ووياهم هاي بت عمنه ظليت واكف اباوع عليهم يروحون مسافه ويجون يركضون عليها والي يوصل اول واحد تحضنه وتفتر بي وشعرها مفتوح يتطاير من تفتر عبالك خيوط ذهب
اجه غسان وكف يمي
سلطان/شـنــ😳ـي ولك انت هم تشوف الي انه اشوفه
غسان/اي خويه اشوف بس شوف حمزاوي منشنش كل ساع حاضنته وتبوس بي
سلطان/انه ابوك حمزه بالعافيه عليك بويه مستمتع
ٱڱڵــ✪ـگ ابوعلي وين جانت هاي مضمومه
غسان/والله ياخويه عمك دك بينه الدكه الناقصه وضمها
ولنوب ايه كل ساع تتعارك وياي عبالك انه جايبها
سلطان/حقها خويه تغار عليك
غسان/وانه شنو ذنبي بدها حته من اكل اغمض عيوني حته مااشوفها
ولنوب الي تكتلك تاكل الثريد بالخاشوكه
سلطان/لابربك
غسان/وعلي هاي ماتقاوم عدنه هسه يجي تموز وتموع
سلطان/اي بعلي اله تعوف الورث وترجع زحف لديرتها بعدها ماشايفه شمسنه شلونها عبالها مثلها حته اسمها تكرها هسه
شمس/العب وي الاطفال ومستمتعه كولش انداريت وشفت سلطان وغسان اثنينهم واكفين ويباوعون عليه استحيت كولتلهم يله نطب جوه شلت علي وطبينه مدنكه وامشي
صعدت لغرفتي هيا بقت تبجي تريد تصعد وياي اخذتها وصعدت نيمتها بصفي ع الجربايه وشغلنه كارتون بالفون ونتفرج سوه لحد ما شفتها نامت اني هم طفيت لفون ونمت
