رواية حطام امراءه الفصل الثاني بقلم جمانه السعيدي
اجت اخت العريس وكالت اطلعن من الغرفه راح يدخل العريس
امي حضنتني وكامت تبجي واني ابجي
بعدين سمعنا صوت الزفه زفة العريس
وامي واختي وزوجت اخوي طلعن
برا وبقيت وحدي بلغرفه
ودموعي ينزلن
ليش هيج يصير وياي بس الي يرخصوها اهله
لاتتوقع الناس اتغليه
دخل رياض اني وكفت شال البركع وضحك
رياض هااا حلوه ولله زين ذوق ابوي
باسني بكصتي وكال مبروك
اني حتى ما رفعت عيني بعينه
جمانه السعيدي
رياض يله بدلي واني هم اربد ابدل
من ابتعد عني يله شفت شكله شويه اطول مني
وشكله كلش عادي
جسمه شويه تارس وشعره خفيف من كدام
بدل لبس دشداشه بيضه
والتفت عليه ليش ما تبدلين
فاتن اي هسه ابدل بديت انزع بلماشات من شعري
من الحر المكياج سأل لان هو اصلا عادي
طلعت اكلنس ومسحت المكياج
فتحت المجر لكيت وصله بيضه يمكن مال نيشاني
على اساس اني مزوجه هيثم يوسف
مسحت المكياج انوب لطش كلش وصرت اخزي
رحت يم الكنتور ونزلت البدله ولبست دشداشه وخليت الشال على راسي
هو كاعد على الجربايه
فاتن قربت علي وكتله اريد اروح اغسل
رياض اي هسه فتح الباب وصاح على أخته اجت اخذتني واني لافه نفسي لف
رحت للتوالبت وغسلت وجهي بلصابون حيل
نشفت وجهي وشلت شعري
رجعت ما لكيته بلغرفه طالع
نزعت الدشاشه ولبست السيت وخليت شوية معطر
كعدت على الجربايه تقريبا ربع ساعه ورجع
جمانه السعيدي
رياض اني تعشيت انتي تعشيتي
فاتن هزيت راسي كلت لكلبي على اساس هسه عشاكم ما يشبع منه
طف الضوه
وراسا بدا يتقرب مني بدون مقدمات
حسيت جسمي كله يرجف
مدري من الخوف مدري من الجوع مدري من القهر
خلص شغلته وابتعد عني اني حسيت بطني حيل كامت توجعني
وحسيت شي دافي وكع عليه
نزلت من الجربايه وطلعت حفاضه وخليته
ورجعت اتمدد وتغطيت
ماكدرت انام عيني ما خذت نوم ابد
وهو بس خله راسه راح بسابع نومه
بقيت احوس وماكدرت انام سمعت اذان الصبح اذن
نزعت السيت ولبست دشداشه وخليت الشال على رأيي
وطلعت ماكو احد
رحت للحمام وسبحت وبدلت ورجعت للغرفه
مشطت شعري وتمدتت
ما اعرف شوكت نمت
كعدت على صوت الباب تندك كمت فتحته
عمتي صباح الخير بلخير والبركه
اني كوه فاتحه عيوني الله يبارك بيج
عمتي يله يمه كعدي رجلج وتعاي اتريكي
طلعت عمتي
اني قربت على وعيوني مغمضه
فاتن رياض رباض عمتي تكول خل بكعد بتريك
رباض اهووووو عوفيني لا اكوم ابتلي بيج
امشي ولي اريد انام
فكرت ارجع انام اني كلش نعسانه
بي تمددت رجعت عمتي دكت الباب
طفرت خليت الشال على راسي وطلعت
لكيت عمتي والبنات وزوجت حماي كلهم بامطبخ
باركولي وحده وحده
عمتي وين رياض
فاتن ما يقبل بكعد
عمتي عوفي نايم هو مامتعود يكعد من الصبح
اتربكت ويه البنات
اكلت كلش قليل لان استحي
رغم اني كلش جوعانه
بعدين رحت بدلت هو بس ثوب واحد عندي
وخليت شويه مكياج وطلعت اجتهم نسوان يباركلي
للضهر يله كعد رباض دخل يسبح وكام يصيح على ملابسه والمنشفه
اخذتهن وانطيته
طلع واتغدينا وكملنا
ساعته كلشي ما اربد بس اربد انام ساعه وحده احس راسي صار مثل الطبل
اليل كله مانابمه ومن الصبح هوسه النسوان
بس تمددت اجاني رياض
