رواية زواج إجباري عشق السيد الفصل الثالث بقلم جمانه السعيدي
اماني... بهاي الفتره بابا طلع من الخدمه العسكريه
قبل يكولون اتسرح من الجيش
انخبصنا كم يوم ورجع الوضع مثل ماكان
.حياتي بلبيت صارت ممله ومتكرره ومابيه طعم
نفس الروتين يوميه
تعبت نفسيتي حيل عبالك عايشه بسجن
اي وسائل ترفيه ماكووو ولا اطلع ولا ادخل
حتى لمى ماتجينا دائما صار عدها طفل وحامل بلثاني
من تجي واكله والله اني ضايجه
تكووول انتي بطرانه تعاي بمكاني وشوفي شلون اركض
من الصبح لليل
وحسره عليه كلشي
زوجي يطلع الدنيا ليل ويرجع العصر مهدود حيله
وخالي يلاكي بلباب جيب الفلوس نتسوك
ومايبقى عدنا غير شي قليل ومايكفينا اني وابني
ولا نكدر نطلع بيت وحدنا
لان يوم اكو شغل ويوم ماكوووو
والفلوس ماتكفي اذا طلعنا وتعبت من هاي الحياة ومليت
عود شردت من بيت اهلي حتى ارتاح
تالي اتندمت بكد شعر راسي على الاقل بيت اهلي
ماعندي اي مسؤوليه
هسه عندي طفل والأخ جاي بلطريق والعيشة كلش صعبه
اكعدي واسكتي ابقي بيت اهلج احسن
جمانه السعيدي
اماني ...من سمعت كلامه ضجت بلزايد وين اروح ياربي
شنو من عيشه هاي
قررو اهلي يزوجون جاسم فرحت بشكل موطبيعي راح تصير عدنا مناسبه
وراح تجي وحدا تونسني بمكان الوقت الي جاي يخلص
ضوجه وملل طول النهار
ابوي اختار وحدا من اقاربنا من بعيد
الان يعرفه ويعرف اخلاقه زين
احنا مانزوج ولدنا بنات غريبه وبناتنا نفس الشي
لذالك تلكون كل الوجوه متشابه
وحتى الأخلاق والطباع
على العموم امي راحت وحجت ويااا ام البنيه واجت الموافقه المبدئيه
اكو سيد كلش معروف بيته كبال بيتنا
عمرا تقريبا ٤٠ سنه الناس كله تتباخت بي ويأخذونه مشيات والفصل ويفض الطلايب
ويكتب تعويذات من القراءان وادعيه
وراث هاي الشغله ابا عن جد
ماتتخيلون شكد سيارات توكف بلشارع علمود يشوفونه
لو يقرالهم لو يكتب الهم دعاء
الناس كله تحلف بخته وتحبه
اسمه سيد هادي
بابا صمم اله هو يعقد الجاسم من بخته وبخت اهله
وافق السيد وراح وياا الزلم حتى يعقد الجاسم وخطيبته زينب
مشينا عليهم وتمت الخطبه والعقد
خطبه عاديه كلش لا هلال ولا تصفيك
عبالك كاعدين بجنازه
لا تغنون ولا تركصون لان حرام
واني رحت لابسه ثوب طويل وحجاب والبوشيه على وجهي
وكعدنا وحدا تباوع بوجه الثانيه
لمن عقدلهم السيد امي انطتهم الذهب
وانطتهم فلوس يشترون ملابس وجهزوا باقي الاشياء
العروسه جانت كاعده لابسه حجاب ابيض
ودشداشه وردي بيه تطريز من الصدر
كاعده ومندمكه
والعريس ماجه يمها ابد لا شافه ولا شافته
جان بوقته ماكو عصير جاهز شربت ويخبطونه بلبيت
وهاي هي كملت الحفله ورجعنا البيتنا
وحددنا موعد العرس بعد اسبوع من وقته
على الاقل صار شوية تغير بحياتنا واكو حدث مهم ننتضره
بدينا انرتب بلبيت علمود العرس
من جابو غرفة النوم قبل انسميه غرفة الاخشاب
اجا احمد وياهم حتى يساعدهم
واني حضرت الجاي ودخلت عليهم
بس شافني حيل فرح وابتسم حسيت عيونه كله لهفه
واني هم فرحت من شفته
احسه يحبني ومهتم بيه وهو الوحيد الي من اشوفه
افرح واطمن
خليت الجاي وطلعت لان بس يشوفني جاسم او يلمح اي شي
بينا اتصير مجزره
بقت كم شغله ماخلصت تعرفون ترتيبات العرس هواي
سمعت احمد من طلع كال باجر اجي اساعدكم
طبعا هو الوحيد الي يجي يساعدنا
اخوانا ابد مايجون ولا نشوفهم ولا يوصلون بيتنا
لان هو الوحيد الي يدخل بيتنا عزز احساس الحب داخلي
