رواية اغفري لي الفصل الثالث والثلاثون بقلم أوتار حزينة
حمزة
انداريت شفت اخوها يم الباب الوجه
مطعون وصاير دم طب بسرعه
وراح الها حظنها وكام
يبجي بصوت قوي
هاي اول مره اشوفه بعد السواه وشفته
صاير فد مره مو ذاك الشاب الي
شفته من اجه وراد زهره
«،،،،غاده اكعدي ولج والله اموت
اذا صارلج شي
نفس،الدكتوره طبت شافت الوضع حجت
بعصبيه
«،،هاي شنو وليش،،،،،،هيج ملتمين على
البنيه وهي هيج وضعها يله الكل تطلع
بس واحد يظل يمها
،،،اني امها
«،،،،،خاله انتي ظلي والبقيه كلها تطلع
ممرضه وياها طلعتنا بره ظلت بس،امها
يمها وره مشوار طلعت سالت
بخوف
«،،دكتوره ليش،،،،ماكعدت لحد هسه
«،،لا كعدت وان شاء الله عدت مرحله الخطر
«،،يالله
صحت وجسمي المشنج فگ اخوها
كعد وگض راسه ينحب بقوه
«،،اكدر اشوفها
«،،اي بس لا كلكم اطبون عليها خلوها ترتاح
لان هي اجت تعبانه كلش ووضعها
مو تمام
«،،شسوويت الها ولك
اخوها صاح وهد عليه گضني،من هدومي
مامديت ايدي علي خليت الها
خاطر
جعفر وابوه جره مني وصاح بي
«،،،شبيك اانت تخبلت شتريد تتعارك
ويا واختك هذا وضعها
الدكتوره صفنت علينا سالت
«،،،شنو السالفه بنتكم متاذيه من عنده
«،،،لا دكتورة حمزه مستحيل ياذيها
جعفر جاوبها عاينت عليه وكالت
«،،اكيد هالشي،،،،لان اذا ضاربها لازم
ابلغ الامن
«،،ياامن دكتوره والله مو ضاربها ولا ماد
ايده عليها
عمي حجه اني كملت
«،،دكتورة حرمتي مو كعدت روحي اساليها
اذا انه طاگها وماذيها جيبي الامن
وخليهم ياخذوني
طبت لجوه هي والممرضه عمي حجه بضوجه
«،،حمزه ماسوالها شي صح هو بده
غلط وياها بس صحح كلشي وتره اخبارها
جاي توصلكم اول باول
سكت وكمل يعاين لاخوها
«،،يعني اختك عايشه يمه بعز ودلال
وماله داعي تسوي هيج وهي بهل الحاله
«،،،لعد شبيها تعبانه وليش،هيج حالتها
سكتنا ماكدرنا نحجي،جلمه ابوها حجه
«،،حجي شصاير لبنتي
«،،بعدين ابو معاذ لا الوكت مناسب للحجي
ولا المكان بس اكلك شي حمزه
مو مأذيها ولا راح
يأذيها بيوم
الدكتوره طلعت هي والوياها عاينت
على ابوها وكالت
«،،،عمو الولد مو ضاربها هي كالت
اني وضعي من زمان مو تمام والحمل جان
متعبها كلش
سألت
«،،هي شلونها هسه
«،،،الوعي رجع والحمد لله بس مااريد
مشاكل يمها خلو وضعها يستقر لان من
سالتها زوجج ضاربج خافت
وكامت تبجي ورادت
تشوفه
بس سمعت هيج حجت طبيت بسرعه
عليها مادرت بال لامها
ولا لعمتي
بس العيون التقت اخذتها لحظني
ولميتها بي بهداوه وخرت منها اعاين الها
بلهفه قبل لا احجي
كالت بتعب
«،،انت مابيك شي
«،،،لا بويه مابي شي
«،،ابني وينه هو زين مو
«،اي زين لايظل بالج
«،،اكيد حمزه
«،،اي غاده
«،،،وينه اريد اشوفه
«،،،هسه اجيبه الج
رفعت روحي منها انتبهت امها صافنه
علينا عمه كالت
«،،،ابقى يمها انه راح اجيبه الها
«،،تمام
طلعت ابوها طب وراه اخوها
اجوي عليها ردت اطلع گضت ايدي صفنت
عليها دموعها نزلت وغمضت
ابوها حظنها وكام
يبجي كال
،،،سامحيني بنتي والله مو ازوجتي ولحد
هاي اللحظه اني مو مرتاح
ماردت سحب روحه منها اخوها
تقدم من عاينت علي ذب روحه عليها
وحظنها لصدره وكام يبجي
بصوت قوي
كامت تشهك ويا وخر وباسها من راسها
وكال
«،سامحيني غاده والله مو عايش اني
وجاي اموت باليوم الف مره
ايدها كامت ترجف بايدي وصوت
بجيها زرف گلبي ماكدرت احجي شي،لان شفت
نفسي مثلهم هم طلبت السماح
وكلت الها اغفري
لي الف مره
حجت بصوت مخنوك
«،،سامحتك معاذ انت وبابا
امها انهارت يمها تبجي وابوها هم
واخوها غده فده مره باسها من راسها
اكثر من مره وسالها
«،،،من گل گلبج غاده
«،،اي معاذ
عمه اجت وياها علي وشفت ابني مابي
الي جنت خايفه منه خلته بحظنها لمته بهداوه تبجي وتعاين علي وعليه
سالتني
«،،،مابي شي مو
«،،لا مابي شي الدكتور فحصه وكال
وضعه زين بس خلوه بالخدج كم يوم
«،،،مو جبته بالثامن
،،،لا بنهايته وان شاء الله يايمه تعدي
هالايام على خير
عمه جاوبت والكل كال
«،،امين يارب
جان لازم نرجعه بسرعه للجهاز
عمتي اخذته منها اشوفها ماتريد تعوفه
وانقهرت كلش جابته اليه
وكالت
«،،،اذن باذنه يمه وادعي من ربك وانخي
ابو طلبه يخلي الكم
اخذته منها بس صار بحظني حسيت
بشعور الاب وخوف صار
بگلبي علي
اذنت بصوت مخنوك ودعيت ربي ماياخذه
مني ونخيت شكو ولي صالح
نرجع للبيت وهو ويانا
اخذته مني وودعته امانه يم ربي
بنفس اليوم بليل ابوها سال عمي
مهدي
حجي احجيلي الصاير خلي افتهم
بنتي شبيها
«،،،مشكله صارت بين حمزه وابن عمه وو
«،،،من رخصتك عم
