رواية تاج الفهد الجزء الثاني (ابناء السيوفي) الفصل الثاني والثلاثون
جميله:وهو ف خاله برضو تستأذن قبل ماتدخل ع ابن اختها مكتبه ياابن تاج ؟!!!
ايوب بعدم فهم:انتي بتقولي اي ياست انتي ..
جميله بتصنع الغضب:بقيت راجل وشحط وبتعلي صوتك ع خالتك الله يرحم ايام ماكنت بحميك وانت بلبو_صه ياواد
ايوب بعصبيه:ورحمه ابويا لابيتك ف التخشبيه لحد ماتعرفي انتي بتتكلمي مع مين ...يااااعسكرييييي
ايوب كان بينادي ع العسكري بعصبيه وصوت عالي ولما ملقيش رد قام وقف وهو بيقرب من الباب علشان يجي ياخد جميله ع الحبس ..بس جمله جميله وقفته .
جميله :مش عايز تعرف مين اللي ق_تل أبوك واهلك ياايوب ؟
وقف ايوب مكانه بصدمه وجمله جميله بتتكرر ف ودانه تاني ..لحد ماقربت منه ووقفت ف وشه وهي بتبصله بحنان وعيونها بدمع :مش عايز تاخد حق أبوك واهلك من اللي قت_لوه بدم بارد وعايشين بيتمتعوا طول السنين دي ؟
اتكلم ايوب ولسه الصدمه ماثره عليه:انتي بتقولي اي ..أنا اهلي عملوا حاد_ثه سير عادي
جميله بسخرية:ده اللي ورد حكتهولك انت واخواتك
ايوب :ورد ؟!!!انتي تعرفيها منين ..انتي مين اصلا ؟
جميله: اعرفها من سنين كانت صحبه تاج امك الله يرحمها وجوزها اكتر من اخ لابوك حسام المحمدي ..إنما أنا مين بقا ف سبق وقولتلك أنا خالتك جميله اخت تاج امك .
ايوب وهو بيحرك دماغه برفض :انتي كدابه اي اللي يخليني اصدقك ..ولما انتي خالتي كنتي فين طول السنين دي مستحيل .
جميله:لو أنا كدابه لون عيني اللي نفس لون عيونك كدب ؟لو أنا كدابه هيبقا برضو التفاصيل اللي قولتهلك دي كدب ؟!!!كنت فين بقا أسأل عمك فاروق هو عنده الاجابه
ايوب:وعمي ماله ومالك اصلا انتي جايه ترمي بلويكي علينا !!
جميله:عمك فاروق هو اللي كان حابسني طول السنين دي ..
بصلها ايوب وعيينه احمرت ..فاكملت جميله وهي ماسكه ايده:وعمك فاروق اللي انتو يولاد السيوفي مش بتطيقوا عليه الهواء بس هو اللي ق_تل اهلك كلهم
ايوب جسمه اتنفض ورجع لورا بصدمه وهو باصص لجميله :انتي بتقولي اي مستحيل انتي عارفه انتي بتكلمي عن مين لا انتي كدابه انتي اكيد ف بينك وبينه عد_واه علشان كده عايزه تنتقمي منه .
جميله بغ_ل واضح :أنا فعلا بيني وبينه عد_واه لابعد حد تتخيلوا ..واها ياابن اختي جايه انت_قم منه ..زي ماق_تل أبوك واعمامك وجدك نصار وجدتك وق_تل ابويا وامي قدام عيني هو وعشق علشان الشركات والثروه الكبيره علشان هو وهي طما_عين قت-لهم بدم بارد وانتو مر-مين ف حضنهم ف حضن اللي ق-تل أبوك .
ايوب بصدمه:عشق؟ عمي فاروق شريك عشق ؟!!!!!انتي بتقولي اي أنا مصدقك لاااا هي اها بتكر-هنا بس متق-تلتش اهلي مستحيل ولو كلامك صح لي ورد سايبنا مع فاروق ع طول وبتتعامل معاه عادي ؟!!
جميله:لان ورد متعرفش غير أنهم اتق-تلوا مين اللي قت-لهم بقا هي متعرفش إنما أنا شوفتهم بعيني وهما مرمين ف الأرض وسا-يحين ف دم-هم ف القصر
وقع ايوب ع الكنبه اللي ورا بصدمه وجميله دموعها نازله وهي بتكلم :مش مصدقني برضو لحد دلوقتي ؟ولا انت مش عايز تصدق ؟
رفع أيوب عينيه وهي مليانه دموع:أنا عايز اعرف كل اللي حصل ولو حرف طلع كدب أنا باايدي دول اللي هق-تلك
قعدت جميله جمبه وهي بتتنهد بصوت عالي وبدأت تحكي لايوب من اول يوم عشق وفاروق دخلوا ف قصر السيوفي .
"ف قصر فهد السيوفي "
قام فهد وقف وهو بيلف ايده ع رقبتها : علشان ده ابني ابن فهد السيوفي.
