رواية غيث الحنيين الفصل الثالث بقلم جمانه السعيدي
اشتغلت شهر اموري كلش تمام اكو حارس ثاني نبدل اني ويااااا
هذا الحارس أموره تمام كلش حتى عندا سياره
كلما اسئله تشتغل شغله ثانيه يكول لا بس هاي الشغله
مرات يكول زوجتي موضفه وتساعدني
وضعه توب يعني مو مال الراتب وبس
اني ما اختلط بي حيل لان هو أكبر مني بهواي
وكل الموجودين يحترمونه ويدورون خاطره
وهو كل كلمه والثانيه يكول انت بعدك زغير انت ماعندك خبره
اني ويااا نبدل ساعتين بساعتين
بليل من تكون خفارته هو يلزم ساعتين واني ساعتين
دائما يسوي جاي ويصمم اشرب وياااا
اني ما اكدر احرجه ابد
بس اني بس اشرب الجاي انام راسا
بيوم انطاني الجاي واجته مكالمه
طلع برا يحجي اسمعه يكول اي على موعدنا
اني تكرمون رحت للتواليت ومن رجعت لكيت الجاي بارد
كلت هسه عليمن شارب جاي
هو اني اربد انام
تمددت وتغطيت بعدني ما نايم
شفته اجه باوع عليه وراح مثل الي يتأكد نمت لو بعدني
ياسبحان الله
بليلته ماكدرت انام ابد
احوس ومآ ضلت فكره ما اجت ابالي
احسب شكد بعد واكدر اجمع مهر حنيين
واذا راحت كليه يجوز ما تقبل بيه هم تريد واحد خريج
مثله
جمانه السعيدي
ولله لو ضروفي تتحسن شويه ارجع ادرس واخذ شهاده حالي حال الشباب
اذا هي بيها وماتنسد بوجهي يله الله كريم
امدد وسمعت صوت ستوته دخلت للمخزن
واكو صوت كلام
بس ما اسمع الكلام شنووو
كمت باوعت من شباك الغرفه
شفت ثنيين على ستوته دخلهم ابو احمد الحارس
بدو يشيلون حديد ويحملون بلستوته
اني عندي تليفون مشتري قبل فتره مستعمل لان بوكته
التليفون الجديد غالي
اشتريته علمود اخابر بيت عمي واطمن عليهم
بس مخابره بوكته ماكو نت
طلعته وأخذت الهم كم صوره
وبقيت اراقبه حملو الحديد وأبو احمد جان يوزن الحديد
ويحسب عليهم ويحجي بصوت ناصي بحيث اني ما سمعت كلامهم ابد
وطلعوا وأبو احمد قفل الباب وراهم
اني عرفت بوكتها اكو شي مو تمام
هذا الحديد عهد عدنا وامانه
وأبو احمد جاي يسوي شي غلط لذالك اجا اتأكد مني نايم لو بعدني
تمددت وتغطيت لان شفته جاي للغرفه
استرجعت ذاكرتي وعرفت الجاي تلي اشربه ليليه بي شي يخليني انام وما ادري باي شي
جمانه السعيدي
ينومني حتى ما اشوف اي شي يصير
لمن اجا وكت خفارتي اجا كعدني وهو نام
بقيت اليل كله افكر احجي واكول لو اسكت
خاف احجي ومحد يصدكني
ولو عندي صور
ابو معمل الحديد كلش عندا ثقه بي ومستحيل يفكر
ابو احمد يبوكه
ايو المعمل كل ٣ اشهر يجي مره للمخزن
ما يجي دائما
زين اني المن احجي لازم اسئل على ابو المعمل واروح ادوره
واحجيله كلشي
بلمعمل ماكو احد بس اني وأبو احمد
من تجي سياره حمل جبيره شايله حديد راسا تصعد على الكبان ونشوفها كم طن ونسجل وأبو السياره يوقع ويطلع
حتى كامرات ماكو لان همه يثقون بابو احمد لان من زمان يشتغل عدهم
بقيت محتار ما اعرف المن احجي
زين اكل الابو احمد ليش تأخذ حديد وتبيع
خاف يبدل عليه واذا اكله صورتك احتمال يغافلني وياخذ التليفون مني
تكررت هاي الحاله لمدت اربع اشهر واني اشوفه ليليه
يبوك حديد ويبيع على ذوله اهل الستوته
طبعا كام من يجبلي جاي ما اشرب ابد
بس كدامه أبين اني شربته
وراها اجا جرد للمخزن لان ابو المخزن يريد يببع المخزن والحديد
من انجرد المخزن طلع نقص بلحديد والنقص هواي مو شويه
