رواية اغفري لي الفصل الرابع والثلاثون بقلم أوتار حزينة
مهيب
تسوگت وجبت الغده رجعت لبيتنا طول الطريق
افكر بامي كلت الها راح اجيبلج
معينه ماقبلت كالت
مااريد غريبه اطب بيتي خاف تعرف شعدنا ماعدنا وتسويلي شي من تشوفنا
اني وابوك وحدنا
دخت بهل السالفه منا اختي ووضعها ومنا
اني ودوامي وخفارتي الي جانت
اربع ايام بالاسبوع
كلت احجي وي خاله ام ياسين
اجيب ابنها وتكعد يمنا هي وحنين كم
يوم الما اطيب امي
صفنت وشفت العيون جدامي تخزر هالنظرات
من ذاك اليوم لعبت بروحي لعب
وخلتني انعجب بيها
وبقوتها
بس هالعيون طفت وجنت اشوف بيها نظرات
حزن وقهر كلت
اكيد من وره زوجها هيج طفت هالعيون
لان دائما اشوفها حزينة حتى ضحگه ماتضحك
هالبنيه مااعرف ليش احتلت تفكيري وظلت
شاغله بالي عيوني تروح الها بدون
قصد انتبه وادير وجهي
مااريدها تخاف مني
ولا تفكر اني
اريد اسويلها
شي
ولا ردتها تضوج لان اعرف الدنيا
كسرتها من اخذت رجلها وعيالها طردوها من
البيت واني والله مااريد غير
الخير الها صح غلطت
وياها بس تندمت
بكد شعر راسي
خنكه صارت بگلبي وصدري ضاگ من
تذكرت شلون ردت اعتدي عليها
واني ابدا مو مسويها
المره هي جانت تجي
اليه مو اني
اروح واخذها غصب
شفت روحي يم بيت اهلي ذبيت حسره نزلت اخذت كم علاكه ورحت للمطبخ يم
الباب سمعت هاشم
يتحارش بيها
نفس السويته
بيها
وخلاني احترك بناري وناره دفعت
الباب برجلي طبيت الخبال
بين عيوني
يمامه
عار اللخ طب يخزر بي شمر الغراض على
الميز وقرب من يمه وكله
بهدؤ يخوف
«،،،،الزم الباب وولي منا وبعد لا تجي
ولا تشوفنا خلقتك
«،،،تطردني مهيب ومن وره منو من ورة وحده
انت تعرفها شنو وشحجيت عليها
«،،،اااانجب طايح الحظ ووامشي
اطلع منااا لا اجي اشك
حلكك
هد علي وجره من هدومه للباب ابوه اجه وراه بنته
كالو
«،،،ها شكو
«،،،ماكو شي
ذاك جاوب وجر روحه من عنده وطلع دمعتي نزلت مشيت من يمهم ورحت للغرفه
شلت يمامه لان
خليتها بيها من اجوي الخطار
هو طب وراه ابوه واخته كال من سد
الباب
«،،،حنين اسف واحسبيها عليه
،،،ولك هاي شصاير
ابوه ساله مشيت هو وكف بوجهي
كال
«،،،ولج والله راح اخذلج حگج منه
«،،مهيب شبي هاشم وشمسوي
اخته سالته
شهكتي طلعت عمو حجه
«،،،بنتي هذا شبي وياج تعرضلج حجه
شي
مارديت اريد اطلع هو وابوه واكفين
بوجهي كلت
«،،،عمو اريد اروح
«،،لا والله ماتروحين الي تحجين هذا
شمسوي الج
ماحجيت انهد بابنه
«،،،ولك ماااتحجي هذا شبي
وشسوه الها
«،،تحارش بيها
جاوبه بخنگه
درت روحي مااريد احد يشوفني كعدت
اشهك بالبجي
«،،،ياگواد ياعااار
ابوه صاح بصوت مكتوم بنته كالت
وهي مذهوله
«،،،،،،صدك تحجي
«،،ااي ااي وراح اروح اگبره لهل الگواد
مشى ابوه لزمه وصاح بي بصوت
مكتوم
«،،،وين مولي منااا عمامك اكعد واسكت
وعوفه لهذا اني اعلمه واعرف شغلي
ويا
اخته حجت
«،،عزه العزاك هاااشم شلون سويت
هيج
«،،،بسيطه ااني اعلمه خلي بس
يفرغ البيت شلون مااروح علي واطيح
حظه
عمو حجه بغضب وكمل وي بنته
«،،،هذا شبي تخبل شلون يتحارش بالبنيه
وباي حق يسوي هيج
«،،،،والله بس ارجع الا ارزله رزاله تسوه
عمره
صاحوها من بره طلعت بعدين
رجعت كالت
«،،يابه تعال عمامي يريدوك
«،،تمام هسه اجي
جاوبها وكمل
«،،،سود الله وجهك ياهاشم ولك ليش
شفت على البنيه حتى تسوي هيج
كمت كلت
«،،عمو اريد اروح مااريد اظل هنا
«،،لا يابه والله ماتروحين وانتي بهيج
حاله والله واني مو ابو منير اذا مااخذلج
حگج منه وهسه تشوفين شراح
اسوي بي
باوعت لابنه صاير فد مره وجهه مطعون
منزل راسه ردت اگله
واخذه من ابنك هم
بس ماحجيت شي بس شهگتي زادت
«،،اعلمك ولك اذا ماجتلتك ااني مو مهيب
حجه هيج ابوه گله بغضب
«،،اش منا عمامك مانريد تطلع سالفه
على البنيه وعوفه اني اربي لهذا العار
واعلمه شلون يتحارش بيها
وهي بيتي وبحمايتي
صدك من كال النار يخلف عار وهذا
العار كدامي وهو الي فضحني كدامه
والله اليدري شحاجي يمه حتى
ياخذ نظره مو حلوه عليه
دفر الكنتور وطلع من يمنا عمو كال
«،،،امسحيها بهل اللحيه عمو ولخاطري
ظلي لاتروحين تره والله بس تطلعين منا
زعلانه الا هسه اعوف اهلي
واروح علي العب بي
طوبه
استهظمت وانقهرت كلش من السواه
هذا وذاك قرب مني ماوخرت
باسني من راسي
صوت شهكتي
طلع بصوت قوي
«،،،لاتبجين يابه والله ماراح اعوف حگج
واني ابوج
كعدت حاظنه يمامه اشهك بالبجي
ردد
«،،حسبي الله عليك هاشم ولك ماخفت
الله بيها وهي يتيمه
«،،،يابه تعال
«،،،جااي
