رواية زواج إجباري عشق السيد الفصل الثاني بقلم جمانه السعيدي
اماني....المهم اني واحمد مالنا شغل بهاي المشاكل
مرات نصدف نطلع للمدرسه سوووا
لو من نرجع سوا طبعا بس نوصل للبيت نفترق خاف تشوفنا امي لو امه
امه هم تكرهني وماتحبني بسبب امي
من يشتري أقلام لو مساحه يشتريلي ويااا
ويخليهن داخل الكتاب ويخلي يم التلفزيون
واني اروح اخذهن وارجع الكتاب
مره صادفت امي طالعه وامه بلحمام
اجا كعد بصفي
احمد....ولله كرهت اهلي على شنو هاي المشاكل
احنا مو ولد عم واهل ليش امي وامج وحده تكره الثانيه
اماني....فوكاها ربينا سوا بنفس البيت ومايقبلن نحجي سوا
شلون عايشين بنفس البيت ومانختلط ولا نحجي سوا
احمد...اني بس اكبر اشتري بيت واطلع من هذا البيت
كرهته من كد المشاكل والعرك
اماني....هنيالك على الاقل انت ولد وحر بتصرفاتك اله اني بنيه وعلى كلشي يحاسبوني حتى على النفس
احمد....كله بسبب جدي هسه شعاجبه من هاي الهوسه ماادري
اماني....اي ولله دمرنا جدي
احنا ست نفرات وكاعدين بغرفه عود جاسم مرات ينام بلاستقبال هو وحازم
وانتم خمس نفرات وكلكم بنفس الغرفه
وبيت عمو قاسم نفس الشي
اني مرات من اريد ابدل ملابسي احير وين ابدل
احمد....الله كريم لا زم هذا الوضع يتغير خوما يبقى للابد
سمعنا صوت امي اجت وهو طفر من مكانه بسرعه
اذا شافتنا نحجي سوا شيخلصنا منه
خلصنا ثالث متوسط ونجحنا اني واحمد للاعداديه
جمانه السعيدي
طبعا نسيت اكوللكم اني بس نجحت من صف سادس ابتدائي لبست عبابه راس
اما الحجاب لبسته من صف ثالث ابتدائي
ومااطلع اله لبس جواريب وممنوع الاختلاط باي ولد
حتلو ابن عمي
وممنوع نطلع احنا البنات الاي مكان اله يروح ويانا واحد
من الولد لو ابوي لو عمي
ماكو طلعه برا البيت وحدنا ابد
هاي القوانيين ماشيه عدنا بلبيت وممنوع اي احد يخالفه
المهم بعد ماخلصنا الامتحانات صف ثالث متوسط
وقبل لا تطلع النتائج
جدي تخربط ونقلو للمستشفى وهلمره الله يستر
حالته حيل تعبانه
وخاصه كانت فترة حصار وحتى علاج بي خير ماكووووو
البيت كله دخل انذار وبيبي تبجي علي
بقه اربع ايام ونطاكم عمرا
مات جدي ابو كلب الطيب الحنون كلنا نبجي علي كبار وزغار
بوقته ابوي جان نازل مجاز بس عمو حسن بوقته
جان ملتحق بلعسكريه
دزو تقرير الوفاه بيد ابن عم بابا راح للوحده العكسريه
وقدم شهادة الوفاه وجاب عمي واجا
عمي حسن وصل ثاني يوم الفاتحه
ابد ماانسى منضره شلون يبجي على جدي
بعد الفاتحه تحديدا بعد الأربعين مال جدي الفتره الي قبل الاربعين كانت هدنه وماكو مشاكل
بعد الاربعين رجعت المشاكل مره ثانيه
هلمره ماكو جدي حتى الناس تخاف منه وتسكت
المشاكل اتزيد كل يوم اكثر من الي قبله امي حيل شاده سنونه هلمره تريد تطلع من البيت
حقها كلنا كبار وماعدنا مكان خاص بينا
ولا اكو اي خصوصيه بحياتنا
خصوصا اهل امي باعو ارض زراعيه عدهم ونطوها حصته
كامت تلح على بابا
