رواية حطام امراءه الفصل الثالث بقلم جمانه السعيدي
شكد جنت اتخيل حياتي بيت اهلي صعبه
وبيه ذل بس الحياة ويه رياض اصعب بهواي
عديم المسوليه وبلا احساس وبخيل الالف بلكوه يطلع منه
عشت اصعب ايامي
اتنسئ واريد برتقال يكول غالي شنو تردين برتقال
ورحت الاهلي وامي اشترتلي برتقال
وجبته وضميته بلكنتور
يوميه اكل وحده خاف يخلص
ومن وصلت للولاده شمرني بيت اهلي
وابوي كلما يشوفني يجمعني كلام
رباض ماقبل ينطيني فلوس الولاده
رحت جبت بلمستشفى شبعت ضيم سرا شكبرا
والنسوان كلهى تصرخ
والممرضات بس يزمخن على النسوان
تنطيهن فلوس
يعيتنن بيج ويديرن بالهن عليج
واذا ماكو فلوس مالهن شغل بيج
اني ما انطيتهن لان ماعندي خلني اخر وحده
لمن كمت اذب ماي وحدي يله جيبني
طلعت روحي من خشمي
لعنت اهلي ورياض والساعه السوده الي حبلت بيه
ولكم وصلت للموت
ماكو رحمه بكلبوبهن ابد
الحمد لله جبت ولد يخبل
جمانه السعيدي
رجعت بيت اهلي حتى امي اداريني وابوي يطلع ويطب
يكل الامي مو جابت ماتروح الببته شعدها كاعده هنا
امي تكله خل اتصير زينه وتروح
اجت عمتي تباركي وحماتي وزوجت حماي
ورياض ثاني يوم يله اجا يشوفني
كعد شويه وراح
بلجذب لا جابلي مسواك ولا دلع ابني ولاكال شتردين
شمحتاجه
اكو تليفون صرصور ولازكينه بتيب بس يشتغل اخذته
من اخوي شامره ميريده
لان رياض ميقبل يشتريلي تليفون
واخوي خلالي رصيد بي
بعد اربع ايام من ولا دتي خابرت رياض وكتله تعال اخذني
اني صرت احسن
رياض خلي واحد من اخوانج يجيبج اني ما فارغ
فاتن لا انتضرك من تفرغ وتعال اخذني
بقيت انتضر لليل ما اجه ثاني يوم بليل يله اجاني
ورحت وياااا
رجعت للسجن المؤبد مال عيالي
ضل رياض يحوس على دلاعت ابني اني اعرف بس ياخذها
بعد ما ترجع حاله حال الفلوس الي قبله
ضميته كل شويه وكال
رياض ماعندج فلوس
فاتن منيلي فلوس
رياض وين دلاعت ابنج
فاتن اشتريت بيهن غراض الطفل نسيت انت دزيتني للمستشفى بدون فلوس ولاده
رياض اي هو المستشفى ما ياخذون فلوس
فاتن شلون بلله بدون فلوس والباص واكرامية السستر
واني احتاج ملابس داخليه وحفاضات للولاده
والطفل بحتاج ملابس
ذني كلهن ما فكرت ببهن
خلفله على امي سدت النقص
رياض دشوفيلي كم فلس عندج اريد اروح اسهر ويه جماعتي
فاتن اني اريد منك فلوس حفاضات حمودي خلصن واريد حفاضات
رياض ومنيين اجيبلج فلوس حفاضات
فاتن اشتغل حالك حال العلم
رياض اهوووو دوختيني خل اطلع احسنلي
وعافني وطلع واني ضميت فلوس ابني سبع ضمات
هذا انسان ما يتامن ابد
جمانه السعيدي
بليل نايمه واسمعه كلب الكنتور كلب يدور على الفلوس
حتى السله مال ملابس ابني كلبه يدور عليهن
اني فرغت علبة البودره وخليتهن بيه
منا وبدا رياض يهملني اكثر ويدور علاقات مشبوهه
المشكله ما يفيد ويااا
لا كلام ولا زعل
حتلو ازعل شهر ما يهمه ابد
ولا كأني موجوده بلبيت
صار عمر ابني سنتين ماحسيت نفسي اله حبلت مره ثانيه
كمت اللطم على راسي
شكد حاولت انزل الطفل وماكو
اصعد على الدرج واكمز
واشيل اي شي ثكيل وماكو فايده ابد
هو طفل واحد وكوه شايله مسوليته
اله ثنيبن منو يصرف عليهم وابوهم لاذمه ولا ضمير
المهم لزك الطفل وما نزل
