رواية انتقامي الفصل الثاني بقلم جمانه السعيدي
شاهين....بلنسبه التليفون الي رياض جابه هديه الاختي هذا كان أول تليفون تلزمه بحياتها
لان بيتنا ممنوع البنيه يكون عدها تليفون
رغم اني وخواني وابوي عدنا تليفونات حديثه
المهم اختي بعد ما طلع رياض كانت فرحانه بشكل مو معقول تمشي وتحجي بكلامه
...يكول عليه حلوه يكول خل نزوج باجر
...يكول اليوم نحجهز كلشي
...يكول اني وافقت على هذا الزواج بسبب سمعتكم الطيبه
شاهين...حقها رياض اول واحد يسمعها كلام حلو
واول رجال يدخل حياتها
المهم الخطوبه بقت شهر واحد وازوجو
بس شنو المسكين اذا اجا يشوفها وابوي بلبيت
كلنا نكعد وياا ماعدا اختي هههههه
صدكو اني واخواني اذا موجودين وابوي نكعد ويااا
واختي ماتدخل يمنا تستحي من ابوي
من يطلع رياض بعد ما ضاج من عدنا لان كاعدين على كلبه
وهو يحسب ساعه ياعه للاجازه حتى يشوفها
يجي وما تطلعله جمانه السعيدي
بس يطلع يتصل عليها
رياض...عود ليش ما طلعتي
اختي...ابوي كاعد وتريدني اطلع اكعد يمك
رياض...لا ولله قابل اني جاي اشوف ابوج غير جاي عليج
اختي....بعد اتصل قبل لا تجي اذا ابوي موجود لا تجي
رياض...عود ليش مانكدر نكعد بس اني وياج
لو ابوج واخوانج لو امج
اختي...ممنوع ممنوع عدنا هذا الكلام ما نختلي بعض لا نزوج واصير بيتكم
هذا الشهر خلص على أعصاب رياض محد ينطي مجال
يكعد وياخذ راحته بيتنا
المهم زواجهم جان حلووو بشكل
رياض الابن الأول والجبير بعائلتهم
اختي كانت نعم الجنه بيتهم شايله بيتهم شيل
مراضيه الكل عمها يموت عليها لان تتلكا بضحكه
تطبخله اكل خاص لان هو عنده ضغط وسكر
حموينها سرهم وفلوسهم عدها
اذا يجي خطار تبيض وجهم كدامه
صدكو حتى خالاتهم وعماتهم وعمامهم يحبونها
دائما يجينا مدح على اختي
حتى حموينها يكولون نريد وحده مثلها بااخلاقها
طبعا هي بيتهم ماتنزع الحجاب ولبسها طويل ومستور
من تجينا للبيت هي وابنها يجي وراها عمها مايقبل تبات
بيتنا يكول البيت موحلو ومايندخل بلياها هي وابنها
الحمد لله والشكر
هيج نعمه وسمعه طيبه محتاجه حمد وشكر
طبعا بعد زواجها بسنه وحده اجو طلبو ايد اختي الزغيره
الاخو رياض
بس اختي ماوافقت تريد تكمل دراستها وموضوع الزواج ابد مو على بالها جمانه السعيدي
هسه نرجع القصتي امي تعبت وهي تدورلي عروسه
لان ابوي يريد موصفات خاصه
يريدها تشبه خواتي بطبعه وتصرفاتها
حبابه مطيعه مستوره بت ناس
مايريد اي بنيه تطلع مكيجه قبل الزواج
او بنيه من ذني المعروفات بلمنطقه لان يطلعن ويطبن هواي
يعني يريد وحده مثل خواتي حتى مايريد وحده مثل زوجات خواني
المنطقه كلها تعرف شاهين اهله يردون يزوجون يدورون بت حلال
سنتين وامي ادور وتسئل طبعا شنو ابوي بلكوه يقبل تطلع
هااا ماتطلع هيج عليك يالله
لازم تعرف ناس عدهم بنيه يله تطلع عليهم
واذا ماعجبتها توصي الحبايب حتى يسئلن ويشوفن عروسه بعدين تروح تشوفها
اني خلال دراستي بلجامعه شفت بنات وجنت احجي وياهن
بس الحجي العادي
يعني بعمري ما فكرت ادخل علاقه لو اتعرف على وحده
ولا حتى للتسليه
كنت ملتزم ولله الحمد اكيد الي عايش بهيج أجواء مثل
أجواء بيتنا ومرتبي هيج تربيه
مستحيل يدخل بعلاقه اولا من باب الحرام
ثانيا من باب التربيه الي اني تربيت عليها بيتنا
اني بهاي الفتره كمت اطلع وياا ابوي للشغل
حتى اساعده لان مومعقول ابقى بلبيت بعد ماصرف على جامعتي وهسه يريد يزوجني
اكيد لازم اشتغل واساعده
بس بلحقيقه اني كنت افكر افتح مشروع خاص بيه
اريد اشتغل شغل مستقل وحدي ومابقى تابع الابوي
رغم ابوي ابد ما مقصر وياي بشي
بس اذا بقيت تابع الابوي بعمري مراح احقق النجاح الخاص بيه
بس مالكيت المشروع المناسب الي يرضي طموحاتي
جمانه السعيدي
المهم سنة ٢٠١٨ ابوي التقى بصديق قديم قديم كلش
من ايام الطفوله
مكملين متوسطه سويه وبعد ابوي ما شايفه
لان اهل صديقه منتقلين محافظه ثانيه
بس قبل كم شهر راجعين المنتطقتنا
