رواية كوميديا سوداء الفصل الواحد و الثلاثون بقلم ليل ادم
احمد : يا حج قوم مش وقته خالص بابا اسمه اي يا امل
امل : فتحي
احمد : ياعم فتحي مش هقدر أشيلك ( يخربيتك الوقتي يجي واحد يقولك دخله المستشفى وأنا مخرجه بمعجزه )
بالصدفه كانت الدكتورة مريم خلصت شغلها ورجعه البيت شافت احمد
مريم : في اي يا احمد مالك
احمد : بنت حلال ( وفتح باب العربية) ادخلي يا امل
مريم : انت واخدهم فين فهمني
احمد : استني احط عم فتحي و اقولك هو أنا هطير
مريم : اديك ركبته قول بقا
احمد : اطلعي على مستشفى الاسكندريه العام وهقولك كل حاجه في الطريق
مريم : احمد أنت بتعمل كارثه انت واخد اتنين مرضا من المستشفى وخارج بيهم من دماغك الدكتور جيمس لو عرف مش هتعدي على خير
احمد : ياستي ابوس ايدك اطلعي من هنا وبعدين نحل الموضوع بتاع عم جيمس بوند بتاعك ده
مريم : (بعد إلحاح احمد اتحركت فعلاً) والله هنروح في داهيه بسببك أنا تأكدت فعلاً انك بتعشق المشاكل
احمد : مشاكل اي أنا مش مطمن للي بيحصل في المستشفى عندكم
مريم : اي الغريب اللي بيحصل عندنا ممكن افهم
احمد : انتي عارفه الراجل ده كان داخل يعمل عمليه اي
مريم : اللي اعرفه انه عنده كلي مش شغاله
احمد : الكلام ده غلط الراجل ده داخل يتبرع ب الكليه ل راجل اعمال كبير
مريم : وهو ليه يعمل في نفسه كده يا احمد اكيد كلامك غلط
احمد : علشان بنته تعمل العمليه المكلفه دي عندكم وعلشان اكون المشرف على العمليه كمان
مريم : لا يا احمد اكيد في حاجه غلط أنا شغاله هنا بقالي اربع سنين مشفتش حاجه غريبه بتحصل جوه المبني
احمد : علشان اللي أنا بحكيه مينفعش حد يشوفه إلا لما يكون جوه المنظومة بتاعتهم فهمتي
مريم : لما أنا اللي شغاله هنا بقالي اربع سنين مقدرتش اشوف الكلام ده انت شوفته ازاي
احمد: ربك بقا كاتب للناس دي انها تطلع من عندكم سليمه
مريم : لا اكيد في حاجه غلط
احمد : و فحوصات امل اللي بالملي شبه فحوصات جميله الفحوصات اتغيرت ليه و الدور الرابع اللي في قسم الاعضاء بتاعه المتبرعين دخلتي القسم ده
مريم : لأ
احمد : لو عرفتي تدخلي القسم ده هتلاقي بتاع أمن وقف هناك لو عرفتي تعدي ودخلتي هتلاقي ممر طويل و ضلمه مكتوب عليه الي المشرحه كملي الممر ده لاخره وقوليلي أنا صح ولا غلط
مريم. : أنا عمري ما دخلت الغرفه دي أصلا انت اذاي عرفت تدخل
احمد : دخلت واللي حصل حصل وبعد ما دخلت أنا مستعد ابصم على العشره أن المستشفى دي فيها تجار أعضاء على كبير مش مصدقه في مبني جمب المستشفى مقفول وعليه حارس بتاع أمن
مريم : اه
احمد : انتي تعرفي أن المبني ده جزء من المستشفى
مريم : انت بتقول اي بس انت جبت الكلام ده منين
احمد : لما تتأكدي هتلاقيني هنا وشكرا على وقتك
مريم : خلي بالك الدكتور جيمس مش هيسكت ومش هيعدي الموضوع كده
احمد : خليها على الله ( و نده حد من إسعاف المستشفى ينقل فتحي جوه المستشفى وخد امل معاه ودخل الاستقبال)
بعد دخول احمد المستشفى
احمد : مس غاده عايز اعمل فحوصات ل امل وعلقي ل عم فتحي محلول وسنتي مسجرام
مس غاده: الراجل مغمي عليه انت جبته منين
احمد : ما تسمعي الكلام و اعملي اللي بقولك عليه
مس غاده: أنا مالي هو كده كده على مسؤوليتك
احمد : امل خليكي مع مس غاده هيا عارفه هتعمل معاكي اي وبعد كده هخدك مكتبي تقعدي معايا اتفقنا
امل : وبابا
احمد : الوقتي هيكون كويس متقلقيش
امل : حاضر
في جانب آخر كانت عرفت ريهام اللي عمله احمد نزلت على غرفه الاستراحة ومعاها الدكتور علي
