رواية كوميديا سوداء الفصل الرابع و الثلاثون بقلم ليل ادم
ريهام: ينهار ابيض مش قادره من كتر الضحك انت مشكله
احمد : دا كان يوم ازرق بلاش افتكره اول و اخر مره
جميله: انت تستاهل حد قالك تروح مكان مش عارفه
احمد : انتي ع طول كده حتت بومه مفيش مره تقولي كلمه حلوه
جميله: أنا بومه يا احمد
احمد : يابت هيا البومه دي حاجه وحشه انتي مش عارفه حاجه وربنا
ريهام: الحمد لله الفطار معاكم يفتح النفس
احمد : معايا أنا بس صح
ريهام: وجميله برضوه
الدكتور خالد: صباح الخير
احمد : تعالي أفطر معانا حماتك بتحبك يا دكتور خالد
الدكتور خالد: الله يرحمها
احمد : شوفت بقا بتحبك اذاي
خالد : لو كريمه سمعتك هتعلقك على باب المستشفى
احمد : حرام عليك دي شكلها طيب
الدكتور علي: اولا كده صباح الخير ثانياً مفيش ست في الكوكب طيبه (وبيضحك)
ريهام: لي بقا أن شاء الله
الدكتور علي: إلا انتي طبعاً يا ريهام وسع انت مش فطرت
احمد : ما تقعد هنا هو لازم اقوم
الدكتور علي: انت لمض لماضه قوم ياض
احمد : حاضر منا عارف انا أسطبحت ب وش مين
جميله: سامع يا استاذ علي كلامه السم
احمد : وهيا مالها طيب انا جبت سيرتها الوقتي
جميله: (بتنغز احمد في كتفه ) لا بتبصلي أنا فاهمه دماغك دي
الدكتور خالد: دماغ اي اللي فهمها هو ده حد يقدر يستوعبه
ريهام: بصراحه عنده حق يا احمد
باب الغرفه بيخبط
ريهام: اتفضل
معتز: دكتور خالد التحاليل اللي حضرتك طلبتها وصلت
الدكتور خالد: والله طب تمام هات نعرضها على الجميع ناخد الرأي
ريهام: التحاليل دي من بره المستشفى صح
الدكتور خالد: اه دا مريض عندي من امبارح عمل التحليل في المستشفى بس كانت فيها لخبطة خرجت عملتها بره
احمد : تاني
خالد: مكنتش عايز اقول قصادك انت بالذات أنا اللي دافع حقها يا مستفذ خد الفحوصات من معتز وسمعنا بتقول اي
احمد : بعد اذنك يا معتز
معتز: اتفضل
احمد : النسب كلها كويسه بس الكرياتنين عالي درجتين والدهون الثلاثية برضوه عاليه ونسبه نقرص
الدكتور خالد: دي رابع مره يتعالج من نفس المشكلة ويرجع بعد فتره يتعب تاني ونفس اللفه
الدكتور علي: يمكن دهون على الكبد مثلاً
الدكتور خالد: قولت كده بس طلعت كويسه
جميله: ممكن يكون كسل كبد او كلي
احمد : لا صعب علشان باقي وظائف الكلي تمام
خالد: مش عارف اعمله اي تاني
احمد : هو بيشتكي من العظام في حاجه
خالد: مش عارف بس ليه
احمد : انت فطرت
خالد : اه الحمد لله
احمد : الساعه كام الوقتي
ريهام: فاضل خمس دقائق وكل وحد يكون مكانه
احمد : لا حلو كده تعالي نروح نكشف عليه قبل ما انزل الطوارئ
باب الغرفه اتفتح
مريم : صباح الخير
احمد : خلاص روح اكشف عليه و معاك الدكتور علي يا استاذ خالد أنا قاعد الخمس دقائق دول
ريهام: اه فهمت لا يا حلو على شغلك ياله
جميله: ذوقك وحش اوي على فكره
احمد : ربنا يعملك كفته ومن غير ملح يا بعيده اي الكدب ده
الدكتور خالد: ياله أنا جاهز
احمد : ياله ما أنا اللي انسحبت من لساني
بعد دخول احمد الي المريض
الدكتور خالد: ها عامل اي الوقتي يا بطل
المريض: الحمد لله احسن كتير
الدكتور خالد: الدكتور أحمد جاي يكشف عليك قبل ما أكتبلك على خروج أبسط ياعم اهم دكتور في القاهره حالياً بنفسه بيكشف عليك