يعني الله اعلم شكد صار ابوي مشايف صديقه هذا
من فات من يم المحل ابوي فرح بي حيل
تكدرون تكولون استرجع ايام طفولته وشبابه
صمم لازم يكعد ويسئله عن اخباره ويطمن على احواله
طلع متعين مدرس ومزوج مدرسه
وعندا بنات ثنيبن الجبيره مدرسه مخلصه قبل سنه
ومتعينه بهذا التعيين المجاني
والثانيه محاميه
وعندا ولد متعين بدائرة الري
وواحد.بعده طالب اعداديه
اكيد هو هم سئل ابوي عن احواله وتعرف علينا اني واخوي
لان ثنيينه كنا بالمحل وياا ابوي
ابوي أثناء الكلام بينهم كاله
ابوي....هذا شاهين احسن ولد خلوق ومؤدب بس صار سنتين ندوره عروس ماكو
راسا صديق ابوي سئله
...هوو خريج
.ابوي....اي خريج ولله الحمد وجاي ادورله تعيين
حتلو بفلوس هم اعينه
احنا الحمد لله ما محتاجين بس الوضيفه ضمان اله
صديق ابوي بقا بس يباوع عليه
ماجنت اعرف السبب
شاهين....يابه صديقك عينه عليه
ابوي....ايجوز نعجب بيك
شاهين....ايجوز بله سولفلنا على أيامكم قبل
بدا ابوي يسولف شلون جانو يلعبون سوا وشلون يطلعون للمدرسه
صديق ابوي جان ياكل ويشرب بيت جدي قبل بحكم صداقته ويا ابوي وبحكم الجوره بينهم
ثاني يوم اجانا من الصبح اول ما فتحنا المحل
كلنا استغربنا رجعته علينا
ابوي ...هله تفضل
...هله بيك
ابوي...خوما محتاج شي أمرني
....لا ما محتاج شي بس البارحه بقيت افكر بكلامك
ابوي...اي كلام
....بخصوص ابنك شاهين جاي ادورله عروس
ابوي....اي تعرف احد عنده عروس
....اي وصلت اني بنتي خريجة تربيه ومتعينه بالعقود المجانيه تكدرون تجون تشوفوها
ابوي...اي ولله نعرفك ونعرف اطباعك انشاء الله
بس الولد يجي يشوفها هاي هي
...اي هاي هيه مابيها شي
شاهين....الموضوع جان بلنسبه اليه مفاجئه يعني شنو
يجي يعرض بنته للزواج
بس ابوي كال اني اعرفه من زمان ومابيها شي
ابو المثل يكول اخطب البنتك ولا تخطب الابنك
روح انت وامك حتى تشوف العروس
واذا عجبتك نتوكل على الله
شاهين...ابوي اخذ رقم صديقه اتصلنا عليهم وحددنا ثاني يوم نروح نشوف العروس
اتفقنا بليل نروح نشوف العروس
اني الصراحه كنت متوتر شويه وحاس بلاحراج
بس امي شجعتني
رحنا بليل
كانو منتضرينا امها وابوها رحبو بينا حيل
دخلنا كعدنا جابولنا جاي وماي
بقينا نسولف اني وابوها
وامي تسولف على امها
شويه وابوها صاح منى يله بابا تعاي
دخلت علينا بنيه طولها تقريبا ١٦٣ حنطاويه لا بسه عبايه
اقسم الكم بكل الإيمان مادققت بملامحها
ولا باوعت عليها لان ابوها كاعد كبالي
واكيد العيون كلها عليه حسيت نفسي محرج
البنيه بقت كاعده وساكته
ماحجت اي شي بس سلمت من دخلت وبصوت كلش
ناصي ما ينسمع تقريبا
اني ما سمعته بس من رد ابوها السلام عرفت هي سلمت
كعدنا شويه وترخصنا
امي..هااا يمه عجبتك
شاهين...صدكي ماشفت وجها
امي...تخبل خوش بنيه
شاهين ...ماادري
امي...ولله اني تعبت شلون راح الكا عروس صار اكثر من سنتين ادورلك
وابوك ما يقبل اطلع واشوفك عروس
بعد هاي هي ابوك يعرف ابوها خلص نوافق عليها
اصلا زحمه نرفضها شلون راح اكول الابوها ما عجبتنا
وهو بنفسه اجا وقدمها الك
شاهين...... مااعرف محتار اني كلشي مااعرف عنها
والي قالقني اكثر ابوها شلون هيج يعزم عليها
اذا موظفه وخوش بنيه شلون يجي ويكول تعالو تقدمو الها
امي.. هو قابل مقدمها الاي واحد انت ماكو منك
خريج وابن ناس ومحترم يعني ما ناقصك شي
اكيد هو الي يخطبك البنته
يله يمه توكل على الله ووافق لا تتردد
اريد ازوجك وارتاح
شاهين..... خل نرجع للبيت ونشوف رأي ابوي
من رجعنا للبيت امي حجت الابوي كلشي صار
ابوي...هاي هي بعد زحمه نكول الابوها مانريدها انت دخلت بيتهم وهو قدرنا واجا علينا
خلاص وافق وخل ناخذ مشيه عليهم
شاهين.... سكتت مو يكولون القسمه تسكت اكبر واحد
اني قسمتي سكتتني
حددنا يوم المهر بعد أسبوع واحد
وبدينا نجهز للمهر
دزينا فلوس حتى تشتري ذهب على ذوقها
شكرا لزيارتكم عالم روايات سكيرهوم