نتر بنته وطلع هي اجت ليمي ماتعرف
شتحجي بس كالت
«،،اسفه واعتذر والله بس ارجع للبيت
الا ارزله واخابر ثائر وهو يعرف شغله ويا
مارديت هي جانت فشلانه مني وصارت
فد مرة الاذان اذن طلعت من يمي
تحسبت على اهلي الف
مره لان هم الي
بهذلوني وخلوني اصير لگمه سهله
لليسوه والي مايسوه ومن زمان هالشي مو
اليوم
ردت ارجع بس ماكدرت من وره طيبه الحجي
وياي وبنته لان شفتهم تخبلو
من السواه هذا الساقط
استحيت منه لان ماشفت منه غير كل خير
وكلت خلي افض هاليوم شلون
ماجان وبعد مااجي
كمت خليت يمامه على الجربايه
طلعت غسلت وجهي ورحت للمطبخ هي
بي وحدها ماتعرف شسوي
شافتني كالت بتردد
«،،،ابويه يكول صبو غده
«،،اي
جاوبتها بخنگه
شفته جايب مواعين مقبلات وزلاطه
وبيها طرشي كلت مااسوي
رتبت كلشي هي وياي اشتغل ودمعتي
بعيوني خلينا سفره بالصاله للنسوان هو اجه
تجنبت اباوع علي كالت
مهيب افرش السفره للرجال بالاستقبال
بس وخر الطبله الي بالنص
«،،اي
رد بصوت متغير وراح من يمنا
هو وياها رتبو السفره رتبت بطال اللبن
بصينيه والخواشيك والملح وصينيه اللخ
خليت كلاصات المي
البنات الصغار الي بكدي اجني شالن كم حاجه
بنتهم كعدت يم النسوان شفتها
ناسيه الغده مال امها
شلتها ووديتها
الها بالغرفه
طبيت شفتها مو على بعضها عرفتها
عرفت بالسواه ابن اخوها كلت
«،،الغده خاله
خليته على الطبله كالت
«،،يمه امسحيها بيه هالسالفه الرديه
الي سواها ابن اخويه
سكتت بس عيوني غوركت كملت
«،،والله لاارزله رزاله تسوه عمره هذا الدايح
هو شاف عليج حتى يحجي هالكلام
«،ماشاف شي بس عبالهم كل وحده مثل وضعي
تصير سهله وتكدر تبيع
روحها
جاوبتها وكمت ابجي
«،،اسكتي يمه تره انقهرت من وراج وانغثيت
مغثه بس الله يعرفها
كامت تبجي كملت
«،،،هذا هم حظي اني بهل الحاله وهو اجه
وسود وجهي كدامج
«،،حشاج خاله وجهج ابيض وواني وو
جاوبته واختنگت بالبجي كالت
«،،،لاتبجين يمه وتعالي ابوسج لان قهرتني
كلش
مدت ايدها اليه قربت باستني وباست
راسي وكالت
«،،والله بس يروحون خطارنا الا اخابره
وارزله لهل الساقط وعمج هم ماراح يسكتله
هو ومهيب
انتو اي بس ابنج مااكول علي غير
حسبي الله ونعم الوكيل بي لان شوه صورتي
كدامه وخلاه يحجي هالحجي
كلت بگلبي وحجيت وياها
«،،اروح احضر الجاي
«،،حنين لاتزعلين وارجع اكلج احسبيها
عليه وحقج يمي وراح تشوفين
شلون مااخلي يجي
ويعتذر منج
ماجاوبت ترخصت وطلعت رحت للمطبخ
حضرت الاستكانات سمعت حركه
ورايه التفت جان
هو وجهه صاير
دم كال
«،،اسف والله جنت عبالي اا
سكت مايعرف شيحجي انداريت مااريد
اشوفه كمل
«،،،حنين اني اعرف غلطت بحگج
جثير وتندمت والله ندم جبير
تجاهلته
«،،يولي باوعي عليه من احجي وياج
مادرت بال كمل
«،،والله راح اخذلج حگج منه
جاوبته بخنكه
«،،منك انت كلشي مااريد بس تعوفني
بحالي
«،،مهيب عمو يريدك
سمعت صوت بنيه انداريت هو طلع
شفتها صافنه علي ومبتسمه
شافتني تغيرت
الملامح كالت
«،،،راح الم السفره اني واختي
هن لمن كلشي ظليت وحدي
بالمطبخ اجلف وارتب بي يمامه اخته خلتها
يم الحجيه وكل ساع
تجي تسوي شغله وياي وترجع يمهم وي
اذان العصر الخطار طلعو وراحو
لبعقوبه
اني جنت بالغرفه ابدل ليمامه شلتها
والجنطه هم طلعت رحت للحجيه طبيت
الحجي اجه ورايه هو وابنه
وبنته حجه
«،،،هاي وين رايحه يابه تره بعد وكت
«،،،تعبت عمو واترخص منك لازم اروح
«،،بنتي تره والله ماراح اسكت عن سالفه
هذا الردي وراح اخذلج حگج
منه
«،،مااريد اي شي اني اعرف نفسي
واعرف تربيتي زين والي يريد ياخذ نظره
مو زينه عليه هاي مشكلته مو
مشكلتي بس
اكول علي حسبي الله ونعم الوكيل
الي يطعن بعرض غيره
اختنكت وكمت ابجي
«،،هذااا ابن اخوج شاااسويله هسه
بيتي زينب ويتحارش بهل اليتيمه
صاح بغضب هي جاوبت
«،،طايح حظ غير ودايح وساقط شاريد
احجي علي سود وجهي كدامها
وخلاني بنص هدومي
«،،ثائر بس يسمع ماراح يسكت اله
بنتهم حجت كلت
«،،من رخصتكم
«،،اني اوصلج ماتروحين وحدج
هو حجه تجاهلته وطلعت ابجي
خاله صاحت
«،،امشو وصلوها لاتخلوها تروح وحدها
الحجي صاحني
«،،اوكفي بنتي اني اوديج
مشيت بسرعه من يمهم طلعت لبره الحجي
اجه ورايه فتح السياره
وكال
«،،اصعدي بنتي
صعدت ليوره صعد وحرك طلعنا للشارع
بس،ابجي هو يطيب خاطري
ويتحلف بذاك
العار
وصلني وراح مشيت للبيت مااشوف الطريق
من وره دموعي دكيت الباب
طلعت خاله شافت
وضعي فزت
وكالت
«،،،ولج هاي شبيج
اخذت يمامه مني لان صرت فد مره
