رواية قصة زهراء الفصل الثاني بقلم زينب نور
ياسر: صعدت للغرفه دخلت للحمام
سبحت وبدلت ونمت ماحسيت بس على صوت طيبه اختي ادكعدني
طيبه: خويه شنهي شبيك نايم صار العصر كوم جدي ينشد عليك
ياسر:كليله جاي
طلعت كمت لبست دشداشه ونزلت دخلت للصاله كاعدين
السلام عليكم
الكل: وعليكم السلام
الجد:وين جنت نتصل عليك اليل كله ماترد
ياسر:جدي رحت للنجف زرت ورجعت
الشيخه:يااا ياسر يمه شبيك جنك ماهاوي الخطبه
ياسر:بيبي لا...قاطعني
الجد:الاسبوع الجاي الخطبه همو ارواحكم مانطولها
درت لسعد سعد بويه گوم ودني لبيت عمك محمد
ياسر:طلع جدي وسعد خليت راسي بحضن بيبي
الشيخه:موكتلك يمه بيك شي
ياسر:تنهد
الشيخه:كول يمه كول من يمته انته اضم عليه شي
ياسر:عدلت كعتي لا بيبي ماكو شي
بس تعبان من الشغل شويه وكمت طلعت
زهراء:كعدنه الصبح تريكنه وامي فتحت الموضوع ويانه ابوي كايللها
كليلهن يعني حتى مالنه راي هوه منطي كلمه لجدي وافقنه ماوافقنه
راح يصير اليردونه العصر اندك الباب فتحى مصطفى ابن اخوي حسين شفت من باب الكيدور جدي وسعد دخلو للدوانيه
علي:هلابيك جدي
الجد:هلابيك بويه شنهي وين ابوك
علي:طلع واجب هسه على جيه
زهراء:اجه علي اخذلهم الجاي ورجعت للغرفه
محمد:ياالله هاا الله بالخير شنهي اليوم صاير الحجي عدنه موعوايدك بويه
الجد:هسه اكعد خل احاجيك
محمد:يالله انشاءالله خير
الجد:الاسبوع الجاي الخطبه شدكولون
محمد:هاي هيه يكيفكم الاسبوع الجاي الاسبوع الجاي
زهراء:راح جدي وسعد واكفه بالمطبخ يم امي والبنات ودخل ابوي
محمد:ها يامره الاسبوع الجاي الخطبه انشاءالله حضرو ارواحكم
امي:بيها الخير
زهراء:اباوع لبوي بالجذب ماكال شنو رايجن
من يوم يومهم مايقدرون المره لو ياخذون رايها بشي
كمت طلعت للحديقه شنو ذنبي راح اعيش ويه واحد مارايدني
حتى لو انه احبه بس حب من طرف واحد يعني موت بالبطيئ
صعب اتحبلك شخص وهوه مايدري عنك وانته اتحبه اكثر من روحك
وانته ماكايل لواحد عن البكلبك
قبل سميه جانت من نلتم بيت عمي اسولفنه تحب اخوي كدام البنات كلها بس انه ماكلت الحد احس عيب ماعندي الجرئه حتى اسولف لختي هي اقرب شخص الي
ياسر:طلع للغرفه مالي خلك واحد مر يومين جنت طالع دخلت صاح عليه احمد اخويه كاعد بالحديقه
الله بالخير خويه
احمد:هلا بيك اكعد عندي كلمه وياك
ياسر:خويه اذا على سالفه الخطبه لاتحجي اي شي لئن راسي راح يطك
احمد:اي اكعد جا شنهي تاخذنه بالصياح غير نفتهم ليش مارايد البت شنو شايف عليها شي
ياسر:شهل حجي يخوي اشايف
بس انه حاسبها نفس طيبه اختي مالي نفس بيها
احمد:شنو مالك نفس بيها البت بت عمنه ومنه وبينه
خاف عندك وحده تحلم جدي مايدخل غريبه لبيته گطنه وشيلها من اذنك سمعت
ياسر: بعصبيه ياخر.....غريبه مارايد وحده كمت بس شوفو انتم البديتو وتحملو الجاي وطلعت
احمد:بصياح ولك شنهي تهددنه
ياسر:مارديت عليه طلعت كاره الدنيا
مريت على ابن عمي عمار هذا اقرب من اخواني الي اخذته بالسيارة
