رواية دكتوره رفيف الفصل الثالث بقلم جمانه السعيدي
رفيف....كان لازم افتهم من اول لقاء بيني وبين اسامه
ان علاقتنا مستحيل تستمر
لان امه ماتريدني رغم اني مااعرف ليش هي ماتريدني
وماطايقتني اصلا
المهم اسامه كان تعامله وياي كلش زين
وقرر بعد ست اشهر من علاقتنا بعض يجي يخطبني
وبهذا الوقت قررت اصارح اهلي بنوع العلاقه بينا
يعني اني واسامه واحد يحب الثاني
مو مجرد خطبه
دخلت لكيت ماما وبابا كاعدين وشيلاء كاعده يمهم
رفيف...اريد احجي بموضوع مهم
الكل انتبهلي
رفيف....اكو دكتور وياي يربد يتقدملي
بابا...اي بيه الخير منيين من بغداد احنا نعرفه
رفيف...اي مره سلم عليك من وصلتني بس هو مو من بغداد من المناطق الريفيه بلناصريه
وساكن بلمجمع السكني للمستشفى
جمانه السعيدي
امي...يعني شنو انتي وياا وين راح تسكنون
رفيف...هو مشتري بيت بصف أهله
راح نقدم نقل وننتضر لمن تجي الموافقه حتى نروح نعيش هناك
بابا....انتي تعرفينه زين تعرفين اخلاقه ووضعا
رفيف...اي اني اعرفه صار ست اشهر خوش ولد مودب ومحترم ويحبني
شيلاء...بس انتي راح تكدرين تعيشين بعيد عن بغداد وبمنطفه ريفيه
رفيف...مااعرف مااريد احكم قبل لا اشوف
بابا....خلاص حبيبتي إذا انتي تعرفي خل يجي نتعرف علي
ويصير خير
رفيف...تمام
صعدت الغرفتي وتصلت على اسامه
رفيف...هلو حبيبي شلونك
اسامه...تمام هااا منتضرج اريد اسمع اخبار حلوه
رفيف...بابا يكول خل يجي اني منتضره
اسامه...اوكي
رفيف....اذا اهلي لحو على موضوع السكن شلون
حتى اني مامقتنعه اسكن بمنطقه ريفيه
اصلا اني اذا طلعت من بغداد اموت
اسامه...اسم الله عليج حبيبتي انتي بس تشوفين
المنطقه شلون حلوه راح تتعلقين بيه
بعدين هسه علما نجهز البيت ونحصل نقل ايجوز بعد سنه
ليش من هسه شايله هم
رفيف...تمام تعال انت تفاهم وياا بابا بلاول
اسامه....باجر اجيكم
جمانه السعيدي
ثاني يوم بابا كال لان ساكن هنا وحدا لازم تعزمينا على الغدا وهم نتعرف علي
رجعت اتصلت بي وكتله صارت عزيمه مو بس تعارف
حتى يصير خبز وملح
اجا أسامه وكان كاشخ كل قوته والعطر واني هم لبست بنطرون وبدي طلبنا اكل جاهز وحلويات
وكعدنا نسولف ونضحك وحددنا موعد حتى يجيب اهله نتعرف عليهم ونتفق على كل الاجراءات
من طلع امي ماكانت مرتاحه
امي....هذا الولد مايفيدج
رفيف...ليش تكولين هيج اسامه كلش خوش انسان
امي...بكيفج هذا الولد أمره مو بايده كل كلمه والثانيه وكال امي اذا وافقت امي اذا رضت امي
اشوف امي اني موضد ان يكون مطيع الامه وبار بيه
بس هاي حياته الخاصه
وهو جبير ويعرف يتصرف
اتوقع امه راح تكعدلج ركبه ونص ومراح تكدرين تاخذين راحتج ابد مبينه امه متسلطه
ومعلمته يسمع كلامه
رفيف...راسا اذكرت اول لقاء بينا اني وامه بس بعدين رجعت وكلت لا هو كال مراح تدخل بحياتي نهائيا
المشكله اني احبه وتعلقت بي ومااكدر اعوفه ابد
بابا....لا الولد مبين خوش ولد اني عجبني وحسيت بحبه الرفيف من نضراته واذا ماعجبهم الوضع بلناصريه
يجووون هنا بغداد