عشق وهي بتحاول تتكلم :مش هتقدر تمو-تني يافهد عارف لي علشان انت روحك ف ايدي لو أنا مت انت هتفضل هنا طول عمرك وف الاخر هنموت مع بعض ومحدش هيعرف يوصلنا ..فاكر اليوم اللي شوفت الإسعاف مدخلينك ف باب الطوارئ وطالعين بيك ع فوق وبعدها سليم نصار برضو كان لسه ف النفس بسبع ترواح وقتها سمعت الممرضه وهي بتنادي ع الدكتور وبتقول ان ف اتنين من المذ-بحه اللي حصلت لسه عايشين واحد فيهم نبضوا ضعيف والتاني كويس ..وقتها فاروق كانت دماغه مشغوله بجميله لانه خطفها قولتله هطلع اشوف حاجه و....
Flash Back
عشق :أنا هطلع اشوف الوضع فوق أي وانت روح اطمن ع حبيبه القلب .
فاروق :لو عملت اي حركه تاني من غير ماااعرف أنا هسلمك للشرطة بنفسي
ابتسمت عشق بسخرية :لا متقلقش كل اللي كنا عايزينوا اتعمل
طلعت عشق ع السلم فوق ووصلت لاوضه العمليات وهي بتبص وراها بتوتر .. ودخلت.
الدكتور :انتي ازاي تدخلي هنا اتفضلي اطلعي بره .
بصت عشق ع الموجودين في الأوضه كانوا 4ممرضات واتنين دكاتره ابتسمت بخبث وهي بتبص ع فهد وع الاجهزه اللي حواليه وبعدين بصت ع سليم وجهاز التنفس محطوط ع وشه ومفتح عيونه بهزيان :عايشين مش كده ؟
الدكتور بعدم فهم: الحمدلله بس فهد باشا دخل ف غيبوبه لأن الرصا-صة كانت جمب القلب ..إنما سليم باشا إصا-بته خفيفه .
عشق بخبث:وانا مش عايزه إصا-بته تكون خفيفه
ضم الدكتور حواجبه بستغراب فاكلمت عشق بصوت عالي نسبيا :كل واحد 10مليون وتنسوا اللي حصل ف الاوضه دي تماما .
بصوا الدكاتره لبعضهم والممرضين بتوتر فااتكلم الدكتور التاني :موافقين .
عشق بخبث:لو حرف طلع بره الاوضه دي مش هروح ف داهيه لوحدي كلنا كده حبل المش-نقه هيتلف حوالين رقبتنا
الدكتور :بس لو حد عرف وقتها ...
قطعته عشق :محدش هيعرف لأنهم اصلا جايين مي-تين انتو مسمعتوش عن المذ-بحه اللي حصلت ولا اي ؟
الدكتور:طب والجثث ؟
عشق:دي شغلتك انت بقا واعتقد بسيطه عليك
الدكتور التاني بطمع :بس دي هتكون حساب تاني لوحدها
عشق :2مليون كويس
الدكتور:كويس .
خرجوا كلهم بره ووقفت عشق بين السريرين وهي بتبصلهم بشر قربت من سليم :لسه فيك الروح بعد كل اللي حصل فيك ..شوفت آخره اللي يقف ف وشي اييي
سليم بتعب :فكرك اني هسيبك ولو سبتك الزمن هيسيك أنا سليم نصاااار .
عشق بصوت عالي:سليم نصار ..سليم زفت فلقت دماغنا بيك وف الاخر اديك اهو مش قادر حتي ترفع صباعك ف وشي انت هتمو-ت وانا هعيش واتمتع بفلوسك وبفلوس صحبك وهتمتع بصحبك نفسه لما اخده واحبسه واذله واحصره ع أهله وولاده
سليم :مش فهد السيوفي اللي يتذل ومن واحده محصلتش ربع ست هتفضلي طول عمرك فكره أنه اختار ستك تاج وداس عليكي عارفه لي علشان انتي واحده رخيصه .
بصتله عشق بغ-ل وهي بتجيب المخده وبتكتم بيها نفسه وهو بيحاول يبعدها بس غصب عنه مش قادر بدأت تحس بحركته بتقل لحد ماشالت المخده وهو مغمض عينيه و وشه ازرق ..ضحكت بصوت عالي: باي باي سليم نصار ...
بصت جمبها ع فهد وابتسامه خبيثه مرسومه ع شفايفها :أنت بقا يافهد رغم كل اللي حصل زمان واللي عملته فيا لسه بحبك ..هخدك ف نفس المكان اللي امك كانت بتحبسني ف زمان ف القصر لما كنت بقرب منك صحيح محدش يعرف حاجه عن المكان ده غيري وغيرها وان الاوان انتقا-م منك ف واذلك لحد اخر يوم في حياتك .
Back...
