رواية كوميديا سوداء الفصل الثالث و الثلاثون بقلم ليل ادم
احمد : اي ده مالك وقفه وخده جمب ليه كده
مريم: أنا مش عارفه اشتغل الدنيا زحمه و مفيش اكسجين مفيش مساحه بيني وبين الناس وكل واحد عايز يدخل ملوش دعوه ب الدور وكل خمس دقائق احل مشكله
احمد : يالهوي علشان كده وخده جمب تعالي معايا تعالي
مريم : الاوضه زحمه جدا
احمد: تعالي بس ( وخد مريم جوه غرفه الكشف )
مس غاده: دكتور احمد الحالات بره أد كده هدخل حاله حاله بس أنجز معايا
احمد : مس غاده دي يا مريم القلب الابيض الشرف الامانه النزاهه حبيبتي حبيبتي حبيبتي
مريم : ازيك
مس غاده: الحمد لله ياختي أنا خارجه
احمد : (مال على مريم ) خلي بالك ولا عندها ذمه ولا ضمير ولا تعرف حاجه عن الشرف ولا حتى حبيبتي
مريم: ينهار اسود انت بتتكلم بجد
احمد : اه وربنا
باب الغرفه تفتح دخل المريض
المريض: دكتوره درسي مش عايز يطلع
احمد : انتي اسنان ولا اي
مريم : لا والله
احمد : الأوضه اللي جمبي ياحج
المريض: طب بص لساني كله فقفيق
احمد: فقفيق ازاي يعني ياحج وريني
المريض: بكلم الدكتورة انت مالك انت
احمد : ياعم هو أنت داخل بحيره الأسماك الباب اللي جمبي ياعم بره ياحجوج اللي بعده يا ميس غاده
المريض التاني: دكتور أنا من امبارح حاسس اني في ملاهي
احمد ؛ خير اللهم اجعله خير واي كمان
المريض: ودماغي عماله تلق كأنها بيضه
احمد : وكنت شايف نفسك قاعد في مكان واسع
المريض: هو أنا بحكيلك حلم يا دكتور
احمد : منا هقولك اي يعني اي من امبارح دماغك في الملاهي
المريض: أصل أنا كنت عند خطيبتي راح الواد اخوها وأنا قاعد باكل راح ضاربني على راسي بالمطرقه
احمد : ينهار اسود وريني كده دماغك
المريض: ما تيجي تشوفها منا نايم على السرير زاي ما بتقولنا أول ما بندخل هو أنا هفك راسي أديهالك يعني
احمد : لا ماشاء الله عليك مفيش واحد عنده نزيف يبقا دمه شربات كده اي ده يابني دماغك مشقوقه اتنين يخربيتك انت مخيطش راسك ليه
المريض: بخاف من الخيط
احمد : هغيرلك عليها وتمشي على العلاج ده وكل يومين تغير عليها من تاني
المريض: أغير بره بقا صح
احمد : مكان ما دماغك تجيبك اهم حاجه تغير على الجرح مع السلامه
مس غاده: اللي بعده يا دكتور
احمد : اه
المريض: لو سمحت يا دكتور أنا راجل متجوز وامبارح بليل كانت جايه معايا اعمل شقاوه من اللي هيا
احمد : بس بس بس ياعم سدي ودنك ياستي انتي كمان
مريم: اهو
المريض: جرا اي يا دكتور لا حياه في العلم
احمد : لا حياه في العلم اه والله الواحد فعلاً هيموت في مره بسبب العلم كمل وسيبك من العلم خالص يا عم غندي
المريض: روحت واخد وحده ايرك قولت أبقا حرك كده لقيتلك قلبي بيرقص من الفرحة وعمال يضرب دب دب دب كنت هموت وعهد الله
احمد : علشان مش اي حاجه تنفع اي حد كنت هتموت موته وسخه بسبب القزاره اللي في دماغك
المريض: يعني لما احب اعمل شقاوه اخد اي
احمد : تاخد الرقم ده تتصل بي
المريض: دا ديلر يعني
احمد : لا يا حلو دا رقم برنامج هبه قطب اتصل عليها هتقولك تعمل اي اللي بعده يا مس غاده
مس غاده: حاضر ادخل
المريض: مساء الخير
احمد : ما خلاص يا بنتي شيلي ايدك مساء الخير اتفضل
