رواية دكتوره رفيف الفصل الثاني بقلم جمانه السعيدي
رفيف....بعد هذا الحديث الي صار بينا
ابتعد عني اسامه يعني بطل ينتظرني على الدرج ويسلم عليه
بس مابطل يراقبني من بعيد
اني ضجت من تصرفي ويااا رغم هو اعترفلي بحبه
بس اني ماانطيته مجال
انفعلت من كلام سلوى
رغم اني اعرف نفسي شنووو وحذره بتصرفاتي
ليش سمعت كلامه
كان لازم اتصرف بحمكه اكثر هو جبير اني جبيره
ونعرف نتصرف
حسيت بفراغ مو طبيعي لان ابتعد عني وبطل ينتضرني
رغم اني اشوف الهفه بعيونه من يباوع عليه
اسبوع كامل واني ضميري يانبني لان صديته بهذا الشكل
قررت احاول اخلق فرصه واعتذر منه
مااعرف ليش حسيت اني غلطانه
رغم اني كنت ادافع عن نفسي وماحبيت يتكلم عليه
كدام اي احد حتلو كلام حب
جمانه السعيدي
عشر ايام واني ماكو ابالي غير شلون اعتذر منه
الحد مآ صادف بيوم ردت اصعد بلمصعد للطابق الثاني
دخلت للمصعد جان واحد يمد ايده للمصعد بلحظه الاخيره
حتى يصعد وياي
انفتح باب المصعد وتفاجئت بي دكتور اسامه
رغم اني كنت منتضره هاي الفرصه حتى اعتذر منه
بس ماكدرت احجي
بعدين قررت اعتذر رفعت راسي واجت عينه بعيني
اني كلت اسفه وهو هم كال اسف بنفس الوقت
ثنيبنه اعتذرنا من تصرفاتنه
أسامه.... اني الي لازم اعتذر لان سببتلج الاحراج
رفيف...اني اسفه لان ماانطيتك مجال تحجي كنت ضايجه من الكلام الي وصلني
اسامه...لا تعتذرين انتي مو غلطانه اني نسيت نفسي
رفيف...خلاص..اعتبر كلش انتهى وبعد ماكو زعل
ابتسمت
اسامه....الله ابتسامتج شكد حلوه
رفيف....شكرا
وكف المصعد وطلعنا ثنيينه نسولف ونضحك
اني كنت رايحه للطابق الثالث اكو مراجعه عدها عمليه
وطلبنا منها تحاليل ورحت اطمن عليه
وواكد عليه تمنع الاكل والشرب بعد الساعه ١٢ بليل
دخلت للغرفه وهو دخل وياي
وكفت متفاجئه
رفيف...انت وين رايح
اسامه....اني رايح للطابق الرابع اجيك وضع الاطفال
رفيف...بس احنا بلطابق الثالث
اسامه...مو حقي ماشمرت نفسي من الطابق الثالث الي يشوف هاي الضحكه الحلوه ينسى مواليد
رفيف...ضحكت ودنكت
اسامه...ياربي والخجل احلى من الضحكه
رفيف...شلون اليوم مانشتغل
اسامه....لا نشتغل من رخصتج
عافني وصعد على الدرج وهو يضحك ويدندن
جمانه السعيدي
رجع ينتضرني على الدرج مثل قبل ويصبح عليه كل يوم
بحيث المراجعين كل يوم يكولون يمته تجي دكتوره رفيف
حتى دكتور اسامه يتابع حالاته
تعلقت بي من كد مااشوف لهفه بعيونه عليه
حتى اذا يفوت من بعيد ويشوفني اياشرلي لو يغمزلي
لو يسوي حركه حلوه ويضحكني
حبيت اهتمامه بيه وكنت انتضر الدوام لحظه لحظه حتى اشوفه رغم هو مابي شي مميز يمكن عدنا دكاتره شكلهم احلى منه بهواي
بس اني احسه مميز عنهم هواي