فهد وهو بيضغط ع رقبتها :قت-لتي وهو ف الروح ؟!!!انتي شيطان .
زقته عشق بكل قوتها وقعته ف الأرض لأن جسمه بقا ضعيف :وزي ماقتلته هق-تل ولادك وولاد سليم هخلص عليهم زي ماعملت فيكوا من25سنه.
فهد كان بيحاول يقوم من ع الارض بس حركه جسمه بقت ضعيفه ووشه شاحب .
بره عند عيسي كان واقف مصدوم بيسمع كل كلمه وحاسس أن الدنيا كلها بتلف بي الصدمه مسيطره ع جسمه وهو شايف ابوه قدام عينه عايش بعد السنين دي كلها نزل من عينيه خط دموع ..مكنش عارف يعمل اي غير أنه استخبي بسرعه وهو شايف عشق بتقفل الباب ع فهد وبتطلع ع السلم الطويل بره ..طلع عيسي من تحت السلم وهو بيقف قدام باب الاوضه وبيلمس باايده ع الباب الحديد وبعيط ..مسك القفل الكبير اللي موجود ع باب ..بص حواليه وهو بيدور ع اي حاجه تساعده يفتح بيها القفل لحد ماشاف حديده كبيره ..مال شالها من الأرض وهو بيمسح دموعه اللي بتزيد اكتر وبص ع الباب بقهره ..وبدأ يخبط بالحديده باالقفل وهي بتعمل صوت عالي .
جوا عند فهد كان لسه واقع مكانه ف الأرض م قادر يقوم وسامع صوت الخبط اتكلم بصعوبه :مين اللي بره ؟
عيسي دموعه ذدات لما سمع صوته وقوته زادت اكتر وهو بيمسع صوت ابوه ..لحد مافتح القفل وشاله وهو بيفتح الباب وعيونه مليان دموع ..فهد كان بيبص ع الباب اللي بيتفتح براحه وهو مستغراب لحد ماظهر عيسي قدامه وهو بيعيط ..بصله فهد بتركيز ف لون عيونه..لحد ماتكلم عيسي :بابا ....
"ف قصر السيوفي "
فهد:يعني اي لغي المعاد هو لعب عيال ؟
تيام:مش عارف هو كلمني من شويه وقالي عيسي رن عليه وبلغه ياجل الميعاد ويعتذر لناس
ورد:خلاص ياولاد اكيد عيسي عنده مشاغل
فجر :يعني خلاص كده مش هشوف النينجا بتاعي
ورد:يابنتي احترمي نفسك اخواتك الرجاله واقفين عيب كده
فهد بسخرية:وهي دي بتعمل احترام لحد من أمته ؟
ايوب :أنا هنزل ابلغ عمي فاروق بقا وخالي زين علشان لو عندهم شغل ولا حاجه مينظروش ع الفاضي
اسيا:وبما أننا خدنا اجازه من شغلنا النهارده هجهز الريسبشن وقعدتنا كده ونتجمع تحت لحد ماعيسي وايوب يرجعوا ..
ف القسم ..ف مكتب ايوب كان قاعد حاطط ايديه مابين وشه ودموعه نازله بصمت ..بصتله جميله بحزن وهي بتبطبطب ع ضهره بحنان : والله يابني هو ده كل اللي حصل ..أنا من اول لحظه عرفت فيها انكوا عايشين وعملت كل اللي اقدر عليه علشان اوصل لحد فيكوا .
ايوب بصوت مبحوح:أنا عايز اروح القصر ده ودلوقتي .
ف قصر فهد السيوفي "
بصله فهد بنظره طويله ونبضاته قلبه بتزيد ..حاول يقف وهو بيسند ع السرير الحديد اللي ورا ف وقع ..جري عليه عيسي وهو بيمل عليه وبيمسك ويوقفه ع رجله :متقعش تاني مش بعد مالاقيتك تقع .
فهد الصدمه كانت ملجما هو عارف من عيونه أن ده ابنه وتحديدا عيسي رغم أنه مشوفهوش طول السنين دي بس عارفه من لون عيونه اللي بتشبه عيون تاج لدرجه كبيره .
بصله عيسي بدموع:ايوه احساسك صح أنا ابنك أنا عيسي يابابا
حضنه فهد وهو بيضحك وبيعيط :اااااه يابني ياحته من روحي وعمري كله .
طلعه فهد من حضنه وهو بيبوسه ف كل مكان ف وشه حتي ايديه وعيسي بيعيط .
فهد وهو بيمسحله دموعه:متعطيش ياحبيبي.. متعطيش ياعمري كله ابن فهد ميعيطش ابدا .
عيسي :طول السنين دي وانت هنا وانا مش حاسس بيك بس والله ديما شاكك فيها ..بس فاروق مجتش لحظه وشكيت ف قولي يابابا أن كل كلامها عنه غلط هو مستحيل يقتل .