بس كعدت حجيتلها السواه ابن اخو الحجيه
بس ماحجيت السواه ذاك لان
اعرفها تحبه وتعزه كلش
وحاسبته مثل
ولدها
انقهرت عليه كلش وضاجت كالت
«،،الحجي والحجيه ومهيب ماراح يسكتون
اله
اساس البله هو
حجيت بگلبي هي كملت
«،،راح تشوفين شراح يسون بي وتجيج
اخباره
،،،مااريد تجيني اخباره لان اني
بعد مااروح لهناك ادور غير شغل بغير
مكان واعيش منه اني وبنتي
ماحجت شي كامت وره لحظه وكالت
«،،،اروح اعشي ياسين
من طلعت من يمي جهازها دك سمعتها
حجت
«،،هلا ام منير
ماعرفت شصار من حجي ولا ردت
اعرف ظليت وحدي صافنه على يمامه
ودمعتي تنزل ماامسحها كلت
«،،،الفقير ماعنده مكان بهل الدنيا
الفقير يمشي والدنيه تمشي عكسه
لا باب يندك علي ولا صدر يضم ضيمه
ينام مهموم ويكعد مكسور
واذا كلنا تعبنا نسمع كلمه
اصبر الله كريم
اني مو جوعانه خبز اني جوعانه
حظن يلمني يطبطب عليه يگلي اني
يمج لاتخافين واحد اكدر اسند علي بهل
الوكت الاغبر يحميني من
الذيابه الي
تريد تنهش لحمي
شهگت وبجيت بخنگه
رددت
«،،بس اني ماعندي هذا الواحد لا اب بي
خير ولا اخوه واحد
زين بس
ضعيف هو يريد يسند عليه
وهم الوكت خلاني افارگه من ظلم اهلنا
ومن ظلم الدنيا الي مابطلت
تقهر بيه
مهيب
من راحت حنين من يمنا طلعت وراها
اردد
«،،،وحگ الله اليوم الا اكسره لهذا الگواد
طلعت امشي بسرعه اسمع امي تصيح
ورايه ميسون لحكتني گضبتني
يم الباب وصاحت
«،،ولك وين رايح عوفه اني اگله لثائر
وهو يعرف شغله ويا
«،،،،عووفيني
صحت بيها جريت روحي بقوه
ورحت لسيارتي صعدت حركت بسرعه
وطلعت بشحطه
اريد اكسره لان تحارش
بيها وحجه كلام اني حجيته
بلحظه طيش،من عبالي
هي مثل الي اعرفهن
من شفت نظراته الها كتله عوفها
هاي شريفه ومستوره وماعدها سوالف مكسره
صححت كلشي بس
هو تحارش
بيها وحجه الي سمعه مني وخلاها
ادحك عليه بنظرات تذبح
وصلت بيت خالي شفت سيارته واكفه
نزلت بسرعه دكيت الجرس
طلع هو صحت بي
«،،،اني مو كتلك ماعليك بيها البنيه طلعت
شريفه ومستوره ماحجيت
وياك هالكلام وكتلك
بطل ادحك عليها
بنظرات وصخه
«،،،على كييفك شكو جاي تصيح عليه
وبيتنا
«،،،موو اجيت تريد تگود بيتنا وتحارشت
بالبنيه واني كيالك عوفهاااا
صحت بي ودفعته من جتفه دفعني
وصاح بي
«،،لااادفع ولك وامشي ولي منا
تخبلت ،،،عتيته من هدومه
وضربته كله
بقوه
وكع باالگاع هديت وتلازمت
اني ويا اصيح وافشر
علي
عمه خالده طلعت صاحت من شافتنا
واحد يضرب باللخ وكامت
تعيط الناس
التمت علينا جروني منا اصيح
««،عااار كواد كتلك عووفها مااعليك
بيها
«،،،اني اعلمك مهيب تضربني ومن وره منو
من وره وحده لاعب وياها بيتكم
تخبلت وجريت روحي من زلم اثنين
وضربته بوكس اجه بخشمه وشمره بالگاع
كام الدم يفلت منه
هم جروني منه يحجون ماافتهم
شيحجون من ورة خبالي
سحبت روحي منهم شفت اختي نزلت
من تكسي الوجه مخطوف
وصايره صفره
شافت وضعي
صاحت
«،،،ولك هاي شسويت
«،،،هذااا بعد اذا اجه علينا وشوفني
خلقته الا اكسر رجلي
واعلگهن برگبته
حجيت هيج ورحت صعدت بسيارتي
حركت ومشيت من يمهم اسب
بروحي وبي لان حجيت
يمه هالكلام
ابويه عرف بالسويته بي وتخبل
وكام يرزل بيه امي هم كامت تحجي،طلع من
يمنا وراح لبيت خالي
وره ساعتين ميسون
خابرتني جاوبت
انهدت
«،،،انت حاجي على البنيه كلام مو حلو
يم هاشم
سكتت انهدت
«،،ماتحجي مهيب هذا،كلي انت حجيت
وكتله هاي خفيفه ومو راحه
«،،،اي حجيت وعبالي،هي هيج بس
بعدين كتله لا هاي طلعت مستوره وشريفه
من شفت نظراته الها
هو ماجاز منها
تحارش
بيها وكال االها اني حاجي
عليها يمه
«،،،ووولك ليييش
صاحت بيه وكملت
«،،،تخبلت مهيب عبالك كل بنيه مثل الي
تعرفهن
سكتت كملت بغضب
««،ولك خااف الله بينا احنا خواتك لاتطلع
حوبتها بينا
«،،بطلت والله عفت كلشي من
سكتت شاحجي،ياربي اكول ردت اصخمها
هي عرفت عاطت
«،،شمسوي مهيب متحارش بيها انت هم
«،،لاا
«««،لااااجذب اخويه واعرفك جنت اشوف
نظراتك الها بس،اكول لا
ماراح يسويلها شي
يستحي،من
خاله ام ياسين وانت طلعت
حتى من الله مو مستحي
«،،كافي،ميسون تره جاي اموت من السويته
و«،،لكم ليييش،شفتو عليها بنيه مستوره
وشريفه وتريد تعيش هي وبنتها
تجي انت وذاك تريدون
تصخموها فوك ضيمها
وقهرها
كامت تبجي روحي اختنكت وكرهت روحي
كملت
«««ولك ابويه عرف انت حاجي عليها هاشم
گله وتخبل ورزله لان تحارش
بيها ورجع صاير
نار والله اليستر منه
من راح يوصل
مارديت كالت
«،،،شاسوي بيك مهيب سودت وجهنا
انت وهذا كدام البنيه وام ياسين