لاتكبرين الموضوع همه اهل الجنوب هيج
عدهم أمهاتهم مقدسات
بعدين مو عيب يكون بار باامه
رفيف...كلام امي اثر على نفسيتي بس مااكدر اعوفه ابد
ولا اشرط علي نعيش بغداد لان مايقبل يعوف اهله
هو اصلا مقدم نقل وبس يطلع يرجع المنطقته
اني ليش اخلي الكلام يأثر على علاقتنا
واخسر الإنسان الي احبه خل انطي فرصه
جمانه السعيدي
اجا اليوم الي يجون بي اهله وبيومها تحضرنا
وقبل ساعه من الموعد اتصل يعتذر والحجه كانت امي تخربطت صعد صغطها
كنت محرجه بشكل مو طبيعي من اهلي
وبقيت اتصل حتى اطمن على امه
ثاني يوم عرفت هو اصلا بلشقه ومارايح للناصريه
عرفت هذا من الممرضات
يعني قصة امه مريضه كذبه ايجوز ماقبلت تجي للخطبه
من شفته ثاني يوم سلمت علي وهو يبتسم ويحاول يلطف الجووو
اسامه...اني اليوم اتصل حتى اعتذر من الدكتور وامج
اسف
رفيف....ليش ماتحجي الحقيقه امك رافضتني
اسامه...لا امي ماله علاقه بلموضوع اني الي راح ازوج واني الي اختار بكيفي
رفيف..بس انت البارحه موجود بلمستشفى وحتى نانزلت الاهلك
أسامه.. اي اتفقت وياهم همه يجون ومنا نطلع
رفيف...يعني كلشي تمام
أسامه...اكيد حبيبتي كلشي تمام
موضوع التعارف اتأجل اكثر من مره بس ماكنت انطي اهلي خبر لان اني احس بلاحراج
الحد ماتاكد الموعد وهلمره قبل ساعه اتصلت وتااكدت ان الموعد حقيقي
اتصلت طلبت كيك وعصير وكرزات خدمة توصيل
وانطيت خبر الباب حتى يستعد وامي
اجا هو واخته وامه
امه كانت تخزر بيه وماعاجبه الوضع ابد
كعدت ساكته هي واخته وهو الي يحجي شكد حاول ينقذ الموقف بس كان مبين على امه ماموافقه
كل التفاصيل اتفق عليه وياا بابا وكلشي تمام
احنا ماطلبنا مهر يجهز البيت اثاث على ذوقي ونشتري
ذهب
وباب اتفق ويااا اذا ماعجبتني العيشه هناك يرجعني البغداد
طلعت امه وهي تعوج بحلكه ماراضيه ابد بلكلام
بس الضاهر ساكته الخاطر اسامه
يمكن حاجي لمن مال يله موافقه تجي
جمانه السعيدي
قرينا الفاتحه
وفاجئنا أسامه ....هسه نعقد شيخ ومن نكمل كل الاجرائات نعقد محكمه قبل الزواج
بابا...بكيف رفيف
اسامه....علمود نطلع بكيفنا ونشتري كل الشغلات الضروريه
ويكون كلشي بينا صحيح وحلال
بابا...هااا بابا شكلتي
رفيف...موافقه
اتصل أسامه بواحد من جماعته وجاب شيخ واجا وعقدنا
كان عقد بسيط كلش بس اني ماحبيت اضيع الفرصه
خلاص مادام امه موجوده
ليش ارفض مبين من الحاحه على العقد يخاف يطلع وامه ترفض
لا تكولون ليش تخلين نفسج بهيج موقف انتي دكتوره وماناقصج شي
لان احبه....اي احبه ومتعلقه بي
والحب مايجي بسهوله ابد
عقدنا وامه حتى ماكلفت نفسه تكول مبروك
بس اخته باركتلي اني دنكت عليه وبسته
بس اسامه كان طايرمن الفرح
نسا نفسه كدام اهلي حضني وشالني وبقه يبوس بيه
ثاني يوم انتشر الخبر بلمستشفى والكل باركلنا
والاصدقاء المقربين زعلو لان ماعزمناهم
بس كلشي صار بسرعه وماكنا مخططين نعقد بهاي السرعه
الي اني ماكنت اعرفه ان امه كانت مخططه تخرب هاي الزواجه باي ثمن
واجت وياا أسامه بس لان يلح عليه