فهد :ششش اهدا ..اي الد-م ده انت كويس وده من اي
بص عيسي ع قميصه الابيض وكله د-م لانه حمل ع العمليه اللي ف دراعه :دي حاجه بسيطه قصاد الجر-ح اللي أنا حاسس بي دلوقتي .
فهد:أنا بس عايز اعرف انت جيت هنا ودخلت ازاي ؟
عيسي :مشيت وراها حاجه جوايا طول السنين دي بتقولي اروح وراها وراقبها لحد النهارده حسيت أن حاجه جوايا دفعتني اني امشي وراها لحد مالاقيتها وقفت قدام القصر .
فهد :قصر ؟قصر اي ؟!!
عيسي :القصر بتاع حضرتك انت مش عارف انت فين
اتنهد فهد بتعب :للاسف معرفش أنا جيت هنا وانا ف غيبوبه لأن حالتي كانت خطر وقعدت ف الغيبوبه دي سنين وزي ماانت شايف من يوم مافوقت وانا ف المكان ده الغريب اني معرفش عنه حاجه رغم أنه ف قصري ؟!!
عيسي:مش ده المهم المهم انك عايش وشوفتك أنا كنت مفتقدك ف حياتي اويي
فهد:هعوضك عن كل اللي فاتت بس لازم اتصرف قبل مالحيه دي تاذي حد فيكوا ...كمل فهد بلفهه:ايوب وآسيا عاملين اي شبهك ياعيسي صح
عيسي :ايوب شبه وآسيا اها واخده مننا شويه بس هي ع اجمل هتشوفهم يابابا وهتملي عينك منهم ..بس نخرج من هنا قبل ماهي تيجي
فهد :لا متقلقش هي بتيجي كل اسبوع مرتين وحتي لو جت ف ضهري راجل هيقفلها
ابتسم عيسي ابتسامه باهته :طب يلا نطلع منها.
فهد :هنروح فين ؟
عيسي:ع قصر السيوفي الكبير ..حقك وحق اعمامي واهلي هيرجع النهارده
فهد:لا يابني ملكش دعوه بحاجة من دي
عيسي :انت مش لسه قايل اني ف ضهرك وحقك محدش هياخده غيري.
مسك عيسي ف ايد فهد زي العيل الصغير وطلع بره المكان ده وبيطلع فهد ع السلم براحه علشان ميقعش ..لحد ماوصلوا للقصر من جوا .
عيسي بتردد:هما ما-توا هنا مش كده ؟
فهد وهو بيبص للمكان بتعب وعيونه بتلمع من الدموع وشريط المذ-بحه بيتعاد قدامه:هنا خسرتهم كان يوم جمعه ومتجمعين سوا كالعاده لحد ماتغدر بينا .
عيسي :هي امي فعلا ماتت وهي بتولدنا ولا ورد كدبت علينا ف دي كمان
فهد:لا ولدتك ما-تت وهي بتولدك انت واخواتك والحمد لله انها ماتت كده احسن ماكنت تشوف اللي شوفنا زمان .
عيسي :اكيد ف القصر هنا ف صور ليها أنا نفسي اشوفها اويي
ابتسم فهد :تعاله بس يارب ميكنش الفيران والزمن كَل الذكريات .
طلع عيسي ع سلم القصر القديم وايده ف ايد فهد كان بيتفرج ع القصر بنبهار وفهد بيشرحله كل التفاصيل اللي عاشها ف كل ركن ..لحد ماوصل لجناحه الخاص .
عيسي : ده اكيد الجناح بتاع حضرتك
فهد:هو من يوم ماولدتك تو-فت وانا حرمت ادخله علقت صورها ف كل مكان وقفلته .
فتح فهد الباب وهو بيعمل صوت جامد وف تراب ودخل الجناح كان بيبص ف كل ركن ف شبك العنكبوت والفيران والتراب اللي فكل مكان مكنش شايف حاجات كتير بسبب الضلمه ف فتح عيسي الكشاف بتاع تليفونه .
قرب فهد ع الصوره الكبيره اللي متعلقه ف الاوضه وعليها تراب :معاك منديل او اي حاجه امسحها بيها ؟
طلع عيسي من جيبه منديل.. فاخده منه فهد ومسح الصوره نوعا ما بقت واضحه :دي تاج راسي وست الستات ولدتك
بصلها عيسي بانبهار أكانها لوحه فنيه قدامه:دي ماما ؟!!!! الله يرحمها كانت جميله اوي شبه اسيا بس هي احلا
فهد:هي كانت ديما جميله وشيك وهاديه اوي الله يرحمها جابتلي اجمل اربع وردات ومشيت عيشت معاكوا شهر بعمري كله
عيسى:اربعه؟
فهد بتوتر :هو تيام حصله حاجه ؟!!
عيسي باسرع:لالا كويس وشريكي ف كل شركات السيوفي بس اتفاجات أن حضرتك فكره .