المريض: والله يا دكتور أنا امبارح جسمي كله فار عليا أكمن الجو حر قولت ل امي أدتني بتاع أبيض كده قالتلي ادهن جسمك هتروق
احمد : وروقت
المريض: منا عندك هنا اهو يعني مروقتش ولا حاجه
احمد : ايوه يعني انت لسه جسمك فاير عليك
المريض: بالظبط
احمد : طب يابني ما انت عايز تروح جلديه مش باطنه انت جاي هنا ليه
المريض: يعني مفيش عندك حل
احمد : لا والله
المريض: مع السلامه يا حبيب اخوك
احمد : حبيبي
مس غاده: فاضل حاله وحده بره
احمد : هاتي ما عندك
المريض: ازيك يا احسن دكتور في العالم
احمد : أهلا اسلام عامل اي
اسلام: الحمد لله كله تمام التمام انت اخبارك اي
احمد : الحمد لله والله و ايدك عامله اي
اسلام: تمام التمام يا دكتور والله
احمد : النهارده عندك استشاره ولا اي
اسلام: لا والله أنا لسه نازل من السفر كنت في اجازه مع الاسره وبتاع وجاي عشمان في اخويا
احمد : خير مالك محتاج حاجه
اسلام: لالا مستوره والله
احمد : خير طيب قولي
اسلام: فرح اختي النهارده وكنت عشمان فيك تيجي تنورني
احمد : بس كده عيني ياعم اجيلك والله
اسلام: ربنا يخليك يا دكتور احمد العشم برضوه هستناك النهارده
احمد : ولا يهمك جاي والله
اسلام: هبعتلك المكان حالا الوقتي
احمد : تمام ماشي وصل اهو
اسلام: اشوفك بليل بقا
احمد : أن شاء الله ربنا يتمم على خير يارب
اسلام: اللهم امين اسيبك تشوف شغلك بقا في رعايه الله
احمد : ربنا يخليك مع السلامه
مريم : اي ده انت واخد عليهم اوي هنا
احمد : لا دا الفرح ده جه في وقته أنا نفسياً معقد اليومين دول
باب الغرفه فتح
جميله: احمد دكتور خالد عايزك في غرفه العمليات
احمد : خير في اي
جميله: مفيش وقت امسك الملف ده وانت رايح في الطريق كده علشان توصل فاهم اي حاجه
مريم : اجي معاك طيب
جميله: لا انتي معايا الدكتور علي عايزنا في الغرفه اللي جمبها ياله
بعد وصول احمد الي غرفه العمليات
الدكتور خالد: أحمد عنده تشنجات من الدرجه الرابعه ونشاط القلب تماما بس نشاط الدماغ وقف
احمد: القلب ادا رده فعل والدماغ لأ
الدكتور خالد: بالظط
احمد : شفاط يا معتز
معتز : اهو
احمد : اشفط
الدكتور خالد: احمد الدم مش هيقف التشنجات خلت القلب يضخ دم بمعدل اكبر مهما تشفط مش هيقف
احمد : لا مش بشفط علشان كده أنا عايز اشوف حاجه تانيه
الدكتور خالد: شريان الجمجمة
احمد : بالظبط بس جسمه ساقع ازاي والعرق الزائد ده نتيجة عدم وصول الدم بصورة مباشرة على المخ اكيد الشريان في ضرر
معتز: اهو فعلاً في ضرر
احمد : كماشه يا معتز
الدكتور خالد: كماشه أنا كمان
احمد : دكتور خالد اكوي
الدكتور خالد: تمام جهز عمليه الترقيع يا معتز
معتز: القطعه جاهزه
احمد : حط الترقيع يا دكتور خالد هنا كده
الدكتور خالد: استنا الشفاط يا معتز
احمد : تمام ماشي خلينا نتأكد قبل الترقيع
معتز: تمام النزيف وقف
الدكتور خالد: قفل الترقيع يا دكتور احمد
احمد : امسك الكماشه يا معتز مكانه
معتز: سيب
الدكتور خالد: معتز خلي بالك اي غلطه هنفقد المريض
احمد : خلاص أصلا راقب يا معتز النشاط
الدكتور خالد: اختبار الأعصاب يا مس دينا
مس دينا : جاهز
احمد : اختبري نشاط الدماغ
معتز : الوضع مستقر