وطلعت افتر ماادري .وين اروح
عمار:شبيك ياسر شنهي شجرالك
احسك مو ياسر لعرفه
صاير شي كول انه اخوك
من يمته اضم عني
ياسر:وكفت السيارة عل شط
ونزلت
كعدت
عمار:كول يخوي شقصتك
ياسر: سولفتله كلشي شلون حبيت فاطمه ومحد يدري
عمار:خويه هسه جاي ادكول رايدها وين جنت مااخذتها
ياسر:ردتها تكبر مااخذلي جاهله اصيرلي مره
عمار:خويه بناتنه كلهن ازوجن وهنه صغار ليش ماكلت اخذها وكبرها يمك
هسه انته لو حاجي كايل العمي
عمي انه رايد بتك
ياهو اليكدر يكول لا والبت فقيره توافك
بس هسه مايفيد. هذا الحجي
والبت راح اصير بسم اخوك
تحرم عليك بعد
ياسر:وانه شذابحني غير اخوي
والله لو غريب جا وكفت ونهيت عليها كدام الكل
عمار:كافي خويه اذكر الله ونساها
وبت عمنه هم اخذها. وصونها
لو مكتوبه من قسمتك اصير لك
بس مامقسومتلك
كوم خويه ونعل الشيطان خل انرد لهلنه كبل الغروب
ياسر:كمنه رجعنه للديره كلها ملتمه
كعدت بس بالي مو يمهم
صالح:انشاءالله الخميس مهر وقرايت فاتحه
ياسر، بويه الخميس انه بالدوام بغداد اجلوها
صالح:اخذ اجازه مايصير شي.
زهراء: خبرونه الخميس نكطع مهر
وانه مااعراف مصيري وياه شنو
.
الاربعاء باليل كلها لتمت عدنه البنات
تنظيف وحفافه وهاي السوالف
حفن وجهي ونظفن جسمي وفاطمه هم كلهن باتن عدنه تمددت على الفراش عيوني ماتاخذ نوم
خايفه من باجر يعني صعب اشوف شخص مايحبك مجبور يسوي هل شي
اتحس روحك رخيص بينهم
للساعه٢ بعد ماحسيت بشي نمت
كعدت على صوت الجهال صايه
وراسي يريد يطك
غسلت وجهي وكلها ملتمه وفرحانه
تنهدت وصاحتني امي للريوك اكلت لكمه احس حلكي مر
كمت شويه وبدن البنات
بالتجهيز
جابت امي فساتين ثنين الي والفاطمه
لبسنه وكعدنه واجت ام الصالون جيرانه
بدت بفاطمه اول مره طلعت لعبه
فستانها لون ازك. وذهبي
طويل مستور مال محجبات
انه لونه بنفسجي مسود
مرتب كملت شفت روح بالمرايه
طلعت اخبل
بس اكو غصه ابكلبي
فرحتي ماكامله
طبعن الزلم ابيت جدي والنسوان عدنه
للعصر كالو راح يجون يعقدون
كعدنه انه وفاطمه بالغرفه مال الضيوف يمنه امي وعمتي ام ياسر وبيبي على الكرسي مالها
شويه واجو مدنكه راسي ماشفت منو الدخل
بس سمعت صوتهم ابوي وجدي وعمامي ثنينهم
وياسر وسعد
مارفعت راسي فاطمه بصفي لبسين شالات
وعبايه على المتن
ياسر:دخلنه كاعدات هيه واختها
اجت عيني عليها نعلت الشيطان.
.. ..وكعدنه اشوف سعد متلهف الفرحه بعيونه
باينه
بده السيد يردد لسعد ويرد وراه
سعد:نعم قبلت
ياسر:كملو واحس كلمت نعم طلعت منها سجين بكلبي
ها هيه صارت حلال اخوي
عقدنه احنه
زهراء:يحجي مبين مال واحد مغصوب على شي سعد يسولف ويضحك الله يهنيهم
شويه وطلعو كومتنه امي وعمتي للصاله وكامن يباركلنه شغلن اغاني
ويركصن
كالو راح يدخلون يلبسون الحلقات
كلمن كامت ادور على حجابها انه خليت الحجاب علا راسي وفاطمه هم
شويه ودخلو بس هوه وسعد وجدي
كعد بصفي وعطره مله خشمي
اجت عمتي اطتهم العلب
سعد منطلق وفرحان بس فاطمه.