المريض: ربنا يبارك فيكم جميعاً يارب يا دكتور احمد
احمد : ربنا يخليك يا محمد قولي بقا انت بتشتكي من عضمك
محمد: لا خالص بس تنميل في الاطراف ممكن احس نغزه في قلبي ممكن دراعي الشمال يتقل شويه
احمد : دا طبيعي نتيجه أن الدهون الثلاثية مش مظبوطه
محمد: أنا بخاف ع نفسي لما بيحصل كده معايا
احمد : انت بتشرب مياه كويس يا محمد
محمد : اه الموضوع ده بالذات باخد بالي منه جدا صيف شتاء
احمد : جدع
الدكتور خالد: ها يا احمد في حاجه ولا تمام نمشي على نفس وتيرة كل مره
احمد : كل حاجه طبيعية بس النسب دي لعبها في جسمه خطر ومش طبيعي لازم يكون في تشخيص
الدكتور خالد: اديك شايف مفيش حاجه نقدر نقول أنها سبب
احمد: محمد أنا عايز اسألك سؤال بس عايزك تكون صريح لمصلحة حالك
محمد: حاضر والله مش هكدب
احمد : انت متجوز صح
محمد: اه متجوز
احمد : انت بتاخد محفز جنسي
محمد: بصراحه ساعات
احمد : لا مش ساعات انت بتاخد بأستمرار لو مش عايز تقول خليك زاي ما انت مش هضغط عليك بس انت المسؤول عن أي حاجه تحصل معاك
محمد: باخد برشام اسمه ------------- ومش باخد اي حاجه تانيه والله ولا بشرب اكتر من السيجارة
الدكتور خالد: وسايبني ألف حوالين نفسي بقالي سنه مش لقي ليك حل ما تنطق
محمد : هو ده ليه علاقه بكل اللي بحكي في
الدكتور خالد: طبعاً لي عامل يا اخي البرشام ده توقفه فوراً وترجع ل دكتور مختص تعرف منه أي احسن حاجه تنفع مع حالتك و سنك انت كان ممكن تموت في مره ومحدش يعرف سبب الموته
محمد: ينهار لا والله ما هاخد حاجه تانيه لا هو ولا غيره
احمد : ياريت يا محمد علشان قلبك كان هيتضرر بعد اذنك
الدكتور خالد: استنا عايزك يا احمد
احمد : تحت امرك يا دكتور خالد
خالد: (بعد الخروج من الغرفه ) عرفت منين أنه بياخد برشام جنسي
احمد : من رعشه ايده و ضعف جسمه العام كل دي مؤشرات أن الجسم بيعمل مجهود مضاعف كل يوم
خالد : برافو عليك يا احمد ماشاء الله عليك
تليفون احمد رن
احمد : الو
الدكتور علي: خلصت
احمد : اه تمام
الدكتور علي: أنزلي الطوارئ في حالات كتير عندي اوي
احمد : حاضر عشر دقائق واكون عندك
الدكتور خالد: معنديش حاجة تعالي انزل معاكم النهارده الطوارئ
احمد: ياريت والله
خالد:: ياله
بعد النزول إلى الطوارئ
خالد: دكتور علي محتاجني معاك
الدكتور علي: طبعا هو أنا أقدر استغنى عنك يادكتور خالد خد المكتب اللي جمبي ومعاك احمد
مس غاده: دكتور علي في حالة بره تعبانه جدا بس درجة حرارة مرتفعة جدا وشكله داخل على جفاف
الدكتور علي: احمد خد المريض ده الغرفه اللي جمبنا بسرعه معاه يا جميله
جميله: حاضر
احمد : دخلي الحالة يا مس غاده
احمد : (أول ما شاف الحاله) جميله البسي مسك و هاتي واحده أنا كمان مس غاده أعزلي نفسك بسرعه
جميله : في يا احمد
احمد : مرض وبائي محدش يدخل الغرفه يا جميله
جميله: (قفلت الباب عليهم وبدأت تاخد الحذر هيا و احمد أثناء التعامل مع الحاله ومس غاده دخلت غرفه عزل ووصل الخبر الي الدكتور علي طلب من الجميع إخلاء المستشفى ما عدا كل من أختلط ب الحاله لحد ما يتم سحب عينات من الجميع وتحديد مين المصاب من الغير مصاب وتم رفع حالة الطوارئ في المستشفى