ريهام: انت ليه بتعمل فينا كده حرام عليك هقول للراجل اي ياللي منك لله
احمد : مني لله هيا دي المقابلة اللي أستاهلها بعد اللي عملته
الدكتور علي: ما انت خربت كل حاجه حلوه عملتها وجاي تجري زاي الطفشانه من بيت جوزها
احمد : كمان طفشانه هو في اي يا جدعان محدش عايز يسمعني ليه
ريهام: اسمع اي انت عارف انا عايزه أسمع اي الوقتي
احمد : اي
ريهام: اسمع أن الناس دي مش من جوه المستشفى ------- علشان لو الناس دي من هناك يبقا روحنا في داهيه
احمد : منا مش هينفع اكدب حرام
الدكتور علي: واللي بتعمله فينا ده اللي حلال ياض انطق مين دول وجبتهم هنا ليه
احمد : أنا هقولكم كل حاجه من بالتفاصيل ( وبدأ احمد يحكي الموضوع كله )
احمد : وجبتهم على هنا وجيت
ريهام: ولو كلامك صح مكنش ينفع برضوه انت عملت مصيبه
احمد : طب اقولك حاجه أنا معايا الملف بتاع امل اللي طلع في المستشفى هناك وطلبت فحوصات من مس غاده الاثبات على كلامي أن الفحوصات دي تطلع غير دي
الدكتور علي: مش ده الإثبات برضو يا احمد ما اي حد بيغلط عادي
احمد : أنا حاسس ان محدش منكم مصدقني
ريهام: لا اذاي طبعاً مصدقين حضرتك بس لما المستشفى كلها تتشمع هنصدق اكتر
احمد : ادعي معايا نقدر نثبت كلامي ونشمع أمها
ريهام: شمع مين انا بتكلم عن المستشفى بتاعتنا احنا يا بني ادم
الدكتور علي: نفسي تروح مكان وتمشي منه من غير ما تسيب وراك كارثه
احمد : طبعاً منا وقعت بقا أقعدوا احدفوني لبعض أنا غلطان اني جيت عندكم
ريهام: أتفرج كلامه
الدكتور علي: الناس دي لازم تخرج النهارده خلي بالك اكتر من كده هتحصل مشكلة الراجل ده اكيد زمانه عرف أن انت اللي عملت المصيبه دي
احمد : يخرجوا ازاي بس يا دكتور علي مش لازم نطمن عليهم الأول
باب المكتب بيخبط
مس غاده: دكتور احمد الفحوصات
احمد : هاتي يا بركه (وبدأ يقراء في المكتوب) اتفرج يا دكتور علي
الدكتور علي: خير وريني
احمد : الفحوصات سليمه والبنت كويسه مفيش فيها حاجه كانت داخله عمليات ونفتح صدرها من غير سبب ها برضوه غلطه واي حد وارد يغلط
ريهام: مهما كانت الظروف والنتيجة انت اتصرفت غلط وخلي بالك مش بعيد يكون الراجل اللي معاك واخد فلوسه بعد أذنكم
احمد : لا طبعاً مش واخد فلوس هو عامل كل ده علشان بنته أنا متأكد
الدكتور علي: اديك أطمنت أن الاتنين بخير اتفضل اعمل إذن خروج للاتنين مش عايزين مشاكل اكتر من كده
احمد : طب الراجل يفوق بس
الدكتور علي: المرادي صدقني خسرنا كتير (وفتح باب الغرفه وخرج )
احمد : ( حسيت بالقلق مش عارف ليه بقيت حاسس اني اتصرفت غلط مع اني شايف اني عملت حاجه كويسه بس لو فعلاً والد امل واخد فلوس يبقا أنا مغفل وضحك عليا نزلت على عم فتحي وكنت بتمنا يكون مش واخد منهم اي فلوس دخلت على عم فتحي كان بدأ يفوق وكنت بنته جمبه)
احمد : عم فتحي فحوصات امل كلها بتقول أن بنتك بخير مفيش فيها اي حاجه
الأب: يعني اي يعني امل سليمه
احمد : الموضوع كله شويه أنيميا وأنا كتبت لك على علاج انت ليه قبلت انك تدخل العمليه و ليه مخدتش بنتك وروحت ل بدال الدكتور عشره ازاي من أول دكتور تقتنع لما تكون الحاله بالشكل ده لازم اروح هنا وهنا وهنا ولا انت كنت واخد فلوس
الأب: اقسم بالله ما اخدت جنيه من حد بس علشان حلفان ربنا إنا اتعودت اني ممكن اخد فلوس بعد العمليه
احمد : إنما أنت مخدتش حاجه
الأب : والله والله ابدا
احمد : تمام الوقتي انا طمنتك على بنتك وعلى نفسك انت وبنتك تمام تقدر تاخد بنتك وتخرج كمان وأذن الخروج ممضي في جيبي
