رواية نهوة عمامي الفصل الثاني 2 بقلم مرج البحر

ساره: بهاي الايام جدي ابو ابوي جان كلش مريض لان هوه عنده جلطه ومن ورى المشاكل لان جدي كان يحبنه ومن عرف اهلي وافقو على بيت عمي حميد هو ما قبل كاللهم بت فيصل فقيره ما راح تكدر تعيش وي مرت حميد لان مرت حميد وكحه وصلفه واحنه كلنه نعرفها بس بيبيتي ام ابوي كالت ليش ما ينطون قابل حميد ابن البطه السودا شو ابنه شاغول وعدهم خير من الله شيردن احسن من هيج جدي تمرض كلش وسلم الشيخه لعمي عزام وقرو فاتحتي على سيف ابن عمي حميد وبعد كم يوم جدي توفه وصار العزه والعالم لتمت من كل المحافضات لان شيخ والفاتحه بقت اكثر من عشر ايام والله شفنه بيها تعب ما صاير وصارت فاتحة النسوان بيت جدي والزلم بالجامع اني كم يوم وتعبت كمت ابقه بلبيت مال اهلي ما اروح وياهم للفاتحه امير ابن خالي اجه وي اهله وحاول كذا مره انو يشوفني بس اني ابد ما خليته بشوفني دز عليه اياد ابن خالتي احنه جنه تيم اني وامير واياد وزينب اخت امير احنه ذول الاربعه كلاقتنه جانت غير شكل يعي اذا اكو سر تلكينه بس عد احنه الاربعه فجاني اياد كال ساره امير يريد يشوفج اني كتله ما اكدر روح انته وكله بعد كلشي انتهه الصار والله مو بيدي وراح اياد وكال ل امير وهذا رايح متعارك وي سيف وصارت بينهم مشكله بس الحمد لله محد عرف على شنو المشكله اني بقت وياي صديقتي هجران كامت يوميه تجي يمي لان اهلي كلهم بالفاتحه فديوم الضهر اجه اياد يريد يسبح لن مكلوب عليه مرك هوه هدومه عد خالتي بيت جدي اجاني كال اريد ملابس ملابسي كلها مرك وحضريلي الحمام كتله منين اجيبلك ملابس اخواني جانو زغار كال حتي لو منج ايشي فاني رحت للكنتور مالتي وطلعتله سويتر رصاصي جانت بي طبعه بلصدر مال الفرقه الاجنبيه ذي فايف انطيتها اله ولبسها وكال بعد صارت الي ما انطيها كتله بلعافيه من رجع امير شايفه لابسها يعرفها مالتي فطالبها من اياد وهذا الخبيث ما قابل ينطيها اله وكت المغرب جانت هجران واني نصلي فندك الباب كملت فرض ورحت افتح الباب وما اشوف اله امير واكف ويبجي بالباب كتله 

امير روح لا احد يجي لا محد يجي اريد احجي وياج واروح 

امير: انتي ليش هيج سويتي 

سارة: شنو شسويت 

امير: ليش قبلتي

 سارة: والله مو بيدي واني اشوف حال يارا وكلبي يتكطع عليها لان انته تدري شنو صار وهيه عاقده عقد شيخ ومحكمه واذا تفصخ الخطوبه معناتها راح تصير مطلكه وانته تدري اهلنه ما عدهم وحده تتطلك

 امير: زين ليش انطيتي السويتر لاياد اني مو طلبتة منج ذيج جيتي يمكم وما قبلتي تنطيه

 سارة: 🤦‍♀️🤦‍♀️ هسه أنت تبجي عليه لو على السويتر ضحك كال 

امير : لا هاي هيه بعد الله يسعدج ما اكول غيرها واني الله يصبرني واني هم اروح لا يجي احد ويشوفني بس احب اكلج شي اني احبج وراح ابقه احبج ويبقه بكلبي يله طبي اني رايح مودعه بالله 

 سارة : سلم وراح وهو دمعته على خده 

اني طبيت للبيت ابجي اجتني هجران كالت

 شبيج وسولفتلها لان هيه تعرف بعلاقتنه اني وامير وكامت تصبر على وتحجي عسى ان تكرهو شئ وهوه خير لكم يزوج سيف يطلع خوش ولد. ويحبج انتي ما شايفته ولا تعرفينه