سكتت بعدين كالت
««،،،روح ثائر يتصل راح يتخبل بس،يسمع
شمسوي اخوه
سدت الخط شمرت جهازي وكمت افتر
بالصاله اريد اكسر شي واطلع قهري،بي
امي صاحت
«،،مهيب
«،،هاا
نترت كالت
«،،،تعال فهمني شصاير ابوك
شسوه بهذا الدايح
رحت ليمها صايره فد مره من ورة الصار
ولو تسمع اني شمسوي الا تتخبل
عليه لان هي حبت حنين
كلش
وجانت خاله ام ياسين عزيزه عدها ومعتبرتها
اخت الها لان صارلها سنين طويله
تشتغل عدنا
«،،،ماادري
كعدت يمها اسمعها تحجي علي وتغلط
وره مشوار ابويه اجه كمت من
طب علينا خزرني
وكال
«،،،سود الله وجهك ياطايح الحظ
ماكدرت احجي شي امي سالته
«،،ابو منير شصاير
«،،اااالصاير ابنج هذااا الساقط هو الي
مشوه صوره البنيه يم ابن اخوج
«،،عزه العزاني ولك صدك هالكلام
امي حجت هو وكمل
«،،فهمني انت شفت عليها حتى تحجي
هيج
مارديت نتر باعصاب
«،،ولك ماااتحجي
«،،ماشفت شي البنيه مستورة وشريفه
«،،عجل شلون حجيت هيج جدامه
لهذا الكواد
«،،جنت عبالي هي من
سكتت هو كمل بصياح
«««كملها كول من الي تعرفهن ليش سكتت
مو انت هم ساقط وعار مثل
ابن خالك
«،،ولك انت شلون تحجي عليها هيج
باي حگ تطعن بشرفها وانت ماشفت شي
عليها
ماكدرت اجاوب امي
««،سود الله وجهك انت وذاك ولكم شاحجي
شراح اكول لام ياسين هي
شلون راح اعتذر منها
وهي شاليتني
بالصلاوات
امي حجت وكامت تبجي ابويه
دفعني من جتفي يصيح
««،،اطلع من وجهي ولي من انعل ابوك
لا بو الجابك
طلعت من يمهم صاير نار ومااعرف
شلون اصلح غلطتي الثانيه
وياها
غاده
جنت مااريد اطلع من المستشفى من وره
حمزة اعرفه هو هسه كاعد على
نار ويريد بس يطلع
يشوف عباس
وين انهزم
ثالث يوم،،،، الدكتور اجه فحصه وكال
تكدرون تطلعون بي للبيت لان وضعه من
اول يوم هو تمام وزين ومايحتاج بعد خدج
رجعت هو بحظني يمي عمه ورانيه بابا
اجه اخذ ماما من يمي وهم توسلو بيه اروح
يمهم ماقبلت ورجعت وي حمزه
وصلنا الحجي بره كاعد من شاف السياره
كام ساند روحه على
عكازته جعفر وكفها يمه حمزه نزل
كال اله
«،،،هلا بويه الحمد لله على سلامه
حرمتك وگرة عينك بعلي
راح حظنه باسه من عيونه
حمزه جاوبه
«،،،تسلم يابه
شفت الحجي تاثر كلش ويريد بس
يشوفه عمه نزلت واخذته مني راحت علي
حجت وهي تبجي
«،،بويه شوف ابن حمزه
«،،صلاوات على الرسول
باسه من راسه نزلت حمزه اجه اخذني
من رانيه جنت متاثره بفرحته وعيوني غوركت
شافني كال من اجه عليه
«،،هلا بويه والحمد لله على سلامتج
انتي وعلي
تفاجأت من باسني من راسي دموعي
نزلت كتله
«،،الله يسلمك جدو
بيبي طلعت هلهلت وطشت جگليت عليه
هي وخاله نعمه ام رانيه
اجني بوسني وتحمدن اليه بالسلامه
جانو فرحانين كلش بابني لان اول حفيد
الهم وابن حمزه الي هم يحبوه
كلش
اخذني للغرفه طبيت يسند بيه
كال
«،«ارتاحي ولاتتحركين هوايه
«،،،،اي
كعدت رانيه جابت الجنطه وكم حاجه خلتهن
يمنا كلت
«،،وين علي
«،،،يم حبوبه وجدي
هو طلع من يمنا وكال
«،،رايح يمهم
گلبي هبط كمت وكلت
«،،رانيه راح يروح علي
«،،لا وين يلگي شرد بروحه بنفس اليوم
ومحد يدري بي وين ولى
جاوبتني ولزمتني كملت
««،اكعدي يمعوده واستري علينا وجهج
صاير اصفر وكركم من وره النزيف
«،،،خايفه من الي راح يسوي بي
ذبت حسره كعدت هي يمي ردت
««،،عال والعيله سوده بلون وجهه ومااجذب
عليج حمزه ماراح يسكت علي
لان تحارش بيج
ورفع سلاحه
بوجهه
«،،اي اعرفه تعلميني بي
«،،يارب استر علينا وجفينا شر الي راح
يصير
دموعي نزلت رددت
««،حسبي الله ونعم الوكيل علي هو وخواته
«،،،الف مره حسبي الله عليهن
لان،،،الي هن صورن وماابريهن الذمه
واكولن هو اخذه بدون مايدرن لا اكيد
شوفنه الفديو واخذه بعلمهن
لهل الساقطات
«،،اي لان هن يكرهني ويريدن يهجمن بيتي
خصوصا كوثر
«،،اي ام الطلايب هجمت بيتها واندارت
عليج
عمه طبت شايله علي كالت
«،،نيمي يمج وغطي زين
«،،،،اي
خلته يمي وغطيته هن طلعن من يمي صافن
على ابني ومقهوره وخايفه هالكلب
مااخلانا نفرح بي من
وره السواه
من تاخر عليه راسلته
««،،،،حمزه انت وين
قراها جاوب
«،،يم جدي
«،،يعني ماطلعت
«،،لا وارتاحي ولايظل بالج
«،،تعال يمي
«،،،عمي مهدي كاعد مااكدر اعوفه
ارتاحي بويه ولا تخافين عليه
عيوني غوركت ووكلت وي روحي
«،،،اذا مااخاف عليك عليمن اخاف
روحي تروح فدوه الك بس لايصير بيك
شي
من صار الغده اجه يمي احجي ويا
اهدي بي ساكت وسگوته خوفني مااكل
غير شي قليل كال
«،،رايح يم جدي
«،،ليش تروح نام وارتاح صارلك كم يوم