كنت دائما اكووول ليش بس هو يجي ويدخل بيتنا
اكيد يحبني ويريد يشوفني
ايجوز هذا الشعور حقيقي واني كنت اصبر نفسي بي
حتى لا اضوج بلزايد
جمانه السعيدي
ثاني يوم اجا احمد واني كنت ادور حجه حتى ادخل يمهم
بعدين جاسم صاح
جاسم...اماني وين الدرنفيس الاصفر
اماني ...اي هسه اجيبه
اخذت الدرنفيس ودخلت عليهم جاسم صاعد يربط بلكلوب
واحمد لازم البر ميل الي واكف على جاسم
بس دخلت ابتسم
احمد...شلونج اماني
اماني...الحمد لله انطيته الدرنفيس بس التفت جاسم
احمد انطاني ورقه
واشرلي ضميه
خليته بايدي وسديته حيل وطلعت ركض
جمانه السعيدي
دخلت للحمام وقفلته عليه وفتحته كاتب بيه
حبيبتي اماني....نعم انتي حبيبتي لقد ترددت كثيرا قبل أن اكتب هذه الرساله
كل شي بيننا ممنوع ومستحيل لكن انا احبك
احبك من كنت صغيرا كنت أجمل الاشياء بحياتي
نحن لا ذنب لنا بكل هذه الخلافات
انا احبك .... وقد اخترتك شريكة لحياتي
لا اطلب منك شي سوا ان تنتضريني انا ساتقدم واطلب يدك بأقرب فرصه
انا لن اايئس ابدا ساضل اتقدم لك حتى تتم الموافقه
وتصبحين من نصيبي
هذه السنه سانتهي من السادس اعدادي وسوف ابحث عن عمل حتى استطيع ان اتقدم لكي واكون جدير بهذا الحب
العاشق والمحب احمد
اماني ....ماصدكت نفسي واني اقرا الرساله طلعت كل توقعاتي صحيحه
احمد طلع يحبني بس شلون امه وامي مراح يوافقن ابد
مستحيل امي تقبل بي
وامه بعد اتعس
شلون ياربي هاي محنه مو حب
اجيت اشكك الرساله لان بس توكع بيد اي احد من اخواني
يكون آخر يوم بعمري
بس ماكدرت اشكه ضميته بصدري وطلعت
شافتني امي
امي...وين جنتي
اماني....اغسل بلحمام ليش تردين شي
امي....اي تعاي انزل الغراض فوك البوفيه اريد اعدلهن
رحت وياا امي اشتغل بس عقلي كله يم الرساله
فرحانه وخايفه بنفس الوقت
سمعت احمد طلع هو وجاسم
جاسم صاح احنا طالعين
اماني....يمه احمد حباب خوش ولد من دون اخوانه جاي يساعدنا
امي....لا احبه ولا احب اخوانه ولا امه ولا اريد يدخلون بيتنا
اماني... لزمت كلبي خفت من كلام امي حيل
هاي شلون راح تقتنع وتوافق
اعرف هذا الحب عمرا كصير
ومستحيل يطول ابد اني اكثر وحدا تعرف نوع العداوه الي بين امي وأم احمد
قرب يوم العرس واني بس اشتغل ولا رحت صالون ولا عدلت امي كالت نفس ثوب المهر البسي ماعدنا نشتريلج ملابس
بيوم العرس ثوبي شطوله وحجابي على راسي ماوكع
ابد
وبس اشتغل واركض منا وارجع منا حتى بلزفه مارحت
كلش تعبت بيومه
وماافتهمت اي شي من العرس
بليل ماصدكت الزم المخده وانام من التعب
بعد مانضفت البيت كله
عبالك خدامه مو اخت العريس
بقيت اسبوع كامل واني على نفس الركضه والتعب منا لمن خفت الناس شويه
بديت احس بتعب حيل ومالي خلك
بس اكوم غصبا ما عليه
بعد فتره امتحن احمد ونجح من السادس بس ماقبل يقدم لاي مكان يريد يستغل
يشتغل ويكون نفسه الكل استغرب من قراره
واهله شكد حاولو ويااا لان هو الجبير ويتمنون يحصل شهاده
شوفو شكد احمد تعب النا وركض بعرس جاسم وامي ماقبلت تروح اتباركله على نجاحه
مااعرف شكد شايله غل وحقد علي وعلى اهله
التهه احمد بلشغل وحتى احنا مايجينا ولا شافته بهاي الفتره ابد
منا لمن تقدملي واحد من اقاربنا من بعيد امه شافتني بعرس جاسم
هنا احمد بس سمع بلخير اجا بنفس اليوم حتى يتقدملي
اجا وحدا حتى يثبت كلام بينه وبين ابوي
ويحجزني منا لمن يكون نفسه