قاطعته وكملت
«،،،خلي نطلع بره نحجي
اشرت الهم طلعت انه وابوها واخوها
وعمي مهدي وجعفر للحديقه وكفت
وكلت
«،،،،انه مو من طبعي اجذب
وماراح اضم اي شي عنكم لان انتو
اهلها وهي بنتكم والصار لازم
تعرفون بي من عندي
انه
«،،،،،احجي خلي تفتهم شصاير
اخوها سال حجيتلهم السواه ابن عمي
غده نار وصاح
«،،وهذااا شلون يتحارش بااختي وانت
ووين جنت من هددها بالفديو
««،ماگالت اليه لچن انه حسيت اكو شي
صاير بيها وعرفته من كعدو
جدي وعمي حتى
ياخذولها حگها منه وجتلته جتله موت
ورفع سلاحه عليه وصار الصار
ابوها صفن عليه هو وابنه كال
«،،،بعد شصاير بيها يمك احجي كول
بس هاي المصيبه لا ضامين علينا بعد
مصايب
سكت وكمل بوجه مطعون
«،،واني ليش احجي واني السبب بالكاعد
يصير بيها
«،،معاذ
كلت اسمه باوع عليه كملت
««،انت والكل يعرفون اني شلون اخذت
اختك ومن اخذتها جنت حاقد
عليكم كلكم وردت انتقم
منها بيك
وجهه انطعن بعد اكثر كملت
««،،لچن كلشي تغير عندي من رجعلي
عگلي خفت ربي بيها وكلت هي شنهي ذنبها
بالصار وانت وابوك وكلكم تدرون
اني تغيرت وياها ودللتها
دلال مو صاير
«،،اي بس اهلك ماعافوها واذوها وشفت
ابن عمك شسوه
ابوه حجه جاوبته بروده عكس النار
الي مشتعله بيه
«««،ابن عمي انه اعرف شغلي ويا وحگ غاده
انه اخذه من عيونه وهسه تجيكم
اخباره
سكت بعدين كال
«،،اريد بنتي تجي ويانا الما تفض هالسالفه
على خير ترجع الك
«،،،غاده ماتروح لاي مچان
جاوبت ابوها وكملت
«،،،،،حرمتي ترجع وياي لبيتها والي خايفين
منه ماراح يصير
معاذ حجه
«،،،تره اختي تعبانه كلش وخايفين عليها
لايصير بيها شي من وره الخوف
والقلق
سكتت ابوها كمل
«،،،،ابني خلي ناخذها يمنا كم يوم الما تفض
سالفتكم على خير وتعال اخذها
عمي اشر اليه ماكدرت احجي شي
اريد اگولن اي اخذوها ماتطلع من حلگي
الچلمه جن عدالك يريدون يجروها
من گلبي
«،،،اني رايح اكول الها تجي ويانا
معاذ حجه ومشى من يمنا ابوه لحك
عمي كال بغضب
«،،،سود الله وجهك ياعباس اكثر ماهو اسود
فضحتنا يالعار جدام الاوادم
ونزلت راسنا بالوحل
جعفر حجه
«،،حمزة ليش حجيت الهم الصار
ذبيت حسره وجاوبت
«،،هي تظل بنتهم رغم الصار ومو حلوه بحگنا
نضم هيج شي جبير عنهم لان لو
عرفو من غيرنا راح يحگونا
بهل الشي جدام
الكل احنا حگيناهم بنتنا ويكدرون
يسون هالشي بينا
«،،اي صح كلام حمزه
عمي جاوبه وكمل
«،،،كلام ابن عمك صح لان اذا عرفو من غيرنا
راح نظل بصخام الوجه جدامهم
وجدام الكل
،،،اي ردتهم يعرفون حتى بعدين ماتصيرلهم
حجه عليه وبنفس الوگت اشوفهم
انه راح اخذلها حگها من العال
عليها حتى لو جان
ابن عم
حجيت هيج مشيت ورحت عليها وصلت
غرفتها الباب مفتوح شويه
سمعتها تبجي
وتردد
،،،بابا مااريد اروح يمكم
««،،ولج بنتي بس كم يوم الما تفض هاي
السالفه على خير
«،،،غاده احنا خايفين عليج انتي ماجاي
تشوفين وضعج شلون صاير
«،،كلشي مابيه ومااكدر اعوف حمزه
اخاف علي لايصير بي
شي
جاوبت امها حجت
«،،،بنتي بس كم يوم ولج والله خايفه
عليج لايصير بيج شي
«،،،ماراح يصير هو راح يحميني لان يخاف
عليك كلش
طبيت شافتني حجت بشهكه
«،،،حمزه مااريد اروح يم اهلي اخذني للبيت
العيون صارت عليه يريدوني احجي
واكول روحي يمهم وكفت
يمها كلت
«،،،الي تريدي اسوي الج بس،اهدأي
«،،،،،يابه بس خليها يمنا كم يوم
ابوها حجه بتوسل
«،،،،مااريد اجي وياكم اني مكاني يم حمزه
الكل صفن عليها من نترت گضت ايدي
وكالت بدموع
««،،اني مو مكاني يمك
«،،،اي بويه مجانج يمي بس كافي تبجين
«،،،غاده انتي بعدج زعلانه علينا
اخوها حجه بصوت مخنوك عمه حجت
«،،لا يمه هي گلبها طيب ورضت وياك
وهي تعرف راحتها بيتها ويم
حمزه
اعاين الها منزله راسها ودمعتها تطيح
على خدها اعرف البيها صح رضت وياهم
لچن ماتكدر تروح يمهم من وجع السواه بيها
وهم من ورايه لان جانت خايفه
عليه
«،،،،هاهيه براحتج غاده بس خلي بالج
اني تخليت عنج مرة ومستحيل اتخلى عنج
مره اللخ
اخوها حجه بصوت مخنوك وكمل
«،،راح اوكف بره
امها لحكته ابوه هم عيوني عليها
صفنت عليهم نزلت راسها
تبجي
غاده
ماما رادت تاخذني يمها هي وبابا ومعاذ
ماقبلت لان جنت خايفه على حمزه وهم
اعرف بروحي راح اختنگ هناك
وماارتاح
جنت،،،، خايفه منه لا من
نرجع يسوي شي بعباس
اعرفه هو هسه كاعد على نار ويريد
بس يروح علي ويذبحه بس
من ورة وضعي ماكدر
يسوي هالشي
بليل كعد يمي جنا وحدنا ماما
راحت وي عمه للصحيات كلت
«،،،،حمزه عوف عباس
صفن عليه بعيون صايرات دم رد