مستحيه عينها بالكاع
ام ياسر:ياله يمه لبسها الذهب
ياسر:اخذت ايدها لبستها الحلقه
زهراء:لبسني الحلقه ووخر ايده لبسته انه هم بس توني خليت الحلقه ابدايت اصبعه سحب ايده ولبسها
احس الدمعه بس ارمش اطيح
انطته عمتي الكلاده
اخذها وهوه يمثل انه عادي
لبسني اياها بس بنتر
خله وطلع صرت بنص هدومي كدامهن
سعد كاعد يم فاطمه شويه وطلع وراه
للمغرب غيرت ملابسي
شفت الحلقه بيدي
كل بنيه تتمنه تلبسها وهي فرحانه وماخذه اليحبها وتحبه
بس انه عكس اخذت شخص جامد المشاعر مغرور
مر الوكت وناس تبارك وناس فرحانه
لليل طشت العالم وكلمن راح لغرفته
خليت راسي على المخده
ماردت افكر بشي
ضليت اقرا ايات لمن غفيت
ياسر:وره عقدنه بيوم ثاني يوم رحت من غبشه لبغداد
للدوام دوامي مهندس نفط
رحت للشركه اضل اسبوع وارجع اسبوع
ماراحت عن بالي لحضه بس اذكر
حرمت عليه وانعل الشيطان
جماعتي درو بيه عقدت كلها كامت تبارك
عماد:ها بذات ليش ماعزمتنه
شدعوه عليك
ياسر:هههه عمي صارت بسرعه
السالفه
تيسير:اركص للصبح بعرسك
بس ماكلت شنو منين هاي😉
ياسر:لاتفكر بغير شي
تره بت عمي
عماد:اهاااا والله زين ماعجبتك وحده من بنات بغداد هاي السنين كلها
رحت لبت عمك شنو حلوه
ياسر:شمرت عليه البطل ادسز
شنهي ولك حلوه
عماد:هههه جنك مارضيت
اتحبها
تيسير:والك لعد شلون مايحبها
خله بنات بغداد كلهن وراح عليها
اخذ الچا وخله العد
عماد:ههههه چا شنهي ولك
ياسر:هوه اليكعد وياكم هم طايح حظه خل اكوم احسن
كمت عنهم
خلص دوامي رجعت للديرة
وصلت الظهر
سلمت عليهم وكلتلهم لحد يصيحني اريد انام تعبان.. صعدت
ذبيت روحي تعبان
زهراء:مر اسبوع ماكو شي
بس سمعت من طيبه هوه رايح للدوام
اجه يوم الخميس وكالعاده هم انروح لبيت جدي
رحنه الظهر هوسه الثواب عشه
ضلينه نشتغل
بالمطبخ انه والبنات صار وكت العشه
يصبن بالمطبخ ويجون الولد يشيلونه
دخلو احمد وسعد سلمت عليهم
اخذو الصواني شويه ودخل
ياسر بس عاقد حواجبه
بالجذب كدام الناس ماسلم
هسه انه عليمن حاركه روحي هوه مامهتملي
ليش اهتمله
اخذ الكل وطلع كملو صبت للنسوان بالصاله كلها كعدت بس انه مااريد
مالي نفس كمت للمطبخ
احظر الجاي
شويه ودخل سيف لا هلا ولا مرحبا
سيف:عل خير
زهراء:شكرا
سيف:بس يگولون العريس مغصوب
زهراء:التفتت اله شكله
وحجيه صدك
كتله والمطلوب هسه شنو
تدنه بتجاهي وكال
سيف:لو خاطبج انه رضيتي
زهراء:دفعته كتله اكتل روحي وماصير مره لواحد ساقط مثلك
كلت هج وهذا گضبني من فكي
سيف:السانج لا اكصه وانه مااخذ
وحده بايعه نفسها
لواحد مايريدها
زهراء:دفعته والتفتت اطلع
ومااشوف بس......