وتكررت حالت ولادتي الصعبه وهلمره اني عد اهلي وياي ابني
وابني يتعارك ويه جهال خواله وابوي صار عصبي
ثاني يوم خليت اخوي رجعني لعيالي
ورجعت للبيت من جدبد
قررت هلمره لو اجدي لاز م اخذ مانع حمل
ما اربد يعد اطفال هلمره جبت بنيه وسميته جنه
صار عندي حمودي وجنه
جمانه السعيدي
مايقبل ابوهم يشتريلهم ملابس اشتريلهم من الباله
حماي الجبير يشتغل خير من الله ومدلل جهاله دلال
وجهالي يباعون ويتحسرون
لا اكل مثل الناس ولا ملابس عدهم بيه حظ
مضطره اسكت اهلي ما يردوني
وزوجي انسان عديم المسوليه
وين اروح وصار عندي اطفال ثنيبن محد يحملنا اني وياهم
رياض مايقبل يشتغل واذا يشتغل يوم يكعد عشره
بدا يبوك شغلات من بيت اهله وببيعهن
قنينة غاز اخذه باعه
ومره باك راتب عمي مال التقاعد
حسو بي بيت عمي وتعاركو ويا
عمتي سوت بي فلك
تكول فوك ما متحملين زوجتك واطفالك وتاكلون وتشربون بلاش النوب تبوكنا
بعد ما تبقون بلبيت تاخذ زوجتك وجهالك وتطلع
اني اريد ازوج خالد بهاي الغرفه
رياض عاف البيت وطلع لان العركه كلش جبيره
عمتي كالت جمعي ملابسج وملابس جهالج وما الج اي شي بعد هاي الغرفه اني اشتريته
جمانه السعيدي
كامت تشمر بملابسي وملابس جهالي
واني اتوسل بيه عمه وين اروح اني وجهالي
انتم تدرون بي انسان موكد المسوليه ليش ازوجونا
جمعت ملابسنا وشمرتهن
جهالي هنا جان عمر حمودي ٤ سنوات
وجنه سنتين
خابرت رياض وكتله امك شمرت ملابسنا وتكول اطلعو
من البيت بسرعه
كال اني هسه جاي
اجا رياض وتعارك ويه اهله عركه شكبرها غلط وفشار
وكلام تغطين وجهج منه
اجرلنا تكسي وطلعنا اكو بيت تجاوز كال هذا اني اعرف صاحبه راح ااجره منه ونكعد بي
راح اتفق ويه صاحب البيت وجاب المفاتيح واجه
بيت بلوك زغير غرفه ومطبخ وصاله
كعدنا على الكاع بليلته والجهال يبجون من الجوع
راح اشترالنا لفات فلافل واجه
كال راح اجيبلكم فراش من بيت صديقي واجي
راح واجه ويااا ولد جايب فراش ومخده وغطه
فرشت للجهال ونمنا
بقينا اسبوع حال الضيم ياحالنا كوه مدبرين امورنا
هو راح جاب الحصه التموينيه مالتنا من ببت اهله
امه ما موجوده هو مطلع بكيفه وجابب
وجابلي عين طباخ اطبخ عليه
بس بعد هذا الأسبوع كمت اشوف عندا فلوس
فلوس هواي
اشترالي طباخ وثلاجه وملابس للاطفال وفراش
وصار وضعنا احسن بهواي
كلما اسئله منيين هاي الفلوس يكول رزق من رب العالمين لكيت خوش شغل
اني هم حمدت ربي وشكرته
كام يسوكلنا وناكل احسن اكل
بعدين يوم اجه وكال حضري نفسج راح ننتقل البيت احسن من هذا
وفعلا انتقلنا البيت جبير وحلووو
واشترالنا اثاث
اني كلت يالله يمكن اهله جانو فاكرينا شو بس طلعنا اجانا الخير كله
ارتاحيت نفسيا واني اشوف جهالي شبعانين وملابسهم حلوووه
بس شنو الشغل الي يجيب هلكد فلوس وبسرعه ما ادري
كمت اروح الاهلي كاشخه ومبدله
وجهالي يخبلون واشتريت تليفون جديد
جمانه السعيدي
بس رياض نفس طبعه القديم مهمل وما يجينا بلنهار
بس بليل و يطلع من الصبح
ومن يجينا بس لازم تليفونه ويخابر
اني ماجنت ادقق حيل ويااا
اني قابل شريد منه اهم شي جهالي مرتاحين
اعرف عندا علاقات نسائيه بس عادي عندي
يمكن لان اني اصلا ما احبه ابد
شكرا لزيارتكم عالم روايات سكيرهوم