بدا ابو المخزن يحقق ويسئل ويدور الوصلات مالت السيارات الي دخلت
واتصل بلسواق الي دخلو الحديد للمخزن
جمانه السعيدي
بوكتها انخبصنا خبص
لان كميت الحديد النقص هواي
كان ابو احمد ماخذ راحته ومآ محسب يصير جرد ابد
اني ابد ما خفت لان اعرف البوكه عدمن
ابو احمد شاف نفسه انحصر حيل ودائرة الشك صارت علي وعليه
حب يركبها براسي ويطلع منها
بما انه يشتغل هنا من زمان واني جديد على الشغل
اكيد يشكون بيه ومآ يشكون بي ابد
جمانه السعيدي
ابو احمد اتهمني وكال غيث يبوك الحديد ويبيعه
ولكيت ابو المعمل جابني ويتهمني وخابر الشرطه عليه
هنا اني بعد ما اكدر اسكت ابد
كلت الابو المعمل ابو احمد جان يبوك بلحديد ومن زمان موهسه
طبعا محد صدكني مثل ما توقعت
لان هو صار زمان يشتغل عدهم وثاقين بي حيل
طلعت الصور الهم
شلون يفتح الباب وشلون يدخلون ويحمل الحديد ويبيعه عليهم على الوزن
ورقم الستوته الي تحمل الحديد
الشرطه اخذت ابو احمد وجابو ابو الستوته
وكال ابو احمد مفهمني هذا الحديد مالته ويريد يببعه
الشرطه عرفتهم يكذبون لان هاي العمليه تصير ورا الثنتين بليل اذا كان الحديد اله فعلا
ليش يبيعه هيج وكت
يكدر يبيعه باي وقت من النهار
هنا اخذو ابو احمد للسجن والولد ابو الستوته ويااا
بصفته شريك بلقضيه
لان يدري بلحدبد تابع للمعمل وأبو احمد جاي يبوك منه وهو شريك ويااااا
ابو المعمل زادت ثقته بيه حيل بس كام يلومني لان ما بلغت من وكت
اني رديت علي ما اعرف أبلغ منو انت ما موجود ولا رقمك موجود عندي شلون ابلغك بلموضوع
ابو المخزن باع المخزن بس اخذني ويااا للمعمل وخلاني مسؤل على العمال وصعد راتبي
خلصت حنيين السادس ونقبلت معهد طبي
هنا اني كدرت اجمع خمس ملايين
صحيح قليلات بس ردت اربط كلام وياهم بيهن
بس هم رفضني ابوها ومآ قبل حتى خطوبه
ولا ينطيني كلام او وعد
كال ابد ماتصير حنيين الك انسا هاي السالفه ابد
وكالي بصريح العباره
اني ما انطي بنتي الواحد متجهول ولاعندا سكن ولا وضيفه
ولاشغله محترمه ولا حتى عندا اهل يتعاتبون
انسا حنيين للابد
رجعت من عدهم خايب مره ثانيه بس ما كطعت الأمل ابد
المشكله شغلي بعيد ومآ اكدر اشوفها دوم
جمانه السعيدي
بقيت انتضرها ثاني يوم جانت طالعه تشتري ملابس هي وامها
طبعا اني انتضر وعليك يالله ما ادري بيها راح تطلع لو لا
بس طلعت وشفته
اجيت امشي وسلمت على امها
امها تعرفني لان شافتني اخر مره اجيتهم
غيث خاله ليش ترفضوني ولله ماتلكون واحد يحبها بكدي
ام حنيين خاله كلشي قسمه ونصيب انت مالك نصيب يمنا
حنيين واكفه وتباوع عليه
غيث خاله ولله اني اشتغل وشغله محترمه بمعمل حديد
وارتبي ٨٠٠ وإنشاء الله راح يصعد بعد
واني ااجر بيت ونسكن وحدنا
ام حنيين خاله بتي تريد تكمل دراسه ماتريد تتزوج
انت طالبنا بطلابه
روح شوف حياتك واخطب وتزوج حنيين ماتصير الك
غيث عافتني ومشت هي حنيين
واني صحت وراها
خلي ابالج خاله محد ياخذها غيري
لو يصير الدم للركب
حنيين اليه ومحد باخذها غيري
مستعد ارجع اخطبها الف مره وانتظرها العمر كله
ولله احبها ليش مايحسون بيه
بدت حنيين اداوم بلمعهد شافت حياة جديده وحلوووه
وحست نفسها مميزه
البس تغير والشكل تغير
عيون الشباب جانت تلاحقها وبن ما تروح
بس هي حبت تحافظ على نفسها وماتدخل اي علاقه
وتهتم بمستقبلها وبس