فهد:اي حاجه من ريحه تاج مقدرش انسها يابني ..هنعمل اي دلوقتي هنتحرك ولا هنستنا يومين لحد مانخطط براحه ..بس انا نفسي اشوف اخواتك وولاد سليم وحسام مشتاق اضمهم ف حضني عايز اعوضهم عن كل اللي اتحرمه منه
عيسي:كل اللي أنت عايزو هيحصل ..هكلم ايوب وابعتله اللوكيشن يجي ع هنا علشان يعرف كل حاجه ويشوف هيعمل اي لانه ظابط واكيد هيعرف يتصرف أحسن مني
فهد بابتسامة:ايوب ظابط بجد ياعيسي ؟
عيسي :مش هو بس وفهد كمان بس بلاش فهد يعرف دلوقتي لانه لسه مطلعش من الصدمه اللي هو فيها بسبب موتكوا
فهد:فهد ابن سليم هما كبروا أمته وبقوا رجاله مشاء الله
عيسي :هو للاسف مش فهد وايوب اللي ظابط بس
فهد بستغراب :انت مش قولت انك انت وتيام اللي ماسكين الشركات يبقا ازاي شغالين ف الداخليه ؟
عيسي :لا ماهي اسيا كمان ظابط شرطه
فهد بصدمه:اسيا بنتي أنا ظابط شرطه ؟!!!ازاي أنا ديما شايفها من صغرها وف احلامي دكتوره اطفال لأن أختك كانت هاديه
عيسي بذهول :اسيا هاديه ؟!!! بص انت هتشوف بنفسك واحكم.
فتح عيسي موبيله وهو فاتح الاسبيكر وبيرن ع ايوب ..
ف عربيه ايوب ...
كان سايق ودموعه نازله بصمت وجميله قاعده جمبه بتبصله بحنان ..ووراهم عربيه سعد وادم ...رن فون ايوب ف رد عليه وهو بيحاول يبان صوته عادي :اي ياعيسي ؟ أنا كلمت فهد وخليته يكلم الناس وياجل الموضوع وقولتله انك انت اللي طلبت مني ده لما ارجع هحكيلك السببب ..مش هقدر اجي ياعيسي دلوقتي عندي شغل ...خلاص ياعيسي ابعتي اللوكيشن وهحاول اجيلك تمام ...
ايوب :هنروح مشوار الاول عند عيسي علشان عايزني وبعدين هنروح القصر
جميله بلهفه:ينفع اجي معاك واشوفه
ايوب بضيق :لا انتي هتنتظري ف العربيه لحد مااتاكد من كلامك .
بصت جميله قدامها بزعل ..فااتكلم ايوب بهدوء:أنا آسف مقصدش اكلمك بالاسلوب ده بس انتي اكيد حاسه بيا أنا لحد دلوقتي مش مستوعب حاجه
جميله:أنا مقدره الموقف ياحبيبي يواد أنا خالتك وفاهمك ده انا كنت بحميك بلبو_ص .
ابتسم ايوب غصب عنه :لو سمحت بلاش تقوليلي كده
قطع كلامه صوت رنه فون بمسدج فتحها وهو بيشوف الابلكيش (الموقع)وبيركز ف بستغراب :اي ده ؟ نفس العنوان بتاع القصر
خدت جميله منه الفون :هو فعلا ...اي اللي هيودي عيسي هناك انتو تعرفوا مكان القصر ده قبل كده
ايوب:لا حتي فهد وفيروز وميعرفوش مكانه..ممكن عشق تكون عرفت انك جتيلي واني عرفت حاجه ف وقعت عيسي وخدته ع هناك ؟!!!
جميله:لا مش ممكن أنا عمله كل احتياطتي علشان محدش يعرف .
ايوب بخوف ع اخوه وهو بيزود سرعه العربيه:عيسي اكيد واقع ف مشكله.
بعد نص ساعه كان ايوب بدأ يقرب من القصر .
جميله:اقف هنا مش لازم نعمل صوت علشان ممكن يكون ده فخ يابني
ركن ايوب عربيته ونزل من العربيه وهو بيجهز سلا-حه وجميله ورا :انتي رايحه فين ؟اقعدي ف العربيه لو سمحت
جميله:لا انت فكرني هسيبك ولااي رجلي ع رجلك انت سامع
ايوب:عم سعد لو سمحت خليها معاك انت وأستاذ ادم لحد ماشوف ف اي جوا واطمن ع اخويا .
ادم:احنا جايين معاك ومش هننتظر هنا .. وكفايه تضيع وقت .
مشي ايوب بنفاذ صبر منهم لحد ماوصل لبوابات القصر ودخل منها وهي بيامن المكان وبيبص ع القصر بتركيز .
فوق ف القصر ..
عيسي :ف صوت شكله جه
فهد بلهفه :طب يلا ننزله بسرعه
عيسى:حضرتك ينفع تنظر هنا لانه اكيد معاه سلا-ح وممكن يفهم الامر بشكل غلط وهو اصلا متهور .