لا نمت ولا ارتاحيت
«،،عمامي راح يجون
جاوبني هالجواب وطلع رانيه اجت
وره مشوار سالت
«،،اجوي عمامج
«،،اي
«،،،ليش جايين
«،،عمي صالح وولده جايين يعتذرون منه
سكتت افرك بأيدي متوتره وخايفه شالت
الصينيه وطلعت كمت اريد اسمع
شراح يصير وكفت
يم بابي ورة
دقائق
سمعته صاح
«،،اانه عم انه ابنك يسحب سلاحه عليه
ويرميني ولو ما لطف ربك بيه
جان جتل مرتي وابني
من وكفت تحميني
بروحها
عمه شافتني اجت عليه وكالت
«،،،يمه استري علينا وارجعي لغرفتج
انتي نفسه لايروح يصير بيج شي،،،،
مادرت بال مشيت للمجلس بيبي كالت
بغضب
«،،كله منك انت ماعرفت تربي لا حرمتك
بيها خير ولا بناتك ولا ولدك ومايجينا منك
انت وياها غير بس الاذيه والمغثه
حمزه
عمامي التمو يمنا من وره سالفه عبيس
الرديه اسمع عمي يعتذر مني
وصاير فد مره جاوب
حبوبه
«،،يمه انه مارضيت علي وجتلته
«،،،اي بعديش ياعيني بعد مااافات الفوت
بعد مااراد يذبح ابن عمه
انهدت بي وكملت
«،،ماغزر ملح حمزة بي اشو
سيارته منه وشيريد ينطي مافد يوم اجه
وراد فلوس منه ورده هذا جزاته
لابن علي ياصويلح هذا
جزات الزين يرده
ابنك بشين
«،،سود الله وجهه حتى كلام ماعندي ارد
بي عليكم
جاوبته بغضب
«،،،انه مااريدن كلام لان ماراح يبرد گلبي
الي يبرده هو ادكولون وين ولى
بس اعرفكم ماراح تحجون لان تعرفون
انه من اگضه ماراح ارحمه
«،،حگك والله ابني عال عليك لجن هم تذكر
هذا ابن عمك من لحمك ودمك
وغلط وو
قاطعته بصياح
«،،ااابن عمي مايخلي عيونه على عرضي
عمه سكت كملت باعصاب
«،،مايروح يتحارش بحرمتي بيتي وياخذ فديو
من خواته ويهددها بي
محد حجه صحت
«،،گواد انه حتى اسكت اله
«،،،لا حشاك من هالجلمه وامسحها بيه انه
عمك واخو ابوك
«،،،كلشي مشيت لخاطرك ولخاطر الحجي
لچن لااا فاضت بيه ووالسواه
بحگي جبير ومايطفي
ناري غير جتلته
سكتت انهد من غضبي كملت
«،،،اسمعوها مني انه حمزه بن علي وحك
هو الله اذا لمحت عباس باي
مچان الا اخلي جيله
بنص گصته واسگنه الگبور
ووصلو اله هالكلام واذا
هو زلمه خلي يطب
الديره شلون
ماخليكم
تنصبون جادر عزاه ثاني يوم
عمي صار فد مره لايكدر يرد ولا رفع
راسه اخوه قاسم ومنصور
الغضب تارس ملامحهم
صحت
«،،منو الي صور حرمتي
محد رد نترت
«،،،ماتحجون منهي الي صورتها
«،،بتول
عمه جاوبت وكملت
«،،البنات شافنها تصور وكالن الها لاتصورين
لا انت تقبل ولا جعفر
««،انه مارضيت الها وروح ابوك جتلتها هي
وكووثر من
سكت وبلع السالفه
لميت قبضه ايدي بقوه وكلت
«،،بنتك ماكفاها تهجم بيتها اجت تريد
تهجم بيتي ولو ما عيب والاوادم ادكول
جتل حرمه الا هسه اروحن اجفص
بطن بناتك واعدمهن
العافيه
««،،ماراضينا الهن وروح ابوك
«،،،عرفت تنطي خبزه لچن ماعرفت تربي
ياصويلح
جدي حجه وكمل بغضب وصاير
فد مره
«،،شبيك مادگلي ليش بيتك هدد والمي
جاي يمشي من جوه رجليك
«،،بيتي مو هدد بويه
«،،لا هدد يبعد امك وهاي عمايل ابنك
وبناتك تشهد الك بسوالفهم
الرديه
حبوبه حجت وكملت
«،،حسبي الله على كل واحد يأذي حمزه
ووالله ياخذ حگه وحگ حرمته
من الي راد يفضحها
بسترها وهي
مستوره
قاسم فز وكام هو ومنصور جدي
صاح
«،،اااكعدو ولكم
عم مهدي حجه
«،،،،لازم الحجي ماجاي يعجبكم
وكفو يعاينون لابوهم حجه بنتره
«،،،اكعدو ولاتسودون وجهي مثل اخوكم
كعدو ضايجين والخلگ مگلوبه
كلت
««،قاسم لو انه مسوي بحرمتك هيج تقبل
««،لا مااقبل
«،،،چا ليش اشوفنك گالب خلقتك
وعدلك الكلام مو عاجبك
سكت جدي صاح بي
«،،ماجاوب ولك
«،،اخوي عال واحنا تصرفنا ويا ومانريد
دم يطيح بينا وحمزه جاي يهدد
يچتله لو لفه بالديره
وانتو ساكتين
«،،ها يعني ماراح تجتلتني لو دست عرضك
سكتت وكملت
«،،،لچن انه مو عار مثل اخوك وماراح اسوي
السواه
جاوبته الوجه انطعن ومارد ابوه رد
«،،،محد يرضى بهل الشي وانه كتلك
مارضينا اله وعباس بعد مايلفي هنا
خلي يولي وعساه مارد ولا
شفت خلقته
«،،اي خلي بعيد عن عيوني لان لو شفت
طيفه باي مچان الجيله الي
ماصوبني بيها انه
راح اصوبه
وبنص
گلبه
جاوبت عيوني على اخوته عمي
كام واجه ليمي كمت راد
يبوسني من جتفي
سحبت روحي
وكلت
«،،،محشوم عم مو انت العلت
«،،احسبها عليه وكول انه ماعرفت اربي
ماجاوبت ولده طلعوو من يمنا جدي
كال
««،،گض ولدك زين ياصويلح وعلمهم
الجبير جبير والكعده الها
اصولها
««،،اي بويه
سلم وطلع عم فاضل وولده هم سلموا
وطلعوا حبوبه حجت
«««ذوله الاثنين من اخذو بنات فدعه غسلت
ايدي منهم ومن بزرهم
«،،النسوان مالها خص يمه العتب على اخوتي
