رواية غيث الحنيين الفصل الثاني بقلم جمانه السعيدي
اني حنيين مواليد ٩٣ طولي ١٦٥ بيضه
جسمي متناسق عيوني ملونه
يكولون اشبه بيبيتي ام بابا وعندي خوان ثنيين ازغر مني
بابا يستغل بمعمل تعليب
ابو المعمل شخص متمكن حيل تقريبا بعمر بابا
علاقته بابا كلش زبنه
دائما يساعدنا
حالتنا الماديه متوسطه
بسبب شكلي دائما أتعرض للتحرش
بس اكثر واحد لزكلي غيث
اني صح خايفه بس ما انكر اكو شعور حلو اتجاها
وخاصتا من ارجع يوميه والكا منتضرني
بس اني ما احجي ويااا ابد
اني كلش شاطره بلمدرسه وبابا دائما يكول اني افتخر بيج
لان كلما يروح يسئل عليه بلمدرسه
المدرسات والمديره يبقن بس يحمد بيه وباخلاقي وشطارتي
جمانه السعيدي
دائما بابا يكول انتي راح توصيل وتحققين حلمي الي اني ما كدرت اوصله ابد
اني كان تركيزي على دراستي وبس
ابد ما افكر ادخل بعلاقه
ولا اريد شي يلهيني عن مدرستي
حتى ماعندي صديقات هواي عندي بس صديقه وحده
وعلاقتي بيها على كد المدرسه وبس
يعني مانزور وحده الثانيه ونطلع وهاي الشغلات
لا حدنا للمدرسه وبس
غيث يوميه اطلع وارجع من شارعهم صار هذا الشي بلنسبه اليه ادمان
غيث طلعت من الصبح والدنيا بارده وبيومها ضباب
بقيت انتضرها
شفت ابوها طلع سويت نفسي انتضر صديقي
هو بقى يباوع عليه
لان الدنيا حيل بارده والساعه سته ونص الصبح
احس رجليه جمدن خرب يومج حنيين
بدت الطلاب تطلع واني راح الوكت عليه لازم اوصل قبل
صاحب المحل انضفه وارتبه
شويه وطلعت ست الحسن اني شفته لان مركز على بابهم
بس هي ما شافتني من الضباب
وصلت يمي
غيث صباح الخير
...ماردت
غيث ولله حرام عليج جمدت خطيتي بركبتج
عاد ردي السلام ترا السلام لله
..التفتت عليه باوعتلي بستغراب ورجعت تمشي
غيث اني مو شاب مراهق وجاي يتحرش اني حبيتج
واريد اخذ منج الاوكي واخطبج
بس هسه بس خطوبه لان ولله امر بضروف صعبه كلش
بس بتحسن وضعي نتزوج كبل
التفتت عليه وباوعتلي وهي ما عاجبه كلامي ابد
غيث ياربي احجي شني خرسه حتلو خرسه هم عاجبتني
جمانه السعيدي
حنيين لاتحاول تحجي وياي مره ثانيه ولله اكل البابا عليك انت مو محترم ليش تتحرش بنات الناس
ماعندك خوات تخاف عليهم
غيث اللهم صلي على محمد نطق ابو الهول
اي ولله ماعندي خوات واريدج انتي تصيرين اختي وامي وحبيبتي كلشي بدنيتي
حنيين احترم نفسك وبتعد عني ترا ولله اشتكي عليك
انت مو مال واحد يحترمك
غيث عمي لانحترميني اغلطي عليه اضربيني بس خل احجي وياج
عافتني ودخلت للمدرسه
باوعت حيل راح الوكت عليه اديه جامدات بس ما احس بالبرد
وصلت لكيت المحل مفتوح وأبو ضياء موجود
صباح الخير
...صباح النور وين جنت اليوم متاخر مو من عوايدك
...سامحني اليوم اخذتني نومه
...اخر مره فهمتني
...صار
اشتغل وفكري كله يمها انعل ابو الحب
مثل العايش بغير عالم وابد ما اجاي اكدر اركز بشغلي ابد
بديت اشتغل واحاول اجمع فلوس اريد اكون نفسي
ولو جزء جبير من شغلي يروح البيت عمي
صحيح عمي رجع للدوام بس المسوليه جبيره علي كلش
من جنا زغار جانت العيشه تدبر بكلشي بس هسه
لا كبرنا وكبرت المسوليه ويانه
شلون راح أتقدم الحنيبن واني كلشي ماعندي
لاعندي بيت ولاشغله محترمه ولا شهاده
بس ولله اموت إذا ما اخذها
ثاني يوم بس وصلت يم بابهم طلعت اني هم متاخر على شغلي شكلي راح انطرد من وره حنيين
غيث ياهلا بهلصباح
حنيين انت فعلا ما تستحي
غيث خلاص اني راح بس اباوع بعيوني ومآ احجي ابد
ولا كلمه
النضر ممنوع
عافتني ومشت
حنيين تعبت غيث حيل جاي يلح واخاف بابا بيوم بيشوفها وتصير مشكله
خلصت الخامس وبابا جابلي كتب السادس وكال ادرسي
