رواية كوميديا سوداء الفصل الثانى و الثلاثون بقلم ليل ادم
الدكتور علي: ادخل
احمد : دكتور علي عايزك معايا ضروري
الدكتور علي: اي تاني يخربيت عقلك
احمد : الدكتورة مريم اللي كانت معايا في المستشفى هناك
الدكتور علي: افتكرتها كمل
احمد : لسه قافله معايا بتقولي كلامك صح والدور اللي في الحاجات دي بيفضا حالا دلوقتي ولو ملحقتش اعمل بلاغ يبقا شكراً مش هعرف اثبت حاجه تاني عليهم
الدكتور علي: وطبعاً عايزني اروح معاك القسم علشان نعمل بلاغ ع المستشفى
احمد : اكيد
الدكتور علي: ولو طلع كلام مريم غلط وحد زق البنت عليك تقدر تقولى هنعمل اي
احمد : لا والله صدقني البت دي كويسه وجدعه اي وليها معايا موقف كتير كويسه
الدكتور علي: موقف كتير كويسه يا احمد اتقي الله فيا انت عرفتها غير تلات ساعات
احمد : علشان خاطري قوم معايا بس
الدكتور علي: ولو طلع الكلام غلط مصيري هيكون اي حرام عليك هتعمل فيا اي تاني
احمد : أنا اللي هتكلم انت تعالا معايا بس خلينا أنا اشيل كل حاجه
الدكتور علي: ( بعد إلحاح مميت من احمد ) قوم تعالي أنا مش عارف انت أترميت علينا منين امشي
بعد الوصول إلى قسم الشرطة
ظابط المباحث: اي يا دكتور بقالك اسبوع غايب عني لا حد جاي قافش فيك ولا انت قافش في حد
احمد : منا جاي ومعايا الخير كله خبطه العمر من بكره لا من بكره اي من النهارده لا برضوه من كمان ساعه هتكون لواء بس ابوس ايدك قوم معايا حالا أنا بضيع
ظابط المباحث: اقوم على فين فهمني بس
احمد : ( بدأ يحكي كل حاجه ل ظابط المباحث) علشان كده عايزك حالا تيجي معايا
ظابط المباحث: معلش يا دكتور بس أنا شوفت منك العجب اي يخليني اطلع من القسم اروح مكان زاي ده ارمي عليهم تهمه زاي دي
احمد: دكتور علي معايا اهو شاهد على كل حاجه
الدكتور علي: أنا أنا مالي انت مش قولتلي أنا جاي معاك ضيف شرف
احمد : مين اللي قال كده أنا عارف ان محمد بيه مش هيصدق كلامي علشان كده جبتك تشهد
الدكتور علي: اي اللي انت بتعمله ده
ظابط المباحث: بقولك اي يا دكتور احمد أنا هريحك والله
احمد : ماشي
ظابط المباحث: خد امضي على المحضر ده كده
احمد : هو ده الكلام اللي كنت بقوله
ظابط المباحث: أما هجيب من عندي
احمد : تمام همضي
ظابط المباحث: دكتور علي كده خلاص مبقاش فيها لا مجامله ولا دماغه تعبانه ولا اي حاجه شغل ميري
احمد : ياعم بالله عليك قوم عبال ما تحكي يكون الموسم أتلم
ظابط المباحث: لا وعلى أي ياله بينا
وخرج فعلاً ظابط المباحث مع قوي من القسم والدكتور أحمد والدكتور علي الي المستشفي بمجرد الوصول
ظابط المباحث: اروح فين أنا الوقتي قولي
احمد : أطلع معايا
ظابط المباحث: تعالي
المترجم: خير يا استاذ
ظابط المباحث: محمد عزت مباحث قسم ----------
المترجم: خير ممكن اعرف سبب الوجود
ظابط المباحث: الدكتور أحمد عامل بلاغ أن المستشفى بتتعامل في اتجار الاعضاء
المترجم: اتجار الاعضاء مره واحده
احمد : لا مرتين بعد اذنك يا محمد بيه اطلع دا بيضيع وقتك
محمد بيه : تمام ماشي اتفضل قصادي
المترجم: يا محمد بيه كده غلط في مرضا في المستشفى
محمد بيه: أياكش يكون في شياطين في المستشفى دا بلاغ خطير ولازم أتأكد منه بنفسي وياريت كفايه تعطيل
المترجم: تمام تمام اتفضل
بعد الصعود إلى الطابق الرابع