«،،،عوفي هالحجي هسه
مديت ايدي اله لزمها كلت
بتوسل
«،،،لخاطري عوفه والله اموت اذا
صارلك شي
«،،،غاده ارتاحي ولا تفكرين بهل الگواد
«،،شلون ارتاح واني اعرف انت ماراح
تعوفه وانت شفته راد يگتلك
سكت كملت
«،،،،هذا حاقد عليك لان كسرت ايده من ورايه ويجوز يسويها مره
اللخ
«،،،بويه ارتاحي وضعج مو مال حجي
«،،،،ماراح ارتاح حمزه الا ادكلي
راح تعوفه
صار نار ورد بغضب
«،،،،ولج المن اعوفن هذا خال عيونه عليج
وشافج تركصين وهددج يفضحج
لو حجيتي ولج ااخ
عض ايده وكام يكزكز من غضبه
كمل
«،،،ولج بالعباس لو بس عايفيني علي
الا اليوم يصير الثاني من جنازته
دموعي نزلت وكمت اشهك جاوبته
«،،،اي وانت تروح للسجن واخسرك
اني وابني من ورة واحد عار وبلا شرف
كام من يمي احسه يرجف من غضبه
يريد يحجي مايكدر كام يمسح
بوجهه ويردد
«،،،،مااريدن احجي مااريدن الومج
كافي الصار بيج
««،،ماجنت اعرف هذني صورني وهو
اخذه منهن
«،،،كتلج غاده لاااترگصين لااا
سكت من سمع شهكتي كمل
««،اسكتي لاتبجين الصوج مو منج
من العارات الي عندي لا زلم بيهم خير
ولا نسوان من خرب بيهم
ونعل صفحه اهله
الي مايتبرى
منهم
ماكدرت اسكت اجه ليمي كعد
وكمل
«،،،،كافي تره تعبت من هبطتج وماظل
بيه اي حيل
«،،،خايفه عليك حمزه اني ماعندي
غيرك لو ميت ااا
سكتت من غصت جاوبت
«،،،ولج عقلج وين جان من اجيتي
وحظنتيني
«،،،ماظل عقل براسي من شفته وجه
سلاحه عليك عبالك واحد دفعني ومااشوف
روحي غير حاظنتك
حمزه
صفنت عليها اذكر شلون حظنتني
ورادت تفديني بروحها كلت
«،،،ولج ردت حرمه تحبني والله انطاني
وحده مو بس تحبني لا حبت
روحي قبل روحها
عمه طبت وكالت
«،،،رحنا شفنا علي وهم الدكتور الخفر طمنا علي
وكال وضعه كلش زين
«،،،الحمد لله والشكر امها اجت ليمها كمت
اريد اطلع كالت بخوف
«،،،حمزة لاتعوفني
«،،،مو عايفج بويه راح اكعد بره
«،،،اكيد
«،،،اي
«،،،بروح ابوك لاتروح علي
«،،،مو رايح غاده وارتاحي
طلعت من يمها عمه جعفر
اجه ويا رانيه جايبين عشه وجم شغله
وياهم حبوبه رغم ماتكدر اجت
وجانت صايره فد مره
كالت واثر البجي
بوجهها
ها يمه شلون غاده وعلي
بخير يمه لايظل بالج
باستني وكالت
گرة عينك بيهم يمه ويوما تاخذه للبيت
وتفرح بي وبيها
امين يمه امين
تعالي جده لجوه
رانيه اخذتها للغرفه سالت بغضب
هذا وينه
عمي چتله هو وقاسم وشارد من البيت
ومحد يعرف بي وين ولى
لميت ايدي بقوه وكلت جاز على
سنوني
اگضه واعلمه شلون يخلي عيونه
على حرمتي ويسحب سلاحه
عليه
خلي يولي حمزه هذا عار ويجي يوم
ويطيح طيحه مااايگوم منها
نترت بي بغضب
عار انه حتى اعوفه
گواد انه جعفر
حتى اعوف
هاي السالفه وهي مست
عرضي
لا حشاك اخويه ومااعرف شأحجي
عال والعيله سوده بلون وجهه
والسالفه مااعرفها
شلون راح تفض
ماراح تفض هذا بينت نيته من سحب
سلاحه عليه لو جاتل حرمتي
وحگ هو الله مايكفيني
دمه لا احرگ بيت عمك
ومااخلي بيهم نفر
طيب
ماحجه شي رددت
هينه عبيس اگضك وين تروح يجي
يوم وتطيح بأيدي
معاذ
رجعنا للبيت طبيت مهموم ومقهور وصاير نار
من السمعته بالصاله شفت زهره وخواتي
كاعدات كامن من شافني اني
وابويه هي سالت
«،،،ها شلون وضع غاده
جاوبت بغضب
«،،،ولج من خرب بيج وبالساعه السوده
الي اخذتج بيها وانطيت اختي
لذوله اهلج العارات
«،،،معااااذ شنو هالحجي
ابويه صاح بيه هي كامت تبجي
وكالت
«،،،ليش،هالحجي معاذ
«،،،تسأليني ليش،احجي هيج وابن عمج
العار متحارش باختي ومهددها
بفديو
فكت عيونها وكالت
«،،،،منو حمزة
«،،،لاااا
صحت بيها وكملت
«،،،الگواد الي جان رايدج
«،،،،عباس
«،،،اي وااخ مني ومن السويته ولج ااني
ذبيت اختي لذيابه وكل الكاعد
يصير بيها هو انتقام مني
ااني
ضربت على صدري بقوه ابويه
لزمني وصاح بيه
«،،كافي ولك تصيح شتريد هم ننفضح
بالمنطقه والعالم بصعوبه نست
ذيج السالفه
«،،،منو گلك نسوه
جاوبته وكملت باعصاب
«،،واذا نسوه اني ماانسيت السويته
بيها
«،،،حمزة صار زين وياها مو انت تعرف
بهل الشي مو سمعت من عمه ومني هو
كام يحبها ودللها دلال مو صاير
ومايقبل احد يحجي
وياها
«،،ااي واضح من سالفه هذا العار ابن
عمج
«،،،انت كتلها عار وحمزه ماراح يسكت اله
وراح تشوف شراح يسوي بي
جاوبتني صحت بيها من تقدمت
عليها
«،،،روحي من وجهي مااريد اشوفج
ولا اسمع صوتج
«،،،اني شعليه معاذ تره والله جاي تظلمني
هوايه وكمت مااتحمل الكاعد
تحجي والي تسوي
بيه بالغرفه
«،،كافي بنتي وروحي لفوك
«،،،عمو والله تعبت اني هم مقهوره من السويته