مس دينا : نشاط الدماغ في وعي بنسبه ٧٠ في المئه وفي تزايد في النسبه
احمد : خلاص كده كويس اوي النسبه هترجع كامله عبال ما يدخل الافاقه
الدكتور خالد: برافو عليكم يا ولاد قفل يا معتز الصدر
معتز : تحت امرك يا استاذ خالد
احمد : متقلقش يا استاذ خالد أنا معاه
الدكتور خالد: تمام تسلم ايدك (وخرج من الغرفه)
معتز: انت عارف اني اول مره ادخل معاك غرفه عمليات أنا مبسوط جدا اني شاركت حضرتك النهارده
احمد : أنا اللي ليا الشرف اني شاركت معاك والله
معتز : أنا مبهور بيك اوي وحابب شغلك جدا جدا
احمد : ربنا يخليك يا معتز بس كفاية بلاش تقفل الصدر للآخر لحد هنا اخرك
معتز : اه فعلاً علشان مجر التنفس أنا نسيت معلش
احمد : ولا يهمك تسلم ايدك
معتز: تسلم يا دكتور احمد
ومع حلول الليل كان احمد خارج من المستشفى ذاهب الي المنزل تذكر فرح اخت اسلام قال يروح يقعد شويه
اسلام: وكتاب الله الأرض اللي ماشي عليها فرحانه
احمد : اي ده هو الفرح في الشارع الله
اسلام: هيا اول مره يا دكتور ولا اي
احمد : اه أن أعرف أن الفرح في قاعه بس أنا مبسوط جدا المنظر حلو
اسلام: انت بقا تقعد هنا ومعاك زتونه علشان اي حاجه تحتاجها يجبها لحضرتك عبال ما افضي نفسي و اجي
احمد: ازيك يا زتونه
زتونه: ازيك يا دكتوره ( وبيبوس احمد من هنا ومن هنا )
احمد : اي ده يا زتونه دا بوقي ياعم انت بتبوس فين
زتونه : انت نورت يا دكتور هات مزه هنا ياض
احمد : تسلم كفايه أنا قاعد لوحدي ( أول ما فتح زتونه طبق الفاكهة وشميت ريحه النتانه عرفت اني هعيش أسوأ ايام حياتي الجو حر جدا واحد سايب الفرح كله وقف جمب خدي اليمين معاه سكينه طوله نازل رقص حاسس اني مش همشي سليم الحمد لله عدت النمره بتاعته لقيت طفل ماسك شمروخ ورا قفايه بالظبط عمال ينزل نار في قفايه وزتونه مصمم اني نورت الفرح عايز امشي بأي شكل عيل صغير دخل عليا خد طبق الفاكهه وخد كل حاجه على التربيزه قولت تبع الفرح لقيت زتونه جاي جري يضرب الواد ضرب مبرح سألته ليه كده يابني قالي عيل حرامي ابن كلب مستني اللحظه اللي زتونه يلف وشه علشان اخلع من هنا مش طايق نفسي وخايف اقوله أنا ماشي يبوسني في بوقي تاني اول ما زتونه لف وشه اتسحبت جري بره الفرح لقيته خدني من قفايه دخلني من تاني جوه الفرح وسألني رايح فين يا دكتور قولتله قايم ارقص قالي مش من هنا تعالي وخدني دخلني جوه دايره فيها ناس كتير عماله تسقف بقيت اصرخ ياجدعااااااااااان هو أنا قرد وقف وسطكم وكله عمال يقولي نفس الكلام ما ترقص يا دكتور وفجأة لقيت زتونه خدني من قفايه على التربيزه من تاني بس المرادي قرر يرفع ليفل الضيافه وفتح طبق الفاكهة وعمال يأكلني في بوقي اقوله كفايه ولا كأني بقوله متعشتش من امبارح واول ما حصل خناقه الحمد لله على اول الفرح وزتونه أتلخم قومت جري لسه بفتح العربية لقيت زتونه خدني من قفايه رايح فين يا دكتور قولتله ياعم ابوس ايدك سبني )
زتونه: مينفعش دا اسلام موصي عليك اوي عيب عيب
احمد : ياعم أنا مش تبع اسلام أصلا ولا تبع أخته أنا تبع العريس
زتونه: دا كده يا محلاها العريس يبقا ابن عمي دانا مش سايبك
احمد : اععععععععععععععععععععععععع
