رواية زواج إنقاذ الفصل الثاني بقلم جمانه السعيدي
التفتت عليه وهي لازمه الجنطه بايد والازمه الباب بايده الثانيه
...نعم تفضل
اني اباوع عليه ونسيت اني عليمن جاي
...تفضل منو حضرتك
...هااا اني اني ياس خضر
نزلت حواجبها وتحجي وياي باستغراب
...نعم شنو ياس خضر انت صاحي بيك شي
...هااا العفو اني ياس ابن ابو صلاح عمي احمد موجود
...هسه دقيقه
التفت وصاحت
ماما هذا جاي على بابا
....شنو هذا مو بشر كدامج
...شمعرفني ياس خضر مدري حميد منصور
اجت امها كالت السلام عليكم تفضل عيني منو حضرتك
هي طلعت واني بقيت اباوع عليه معقوله هيج تطلع للشارع
ابشرفي لو عندي ما اخليه توصل للباب
امها...تفضل عيني شرايد
ياس...العفو خاله اني ياس ابن ابو صلاح جاي على عمي احمد جايبله امانه
...اي تفضل ينتضرك
جمانه السعيدي
دخلت للاستقبال وشويه واجا عمي ورحب بيه واستقبلني
احسن استقبال
وسئلني عن الاهل وعن الوالد وماقبل اروح اله اتعشه وابات عدهم
الصراحه اني ما جنت ناوي ابقه عدهم بس من بعد ماشفت شمس
قررت ابقه اريد اشوفه واتعرف عليه لان حيل عجبتني
عمي حيل فرح بيه وبدا يسئلني عن الاهل واحد واحد
بلسته وشويه يله رجعت شمس عمي صاح عليه حتى تجي تسلم عليه
...
....شمس تعاي بابا سلمي على ابن عمج ياس
...اهلا وسهلا
...اهلا بيج
عمي احمد يله بابا بدلي وتعاي نتعشه جبتيهن الكتب الي رحتي للمكتبه علمودهن
...اي بابا جبتهن
..يله حبيبتي بدلي وتعاي منتضرينج
...هسه بابا ابدل واجي
اني شمس مواليد ٩٧ اشبه الصوره كلش اني وحيدة ماما وبابا
من اني زغيره دائما اسئل ماما ليش اني وحيده وما عندي اخوان وخوات
دائما دكول رزق رب العالمين الحمد لله والشكر
انتي الشمس الي نورت حياتنه
بابا وماما موضفين
بابا بدا يتعب كلبه وقدم على تقاعد مبكر لان بعد مايكدر يداوم وماما اداوم
صفاتي السلبيه خوافه وخاصتا من قصص الجن كلش اخاف
والشي السلبي الثاني تلعب نفسي بسرعه من اي شي مقزز
وراسا اتقيئ ما اتحمل ابد
خل احجيلكم قصه صارت وياي مره اجرنا تكسي اني وماما للسوك اني من صعدت مانتبهت للسايق
من اجينا ننزل ماما رادت تنطي الاجره التفت علينا وابتسم
الله لايراويكم منضر اسنانه فد شي من الوصخ
اني شفتهن واني فتحت باب السياره وبديت اتقئ بحيث انتهيت
ماما جابتلي مي حسيت حتى مصرايني راح اتقيئهن
فقررت من يومها انطي للسايق اجرته بدون ما اباوع بوجه
من اي ريحه او اي منضر راسا اتقى وما اكدر اسيطر على نفسي واخاف من افلام الرعب
مره شفت فلم اجنبي واحد ذبحو صدكو بقيت ليلتين ما اكدر انام ابد كلما اغمض عيوني اشوفه كدامي
اضوج من هاي الصفات الي بيه بس مابيدي اغيرهن ابد
ماما تضحك عليه دائما وتكول
وين اضمج وين اخليج
شني نفسج كلشي ماتتقبل
اني السنه اول كليه كلية اداب قسم انكليزي
من اول ما داومت اكو ولد يوميه يدز عليه وحده
خوش ولد مودب عجبتني اخلاقه وقررت انطي فرصه
وبدت علاقتنه اني ويا حيل حبيته وتعلقت بي
اهتمامه بيه موطبيعي حتى من ارجع للبيت يخابرني ويبقى يحجي وياي
اسمه ماهر وهو مرحله ثالثه
ونسيت اكلكم عندي صديقه من ايام المتوسطه اني وياها
ابد ما اكدر استغني عنها اسمها سماهر
هي شجعتني انطي ماهر فرصه واشوف نفسي احبه لو لا
بس بعدين من شافتني تعلقت بي
بدت تمنعني منه وتكول خل ننتبه الدراستنا
وهاي السوالف نعوفه بعدين
جمانه السعيدي
طولت عليكم واني احجي عن نفسي خل انزل للعشه
وخصوصا بابا ينتضرني هو وسعدون جابر مدري ياس خضر
نزلت وصبينا العشه وكعدنا سوا كلما ارفع راسي اشوفه يباوع عليه من جوه ليجوه
ياربي شكله حلووووو
ليش مسمينا ياس خضر خطيه
اوي اني شعليه
ياس يمته تسافر عمي
احمد بعد اسبوعين انشاء الله
ياس قررت على العمليه
احمد اي ولله دزيت التقارير والايكو وكالو يحتاج عمليه
ياس الله كريم انشاء الله ترجع سالم
احمد اشكرك وليدي
شمس كملت عشه وصعدت الغرفتي خابرت ماهر وحجينا شويه اني ويا طبعا ماهر جميل بشكل عضلات وشخصيه وكشخه
دائما البنات يتحرشن بي بس هو يكول بس وحده بلكلب
شمس وبس
طبعا سماهر من تشوفنه نمشي سويه حيل اضوج
تكول ماهر اخذج مني
كعدت ثاني يوم الصبح نزلت غسلت لكيت ماما كاعده
ومحضره الريوك
وخاله القوري على الصوبه
وبابا وياس كاعدين بلاستقبال يسولفون
اني كعدت ادفه على الصوبه بين ما الريوك يكمل
وبحركه لا اراديه مني انكلب القوري بحضني
وحرك ازروري والمنطقه الحساسه
بديت اصرخ واكمز
ماما نزعت بجامتي واني كمت اصرخ بلزايد
ياس كعدنا اني وعمي صلينا وكمنا نسوالف
عمي كلساع يكول ولله ونستني ياريت تجينا دائما
حتى كلبي احسه احسن
فعلا شوفت الاهل تريح الكلب
جمانه السعيدي
شويه وسمعنا صريخ وعياط من المطبخ طلعنا نركض ا
اني وعمي
جان اشوف شمس بس بدي تراك لابسه ورجليه طالعه
وتكمز
وامها تصيح يمه بنيتي احتركت
اني درت وجهي لان زحمه اباوع عليه
وعمي طفر جاب البطانيه ولفها بيها
وصاح ياس ابني اللحك جيب سياره ناخذها للمستشفى
وليدي بسرعه