الي خلو الحبل مهدود الهن الما
تجبرن هن وولدهن
«،،اي لا عاب حلكك يبو موسى
جدي جاوب عمي مهدي وكمل
««،هاي ابنج شوفي زلمه وگاض بيته بسنونه
وحرمته شما حجه وياها ماتحجي
جلمه ولا سمعنا منها
مغثه لا هي
ولا بزرها
«،،وشيجيب نعمه على ذني حمالات الحطب
كامله مكمله
وصاحبه دين وطول عمري راح ادعيلها بالعافيه
لان ربت حمزه وزهره ويايه انه
ورقيه
حبوبه كالت هالكلام وجدي ردد بقهر
«،،،بعدنا ماطبنا من سالفه ذيج الي
فضحتنا بالديره اجه هذا الدايح وهم
سوالنا سالفه االخ
ذبيت حسره كمل
«،،اخ اني تالي عمري بزر بزري يجيبولي سواد
الوجه بين الناس
«،،،،وجهك ابيض بويه والسالفه محد عرف
بيها
عمي مهدي جاوبه اشوفنه غده فد مره
ووجه صار دم عرفت ضغطه
صعد وماحجيت بعد
شي
جنات
وره العشه وكفت بالمطبخ بيتي
اسوي كيكه وخليه نحل الهي روحي بهل
الشي واشغل نفسي حتى مااظل
افكر بالصار بيه
يوسف طب سال
«،،خاله راح اروح اجيب تعلوله من يم
صفاء
باوعت للساعه ب9 هو جان متعود يروح
بهيج وقت كتله
««،خابر بابا وگله
«««ههه كتله وكال تعال اخذ فلوس
وجيب لامك واخوتك
ابتسمت وكلت
««،يله لعد روح بس ها لاتتاخر عليه اخاف
وحدي
نفخ روحه وبرم شواربه الوهميه ورد
بصوت خشن
«،،،،ادللي خالتو ماراح اتاخر عليج
اروح طلقه وارجع صاروخ
««،هههه بس لاتقصفنا
«،،ههه لا خلب وداعتج مابي بارود
طلع من يمي يضحك ابن اختي جان
يحب يشاقه ويحشش هوايه وسوالي جو
بالبيت وطلعني شويه من حاله
الگآبه الي صارت بيه وهم دانيه
وابراهيم مو مقصرين رايحين
جايين عليه يتعللون ونسهر سوه وجنت احب
لمتهم واسويلهم حلويات
ومعجنات
خليت الكيكه بالفرن وكعدت اسوي
خليه نحل سويت تبسي لاختي واليه
افكر بالراتب ودايخه بي جان نصه رايح
للقصط والنص الخ ايجار ومولده
مايبقى غير قليل اسوك
بيهن
وكمت ابيع من ذهبي حتى
مااطلب من احد بس الى متى
يجي يوم ويخلصن
الي عندي
بعت ذهب الي جابه اليه هو وكم هديه
منه لان ماردت اي شي يذكرني
بي وظلن بي الي
اني مسويتهن
اليه
صفنت على ايدي جنت لابسه
اساور تكمه وثكيله وسوار بايدي اللخ
هم تگمه ماجنت اريد ابيعهن
لان معتزه بيهن كلش
بس شاسوي هاي نص الشهر صار واني
ماعندي غير خمسين باالجنطه
جنت متعلمه اصرف ومااشيل هم لان هو
جان ينطيني مصرف بيت من راتبه
بس هسه الوضع اختلف
وصرت وحدي بهل
الدنيا
اذكر اخر اشهر كام مايدير بال للبيت ومايسوك
وكله بره وعذره الشغل دمعتي
نزلت لان جان يجذب
عليه وطلع
مزوج
والي اخذها بعد ماطلگها رجعها بضغط من
اهله بس ماكعدها بيتي لا بنفس
مكانها الي رحت اله
وهو ظل بي
هذا الي عرفته من امل اخته جانت
تحجي بدون مااسالها شي اخر مكالمه
حاولت تصلح الامور بينا
رفضت اسمع وصرت عصبيه وصوتي
طلع عليها لان لحت نهيت
الاتصال
وكمت مااجاوب على اتصالها
ردت ابتعد عنهم وعن
اي شي يربطني بيهم
كلت اذا اتواصل وياها راح اظل اسمع
منها كلام يزيد من وجعي وقهري
واني مو عايزه قهر
هي عرفت الي بيه وانسحبت بس ظلت
ادز فديوات للجمعه ارد
بقلب
سمعت الباب انفتح كلت
«،،اجه يوسف
طب عليه ماادري شبي كال
«،،خاله هذا عمو كريم بالباب ويريد يشوفج
فزيت من مكاني وكلت
«،،وهذا شجابه عليه
«،،مااعرف اني اجيت شفته نازل من
سيارته شافني كال
صيح خالتك
«،،،روح گله ماتجي
«،،اي
طلع من يمي اخذت الشال من
الگرسي لبسته ورحت وكفت يم الباب
اباوع علي شفته يحجي
بعدين كريم تقدم
وشافني وخره
وطب
«،،عمو ووين رايح
يوسف گله ،،،طلعت وصحت
بي بغضب
«،،،انت شتريد مني وليش،جاي
عليه
«،،،جنات اسمعيني بدون ماتصيرين عصبيه
«،،،راح اصيح امي وابويه
يوسف حجه هيج وطلع يركض لبيت
اهله
«،،يولي والله تعبت من فراگج وحتى
ابني من اجه مافرحت بي
عيوني غوركت وگلبي وجعني بس دست
على روحي وكلت
«،،لا افرح كريم لان ردت تصير اب
وهاي الله انطاك ولد وراح يشيل اسمك
ويشيلك بكبرتك
سكت بس الوجه انطعن وصار دم كملت
«،،،وهسه تفضل اطلع
«،،،جنات والله مستعد ارجعلج البيت
بي ارجعي اليه
«،،،اي ساوم بعد كريم وخليك توكع من
عيني بعد اكثر
ابراهيم طب وراه اختي كالت بعصبيه
«،،شنو هالتصرف كريم وليش جاي
عليها مو كلشي انتهى بينكم
ليش جاي هسه
وباي عين
تجي وتوكف كدامها وانت تعرف
شسويت بيها
«،،اني جاي اصلح كلشي
«،،كريم امشي وياي
ابراهيم لزمه سحب ايده ورد بتوسل
«،،،ابو يوسف اوكف وياي انت وام
يوسف والله اني تندمت وكرهت الساعه
الي سمعت بيها كلام اهلي ورحت
تزوجت عليها