الأب: ربنا يبارك فيك أنا مش عارف من غيرك كنت هعمل اي
احمد : الحمد لله يا عم فتحي كل شئ قسمه ونصيب وانت ليك نصيب تعدي منها انت وبنتك على خير
الدكتور خالد: احمد كويس انك هنا
احمد : خير
الدكتور خالد: تعالي اقولك حاجه
احمد : حاضر ( وخرج من الغرفه) جميله فين
الدكتور خالد: متقلقش دخلتها في غرفه وكل حاجه تمام
احمد : أما في اي
الدكتور خالد: المستشفى كلها هناك مقلوبه عليك وجابوا فيديو من كاميرات المراقبة وانت خارج مع الحالتين وتقريباً كده الدكتور جيمس بيكر هيرفع عليك قضيه والموضوع كبر اوي
احمد : انت بتتكلم بجد
الدكتور خالد: هيا دي فيها هزار تعالي نشوف حل مع ريهام
احمد: لا بلاش استاذه ريهام علشان المرادي زعلانه مني جدا
الدكتور خالد: خلاص شوف شغلك انت وسيب الموضوع ده عليا
احمد : دا بجد انت فعلاً عايز تساعدني
الدكتور خالد: (مبتسم وطبط على كتف احمد) أنا وعدت ربنا قبل ما اوعدك اتغير مليون درجه
احمد : ( مش مصدق اللي بسمعه معقول هو ده الدكتور خالد أنا مش مصدق نفسي )
في جانب آخر
ريهام: اتفضل
خالد : مساء الخير ازيك يا ريهام
ريهام: الحمد لله تمام اقعد يا خالد
خالد : ازيك يا استاذ علي
الدكتور علي: أول مره اسمع منك استاذ علي من ساعه ما بقيت دكتور كبير
خالد: هو أنا دكتور كبير ليه ما علشان اتعلمت من حضرتك
ريهام والدكتور علي في صدمه مش مستوعبين هو ده خالد بجد ولا في مقلب جديد بيعمله
الدكتور خالد: هنعمل اي في موضوع احمد
ريهام: خالد بالله عليك ابعد عنه خالص هو كده كده راح ورا الشمس
خالد: اي يا ريهام أنا عايز اساعد احمد مش اقضي عليه
الدكتور علي: خالد لو في دماغك حاجه ل احمد الولد معملش معاك حاجه وحشه يا اخي افتكر أنه ربنا جعله سبب في شفاء بنتك
الدكتور خالد: يا جماعه والله الموضوع انتها احمد اخويا الصغير وربنا يعلم أنا الوقتي بحب احمد يمكن اكتر منكم
ريهام: معلش يا خالد احنا مش بنكدبك بس غصب عننا مش مستوعبين خوفك على احمد و انت اول امبارح بس كنت عايز تفصله عن عمله بصوره مهينه. ادينا وقت علشان نطمن ل كلامك يا خالد بعد اذنك متزعلش من كلامي
الدكتور خالد: مش زعلان بس لو فعلاً خايفين على احمد كلمي الدكتور جيمس شوفي معاه حل وسط
ريهام: أكلم الراجل بأنهي وش بس
خالد : أنا لسه نائب المدير إكلمه أنا ( وخد تليفون المستشفى علشان يتوصل ب الدكتور جيمس)
ريهام : (بتبص ل الدكتور علي مش عارفه تسيب خالد يكمل المكالمه ولا ينهي المكالمه)
الدكتور علي: (هز رأسه كا اشاره الي ريهام أنها تسيب خالد يتصرف )
في جانب آخر
احمد : والله يا جميله أنا متأكد من اللي شوفته والسكوت ده غلط لازم نعمل حاجه
جميله: ياعم انت كل شويه تخدني معاك في اي مصيبه اهدا بقا لحد ما تشوف المصيبه اللي عملتها دي هتتحل اذاي ورد على تليفونك دماغي صدعت من كتر الرن
احمد : الو مين
مريم: احمد أنا مريم
احمد : مريم مين
مريم : الدكتور مريم يا احمد مالك في اي
احمد: اه اه ازيك يا مريم عامله اي
مريم : سيبك مني الوقتي اسمع أنا أتأكدت من كلامك ولازم تروح حالا تبلغ الشرطه الدور الرابع اللي في الممر المستشفى بتنقل كل حاجه في بعد ما تاكدوا انك عرفت
احمد : انتي بتتكلمي بجد يا مريم
مريم : والله المستشفى كلها في حاله طوارئ ومفيش اي استقبال حالات النهارده انجز بسرعه لو عايز فعلاً تعمل حاجه تلحق بيها نفسك الدور ده لو اتنقل انت مش هتعرف تثبت كلمه واحده من كلامك
احمد :