فهد بتفهم :هقفل اشوفه من ع السلم وانت أنزله
هز عيسي رأسه بموافقه ..بس مكنش قادر يسيبه وينزل حس بي فهد ف طبطب ع كتفه:متقلقش انا هفضل موجود ع طول مش هيحصلي حاجه طول ماانتو معايا
باس عيسي ايده وهو مبتسم ونزل وفهد واقف ع السلم لحد ماايوب دخل ..
عيسي :ايوب .
رفع ايوب سلا-حه بسرعه ف وش عيسي ..فاتكلم عيسي بسرعه:ده انا عيسي اهدا .
قرب ايوب بسرعه عليه :اي الدم ده مين عمل فيك كده عشق صح هي فين ؟
ضم عيسي حواجبه بستغراب :عشق ؟اشمعنا عشق يعني !!!ومين الناس دي ؟
ايوب:انت مش فاهم حاجه عشق وفاروق هما اللي قت-لوا ابونا واهلنا كلنا .
نزل فهد من ع السلم وهو مبتسم :بس انا لسه عايش ياايوب أبوك مامتش .
رفعت جميله عيونها لفوق ومبرقه بصدمه :فهد السيوفي ؟!!!!!
ايوب بصدمه:مين ....مين ده هو اي اللي بيحصل ؟
سعد :ازاي مستحيل لامش ممكن .
قرب فهد من ايوب ووقف قدامه وهو فاتح دراعته الاتنين:مش هتحضني ياايوب ؟
وقع ايوب ف الأرض مغمي عليه من الصدمه ..جري عليه فهد وعيسي وادم وشالوا حطوا ع الكنبه ... وجميله واقفه مكانها مصدومه.
عيسي :متخفش يابابا هو بس مقدرش يتحمل الموقف
فهد بدموع:هنفوقه ازاي مفيش هنا اي حاجه تصلح للموقف ده
ادم :أنا معايا مسك صغير اتفضل اهو .
خده منه فهد وهو بيقربه لأيوب لحد مافتح عيينه..
ايوب :حلم أنا ف حلم ..
عيسي :لا انت مش ف حلم أبوك عايش حاول تستوعب ياايوب .
ايوب بنيهار وهو بيبص لفهد :اصدق اي ولا اي أنا مش قادر اتحمل من شويه اعرف أن الراجل اللي طول حياتي ف حضنه قا-تل ابويا وحابس خالتي وق-تل أهلي كلهم ودلوقتي اعرف ابويا عايش ..
فهد وهو بيخده ف حضنه:أنا عارف ان الوضع صعب بس انا أبوك ياايوب أنا أبوك ياحبيبي
ايوب وهو بيشدد ع حضن فهد وبيستخبي ف زي الطفل الصغير:أنت سبتنا لي احنا اتحرمنا منك طول السنين دي لي عملت فينا كده أنا كنت بحتجلك ف كل وقت ولحظه ف حياتي .
فهد بدموع:غصب عني ياحبييبي غصب عني يابني لو باايدي مكنتش هبعد عنكوا لحظه .
عيسي :بابا كان محبوس هنا ياايوب عشق كانت حبساه ف مكان ميعرفش يخرج منه تحت الارض
رفع ايوب عينيه بصدمه:تحت الارض ؟!!! والله ماهسيبها همو-تها ..همو-تهااااااااا
فهد:بس اهدا هخليك تعمل فيها اللي انت عايزو .
بص فهد اتجه جميله وقام وقف قدامها :لسه مستوعبتيش
جميله وهي بتهز رأسه برفض:لي احنا يتعمل فينا كده لي نعيش العذاب ده كله ونتحرم من اهلنا ليييي نتفرق كده وبالاسلوب ده ليييي
فهد:ده نصيبنا وادينا اتجمعنا
جميله بعياط: اتجمعنا بعد اي ؟ بعد ماتحرمنا من عمرنا كله ؟!!
قام عيسي وقف قدامها وهو بيمسحلها دموعها :طول مااحنا لسه عايشين وفينا النفس هنعوض كل اللي فات ..تعرفي ان حضرتك فيكي ملامح من ماما اعتقد لو كانت لسه عايشه هتكوني شبهها
شدته جميله لحضنها وهي واقفه ع طراطيف صوابعه علشان تحضنه :مشاء الله بقيت اطول مني ..وانت لسه مولود كنت بحميلك وانت بلبو-ص .
ايوب كان واقف جمب فهد وماسك ايده ف بصله بعتاب:انت ملقتش غير خالتي اللي تخليها تحمينا واحنا صغيرين دي من اول مادخلت مكتبي وهي بتذ-ليني !!!!