وكرهت روحي لان ظلمتها هي وحمزه
لا عبالكم اني مرتاحه يمكم
لا والله مو مرتاحه
لان قهرتها وقهرت انسان جان اليه
اخ جبير وسند وامان
حجت هي وشهكت بالبجي رددت
تباوع عليه
«،،اعرف اني خسرت حبك وخسرت حب
حمزه وكل واحد يحبني من اهلي وذنبي
هذا لان حبيتك وسمعت كلامك
من كلتي تعالي عليه
«،،وساعه السوده من اجيتي لو ميت
بذاك اليوم ولا كايلج تعالي
صاحت بيه
«،،،وساعه السوده من سمعت كلاامك
وخسرت اااهلي
فقدت اعصابي وتقدمت عليها بسرعه
وضربتها راجدي
ابويه دفعني منها هي صفنت عليه مذهوله
بعدين مشت من يمنا وصعدت لفوك
«،،،،شلووون وياااك انت فهمني ماراح
ارتاح من مشاكلك مو كافي عاااد صياح
ومشاكل وياها النوب تضربها
كدامي
ابويه انهد بيه صبا صعدت وراها طلعت
من بيتنا اسمع ابويه يحجي
عليه ويرزل
جنات
خلصت اجازتي وشلت هم لان
جنت خجلانه من الامن ومن استاذ ارشد لان تخربطت كدامهم وهو شالني وركض
بيا للطوارئ بس من دوامت جان الوضع
طبيعي ماحجو شي بس عمو جمعه تحمد اليه
بالسلامه شكرته وطلبت
جاي
جنت ماخده وياي فطائر سويتهن بيتي
كعدت اشتغل واكل وحده
رفعت راسي من الحاسبه شفت
استاذ ارشد واكف
يم الباب كمت
بسرعه كال
«،،،،صباح الخير
نزلت راسي من حسيت بالخجل
وجاوبته
«،،،صباح النور استاذ
طب وسال
«،،شلون وضعج اليوم
««،،الحمد لله احسن
سكت واني هم بس حسيت ماشال
عيونه مني رفعت راسي
وصدك جان صافن
دار وجهه
وكال
«،،،لاتعبين روحج بالشغل واذا شفتي
نفسج تعبانه بلغي ست اسماء واطلعي
«،،،لا مابي شي وضعي احسن من قبل
وو
سكتت والخجل زاد باوع عليه
نزلت راسي كملت
«،،اشكرك لان يعني انت
ارتبكت هو كمل
««،«انطيني وحده من هاي الفطائر
واعتبري روحج شكرتني
باوعت اله مبتسم ويباوع للحافظه
شلتها وفتحت الغطه كلت
«،،،تفضل استاذ
اخذ وحده وكال
«،،،من شكلها مبينه طيبه
«،،،اخذ اللخ هن هوايه
«،،ماراح اكول لا
اخذ اللخ شكرني ومشى،من يمي
كعدت وصفنت اسال روحي هو ليش
مهتم بيه هيج يعني جانت علاقتنا مو شي
وكله نتر واومر
سكتت كلت
«،،،يجوز لان شافني كمت اتخربط تغير وياي
وهم سمع قصتي اني وكريم
كلت اسمه وغصيت رددت بقهر
وعيون مغوركه
«،،شسويت بيه يلي جنت اشوفك كلشي
حلو بحياتي دمرتني وخليتني اندم على اليوم
الي قبلت بيك تصير اليه رجال
اسماء طبت فرحت من شافتني واجت
باستني وكالت
«،،ها شلونج اليوم
«،،،الحمد لله احسن
«،،،يستاهل الحمد
شافت الفطائر كالت مبتسمه
«،،،،هاي انتي سويتهن مو
«،،،اي تعالي تريكي وياي توني بديت
«،،،اي هسه
ليلى
اهلي عرفو سبب زعلي من قائد هو طلبه
مني اعوف الدوام واني ماقبلت
ماما وبابا كالو
«،،،من خوفه عليج طلب هالشي لان انتي
وضعج مو تمام
جنت ابرر مااكدر اعوف الدوام لان حلمي
جان اصير صيدلانيه وصح هالشي
بس حلمي بي جان
اكبر واغلى
وهو فجعني بشي خله الدمعه ترجع بعيوني
جنت بالمطبخ اساعد
ماما بالعشه بابا يمنا كال
«،،،قائد صاير يتاخر بالرجعه
«،،،كال عنده شغل
«،،،والله جاي يتعب ومن يرجع اشوفه
صاير فد مرة
ماما حجت بابا سأل
«،،بعدج زعلانه علي لان طلب منج تعوفين
دوامج
«،،اي بعدها
هي جاوبته رد
«،،،بنتي ليش هالزعل تره هو خايف عليج واني هم والله جاي اشوف وضعج مو تمام وكلت
لامج خلي تاخذ اجازه
بدون راتب وتكعد
بالبيت وترتاح
«،،،،مااكدر بابا اضوج من كعده البيت
جاوبته كال
«،،،فكري بوضعج بنتي تره ضعفتي كلش
بهل الشهر وحتى اكل ماجاي
تاكلين مثل الاول
ماما كملت
««،اي والله ووتاكل شويه وتروح تذبه
من معدتها
هو طب سلم
««،،هلا قائد
ماحجيت شي خليت البتيته بالطاوه
«،،ها اليوم جاي من وكت
«،،،خلصت شغل
جاوب بابا وكعد يمه ماما سالت
«،،،شبيك عبالك ماتكدر
«،،،،راسي يوجعني كلش
«،،،يا خاف ضغطك هم صعد
گلبي هبط وخفت علي رد
«،،،،لا خاله هذا تعب
«،،،،كوم اسبح هسه يروح التعب وانزل
تعشه
«،،مااشتهي شي اكلو انتو بالعافيه
حجه هيج وكام
«،،،اترخص
طلع من يمنا بابا حجه
«،،،ليلى روحي وراه
«،،،خلي اكمل العشه
«،،،بنتي روحي وره رجلج
«،،عوفي اني اكمل
ماما حجت واجت ليمي غسلت
وصعدت لفوك باوعت مو بالغرفه الثانيه
مشيت لغرفتي يم الكنتور
اخذ هدوم وطلع
من يمي
بدون مايحجي كلمه
رحت كعدت على الجربايه دمعتي
نزلت اذكر شلون جان من يجي اركض لحظنه
جهازي دك طلعته من جيبي مريم
اخت غاده فتحت الخط
جاوبت وعرفت منها
غاده ولدت
صحت بخوف
«،،،شلون وهي ماطبت شهرها وشصاير مريم
حتى تولد بنهايه الثامن
«،،،صايره مشكله بين رجلها وابن عمه وهي
خايفه وصارت عدها ولاده