اذا خلصو المراجعين من غرفته يجي يمي بغرفتي
ونبقى نسولف اني ويااا
لو يطلبلي ريوك لو جاي كنت سعيده بوجوده بحياتي
كملنا اربع اشهر وعلاقتنا صارت كلش قويه
اسامه...اني اريد اعرفج على عائلتي وخاصه امي
لان حجيتله هواي عنج
رفيف...تمام يمتى ماتحب
اسامه...بيوم الجمعه اجيب امي للزياره ونختار مطعم
واتصل عليج حتى تتعرفين عليه
رفيف...اوكي
اشتريت فستان يخبل أخضر داكن مخصر وبعدين عريض
تفاصيله كلش حلوه وعبالك مخيط على جسمي خياط
سرحت شعري وخليت مكياج ولبست حذاء اسود عالي
وجنطة ايد سوده
نزلت وكلت الاهلي اني اليوم معزومه صديقتي عزمتني بلمطعم
ماكنت ناويه اكذب عليهم بس حبيت اشوف ام اسامه وبعد الاتفاق الأول بينا راح احجي كلشي البابا وماما
اني مامتعوده اضم عليهم شي ابد
اتصل عليه اسامه
اخذت سيارة بابا وطلعت
بابا متعود يوم الجمعه يخلصه كله نوم ولايطلع من البيت
نهائيا اله شغله ضروريه
وصلت بس دخلت وكف اسامه واشرلي على مكانهم
اباوع امه مره من القديمات شيله وعصابه وعبايه كاعده
وتباوع عليه صفح مبينه ماعاجبته
وصلت يمهم
رفيف...هلووو
اسامه...هلووو حبيبتي اعرفج امي
رفيف...هله خاله بقت كاعده بمكانه وكالت هله من ورا خشمه دنكت ابوسه وهي ولا عبالك ولا اهتمت
أتقدم اسامه وسحب الكرسي حتى اكعد
امه...يااا تسحبله الكرسي وهي شبيه
اسامه...هاي الأصول حجيه
رفيف... كعدت وحبيت الطف الجوووو شلونج حجيه شلون صحتج
الحجيه....جنت زينه بس هسه صار عندي جالي
تحجي وتعوج بحلكه
أسامه...سلامتج حبيبتي
الحجيه....صاحبتك مفرعه (تقصد ملابسه حجاب)
اسامه...بعدين نحجي بهذا الموضوع
شطلبلج حبيبتي
رفيف...اي شي اصلا اني مو جوعانه
الحجيه....اهله يدرون بيه كاعده وياك بلمطعم
رفيف...اكيد حجيه اني متعلمه على الصراحه ومجاي اسوي شي غلط
وحتى لو مايدرون اروح واحجيلهم كلشي
الحجيه...وانتي ابوج عايش
رفيف...الحمد لله
الحجيه...شيشتغل
رفيف...دكتور جامعي
الحجيه....والنعم منه عايف بته تطلع ويه الزلم بكيفه
اسامه... يمه حجيه هنا بغداد مو مثلنا بعدين رفيف محترمه واني اعرفه صار فتره
رفيف....حجيه وين الغلط بلي جاي اسوي ترا اسامه زميلي ويشتغل وياي واحنا طول النهار سوا
وهو اليوم عزمني حتى يعرفني عليج
الحجيه...كلشي بيج غلط
لبسج انتي مو محجبه كعدتج بلمطعم وياا رجال غريب
شكلج وحمرتج وشعري
رفيف....ترا اني مربايه احسن ترببه واذا انتي تشوفين غير هذا الشي هاي مشكلتج
من رخصتكم اختنكت من هذا المكان
كمت ومشيت قبل حتى لا يطلب اسامه الاكل
قبل لا اطلع من المطعم اجا وراي اسامه
اسامه...حبيبتي وين رايحه بعدنا ماطلبنا الاكل
رفيف...يعني انت عاجبك امك جاي تمسح بكرامتي الكاع
وانت كاعد وساكت
اسامه...هاي امي