سابت جميله عيسي من حضنه وهي بتمسح دموعها :خالتك مين يواد انت ؟!!انا اسمي جميله انتو هتكبروني ولااي شايف ولادك يافهد ؟
عيسي :طب أنا عملت حاجه ماانا ساكت اهو
ضرب فهد كف ع كف وهو بيقول : جميله هي جميله متغيرتش .
سعد بدموع :مش هتسلم عليا يافهد باشا؟
لف فهد ورا وهو بيحضن سعد :وحشتني ياسعد فيك الخير انك لسه فاكر عيلتي .
سعد:انا لحم خيري كل كان من كتافك يابشا الحمدلله أنك عايش .
ادم:بابا ديما كان بيحكيلك عنك يابشا .
بصله فهد وهو بيسلم عليه:انت زي ايوب وعيسي بلاش كلمه باشا دي ..
جميله: عايزه اقولك أن ادم هو السبب اني اوصل لسعد حتي لو بصدفه .
فهد:سعد ابن ناس ومحترم واكيد تربيته لابنه تشرف وترفع الراس
سعد :ربنا يخليك يا فهد باشا
ايوب :طب احنا هنعمل اي ؟
فهد بسخرية:احنا جيبيك هنا علشان انت الي تقولنا هنعمل اي
ايوب :امممم طب هو الحل أننا نروح كلنا بربطه المعلم كده القصر .
عيسي :ازاي طبعا احنا منضمنش عشق دي ممكن تعمل اي
ايوب :بالعكس ده احسن حل أنها تتفاجأ با بابا وجميله قدامها لأن وقتها مش هتعرف تتصرف ولا تفكر الصدمه هتشل عقلها
جميله بحماس:وانا جاهزه الواد ايوب بيتكلم صح احنا نكبس مره واحده عليها هي وفاروق
ايوب بستغراب لعيسي بهمس :تحس ان اسيا أختك اللي بتتكلم !!!
عيسي:احنا ناقصين جنان هيبقوا اسيا وفجر وخالتك .
جميله:انتو بتتهمسوا تقولوا اي ياولاد فهد ؟
عيسي :احم لا مش بنقول بنفكر بس هنعمل اي ؟
فهد:هنتحرك زي ماايوب قال وحقنا هناخده النهارده قبل بكره .
"ف قصر السيوفي"
ف الريسبشن الكبير...
اسيا بصوت عالي :ورحمه ابويا يافجر هقوم اجيبك من شعرك وماهسيك غير وانا مخلصه خزنه سلا-حي كله ف دماغك
فجر وهي بتصوت:هو انا علشان مليش حد يجبلي حقي هتيجي عليا ولا علشان ليكي كتكوت واقف معاكي
نزل فهد من العجله الرياضيه وهو بينشف بالفوطه:قصدها اي بكتكوت ده يااسيا
تيام وهو قاعد جمب فيروز بيمضوا ع ملفات تبع الشركه:قصده عليك ياكتكوتها .
فهد:أنا كتكوت يافجر
فجر بخوف :أنا قولت كده ده انت دكر بط كبير يافهد ده انت فهد الفهود .
فريده كانت قاعده ف الركن الهادئ بتاعها بترسم وبتسمع موزيك هادي ..ف بصتلها فيروز :نص السلام النفسي اللي انتي في ده يافريده
غزل وهي بتتفرج ع اللاب توب :تيام الفيلم ده جامد عايزين نتفرج عليه مع بعض أنا وأنت يعني .
تاج وهي بتاكل مكرونه : يامحنو بقا عندنا كتكوتين يابت يافجر
موج وهي بتقفل كتابها بزهق:انتو شويه سفهاء .
اسيا وهي بتشهق بصوت عالي :سفهاء !!!!!البت دي بتشمنا يافهد صح ؟
فهد:شكلها كده وشتيمه وحشه سدي ودنك يابت متسمعيش الألفاظ دي .
تيام بسخريه :لا وآسيا مبيطلعش من بوقها العيبه...
قطع كلامه صوت رنه موبيله...تيام:ده عيسي..الو يادوله ..اها احنا متجمعين كالعاده..لا فاروق ف مشوار شغل ..وخالوا زين ف الڤيلا بتاعته بيجيب شويه حاجات وجي.. ورد وماسه فوق ..ضم تيام حواجبه بستغراب:عشق انت بتسأل لي ؟لا هي بره من بدري ..ماشي تمام مستنينك .
قفل تيام موبيله وهو بيبصلهم بستغراب:غريبه اول مره يسأل مين اللي موجود في القصر وخصوصا عشق
اسيا:هتلاقيها عمله مصيبه ولاحاجه اصل عيسي هيسال عليها بتاع اي
فهد:شويه وهنعرف متستعجلوش ..
ف عربيه عيسي ..
كان فهد قاعد جمبه وايوب ورا وجمبه جميله وف العربيه التانيه ادم وابوه.