«،،،صدك تحجين وهاي شوكت جابت
«،،،بارحه الظهر
«،،،هي هسه شلونها ابنها شلونه
«،،،،ابنها زين والحمد لله بس وضعها مو مستقر
لان نزفت هوايه وخلو الها بطلين
دم
«،،هاي شصاير بيها وهي هسه وينها بيا
مستشفى
كالت اليه اسم المستشفى
«،،هسه راح اروح عليها بعد ماعندي
صبر
«،،،تمام سلملي على عمو وخاله
«،،،،يوصل
سديت الخط وتوترت من وراها طلعت
اريد اگله لبابا يوديني عليها
قائد طلع شافني
سأل
«،،،هاي شبيج
كمت ابجي ونسيت زعلي منه كلت
«،،،غاده جابت
«،،شنو هاي شوكت
«،،بارحه
اجه ليمي من شافني خايفه كال
««،شبيج يابه خايفه هي بيها شي ابنها
«،،،ماادري مريم كالت نزفت هوايه ووضعها مو مستقر اني اريد اروح اشوفها
«،،،اي امشي روحي بدلي حتى اخذج
«،،بس اكول لماما تجي،ويانا
«،،اني اروح عليها لاتنزلين وانتي هيج
حالتج
نزل لجوة واني رحت بدلت على
السريع شلت جنطتي هو
طب ذب تراكه لبس
دشادشه وكال
«،،،امشي
نزل كدامي واني وراه ماما لابسه
عبايه اسلاميه وواكفه بالصاله بابا يمها
كالت
«،،،خابرت خالتج سوسن ماجاوب
«،،،هسه ملتهيه بيها
بابا جاوب قائد كال
«،،يله يابه امشن
طلعنا ويا ماما كعدت يمه دموعي
نزلت اردد
«،،،شلون جابت وهي بنهايه الثامن
«،،خاف صاير شي
ماما جاوبت كلت
«،،،مااعرف مريم كالت صايره مشكله بين
حمزة وابن عمه وهي خايفه
وصايره عدها ولاده
«،،،ياساتر استر شنو هالمشكله الي خلتها
هيج تصير
«،،،ماادري ماما خلي اوصل واشوفها والله گلبي
صار نار عليها
«،،اهدأي ان شاء الله مابيها شي
قائد جااوبني سكتت امسح بدموعي
طول الطريق اشوفه يباوع
عليه وصلنا
نزلت امشي بسرعه هو نزل وصاح
«،،،على كيفج راح تگعين
ثكلت الما اجه هو وماما مشيت
يمها سال
«،،هي بيا ردهه
«،،،خلي اخابر مريم اشوفها وين
خابرت اختها دلتني جانت بغرفه خاصه
سالنا ودولنا عليها من بعيد
شفت حمزه واكف
بره ويمه جعفر
قائد راح ليمهم قبلنا من شافو
اجوي علي سلم بالايد
وكال
«،،الحمد على سلامه الاخت
«،،الله يسلمك
سلمت وطبيت بسرعه عليها
خاله يمها وعمه حمزه شفتها صايره
فد مره الوجه اصفر ومبين عليها تعبانه كلش
حظنتها كلت
«،،،الحمد لله على سلامتج حبي
«،،الله يسلمج
وخرت وكلت
و«،،،لج والله ماعرفت الا هسه
ماما بوست خاله وهم تحمدت بالسلامه
اجت باست غاده وكالت
«،،شلونج هسه ماما وشلون ابنج
«،،،،اني زينه بس خايفه على ابني
كامت تبجي كلت
«،،،،اش لاتبجين هو اجه بنهايه الثامن
يعني ماعلي شي وانتي هم ضاربه ابر تنشيط
الرئه وهالشي زين اله
«،،،اي هم كالو هالشي بس اني خايفه
علي لا يصير بي شي
«،،،يمه لاتفاولين بالشر والله اكثر من دكتور
كالو مابي شي يومين او اسبوع بالاكثر ويطلع
«،،،اي انتي مو تعرفين هالشي
جاوبت هي كالت
«،،عمه اريد اشوفه والله گلبي نار علي
«،،مدري يمه يخلوني اجيبه الج
مره ثانيه
«،،،،اني اروح اشوفه
«،،،ولج ماما اكعدي واستري علينا احنا ماصدكنا
نزفج وكف وشويه استقرت حالتج
«،،،شلون يعني لا جيبو اليه ولا تاخذوني
علي
كامت تبجي بشهكه كلت
«،،،راح اجيب كرسي متحرك واخذج
اله
«،،اي ليلى
جاوبتني بفرح كمت طلعت قائد شافني
اجه كلت
«،،،اريد كرسي متحرك
حمزه سال
«،،،خير بويه ليش تريدين كرسي متحرك
«««غاده تريد تشوف علي وكاعد تبجي
علي
ذب حسره كلت
«،،خلي نوديها علي حتى تشوفه وترتاح
«««هسه اشوف واحد
جعفر حجه وراح رجعت
لجوه حجيت
«،،،راح يجيبون كرسي ونوديج علي
«،،،،اي
وره مشوار حمزه طب بالكرسي قرب
منها ساعدها وكعدها
على الكرسي
دفعها للردهه الخدج ماما وياي
وعمته وامها ظلن بالغرفه قائد يمي يمشي
وصلنا ممرضه اخذتني اني
وياها وماما ليمه
حمزه وكف
يم الباب هو وقائد يباوعون علينا
«،،،،اوي فدوه شوفي شلون
يخبل

حجيت وعيوني دمعت هي كالت
«،،،اريد الزم ايده
««،،اي
الممرضه جاوبت وفتحت الباب الصغير
غاده لزمته كلت
«،،،ماتكدرين اطلعي شويه
«،،اي بس شويه مو هوايه لان تعرفون وضعه
حجت هيج وطلعته اخذته منها
صافنه علي واتخيل ابني بحظني عيوني
راحت لقائد هم صافن عليه
وجهه صاير دم
بسته وخليته بحظن غاده حظنته
تبوس بي حمزه اجه
وكف يمها كال
«،،لاتبجين بويه علي باذن الله راح
يطلع وينور بيتنا
«،،،يارب حمزه مايصير بي شي
«،،،يله عيني جيبي خلي ارجعه
باسته وشمته بنفس طويل روحي
انمردت عليها لان شفتها شلون خايفه علي
رجعت للحاظنه كالت
«،،،ليلى اخذيله صور
«،،،اي
اخذتله كم صوره وراها طلعنا ورجعنا
للغرفه مالتها كعدت يمها اشوف
ممات يمها سالت
«««راح ترضعي صناعي