لان ماعندا امكانيه دروس خصوصيه
هنا انقطعت من الطلعه والروحه والجيه وبعد ما شفت غيث ابد
غيث خلصت المدرسه وبعد كمت ما اشوفها ابد
رغم اطلع للشغل من شارعهم وارجع من شارعهم بس بدون فايده
قررت اخطبها
صحيح اني ماعندي امكانيه بس احاول حتلو بس خطوبه
فاتحت عمي بلموضوع ومآ اقتنع لان الزواج يريد مصاريف هواي واحنا ماعدنا
ضليت اللح علي كتله بس خطوبه
عمي ابني بنات الناس مولعبه واذا خطبت يعني تحضرنفسك للزواج فرضا هسه ابوها كال اخذوها واريد مهر عالي
شراح نكول اوكف انسحبنا
بطلنا ما نريدها
بس اني صممت على موقفي ياناس اني مو بس احبها
اني مريض بحبها
عمي راح وياي وهو ما مقنع بس مثل ما يكولون على عمه عيونه ما قابل ابد
وصلنا وابوها استقبلنا احسن استقبال
عمي احنا جايين نطلب ايد بتك لابنا غيث
....غيث ابنك الجبير
...لا ابن اخوي واني مربي
...اهله وين
...اهله منفصلين ابو بلخارج وامه مزوجه ومكونه اسره بغير محافضه
...خريج
...لا ولله كمل اعداديه وضروفنا ماتسمحله يكمل
...يشتغل
...اي يشتغل باجر يوميه
...يعني عامل
...اي بس هو شاطر وحريص ويحب الشغل
واذا تمت الموافقه هسه بس خطبه والزواج لمن يجمعله كم فلس انشاء الله
ابو حنيين لاتزعل عليه اني بنتي ما ازوجها لان حيل شاطره بلمدرسه واتمنى تصير شي مهم
اني حيل تعبان عليها
وهسه ما ازوجها جيتكم على عيني وراسي
عمي بس ناخذ موافقه مبدئيه
جمانه السعيدي
ابو حنيين منو ابو باجر الناس كل يوم بحال
اني ما اكدر اربط بتي واريدها تخلص دراسه
طلعنا من عندا واني حاس بنكسار فضيع
وعمي يهون عليه ويكول كلشي قسمه ونصيب
غيث بس حنيين مراح تكون من نصيب غيري
عمي شنو بلكوه الزواج اختيار واهلها يشوفونك
مو الشخص المناسب الها
غيث ليش شبيه ولله مايلكون مثلي
عمي صحيح كلامك ما يلكون مثلك احنا لان نعرفك ونعرف اخلاقك نكول هيج
بس همه ما يعرفونك ويريدون البتهم واحد شبعان
يداريها ويدللها
غيث لوبس يدرون اني شكد احبها ولله جان انطونيها
كبل
عمي شد حيلك وكون نفسك كدامك سنه كامله منا لمن تخلص السادس
ونرجع نخطبها مره ثانيه
يجوز ابوها يقبل وتاخذها
غيث قررت ادور شغل احسن واجمع فلوس وارجع اخطبها مره ثانيه
ابو حنيين
هذا من كل عقله انطي بتي
ام حنيين شبي
حنيين اني جاي اسمع الحديث بينهم وشفت غيث من دخل بيتنا وعرفت جاي يخطبني
ابو حنيين عايش بيت عمه لا ام ولا اب ولامتخرج
ولاعندا بيت ويشتغل عامل باجر يوميه
وجاي بخطب حنيين
لو يبقى اخر واحد هو ما انطي بنتي
ام حنيين يااا عامل شنو عامل يزوج حنيين لو يبقى اخر واحد بلدنيا
اريدها تخلص وتتعين وتأخذ واحد موضف مثلها
هذا التعب كله وتالي تاخذ واحد عامل
هذا مخبل شنوووو
جمانه السعيدي
ابو حنيين اني هم طردتهم
حنيين صحيح اني حاسه بحبه اليه وهاي الخطوه الي خطاها واجا خطبني تأكد حبه اليه
بس كلام امي وابوي صح
اني ليش ارتبط بواحد عامل وعايش ببت خالته
اني اذا ارتبط اريد واحد مستوا احسن
موضف متمكن
لازم أشد حيلي واطلع معدل واعوف التفكير بغيث
غيث كلام ابوها جرحني وقررت اشتغل اكثر اجمع فلوس
واصير انسان ثاني يستحق حنيبن
بديت ادور على شغل ماخليت مكان مارحت ادور بي
منا لمن لكيت شغله احسن من شغلتي هاي
حارس مخزن حديد
اخذ ٦٥٠ بلشهر
صحيح مو مبلغ جبير بس احسن من قبل
المخزن خارج الولايه
وكل عشر ايام انزل اربع ايام وارجع
انطي العمي ٢٥٠ منهن مصرف واجمع الباقي
الاكل على ابو المخزن
واني لازم ايدي وابد ما اصرف ابد
اجمع فلس على فلس اريد اكون نفسي
صحيح المكان بعيد ومآ اشوف حنيين يوميه مثل قبل
وهذا البعد على عيني
بس الضروف تحكم