عيسي :يابني بطل زن قولتلك عربيتك ف امان ودخلتهلك جوا القصر
جميله :وايوب هيبطل زن ازاي من اول ماتولد وهو زنان
ايوب :هو انتي راجعه بعد السنين دي كلها علشان تزليني بااللي كنت بعمله وانا صغير اش حال كانوا شهر بس ؟!!!
جميله:شايف ابنك من اول ماشفني وهو مش عملي احترام وبينقار فيا ..
فهد كان سرحان ف جمال الطرق والبيوت وكل حاجه كان مبتسم أنه هيشوف اسيا وولاد حسام وسليم مكنش مصدق نفسه أنه اخيرا بقا حر .
ايوب :بابا مش معاكي اصلا ده ف ملكوت تاني .
عيسي :احنا ع بوابات القصر اهو .
جميله وفهد قلبهم ضرباته بدأت تزيد مش خوف ع قد ماهو فرحه أنهم هيشوفه حبايبهم
فهد:عايز اشوفهم من بعيد الاول ياعيسي
عيسي وهو داخل بعربيته من بوابات القصر: حاضر هما حاليين ف الريسبشن الكبير وده سهل انك تشوفهم منه من الجنينه الخلفيه .
نزلوا من العربيه وفهد وجميله بيبصوا ع القصر ..لحد مادخلوا الجنينه الخلفيه وعيسي معاهم ..وايوب دخل عندهم جوا.
جوا ف القصر .
كانوا متجمعين بيلعبوا كتشينه وقاعدين ف الأرض
اسيا:البت فجر دي بتخم ده سادس ولد تلعب بي
فجر : مشاء الله انتي هتقري عليا اصلي بحب الولاد ف تلاقي ربنا مزوهم معايا
اسيا وهي بتشد الورقه بتاعت الولد اللي ف التوكه بتاعت شعرها:وده بيعمل اي ف شعرك يروح امك ؟!!
فجر:بيسرحلي شعري هاهاها
اسيا وهي بتقوم تجيبها من شعرها :وادي شعرك اهو علشان تبقي تسرحي تاني
فهد نصار:ورحمه ابويا انتو عالم غجر معادا انتي ياحته طبعا
فهد السيوفي كان واقف مبرق بصدمه وعيسي بيشاورله ع عليهم وبيعرف كل واحد وواحده:بابا انت سامعني ؟
فهد السيوفي :دول بيضر-بوا بعض !!!!
عيسي :لا دول لسه بيسخنوا ده لسه اسيا هتقوم تمسي بكام طلقه عليهم يقوم فهد معلقه ف النجفه وجمبها فجر .
جميله بحماس:الله العيال دول كانوا فين من الزمان .
عيسي:هي كانت ناقصه حضرتك فعلا .
فهد السيوفي :معقول اسيا خدت الجنان كله من جميله امال مين اللي كنت بقول عليها هتطلع لتاج امها لاحول ولا قوة الا بالله..
دخل ايوب وهو بيضر-ب رصا-صه ف الهوا علشان يسكتوا :بس ياغجر انتو فاكرين نفسكوا قاعدين ف السوق .
اسيا وهي بتشد سلا-حها وبتضر-ب اربع طلقا-ت ف الجو:لا أوعي تفتكر أن انت بس اللي بتعرف تضر-ب باالسلا-ح ده احنا الأساس يا دولي.
فهد :امال الدوله بتاعنا فينا قال إنه جاي معاك
ايوب :عيسي بيركن بره.
تيام:كويس أنه جه علشان يفضي المولد ده .
فجر وهي مستخبيها ورا الكنبه:خلصتوا ضر-ب نا-ر ولا لسه ياغجر .
اسيا وهي بتمشر كم التيشرت بتاعها :وحيات امك ماانا سيباكي النهارده غير لما اعرفك مين اللي غجر .
فهد نصار بملل :أنا طالع اغير هدومي دي لحد ماتخلصوا ضر-ب ف بعض .
طلع فهد يغير هدومه ..وفجر بتجري من اسيا اتجاه الباب .
اسيا وهي ماسكه سلا-حها:والله ماهسيبك يافجر الكلب .
خبطت فجر ف حضن فهد السيوفي فا مسكها ف حضنه قبل ماتقع.
بصلها فهد بحنان :انتي كويسه ياحبيتي ؟
فجر وهي بتخرج من حضنه بسرعه :حضرتك مين ؟
الكل سكت وهو بيبص لفهد بستغراب ..وفيروز واقفه ف اخر الريسبشن بدقق ف ملامحه اويي.
اسيا وهي بتنزل سلا-حها:انت مين ياعمهم ؟
بصلها فهد بابتسامة واسعه وعيونه بتلمع بدموع ..ف جت جميله من ورا وهي بتبصلهم كلهم بحنان .
تيام:مين حضرتكوا ؟!!
جه عيسي من ورا فهد وجميله وهو بيقول للكل :فهد السيوفي ابوكوا ... وجميله الدالي خالتكوا ...