دموعي نزلت وجاوبته
««،خلي اهلك يفيدوك هسه لان انت
خسرتني للابد ومستحيل بعد ارجعلك
مشيت لحكني راد يلزمني وخرت بسرعه
رجلي صارت بالساجيه
مال الحديقه التوت
بقوه ووكعت بنصها
عطت من الالم هو مد ايده
يريد يگومني صرخت بي
«،،،عووفني ووولي من وجهي
ابراهيم لزمه واختي اجت عليه كمت
ابجي بقوه اصرخ
«،،خلي يطلع ماااريد اشوف وجهه
ابراهيم اخذه منااا مااريده بعد طلع من
گلبي وكرهت حتى شوفته
تهسترت من سمعت بي صار عند ولد
وروحي انمردت طلع يمشي
بسرعه
«،،،ولج بس كومي من الطين
اختي حجت وياي هي ويوسف شالوني
اريد ادوس على رجلي مااكدر
ابراهيم رجع كالت
اله
«،،،بس لا انكسرت رجلها
«،،بدلي الها وخلي ناخذها للمستشفى
«،اي
اخذوني لجوه اشهك وابجي مو من وجع
رجلي لا من وجعه هو الي ذبحني
وكسر ظهري
دانيه بدلت اليه واخذتني هي ورجلها
للمستشفى اخذولي اشعه طلع
مفصوخ ابراهيم كال
«،،خلي ناخذها لعمتي ترجعه الها
«،،اي هي تعرف
طلعنا من المستشفى ورحنا لبيت عمته
طول الطريق ابجي وصرت فد مره
اختي تتحسب علي
ابراهيم كال
«،،،شلون ويا هذا ليش ماجاي يفهم
كلشي انتهى بينكم
««،باي عين جاي عليها وهذا شلون عرف
هي كعدت بيت وحدها ويمنا
«،،،ماكو شي ينضم علي لان بعده يدور وراها
اندارت عليه وكالت
««كافي بجي ولج مو راح تعمى عيونج
«،،كافي يابه اني راح اتصرف واحجي
ويا
«،،،ماراح يفيد الحجي هذا تخبل من السواه
وتندم
وصلنا لبيت عمته كالت مفصوخ
فصخ قوي سوته اليه وشدت باندج
ورجعنا ماقبلت اظل يمهم رغم الحاح ابراهيم
اختي ظلت يمي هي ويوسف
الليل كله ماغفت عيوني وظل الدمع
ينزل ويحجي كسره گلبي
وجعي جان جبير لان اجاني المه من انسان
حبيته من گل گلبي جنت اشوفه
السند الامان اهلي
وناسي
بس هو باعني لان بطني ماحملت طفل
عبالك هالحب جان مربوط بهل
الشي ومن ماصار
الحب راح
وانتهى
مانمت ولا كدرت اغفى والم كام يدك براسي
بقوه وي الم رجلي وضعي جان
مايسمح اليه ادوام خابرت
اسماء تاخذلي
اجازه بس ماحجيتلها الصار
لان كمت استحي منها
وهم تعبت احجي
قهري الها
اختي سوت ريوك وجابته يمي
كالت
«،،،تريكي واشربي دوه الضغط
«««،مااشتهي
ردت والحزن تارس ملامحها
«،،،لا جنات لازم تاكلين لان وراج دوه
الضغط واكيد هسه صعد من مغثته
لهذا
«،،خلي يصعد بلگي اموت واخلص
كمت اشهك بصوت كملت
«،،،باي عين جاي عليه دانيه لا ويگلي
مافرحت بالولد وهو راح ازوج
عليه من ورايه حتى
يشوفه ويشيل
اسمه
««،،حرك دمج من الله يحرك دمه
««،اي حرك دمي وخلاني اعرف اني الي بيه
عيب وكلام امه طلع صح
من جانت ادكول عليه عاگر
«،،،لااا انتي مابيج شي جنات مو فحصتي
يم احسن دكتوره واكثر من وحده
وكلهن كالن انتي مابيج
شي
«،،،اي لعد ليش،ماصار
«،،،ربج ماراد يصير وبيها حگمه الج
والله رادلج الخير وماانطاج منه ولد بنيه
لان يعرفه هو شنو
سكتت اشهك بالبجي كملت
«،،ولج هو ماصار عندج طفل راح ازوج
عليج لو صايرلج شي لا سامح
الله ونمتي بالفراش
شجان راح يسوي
يزوج اربعه
«،،اي وهم يكول اهلي جبروني
«،،شفتي هذا طلع واحد ماعنده شخصيه
روح روح تعال تعال لو غيره
وصدك يحبج جان
رفض كلامهم
بس هو ماصدك هم يحجون منا
وهو يروح يزوج وكلها سوها سكته
ولو ما هاي مرته تحجي
جان محد عرف بي
ازوج عليج
اجت بالي شلون واكف تباوع عليه
بشماته وهو طلع من يمها
وجان يگلي يم صديق
«،،اكلي لخاطري وفگي ريكج وبعد لاتبجين
من وره بشر مايسوه
حجت هيج وكملت
«،،اروح لبيتي اسوي كم شغله واجيج
«،،اي
طلعت من يمي اباوع للريوك مااكدر
اكل لگمه بس اكلت جبن مثلث
قطعه وحده حتى
اشرب دوايه
وجاي
باوعت للساعه جانت بالعشره
شربت الدوه جهازي دك برساله طلعته
من جوة المخده جان استاذ
ارشد رحت للواتس
قريت
«،،،صباح الخير والحمد لله على سلامتج
سمعت من ست اسماء واكعه ورجلج متأذيه
««،صباح النور استاذ وشكرا الك واسفه
لان اخذت اجازه مره اللخ واعرف
اني بعد ماعندي رصيد
بس يعني مااكدر
امشي على
رجلي واضطريت اطلبها مره
اللخ
اتصل ترددت اجاوب بعدين فتحت
الخط اجاني صوته
«،،سلامتج ست ولا تفكرين بموضوع
الاجازه ارتاحي كم يوم ومن تشوفين روحج
تكدرين تجين دوامي وكل
الهلا بيج
«،،شكرا الك استاذ وان شاء الله مااطول
هن يومين وارجع ادوام
سكت بعدين سال
«،،شبي صوتج
«،،،ها مابي شي
ماحجه شي وطول بعدين كال
«،،اترخص منج ومابيج غير كل العافيه
«،،،تسلم استاذ واكرر شكري الك
«،،،مع السلامه
«،،،سلم وراح كلت عرفني باجيه
لان صوتي جان متغير
ارشد