ظابط المباحث: اي هتقعد تلف حوالين نفسك
احمد : وربنا كان في باب هنا راح فين
الدكتور علي: ينهار اسود باب بحاله راح فين يخربيتك ياأخي
احمد : لا والله في حاجه غلط كان في باب هنا
المترجم: محمد بيه بعد اذنك الدكتور جيمس بيقولك هو مش عايز يصعد الموضوع وطالب منك تنهي المهزلة دي في اسرع وقت
محمد بيه: يا عم اخلص بيقولك مهزله فين ام الباب
احمد : مش عارف هو كان هنا يمكن اتقفل بقا
محمد بيه: اه فعلاً قفل الباب و محر الحيطه وكمان دهن الحيطه نفس اللون كل ده عبال ما جينا
احمد : وبعدين
ظابط المباحث: لا معلش تعالي معايا على القسم وهناك نعرف بقا يا امين سيد هاته
الامين : تعالي أنا مش عارف انت بتعمل في نفسك كده ليه
احمد : والنبي يا عم سيد خليك محضر خير اقسم بالله كان في باب هنا
ظابط المباحث: تمام كان في باب هنا راح فين
احمد : اقولك حاجه راجع الكاميرات ولو ملقيتش الباب أعدمني ياعم
ظابط المباحث: اعدمك اي انت فاكرني اي ياعم
المترجم: من فضلكم كده كتير اوي كاميرات اي اللي عايز تراجع عليها
محمد بيه: أنا مكنتش ناوي اراجع الكاميرات بس بسببك عايز اراجع الكاميرا دي ( و أشار إلى كاميرا كاشفه المكان اللي بيقول عليه احمد )
احمد : ايوه كده ينصر دينك هو دا القضاء المصري
ظابط المباحث: ياعم اسكت قضاء اي هو انت في المحكمة
المترجم: للأسف الكاميرا دي مش شغاله
محمد بيه: لا بقا اذاي مش شغاله احنا هنهزر
الدكتور علي: بعد اذنك يا محمد بيه مينفعش الكلام ده هو ينفع كاميرا في مكان زاي ده تكون عطلانه
احمد : ايوه كده ياعم لعلع معايا
الدكتور علي: بس علشان وعهد الله ما طايق خلقتك
احمد : معلش بقا الكاميرا دي لازم تتفرغ
المترجم: تتفرغ ازاي هيا فيها داتا أصلا
محمد بيه: خلاص ولا تزعل نفسك فين مكان الباب بتقول يادكتور احمد
احمد : بص هو من هنا ل هنا في الجزء ده كده بس فين بالتحديد مش عارف
محمد بيه: خد يابني
الامين : تحت امرك يا محمد بيه
محمد بيه: خد بأيدك كده الجمب ده كله لحد ما تلاقي دهان طري اقف عنده
احمد: بالظبط هو ده الكلام
الامين : تحت امرك يا محمد بيه
محمد بيه: اقعد انت بقا على جمب علشان أنا عديت معاك كل الحدود مش عارف ليه مع انك عملي خمستلاف مشكله
احمد : بس بحبك والله
الامين : محمد بيه بص كده
محمد بيه: وريني ( وحط ايده على الحيطه مكان ما الأمين حط ايده طلعت ايد محمد بيه وعليها دهان طري من الحيطه )
احمد : اهو اهو القطنه مبتكدبش الحمد لله
محمد بيه: اي ده يا باشا انتوا لسه مجددين الديكور
المترجم: ممكن يكون حد من العمال غسل الحيطه
محمد بيه: اه لا بعد اذنك بقا تعالي جمبي كده ( وبكل قوه ضرب الحائط ب الرجل وعلشان الحائط طري انهار ع طول وظهرت الغرفه اللي كان بيتكلم عنها احمد )
احمد : الممر اهو
ظابط المباحث: خد يابني الخواجه والمترجم بتاعه وخش بقا هاتلي النفق باللي في انا عايز القسم ده كله عندي في القسم
الدكتور علي: الحمد لله يارب
الدكتور جيمس بيكر: تبا لك
احمد : تبا ليك انت وامك
محمد بيه: دكتور احمد اسكت
احمد : ما شتمني
محمد بيه: قالك اي يعني
احمد : قالي تبا لك
محمد بيه: تبا ليا أنا علشان خاطر ربنا لم الموضوع و ياله نطلع على القسم
