رواية زواج إنقاذ الفصل الثالث بقلم جمانه السعيدي
وصلنا للمستشفى ودخلوه جوه بقينا اني وعمي ننتضر برا
صوت عياطه عالي
فرفحت من البجي
حسيت عمي تعبان كعدته على الكرسي ورحت جبتله ماي وبديت اهدء بي
ياس لاتخاف انشاء الله بسيطه
احمد اخاف عليه ماتدري شلون معلكه بروحي
ياس بسيطه هسه يعالجوه وتطلع انشاء الله
بقينا كاعدين ساعه تقريبا واجتنا ام شمس
وجه تعبان وتبجي
احمد ها بشري شلونها شمس
ام شمس خلوله ابرا مهدء ماتت من الصريخ والبجي فرفحت الابره شويه هدئته
عالجو الحرك الخارجي بس اكو حرك داخلي ترفض الدكتوره تعالجه
تكول هاي بنيه ما اكدر اعالجه مسؤليه
احمد يعني شلون يعوفوه هيج ماكووو حل
...لو مزوجه اهون لان بنيه مايقبلون يقربون الها
...ياربي لطفك انت حلها من يمك ترا ميصير شني هسه اروح ادورلها عريس بهذاالضرف
اروح اني اوقع على مسؤليتي
...اني كتله ابوها موجود وهو المسؤل تكول مايصير
هاي شبه عمليه داخليه مانكدر انسويه الها لان هي بنيه
...اروح احجي ويه مدير المستشفى بلكت الله يهدي
عمي وكف ورجع كعد جان تعبان كلش
من خوفه على شمس تعب بلزايد
ياس عمي اني اعقد عليه وخليهم يعالجوه
ومن اطيب الله كريم
يعني زواج انقاذ الحالته زواج مؤقت
جمانه السعيدي
احمد... تحجي صدك ولله هذا الموقف ابد ما انسا الك طول عمري
ياس لاتكول هيج عمي اني عيوني الك اذا ما اساندك بهيج موقف واوكف وياك منو يوكف وياك الغريب
وفعلا طلعنا اني وعمي المكتب شيخ قريب وشرحناله الحاله
واجا وينا للمستشفى اتفقنا ويه ام شمس تشرحله الموضوع
ودخل عليه الشيخ وهي تتلوا من الالم واخذ موافقته
وعقدنا بلمستشفى
وشهدو على الزواج اثنيين ممرضين
كملنا اجرائات المستشفى ودخلته الدكتوره صالة العمليات
وشكللولها صونده للادرار
ورا ساعه تقريبا طلعوها
اني ما اقترب منها حيل احس الموضوع محرج خطيه
ورحت جبتله مثل االطوك الجبير يخلو على رجليه حتى الغطى لاياذيه
الدكتوره طلعت وسجلت عصارات اجنبيه حتى وحده من الخارج يساعدنها اطيب بسرعه
الدكتوره تكول هذي المنطقه حساسه ورطبه ويرادلها وكت حتى اطيب
بقينا يومين بلمستشفى شالو منها صوندة الادرار وطلعنا
بس عمي حيل حالته تعبت
ام شمس ماراحت للبيت ولاشافته واني وياها
بس ما ادخل جوه اخاف احرجه
اما ابو شمس يجي ويروح لان تعبان واجواء المستشفى مو مريحه اله ابد
المهم طلعناها للبيت وخلال الاسبوع الاول وصلن العصارات الي وصت الدكتوره علينه من الخارج
خوال شمس دزوهن
جمانه السعيدي
رحت اني للدكتوره وسئلته عليهن
كالت تخلي منهن وانشاء الله راح تتحسن
وبعدين اشوفه اذا محتاجه عمليه تجميل نسويلها ترقيع
بهاي الفتره حالة شمس النفسيه مدهوره
حتى اكل قليل تاكل
وعمي حالته من سي الى اسوء
بسبب شمس واني ما فاركتهم ابد
مرات احس نفسي فكر لان اول مره ادخل بيتهم ونكلب كلاب
صديقته جانت تخابرها اول ايام وما ترد
بعدين ام شمس جاوبت وفهمته واجت للبيت شافته
اما ماهر حرك التليفون اول ايام
ودز سماهر تشوفه وطمنه عليه
هنا بينت نية سماهر الي جانت خاله عينه على ماهر وتحسد
شمس طول الوقت
ماهر هلو سماهر شفتي شمس ليش ما اداوم ولاترد على تليفونه خاف ابوها دهورت حالته
سماهر ولله مااعرف شلون اوصفلك الحاله
ماهر...احجي قلقتيني يمعوده شصاير
سماهر شمس احتركت حرك جبير اسفل جسمها وشوها
وماقبلت الدكتوره تعالجه اله اذا كانت مزوجه
وزوجه ابن عمها وهو هسه يرعاها ويعالجها
اصلا كاعد عدهم بلبيت
جمانه السعيدي
ماهر تحجين صدك لو تشاقين يمته هذا الحجي
سماهر صار اسبوع انصحك ابتعد عنه شمس بعد متفيدك
اتشوهة وما اعرف اتصير زينه لو لا
انت ولد كامل ومكمل مستحيل ترتبط بوحده مشوهه
اكو ناس تحبك وتقدرك اكثر من شمس بس انت انتبه زين
وبعد العاقل يفهم
اتحسنت حالة شمس وتكدر تمشي بس بعدها تاخذ علاج
يمكن دعاء امه وابوها السبب
بعد مرحله وحده وتصير زينه
العلاج الي دزو الها خواله كلش زين
بقة تشوه بسيط بلجلد الدكتوره كالتلهم بلعلاج يرجع احسن من قبل
بعد مرور ١٣ يوم على العلاج
حتى يتاكدون ان وضعها رجع طبيعي
الدكتوره يكدر زوجها يتقربلها
ام شمس دكتوره بس همه زواجهم على الورق
كان زواج انقاذ الحالته
الدكتوره هاي الخطوه بمصلحته وانت بكيفكم
على العموم يرادله عشر ايام بعد وانشاء الله ترجع احسن من قبل
الحمد لله كلش زين وضعها وماعدها اي التهابات او مضاعفات
خلي تعبر هاي الفتره ورجعيه اليه اتاكد من وضعها
وانشاء الله تصير احسن
شمس ماعجبها كلام الدكتوره وكالت الامها
ولله لومو التهاب لويصير سرطان ما اخلي يقربلي
امها يمه بكيفج محد يجبرج على شي بس خلي ابالج
موقف ياس موقف جبير ولازم تشكرينه عليه
شمس لاولله هو فكر اول مره يدخل علينا وصارت هاي المصيبه