«««لا من صدري اخلي بالممه وياخذوه
اله يرضعوه
«،،،احسن خلي يولي الصناعي
«،،ليلى شدكولين علي زين مو
««،اي الحمد لله وضعه كلش،تمام
«،،ماما لاتظلين خايفه والله رضع والدكتور
كال وضعه كلش زين مادام
رضع
«،،اكيد ماما
«،،،اي والله
جاوبتها وكملت
«،،بس انتي ارتاحي وريحي روحج
هالخوف مو زين عليج انتي نازفه هوايه
وخايفه عليج لايصير بيج
شي من وره هالخوف
«،،،خلي بس يطلع من الخدج واني اصير
زينه
كلت
««،ان شاء الله يطلع وهو بصحه وعافيه
وتاخذو لبيتكم وتفرحون بي
ماما حجت عمته كالت
«،،امين يارب
سالت
«««الدكتوره شافتج
اي وكالت ابقى هالليله وباجر اطلعي
بس ماراح اطلع الا وهو وياي
لان يرضع مني وهم مااريد
اعوفه
«،،اي صدك خليج يمه واطلعو سوه
وره مشوار جهاز ماما دك جاوبت
«««ها قائد اي تاخر الوقت هسه جايين
تمام
سدت الخط وكالت
«،،«مابيها غير العافيه ومبروك ماجاكم
«،،،الله يسلمج ام ليلى ويوما ادكوم
بالسلامه وتفرحين بضناها
عمته جاوبت سالت غاده
«،«جهازج وين
«،،،بالبيت اتصلتي علي
«،،،، اي خلي حمزه يجيبه الج حتى
اخابرج
«««،اي هسه اخلي رانيه اجيبه باجر
««««تمام اروح حبي
رجعت بستها مره اللخ سلمنا وطلعنا
مشيت وي ماما وهو يمي
صعدنا وحرك
«،،،شفتي ابنها صلاوت يخبل وطالع
ابيض عليها والشعر اسود
«،،اي متت علي ماما هي شلون
«،،اي والله قهرتني كلش بس،تبجي علي
قائد حجه
«،،حقها خاله الضنا غالي
«،،،اي والله ماكو اغلى من الضنا
ذبت حسره وكملت وياي
«،،،من نرجع تعشي وكلشي لاتسوين روحي
ارتاحي تره التعب مو زين
عليج وانتي بالشهور
الاولى
«،،،اي
جاوبت شفته صفن عليه بالمرايه
درت وجهي وباوعت على الجامه عيوني
مغوركه ومخنوكه ومقهوره من زعلي
اني ويا
من زمان اني ويا هيج من ننتعارك ونزعل
اكوم اموت وانتظره بلهفه يجي
ويرضيني بس هسه
مااريد هالشي
ردته يعوفني بلكي اكدر انسى السمعته
منه
وصلنا وتعشينا هو ويانا بس اكل شي
قليل وهو ساكت انسحب من
يمنا وهم النظرات
ظلت علينا بس
محد حجه
شي
صعدت لفوك وكفت يم باب الغرفه
من شفته فارش بالگاع يمي ونايم
كلت
«،،،قائد روح نام بغرفتك
«،،طبي وسدي الباب ماراح اجي يمج
ولا احجي كلمه
«،،ماراح ارتاح وانت يمي
«،«واني هم مو مرتاح وانتي مو يمي
دمعتي نزلت كلت
«،،اني راح اروح من يمك
مشيت فز واجه عليه لزمني من زندي
بهداوه وجرني علي سد الباب
كال
«،،مو كافي ليلى
سحبت ايدي منه ورحت كعدت على الجربايه
فرك وجهه بقوه وكال
«،،مااريد احجي شي اريد انام بلكي
مااكعد
طفى الضوه وراح تمدد بمكانه دموعي نزلت
وگلبي وجعني لان دعى على روحه
تمددت بمكاني وماحجيت شي
مااعرف لان هو يمي كدرت
تغفى عيوني لو من
التعب
نمت نومه ثكيله كعدت الصبح هو ماكو
شايل الفراش ومصفطه يم
الزوايه
يمامه
ظلينا كم يوم نتاخر بيت الحجيه من وره
وضعها ومن ورة الخطار الي كامو
يجون
وجانو هوايه والحجي بي طبع يعزم بالناس
على العشه ومايقبل يطلعون الا
يتعشون
كمنا نتاخر على ياسين وخطيه تبهذل لان
يلبس،حفظات ولازم نرجع من
وكت حتى خاله تنظفه
وره كم يوم بليل صخن وصار فد مرة للصبح
هو مايكدر خاله كالت
«،،«شلون يمه ياسين مايكدر والحجيه هم
هذا وضعها ولازم نروح عليها
«،،،خابري عمو وكولي اله
«،،هو هم هيج
خابرته وحجت
«،،،شلونك ابو منير دومك بخير
اي والله اعرف تاخرنا عليكم اليوم بس
والله ياسين فد مره صاير واليوم
مااكدر اجي
سكتت بعدين جاوبت
«،،لا لادز مهيب هو صارله فتره هيج
يصير وعندي دوه اله من اخذنا اني ويا
للدكتور بذيج المره الله يسلمك
ويعافيلك الحجي
«،،ها ادز حنين
باوعت عليه اشرت بايدي لااا سكتت
بعدين كالت
«،،مو هي يعني الا وياي يله تجي ها
يعني محتاجيها كلش اي اعرف والله
خلي اشوفها واسالها انت تجي
عليها تمام الله وياك
سدت الخط كلت
«،،خاله اني مااروح لهناك وحدي
«،،لخاطري يمه العالم زينين ويانا وانتي
جاي اشوفين شلون يتعاملون ويانا مو معتبرينا
خدم لا اهل
سكتت كملت
«،،لاتفشيليني بعد امج الرجال راح يجي
عليج مشوار روحي اوكفي بمكاني ولاتقصرين
وي الحجيه والحجي تره يحبوج
كلش وحاسبيج بنتهم
«،،اعرف والله هم طيبين وياي ومعتبريني
من عدهم بس اني مو متعلمه اروح
وحدي يمهم
«،،مايخالف يمه تحملي هي كم يوم
وارجع اشتغل وياج
سكتت ماكدرت احجي شي،كالت
«««يله كومي حضري غراض يمامه ولفيها
زين من تطلعين راح اخابر الحجي
يجي عليج
«،،اي خاله
كمت ورحت للغرفه البيها يمامه لميت
غراضها وبدلت جنت مشتريه فستان
كريمي كلوش من جوه ومخصر