سارة : ورى سنه من وفاة جدي يارا وهيثم حددو موعد العرس مالتهم وارحت هيه وامي وابوي لبغداد لان بيت اهل هيثم ببغداد اني ما قبل سيف اروح وياهم وبنفس يوم العرس بليل جنه كاعدين اني وبيت عمي عزام وجانت يمنه امل واندك الباب وطلع اخوي سالم يفتح الباب ورجع كال اجه عمو حميد وعمتي اقبال هيه مرت حميد ام سيف وسيف ورجل بتهم وياهم شيخ معمم كام عمي عزام ودخل الزلم للديوان واحنه دخلت عليه عمتي اقبال تكول جبنه الشيخ حتى يعقد لسيف وساره مرت عمي كالتلها غير تنطونه خبر لا امها ولا ابوها موجودين انتي مو تدرين اليوم عرس يارا 

 اقبال: اي ادري اليوم عرس يارا وهل اجينه نعقد مو خاف تعرس وبعد ترجعون بحجايتكم وما تنطونه ساره 

ساره: واني شبعت بجي واجت امل كامت تهدي بيه ورى شويه صاحونه للديوان وصار العقد ورجعت دخلت بغرفت بيت عمي ويمي امل ورى شويه دخل سيف وكعد لا حجايه ولا رويايه وبقينه كاعدين اني وياه بس بدون كلام دخلت امه اقبال وتكله 

اقبال: يا انت وين كاعد غير تروح يمها تشبكه تبوسها 

سارة: اني انفجرت بالبجي وهوه كام وخله فلوس على ميز الجربايه كال

سيف: امي هذا بياض مال العقد 

سارة: طلع ورى يومين خابرت هجران وكالت البنات صديقاتنه متفقات راح يجون عليج اسبوع الجاي كلتلها تمام هله بيهم بهل الاثناء دخل سيف وسمع الكلام جنت احجي بالتليفون الارضي وسلمت على هجران وسديت التليفون وسئل شنو الموضوع وكتله صديقاتي يردون يجون علي 

سيف: تمام يا يوم يجون دزي علي ادزلج ضيافه

 سارة: مشكور ما اريد 

سيف: لا بيوم اليجون خابريني اني منا وهيج

اني مسوؤل عليج وعلى مصرفج

سارة: تمام وبيوم الجمعه خابرت هجران وكالت اليوم العصر البنات يجون عليج كلتلها تمام وخابرت على سيف للمحل مال عمي سيف بمحله ما عنده تليفون وهوه محله بصف محل ابوه جاوبني عمي حميد وسلمت عليه وسائلته على سيف كال هذا وياج وبعد السلام والكلام كتله اليوم العصر البنات يجون

 سيف: تمام راح ادزلج بيد اخوي ياسين اني عندي شغل ما اكدر اجي 

سارة: تمام وضليت انتضر وللعصر وهوه كلشي ما داز وقبل لا يجون البنات اني دزيت اخوي سليم للمحل قريب يمنه وجاب ضيافه واجن البنات وتشاقينه وتونسنه للمغرب و راحو وبليل اجت عمتي اقبال وكعدت شويه وصاحت عليه رحتله كتلها ها عمه

اقبال: وعمه اليعماج ولج بعده ما اخذج وكمتي تتأمرين عليه وكل ساعه طالبه منه شغله الولد ورى مصاريف مال العرس انتي ما تفكرين وهوه مو ذاك اليوم مال العقد انطاج فلوس لو ما صدكتي بس تردين تصرفين بعدنه بس الله راح تكعدينه على الحديد 

ساره: وكل هذا الحجي بصياح واني بس اباوي بعيوني ما فكيت حلكي اجه عمي من الديوان من سمع الصوت مالتها ومن عرف اني مخابره على  

سيف كلب الدنيا وضربني راجدي كدامها وهاي اول مره عمي يضربني اني عفتهم وصعدت فوك للغرفه وبقيت للصبح ابجي والصبح صاحني عمي

 شنو هذا الحجي احنه من شوكت نحتاز لاحد ليش ما كلتيلي شكو تخابرين سيف 

سارة: والله هوه كال خابريني وني ادز واني والله ما قبلت بس هوه ضل يلح

 بعد هاي السالفه ما تنعاد من يمته احنه ناخذ 

من واحد حتى نضيف خطارنا هل مره راح اعديها 

مره ثانيه الي تصرف ثاني وياج

سارة: ان شاءلله عمي والله بعد ماتتكرر 

 وبعدين ورى الغداء رحت جبت الفلوس النطانياهن سيف مال العقد وانطيتهن لمرت عمي كلتلها ترجعهن الهم وصدك راحت مرت عمي ورجعتهن وهوه ما قابل ياخذهن وامه ماخذتهن وعمي حميد ما يدري بالسالفه ومن سمع متعارك وياهم واجانه ثاني يوم وجايبلي وياه ساعه هيه وسوارها وبقى يحجي على سيف لان ماخذ كلام امه.... 

الفصل الثالث من هنا 

شكرا لزيارتكم عالم روايات سكيرهوم