رفيف...واني هم عندي كرامه ومااقبل احد يجاوز عليه حتى لو كانت امك
اسامه...اني اعتذر ارجعي خل نتغدا سوا
رفيف...اسفه مااكدر نفسي انسدت
صعدت بلسياره واسامه بعدا واكف ويعتذر من كلام امه
جمانه السعيدي
رجعت للبيت عصبيه
كنت ناويه بس ارجع ونكون متفقين اني وام اسامه اصارح اهلي بموضوع علافتنا
بس حبيت اخذ فرصه واشوف شنو نهاية هاي العلاقه
لان مبين امه ما طايقتني ابد
بقيت طول النهار عصبيه وامي لا حظت هذا الشي
عليه بس ماكدرت احجي ابد
طبعا امي بس تباوع عليه تعرف اذا اني ضايجه
بعد دارسه علم نفس
المهم تهربت منه وماحجيت اي شي
مو خوف بس ماردت اسرع واحكم على هاي العلاقه لان احنا بعدنا بلبدايه
غلقت تليفوني بليلته لان ماردت اسمع اي مبررات من اسامه
وحتى اكدر اركز اكثر وافتهم امه ليش هجمت عليه
رغم هذا اول لقاء بينا
واني مجاي اشوف اي نقص بيه ولا بشخصيتي
ثاني يوم اتاخرت شويه يله وصلت للدوام ولكيت أسامه ينتضرني بلشارع
نزلت من سيارة بابا وهو اجا سلم على بابا
دكتور اسامه...السلام عليكم شلونك دكتور
بابا. نزل من السياره ورحب بي حيل
اسامه...دكتور أسامه زميل رفيف بلمستشفى
بابا...اهلا وسهلا تشرفنا
اسامه...الي الشرف تعرفت عليك
راح بابا ودخلنا للمستشفى اني ويااا
أسامه...ليش ماتردين على تليفونج وليش غالقته
رفيف...يعجبني
اسامه...شنو يعجبج ردت اطمن عليج
رفيف....لا تخاف كلام امك مااثر بيه لان واثقه من نفسي
اسامه....اني اسف
رفيف....ماكو داعي تعتذر لان مبين امك ماطايقتني
اسامه.. امي كلبه طيب بس انتي بعدج ماتعرفيه زين
رفيف...ترا اني جبيره واعرف أقيم الشخص الي مقابيلي
وهذا كلامك مو صحيح امك تريد تبعدني عنك
واني ماعجبته هذا بين بااول لقاء
أسامه...لا تكبرين الموضوع انتي شعليج باامي المهم اني احبج
جمانه السعيدي
رفيف....تمام يعني امك مراح تدخل بحياتي ابد
اسامه.... حياتنا تخصنا احنا الاثنين ومحد راح يدخل بينا
رفيف...تمام
أسامه...يعني مو زعلانه
رفيف... خلاص مو زعلانه علمودك ترا اني رضيت
اسامه....اموت عليج حبيبتي
رفيف....ماكدرت ازعل علي لان تصرفاته ادل هو بحبني
ومادام هو يكول حياتنا تخصنا وامه مراح تدخل
ليش اخسره
اني كلش احبه ومتعلقه بي
علاقتنا قوة بهاي الفتره بحيث مانتفارك ابد داخل المستشفى ومن نرجع للبيت نحجي طول النهار سوه
ماكان الي بينا حب عادي
اني تعلقت بي لان هذا اول حب بحياتي
وهو كان يعاملني احسن معامله بلدنيا
تعارك كذا مره بلمستشفى علمودي بس يشوف واحد يحجي وياي لو يلاطفني
راسا يصير عصبي ويتعارك ويااا
بحيث كل الي بلمستشفى يعرفون أسامه مايقبل اي احد يقربلي ابد
وكل كادر المستشفى يعرف احنا شبه مخطوبين
وراح يكون زواجنا قريب