رياض شو نمتي
فاتن كعدت ليش رايد مني شي
رياض ذني ملابسي اغسلبهن
فاتن راسي يوجعني بس انام شويه ومن اكعد اغسلهن
رياض لا هسه تغسلين لان اريد اطلع بيهن بليل
فاتن عفت النومه وكمت غسلتهن وشريتهن
ورجعت اتمددت
رياض اربد جاي الجاي الي شربته قبل شويه موطبب
خل نشوف الجاي الي تسوينه طيب
فاتن استغفر الله ربي
كمت وخليت القوري على النار عمتي شافتني
عمتي هاي سجاي تسوين
فاتن رياض يريد جاي
عمتي مو قبل شويه شرب
فاتن بكول موطبب يربد جاي زين
عمتي سوي بس على كده لا تضلين كل شوبه مسويه جاي
فاتن صار عمه
فاتن بقيت واكفه اربد الجاي بكمل حتى اتمدد شويه
كملت الجاي وصبيتله بلكوب ونطيته
شرب منه شويه وكال عاشت ايدج طيب
تمددت شوبه كال تعاي جيبلي بعد جاي
فاتن خلص
..شنو خلص
..الجاي
...ليش
...عمتي ما قبلت تكول كل شويه جاي خدري بس على كد
رياض واني قست كوب وسويت
جمانه السعيدي
رباض مالج شغل بامي اني الي اكول علي تسوينه بعد مالج شغل ب أحد فهمتي
فاتن صار فدوه اربد انام شويه تعبانه
رياض ومنيبن تعبانه شو كاعده وساكته شنو طبختي
خبزتي كنستي مسحتي
فاتن لان مانمت البارحه مكاني متغير اليوم تعبانه
رياض هااا العفوو جنتي تنامين بقصر محسن محسن ابو فاتن
والبارحة اتغير عليج المكان ومتكدرين تنامبن
فاتن ما اسمحلك تحجي على بابا
رياض انجبي ما تسمحلي ترا اكوم ادفنج بمكانج
سكتت وشويه عمتي دكت الباب كالت اجن نسوان
اطلعي
اتخيلووو شكو هديه اجتني عمتي اخذته تكول النسوان جايات علمودي مو علمودج واني الي اروح اواجبهن
وهاي الهدايه كله من حقي
ماكدرت احجي اي شي اخذت كلشي مني
اهلي أنطوني مبلغ رمزي هديه العرس
واخواتي وزوجات اخواني
وزوجت حماي
وعمي كلهن يله صارن ٨٠ الف
خليتهن بلكنتور
اجيت ثاني يوم ما لكيتهن
بقيت ادور عليهن وماكوووو
قررت اسئل رياض عليهن
فاتن رباض اكو فلوس خليتهم بلكنتور وماكووو
رياض اي اني اخذتهن كم يوم وراجعهن اللج
فاتن اني هم سكتت لان كال ارجعهن
رياض ابد ما رجعلي الفلوس كلما اسئله عليهن يكول كم يوم وراجعهن
جمانه السعيدي
بديت اشتغل بلبيت حالي حالهم
بس عمتي حيل حريصه
يعني الطبح قياس والدهن قياس غسل الملابس الزاهي قياس
بعدين كامت أضم الزاهي وتكول كلمن يشتريله زوجه
والمواعين نغسلهم بصابونه
وممنوع نسولف ونضحك اني وزوجت حماي
اذا سولفنا وضحكنا يعني جاي ندبر شي ضدهم
الاكل بحساب وماكو اكل ببن الوجبات
الي اجوع تشتري شي على حسابه وتاكل
اذا جابو فواكه كل واحد اله قطعه وحده وبس
طبعا مو دائما يجيبون فواكه
الصبح كون بلسبعه كلنا كاعدبن
ماكو نوم متاخر
اني غرفتي عليه مبرده تعبانه تشتغل بصوت عالي حيل
وكوه يله انام
وكل اسبوعين اروح الاهلي مره
اروح الصبح وارجع العصر
وكل هذا يهون لو زوجي على كلبي
لايشتغل ولا اسلوبه حلو ولا عنده سخصيه
يشتغل يوم ويكعد عشره
واني ماشاء الله مغناطيس بس قربلي راسا حبلت
من اروح الاهلي واشكي الامي
تكول يايمه شبيدي عليج هاي قسمتج ارضي واسكتي
عشت اصعب حياة
ماكو راحه ابد لا من اهل بيهم حظ ولا قسمتي عدله
عايشه بلكوه
تعرفون شنو بلكوه
اني كنت حطام امراءه بلفعل