لبسته ويا شال نفس
اللون
الحجي اجه وره مشوار طب البيت
شاف ياسين وشفته انقهر علي كلش
خله بايد خاله فلوس
وكال
«،،،اشتري اله الدوة
وشوكت ماخلصتي كولي واني ان شاء الله مااقصر
ويا بشي
كامت تبجي وتدعي اله مثل ابنه
باسه من راسه وكال
«،،،يله يابه امشي خلي نروح للحجي
خبصتني عليج انتي ويمامه
سلم وطلع اني وراه ردت اصعد ليوره
ابتسم واشاقه ويايه وكال
«،،ها شنو عيني لازم اني السايق مالتج
فشلت منه وكلت
«،،،لا عمو العفو منك
«،،ههه تعالي اصعدي يمي خلي اكشخ بيج
انتي وهالگمر
خجلت منه وصعدت ليكدام هو صعد
حرك وكال
«،،،يالله
طلعنا لبيتهم كال
«،،،راح نتعبج اليوم لان وحدج
«،،،لا عمو ماكو تعب وادللو ويهون كلشي
بس خلي خاله اطيب وترجع تمشي
مثل الاول
ذب حسره ورد
«،،والله خالتج تعبتني يعني اني،جاي
اشوفج تنظفين واطلعين البيت مثل الورد
ليش،هالتدقيق والواهس ماادري
«،،عادي عمو تره اني هم دقيقه بالتنظيف
وعندي واهس
«،،هههه والله كلت هالشي وهي هم كالت
حنين مثلي هم بيها واهس
نظافه
ابتسمت وجان الكلام ويا حلو وحسيت
اني كاعده وي اب حنين ويحب
يحجي وي بنته كال
«،،شوفي بنتي اليوم عدنا غده لجماعه گرايبي
من بعقوبه راح يجون الضحى
بس مهيب راح يجيب
كلشي جاهز
يعني بس رتبي السفره وطلعيها
توب وتبيض الوجه
««ادلل عمو
«،،،عفيه بيج بعد عمج اعرفج معدله والله
يرحم امج الي ربت هيج بنيه
عيوني غوركت وكلت
««،ويرحم والديك عمو
يمامه بجت كال
«،،،بيبي ادور عليج كالت اليوم تاخرت
عليه وظلت بس ادحك للدرب
«،،هي تحبها
«،،كلنا نحبها بعد عمج لان ماعدنا جهال
«،،اي صدك
«،،وانتي هم الله شاهد معتبرج مثل بنتي
«،،تسلم عمو وانتو هم حسيتكم اهل
«،،،اي يابه احنا اهل وعند عيناج اذا
احتاجيتي شي
«،،،مو مقصرين ورحمه الله والديك
انت وخاله
«،،،ووالديج يابه
وره مشوار وصلنا نزلت من يمه شفت
ابنه اجه بسيارته يباوع علينا
كلت بگلبي
«،،،لا هلا ولا مرحبا
طبيت اني ويمامه ورحت للمطبخ
ولغرفه الحجيه شافتني
وجهها ضحك
سلمت
«،،،صباح الخير خاله
«،،،هلا يمه صباح النور
«،،شلونج اليوم ان شاء الله احسن
««،،الحمد لله زينة
جاوبتني وكملت
«،،جيبيها ليمامه
اخذتها مني باستها وكالت
«،،يمه من فدوه لهل الخلقه والريحه
الطيبه
ابتسمت وراحت الابتسامه من سمعت
صوته
«،،صباح الخير يمه
«،،هلا مهيب صباح النور
طب وريحه عطره وي الجگاير فاحت
اجه ليمها كعد يباوع ليمامه
ردت احجي هو سال
«،،،شلونج اليوم
،،،،الحمد لله احسن من قبل كم يوم
«،،،يالله
من شفته سكت سالت
«،،،اخليها يمج
«،،اي خليها يمي وسوي ريوك لعمج
لان تاخر علي
«،،،ادللي خاله
«،،،فدوه لگلبج يمه والله لو ما انتي
وام ياسين مااعرف شاسوي وشلون ادبر روحي
هو حجه يباوع ليمامه
«،،سويلي وي ابويه لان مامتريك
«،،،تمام
طلعت من يمهم ورحت للمطبخ ذبيت
بثل الجاي وغسلت القوري هو وكم ماعون بالسنك
عمو طب شغل التلفزيون على القران
كعد يمي سالت
«،،،شتريد اسويلك عمو
«،،بكيفج يابه اي شي،من ايدج طيب
«،،راح اسويلك باسطرمه وبيض
«،،سوي
رحت للمجمدة طلعت باسطرمه كال
«،،مهيب جاب صمون حار وجبن حلو ومالح
سويلنا منه
«،،اي هسه اسويلكم
حضرت الريوك الهم ولخاله شلت الصينيه
رحت للغرفتها سمعته يحجي
«،،ادري شلون تعوفج وتروح
«،،،خالك صاير فد مره ويدور عليها راحت
بليل وكالت اجي الصبح
««،استغفر الله ياربي
حجه هيج طبيت كلت
«،،الريوك جاهز
«،،تمام
كام فات من يمي وراح خليت الصينيه
على الطبله وكلت
«،،خاله اشربي الحليب قبل الاكل
«،،اي يمه
جاوبتني وذبت حسره سالت
«،،شبي ياسين
«،،،بليل صخن وصار فد مره وصبح مايكدر
«،،سوده عليه والله يساعد گلب،امه الي
تشوفه هيج وبهل الحاله وماتكدر تسويله
شي
«،،اي والله الليل كله تبجي علي وادكول
شاسويله والله لو يريد ربي روحي انطيها اله
بس هو يصير حاله حال باقي
الشباب
«،،الله يكون بعونها ويصبرها على هل الابتلاء
«،،امين
«،،ذاك اخوه مايجي مو
«،،لا خاله ابد ماشفته اجه
«،،،اوف يمه من الگطع هسه الابن كام مايعترف
لا بامه ولا ابوه وكله من النسوان
«،،لا خاله اني يعني احترم كلامج بس
الحنين والرجال الصدك ماتغيره مره
صفنت عليه ابتسمت وجاوبت
«،،يمه انت شكد عمرج
«،،،توني طبيت ب 18
«،،صلاوات على النبي عمرج صح صغير
بس،اشوفج مره معدله وتحجين
كلام مال وحده جبيره
شاحجي اكول الدنيا والضيم الجنت بي خلوني
اكبر سنين ليكدام ماجنت احس
روحي صغيره لا
عجوز مكسورة
الظهر
«،،خلي اشرب الحليب مادام دافي