بعد الذهاب الى القسم تبين فعلاً في التحقيقات أن المستشفى ليها نشاط تجاري في بيع الاعضاء وخرج الدكتور أحمد كا شاهد على القضية وتم حبس اربعه من مسؤولي المستشفى على رأسهم الدكتور جيمس بيكر
في جانب آخر
احمد : أنا مش عارف اقولك اي والله يا مريم
مريم: ولا تقول اي حاجه يا دكتور احمد أنا مبسوطه أن ربنا ظهر الحق وانت شخص يستاهل كل خير
احمد : ربنا يخليكي يارب
الدكتور علي: طب اي امشي أنا
احمد : طب صحيح يا دكتور مريم المستشفى أتشمعت انتي هتروحي فين
مريم: والله ما عارفه
احمد : تعالي معايا نتكلم مع استاذه ريهام والدكتور علي موجود دا ابويا التاني ده
الدكتور علي: (شد احمد من كتفه ومال على ودنه ) هو احنا فاتحين سرجه يا متخلف هتشتغل معانا اذاي بدون تكليف
احمد : شوفتي بقولك ابويا اهو قالي أنه هيكلم ريهام معانا ياله تعالي تعالي
الدكتور علي: يابني انت اهبل
احمد : معاها عربيه بدال ما نتشحطت في مواصلات ما احنا سبنا كل حاجه في المستشفى اهي توصلنا لو منفعش تروح هيا
الدكتور علي: بص أنا مش هتكلم ربنا موجود وشاهد على كل شيء أنا خلاص جبت اخري
احمد : فرحان فرحان بيكي مش مصدق نفسه
مريم : ربنا يخليكم لبعض شكله بيحبك فعلاً
الدكتور علي: موت موت موت
وفعلاً راح احمد مع مريم والدكتور علي الي المستشفي
الدكتور علي: أنا مش طالع اكلم ريهام انت روح حل مع نفسك
ريهام: لحظه بس أنا موجوده وسمعت عملت اي تاني
احمد : دكتوره مريم دي بقا استاذه ريهام يعني الجدعنه الذوق العالي تشرف اي حد علشان
ريهام: اي اي هنهزر
احمد : الدكتورة مريم جايه علشان تشتغل معانا بعد ما المستشفى أتشمعت
ريهام: والله طب تمام اليوميه بتاعته كام
مريم : نعم
احمد : بتضحك بتضحك بقولك عسل جميله تعالي
جميله: نعم عايز اي
احمد : خدي مريم كده عرفيها الدنيا هنا دايره على اي
جميله: أنا مالي
احمد : اختي دي بقا جميله اختي الصغيره حتت كريمه كده تتحط على الجرح يطيب ياله يا جميله عيب
جميله: هو أنا مش فاهمه حاجه بس تعالي يا مريم
ريهام: احمد انت مش طبيعي صح
احمد : اسمعي بس وغلوتي عندك اعملي اي حاجه بس تنضم لينا والله دكتوره شاطره وكويسه جدا وبنت حلال
ريهام: هو اي اللي بنت حلال هو أنا هخطبها ل ابني
احمد: علشان خاطري أديها فرصه
ريهام: أنا بديك انت فرصه بالعافيه تقوم جايب حد من طرفك انت اهبل لا طبعاً
احمد : طب هقولك حاجه حلوه
ريهام: اتفضل قول
احمد : لو مريم كملت معانا وعد مني مش هعمل مشاكل تاني
ريهام: موافقه بس بشرط
الدكتور علي: لا شرطين
ريهام: لا تلاته
الدكتور خالد: لا اربعه
احمد : اي ده هو أنا عامل فيكو اي أنا ظالم اوي كده
الدكتور علي: اولا قبل ما تتكلم مع أي مريض فكر عشر ثواني بس عشر ثواني
الدكتور خالد: حسك عينك توعد مريض اي وعد خصوصاً لو عمليه خطيره
ريهام: لو حاله صعبه وعايزين حل ليها وانت لقيت حل متتكلمش مع المريض ترجع لينا واحنا ننسق مع بعض
جميله: وأنا كمان هو أنا مليش نفس
ريهام: قولي
جميله: ممنوع تخترع إجراء طارق جوه غرفه العمليات
ريهام: وخلي بالك أنا هعمل اقصا جهدي أن مريم تكون معانا وانت ونصيبك إنما لو عملت اللي اتفقنا عليه ممكن بنسبه كبيره جدا تكون معانا
احمد : وانا موفق
ريهام: مبروك علينا يا اخي
الدكتور علي: الحمد لله مستشفى هادئه من هنا ورايح
الدكتور خالد: ( لف ايده على رقبه احمد وسط ابتسامه الجميع)