صفنت على جهازي وكلت
«،،،لا والله بيج شي واكيد احد مبجي
عيونج بس منو اهلج لو ذاك العار رجلج
كمت ورحت للشباج وكفت يمه ادحك
للكراج سيارتها ماكو ومن ماتجي
افگدها بشكل مو طبيعي
حتى الدوام يصير
ثكيل عليه واحس الوگت مايمشي
بسرعه
ذبيت حسره وكلت
«،،اخ ولج سنين مرت وكلت نسيتج
بس شافتج عيوني وصرتي جدامي گلبي
رجع يدك بذيج الدگه وزاد من
تطلگتي وصرتي
حره
بس بعده گلبج ماطاب منه لهذا وياريته
يستاهل تبجين علي ومبهذله
روحج من وراه
اذكر اناقتها اول مااجت هينه من قدمت
الاوراق هي حلوه
كلش،وتعرف شلون
تلبس
اناقتها جانت جاذبه للعيون واكثر من
موظف لمحته يدحك الها باعجاب
وهالشي جان متعب
گلبي جثير
وردت اخفيها عن العيون بس بأي
حگ اسوي هيج وهي لا
مرتي ولا الي
عليها سلطان
جهازي دك رحت علي جان الشيخ
تبع عشيرتها جاوبت
«،،،هلا شيخ مثنى
«،،،هلا شيخ ارشد شلونك يابه وشلون
ابوك واعتذر منك ماجاوبت لان جنت
كاعد بفصل
««،،اي عرفت ومعذور شيخ
«،،تفضل امر عمك
«،،لا العفو مايأمر عليك ظالم والله
ردتك بفزعه
««،ابشر اني عند عيناك وان شاء الله
مقضيه شغلتك بعون الله
«،،ان شاء الله
حجيتله سالفه بيتها سمع وسال
«،،هذا بيع وشراء يعني مالها حگ يمه
بالقانون
«،،اي شيخ اعرف هالشي بس ردت منك
تكعد وي شيخهم وتحگه عشائريا بهل السالفه
يعني هو يعرف كلش،زين هي
جاي تدفع لحد هسه
من راتبها اقصاط
اله وهو لان خلعته ماقبل يرجعه
االها
«،،،تمام اكو شهود علي
«،،،اي ابوها واخوها ورجل اختها
«،،خوش بس سؤال،هي تگربلك
«««لا شيخ هي موظفه عندي وردت اساعدها
««،ها الله يسهل ابني وادلل راح
ادز على شيخ الولد واكعد ويا نتفق
على كعده وادز علي وعلى
شهود البنيه بس
دزلي الاسم مالته كامل كتلي
من يا عشيره هو
كتله الاسم رد
««،ها هذا شيخهم شيخ سالم ونعم الشيخ
مايرضى بالعوجه وحگاني
الرجال
«،،،اي اعرفه وراح ادزلك الاسم
برساله بس،شيخ اني مااريد احد
يدري بهل السالفه اني
مسويها لله وماريد
لا اهلها ولا اي
احد يدري
اني حجيت
وياك بهل السالفه
«،،سرك بير شيخ ارشد وابشر بالخير
وان شاء الله ارجعلها البيت
««،تسلم وبارك الله بيك ماتقصر
«،،سلامي لابوك وگله خلي يمر صارلي
جثير مو شايفه
««،يوصل سلامك وان شاء الله اگله
«،،في امان الله وليدي
«،،،الله وياك
ليلى
قائد ظل يحجي ويايه ويحاول
يرضيني ماقبلت وعراكتنا كثرت وكام
ويطلع من البيت مايرجع الا
بنص الليل مره ومرتين
سواها وتعاركت ويا وعيرته بسالفه النسوان
جنت اعرفه ماراح يكدر يخوني
ابدا بس اني جنت صايره فد مره ومتخبله
هو تحملني كلش وجان يسكت
كمت اشوفه يجي تعبان وصاير فد مره ماما كامت تحجي عليه هي وبابا وكالو راح يصعد
ضغطه من وره العناد مالتج
ومشاگلج
ابدا ماعرفو الي سواه لان اني ماحجيت
العرفته منه ضميته بگلبي حتى
مايوكع من عيونهم
الصبح ذبيت من راسي وصرت فد مره
كال لادوامين جاوبته
بعناد
«،،،لا اروح
«،،،يولي وضعج مو تمام اكعدي
وارتاحي بالبيت
«،،مااريد اظل هنا
«،،يعني شلون الا تكعين هناك ويصير بيج
شي
«،،،ماراح يصير اي شي وراح ادوام
«،،دوام ماكو واريد المره الي تطلع ورايه
بالقران اسوي شي مو صاير
هدد جاوبته بنتره
«،،شتريد تسوي قائد تضربني
صاح
«،،شوكت اني ضربتج حتى اضربج هسه
سكتت كمل
«،،ليلى كافي عناد ومشاكل تره تعبت ومليت
من هالحياه وهالعيشه
«،،من ايدك انت لو ساكت جان لا انت
عشت هالعيشه ولا اني
عشت بهل القهر
«،،،،مااريد احجي بنفس الموضوع لان تعبان
ومالي خلك
جاوب هيج واخذ السويج والمحفظه
وطلع
دوامت مخنوكه ودمعتي بعيوني الضحى
حسيت بدوخه زادت وي الوقت
كلت خلي اخذ اجازه
وارجع لبيت
اخذتها وشلت جنطتي وطلعت بالممر
شفت دكتور رواد جاي باتجاهي
وهذا رغم عرف بيه ازوجت
ماجاز مني ظل
كل فتره يجي بحجه ياخذ دوه لامه
يحجي وياي واشوف منه نفس
النظرات سلم
«،،،شلونج ست ليلي
«،،،اهلا دكتور
«،،،ها اشوفج طالعه خير بيج
شي
«،،،شويه تعبانه
جاوبته مشيت هو مشى وياي وكال
«،،وشلون راح ترجعين وانتي هيج تعبانه
ومبين عليج دايخه
«،،اكدر ارجع دكتور والدوخه خفيفه
مو قويه
لزك وجاوب
«،،خلي اوصلج
«««مايحتاج
««،لا شلون اخليج تروحين وحدج وانتي
بهل الوضع
ردت احجي بس راسي افتر ودخت كلش
مديت ايدي اريد الزم الحايط
بس جان بعيد هو بسرعه
لزمني وكال
«،،هاي شبيج دختي موو
سحبت روحي منه رجع لزمني ردت
احجي،،،، فزيت من شفت
قائد جاي بسرعه
علينا ويخزر
بي
شكرا لزيارتكم عالم روايات سكيرهوم