اكلت راسه هلمره ماكو مهرب تربد تعزل
جمانه السعيدي
اجازتين بابا ينزل ويضل يدور قطعة ارض يريد يبنيه على
كيفه المره الثالثه من نزل لكا قطعة أرض ٣٠٠ متر
وموقعه يخبل بلولايه
بس الفلوس ماتكفي امي باعت الذهب مال عرسه واشترينا القطعه
امي ارتاحت نفسيته هاي الفتره
راح نبدي مرحله جديده لازم نبني بيتنا ونسكن بي
امي خاله عينه على حصة بابا بيت جدي
بس شلون يبيعون البيت وبيبي عايشه اكيد مراح تقبل
بقت اجمع الفلس على الفلس ومقتصده كلش
كدرنا نبني الاساس طبعا نص الفلوس بقت دين علينا
اما اني اهلي ماقبلو اكمل اعداديه هاي هي كملتي متوسطه كافي عليج تعرفين تقرين وتكتبين بعد شنو
اكثر من هيج اكعدي واسكتي
اصلا اني حضي احسن من حظ لمى
لمى الحد صف سادس وكعدت بعد ماكو دوام
وبعد ٨ اشهر من وفاة جدي اجو بيت خالي يخطبون لمى وكان عمرها بهاي الفتره ١٧ سنه
اهلي وافقو على هاي الزواجه رغم الولد يشتغل عامل بناء
وبيتهم على كد الحال
حتى لمى كيفت تربد بس تخلص من هذا الوضع
بيتنا حيل كئيب ومليان مشاكل
جمانه السعيدي
بس العرس بعد ماتكمل سنة جدي
اما بيتنا الجديد بقه الحد الاساس ماكو فلوس نبي
وامي عبالك كاعده على نار
كملت سنة جدي وبدت تحضيرات العرس حصار بوقته وكلشي على كد الكد يعني ذهب شلون مجان تلزبك
وملابس كلش قليله لان بيت خالي أمورهم الماديه تعبانه
المهم بعد زواج اختي بثمن اشهر ماتت بيبي وهلمره البيت صدك صار وحش ومابي طعم
راحت الخير والبركه ابوي وعمامي يبجون مثل الأطفال عليه
بعد الفاتحه امي شدت حيله على العزال بعد مابيه مجال
أتريد تسكن بيت وحدها
وتزوج اخواني لان كبرو ومستحقين زواج
ضلت تلح على بابا بحجت انزوج الولد وماعدنا مكان
وبعد كبرنا إلى متى عايشين بغرفه وحده والواد ينامون بلصاله وحسره علينا كلشي
بقت تلح بشكل مبالغ بي منا لمن باعو البيت وكلمن اخذ حصته وبدينا نبني بيتنا
اول ست اشهر نبني وحنا ساكنيين بيت جدي
بعدين خلصت المهله أجرنا بيت وطلعنا لمدت ٩ اشهر
لمن كمل بيتنا ونتقلنا اله
البيت حلو وجديد فعلا شعور ماينوصف بيت جبير بس النا بعد ماجنا مكسرين بغرفه وحده
ولو اني افتقدت اللمه الحلوه وبنات عمي
بس الوضع الجديد حلوووو
اما الأحكام الجديده ممنوع افتح الباب اذا الولد ماموجودين ممنوع امد راسي ممنوع اطلع الزباله
اذا مريضه ممنوع اروح للمستشفى اله امي او اي احد من اخواني من اطلع البس بوشيه وجفوف
التلفزيون مو كل البرامج مسموح بيه اله مسلسل عائلي وامي تكعد وياي الأفلام ممنوع لا اجنبيه ولا مصريه
لان بيه لقطات سخيفه
بلاضافه إلى المدرسه نحرمت منه
كنت عايشه بسجن سجن فعلي بدت حالتي النفسيه تتازم اما عمامي محد يجينا منهم بس احمد
وبنات عمو قاسم كل ٣ اشهر اربع اشهر يجن مره
احمد يجي اذا الولد موجودين واذا ماموجودين امي ماتفتحله الباب
واني ممنوع ادخل يمه لو اسلم علي
لا هو ولا اي احد من ولد عمي
بس عمامي مسموحلي اسلم عليهم