«،،،الف عافيه
«،الله يعافيج يمه
جاوبتني كلت
«،،راح ابدي انظف من وكت عمو كال
راح يجيكم خطار من بعقوبه
على الغده
«،،اي نظفي بس لاتعبين روحج انتي اليوم
وحدج
«،،لا عادي خاله بس،يعني اريد اعرف
شأسوي وي الغده
هو جاوب من طب
«،،،،،لاتسوين شي راح اجيب مناسف
قوزي ومرك ومقبلات وخبز حار
كعد يم امه بايده كوب الجاي سالني
جنت احجي ويا بدون مااباوع
لخلقته هو هم جان
يجنب النظر اليه
سال
«،،،تريدين بعد شي
حجيت وي امه
«،،،خاله نريد طرشي لان خلص
شفته عكد حواجبه بس ظل منزل راسه
«،،اي مهيب جيب مدبس وخيار لاينطيك
مدري شلونه مخبوط وماينگال
«،،،ادللي حجيه
«،،،ووجيب سيتين لبن
«،،عدنا خاله جاب من ذاك اليوم
وباقي ثلاثه
«،،ها خوش
«،،خليهن بالمجمده
حجه جاوبت
«««اي
«««وشوفي كلاصات المي خاف مخلصين
«،،،،،لا عدنا اربعه
«،،،،خوش يعني مااجيب
«،،لا
«،،،فواكه عدنا
«،،،اي عدنا خير من الله
«،،يمه اجيب رگي
«،،اي جيب
جاوبته وكملت وياي
«،،،حنين يمه اريد السفره مرتبه وكلشي
بيها عيب ذوله اهل عمج ومااريد افشل
وياهم
«،ادللي خاله ماراح افشلج وياهم
«،،،بعد عيني معدله ام يمامه
جاوبتني مبتسمه ترخصت ومشيت من
يمهم عزلت المطبخ وشفت شنو نحتاج
كلشي اكو بس البقلاوه خلصانه
مشيت اريد اگول لخاله
طبيت هو كاعد
يم رجلها الزينه ويفرك بيها
كلت
«،،،خاله نريد بقلاوه لان خلصانه
«،،اي اكتبي شتريدين بورقه وانطيها
لمهيب
«،،تمام
شلت الصينيه وطلعت بلشت تنظيف
هو صعد لفوك نزل وره مشوار من جنت
امسح لابس دشادشه سال
«،،جهزتي القائمه
«،،ها لا هسه اكتبهن الك
عفت المسح رحت للمطبخ طلعت الدفتر
كتبت رگي وطرشي وخبز حار
وبقلاوه اجه ليمي
وكف يشرب
مي
«،،هاي الي تحتاجو
اخذ الورقه سال
«،،شكد رگي
هو يعني كم واحد راح يجي
«،،مدري يجوز عشره
«،،،ها عشره
«،،،،اي عمامي اربعه ونسواانهم ويجوز
ولدهم هم
صفنت وكلت هو كسر قابل عرس
«،،،يمامه
صاح جاوبته بدون انتباه
«،،،هااا
انتبهت كال
«،،بنتج تبجي
«،،،اي هسه اروح عليها جيب اربع رگيات
على الزايد وخبز بخمسه الاف
وطرشي كيلوين
«،،،خوش والمناسف كم واحد
«،،اذا عشره يعني خمسه
«،،مو قليل
«،،لا ذاك اليوم من عزمتو اهل
خاله جبت سبعه وحرامات كله زاد
وذبينا لان جانن المناسف
كلش كبار
«،،،راح اسويهن سته
«،،بكيفك
جاوبته ومشيت ليمامه طبيت
كالت
«««سويلها ممه وجيبها اني ارضعها
تمام
رعت للغرفه الصغيره سويتلها ممه
ووديتها الها
هو طلع واني التهيت بالشغل عمو غسل
الكراج ورش الزرع
قبل الاذان اجوي خطارهم جانو
اكثر من عشره نسوان خمسه ورجال
سبعه وياهم جهال ،،،،صغار
وبنات بكدي وحده شكره والعيون زرك وتخبل
صفنت عليهم وكلت
خاف المناسف ماتكفي وافشلهم
لان كتله جيب خمسه
وهو كال راح اجيب
سته
النسوان كعدن يم خاله بالغرفه وعمو
يم الرجال حرت شلون
احجي الهم
تالي رحت شاورتها كالت
«،،،اخذي جهازي وخابري
«،،،تمام
اخذته ورحت للمطبخ جان مابي رمز
فتحته صفنت من شفت خاله صورته لابس
الزي ومبتسم
اسمه اول واحد خابرته
جاوب
«،،ها يمه
،،،اني حنين
فز وصاح
«،،خير اامي بيها شي
«،،لا اسم الله مابيها شي بس
خابرتك اگلك العدد اكثر من عشره
«،،ها عادي اني جبت ثمن مناسف
«،،تمام
جاوبته سال
«،،محتاجه شي قبل لا اوصل
«،،لا
«،،يله مع السلامه
ماجاوبت سديت الخط باوعت لصورته كلت
بضوجه
«،،مغرور ابو النسوان وشايف روحك
اخته طبت وياها نفس،الولد من
شفته لعبت نفسي بعد اكثر
سلمت عليه وهو
هم كالت
«،،،ها اجوي عمامي
«،،،اي
«،،اروح اسلم عليهم
«،،اني راح اسلم وارجع يم ابويه
«،،اي هشام لاتعوفه تره عمه ماتكدرله
«،،اي ام احمد
«،،،الغده صاير حتى ادزلهم
««،لا الغده راح يجي من بره اليوم
جاوبت اتجنب اباوع اله لان جان
صافن عليه
«،،يتاخر
«،،لا اخوج جاي وجايبه
«،،خوش لعد هشام ظل هنا الما يجي
مهيب حتى تاخذ الكم منه
«،،تمام
راحت من يمي وهو وياها التهيت
اغسل خضره وارتب السفره براسي
اندرايت عكدت حواجبي من شفت هذا
واكف ورايه وصافن عليه بنظرات مو حلوة
سأل
«،،انت شكد عمرج
«،،،ليش
،،،عبالك صغيره وزوجوج اهلج
ردت اكله مو شغلك بس
سكتت خليت الخضره على الكاونتر
كال
«،،اشو ماتردين
«،،،عندي شغل ومالي خلك للسوالف
نترت بي صفن عليه ابتسم وكال
«،،،عبالك ضجتي مني
ماجاوبت كال
«،،،هاي شبيج تره اني اريد اافيدج
بس فگي وياي شويه
خزرته بغضب ولميت قبضه
ايدي بقوه الباب جان
مفتوح شويه اندفع
طب ذاك العار
اللخ يباوع
علي،، بخزرة
شكرا لزيارتكم عالم روايات سكيرهوم
